លោក លី ថៃ អនុប្រធាន​នាយក​ប្រតិបត្តិ និង​ជា​គណៈ​ប្រធាន​នាយក​ប្រតិបត្តិ​អភិបាលកិច្ច នៃ​ធនាគារ​អេស៊ីលីដា​ភីអិលស៊ី បាន​មានប្រសាសន៍ថា ការ​បរិច្ចាគ​ឈាម​ពិត​ជាមាន​សារៈសំខាន់​ខ្លាំង​ណាស់​ក្នុងការ​ជួយសង្គ្រោះ​ជនរងគ្រោះ និង​អ្នកជំងឺ​ដែល​ត្រូវការ​ឈាម ដើម្បី​ព្យាបាល​ជំងឺ។

ម្យ៉ាងវិញទៀត ការចូលរួមចំណែក​ក្នុង​កិច្ចការ​សង្គម​ដ៏​មាន​សារៈសំខាន់​មួយ​នេះ កម្មករ-និយោជិត ធនាគារ អេស៊ីលីដា បាន​ចូលរួម​បរិច្ចាគ​ឈាម​ដោយ​ស្ម័គ្រចិត្ត​ចំនួន ០៦​ដង រួចមកហើយ កាលពី​ថ្ងៃទី​០៥ ខែមេសា ឆ្នាំ​២០១២ ថ្ងៃទី​២៧ ខែមករា ឆ្នាំ​២០១៦ ថ្ងៃទី​០៣ ខែកុម្ភៈ ឆ្នាំ​២០១៧ ថ្ងៃទី​០២ ខែកុម្ភៈ ឆ្នាំ​២០១៨ ថ្ងៃទី​២៥ ខែមករា ឆ្នាំ​២០១៩ និង​ថ្ងៃ​០៦ ខែមីនា ឆ្នាំ​២០២៣។

លោក​បាន​បន្តថា​ សម្រាប់​រយៈពេល​ប៉ុន្មាន​ឆ្នាំ​កន្លងមកនេះ បន្ទាប់ពី​ស្ថានភាព​ជំងឺ​កូវីដ-១៩ បាន​ធូរស្រាល ដូច្នេះ​នៅថ្ងៃនេះ ជា​លើក​ទី ០៧ ហើយ ដែល​កម្មករ-និយោជិត ធនាគារ អេស៊ីលីដា គ្រប់​លំដាប់​ថ្នាក់ នៅ​ការិយាល័យ​កណ្តាល និង​សាខា​ជុំវិញ​រាជធានី​ភ្នំពេញ សរុប​ចំនួន ១៧៨​នាក់ ដោយ​ក្នុងនោះ​ស្ត្រី​មាន​ចំនួន ៦៩​នាក់ បាន​បន្ត​ចូលរួម​បរិច្ចាគ​ឈាម ដើម្បី​រួមចំណែក​ក្នុង​សកម្មភាព​សង្គម និង​មនុស្សធម៌ សម្រាប់​បំពេញតម្រូវការ​កង្វះ​ឈាម​ក្នុងការ​ជួយសង្គ្រោះ​អាយុជីវិត ជូន​ដល់​មជ្ឈមណ្ឌល​ជាតិ​ផ្តល់​ឈាម សម្រាប់​ជួយសង្គ្រោះ​ជនរងគ្រោះ និង​អ្នកជំងឺ​ដែល​ត្រូវការ​ឈាម​ជា​ចាំបាច់ ជាពិសេស​សម្រាប់​ជួយ​ជីវិត​មនុស្ស ដែល​ត្រូវការ​សង្គ្រោះបន្ទាន់។ ដោយឡែក សម្រាប់​កម្មករ-និយោជិត ធនាគារ អេស៊ីលីដា នៅតាម​បណ្តា​សាខា​ខេត្ត សរុប​ចំនួន ៤១០​នាក់ ក្នុងនោះ​ស្ត្រី​មាន​ចំនួន ៩៣​នាក់ ក៏បាន​ចូលរួម​បរិច្ចាគ​ឈាម​នៅតាម​មន្ទីរពេទ្យបង្អែក​នៃ​ខេត្ត​នីមួយៗ​ផងដែរ​។

លោកស្រី​វេជ្ជបណ្ឌិត មើក សាមាន អនុប្រធាន​មជ្ឈមណ្ឌល​ជាតិ​ផ្តល់​ឈាម បាន​មានប្រសាសន៍ថា សកម្មភាព​បរិច្ចាគ​ឈាម​ដោយ​ស្ម័គ្រចិត្ត​របស់​ក្រសួង ស្ថាប័ន ក្រុមហ៊ុន និង​ប្រជាពលរដ្ឋ បាន​ចាប់ផ្តើម​ផុលផុស​បណ្តើរៗ ឡើងវិញ​ហើយ បន្ទាប់ពី​ស្ថានភាព​ជំងឺ​កូវីដ-១៩ បាន​ធូរស្រាល​រួចមក។ សព្វថ្ងៃនេះ យើង​មិនទាន់មាន​ឈាម ដែលមាន​ប្រភពពី​អ្នកស្ម័គ្រចិត្ត គ្រប់គ្រាន់​សម្រាប់​ជួយ​សង្គ្រោះ​ជីវិត​មនុស្ស ដែល​ត្រូវការ​ឈាម​បន្ទាន់​នៅឡើយ​ទេ​។ ក្នុង​មួយថ្ងៃ​គ្រាន់តែ​នៅ​រាជធានី​ភ្នំពេញ ត្រូវការ​ឈាម​ប្រមាណ ១៥០​ប្លោក សម្រាប់​ជួយសង្គ្រោះ​ជនរងគ្រោះ និង​អ្នកជំងឺ ហើយ​នៅ​ទូទាំង​ប្រទេស​ត្រូវការ​ឈាម​ប្រមាណ ២០០​ប្លោក ជា​រៀងរាល់ថ្ងៃ ដូចនេះ យើង​ត្រូវការ​ឈាម​បន្ថែម​ទៀត ដើម្បី​សង្គ្រោះ​ជីវិត​មនុស្ស​បន្ទាន់​។ លោកស្រី​វេជ្ជបណ្ឌិត បាន​ជំរុញ និង​អំពាវនាវ​ទៅកាន់​ប្រជាពលរដ្ឋ​ខ្មែរ​ទូទាំងប្រទេស ជាពិសេស​ក្រុមយុវជន មេត្តា​ចូលរួម​បរិច្ចាគ​ឈាម ដើម្បី យកទៅ​ជួយ​ជនរងគ្រោះ ដែល​ត្រូវការ​ឈាម​ជា​ចាំបាច់ ហើយ​សកម្មភាព​ទាំងនេះ ពិតជា​បាន​ចូលរួម​ចំណែក​យ៉ាង​ខ្លាំង​លើ​ការ​ជួយ​សង្គ្រោះ​ជីវិត​មនុស្ស។

លោកស្រី​វេជ្ជបណ្ឌិត បាន​បញ្ជាក់ថា ​«បើសិនជា​គ្មាន​ការ​ចូលរួម​ចំណែក​ពី​សប្បុរសជន​ស្ម័គ្រចិត្ត​ទាំងឡាយ​នោះ​ទេ មជ្ឈមណ្ឌល​ជាតិ​ផ្តល់​ឈាម និង​មន្ទីរពេទ្យ ទាំងអស់ ព្រមទាំង​គ្រួសារ​អ្នកជំងឺ ពិតជា​មានការ​លំបាក​ដោយសារ​ឈា​មមាន​ប្រភព​ពី​ក្នុងចំណោម​ប្រជាជន​យើង ដូច្នេះ​ការ​ចូលរួម​របស់​បង​ប្អូន​ពិតជា​មាន​សារៈសំខាន់​យ៉ាងខ្លាំង​ណាស់​»។

លោកស្រី​វេជ្ជបណ្ឌិត ក៏បាន​ថ្លែងអំណរគុណ​យ៉ាង​ជ្រាលជ្រៅ​ចំពោះ​ថ្នាក់ដឹកនាំ និង​កម្មករ-និយោជិត ធនាគារ អេស៊ីលីដា ភីអិលស៊ី គ្រប់​លំដាប់​ថ្នាក់ ដែល​បាន​បរិច្ចាគ​ឈាម​ជូន​មជ្ឈមណ្ឌល​ជាតិ​ផ្តល់​ឈាម ដើម្បី​ជួយសង្គ្រោះ​ដល់​ជនរងគ្រោះ​ដែល​ត្រូវការ​ឈាម​ជា​ចាំបាច់​នោះ។

គួរ​បញ្ជាក់​ថា ធនាគារ អេស៊ីលីដា ភីអិលស៊ី មាន​ក្រុមហ៊ុន​បុត្រ​សម្ព័ន្ធ​ចំនួន​បួន (៤) គឺ ៖ ១) វិទ្យាស្ថាន ពាណិជ្ជសាស្ត្រ អេស៊ីលីដា ២) អេស៊ីលីដា ស៊ី​ឃ្យួ​រឹ​ធី ភីអិលស៊ី ៣) ធនាគារ អេស៊ីលីដា ឡាវ លី​មី​ធី​ត និង ៤) ស្ថាប័ន​មីក្រូ ហិរញ្ញវត្ថុ អេស៊ីលីដា មី​យ៉ាន់​ម៉ា ព្រមទាំង​មាន​ការិយាល័យ​តំណាង​នៅ​សាធារណរដ្ឋ​សហភាព​មី​យ៉ាន​ម៉ា​។ គិត​ត្រឹម​ដំណាច់ ខែកញ្ញា ឆ្នាំ​២០២៣​នេះ ធនាគារ អេស៊ីលីដា ភីអិលស៊ី មានទ្រព្យ​សកម្ម​សរុប ចំនួន​ជាង ៩,៤០​ប៊ី​លាន​ដុល្លារ​អាមេរិក សមតុល្យ​ឥណទាន​សរុប​ចំនួន ៦,៥៧​ប៊ី​លាន ដុល្លារ​អាមេរិក និង​ប្រាក់​បញ្ញើ សន្សំ​សរុប​ចំនួន ៦,៩២​ប៊ី​លាន​ដុល្លារ​អាមេរិក និង​មាន​អតិថិជន​ប្រមាណ​ជាង ៤,៤៣ លាន​នាក់​។ ធនាគារ អេស៊ីលីដា មាន​ចំនួន​អ្នកប្រើប្រាស់ អេស៊ីលីដា​ម៉ូ​បាល ៣,១៣​លាន​នាក់ និង​មាន​ដៃគូ​អាជីវកម្ម ចំនួន ៣១១.១៦៦ គិត​ត្រឹម​ដំណាច់​ខែ​កញ្ញា ឆ្នាំ​២០២៣៕

The post ថ្នាក់ដឹកនាំ និង កម្មករ-និយោជិត ធនាគារ អេស៊ីលីដា ជិត ៦០០ នាក់ ចូលរួមបរិច្ចាគឈាម ដើម្បីជួយសង្គ្រោះដល់ជនរងគ្រោះ appeared first on Kampuchea Thmey Daily.

នៅក្នុងសារលិខិតថ្លែងអំណគុណជូនថ្នាក់ដឹកនាំធនាគារ អេស៊ីលីដា សម្តេចតេជោនាយករដ្ឋមន្ត្រីបានចាត់ទុកការបំពេញកាតព្វកិច្ចបង់ពន្ធបានល្អ និងដោយស្ម័គ្រចិត្តរបស់សហគ្រាសលោក-លោកស្រី គឺជាគំរូដ៏ល្អសម្រាប់សហគ្រាសនានា ជាពិសេសការឆ្លុះបញ្ចាំងពីអនុលោមភាពសារពើពន្ធកម្រិតខ្ពស់ និងអភិបាលកិច្ច សាជីវកម្មដ៏ល្អប្រសើររបស់សហគ្រាស។

សម្តេចតេជោ ហ៊ុន សែន បានបញ្ជាក់ថា «ជាមួយគ្នានេះ ខ្ញុំសូមធ្វើការវាយតម្លៃខ្ពស់ជូនដល់សហគ្រាសក្នុងការចូលរួមចំណែកយ៉ាងសំខាន់ដល់ការអភិវឌ្ឍ និងរីកចម្រើនលូតលាស់នៃសេដ្ឋកិច្ច និងសង្គមជាតិកម្ពុជា»។

ជាចុងក្រោយ សម្តេចតេជោ ហ៊ុន សែន បានជូនពរលោក-លោកស្រីនាយក ថ្នាក់ដឹកនាំគ្រប់លំដាប់ថ្នាក់និងបុគ្គលិកទាំងអស់របស់ធនាការអេស៊ីលីដាទទួលបានជោគជ័យរាល់កិច្ចអាជីវកម្ម និងសមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

The post នាយករដ្ឋមន្ត្រីសរសើរថ្នាក់ដឹកនាំធនាគារ អេស៊ីលីដា ដែលបានប្រកាសបង់ពន្ធលើប្រាក់ចំណូលប្រចាំឆ្នាំ២០២២ច្រើនជាងគេក្នុងចំណាត់ថ្នាក់ លេខ៤ ក្នុងចំណោមសហគ្រាស១០ appeared first on Kampuchea Thmey Daily.

លោក ផល សុខ​ចំរើន នាយក​ប្រតិបត្តិ​រង​ទីផ្សារ នៃ​ធនាគារ​អេស៊ីលីដា បាន​មាន​ប្រសាសន៍​ថា 7-Eleven បាន​ជ្រើសរើស​ធនាគារ​អេស៊ីលីដា ជា​ដៃគូ​របស់​ខ្លួន ដើម្បី​ដាក់​ឲ្យ​ប្រើប្រាស់​ប្រព័ន្ធ​ទូទាត់​ឌីជីថល​អេស៊ីលីដា KHQR ដើម្បី​ផ្តល់ជូន​អតិថិជន​របស់​ពួកគេ​នូវ​ជម្រើស​ទូទាត់​ឌីជីថល​ដ៏​ងាយស្រួល​នៅ​ពេល​ពួកគេ​ទិញ​ទំនិញ​។

លោក​បាន​បន្ត​ថា ​«​ឥឡូវនេះ អតិថិជន 7-Eleven អាច​ទូទាត់​ប្រាក់​ដោយ​គ្រាន់តែ​ស្កេ​ន KHQR ពី អេស៊ីលីដា Mobile ដែល​ដំណើរការ​នៅ​គ្រប់​ធនាគារ​ទាំងអស់​តាមរយៈ​ប្រព័ន្ធ​អន្តរការី Bakong App​។​

ការ​ទូទាត់​តាម​ប្រព័ន្ធ​អេស៊ីលីដា KHQR ស្កែ​ន ជួយ​សម្រួល​ដល់​លំហូរ​សាច់ប្រាក់ និង​ការគ្រប់គ្រង​ប្រតិបត្តិការ ក៏ដូចជា​កាត់បន្ថយ​ចំណាយ​ប្រតិបត្តិការ​។ ប្រព័ន្ធ​ទូទាត់​ឌីជីថល​ដូចជា អេស៊ីលីដា KHQR រួមចំណែក​ដល់​ការ​បង្កើត​ថ្មី នៃ​ការ​ទូទាត់ លើកកម្ពស់​ការ​ដាក់​បញ្ចូល​ហិរញ្ញវត្ថុ និង​សម្រួល​ដល់​ប្រតិបត្តិការ​ទូទាត់​អន្តរ​ធនាគារ។ វា​ក៏​ពង្រឹង​សុវត្ថិភាព នៃ​ប្រព័ន្ធ​ទូទាត់​ក្នុង​ប្រទេស​កម្ពុជា និង​ឆ្លង​ព្រំដែន​ផង​ដែរ​»​។

លោក ផល សុខ​ចំរើន បាន​បន្ថែម​ថា កម្មវិធី​អេ​ស៊ី​លី​ម៉ូ​បាល​របស់​ធនាគារ អេស៊ីលីដា មានការ​កើន​ឡើង​យ៉ាង​ខ្លាំង នៃ​ចំនួន​អ្នក​ប្រើ ដោយ​គិត​ត្រឹម​ខែ​មីនា ឆ្នាំ ២០២៣ នេះ មាន​ចំនួន​អ្នក​ប្រើប្រាស់​ប្រមាណ​ជិត​បី​លាន​នាក់​។

លោក​បាន​ពន្យល់​ថា ការ​កើនឡើង នៃ​ចំនួន​កម្មវិធី​អេ​ស៊ី​លី​ម៉ូ​បាល បង្ហាញ​ថា មនុស្ស​កាន់តែ​ច្រើន​បាន​បង្កើន​ទំនុក​ចិត្ត​លើ​សុវត្ថិភាព និង​ភាព​ងាយស្រួល នៃ​បច្ចេកវិទ្យា​ធនាគារ​ចល័ត​នេះ​។

លោក​បាន​បន្ថែម​ទៀត​ថា «​ឥឡូវនេះ លើស​ពី​នេះ ប្រជាពលរដ្ឋ​ដែល​ធ្វើដំណើរ​ទៅកាន់​ប្រទេស​ថៃ​អាច​ប្រើប្រាស់ អេស៊ីលីដា ម៉ូ​បាល ដើម្បី​ទូទាត់​ប្រាក់​តាមរយៈ​ការ​ស្កែ​ន QR Code ហើយ​ធនាគារ​នៅតែ​បន្ត​ពង្រីក​គម្រោង​ទូទាត់​ឆ្លងដែន​នេះ​ទៅកាន់​បណ្ដា​ប្រទេស​អាស៊ាន​ផ្សេងទៀត​ក្នុង​ពេល​ឆាប់ៗ​នេះ​»​។​

យោង​តាម​ធនាគារ​អេស៊ីលីដា ដៃគូ​អាជីវកម្ម​ជាង ២ សែន នៅ​ទូទាំង​ប្រទេស​កម្ពុជា ដែល​តំណាង​ឲ្យ​អាជីវកម្ម​គ្រប់​ប្រភេទ មិន​ថា​តូច ឬ​ធំ កំពុង​ចាប់​ដៃគូ​ជាមួយ​ធនាគារ​អេស៊ីលីដា ដើម្បី​ផ្តល់នូវ​ការ​ទូទាត់​តាម​ឌីជីថល​ប្រកបដោយ​សុវត្ថិភាព និង​ងាយស្រួល​បំផុត​។

គួរ​បញ្ជាក់​ថា ធនាគារ អេស៊ីលីដា ភីអិលស៊ី ជា​ធនាគារ​ចំណាស់​បំផុត និង​ធំ​បំផុត​មួយ​របស់​កម្ពុជា ដោយមាន​ក្រុមហ៊ុន​បុត្រ​សម្ព័ន្ធ​ចំនួន​បួន រួមមាន វិទ្យាស្ថាន​ពាណិជ្ជកម្ម​អេស៊ីលីដា អេស៊ីលីដា ស៊ី​ឃ្យួ​រឹ​ធី ភីអិលស៊ី ធនាគារ​អេស៊ីលីដា ឡាវ និង​អេស៊ីលីដា គ្រឹះស្ថាន​មីក្រូហិរញ្ញវត្ថុ មី​យ៉ាន់​ម៉ា ខូ​អិ​ល​ធី​ឌី ព្រមទាំង​ការិយាល័យ​តំណាង​នៅ​សាធារណរដ្ឋ​សហភាព​មី​យ៉ាន់​ម៉ា​។​

ធនាគារ​អេស៊ីលីដា មាន​សាខា​សរុប​ចំនួន ២៦៤ នៅ​ក្នុង​ប្រទេស​កម្ពុជា ៣៧ សាខា នៅ​ប្រទេស​ឡាវ​; និង ១៧ សាខា ក្នុង​ប្រទេស​មី​យ៉ាន់​ម៉ា​៕

The post ធនាគារ អេស៊ីលីដា ចាប់ដៃគូជាមួយហាង 7-Eleven ដើម្បីផ្ដល់ភាពងាយស្រួល ដល់អតិថិជនទូទាត់តាមរយៈប្រព័ន្ធឌីជីថលអេស៊ីលីដា KHQR appeared first on Kampuchea Thmey Daily.

