ឱកាសការងារជាង ៦០ ០០០ កន្លែង កំពុងរង់ចាំអ្នក

ទីភ្នាក់ងារជាតិមុខរបរ និងការងារ(NEA) នៃក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី០៨ ខែកុម្ភៈ ឆ្នាំ២០២៥នេះ ប្រកាសផ្តល់ឱកាសការងារចំនួន ៦០ ៩០៨ កន្លែង ជូនអ្នកកំពុងស្វែងរកការងារធ្វើទៅតាមវិស័យធំៗចំនួន៣។ ការងារទាំងនោះរួមមាន ផ្នែកឧស្សាហកម្ម ៤៩ ៤៥១​ កន្លែង សេវាកម្ម ៦៩ ៧៥ និងផ្នែកសិកម្ម ៥៤៨២ កន្លែង។

ប្រភេទមុខរបរទាំង១០ ដែលត្រូវបានប្រកាសជ្រើសរើសទៅតាមវិស័យរួមមាន អ្នកបញ្ជាម៉ាស៊ីនសេរ កម្មករវេចខ្ចប់ដោយដៃ កម្មករចំការដំណាំ កម្មករក្នុងផលិតកម្ម យន្តការី និងអ្នកតម្លើងអគ្គិសនី វិជ្ជាជីវៈខាងការផ្សព្វផ្សាយ និងទីផ្សារ មន្រ្តីឥនទាន និងប្រាក់កម្ចី កម្មដំណាំចម្រុះ និងចិញ្ចឹមបសុសត្វ អ្នកធ្វើការក្នុងកាស៊ីណូ និងអ្នកបច្ចេកទេសត្រួតពិនិត្យដំណើរការផលិត និងមុខរបរផ្សេងទៀត។

ព័ត៌មានបន្ថែមពីឱកាសការងារ បងប្អូន យុវជន សិស្ស និស្សិត អាចទាក់ទងទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ តាមរយៈទូរស័ព្ទ ១២៩៧ ឬ ១២៨៦ ឬ តេលេក្រាម និង CoolApp លេខ ០៧៧ ២៣ ២៣ ៧៨ ដើម្បីចុះឈ្មោះ និងសម្ភាសភ្លាមៗ៕