កូវីដ-១៩
អង់គ្លេស ប្រកាសមានអ្នកស្លាប់ប្រចាំថ្ងៃដោយសារកូវីដខ្ពស់បំផុត ចាប់តាំងពីខែមីនា
យោងតាមទិន្នន័យផ្លូវការដែលបានចេញផ្សាយកាលពីថ្ងៃអង្គារបានឲ្យដឹងថា ចក្រភពអង់គ្លេសបានកត់ត្រាការស្លាប់ដោយសារជំងឺកូវីដ ១៩ ចំនួន ១៤៦ នាក់បន្ថែមទៀត ហើយជាតួលេខអ្នកស្លាប់ប្រចាំថ្ងៃខ្ពស់បំផុត ចាប់តាំងពីថ្ងៃទី ១២ ខែមីនា ។
ចំនួនសរុបនៃការស្លាប់ដោយសារជំងឺកូវីដ ១៩ នៅចក្រភពអង់គ្លេស បច្ចុប្បន្ននេះមានចំនួន ១៣០,៥០៣ នាក់ ។ តួលេខទាំងនេះរួមបញ្ចូលទាំងការស្លាប់របស់មនុស្សក្នុងរយៈពេល ២៨ ថ្ងៃ នៃការធ្វើតេស្តវិជ្ជមានលើកដំបូងរបស់ពួកគេ ។
ទន្ទឹមនោះ ប្រទេសនេះក៏បានរាយការណ៍ពីករណីឆ្លងថ្មីចំនួន ២៣,៥១០ ករណីផងដែរ ក្នុងរយៈពេល ២៤ ម៉ោងចុងក្រោយនេះ ដែលនាំឲ្យករណីឆ្លងសរុបរបស់អង់គ្លេសកើនឡើងដល់ ៦,១១៧,៥៤០ ករណី ។
យោងតាមសេចក្តីថ្លែងការណ៍ពីនាយកដ្ឋានសុខភាព និងថែទាំសង្គមបានឲ្យដឹងថា ស្របពេលជាមួយគ្នានេះ មនុស្សពេញវ័យចំនួន ៣ ភាគ ៤ នៅចក្រភពអង់គ្លេស បានទទួលការចាក់វ៉ាក់សាំងការពារជំងឺកូវីដ ១៩ ចំនួន ២ ដូស ។
ចំណែកទិន្នន័យចុងក្រោយពីសុខភាពសាធារណៈប្រទេសអង់គ្លេស (PHE) បានបង្ហាញថា វ៉ាក់សាំងការពារជំងឺកូវីដ ១៩ មានប្រសិទ្ធភាពខ្ពស់ ប្រឆាំងនឹងការចូលសម្រាកព្យាបាលនៅមន្ទីរពេទ្យ ពីវីរុសបំប្លែងខ្លួនឥណ្ឌា “Delta” ។
ការវិភាគបានបង្ហាញថា វ៉ាក់សាំង Pfizer-BioNTech មានប្រសិទ្ធភាព ៩៦ ភាគរយ ហើយវ៉ាក់សាំង Oxford-AstraZeneca មានប្រសិទ្ធភាព ៩២ ភាគរយ ប្រឆាំងនឹងការចូលសម្រាកព្យាបាលនៅមន្ទីរពេទ្យ បន្ទាប់ពីចាក់ ២ ដូស ខណៈបច្ចុប្បន្នវីរុសបំប្លែងខ្លួនឥណ្ឌា “Delta” គឺជាវ៉ារ្យង់កំពុងគ្រប់គ្រងនៅក្នុងប្រទេសអង់គ្លេស ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ អង់គ្លេស ផ្ទុះវីរុសកូវីដបំប្លែងខ្លួនមួយទៀត ជាប្រភេទមេរោគមិនខ្លាចវ៉ាក់សាំង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore