ធន់ ផានិត Archives - Kampuchea Thmey Daily

មកដឹងចំណុចខ្លាំង និងខ្សោយអ្វីខ្លះរបស់ ពេជ្រ អាទិទេព មុនប៉ះ ធន់ ផានិត ដណ្ដើមខ្សែក្រវាត់

Sina Noun — Fri, 28 Nov 2025 04:09:51 +0000

កក្រើកការប្រកួតទៀតហើយការប៉ះគ្នាដណ្ដើមខ្សែក្រវាត់រវាងទម្ងន់ ៥៧គីឡូក្រាម ពេជ្រ អាទិទេព និង ធន់ ផានិត នៅថ្ងៃសៅរ៍ ទី២៩ ខែវិច្ឆិកា ឆ្នាំ២០២៥ នៅឯខេត្តស្វាយរៀង ខណៈអ្នកគាំទ្រទស្សទាយច្រើនចំពោះគូនេះ។

កីឡាករ ពេជ្រ អាទិទេព

និយាយពីភាពខ្លាំង និងអាវុធរបស់ ពេជ្រ អាទិទេព គឺគ្រប់គ្នាដឹងហើយថារូបគេល្អកណ្ដាប់ដៃចេញបានច្រើន និងធ្ងន់ល្អ។ ចំណែកស្នៀតកែងមានចេញគួរសមដែរ និងមិនអាចប្រហែសបានសម្រាប់ដៃគូប្រកួត។

លោក ពេជ្រ សុផាន់ ដែលគ្រូរបស់ អាទិទេព បានលើកឡើងដែរថា សិស្សរបស់លោកមានផ្លែវាយកាច និងវាយបុកលឿនៗមិនសូវវាយបែបបណ្ដែតទឹកនោះឡើយ ពោលចាញ់ឈ្នះគឺឃើញភ្លាមៗ។ លោកទទូលស្គាល់ថាសិស្សគុនរបស់ខ្លួនរូបនេះអន់ចាប់ឡាំងជង្គង់។ យ៉ាងណាគូនេះគឺមានចំណុចឈ្នះចាញ់មួយផ្លែម្នាក់។

កីឡាករ ធន់ ផានិត

ចំណែកកីឡាករ ធន់ ផានិត គឺជាកីឡាករធន់ស្វិត និងជាកីឡាករចាស់វស្សាមួយរូបក្នុងវិស័យគុនខ្មែរនេះ។ ផានិត ល្អចាប់ជង្គង់ និងទាត់ក្រោមធ្ងន់ហើយចូលចិត្តវាយបែបបណ្ដែតទឹកមិនចូលចិត្តវាយសម្រុកខ្លាំងនោះឡើយ។ អាទិទេព ប្រសិនបើបណ្ដោយឲ្យ ផានិត ចាប់វាយជង្គង់បានការប្រកួតនេះអាចនឹងយ៉ាប់សម្រាប់រូបគេ ព្រោះកន្លងមកឃើញថារូបគេឆាប់អស់ និងចាញ់ប្រៀបដៃគូខ្លាំងនៅចំណុចនេះ។

បញ្ជាក់ដែរថា កីឡាករ ធន់ ផានិត នឹងត្រូវប្រកួតដណ្ដើមខ្សែក្រវាត់ជាមួយ ពេជ្រ អាទិទេព នៅសង្វៀនទទក ដែលនឹងធ្វើឡើងនៅឯភូមិតាត្រាវ ឃុំកំពង់ត្រាច ស្រុករមាសហែក ខេត្តស្វាយរៀង ចាប់ពីម៉ោង ៦កន្លះយប់តទៅ៕

កម្មវិធីប្រកួត

អត្ថបទដោយ៖ នួន ស៊ីណា

The post មកដឹងចំណុចខ្លាំង និងខ្សោយអ្វីខ្លះរបស់ ពេជ្រ អាទិទេព មុនប៉ះ ធន់ ផានិត ដណ្ដើមខ្សែក្រវាត់ appeared first on Kampuchea Thmey Daily.

កីឡាករ លន បញ្ញា, ធន់ រិទ្ធី និង ធន់ ផានិត រួមគ្នាជួយគ្រូដើម្បីធ្វើក្លិបថ្មី

chean virakbot — Thu, 02 Jan 2025 07:15:36 +0000

កីឡាករគុនខ្មែរ លន បញ្ញា, ធន់ រិទ្ធី និង ធន់ ផានិត បានប្រកាសជួយថវិកាមួយចំនួនដល់លោកគ្រូ ធន់ សុភា សម្រាប់ការកសាងក្លិបថ្មីដើម្បីជំរុញឲ្យការបណ្តុះបណ្តាលធន់ធានកីឡាករ កីឡាការិនីគុនខ្មែរកាន់តែល្អប្រសើរ។

នៅព្រឹកថ្ងៃទី២ ខែមករា ឆ្នាំ២០២៥ កីឡាករ ធន់ រិទ្ធី បានប្រកាសផ្តល់ថវិកាចំនួន៥លានរៀលដល់គ្រូ ធន់ សុភា ដើម្បីរួមចំណែកក្នុងការកសាងក្លិបថ្មី។ កីឡាកររូបនេះកាលពីមុនជាអ្នកប្រដាល់គុនចម្រុះ និងគុនខ្មែរ ប៉ុន្តែមិនសូវកាក់កបប៉ុន្មានឡើយ ប៉ុន្តែចាប់តាំងពីផ្លាស់ចូលក្លិបរបស់លោកគ្រូ ធន់ សុភា មកបានធ្វើឲ្យអាជីពកាន់តែជោគជ័យ។

ចំណែក ធន់ ផានិត និង លន បញ្ញា មុនពេលដាច់ឆ្នាំ២០២៤ បានប្រកាសផ្តល់តម្លៃខ្លួនទាំងអស់ដល់លោកគ្រូ ធន់ សុភា ដើម្បីរួមចំណែកក្នុងការកសាងក្លិបថ្មី។ គេនៅមិនទាន់ច្បាស់ពីចំនួនជាក់លាក់ពីតម្លៃខ្លួនរបស់កីឡាករទាំងពីរឡើយ ប៉ុន្តែ លន បញ្ញា អាចត្រូវបានចាត់ជាកីឡាករកម្ពស់ខ្ពស់លំដាប់ A ក្នុងប្រភេទទម្ងន់៦៥គីឡូក្រាម។

សម្រាប់កីឡាករជួរមុខកម្រិត A មានតម្លៃខ្លួនមិនក្រោម១០០០ដុល្លារឡើយ ហើយ ធន់ ផានិត ក៏ជាកីឡាករល្អម្នាក់ដែរ ដូច្នេះតម្លៃខ្លួនខ្ពស់ដែរ។ បើគិតលើតម្លៃខ្លួន ហោចណាស់ក៏ពួកគេផ្តល់ហោចណាស់៤លានរៀលម្នាក់ៗសម្រាប់ការជួយដល់ការកសាងក្លិបថ្មី។

លន បញ្ញា ដែលហ្វឹកហាត់ជាមួយលោកគ្រូ ធន់ សុភា ជាច្រើនឆ្នាំមក មិនបានប្តូរត្រកូលទៅតាមឈ្មោះគ្រូឡើយ។ អ្វីដែលគួរឲ្យសរសើរគឺរូបគេរក្សាទម្ងន់ និងសមត្ថភាពបានយ៉ាងល្អក្នុងរយៈពេលប៉ុន្មានឆ្នាំចុងក្រោយ។ កីឡាកររូបនេះអាចចាត់ទុកជាកូនសិស្សដែលទទួលបានជោគជ័យជាងគេក្នុងចំណោមសិស្សទាំងអស់របស់លោកគ្រូ ធន់ សុភា។ រូបគេបានឈ្នះមេដាយមាស មេដាយប្រាក់កីឡាស៊ីហ្គេមជូនជាតិ, ឈ្នះរង្វាន់រថយន្ត និងឈ្នះខ្សែក្រវាត់ជាច្រើនគ្រឿង។

ក្លិបប្រដាល់មជ្ឈមណ្ឌលកីឡាកងយោធពលខេមរភូមិន្ទ ដែលបង្វឹកដោយលោកគ្រូ ធន់ សុភា នៃសមាគមកីឡាកងយោធពលខេមរភូមិន្ទុ ស្ថិតនៅក្នុងអគារស្តាតចាស់អស់រយៈពេលជាច្រើនឆ្នាំ ប៉ុន្តែនៅពេលខាងមុខនេះនឹងលេចចេញជារូបរាងក្លិបថ្មីមួយទៀតដែលអាចជាទីតាំងអគារមួយពិតប្រាកដសម្រាប់ការបណ្តុះបណ្តាលកីឡាករ កីឡាការិនី។

តាមប្លង់ដែលចេញតាមបណ្តាញទំនាក់ទំនងសង្គមគឺឈ្មោះ«ក្លិបប្រដាល់ ធន់ សុភា គុនខ្មែរ» ដែលដូចមិត្តរួមជំនាន់មួយចំនួនមានក្លិបផ្ទាល់ខ្លួនដូចជា លោកគ្រូ សេន ប៊ុនថេន និង ពេជ្រ សុផាន់ ជាដើម៕

អត្ថបទ៖ វីរបុត្រ

The post កីឡាករ លន បញ្ញា, ធន់ រិទ្ធី និង ធន់ ផានិត រួមគ្នាជួយគ្រូដើម្បីធ្វើក្លិបថ្មី appeared first on Kampuchea Thmey Daily.

ថ្ងៃអាទិត្យនេះ ធន់ ផានិត ប៉ះ Asahi ម្ចាស់ខ្សែក្រវាត់៦ខ្សែ នៅទឹកដីជប៉ុន

chean virakbot — Fri, 11 Oct 2024 08:18:07 +0000

អ្នកលេងគុនខ្មែរ ធន់ ផានិត បានធ្វើដំណើរទៅដល់ប្រទេសជប៉ុនហើយដើម្បីប្រកួតជាមួយកីឡាករម្ចាស់ផ្ទះ Asahi Shinagawa នៅថ្ងៃអាទិត្យ ទី១៣ ខែតុលា ឆ្នាំ២០២៤។

កីឡាករ Asahi ដែលមានអាយុ២២ឆ្នាំ និងកម្ពស់១.៦៨ម៉ែត្រ របស់ក្លិប Eiwa Sports Gym មានកំណត់យ៉ាងល្អក្នុងរយៈពេលប៉ុន្មានឆ្នាំចុងក្រោយនេះ។ រូបគេមានជំនាញឃីកបុកស៊ីង និងមួយថៃ ដែលបានចាប់ផ្តើមអាជីពប្រដាល់តាំងពីឆ្នាំ២០១៣។ រូបគេជាកីឡាករជោគជ័យក្នុងការឡើងសង្វៀនធំៗនៅប្រទេសជប៉ុន និងថៃ រួមទាំងសង្វៀន ONE Championship។

ចន្លោះឆ្នាំ២០១៣-២០១៥ កីឡាករ Asahi បានប្រឡូកក្នុងការប្រកួតស្ម័គ្រចិត្តដែលទទួលបានជើងឯក១០លើក។ ឆ្នាំ២០១៣ រូបគេបានឈ្នះជើងឯកសង្វៀន BigBang ទម្ងន់៣១គីឡូក្រាម។ ឆ្នាំ២០១៤ រូបគេបានឈ្នះជើងឯកទម្ងន់៤០គីឡូក្រាមនៅសង្វៀន Windy Sports និងសង្វៀន BOM។ នៅឆ្នាំ២០១៥ រូបគេបានឈ្នះជើងឯក៣ទៀតគឺ ជើងឯក DBS Kids Tournament ទម្ងន់៤០គីឡូក្រាម និងជើងឯក MA Kids Tournament ទម្ងន់៤២គីឡូក្រាម។ ឆ្នាំ២០១៦ ជាឆ្នាំចុងក្រោយនៃការប្រកួតស្ម័គ្រចិត្ត រូបគេបានឈ្នះជើងឯកដល់៦ផ្សេងគ្នាគឺ ជើងឯក Mauy Thai Open ទម្ងន់៤៥គីឡូក្រាម, ជើងឯក BigBang ទម្ងន់៤៥គីឡូក្រាម, ជើងឯក Muay Thai Open ទម្ងន់៥០គីឡូក្រាម, ជើងឯក UKF Junior ទម្ងន់៥០គីឡូក្រាម និងជើងឯក BOM ទម្ងន់៥០គីឡូក្រាម។

រូបគេបានប្រកួតអាជីព៣៩ដងគឺ ឈ្នះ២៩ និងចាញ់១០។ ៥ប្រកួតដំបូងក្នុងការប្រកួតអាជីព រូបគេទទួលបានជ័យជម្នះតែម្តងគត់ ប៉ុន្តែចាញ់៤ដង។ ទោះបីជាយ៉ាងណា ចាប់តាំងពីបានឈ្នះខ្សែក្រវាត់ពិភពលោក IPCC នៅខែកញ្ញា ឆ្នាំ២០២២មកគឺរូបគេមិនដែលចាញ់សោះរហូតដល់បច្ចុប្បន្ន។

សមិទ្ធផលធំៗក្នុងការប្រឡូកប្រដាល់អាជីពគឺឈ្នះខ្សែក្រវាត់៦ខ្សែ។ រូបគេបានឈ្នះខ្សែក្រវាត់មួយថៃពិភពលោក WBC នៅថ្ងៃទី៩ ខែកុម្ភៈ ឆ្នាំ២០២០ បន្ទាប់ពីផ្តួលកីឡាករថៃ Sing Udom តាមរយៈការផ្តួលឲ្យសន្លប់ក្នុងទឹកទី២ នៅប្រទេសជប៉ុន។

ខ្សែក្រវាត់ទី២គឺ IMC ដែលជាខ្សែក្រវាត់ក្រុមប្រឹក្សាមួយថៃអន្តរជាតិ បន្ទាប់ពីរូបគេបានឈ្នះពិន្ទុកីឡាករថៃ Jomrawee Fefinas នៅខែធ្នូ ឆ្នាំ២០២២ ខណៈខ្សែក្រវាត់ទី៣គឺ IPCC ដែលជាខ្សែក្រវាត់ ក្រុមប្រឹក្សាគីឡាប្រយុទ្ធអាជីពអន្តរជាតិ បន្ទាប់ពីបានឈ្នះកីឡាករថៃ Peym Baraikankendon តាមរយៈការផ្តួលឲ្យសន្លប់នៅខែកញ្ញា ឆ្នាំ២០២២។ ខ្សែក្រវាត់ទី៤ WMC ដែលជាខ្សែក្រវាត់ក្រុមប្រឹក្សាមួយថៃពិភពលោក កម្រិតអាស៊ី បន្ទាប់ពីរូបគេបានយកឈ្នះកីឡាករថៃ Superman Banchaamek នៅខែធ្នូ ឆ្នាំ២០២៣ ព្រមទាំងឈ្នះខ្សែក្រវាត់ឃីកបុកស៊ីងជប៉ុន (MAJKF) ឆ្នាំ២០២១ និងខ្សែក្រវាត់សង្វៀន Lumpinee ប្រចាំប្រទេសជប៉ុន (LPNJ) ឆ្នាំ២០១៩។

ការប្រកួតរវាង ធន់ ផានិត និង Asahi លក្ខណៈមួយថៃដែលវ៉ៃ៥ទឹក ក្នុង១ទឹកមាន៣នាទី។

តម្លៃសំបុត្រសម្រាប់ចូលទស្សនាការប្រកួតនេះមាន៣ប្រភេទ។ កម្រិតទី១ (VIP) មានតម្លៃ ៣០ ០០០យ័ន (២១១ដុល្លារ) កម្រិតទី២ តម្លៃ ១៣០០០យ័ន (៩១ដុល្លារ) និងកម្រិតទី៣ ៧០០០យ័ន (៤៩ដុល្លារ)។

ស្ថិតិ១០ប្រកួតចុងក្រោយ

ផ្តួលកីឡាករថៃ Chaiyakorn ឲ្យសន្លប់ក្នុងទឹកទី១ នៅសង្វៀន Rajaddamnern ខែកក្កដា ឆ្នាំ២០២៤
ឈ្នះកីឡាករអ៊ូបេគីស្ថាន Nur Mohammad ដោយពិន្ទុ នៅសង្វៀន Rajaddamnern ខែមិថុនា ឆ្នាំ២០២៤
ផ្តួលកីឡាករថៃ Petchwaewaw ឲ្យសន្លប់ទឹកទី១ Rajaddamnern ខែមីនា ឆ្នាំ២០២៤
ផ្តួលកីឡាករថៃ Surasak Krudam ឲ្យសន្លប់ក្នុងទឹកទី២ នៅសង្វៀន TOP Brights 1 ខែមករា ឆ្នាំ២០២៤
ផ្តួលកីឡាករថៃ Superman Banchamek ឲ្យសន្លប់ក្នុងទឹកទី២ នៅសង្វៀន Rajaddamnern ខែធ្នូ ឆ្នាំ២០២៣
ផ្តួលកីឡាករថៃ Narit Sor Somnuk ឲ្យសន្លប់ក្នុងទឹកទី២ នៅសង្វៀន BOM 45 ខែវិច្ឆិកា ឆ្នាំ២០២៣
ផ្តួលកីឡាករថៃ Bokbon LB ឲ្យសន្លប់ក្នុងទឹកទី១ នៅសង្វៀន BOM 44 ខែតុលា ឆ្នាំ២០២៣
ផ្តួលកីឡាករថៃ Muangphet Rachanon ឲ្យសន្លប់ក្នុងទឹកទី១ នៅសង្វៀន BOM 43 ខែសីហា ឆ្នាំ២០២៣
ឈ្នះកីឡាករព័រទុយហ្គាល់ Rui Botelho ដោយពិន្ទុ នៅសង្វៀន ONE ខែវិច្ឆិកា ឆ្នាំ២០២២
ផ្តួលកីឡាករថៃ Peym Baraikankendon ឲ្យសន្លប់ក្នុងទឹកទី៤ នៅសងៀន Ouroboros ខែកញ្ញា ឆ្នាំ២០២៣

ខ្សែក្រវាត់សំខាន់៤

ឈ្នះខ្សែក្រវាត់ឃីកបុកស៊ីងជប៉ុន (MAJKF) ឆ្នាំ២០២១
ឈ្នះខ្សែក្រវាត់សង្វៀន Lumpinee ប្រចាំប្រទេសជប៉ុន (LPNJ) ឆ្នាំ២០១៩
ឈ្នះខ្សែក្រវាត់មួយថៃពិភពលោក (WBC) ឆ្នាំ២០២០
ឈ្នះខ្សែក្រវាត់ក្រុមប្រឹក្សាមួយថៃអន្តរជាតិ (IMC) ឆ្នាំ២០២០
ឈ្នះខ្សែក្រវាត់ក្រុមប្រឹក្សាកីឡាប្រយុទ្ធអាជីពអន្តរជាតិ (IPCC) ឆ្នាំ២០២២
ឈ្នះខ្សែក្រវាត់ក្រុមប្រឹក្សាមួយថៃពិភពលោក (WMC) អាស៊ី ឆ្នាំ២០២៣

អត្ថបទ៖ វីរបុត្រ

The post ថ្ងៃអាទិត្យនេះ ធន់ ផានិត ប៉ះ Asahi ម្ចាស់ខ្សែក្រវាត់៦ខ្សែ នៅទឹកដីជប៉ុន appeared first on Kampuchea Thmey Daily.

ធ្វើការធ្ងន់! ធន់ ផានិត ប៉ះជប៉ុន Asahi មានកំណត់ត្រាមិនចាញ់តាំងពីឆ្នាំ២០២២

chean virakbot — Wed, 18 Sep 2024 00:51:33 +0000

អ្នកលេងគុនខ្មែរ ធន់ ផានិត ត្រូវធ្វើការធ្ងន់មែនទែននៅថ្ងៃទី១៣ ខែតុលា ឆ្នាំ២០២៤ នៅប្រទេសជប៉ុននៅពេលត្រូវប៉ះកីឡាករម្ចាស់ផ្ទះ Asahi Shinagawa ដែលមានកំណត់ត្រាល្អក្នុងរយៈពេលប៉ុន្មានឆ្នាំចុងក្រោយ។

កីឡាករ Asahi អាយុ២២ឆ្នាំ កម្ពស់១.៦៨ម៉ែត្រ មកពីក្លិប Eiwa Sports Gym ជាអ្នកប្រដាល់ជំនាញឃីកបុកស៊ីង និងមួយថៃ ដែលបានចាប់ផ្តើមអាជីពប្រដាល់តាំងពីឆ្នាំ២០១៣។ រូបគេជាកីឡាករជោគជ័យក្នុងការឡើងសង្វៀនធំៗនៅប្រទេសជប៉ុន និងថៃ ក្នុងនោះក៏ធ្លាប់ប្រកួតនៅសង្វៀន ONE Championship ផងដែរ។

មុនចាប់ផ្តើមប្រដាល់អាជីព Asahi បានប្រឡូកក្នុងការប្រកួតស្ម័គ្រចិត្តពីឆ្នាំ២០១៣ ដល់ឆ្នាំ២០១៦ដោយបានឈ្នះជើងឯកចំនួន១០លើក។ ឆ្នាំ២០១៣ រូបគេបានឈ្នះជើងឯកសង្វៀន BigBang ទម្ងន់៣១គីឡូក្រាម។ ឆ្នាំ២០១៤ រូបគេបានឈ្នះជើងឯកទម្ងន់៤០គីឡូក្រាមនៅសង្វៀន Windy Sports និងសង្វៀន BOM។ នៅឆ្នាំ២០១៥ រូបគេបានឈ្នះជើងឯក៣ទៀតគឺ ជើងឯក DBS Kids Tournament ទម្ងន់៤០គីឡូក្រាម និងជើងឯក MA Kids Tournament ទម្ងន់៤២គីឡូក្រាម។ ឆ្នាំ២០១៦ ជាឆ្នាំចុងក្រោយនៃការប្រកួតស្ម័គ្រចិត្ត រូបគេបានឈ្នះជើងឯកដល់៦ផ្សេងគ្នាគឺ ជើងឯក Mauy Thai Open ទម្ងន់៤៥គីឡូក្រាម, ជើងឯក BigBang ទម្ងន់៤៥គីឡូក្រាម, ជើងឯក Muay Thai Open ទម្ងន់៥០គីឡូក្រាម, ជើងឯក UKF Junior ទម្ងន់៥០គីឡូក្រាម និងជើងឯក BOM ទម្ងន់៥០គីឡូក្រាម។

នៅខែមិថុនា ឆ្នាំ២០១៥ រូបគេក៏បានប្រកួតអាជីព។ ចាប់តាំងពីនោះមករហូតដល់ខែកញ្ញា ឆ្នាំ២០២៤ រូបគេបានប្រកួតអាជីព៣៩ដងគឺ ឈ្នះ២៩ និងចាញ់១០។ ៥ប្រកួតដំបូងក្នុងការប្រកួតអាជីព Asahi ទទួលបានជ័យជម្នះតែម្តងគត់ ប៉ុន្តែចាញ់៤ដង។

ទោះបីជាយ៉ាងណា ចាប់តាំងពីបានឈ្នះខ្សែក្រវាត់ពិភពលោក IPCC នៅខែកញ្ញា ឆ្នាំ២០២២មកគឺរូបគេមិនដែលចាញ់សោះរហូតដល់ឥឡូវនេះ។ សមិទ្ធផលធំៗក្នុងការប្រឡូកប្រដាល់អាជីពគឺឈ្នះខ្សែក្រវាត់៤ខ្សែ។ រូបគេបានឈ្នះខ្សែក្រវាត់មួយថៃពិភពលោក WBC នៅថ្ងៃទី៩ ខែកុម្ភៈ ឆ្នាំ២០២០ បន្ទាប់ពីផ្តួលកីឡាករថៃ Sing Udom តាមរយៈការផ្តួលឲ្យសន្លប់ក្នុងទឹកទី២ នៅប្រទេសជប៉ុន។

ខ្សែក្រវាត់ទី២គឺ IMC ដែលជាខ្សែក្រវាត់ក្រុមប្រឹក្សាមួយថៃអន្តរជាតិ បន្ទាប់ពីរូបគេបានឈ្នះពិន្ទុកីឡាករថៃ Jomrawee Fefinas នៅខែធ្នូ ឆ្នាំ២០២២ ខណៈខ្សែក្រវាត់ទី៣គឺ IPCC ដែលជាខ្សែក្រវាត់ ក្រុមប្រឹក្សាគីឡាប្រយុទ្ធអាជីពអន្តរជាតិ បន្ទាប់ពីបានឈ្នះកីឡាករថៃ Peym Baraikankendon តាមរយៈការផ្តួលឲ្យសន្លប់នៅខែកញ្ញា ឆ្នាំ២០២២ និងខ្សែក្រវាត់ទី៤ WMC ដែលជាខ្សែក្រវាត់ក្រុមប្រឹក្សាមួយថៃពិភពលោក កម្រិតអាស៊ី បន្ទាប់ពីរូបគេបានយកឈ្នះកីឡាករថៃ Superman Banchaamek នៅខែធ្នូ ឆ្នាំ២០២៣។

សូមបញ្ជាក់ថា ការប្រកួតរវាង ធន់ ផានិត និង Asahi លក្ខណៈមួយថៃដែលវ៉ៃ៥ទឹក ក្នុង១ទឹកមាន៣នាទី។

ស្ថិតិ១០ប្រកួតចុងក្រោយ

ផ្តួលកីឡាករថៃ Chaiyakorn ឲ្យសន្លប់ក្នុងទឹកទី១ នៅសង្វៀន Rajaddamnern ខែកក្កដា ឆ្នាំ២០២៤
ឈ្នះកីឡាករអ៊ូបេគីស្ថាន Nur Mohammad ដោយពិន្ទុ នៅសង្វៀន Rajaddamnern ខែមិថុនា ឆ្នាំ២០២៤
ផ្តួលកីឡាករថៃ Petchwaewaw ឲ្យសន្លប់ទឹកទី១ Rajaddamnern ខែមីនា ឆ្នាំ២០២៤
ផ្តួលកីឡាករថៃ Surasak Krudam ឲ្យសន្លប់ក្នុងទឹកទី២ នៅសង្វៀន TOP Brights 1 ខែមករា ឆ្នាំ២០២៤
ផ្តួលកីឡាករថៃ Superman Banchamek ឲ្យសន្លប់ក្នុងទឹកទី២ នៅសង្វៀន Rajaddamnern ខែធ្នូ ឆ្នាំ២០២៣
ផ្តួលកីឡាករថៃ Narit Sor Somnuk ឲ្យសន្លប់ក្នុងទឹកទី២ នៅសង្វៀន BOM 45 ខែវិច្ឆិកា ឆ្នាំ២០២៣
ផ្តួលកីឡាករថៃ Bokbon LB ឲ្យសន្លប់ក្នុងទឹកទី១ នៅសង្វៀន BOM 44 ខែតុលា ឆ្នាំ២០២៣
ផ្តួលកីឡាករថៃ Muangphet Rachanon ឲ្យសន្លប់ក្នុងទឹកទី១ នៅសង្វៀន BOM 43 ខែសីហា ឆ្នាំ២០២៣
ឈ្នះកីឡាករព័រទុយហ្គាល់ Rui Botelho ដោយពិន្ទុ នៅសង្វៀន ONE ខែវិច្ឆិកា ឆ្នាំ២០២២
ផ្តួលកីឡាករថៃ Peym Baraikankendon ឲ្យសន្លប់ក្នុងទឹកទី៤ នៅសងៀន Ouroboros ខែកញ្ញា ឆ្នាំ២០២៣

ខ្សែក្រវាត់សំខាន់៤

ខ្សែក្រវាត់ WBC មួយថៃពិភពលោក ឆ្នាំ២០២០
ខ្សែក្រវាត់ IMC ឆ្នាំ២០២០
ខ្សែក្រវាត់ IPCC ឆ្នាំ២០២២
ខ្សែក្រវាត់ WMC អាស៊ី ឆ្នាំ២០២៣

អត្ថបទ៖ វីរបុត្រ

The post ធ្វើការធ្ងន់! ធន់ ផានិត ប៉ះជប៉ុន Asahi មានកំណត់ត្រាមិនចាញ់តាំងពីឆ្នាំ២០២២ appeared first on Kampuchea Thmey Daily.

ធន់ ផានិត ប្រាប់បេក្ខភាព២រូបជាគូប្រជែងខ្លាំងក្នុងខ្សែក្រវាត់ខារ៉ាបាវរដូវកាលថ្មី

chean virakbot — Tue, 11 Apr 2023 04:25:20 +0000

ធន់ ផានិត បានចូលខ្លួនប្រកួតដណ្តើមខ្សែក្រវាត់ខារ៉ាបាវ ជាលើកទី២ ឆ្នាំ២០២៣ បន្ទាប់ពីចូលរួមប្រកួតលើកទី១ កាលពីឆ្នាំ២០២២ ដោយទទួលត្រឹមចំណាត់បថ្នាក់លេខ៣ប៉ុណ្ណោះ។

សម្រាប់ការប្រកួតខ្សែក្រវាត់រដូវកាលថ្មីទម្ងន់៥៧គីឡក្រាមមានបេក្ខភាព៨រូបគេគឺកីឡាករកម្ពុជា៤រូប និងកីឡាករថៃ៤រូប ដែលត្រូវប្រជែងគ្នាឆ្ពោះទៅរកការគ្រងខ្សែក្រវាត់។ ក្នុងនោះ កីឡាករកម្ពុជា ធន់ ផានិត ដាក់ក្តីរំពឹងខ្ពស់ឡើងទៅកាន់វគ្គផ្តាច់ព្រ័ត្រ បន្ទាប់ពីខកចិត្តកាលលើកទី១។

ធន់ ផានិត បាននិយាយថា រូបគេសង្ឃឹមច្រើនសម្រាប់ការប្រកួតខ្សែក្រវាត់លើកនេះ ដោយសារទម្ងន់ខុសពីលើកមុន។ កាលលើកមុនរូបគេប្រកួតទម្ងន់៦០គីឡូក្រាមដែលខុសពីទម្ងន់ពិតរបស់ខ្លួន ប៉ុន្តែសម្រាប់ការប្រកួតលើកទី២នេះគឺក្នុងទម្ងន់៥៧គីឡូក្រាមដែលត្រូវនឹងទម្ងន់ពិតរបស់ខ្លួន។

ផានិត បាននិយាយថា ៖«លើកមុន ខ្ញុំឡើងវ៉ៃទម្ងន់៦០គីឡូក្រាម អីចឹងអាវុធខ្ញុំស្រាល វ៉ៃទៅដូចមិនសូវមានប្រសិទ្ធភាព តែលើកនេះខ្ញុំត្រូវនឹងទម្ងន់របស់ខ្ញុំ អីចឹងអាវុធរបស់ខ្ញុំធ្ងន់ល្អ»។

ទោះបីជាដាក់ក្តីសង្ឃឹមឈានឆ្ពោះទៅរកការគ្រងខ្សែក្រវាត់បែបនេះក្តី ក៏ ធន់ ផានិត បានចាត់ទុកបេក្ខភាព២រូបដែលជាគូប្រជែងខ្លាំងក្នុងចំណោមបេក្ខភាពទាំង៨រូប។ កីឡាករខ្មែរ ពេជ្រ ប៊ុនសិទ្ធ ជាជើងខ្លាំងម្នាក់ដែល ផានិត គិតថាជាឧបសគ្គធំ ពីព្រោះការប្រកួតកន្លងមក ប៊ុនសិទ្ធ មិនទាន់ចាញ់ទេ ហើយក៏ជាកីឡាករម្នាក់ដែលមានបច្ចេកទេស ស៊ូធន់ និងអាវុធគ្រប់គ្រឿង។

ចំណែកកីឡាករមកពីប្រទេសថៃវិញ ផេតផាកភូមិ ជាបេក្ខភាពម្នាក់ដែល ធន់ ផាតិត ចាត់ទុកជាឧបសគ្គធំដែរ ដោយសារកីឡាករថៃរូបនេះមានកម្ពស់ខ្ពស់ រឹងមាំ និងស៊ូធន់ ប៉ុន្តែរូបគេមិនសូវមានអាវុធគ្រោះថ្នាក់ខ្លាំងទេ។

តាមពិតទៅ ធន់ ផានិត បានប្រកួតឈ្នះ ផេតផាកភូមិ កាលសប្តាហ៍ទី១ ក្នុងជុំទី១នៃខ្សែក្រវាត់ខារ៉ាបាវរដូវកាលនេះ។ ដូច្នេះប្រសិនបើអ្នកទាំងពីរត្រូវប៉ះគ្នាទៀតគឺទាល់តែវគ្គផ្តាច់ព្រ័ត្រ ឬវគ្គដណ្តើមយកចំណាត់ថ្នាក់លេខ៣ ពីព្រោះវគ្គសន្សំពិន្ទុ អ្នកទាំងពីរបានជួបគ្នារួចហើយ។

សូមបញ្ជាក់ថា រូបមន្តនៃការប្រកួតខ្សែក្រវាត់នេះ បន្ទាប់ពីចប់ការប្រកួតវគ្គសន្សំពិន្ទុ នឹងរកឃើញកីឡាករខ្មែរ២រូប និងកីឡាថៃ២រូបដែលមានពិន្ទុខ្ពស់ជាងគេឡើងទៅកាន់វគ្គពាក់កណ្តាលផ្តាច់ព្រ័ត្រ។ នៅវគ្គពាក់កណ្តាលផ្តាច់ព្រ័ត្រកីឡាករខ្មែរត្រូវប៉ះកីឡាករខ្មែរ ហើយកីឡាករថៃត្រូវប៉ះកីឡាករថៃ ដូច្នេះកីឡាករថៃម្នាក់ និងកីឡាករកម្ពុជាឡើងទៅកាន់វគ្គផ្តាច់ព្រ័ត្រ ហើយក៏មានកីឡាករខ្មែរម្នាក់ និងកីឡាករថៃម្នាក់ប្រកួតគ្នាដណ្តើមចំណាត់ថ្នាក់លេខ៣។

តារាងពិន្ទុជុំទី២

កីឡាករខ្មែរ ធន់ ផានិត មាន៦ពិន្ទុ (ឈ្នះ២ប្រកួត)
កីឡាករថៃ ផេតផាកភូមិ មាន៤ពិន្ទ (ឈ្នះ១ ចាញ់១)
កីឡាករខ្មែរ សេក គឹមសាន មាន៤ពិន្ទុ (ឈ្នះ១ ចាញ់១)
កីឡាករខ្មែរ ហុង សុវណ្ណចាន់សុធី មាន៣ពិន្ទុ
កីឡាករខ្មែរ ពេជ្រ ប៊ុនសិទ្ធ មាន៣ពិន្ទុ (ឈ្នះ១)
កីឡាករថៃ ថៈឡេកងើន មាន២ពិន្ទុ (ចាញ់២)
កីឡាករថៃ ឡាហ្វាន់ មាន១ពិន្ទុ (ចាញ់១)
កីឡាករថៃ អ៊ីនស៊ីណយ មាន១ពិន្ទុ (ចាញ់១)

អត្ថបទ៖ វីរបុត្រ

The post ធន់ ផានិត ប្រាប់បេក្ខភាព២រូបជាគូប្រជែងខ្លាំងក្នុងខ្សែក្រវាត់ខារ៉ាបាវរដូវកាលថ្មី appeared first on Kampuchea Thmey Daily.

ធន់ ផានិត ប្រាប់បច្ចេកទេចផ្តួលថៃសន្លប់ទឹក២យប់មិញឡើងឈរកំពូលតារាង

chean virakbot — Mon, 10 Apr 2023 03:02:37 +0000

ធន់ ផានិត ទទួលបានជ័យជម្នះលើកទី២ ក្នុងការប្រកួតវគ្គសន្សំពិន្ទុខ្សែក្រវាត់ខារ៉ាបាវ ឆ្នាំ២០២៣ នៅសង្វៀនបាយ័នស្ទឹងមានជ័យ បន្ទាប់ពីផ្តួលកីឡាករថៃ ថៈឡេងើន ប៉.អាវបាងសារ៉េ ឲ្យសន្លប់ក្នុងទឹកទី២ ដើម្បីទទួលបាន៣ពិន្ទុពេញបន្ថែមទៀត។

សម្រាប់ការប្រកួតកាលពីល្ងាច ថ្ងៃអាទិត្យ ទី៩ ខែមេសា អ្នកលេងគុនខ្មែរ ធន់ ផានិត និងកីឡាករថៃ ថៈឡេងើន ហាក់គ្មានការស្ទាបស្ទង់គ្នាទេ ប៉ុន្តែកីឡាករទាំងពីរចាប់ផ្តើមវាយសម្រុកគ្នាតែម្តង។ នៅទឹកទី១ឃើញថា កីឡាករកម្ពុជាព្យាយាមទាត់ជើងក្រោម ខណៈកីឡាករថៃព្យាយាមចូលអោបឡើងជង្គង់ និងវាយកែងដែលមើលទៅប្រដំប្រសងគ្នា។

ចូលទឹកទី២ កីឡាករទាំងពីររឹតតែព្យាយាមចូលអោបឡើងជង្គង់ ទាត់ និងលេងកែង។ អ្វីដែលគួរឲ្យកត់ចំគាល់នោះ អ្នកទាំងពីរបានឡាំជង្គង់គ្នាទៅវិញទៅមក ប៉ុន្តែឃើញថា ធន់ ផានិត មានគោលជំហររឹងមាំជាងដែលងាយស្រួលក្នុងការឡើងជង្គង់ ហើយបុកជង្គង់ពេញៗលើពោះរបស់ ថៈឡេងើន ជាច្រើនដែលបណ្តាលឲ្យដួលសន្លប់រាប់៨ក៏មិនអាចក្រោករួច។

សម្រាប់ការផ្តួលដៃគូនេះ ធន់ ផានិត បានប្រាប់ថា ៖«សម្រាប់ការប្រកួតថ្ងៃនេះ ខ្ញុំគិតថា ខ្ញុំធ្វើបានល្អ ពីព្រោះខ្ញុំផ្តួលដៃគូបានលឿន។ ខ្ញុំបានព្យាយាមឡាំជង្គង់ជាមួយគាត់ មួយទៅ មួយមក ដោយសារខ្ញុំមើលឃើញថា ខ្ញុំអាចវ៉ៃក្បាច់ឡាំបានល្អច្រើន។ ក្បាច់របស់ខ្ញុំមែនទែនទៅគឺចូលវ៉ៃកៀក»។

គិតត្រឹមសប្តាហ៍ទី១ ក្នុងជុំទី២ ធន់ ផានិត ជាបេក្ខភាពជានមុខគេក្នុងតារាងពិន្ទុបណ្ណោះអាសន្ន បន្ទាប់ពីឆ្លងកាត់២ប្រកួត ឈ្នះទាំងពីរ រកបាន៦ពិន្ទុពេញ ខណៈ សេក គឹមសាន បានចាញ់ក្នុងទឹកទី២សម្រាប់ការប្រកួតជុំទី២នេះ។

