Connect with us

KPT+

នាឡិកាប្រណីតជុំវិញពិភពលោក បាត់អស់ជិត ៨០០០០គ្រឿង ឯតម្លៃជាង ១ពាន់លានដុល្លារ

បានផុស

នៅ

ទិន្នន័យថ្មីរបស់ The Watch Register បានឲ្យដឹងថា នាឡិកាជិត ៨០ ០០០ គ្រឿង តម្លៃជាង ១ ពាន់លានដុល្លារ ត្រូវគេលួចខ្លះ និងបាត់ខ្លះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកបាត់នាឡិកាអាចចុះឈ្មោះក្នុងបញ្ជី The Watch Register ដើម្បីឲ្យអ្នកលក់ អ្នកបញ្ចាំ និងអ្នកដេញថ្លៃងាយកំណត់អត្តសញ្ញាណនាឡិកាដែលគេលួច ។

នៅឆ្នាំ ២០២២ មាននាឡិកាចំនួន ៦ ៨១៥ គ្រឿងត្រូវគេលួច ប៉ុន្តែក្នុងទិន្នន័យសរុបនាឡិកា ៧៨ ១៦៥ គ្រឿងត្រូវបានបាត់ ។

នាឡិកាសរុបដែលត្រូវគេលួច ឬបាត់មានតម្លៃលើស ១ ពាន់លានដុល្លារ បើរួមបញ្ចូលទាំងនាឡិកាប្រណីតតម្លៃខ្ពស់ៗមួយចំនួន តម្លៃចន្លោះពី ៦៣ ០០០ ដុល្លារ ទៅ ១២៧ ០០០ ដុល្លារ ក្នុង ១ គ្រឿង ឬថ្លៃជាងនេះទៀត ។

តាមទិន្នន័យខាងលើ នាឡិកា Rolex គឺជានាឡិកាដែលបាត់ច្រើនជាងគេបំផុតក្នុងពិភពលោក វាមានដល់ទៅ ៤៤ ភាគរយឯណោះ ។

ដោយសារតម្លៃ និងកិត្យានុភាពនៃនាឡិកាទំនើបៗកាន់តែកើនឡើង បណ្ដាលឲ្យជនខិលខូចកំណត់គោលដៅលួចកាន់តែច្រើន ។ ដូច្នេះអ្នកមាននាឡិកាថ្លៃៗគួរតែមានធានារ៉ាប់រងសម្រាប់នាឡិកា ឬរក្សារូបថតនៃនាឡិកា និងកំណត់លេខសម្គាល់ ដើម្បីងាយស្រួលរកក្នុងករណីគេលួចយកទៅលក់ ៕

ប្រែសម្រួល៖ វារី

ប្រភព៖ newssky

ចុចអាន៖ Ronaldo ទទួលបានកាដូ នាឡិកាអស្ចារ្យ ដាំត្បូងកម្រ ៣៣៨គ្រាប់ រីឯតម្លៃ កប់ពពក

ចុចអាន៖ ៧ ចំណុចនេះហើយ ធ្វើឲ្យនាឡិកា Rolex ថ្លៃជាងគេបំផុត

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម