ពលរដ្ឋ និងជនទេសចរបរទេសរស់នៅខេត្តកំពត បានបង្ហាញក្តីសប្បាយរីករាយយ៉ាងខ្លាំង ព្រោះពួកគាត់យល់ថា សមិទ្ធផលថ្មីនេះនឹងទាក់ទាញទេសចរឲ្យមកលេងខេត្តកំពតកាន់តែច្រើន ជួយលើកកម្ពស់ជីវភាពឲ្យកាន់តែប្រសើរ។

រដ្ឋបាលខេត្តកំពតបានរៀបចំពិធីក្រុងពាលីដំឡើងនាឡិកាធំ និងមានកម្ពស់ខ្ពស់ជាងគេរបស់កម្ពុជា នៅទីតាំងមាត់ព្រែក ក្នុងភូមិតាអង្គ សង្កាត់ត្រើយកោះ ក្រុងកំពត ក្រោមធិបតីភាព លោក ម៉ៅ ធនិន អភិបាលខេត្តកំពត និងលោកជំទាវ ហ៊ុន ចាន់ធី ម៉ៅធនិន និងមានការអញ្ជើញចូលរួមពីសំណាក់លោក លោកជំទាវ លោក លោកស្រី មន្ត្រីថ្នាក់ដឹកនាំ មន្ទីរអង្គភាពជុំវិញខេត្តផងដែរ។

ពិធីក្រុងពាលីនេះ ធ្វើឡើងក្រោយពេលការស្ថាបនាគ្រិះរបស់នាឡិករួចរាល់ និងស្របពេលដែលសម្ភារៈប្រណិតៗ ដែលបានបញ្ជាទិញពីបរទេស ត្រូវបានដឹកជញ្ជូនមកដល់ទីតាំងដើម្បីដំំឡើង។ កិច្ចសូត្រមន្ត ប្រោះព្រំ ពីថ្នាក់ដឹកនាំសង្ឃ និងកិច្ចបន់ស្រន់ បួងសួងសុំសេចក្តីសុខសព្វសាធុការ ជូនដល់ថ្នាក់ដឹកនាំខេត្ត មន្ត្រីរាជការ និងក្រុមការងារស្ថានានាឡិកាយក្សនោះ បានប្រព្រឹត្តទៅដោយសេចក្តីសោមនស្សបំផុត។

ប្រជាពលរដ្ឋ និងជនបរទេសរស់នៅខេត្តកំពត បានបង្ហាញចំណាប់អារម្មណ៍របស់ខ្លួនថា ពួគគាត់ពិតជាសប្បាយចិត្តដែលបានឃើញនាឡិកាកម្ពស់៣៥ ម៉ែត្រ និងមានទំហំមុខកាត់អង្កត់ផ្ចិតជិត១០ម៉ែត្រហើយតាមរចនាបទខ្មែរ ត្រូវបានដំឡើង។

ពួកគាត់បានលើកឡើងថា យ៉ាងយូរ២ខែទៀត ភ្ញៀវទេសចរជាតិ និងភ្ញៀវទេសចរអន្តរជាតិបានមកពីគ្រប់ទិសទី នឹងធ្វើដំណើរទស្សនានៅក្នុងខេត្តកំពត ព្រោះចង់ឃើញនាឡិកាយក្សដែលមានកម្ពស់ខ្ពស់ជាងគេនេះ ជាសមិទ្ធផលជាច្រើនរបស់ខេត្តកំពតដោយផ្ទាល់។ ពួកគាត់ក៏បានថ្លែងអំណរគុណដល់ លោកអភិបាលខេត្ត ដែលតែងតែរិះគិត រកគ្រប់មធ្យោបាយដើម្បីបង្កើតសមិទ្ធផលថ្មីៗ ប្លែកៗ  ជួយលើកកម្ពស់វិស័យទេសចរណ៍ ក៏ដូចជាជួយជំរុញសេដ្ឋកិច្ចគ្រួសាររបស់ប្រជាពលរដ្ឋឲ្យកាន់តែប្រសើរ។

បើយោងតាមការលើកឡើងរបស់លោក ម៉ៅ ធនិន អភិបាលខេត្តកំពត នាពេលថ្មីនេះថា រដ្ឋបាលខេត្តកំពតនឹងមានគម្រោងគ្រោងស្ថាបនាស្ពានឆ្លងព្រែកកំពង់បាយមួយបន្ថែមទៀត ដោយយកតាមរចនាបទខ្មែរ ដើម្បីជួយសម្រួលការកកស្ទះចរាចរណ៍ផង និងដើម្បីកែលម្អក្រុងកំពត ក៏ដូចជាទាក់ទាញភ្ញៀវទេសចរ និងអ្នកទេសចរផ្សេងៗផង ខណៈដែលគម្រោងស្ថាបនាឆ្នេរសមុទ្រកម្សាន្តដ៏ល្អប្រណិតមួយផ្សេងទៀតនោះ បាននិងកំពុងសិក្សាជិតរួចរាល់ហើយនោះផងដែរ៕

អត្ថបទ៖ ដឹង រ៉ាត់

The post នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍ appeared first on Kampuchea Thmey Daily.

ដាក់ឲ្យដំណើរការនៅឆ្នៅឆ្នាំ ១៩២៥ និងបានបញ្ចប់នៅឆ្នាំ ១៩៣២ ដោយក្រុមហ៊ុនផលិតនាឡិកាស្វីស Patek Philippe វាមានតម្លៃប្រហែល ១៥,០០០ (រូបិយប័ណ្ណឆ្នាំ ១៩២៥) និងបានកែតម្រូវក្នុងឆ្នាំ ២០១៩មានតម្លៃ ២១៩,០០០ដុល្លារ ។

នាឡិកាដ៏អស្ចារ្យនេះត្រូវបានបង្កើតឡើងដោយផលវិបាកចំនួន ២៤ នេះគឺជាមុខងារដែលលើសពីការកំណត់ពេលវេលាជាមូលដ្ឋាន។ ផលវិបាកគួរឲ្យកត់សម្គាល់បំផុតមួយចំនួនរួមមាន ប្រតិទិនអចិន្ត្រៃយ៍​, ការបង្ហាញដំណាក់កាលព្រះច័ន្ទ តារាងមេឃនៃមេឃពេលយប់, ទីក្រុងញូវយ៉កខាងជើង Chronograph ជាមួយមុខងារបំបែកវិនាទី និងសំឡេងនៃកណ្តឹង Westminster ជាមួយនឹងរូបតំណាងដ៏អស្ចារ្យនិងតូចរបស់វានៅខាងក្នុង។

នាឡិកានេះមាន ៩២០ ផ្នែក រួមទាំងវីសចំនួន ៤៣០ , ១១០ កង់ ១២០គ្រឿងបន្លាស់ និង ៧០ ត្បូង។ ភាពស្មុគស្មាញ វាក៏ទទួលបានចំណងជើងនៃនាឡិកាមេកានិចដ៏ស្មុគស្មាញបំផុតនៅក្នុងពិភពលោកផងដែរ។

អស់រយៈពេលជាង ៥០ ឆ្នាំ រហូតដល់វាត្រូវបានយកឈ្នះដោយ Patek Philippe Calibre 89 ជាស្នាដៃនៃការរក្សាពេលវេលានេះ។ វាមិនត្រឹមតែបង្ហាញពីសិល្បៈហត្ថកម្មដ៏អស្ចារ្យ និងភាពក្លាហានប៉ុណ្ណោះទេ!​ ថែមទាំងជាសក្ខីកម្មផងដែរ។

នៅឆ្នាំ ១៩៩៩ វាបានក្លាយជានាឡិកាថ្លៃបំផុត​ ដែលពីមុនត្រូវបានលក់ដេញថ្លៃ ទទួលបាន ១១ លានដុល្លារអាមេរិក។មុន​នឹង​ប្តូរ​ដៃ​ហើយ​ត្រូវ​បាន​ដាក់​លក់​ដេញ​ថ្លៃ​ម្តង​ទៀត​នៅ​ថ្ងៃ​ទី ១១ ខែ វិច្ឆិកា ឆ្នាំ ២០១៤​ និងអាច​ធ្វើ​ឲ្យតម្លៃ​ដេញ​ថ្លៃ​ដល់​ទៅ ២៣,៩៨៣​លាន​ដុល្លារ​អា​មេ​រិ​ក ។

មកដល់សព្វថ្ងៃនេះ វា​ជា​នាឡិកា​ថ្លៃ​បំផុតទីពីរ​ក្នុង​ពិភពលោក​ក្នុង​ឆ្នាំ​ដែល​វា​ត្រូវ​បាន​គេ​ជួញ​ដូរ ជាមួយនឹងតម្លៃលក់ ៣១លានដុល្លារអាមេរិក (ការដេញថ្លៃនៅខែកញ្ញា ២០១៩)៕

ប្រែសម្រួល៖ សាង ស្រីល័ក្ខ

ចុចអាន៖ការវះកាត់​កែ​សម្ផស្ស​ ៥ ប្រភេទ នៅ ​ថៃ​ ពេញនិយមធ្វើបំផុត

The post នេះជានាឡិកាប៉ោលថ្លៃបំផុត ក្នុងប្រវត្តិសាស្ត្រ appeared first on Kampuchea Thmey Daily.

អ្នកបាត់នាឡិកាអាចចុះឈ្មោះក្នុងបញ្ជី The Watch Register ដើម្បីឲ្យអ្នកលក់ អ្នកបញ្ចាំ និងអ្នកដេញថ្លៃងាយកំណត់អត្តសញ្ញាណនាឡិកាដែលគេលួច ។

នៅឆ្នាំ ២០២២ មាននាឡិកាចំនួន ៦ ៨១៥ គ្រឿងត្រូវគេលួច ប៉ុន្តែក្នុងទិន្នន័យសរុបនាឡិកា ៧៨ ១៦៥ គ្រឿងត្រូវបានបាត់ ។

នាឡិកាសរុបដែលត្រូវគេលួច ឬបាត់មានតម្លៃលើស ១ ពាន់លានដុល្លារ បើរួមបញ្ចូលទាំងនាឡិកាប្រណីតតម្លៃខ្ពស់ៗមួយចំនួន តម្លៃចន្លោះពី ៦៣ ០០០ ដុល្លារ ទៅ ១២៧ ០០០ ដុល្លារ ក្នុង ១ គ្រឿង ឬថ្លៃជាងនេះទៀត ។

តាមទិន្នន័យខាងលើ នាឡិកា Rolex គឺជានាឡិកាដែលបាត់ច្រើនជាងគេបំផុតក្នុងពិភពលោក វាមានដល់ទៅ ៤៤ ភាគរយឯណោះ ។

ដោយសារតម្លៃ និងកិត្យានុភាពនៃនាឡិកាទំនើបៗកាន់តែកើនឡើង បណ្ដាលឲ្យជនខិលខូចកំណត់គោលដៅលួចកាន់តែច្រើន ។ ដូច្នេះអ្នកមាននាឡិកាថ្លៃៗគួរតែមានធានារ៉ាប់រងសម្រាប់នាឡិកា ឬរក្សារូបថតនៃនាឡិកា និងកំណត់លេខសម្គាល់ ដើម្បីងាយស្រួលរកក្នុងករណីគេលួចយកទៅលក់ ៕

ប្រែសម្រួល៖ វារី

ប្រភព៖ newssky

ចុចអាន៖ Ronaldo ទទួលបានកាដូ នាឡិកាអស្ចារ្យ ដាំត្បូងកម្រ ៣៣៨គ្រាប់ រីឯតម្លៃ កប់ពពក

ចុចអាន៖ ៧ ចំណុចនេះហើយ ធ្វើឲ្យនាឡិកា Rolex ថ្លៃជាងគេបំផុត

The post នាឡិកាប្រណីតជុំវិញពិភពលោក បាត់អស់ជិត ៨០០០០គ្រឿង ឯតម្លៃជាង ១ពាន់លានដុល្លារ appeared first on Kampuchea Thmey Daily.

នៅអារ៉ាប៊ីសាអ៊ូឌីត Ronaldo ប្រៀបបានដូចជាស្តេច ដោយប្រទេសនេះ បានយកចិត្តគេយ៉ាងខ្លាំង។ ហើយនាពេលថ្មីៗនេះ Ronaldo ថែមទាំងទទួលបានកាដូជានាឡិកាពិសេស តម្លៃ ៧៨០ ០០០ដុល្លារទៀតផង។

Ronaldo គឺជាឯកអគ្គរាជទូតរបស់ក្រុមហ៊ុន Jacob & Co ហើយក្រុមហ៊ុននេះបានផលិតនាឡិកា “Caviar Flyin Tourbillon” សម្រាប់គាត់ ដើម្បីប្រើប្រាស់នៅក្នុងប្រទេសអារ៉ាប៊ីសាអូឌីត។

នាឡិកាដែលរចនាម៉ូដ ពណ៌បៃតងចាស់ ដើម្បីតំណាងឲ្យទង់ជាតិរបស់ប្រទេសអារ៉ាប៊ីសាអូឌីត គឺមានដាំត្បូងកម្របំផុតចំនួន៣៣៨គ្រាប់ និងមានមាសពណ៌ស ១៨ការ៉ាត់ ជាមួយខ្សែស្បែកក្រពើពណ៌បៃតង។

Ronaldo ពាក់នាឡិកា​ដ៏​អស្ចារ្យ​នេះ តែក្នុង​ការ​ហោះ​ហើរ​ទៅ​ប្រទេស​អារ៉ាប៊ីសាអូឌីតប៉ុណ្ណោះ។ ក្នុងអំឡុងពេលពិធីប្រកាសវត្តមានជាផ្លូវការនៅក្លិប Al Nassr ខ្សែប្រយុទ្ធសញ្ជាតិព័រទុយហ្គាល់វ័យ ៣៧ឆ្នាំរូបនេះ​ បានប្តូរមកពាក់នាឡិកាពណ៌លឿង ដែលជាពណ៌ប្រពៃណីរបស់ក្លិបវិញ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ យល់យ៉ាងណាដែរ ចំពោះទម្រង់លេងរបស់ Ronaldo ក្នុងការប្រកួតលើកដំបូងឲ្យ Al Nassr?

The post Ronaldo ទទួលបានកាដូ នាឡិកាអស្ចារ្យ ដាំត្បូងកម្រ ៣៣៨គ្រាប់ រីឯតម្លៃ កប់ពពក appeared first on Kampuchea Thmey Daily.

ប៉ុន្តែ​បើ​ប្រើតាមក្បួន​ហុងស៊ុយ​ដើម្បី​តុបតែង​ផ្ទះ នាឡិកា​ជា​គ្រឿង​តុបតែង​មួយ​ដែល​អាច​ទាក់ទាញ​ភាព​រុងរឿង សុភមង្គល​ចូល​ក្នុង​ផ្ទះ ខណៈយើងគ្រាន់តែត្រូវការដំឡើង ឬដាក់នាឡិកាឲ្យ​បានត្រឹមត្រូវ​ដូច​ខាងក្រោមនេះ។

១ ទិសដៅដ៏ល្អសម្រាប់ការដំឡើងនាឡិកាគឺខាងជើងភាគ​ឦសាន និង​ខាងកើត។ ប៉ុន្តែ​ប្រសិន​បើ​អ្នក​មិន​អាច​ដាក់​នាឡិកា​ក្នុង​ទិស​ទាំង​នេះ​ទេ អ្នក​អាច​ដាក់​នាឡិកា​នៅ​ទិស​ខាង​លិច​ជំនួស​វិញ។ ប៉ុន្តែ​វា​គ្រាន់​តែ​ជា​ជម្រើស​មួយ​ប៉ុណ្ណោះ។

២ ពេល​ដាក់​នាឡិកា​នៅ​ទិស​ខាងជើង គេ​ដឹង​ថា​នាំ​ទ្រព្យសម្បត្តិ​មក​ឲ្យ​ម្ចាស់ផ្ទះ ។ ការ​នៅ​ភាគឦសាន​ ក៏អាចទាក់ទាញ​ទ្រព្យសម្បត្តិ ហើយ​បើ​នៅ​ទិស​ខាង​កើត ​វា​ធ្វើ​ឲ្យ​មាន​សុខភាព​ល្អ ។

៣ កុំដំឡើង ឬ​ដាក់​នាឡិកា​នៅ​ខាងត្បូង ភាគ​អាគ្នេយ៍ និង​ភាគនិរតី ព្រោះ​វា​នឹង​ធ្វើឲ្យ​ម្ចាស់ផ្តះមាន​សុខភាព​មិនល្អ វាក៏ជា​អកុសល​ងដែរ។

៤ ពិនិត្យ​ឲ្យ​ច្បាស់​ថា​ អ្នក​មិន​បាន​ដំឡើង​នាឡិកា​នៅ​លើ​ទ្វារ​ដែល​អ្នក​ដើរ​ចូល​និង​ចេញ​ជា​ប្រចាំ។ ព្រោះវា​អាចនាំ​សំណាង​អាក្រក់។

៥ វា​មានសារៈសំខាន់​ខ្លាំង​ណាស់ ​ដែលអ្នកតែងតែកំណត់នាឡិកាឲ្យ​ច្បាស់លាស់។ ដោយសារតែវា​នឹង​អនុញ្ញាត​ឲ្យ​អ្នក​សម្រេច​បាន​នូវ​គោលដៅ​របស់​អ្នកដោយមិនបង្អង់យូរ ឬ​មនុស្ស​មួយ​ចំនួន​អាច​កំណត់​ពេលវេលាជាមុនបន្តិច។

៦ ត្រូវប្រាកដថា នាឡិកាស្ថិតក្នុងស្ថានភាពល្អ។ ព្រោះ​នាឡិកា​គឺ​ជាតំណាងនៃជីវិតរបស់អ្នក។ ដូច្នេះ​ហើយ​នៅពេល​ជ្រើសរើស​នាឡិកា​ដើម្បី​ដំឡើង​ ត្រូវ​ជ្រើសរើស​នាឡិកា​ដែលមាន​គុណ​ភាពល្អ​ ជាពិសេស​សម្រាប់​ភាពធន់។​

៧ ប្រសិនបើនាឡិកាឈប់ដំណើរការ ឬដាច់ គួរតែត្រូវបាន​បញ្ជូន​ទៅ​ជួសជុល​ភ្លាមៗ។ ការ​តាំង​នាឡិកាដែលខូចឬមិនដំណើរការ នោះនឹង​ធ្វើ​ឲ្យ​ជីវិត​ហត់នឿយ។

៨ ប្រសិនបើនាឡិកាមានកញ្ចក់ឆ្លុះ សូមកុំឲ្យ​វាឆ្លុះ​លើ​គ្រែ ទ្វារបន្ទប់គេងរបស់អ្នក។ ឬបែរមុខទៅទ្វារធំ​របស់​អ្នកឲ្យសោះ។

៩ មិនគួរមាននាឡិកានៅក្នុងផ្ទះដែលតំណាង​ឲ្យ​រឿងអាក្រក់ពីអតីតកាលនោះទេ។ ព្រោះនាឡិកា​អាច​ទាក់ទាញ​រឿង​មិនល្អ។ ត្រឡប់​មក​វិញ​ម្តង​ទៀត

១០ កុំឲ្យ​កញ្ចក់នាឡិកាខូច ឬប្រេះ ហើយ​គួរ​តែ​ត្រូវ​ជំនួស​វិញ​ឲ្យបាន​លឿន ព្រោះ​វា​នឹង​នាំ​ឲ្យ​មាន​សំណាង​អាក្រក់ ពេញមួយជីវិតមិនខាន៕

គ្រូ ណុប

ចុចអាន៖គោលការណ៍ហុងស៊ុយ ៣ ហាមមានក្នុងបន្ទប់គេង ចៀសវាងនាំថាមពលអវិជ្ជមាន

ចុចអាន៖រូបភាពហុងស៊ុយទាញលាភសំណាង ៦ ប្រភេទ គួរតាំងលម្អក្នុងផ្ទះ ឬហាងលក់ដូរ

The post អាថ៌កំបាំងហុងស៊ុយសុភមង្គល ១០ ប្រភេទ ពីនាឡិកាព្យួរជញ្ជាំង appeared first on Kampuchea Thmey Daily.