តារាងពិន្ទុ ជុំទី២

កីឡាករខ្មែរ ធន់ ផានិត មាន៦ពិន្ទុ (ឈ្នះ២ប្រកួត)
កីឡាករថៃ ផេតផាកភូមិ មាន៤ពិន្ទ (ឈ្នះ១ ចាញ់១)
កីឡាករខ្មែរ សេក គឹមសាន មាន៤ពិន្ទុ (ឈ្នះ១ ចាញ់១)
កីឡាករខ្មែរ ហុង សុវណ្ណចាន់សុធី មាន៣ពិន្ទុ
កីឡាករខ្មែរ ពេជ្រ ប៊ុនសិទ្ធ មាន៣ពិន្ទុ (ឈ្នះ១)
កីឡាករថៃ ថៈឡេកងើន មាន២ពិន្ទុ (ចាញ់២)
កីឡាករថៃ ឡាហ្វាន់ មាន១ពិន្ទុ (ចាញ់១)
កីឡាករថៃ អ៉ីនស៊ីណយ មាន១ពិន្ទុ (ចាញ់១)

អត្ថបទ៖ វីរបុត្រ

The post ធន់ ផានិត ប្រាប់បច្ចេកទេចផ្តួលថៃសន្លប់ទឹក២យប់មិញឡើងឈរកំពូលតារាង appeared first on Kampuchea Thmey Daily.

ធន់ ផានិត ជាបេក្ខភាពលេចធ្លោសម្រាប់ខ្សែក្រវាត់ខារ៉ាបាវរដូវកាលថ្មី

chean virakbot — Sat, 11 Mar 2023 02:09:34 +0000

កូនសិស្សរបស់លោកគ្រូ ធន់ សុភា គឺ ធន់ ផានិត ជាបេក្ខភាពឈានមុខគេម្នាក់សម្រាប់ព្រឹត្តិការណ៍ប្រកួតខ្សែក្រវាត់ខារ៉ាបាវរដូវកាលថ្មី ឆ្នាំ២០២៣ ដែលនឹងចាប់ផ្តើមបើកយុទ្ធនាការល្ងាចម៉ោង៦ ថ្ងៃអាទិត្យ ទី១២ ខែមីនានេះ។

ធន់ ផានិត (ក្រហម)

ជើងខ្លាំងគុនខ្មែរទម្ងន់៥៧គីឡូក្រាមទាំង៤រូបមាន អតីតបេក្ខភាពរដូវកាលមុន ធន់ ផានិត ខ្លាកំណាច ពេជ្រ ប៊ុនសិទ្ធ ជើងខ្លាំងឡើងជើងថ្មី ហុង សុវណ្ណចាន់សុធី និងអ្នកមានបទពិសោធច្រើន សេក គឹមសាន។

អ្នកលេងឆ្លងដែន៤រូបគឺសុទ្ធតែជាអ្នកជោកជាំលើសង្វៀនស្រុកខ្មែរហើយរួមមាន ថៈឡេកងើន, ឡាហ្វាន់, ផេតផាកភូមិ និងអ៉ីនស៊ីណយ។ សមត្ថភាពរបស់កីឡាករថៃទាំង៤នាក់គឺល្អប្រហាក់ប្រហែលគ្នា និងជាបេក្ខភាពមិនអាចមើលស្រាលបានសម្រាប់អ្នកលេងគុនខ្មែរ។

យ៉ាងណា បើនិយាយពីបេក្ខភាពលេចធ្លោ និងអាចឈានដល់វគ្គផ្តាច់ព្រ័ត្រគឺ ធន់ ផានិត ខណៈ ពេជ្រ ប៊ុនសិទ្ធ ក៏សង្ឃឹមខ្ពស់ដែរ។ អ្នកទាំងពីរនេះជាកីឡាករវ៉ៃបុកដូចគ្នា ហើយមិនចេះចុះញមចំពោះដៃគូប្រកួតឡើយ។ កាលពីរដូវកាលមុន ធន់ ផានិត ទទួលបានចំណាត់ថ្នាក់លេខ៣ ដូច្នេះរដូវកាលថ្មីនេះ រូបគេសង្ឃឹមច្រើនក្នុងការឡើងទៅដល់វគ្គផ្តាច់ព្រ័ត្រ។

ពេជ្រ ប៊ុនសិទ្ធ (ក្រហម)

សម្រាប់ការប្រកួតសន្សំពិន្ទុ ជុំទី១ ជើងខ្លាំងឡើងជើងគួរឲ្យចាប់អារម្មណ៍ ហុង សុវណ្ណចាន់សុធី ប៉ះខ្លាចាស់ អ៉ីនស៊ីណយ ខណៈ ពេជ្រ ប៊ុនសិទ្ធ ប៉ះ ឡាហ្វាន់ ចាប់ពីវេលាម៉ោង៦ល្ងាច ថ្ងៃអាទិត្យ ទី១២ ខែមីនា ឆ្នាំ២០២៣៕

អត្ថបទ៖ វីរបុត្រ

The post ធន់ ផានិត ជាបេក្ខភាពលេចធ្លោសម្រាប់ខ្សែក្រវាត់ខារ៉ាបាវរដូវកាលថ្មី appeared first on Kampuchea Thmey Daily.

ល្ងាចនេះ ធន់ ផានិត ប៉ះថៃ ឡាហ្វាន់ ជាអ្នកជោកជាំសង្វៀនស្រុកខ្មែរ

chean virakbot — Fri, 06 Jan 2023 09:24:14 +0000

ជើងខ្លាំង ធន់ ផានិត បានឡើងសង្វៀនទៀតល្ងាចថ្ងៃសុក្រ ទី៦ ខែមករា នេះ បន្ទាប់ពីបានផ្តួលកីឡាករថៃកាលពីឆ្លងឆ្នាំ២០២២ ឈានចូលឆ្នាំ២០២៣។ លើកនេះរូបគេជួបកីឡាករថៃ ឡាហ្វាន់ ត.ភុសនីឆៃ ដែលធ្លាប់មកអង្រួនសង្វៀនស្រុកខ្មែរប្រហែល៤ឆ្នាំមកហើយ។

កីឡាករថៃ ឡាហ្វាន់ បានប្រកួតជាមួយអ្នកលេងគុនខ្មែរជាច្រើននាក់ទាំងកីឡាករចាស់វស្សា និងស្រករក្រោយ ក្នុងនោះកាលពីឆ្នាំ២០១៩ រូបគេបានផ្តួលអ្នកប្រដាល់គុនខ្មែរ វ៉ាន់ វឿន ឲ្យសន្លប់តាមរយៈការទាត់ផ្កាប់ចាន។ បន្ទាប់មករូបគេបានយកឈ្នះកីឡាករកម្ពុជា បាន លីម ដោយពិន្ទុ។

ទោះបីជាយ៉ាងណា បន្ទាប់ពីចប់វិបត្តិកូវីដ-១៩ រូបគេមិនសូវជាកាក់កបឡើយ សូម្បីតែជួបកីឡាករវ័យក្មេងស្រករក្រោយក៏មិនទទួលបានលទ្ធផលល្អប្រសើរដែរ។ រូបគេបានចាញ់ចាញ់ពិន្ទុកីឡាករ ធន់ វណ្ណា, ចាញ់សន្លប់ ពេជ្រ កក្កដា, ចាញ់ពិន្ទុ ធន់ ក្របី, ចាញ់ពិន្ទុ ចាន់ សាន់ និងចាញ់ពិន្ទុ សឿន ថៃសាន់។

បើតាមមើលបច្ចេកទេសនៃការប្រកួតរបស់ ឡាហ្វាន់ គឺក្បាច់ទាត់ជាអាវុធពិសេសរបស់គេ ហើយមិនសូវមានស្មារតីប្រយុទ្ធអង់អាច ក្លាយហានទេ ដោយសាររូបគេភាគច្រើនវ៉ៃចេញមួយៗ ថយក្រោយ និងទាត់កាត់រាល់ពេលដៃគូចូលវ៉ៃ។ លក្ខណៈពិសេសរបស់គេគឺកាយសម្បទាខ្ពស់ល្អ។

ចំណែក ធន់ ផានិត បន្ទាប់ពីចាញ់ ពេជ្រ សម្បត្តិ វគ្គពាក់កណ្តាលផ្តាច់ព្រ័ត្រក្នុងការប្រកួតខ្សែក្រវាត់កាលពីឆ្នាំ២០២២កន្លងមក រូបគេមិនដែលចាញ់សោះ។ រាល់ការឡើងសង្វៀនចុងក្រោយនេះគឺផ្តួលដៃគូរហូត ជាពិសេសរន្ទះជើងទាត់ក្រោមឲ្យដៃគូឈរលែងរួចតែម្តង។

យប់នេះ ធន់ ផានិតអាចនឹងផ្តួល ឡាហ្វាន់ តាមរយៈការទាត់ជើងក្រោមទៀត ខណៈអ្នកទាំងពីរមានកម្ពស់ល្អដូចគ្នា៕

អត្ថបទ៖ វីរបុត្រ

The post ល្ងាចនេះ ធន់ ផានិត ប៉ះថៃ ឡាហ្វាន់ ជាអ្នកជោកជាំសង្វៀនស្រុកខ្មែរ appeared first on Kampuchea Thmey Daily.

ធន់ ផានិត Archives - Kampuchea Thmey Daily

មក​ដឹង​​ចំណុ​ចខ្លាំង​ និង​ខ្សោយ​អ្វី​ខ្លះ​របស់​ ពេជ្រ​ អាទិទេព​ មុន​ប៉ះ​ ធន់​ ផានិត​ ដណ្ដើម​ខ្សែក្រវាត់​

កីឡាករ លន បញ្ញា, ធន់ រិទ្ធី និង ធន់ ផានិត រួម​គ្នា​ជួយ​គ្រូ​ដើម្បី​ធ្វើ​ក្លិប​ថ្មី

ថ្ងៃអាទិត្យនេះ ធន់ ផានិត ប៉ះ Asahi ម្ចាស់​ខ្សែក្រវាត់៦ខ្សែ​ នៅទឹកដីជប៉ុន

ធ្វើ​ការ​ធ្ងន់! ធន់ ផានិត ប៉ះ​ជប៉ុន Asahi មានកំណត់ត្រាមិនចាញ់តាំងពីឆ្នាំ២០២២

ធន់ ផានិត ប្រាប់​បេក្ខភាព​២​រូបជា​គូ​ប្រជែង​ខ្លាំង​ក្នុង​ខ្សែ​ក្រវាត់​ខារ៉ាបាវ​រដូវ​កាល​ថ្មី​

ធន់ ផានិត ប្រាប់​បច្ចេកទេច​​ផ្តួល​​ថៃសន្លប់ទឹក២​យប់មិញឡើងឈរកំពូលតារាង

ធន់​ ផានិត​ ជា​​បេក្ខភាព​លេច​​ធ្លោ​សម្រាប់​​​ខ្សែ​ក្រវាត់​​ខារ៉ាបាវ​​រដូវ​​កាល​​ថ្មី​

ល្ងាច​នេះ​ ធន់​ ផានិត​ ប៉ះ​ថៃ​ ឡាហ្វាន់​ ​​ជា​​អ្នក​​ជោកជាំ​​​សង្វៀន​​ស្រុក​​ខ្មែរ

មកដឹងចំណុចខ្លាំង និងខ្សោយអ្វីខ្លះរបស់ ពេជ្រ អាទិទេព មុនប៉ះ ធន់ ផានិត ដណ្ដើមខ្សែក្រវាត់

កីឡាករ លន បញ្ញា, ធន់ រិទ្ធី និង ធន់ ផានិត រួមគ្នាជួយគ្រូដើម្បីធ្វើក្លិបថ្មី

ថ្ងៃអាទិត្យនេះ ធន់ ផានិត ប៉ះ Asahi ម្ចាស់ខ្សែក្រវាត់៦ខ្សែ នៅទឹកដីជប៉ុន

ធ្វើការធ្ងន់! ធន់ ផានិត ប៉ះជប៉ុន Asahi មានកំណត់ត្រាមិនចាញ់តាំងពីឆ្នាំ២០២២

ធន់ ផានិត ប្រាប់បេក្ខភាព២រូបជាគូប្រជែងខ្លាំងក្នុងខ្សែក្រវាត់ខារ៉ាបាវរដូវកាលថ្មី

ធន់ ផានិត ប្រាប់បច្ចេកទេចផ្តួលថៃសន្លប់ទឹក២យប់មិញឡើងឈរកំពូលតារាង

ធន់ ផានិត ជាបេក្ខភាពលេចធ្លោសម្រាប់ខ្សែក្រវាត់ខារ៉ាបាវរដូវកាលថ្មី

ល្ងាចនេះ ធន់ ផានិត ប៉ះថៃ ឡាហ្វាន់ ជាអ្នកជោកជាំសង្វៀនស្រុកខ្មែរ