ព្រឹត្តិការណ៍ថ្ងៃនេះ បានសបញ្ជាក់ពីវឌ្ឍនភាព នៃកំណែទម្រង់រដ្ឋបាលសាធារណៈ ក្នុងការចូលរួមអនុវត្តគោលនយោ​បាយ​រដ្ឋាភិបាលឌីជីថល រួមចំណែកដល់ការអភិវឌ្ឍរីកចម្រើនឥតឈប់ឈររបស់សង្គមជាតិ។ ក្រសួងមុខងារសាធារណៈ បានអនុញ្ញាតឱ្យធនាគារ អេស៊ីលីដា បោះពុម្ព និងផ្តល់អត្តសញ្ញាណប័ណ្ណមន្ត្រីរាជការស៊ីវិលប្រភេទថ្មីនេះ ជូនដល់មន្ត្រីរាជការ សម្រាប់ប្រើប្រាស់ជាប័ណ្ណ សម្គាល់ខ្លួនផ្លូវការផង និងជាប័ណ្ណអេធីអឹម (ATM) សម្រាប់បើកប្រាក់បៀវត្សពីធនាគារ និងអាចប្រើប្រាស់សម្រាប់ មុខងារផ្សេងទៀតទៅតាមការវិវឌ្ឍនៃបច្ចេកវិទ្យាព័ត៌មាន ទៀតផងដែរ។

បណ្ឌិត សូ ផនណារី អនុប្រធាននាយកប្រតិបត្តិជាន់ខ្ពស់ និងជាគណៈប្រធាននាយិកាប្រតិបត្តិប្រតិបត្តិការ ធនាគារ អេស៊ីលីដា បានមានប្រសាសន៍ថា ធនាគារ អេស៊ីលីដា បានបោះពុម្ពអត្តសញ្ញាណប័ណ្ណ មន្រ្តីរាជការស៊ីវិលទម្រង់ថ្មីនេះ គឺផ្អែកលើការវិវត្តជឿនលឿននៃបច្ចេកវិទ្យា ស្របតាមប្រក្រតីភាពថ្មីនៃបរិបទកូវីដ-១៩ ដោយបានរៀបចំបោះពុម្ពជាប្រភេទស្មាតកាត (Smart Card) ដែលអនុញ្ញាតឱ្យមន្ត្រីរាជការស៊ីវិល អាចប្រើប្រាស់សេវាប្រតិបត្តិការហិរញ្ញវត្ថុបានយ៉ាងងាយស្រួល នៅគ្រប់ពេលវេលា ប្រកបដោយសុវត្ថិភាពខ្ពស់ ជាពិសេសមន្រ្តីរាជការស៊ីវិលទូទាំងប្រទេសនឹងទទួលបានប័ណ្ណនេះដោយឥតគិតថ្លៃ។

លោកស្រីបណ្ឌិត បានជម្រាបជូនទៀតថា ដើម្បីបំពេញតម្រូវការជូនមន្ត្រីរាជការស៊ីវិល អតិថិជន និងសាធារណជន ស្របតាមយុទ្ធសាស្រ្តឌីជីថល ព្រមទាំងពង្រីកវិសាលភាព និងគាំទ្រការប្រើប្រាស់ប្រព័ន្ធបច្ចេកវិទ្យា សេវាហិរញ្ញវត្ថុឱ្យ កាន់តែទូលំទូលាយ និងងាយស្រួល ធនាគារ អេស៊ីលីដា បាននិងកំពុងពង្រីកបណ្តាញប្រតិបត្តិការ ចំនួន ២៦៤សាខា និងសេវាកម្មធនាគារស្វ័យប្រវត្តិ ចំនួន ១២០ទីតាំង ដោយបំពាក់ម៉ាស៊ីនអេធីអឹមសរុបជាង ១.១២៤គ្រឿង ម៉ាស៊ីន​ឆូតកាត​សរុបជាង ៤.១៤៦គ្រឿង និងអេស៊ីលីដាម៉ូបាល ដែលមានអ្នកប្រើប្រាស់ជាង ២,៦៤លាននាក់ ព្រមទាំងដៃគូអាជីវកម្ម សរុបជាង១៩០.០០០ នៅពាសពេញផ្ទៃប្រទេស គិតត្រឹមដំណាច់ខែវិច្ឆិកា ឆ្នាំ២០២២។

អត្តសញ្ញាណប័ណ្ណមន្រ្តីរាជការស៊ីវិលទម្រង់ថ្មីនេះ មានភ្ជាប់និមិត្តសញ្ញា CSS (Cambodian Shared Switch) ដែល​ជាប័ណ្ណអេធីអឹម សម្រាប់បម្រើមន្រ្តីរាជការស៊ីវិល ក្នុងការទូទាត់ទំនិញ-សេវាកម្មតាមម៉ាស៊ីនឆូតកាត និងតាម​អនឡាញ ជាមួយដៃគូអាជីវកម្មដែលប្រើប្រាស់ប្រព័ន្ធទូទាត់ជាមួយធនាគារ អេស៊ីលីដា។ ម៉្យាងវិញទៀត អាចធ្វើការដាក់ប្រាក់ បញ្ចូលទឹកប្រាក់ក្នុងទូរស័ព្ទដៃ និងអាចបង្កើតប័ណ្ណនិម្មិតតាមអេធីអឹមធនាគារ អេស៊ីលីដា ព្រមទាំងអាចដកប្រាក់ និងផ្ទេរប្រាក់តាមម៉ាស៊ីនអេធីអឹមនៅគ្រប់ធនាគារ ឬស្ថាប័នហិរញ្ញវត្ថុនានា បានគ្រប់ពេលវេលា (២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍) យ៉ាងងាយស្រួល ប្រកបដោយសុវត្ថិភាពខ្ពស់បំផុត តាមតម្រូវការប្រើប្រាស់ប្រចាំថ្ងៃ។

លោកស្រីបណ្ឌិត បានបន្ថែមទៀតថា ការដាក់ឱ្យប្រើប្រាស់អត្តសញ្ញាណប័ណ្ណមន្ត្រីរាជការស៊ីវិលថ្មីនេះ សញ្ជាក់ឱ្យឃើញ​ថា វិស័យសារធារណៈ និងវិស័យឯកជនមានទំនាក់ទំនងគ្នាយ៉ាងស្អិតរមួត គាំទ្រគ្នាទៅវិញទៅមក មិនអាចកាត់ផ្តាច់ពីគ្នាបានឡើយ។ ជាងនេះទៅទៀត ជាលទ្ធផលបង្ហាញឱ្យឃើញថា វិស័យសាធារណៈ និងវិស័យឯកជន ជាពិសេស ប្រទេស​កម្ពុជាទាំងមូល មានការរីកចម្រើន ជឿនលឿន ដោយប្រើប្រាស់បច្ចេកវិទ្យាទាន់សម័យ ដូចប្រទេសជឿនលឿនមួយចំនួន នៅក្នុងតំបន់ និងក្នុងពិភពលោក។ លើសពីនេះទៀត លោកស្រីបណ្ឌិត ក៏បានគោរពថ្លៃងអំណរគុណយ៉ាងជ្រាលជ្រៅបំផុត ចំពោះរាជរដ្ឋាភិបាលកម្ពុជា ដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ជាពិសេស លោក ព្រុំ សុខា រដ្ឋមន្ត្រីក្រសួងមុខងារសាធារណៈ និងសហការីទាំងអស់ ដែលជានិច្ចកាលតែងតែយកចិត្តទុកដាក់ គាំទ្រដល់ធនាគារ អេស៊ីលីដា និងផ្តល់ឱកាសដល់ធនាគារ អេស៊ីលីដា ដែលជាធនាគារខ្មែរ ក្នុងការសហការគាំទ្រ និងបម្រើសេវាកម្មធនាគារ និងហិរញ្ញវត្ថុ ដល់មន្ត្រីរាជការ ជាពិសេសមន្ត្រីរាជការស៊ីវិល។

គួរបញ្ជាក់ថាធនាគារ អេស៊ីលីដា ភីអិលស៊ី មានក្រុមហ៊ុនបុត្រសម្ព័ន្ធចំនួនបួន (៤) គឺ៖ ១) វិទ្យាស្ថាន ពាណិជ្ជសាស្រ្ត អេស៊ីលីដា ២) អេស៊ីលីដា ស៊ីឃ្យួរឹធី ភីអិលស៊ី ៣) ធនាគារ អេស៊ីលីដា ឡាវ លីមីធីត និង ៤) ស្ថាប័នមីក្រូហិរញ្ញវត្ថុ អេស៊ីលីដា មីយ៉ាន់ម៉ា ព្រមទាំងមានការិយាល័យតំណាងនៅសាធារណរដ្ឋសហភាពមីយ៉ានម៉ា។ គិតត្រឹមដំណាច់ខែកញ្ញា ឆ្នាំ២០២២នេះ ធនាគារ អេស៊ីលីដា ភីអិលស៊ី មានទ្រព្យសកម្មសរុបចំនួនជាង ៨,៣៨ប៊ីលានដុល្លារអាមេរិក សមតុល្យឥណទានសរុបចំនួន ៦,២៤ប៊ីលានដុល្លារអាមេរិក និងប្រាក់បញ្ញើសន្សំសរុបចំនួន ៥,៩០ប៊ីលានដុល្លារអាមេរិក និងមានអតិថិជនប្រមាណជាង ៣,៧៣លាននាក់។ ធនាគារ អេស៊ីលីដា មានចំនួនអ្នកប្រើប្រាស់អេស៊ីលីដាម៉ូបាល ២,៦៤លាននាក់ និងមានដៃគូអាជីវកម្ម ចំនួន ១៩០.០០០ គិតត្រឹមដំណាច់ខែវិច្ឆិកា ឆ្នាំ២០២២៕

The post ធនាគារ អេស៊ីលីដា ភីអិលស៊ី ចូលរួមក្នុងកម្មវិធីដាក់ឱ្យប្រើប្រាស់អត្តសញ្ញាណប័ណ្ណមន្ត្រីរាជការស៊ីវិល appeared first on Kampuchea Thmey Daily.

​យោងតាម​សេចក្តីប្រកាស​ព័ត៌មាន​របស់​ធនាគារ​ អេស៊ីលីដា​ ភីអិលស៊ី​ បានឱ្យដឹងថា​ ការទទួល​ពានរង្វាន់​នេះ​ បានធ្វើ​ឡើង​ក្នុង​វេទិកា​ហិរញ្ញប្បទាន​សហគ្រាស​ធុន​តូច និង​មធ្យម​សកលលោក លើក​ទី​ ៩ ដែល​បាន​ប្រព្រឹត្តិ​ទៅ​ពីថ្ងៃ​ទី​ ១៩ ដល់​ថ្ងៃទី ​២១ ខែកញ្ញា ឆ្នាំ​ ២០២២ នៅ​រាជធានី​ភ្នំពេញ​ព្រះរាជាណាចក្រ​កម្ពុជា ​ដែល​វេទិកា​នេះ​រៀបចំឡើង​ដោយ​ស្ថាប័ន​សាជីវកម្ម​ហិរញ្ញវត្ថុ​អន្តរជាតិ (IFC) និង​សហការ​រៀបចំ​ដោយ​ធនាគារជាតិ​នៃ​កម្ពុជា ក្នុង​គោលបំណង​ពង្រីក​នូវ​លទ្ធភាព​ទទួល​បាន​ហិរញ្ញប្បទាន សម្រាប់​សហគ្រាស​ធុន​តូច និង​មធ្យម​ទូទាំង​សកលលោក​។

​ធនាគារ អេស៊ីលីដា ភីអិលស៊ី មាន​មោទកភាព​យ៉ាង​ក្រៃលែង ដែល​បានទទួល​ពានរង្វាន់ “​ហិរញ្ញប្បទាន​សហគ្រាស​ធុន​តូច និង​មធ្យម​សកលលោក ឆ្នាំ​ ២០២២ ជា​ស្ថាប័ន​ដែល​ផ្តល់​ហិរញ្ញប្បទាន​ដល់​សហគ្រាស​ធុន​តូច និង​មធ្យម ប្រចាំឆ្នាំ​”​។ ទាំងនេះ សបញ្ជាក់​ថា ធនាគារ​បាន​ខិតខំ​ប្រឹងប្រែង​ក្នុង​ការផ្តល់​ហិរញ្ញប្បទាន​ដល់​សហគ្រាស​ធុន​តូច និង​មធ្យម​នៅ​កម្ពុជា​។ លើសពីនេះទៅទៀត សមិទ្ធផល​នេះ ជាការ​បង្ហាញ​ពី​កំណើន​ឥណទាន​ដល់​សហគ្រាស​ធុន​តូច និង​មធ្យម របស់​ធនាគារ អេស៊ីលីដា ភីអិលស៊ី ក្នុង​រយៈពេល​ច្រើន​ឆ្នាំ​កន្លងមកនេះ ព្រមទាំង​ការបម្រើ​ផលិតផល សេវាកម្ម​ផ្សេងទៀត សម្រាប់​សហគ្រាស​ធុន​តូច និង​មធ្យម ផងដែរ​។

​ធនាគារ អេស៊ីលីដា ភីអិលស៊ី ផ្តល់ជូន​នូវ​ផលិតផល និង​សេវាកម្ម​ដ៏​សម្បូរបែប ដើម្បី​បំពេញ​តម្រូវការ​លើ​គ្រប់​វិស័យ​ ដែល​កំពុងរីកចម្រើន រួមមាន​សហគ្រាស​ធុន​តូច និង​មធ្យម និង​អតិថិជន​សាជីវកម្ម​។ ធនាគារ អេស៊ីលីដា បានផ្តល់​ឥណទាន​ដល់​សហគ្រាស​ធុន​តូច និង​មធ្យម​ប្រមាណ ៨០% នៃ​ប្រាក់កម្ចី​សរុប​របស់​ធនាគារ​។ ឥណទាន​សរុប​របស់​ធនាគារ សម្រាប់​សហគ្រាស​ធុន​តូច និង​មធ្យម បាន​កើនឡើង​ពី ៣,០៣ ​ពាន់​លាន​ដុល្លារ​អាមេរិក​ក្នុង​ឆ្នាំ​ ២០១៩ ដល់ ៣,៥៣ ​ពាន់​លាន​ដុល្លារ​អាមេរិក​ ក្នុង​ឆ្នាំ​ ២០២០ ហើយ​បន្ទាប់មក​កើនឡើង​ដល់ ៤,២៤​ ពាន់​លាន​ដុល្លារ​អាមេរិក​ ក្នុង​ឆ្នាំ ​២០២១៕​

The post ធនាគារ អេស៊ីលីដា ​បានទទួល​ពានរង្វាន់​ហិរញ្ញប្បទាន​សហគ្រាស​ធុន​តូច និង​មធ្យម​សកលលោក ឆ្នាំ ​២០២២ appeared first on Kampuchea Thmey Daily.

​យោងតាម​សេចក្តីប្រកាស​ព័ត៌មាន​របស់​ធនាគារ អេស៊ីលីដា ភីអិលស៊ី​ បានឱ្យដឹងថា​វេទិកា​ហិរញ្ញប្បទាន​សហគ្រាស​ធុន​តូច និង​មធ្យម​សកលលោក លើក​ទី​ ៩​ នេះ​បាន​រៀបចំឡើង​ដោយ​ស្ថាប័ន​សាជីវកម្ម​ហិរញ្ញវត្ថុ​អន្តរជាតិ (IFC) ដោយ​សហការ​រៀបចំ​ដោយ​ធនាគារជាតិ​នៃ​កម្ពុជា ក្នុង​គោលបំណង​ពង្រីក​នូវ​លទ្ធភាព​ទទួល​បាន​ហិរញ្ញប្បទាន សម្រាប់​សហគ្រាស​ធុន​តូច និង​មធ្យម ទូទាំង​សកលលោក​។

​ធនាគារ អេស៊ីលីដា​បាន​បន្តថា​បុព្វហេតុ​ចម្បង​ដែល​ធនាគារ​ចូលរួម​ឧបត្ថម្ភ​នៅក្នុង​កម្មវិធី​វេទិកា​ហិរញ្ញប្បទាន​សហគ្រាស​ធុន​តូច និង​មធ្យមសកលលោក​នេះ គឺ ១) ដើម្បី​លើកកម្ពស់​ដៃគូ​ធុរកិច្ច សម្រាប់​បរិ​យា​ប័ន្ន​ហិរញ្ញវត្ថុ ស្របតាម​បេសកកម្ម​ស្នូល​របស់​ធនាគារ អេស៊ីលីដា និង ២) របៀបវារៈ នៃ​វេទិកា​ហិរញ្ញប្បទាន​សហគ្រាស​ធុន​តូច និង​មធ្យមសកលលោក លើក​ទី ​៩ ​នេះ ស្តីពី “​តំណ​ភ្ជាប់​ទៅនឹង​ឌីជីថល​នីយកម្ម សម្រាប់​ហិរញ្ញប្បទាន​សហគ្រាស​ធុន​តូច និង​មធ្យម ប្រប​កដោយ បរិ​យា​ប័ន្ន និង​និរន្តរភាព​” ស្របតាម​ដំណើរការ នៃ​ការ​កម្លាយ​ខ្លួន​ទៅជា​ធនាគារ​ឌីជីថល​របស់​ធនាគារ អេស៊ីលីដា​៕​

The post ធនាគារ អេស៊ីលីដា ចូលរួមឧបត្ថម្ភកម្មវិធី វេទិកាហិរញ្ញប្បទានសហគ្រាសធុនតូច និងមធ្យមសកលលោក លើកទី ៩ appeared first on Kampuchea Thmey Daily.

​នៅក្នុង​សេចក្តីប្រកាស​ព័​ត៍​មាន​របស់​ធនាគារ អេស៊ីលីដា ភីអិលស៊ី​បានឱ្យដឹងថា​« ធនាគារ អេស៊ីលីដា មាន​មោទកភាព​យ៉ាង​ក្រៃលែង ដែល​បានទទួល​ពានរង្វាន់ “​ដៃគូ​ធនាគារ​ល្អ​បំផុត សម្រាប់​សហគ្រាស​ធុន​តូច និង​មធ្យម នៅក្នុង​តំបន់​អាស៊ី​ខាងកើត និង​ប៉ាស៊ីហ្វិក​” ពី IFC ដោយសារ​ធនាគារ​បាន និង​កំពុងធ្វើការ​យ៉ាង​ជិតស្និត​ជាមួយនឹង​សហគ្រាស​ធុន​តូច និង​មធ្យម និង​បម្រើ​នូវ​ផលិតផល​-​សេវាកម្ម​ហិរញ្ញវត្ថុ​ចម្រុះ​បែបយ៉ាង​សម្បូរបែប ជាពិសេស​សេវាកម្ម​ធនាគារ​អេឡិចត្រូនិក និង​ឌីជីថល ប្រកបដោយ​ភាពងាយស្រួល និង​សុវត្ថិភាព ដើម្បី​ឆ្លើយតប​នឹង​តម្រូវការ​របស់​អតិថិជន​»​។

​ធនាគារ អេស៊ីលីដា ភីអិលស៊ី​បានបញ្ជាក់​ថា លើសពីនេះ ធនាគារ អេស៊ីលីដា បានផ្តល់​ហិរញ្ញប្បទាន​យ៉ាងច្រើន​ដល់​សហគ្រាស​ធុន​តូច និង​មធ្យម ដើម្បី​រួមចំណែក​ក្នុងការ​អភិវឌ្ឍ​សហគ្រាស​ធុន​តូច និង​មធ្យម​ប្រកបដោយ​និរន្តរភាព​៕​

The post ធនាគារ អេស៊ីលីដា បានទទួលពានរង្វាន់ ដៃគូធនាគារល្អបំផុត សម្រាប់សហគ្រាសធុនតូច និងមធ្យម នៅក្នុងតំបន់អាស៊ីពីស្ថាប័ន IFC appeared first on Kampuchea Thmey Daily.

​មានប្រសាសន៍​នៅក្នុង​វគ្គ​បណ្តុះបណ្តាល​ នៅ​ព្រឹក​ថ្ងៃទី ​១៦ ​ខែសីហា ​ឆ្នាំ​ ២០២២ បណ្ឌិត អ៉ិន ចាន់នី ប្រធាន​នាយក​ប្រតិបត្តិ ធនាគារ អេស៊ីលីដា ភីអិលស៊ី បាន​មានប្រសាសន៍ថា ធនាគារ អេស៊ីលីដា បាននិងកំពុង​រីកចម្រើន ប្រកបដោយ​និរន្តរភាព ដោយសារ​ធនាគារ​មាន​ធនធានមនុស្ស​ប្រកបដោយ​ចំណេះដឹង ជំនាញ មាន​ទំនួល​ខុសត្រូវ​ខ្ពស់ អនុវត្ត​ការងារ​តាម​ផែន​ការដែល​បានគ្រោង​ទុកស្របតាម​ច្បាប់បទ​ប្បញ្ញត្តិគោលការណ៍ និង​ក្រមសីលធម៌​វិជ្ជាជីវៈ​ខ្ពស់ ស្របតាម​និន្នាការ​បច្ចេកវិទ្យា និង​តម្រូវការ​ការងារ​ប្រចាំថ្ងៃ​។ ធនាគារ​យកចិត្តទុកដាក់​ខ្ពស់​លើ​ការបណ្តុះបណ្តាល​ធនធាន​មនុស្ស​។

​បណ្ឌិត​ អ៉ិន ចាន់នី បាន​បន្តថា​ ជាក់ស្តែង ធនាគារ​តែង​រៀបចំ​ការបណ្តុះ បណ្តាល​ធនធានមនុស្ស ទាំង​នៅក្នុង​ធនាគារ​ផ្ទាល់ និង​ចាត់​បញ្ជូន​ឲ្យ​ទៅ​សិក្សា​នៅតាម​បណ្តា​គ្រឹះស្ថានសិក្សា​ទាំង​ក្នុង និង​ក្រៅប្រទេស ជាពិសេស វគ្គ​បណ្តុះបណ្តាល និង​សិក្ខាសាលា​នានា ដែល​រៀបចំ​ដោយ​ក្រសួង និយ័ត​ករ និង​អាជ្ញាធរ​ដែលជា​អាណាព្យាបាល ។​ល​។ បណ្ឌិត​ អ៉ិន ចាន់នី បាន​បន្តទៀតថា​ តាមរយៈ​វគ្គ​បណ្តុះបណ្តាល​វិនិយោគិន​ក្នុង​វិស័យ​មូល​ប​ត្រ ​ស្តីពី​ការជំរុញ​ការយល់ដឹង​ក្នុង​វិស័យ​មូល​ប​ត្រ​ គឺ​ពិត​ជាមាន​សារៈសំខាន់​ដែល​នឹងធ្វើ​ឲ្យ​យើងទាំងអស់គ្នា ​ដែលជា​សិក្ខាកាម​យល់ដឹង​កាន់តែច្បាស់​អំពី​ការវិនិយោគ​លើ​វិស័យ​មូល​ប​ត្រ ជាអាទិ៍​អត្ថប្រយោជន៍​នៃ​ទីផ្សារ​មូល​ប​ត្រ​ការកសាង​មូលដ្ឋានគ្រឹះ​វិនិយោគិន​ការវិភាគ​ទៅលើ​ក្រុមហ៊ុន​បោះផ្សាយ​ សម្រាប់​ជា​មូលដ្ឋាន​ចំណេះដឹង​បំពេញបន្ថែម ​ដើម្បី​សម្រេចចិត្ត​វិនិយោគ​ក្នុង​វិស័យ​មូល​ប​ត្រ ជាពិសេស​វិស័យ​មូល​ប​ត្រ​របស់​ធនាគារ អេស៊ីលីដា​។

​លោក​បណ្ឌិត អ៉ិន ចាន់នី បានបន្ថែមទៀតថា​« ដូច​យើងទាំងអស់គ្នា​បានដឹងហើយថា ​ធនាគារ​អេស៊ីលីដា ​បាននិងកំពុង​រីកចម្រើន​គួរ​ឲ្យ​កត់សម្គាល់​ តាមរយៈ​របាយការណ៍​ដែល​បាន​បោះផ្សាយ​ជា​សាធារណៈ​ ថ្មីៗ​នេះ​ធនាគារ​សម្រេចបាន​លទ្ធ​ផល​ល្អប្រសើរ​នៅ​ពាក់កណ្តាល​ឆ្នាំនេះ ​ដែល​បង្ហាញ​ពី​ការលូតលាស់​ប្រកបដោយ​ចីរភាព​។​ របាយការណ៍​ដែល​បាន​បោះផ្សាយ​ជា​សាធារណៈ​របស់​ក្រុមហ៊ុន​បោះផ្សាយ ​គឺ​ពិត​ជាមាន​សារៈសំខាន់​ និង​ជា​ធាតុ​ផ្សំ​មួយ​សម្រាប់​វិនិយោគិន​ធ្វើការ​សម្រេចចិត្ត​វិនិយោគ​លើ​វិស័យ​មូល​ប​ត្រ​ទៅតាម​ទិសដៅ​ដែល​ខ្លួន​ចង់បាន​។ ​ទន្ទឹមនឹងនេះ​ ការវិភាគ​ទៅលើ​របាយការណ៍​ គឺ​តម្រូវ​ឲ្យ​មានការ​គិតគូរ​ល្អិតល្អន់ ​និង​គ្រប់​ជ្រុងជ្រោយ​ដែល​វិនិយោគិន​ម្នាក់ៗ​នឹងមាន​ទំនុកចិត្ត​លើ​ខ្លួនឯង​នូវ​រាល់​ការវិនិយោគ​របស់ខ្លួន​»​។

​លោក ស៊ូ សុជាតិ ប្រតិភូ​រាជរដ្ឋាភិបាល​ទទួលបន្ទុក​ជាអគ្គនាយក​នៃ​និយ័ត​ករ​មូល​ប​ត្រ​កម្ពុជា (​ន​.​ម​.​ក​)​ បាន​មានប្រសាសន៍ថា ​ការរៀបចំ​បើក​វគ្គ​បណ្តុះបណ្តាល​នេះ​ យើង​តែងតែ​ធ្វើ​យ៉ាងហោចណាស់​ ១ ​ដង​ ក្នុង ​១ ​ឆ្នាំ​ ជាមួយ​បណ្តាល​ក្រុមហ៊ុន​ចំនួន ​៩ ​ដែល​បាន​ចុះបញ្ជី​ផ្នែក​មូល​ប​ត្រ​កម្មសិទ្ធិ​ ដើម្បី​បង្កើន​ការផ្សព្វផ្សាយ​ពី​ការជួញដូរ​មូល​ប​ត្រ​ឱ្យ​កាន់តែ​ទូលំទូលាយ ​ដើម្បី​បណ្តុះ​គំនិត​វិនិយោគ​ថា​ តើ​ការវិនិយោគ​របៀប​ម៉េច ដែល​ហានិភ័យ​ទាប​ហើយ​ទទួលស្គាល់​ដោយ​ផ្លូវច្បាប់​ត្រឹមត្រូវ​។ លោក​បាន​បន្តថា​«​ប្រសិនបើ​មិនទាន់​យល់​អំពី​យន្តការ​ការជួញដូ​រ​ខាងក្នុង​តាមច្បាប់ ​នៃ​ព្រះរាជាណាចក្រ​កម្ពុជា​ទេ ​ខ្ញុំ​មិន​លើកទឹកចិត្ត​ឱ្យធ្វើ​ការជួញដូរ​ជាមួយនឹង​ភាគហ៊ុន​នៅ​ខាងក្រៅ​ទេ​។​ នេះ​មិនមែនជា​ការហាមឃាត់​ទេ វា​ជា​សិទ្ធិ​របស់​អ្នក​សាច់ប្រាក់​ ក៏​ជា​របស់​អ្នក​អាច​ផ្ញើ​ទៅណា​ក៏​បានដែរ​ អាចធ្វើ​ការជួញដូ​រលើ​អ្វី​ក៏បាន​ដែរ​ឱ្យតែ​វត្ថុ​ជួញដូរ​នោះ​ស្របច្បាប់​។​ ប៉ុន្តែ​អ្វីដែល​យើងខ្ញុំ​ចង់​ពន្យល់​នេះ​ថា​ តើ​ការជួញដូរ​យ៉ាង​ម៉េច​ មាន​ហានិភ័យ​ទាប​ត្រឹមត្រូវ​តាម​ប្រព័ន្ធ​ច្បាប់​ ដូច្នេះ​ទាមទារ​ឱ្យមាន​ការផ្សព្វផ្សាយ​មិនឱ្យ​ដាច់​»​។

​លោក​បាន​បន្តទៀតថា​«​គោលដៅ​សំខាន់​នៃ​ការបើក​វគ្គ​បណ្តុះបណ្តាល​នៅ​ព្រឹក​នេះ​ ចង់​ពន្យល់​ជូន​អំពី​ថា ​តើ​មាន​យន្តការ​ការវិភាគ​យ៉ាងដូចម្តេច​ ដើម្បីឱ្យ​វា​ត្រឹមត្រូវ​នៃ​ការជួញដូរ​ភាគហ៊ុន​នៅលើ​ទីផ្សារ​របស់​យើង​។​ បើ​ភាគហ៊ុន​ក្រុមហ៊ុន​មានតម្លៃ​ប៉ុណ្ណា​ តើ​យើង​គួរ​ដាក់​ថ្លៃ​ដូចម្តេច​ ឱ្យ​វា​ត្រឹមត្រូវ​ទៅនឹង​សុខភាព​របស់​ក្រុមហ៊ុន​។ អីចឹង​សូមឱ្យ​និយោជិត​របស់​ធនាគារ​អេស៊ីលីដា ​គួរ​ពិចារណា​ឡើងវិញ ​ពេលធ្វើ​ការជួញដូរ​ពិសេស​ការជួញដូរ​ភាគហ៊ុន​របស់​ក្រុមហ៊ុន​របស់ខ្លួន​យើង​ ត្រូវមាន​គោលដៅ​មួយ​មិន​ត្រឹមតែ​រក​ផលចំណេញ​ទេ​ ត្រូវ​ចេះ​ការពារ​ក្រុមហ៊ុន​របស់ខ្លួន​ផងដែរ​»​។

​គួរ​បញ្ជាក់ថា​ធនាគារ អេស៊ីលីដា ភីអិលស៊ី មាន​ក្រុមហ៊ុន​បុត្រ​សម្ព័ន្ធ​ចំនួន​ ០៤ គឺ​វិទ្យាស្ថាន ពាណិជ្ជ​សាស្ត្រ អេស៊ីលីដា អេស៊ីលីដា ស៊ី​ឃ្យួ​រឹ​ធី ភីអិលស៊ី ធនាគារ អេស៊ីលីដា ឡាវ លី​មី​ធី​ត និង​ស្ថាប័ន​មីក្រូហិរញ្ញវត្ថុ អេស៊ីលីដា មី​យ៉ាន់​ម៉ា ព្រមទាំងមាន​ការិយាល័យ​តំណាង​នៅ​សាធារណរដ្ឋ​សហភាព​មី​យ៉ាន់​ម៉ា​។​

ធនាគារ អេស៊ីលីដា ភីអិលស៊ី មានទ្រព្យ​សកម្ម​សរុប​ចំនួន​ជាង ៨,៣៤​ ប៊ី​លាន​ដុល្លារ​អាមេរិក សមតុល្យ​ឥណទាន​សរុប​ចំនួន ៦ ប៊ី​លាន​ដុល្លារ​អាមេរិក និង​ប្រាក់​បញ្ញើ​សន្សំ​សរុប​ចំនួន​ ៦,០១ ប៊ី​លាន​ដុល្លារ​អាមេរិក និង​មាន​អតិថិជនប្រមាណ​ជាង ៣,៥៩ លាននាក់ គិតត្រឹមដំណាច់ខែមិថុនា ឆ្នាំ ២០២២៕

The post និយ័តករមូលបត្រកម្ពុជា រៀបចំបើកវគ្គបណ្តុះបណ្តាលវិនិយោគិន ក្នុងវិស័យមូលបត្រជូនដល់គណៈគ្រប់គ្រង និងបុគ្គលិកធនាគារអេស៊ីលីដា appeared first on Kampuchea Thmey Daily.