ពិព័រណ៍ការងារ និងផលិតភាពជាតិ ឆ្នាំ២០២៥ ត្រូវបានសហការរៀបចំ ដោយទីភ្នាក់ងារជាតិមុខរបរ និងការងារនៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជារាជធានីភ្នំពេញ សមាគមវាយនភណ្ឌ សម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា និងទទួលបានការគាំទ្រដោយអង្គការអន្តរជាតិខាងការងារ (ILO) ទីភ្នាក់ងារសហប្រតិបត្តិការអន្តរជាតិកូរ៉េ (KOICA) មូលនិធិអភិវឌ្ឍន៍ជំនាញ សមាគមសហគ្រិនវ័យក្មេងកម្ពុជា និងវេសឡាញ អេឌ្យូខេសិន គ្រុប ព្រមទាំងដៃគូពាក់ព័ន្ធជាច្រើនទៀត។

អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ លោក ស៊ុន មេសា ឱ្យដឹងថា ក្រុមហ៊ុន រោងចក្រ និងសហគ្រាសធំៗចំនួន ១៥០  មកពីវិស័យសំខាន់ៗ វិស័យហិរញ្ញវត្ថុ  ធនាគារ មីក្រូហិរញ្ញវត្ថុ ធានារ៉ាប់រង  វិស័យព័ត៌មានវិទ្យា វិស័យសំណង់ ឧស្សាហកម្មយានយន្ត រោងចក្រសហគ្រាស ផ្នែកកម្មន្តសាល ផ្នែកកាត់ដេរ និងស្ថាប័នផ្សេងទៀតៗដែលត្រូវការបុគ្គលិក។

លោក អះអាងថា គោលបំណងសំខាន់ៗនៃព្រឹត្តិការណ៍ដ៏ធំនាពេលនេះ គឺដើម្បីបន្តរក្សាតុល្យភាពក្នុងទីផ្សារការងារតាមរយៈការជួយជ្រោមជ្រែងនិយោជកដែលមានតម្រូវការជ្រើសរើសកម្លាំងពលកម្ម និងអ្នកស្វែងរកការងារ បង្កើតឱ្យមានកន្លែងជួបជុំគ្នាដ៏ធំ និងងាយស្រួលរវាងអ្នកស្វែងរកការងារ និយោជក អ្នកផ្តល់ការអប់រំបណ្ដុះបណ្ដាល និងដៃគូពាក់ព័ន្ធនានា ដើម្បីធ្វើការផ្លាស់ប្ដូរ និងចែករំលែកព័ត៌មានទីផ្សារការងារ ហើយក៏មានការរៀបចំផងដែលនូវសិក្ខាសាលាផលិតភាពដើម្បីលើកកម្ពស់ការយល់ដឹងស្តីពីការបង្កើនផលិតភាពការងារដោយមានការចែករំលែកចំណេះដឹង និងបទពិសោធន៍ពីវាគ្មិនជំនាញជាច្រើន។

អ្នកនាំពាក្យចាត់ទុកព្រឹត្តិការណ៍ដ៏ធំប្រចាំឆ្នាំនេះ ជាវេទិកាសម្រាប់អ្នកដែលកំពុងស្វែងរកការងារធ្វើ អាចរកបានការងារដែលស្របនឹងសមត្ថភាពជំនាញ និងក្ដីស្រឡាញ់របស់ខ្លួននៅមួយកន្លែងជាមួយនឹងជម្រើសការងារសម្បូរបែប ចំណែកក្រុមហ៊ុនដែលកំពុងខ្វះបុគ្គលិកអាចផ្សព្វផ្សាយតម្រូវការបុគ្គលិករបស់ក្រុមហ៊ុន អំពីសក្ដានុពលរបស់ខ្លួន ដើម្បីជ្រើសរើសបានជ្រើសរើសបានធនធានមនុស្សដែលសំខាន់ៗ មានសមត្ថភាពយកទៅបំពេញការងារនៅក្នុងក្រុមហ៊ុនរបស់ខ្លួនស្របតាមតម្រូវការជាក់ស្ដែង។

