ធនាគារ អេស៊ីលីដា បានទទួលពានរង្វាន់ ដៃគូធនាគារល្អបំផុត សម្រាប់សហគ្រាសធុនតូច និងមធ្យម នៅក្នុងតំបន់អាស៊ីពីស្ថាប័ន IFC

ធនាគារ អេស៊ីលីដា ភីអិលស៊ី បានទទួលពានរង្វាន់ “ដៃគូធនាគារល្អបំផុត សម្រាប់សហគ្រាសធុនតូច និងមធ្យម នៅក្នុងតំបន់អាស៊ីខាងកើត និងប៉ាស៊ីហ្វិក” ពី​ស្ថាប័ន​សាជីវកម្ម​ហិរញ្ញវត្ថុ​អន្តរជាតិ (IFC)​។

​នៅក្នុង​សេចក្តីប្រកាស​ព័​ត៍​មាន​របស់​ធនាគារ អេស៊ីលីដា ភីអិលស៊ី​បានឱ្យដឹងថា​« ធនាគារ អេស៊ីលីដា មាន​មោទកភាព​យ៉ាង​ក្រៃលែង ដែល​បានទទួល​ពានរង្វាន់ “​ដៃគូ​ធនាគារ​ល្អ​បំផុត សម្រាប់​សហគ្រាស​ធុន​តូច និង​មធ្យម នៅក្នុង​តំបន់​អាស៊ី​ខាងកើត និង​ប៉ាស៊ីហ្វិក​” ពី IFC ដោយសារ​ធនាគារ​បាន និង​កំពុងធ្វើការ​យ៉ាង​ជិតស្និត​ជាមួយនឹង​សហគ្រាស​ធុន​តូច និង​មធ្យម និង​បម្រើ​នូវ​ផលិតផល​-​សេវាកម្ម​ហិរញ្ញវត្ថុ​ចម្រុះ​បែបយ៉ាង​សម្បូរបែប ជាពិសេស​សេវាកម្ម​ធនាគារ​អេឡិចត្រូនិក និង​ឌីជីថល ប្រកបដោយ​ភាពងាយស្រួល និង​សុវត្ថិភាព ដើម្បី​ឆ្លើយតប​នឹង​តម្រូវការ​របស់​អតិថិជន​»​។

​ធនាគារ អេស៊ីលីដា ភីអិលស៊ី​បានបញ្ជាក់​ថា លើសពីនេះ ធនាគារ អេស៊ីលីដា បានផ្តល់​ហិរញ្ញប្បទាន​យ៉ាងច្រើន​ដល់​សហគ្រាស​ធុន​តូច និង​មធ្យម ដើម្បី​រួមចំណែក​ក្នុងការ​អភិវឌ្ឍ​សហគ្រាស​ធុន​តូច និង​មធ្យម​ប្រកបដោយ​និរន្តរភាព​៕​