បន្ទាប់ពីចែកផ្លូវជាមួយក្លិបបិសាចក្រហម Manchester United ទាំងចម្រូងចម្រាស, កីឡាករ Ronaldo បានសម្រេចចិត្តផ្ទេរទៅក្លិប Al Nassr ដើម្បីលេងមុនចូលនិវត្តន៍ ជាមួយនឹងប្រាក់ខែជាង២០០លានដុល្លារក្នុង១ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅអារ៉ាប៊ីសាអ៊ូឌីត Ronaldo ប្រៀបបានដូចជាស្តេច ដោយប្រទេសនេះ បានយកចិត្តគេយ៉ាងខ្លាំង។ ហើយនាពេលថ្មីៗនេះ Ronaldo ថែមទាំងទទួលបានកាដូជានាឡិកាពិសេស តម្លៃ ៧៨០ ០០០ដុល្លារទៀតផង។

Ronaldo គឺជាឯកអគ្គរាជទូតរបស់ក្រុមហ៊ុន Jacob & Co ហើយក្រុមហ៊ុននេះបានផលិតនាឡិកា “Caviar Flyin Tourbillon” សម្រាប់គាត់ ដើម្បីប្រើប្រាស់នៅក្នុងប្រទេសអារ៉ាប៊ីសាអូឌីត។

នាឡិកាដែលរចនាម៉ូដ ពណ៌បៃតងចាស់ ដើម្បីតំណាងឲ្យទង់ជាតិរបស់ប្រទេសអារ៉ាប៊ីសាអូឌីត គឺមានដាំត្បូងកម្របំផុតចំនួន៣៣៨គ្រាប់ និងមានមាសពណ៌ស ១៨ការ៉ាត់ ជាមួយខ្សែស្បែកក្រពើពណ៌បៃតង។

Ronaldo ពាក់នាឡិកា​ដ៏​អស្ចារ្យ​នេះ តែក្នុង​ការ​ហោះ​ហើរ​ទៅ​ប្រទេស​អារ៉ាប៊ីសាអូឌីតប៉ុណ្ណោះ។ ក្នុងអំឡុងពេលពិធីប្រកាសវត្តមានជាផ្លូវការនៅក្លិប Al Nassr ខ្សែប្រយុទ្ធសញ្ជាតិព័រទុយហ្គាល់វ័យ ៣៧ឆ្នាំរូបនេះ​ បានប្តូរមកពាក់នាឡិកាពណ៌លឿង ដែលជាពណ៌ប្រពៃណីរបស់ក្លិបវិញ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ យល់យ៉ាងណាដែរ ចំពោះទម្រង់លេងរបស់ Ronaldo ក្នុងការប្រកួតលើកដំបូងឲ្យ Al Nassr?