យល់យ៉ាងណាដែរ​ ចំពោះទម្រង់លេងរបស់ Ronaldo ក្នុងការប្រកួតលើកដំបូងឲ្យ Al Nassr?

កីឡាករ Cristiano Ronaldo បានបង្ហាញខ្លួនជាលើកដំបូងសម្រាប់ក្លិបថ្មី Al Nassr ដោយទទួលជ័យជម្នះ ១-០ លើក្លិប Ettifaq ក្នុងក្របខ័ណ្ឌអារ៉ាប៊ីសាអូឌីត Saudi Pro League កាលពីថ្ងៃអាទិត្យទី២២ខែមករា។

ខ្សែប្រយុទ្ធសញ្ជាតិព័រទុយហ្គាល់វ័យ៣៧ឆ្នាំរូបនេះ បានបង្ហាញខ្លួន៩០នាទីពេញ។ ទោះបីជាយ៉ាងណាក៏ដោយ Ronaldo មិនអាចស៊ុតបញ្ចូលទីបានទេ ខណៈគ្រាប់បាល់ជ័យជម្នះ ១-០ របស់ Al Nassr គឺរកបានដោយការតែតរបស់កីឡាករសញ្ជាតិប្រេស៊ីល Talisca។

Ronaldo ហាក់ដូចជាមិនទាន់ស៊ាំនឹងទីលាននៅអារ៉ាប៊ីសាអូឌីត ក៏ដូចជាអាកាសធាតុផងដែរ ហើយខ្សែបម្រើរបស់ក្លិប Al Nassr ហាក់មិនទាន់យល់ចិត្តគ្នា។

យ៉ាងណាក្តី នៅក្នុងទីលាន Ronaldo ត្រូវបានស្វាគមន៍ដោយបដា និងការអបអរសាទរពីអ្នកគាំទ្រ នៅឯកីឡដ្ឋាន King Saud University ក្នុងទីក្រុង រីយ៉ាដ។

គួរបញ្ជាក់ថា ក្លិប Al Nassr គឺជាក្រុមឈរលំដាប់កំពូលនៃលីគអារ៉ាប៊ីសាអូឌីត ដោយមាន១ពិន្ទុនាំមុខក្រុមលេខ២ Al Hilal។

តើអ្នកទាំងអស់គ្នាយល់យ៉ាងណាដែរ​ ចំពោះទម្រង់លេងរបស់ Ronaldo ក្នុងការបង្ហាញខ្លួនឲ្យក្លិប Al Nassr?

សូមទស្សនាវីដេអូ៖

អត្តបទ៖ Vann Vann

ចុចអាន៖ ទោះស៊ុតបាន២គ្រាប់ តែ Ronaldo មិនអាចជួយឲ្យក្រុមឈ្នះបានឡើយ