អ្នកនាំពាក្យបន្ថែមថា ពិព័រណ៍ការងារ និងផលិតភាពជាតិលើកទី១៥នេះ រៀបចំឡើង ដើម្បីបន្តផ្សព្វផ្សាយអំពីកំណើនផលិតភាពការងាររបស់កម្ពុជា និងបន្តបង្កើតឱ្យមានការយល់ដឹង និងបណ្ដុះផ្នត់គំនិតឱ្យយុវជនកម្ពុជាយល់ដឹងថា យុវជនគឺជាផ្នែកមួយដ៏សំខាន់ នៃកម្លាំងពលកម្មដែលបាននិងកំពុងជំរុញផលិតភាព និងកំណើនសេដ្ឋកិច្ចរបស់ជាតិ។

លោក សន ប៊ុនមាន ប្រធានលេខាធិការដ្ឋាន ស.ស.យ.ក រាជធានីភ្នំពេញ បានលើកឡើងនៅក្នុងសន្និសីទសារព័ត៌មានថា ស.ស.យ.ក រាជធានីភ្នំពេញ បានធ្វើជាដៃគូជាមួយនឹង NEA ចាប់តាំងពីពិព័រណ៌ការងារចាប់ផ្តើមជាលើកដំបូងមក ហើយតែងតែជួយផ្សព្វផ្សាយដើម្បីជំរុញឲ្យមានការចូលរួមកាន់តែច្រើនតាមរយៈបណ្តាញ ស.ស.យ.ក. នៅទូទាំងប្រទេសផងដែរ។

លោកចាត់ទុកពិព័រណ៍ការងារនេះ គឺជាឱកាសដ៏ល្អសម្រាប់យុវជនទៅស្វែងរកការងារ និងស្វែងយល់ពីតម្រូវការជំនាញក្នុងទីផ្សារការងារ ហើយលោកក៏បានអំពាវនាដល់យុវជនទាំងអស់ ឲ្យរៀបចំ CV ឲ្យបានច្រើនដើម្បីដាក់ពាក្យ និងសម្ភាសការងារភ្លាមៗនៅក្នុងពិព័រណ៍រយៈពេល ២ថ្ងៃ នេះផងដែរ។

លោក លី តិកហេង តំណាងសមាគម TAFTAC បានសង្កត់ធ្ងន់លើសារៈសំខាន់នៃផលិតភាពការងារនៅក្នុងទីផ្សារការងារនាពេលបច្ចុប្បន្នផងដែរ ដោយលោកបញ្ជាក់ថា ការរៀបចំពិព័រណ៍ការងារនិងផលិតភាពជាតិនេះ គឺមិនអាចមិនគិតពីប្រធានបទផលិតភាពការងារបានទេ ព្រោះក្រុមហ៊ុន រោងចក្រ សហគ្រាសដែលជ្រើសរើសបុគ្គលិកមកធ្វើការ គឺតែងតែយកចិត្តទុកដាក់លើផលិតភាពការងាររបស់បុគ្គលិកខ្លួន។

លោកបន្តថា ពិព័រណ៍ការងារ នឹងមានការរៀបចំជាសិក្ខាសាលាផលិតភាពដែលនឹងផ្តោតលើប្រធានបទ «វិថីឆ្ពោះទៅរកផលិតភាព៖ ផ្សារភ្ជាប់ជំនាញ បច្ចេកវិទ្យា និងឱកាសការងារ»ដែលនឹងមានការចូលរួមចែករំលែកចំណេះដឹង និងបទពិសោធន៍ជុំវិញប្រធានបទផលិតភាពពីសំណាក់វាគ្មិនជំនាញជាច្រើនរូបផងដែរ។

តំណាងក្រុមហ៊ុន ដែលនឹងចូលរួមក្នុងពិព័រណ៍ការងារ និងផលិតភាពជាតិ បានអំពាវនាវទៅកាន់យុវជន សិស្ស/និសិ្សត និងអ្នកស្វែងរកការរងារ  កុំភ្លេចចូលរួមឱ្យបានកុះករ និងត្រៀម CV ឱ្យបានច្រើន ដើម្បីចូលរួមដាក់ពាក្យ និងសម្ភាសការងារភ្លាមៗជាមួយតំណាងក្រុមហ៊ុនធំៗជាច្រើន និងអាចចូលរួមក្នុងសិក្ខាសាលាអំពីការលើកកម្ពស់ផលិតភាពដែលមានការចែករំលែកចំណេះដឹង និងបទពិសោធន៍ល្អៗពីសំណាក់វាគ្មិនជំនាញជាច្រើនផងដែរ។

គួរបញ្ជាក់ផងដែរថា ពិព័រណ៍ការងារ និងផលិតភាពជាតិ ឆ្នាំ២០២៥ ក៏នឹងត្រូវរៀបចំតាមប្រព័ន្ធអនឡាញផងដែរ ដែលអ្នកស្វែងរកការងារធ្វើនៅទូទាំងប្រទេស អាចដាក់ពាក្យស្វែងរកការងារធ្វើតាមប្រព័ន្ធអនឡាញបានតាមរយៈ គេហទំព័រពិព័រណ៌ការងារ https://careerfair.nea.gov.kh/ សម្រាប់ព័ត៌មានបន្ថែម សូមទាក់ទងតាមរយៈលេខទូរសព្ទ ០១៧ ៤៦៧ ៤២៣ ឬ លេខ Hotline របស់ក្រសួងការងារ ១២៩៧ ឬ ១២៨៦៕

The post ឱកាសការងារ៣ម៉ឺនកន្លែងកំពុងរងចាំអ្នកស្វែងរកការងារធ្វើ នៅពិពរណ៍ការងារ និងផលិតភាពជាតិ រៀបចំឡើងដើមខែក្រោយ appeared first on Kampuchea Thmey Daily.

ប្រភេទមុខរបរទាំង១០ ដែលត្រូវបានប្រកាសជ្រើសរើសទៅតាមវិស័យរួមមាន អ្នកបញ្ជាម៉ាស៊ីនសេរ កម្មករវេចខ្ចប់ដោយដៃ កម្មករចំការដំណាំ កម្មករក្នុងផលិតកម្ម យន្តការី និងអ្នកតម្លើងអគ្គិសនី វិជ្ជាជីវៈខាងការផ្សព្វផ្សាយ និងទីផ្សារ មន្រ្តីឥនទាន និងប្រាក់កម្ចី កម្មដំណាំចម្រុះ និងចិញ្ចឹមបសុសត្វ អ្នកធ្វើការក្នុងកាស៊ីណូ និងអ្នកបច្ចេកទេសត្រួតពិនិត្យដំណើរការផលិត និងមុខរបរផ្សេងទៀត។

ព័ត៌មានបន្ថែមពីឱកាសការងារ បងប្អូន យុវជន សិស្ស និស្សិត អាចទាក់ទងទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ តាមរយៈទូរស័ព្ទ ១២៩៧ ឬ ១២៨៦ ឬ តេលេក្រាម និង CoolApp លេខ ០៧៧ ២៣ ២៣ ៧៨ ដើម្បីចុះឈ្មោះ និងសម្ភាសភ្លាមៗ៕

The post ឱកាសការងារជាង ៦០ ០០០ កន្លែង កំពុងរង់ចាំអ្នក appeared first on Kampuchea Thmey Daily.

លោកស្រី លោកស្រី វង វណ្ណារី មន្ត្រីជ្រើសរើសបុគ្គលិកជាន់ខ្ពស់ គ្រឹះស្ថានមីក្រូហិរញ្ញវត្ថុ AMK មើលឃើញថា វេទិកាការងារតាមសាកលវិទ្យាល័យ គឺជាយុទ្ធសាស្ត្រមួយទៀតរបស់ NEA ក្នុងការនាំយកឱកាសការងារទៅកាន់និស្សិតដែលកំពុងសិក្សាហើយពុំមានពេលវេលាគ្រប់គ្រាន់ដើម្បីស្វែងរកការងារធ្វើ។ លោកស្រីបញ្ជាក់ថា៖ «នាងខ្ញុំពិតជាសរសើរ NEA ណាស់ដែលបានរកគ្រប់វិធីសាស្ត្រជាច្រើនសំដៅជួយដល់និស្សិតឱ្យបានស្គាល់ពីក្រុមហ៊ុន ពិសេសបានដឹងពីព័ត៌មានទីផ្សារការងារ»។

