កីឡា
ធន់ ផានិត ជាបេក្ខភាពលេចធ្លោសម្រាប់ខ្សែក្រវាត់ខារ៉ាបាវរដូវកាលថ្មី
កូនសិស្សរបស់លោកគ្រូ ធន់ សុភា គឺ ធន់ ផានិត ជាបេក្ខភាពឈានមុខគេម្នាក់សម្រាប់ព្រឹត្តិការណ៍ប្រកួតខ្សែក្រវាត់ខារ៉ាបាវរដូវកាលថ្មី ឆ្នាំ២០២៣ ដែលនឹងចាប់ផ្តើមបើកយុទ្ធនាការល្ងាចម៉ោង៦ ថ្ងៃអាទិត្យ ទី១២ ខែមីនានេះ។
ជើងខ្លាំងគុនខ្មែរទម្ងន់៥៧គីឡូក្រាមទាំង៤រូបមាន អតីតបេក្ខភាពរដូវកាលមុន ធន់ ផានិត ខ្លាកំណាច ពេជ្រ ប៊ុនសិទ្ធ ជើងខ្លាំងឡើងជើងថ្មី ហុង សុវណ្ណចាន់សុធី និងអ្នកមានបទពិសោធច្រើន សេក គឹមសាន។
អ្នកលេងឆ្លងដែន៤រូបគឺសុទ្ធតែជាអ្នកជោកជាំលើសង្វៀនស្រុកខ្មែរហើយរួមមាន ថៈឡេកងើន, ឡាហ្វាន់, ផេតផាកភូមិ និងអ៉ីនស៊ីណយ។ សមត្ថភាពរបស់កីឡាករថៃទាំង៤នាក់គឺល្អប្រហាក់ប្រហែលគ្នា និងជាបេក្ខភាពមិនអាចមើលស្រាលបានសម្រាប់អ្នកលេងគុនខ្មែរ។
យ៉ាងណា បើនិយាយពីបេក្ខភាពលេចធ្លោ និងអាចឈានដល់វគ្គផ្តាច់ព្រ័ត្រគឺ ធន់ ផានិត ខណៈ ពេជ្រ ប៊ុនសិទ្ធ ក៏សង្ឃឹមខ្ពស់ដែរ។ អ្នកទាំងពីរនេះជាកីឡាករវ៉ៃបុកដូចគ្នា ហើយមិនចេះចុះញមចំពោះដៃគូប្រកួតឡើយ។ កាលពីរដូវកាលមុន ធន់ ផានិត ទទួលបានចំណាត់ថ្នាក់លេខ៣ ដូច្នេះរដូវកាលថ្មីនេះ រូបគេសង្ឃឹមច្រើនក្នុងការឡើងទៅដល់វគ្គផ្តាច់ព្រ័ត្រ។
សម្រាប់ការប្រកួតសន្សំពិន្ទុ ជុំទី១ ជើងខ្លាំងឡើងជើងគួរឲ្យចាប់អារម្មណ៍ ហុង សុវណ្ណចាន់សុធី ប៉ះខ្លាចាស់ អ៉ីនស៊ីណយ ខណៈ ពេជ្រ ប៊ុនសិទ្ធ ប៉ះ ឡាហ្វាន់ ចាប់ពីវេលាម៉ោង៦ល្ងាច ថ្ងៃអាទិត្យ ទី១២ ខែមីនា ឆ្នាំ២០២៣៕
អត្ថបទ៖ វីរបុត្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