លោក រ៉េត សាគា  ប្រធានផ្នែកជ្រើសរើសបុគ្គលិក និងផ្សព្វផ្សាយក្រុមហ៊ុន  ធនាគារឯកទេស អ៊ីអន ( ខេមបូឌា) ភីអិលស៊ី លើកឡើងថា ធនាគារពិតជាមានអារម្មណ៏សប្បាយរីករាយ ដែលបានសហកាយ៉ាងជិតស្និទ្ធជាមួយ NEA ក្នុងកម្មវិធីវេទិកាការងារផ្សេងៗ និងនៅតាមសាកលវិទ្យាល័យ និងវិទ្យាស្ថានផ្សេងៗផងដែរ។ លោក សាគា បន្ថែមថា៖ «ខ្ញុំមើលឃើញថាវេទិកាការងារតាមបណ្តាគ្រឹះស្ថានអប់រំនានាគឺជារបត់ថ្មីមួយក្នុងការនាំយកឱកាសការងារដល់កន្លែងសម្រាប់សិស្សនិស្សិត ពិសេសសកម្មភាពការងារដែលសម្របសម្រួលដោយNEA គឺមានលទ្ធផលល្អ និងការសហការយ៉ាងកក់ក្តៅផងដែរពីគ្រប់ភាគីទាំងវិស័យរដ្ឋ និងឯកជន»។

យុវជន សិស្ស-និស្សិត ដែលកំពុងស្វែងរកការងារ ឬចង់ផ្លាស់ប្តូរការងារ សូមត្រៀម CV ដើម្បីដាក់ពាក្យ និងសម្ភាសការងារភ្លាមៗជាមួយតំណាងក្រុមហ៊ុនទាំង ២២។ យុវជន ក៏អាចចូលរួមក្នុងសិក្ខាសាលា ដែលនឹងមានការចូលរួមចែករំលែកចំណេះដឹង និងបទពិសោធន៍ល្អៗពីសំណាក់វាគ្មិនជំនាញៗ ពីសារៈសំខាន់នៃការត្រៀមខ្លួនចូលទីផ្សារការងារ ផងដែរ។

ព័ត៌មានបន្ថែម សូមទាក់ទងមកកាន់ NEA តាមរយៈលេខ ០១២ ៩០៦ ៦៦៤ / ០១៦ ៧៨៦ ៦៥៥ (Telegram) ឬ គេហទំព័រ www.nea.gov.kh និងទំព័រ Facebook (neakhmer)៕

The post NEA សហការជាមួយសាកលវិទ្យាល័យភូមិន្ទនីតិសាស្ត្រ រៀបចំវេទិកាការងារ នៅថ្ងៃទី ៦ មីនា នេះ នាំយកឱកាសការងារជាង ២ ពាន់កន្លែង appeared first on Kampuchea Thmey Daily.

បើ​តាម​ទីភ្នាក់ងារ​ជាតិ​មុខរបរ និង​ការងារ (NEA) ក៏បាន​ផ្គូផ្គង និង​បញ្ជូន​អ្នកស្វែងរក​ការងារ​ទៅឱ្យ​និយោជក​ចំនួន​២៤៤២​នាក់​និង​ជួយ​អ្នកស្វែងរក​ការងារ​ទទួល​បានការ​ងារ​ធ្វើបាន​ចំនួន ៤៨៦​នាក់​ក្នុង​ពេញ​មួយខែ​មករា ឆ្នាំ​២០២៤​នេះ ខណៈ​មកទល់​ខែកុម្ភៈ​នេះ​មាន​ពលរដ្ឋ​យុវជន បានមក​ដាក់ពាក្យ​រក​ការងារ​ធ្វើជា​បន្តបន្ទាប់​ហូរហែ​ផងដែរ​។

ទីភ្នាក់ងារ​ជាតិ​មុខរបរ និង​ការងារ (NEA) នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បានរៀបចំ​កម្មវិធី​ជាច្រើន​ដើម្បី​ផ្តល់​ព័ត៌មាន​អំពី​ឱកាស​ការងារ​ទៅដល់​ពលរដ្ឋ​ក្នុងនោះដែរ​មាន​ទាំង​ពិព័រណ៍​ការងារ​សម្រាប់​ដាក់​បង្ហាញ​ឱកាស​ការងារ​ជូន​សាធារណជន ថែមទាំង​មានកម្ម​វិធី​ពិព័រណ៍​ការងារ​ចល័ត រៀបចំ​សិក្ខាសាលា​ស្តីពី​ការណែនាំ​អាជីព​ការងារ និង​វិជ្ជាជីវៈ​សម្រាប់​សិស្ស​និស្សិត​នៅ​គ្រឹះស្ថាន​អប់រំ​បណ្តុះបណ្តាល​បច្ចេកទេស និង​វិជ្ជាជីវៈ និង​សាកលវិទ្យាល័យ​ផងដែរ​។

​កាលពី​ថ្ងៃទី​១២ ខែកុម្ភៈ ឆ្នាំ​២០២៤​កន្លងទៅនេះ ទីភ្នាក់ងារ​ជាតិ​មុខរបរ និង​ការងារ (NEA) បានរៀបចំ​ឱកាស​ការងារ​ក្នុងស្រុក​ចំនួន មាន​ចំនួន ៣៥ ០៧៤ កន្លែង នៅ​ទូទាំងប្រទេស​។ យុវជន សិស្ស និស្សិត ពិសេស សិក្ខាកាម​ដែល​បាន​បញ្ចប់​វគ្គ​បណ្តុះបណ្តាល​ជំនាញ​វិជ្ជាជីវៈ និង​បច្ចេកទេស ធ្វើការ​ទំនាក់ទំនង​ទៅកាន់​ទីភ្នាក់ងារ​ជាតិ​មុខរបរ និង​ការងារ (NEA) នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ តាមរយៈ​ទូរស័ព្ទ 077 23 23 78 ឬ 1297 សម្រាប់​ព័ត៌មាន​បន្ថែម ដើម្បី​ទទួលបាន​ឱកាស​ការងារ​សមរម្យ និង​ព័ត៌មាន​ទីផ្សារការងារ៕

The post ខែមករា ​៖ ទីភ្នាក់ងារ​ជាតិ​មុខរបរ និង​ការងារ (NEA) នៃ​ក្រសួង​ការងារ​ទទួល​បាន​អ្នក​មក​ចុះឈ្មោះ​ស្វែងរក​ការងារ​ជាង​៣​ពាន់​នាក់ appeared first on Kampuchea Thmey Daily.

​កញ្ញា ជាវ មួយគីម មកវិទ្យាស្ថានបណ្តុះបណ្តាលបច្ចេក ជំនាញវិស្វកម្មអគ្គីសនី ដែលបានសម្ភាស​ជាប់បឋមនៅក្រុមហ៊ុន DDD មើលឃើញថា វេទិកាការងារនេះគឺពិតជា​បានរួមចំណែកយ៉ាងធំធេងក្នុងការជួយដល់អ្នកមានបំណងចង់ស្វែងរកការងារធ្វើ ឬចង់ផ្លាស់ប្តូរការងារឲ្យបានជួបជាមួយនិយោជក។

មួយគីមបន្ថែមថា កន្លងមកខ្លួនមិនដែលដឹងថា NEA មានរៀបចំវេទិកាដូចនេះទេ ពេលដែលខ្លួនចង់រកការងារធ្វើ នាងតែងតែមើលលើគេហៈទំព័រ (web) ផ្សេងៗ ហើយក៏ដាក់ពាក្យទៀតសោតក៏មានការរង់ចាំយូរទម្រាំតែគេតែហៅទៅសម្ភាស ហើយពេលខ្លះក៏អត់មានអ្នកតេហៅទៅសម្ភាសដែរ។

កញ្ញាពិតជាអរគុណណាស់ដែល NEA រៀបចំវេទិកាការងារនេះឡើង ហើយកញ្ញាពិតជារំភើបណាស់ក្រោយទទួលបានដំណឹងថាជាប់ការងារនៅក្រុមហ៊ុន DDD៕

The post ​យុវជន ១៥១ រូប ជាប់សម្ភាសការងារនៅវេទិកា NEA appeared first on Kampuchea Thmey Daily.