ជនសង្ស័យ ដែលឃាត់បានទីឈ្មោះសឿង គឹមហុង, ឈ្មោះតាំង គីមសាយ, ឈ្មោះយឹម បុត្ររ៉ាសាក់ , ឈ្មោះង៉ែត រាជ្យ, ឈ្មោះជីវន្ត វិសាល,  ឈ្មោះ ឆេង សុផាន់នី, ឈ្មោះ ទូច ឆេងអ័រ , ឈ្មោះធឿន វុធធី ធើ្វអោយសម្ភារ: ខូចខាតមួយចំនួន ដូចជា បាក់កាបាំងមុខខាងស្តាំ បែកកាតតាប៊ូមុខ បាក់ដៃប្រាំងខាងមុខ។

តាមប្រភពព័ត៌មានបានឲ្យដឹងថា នៅយប់កើតហេតុជនរងគ្រោះមានគ្នា៤នាក់ជិះម៉ូតូ២គ្រឿង ធ្វើដំណើរឆ្លងកាត់ផ្លូវបេតុងវត្តអង្គតាមិញ លុះមកដល់ចំណុចកើតហេតុស្រាប់តែជួបជាមួយក្រុមក្មេងទំនើងទាំងនោះ ហើយក៏ត្រូវក្មេងទំនើងដេញវាយធ្វើឲ្យជនរងគ្រោះរបួស២នាក់ ដោយភ័យពេកក៏រត់ចោលម៉ូតូត្រូវបានពួកគេវាយម៉ូតូបណ្តាលឲ្យខួចខាត ហើយនាំគ្នារត់គេចខ្លួនអស់។

ក្រោយកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅទី១ ដើម្បីសុំការអន្តរាគមន៍។

ក្រោយទទួលបណ្តឹងជនរងគ្រោះរួចកម្លាំងសមត្ថកិច្ចធ្វើការស្រាវជ្រាវរហូតឃាត់ខ្លួនបានជាបន្តបន្ទាប់សរុបចំនួន៨នាក់។

បច្ចុប្បន្ន ជនសង្ស័យកំពុងកសាងសំណុំរឿងបណ្ជូនទៅផ្នែកព្រហ្មទណ្ឌនៃអធិការដ្ឋាននគរបាលខណ្ឌពោធិ៍សែនជ័យដើម្បីចាត់ការតាមច្បាប់៕ដោយ៖សុខា

The post សមត្ថកិច្ចប៉ុស្តិ៍ចោមចៅទី១ ឃាត់ក្រុមក្មេងទំនើង៨នាក់ជាបន្តបន្ទាប់ក្រោយបង្កហឹង្សាទៅលើយុវជន៤នាក់របួស appeared first on Kampuchea Thmey Daily.

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការ នគរបាលជាតិ និងអនុវត្តន៍តាមបទបញ្ជាពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នង ការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុន សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ហារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញ។

សូមបញ្ជាក់ថា កាលពីថ្ងៃទី០៧-០៨ ខែមិថុនា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកំរិតស្រាល សហការ ជាមួយកម្លាំងអធិការខណ្ឌមានជ័យ បានធ្វើការឃាត់ខ្លួនជនសង្ស័យសរុបចំនួន១៧នាក់ ពាក់ព័ន្ធនិងបទល្មើស ០៣ ករណី ដូចខាងក្រោម ៖ ហិង្សាដោយចេតនា មានស្ថានទម្ងន់ទោស (កាប់ទៅលើជនរងគ្រោះបណ្តាលឲ្យរងរបួសដៃ ធ្ងន់ធ្ងរ) ប្រព្រឹត្តនៅចំណុចវាលស្រែ១០០ ភូមិបែកបក សង្កាត់គោករកា ខណ្ឌព្រែកព្នៅ រាជធានីភ្នំពេញ កាល ពីថ្ងៃទី១៤ ខែឧសភា ឆ្នាំ ២០២៦ វេលាម៉ោងប្រហែល ម៉ោង១៥ និង ៣០នាទី។ ដកហូតបានវត្ថុតាងដាវធ្វើសកម្មភាព ២ដើម , ករណីទី០២ កាលពីថ្ងៃទី០៧ ខែមិថុនា ឆ្នាំ២០២៦ វេលាម៉ោងប្រហែល០២ និង ៣០ នាទីយប់ ហិង្សាដោយចេតនា ដោយមានស្ថានទម្ងន់ទោស (វាយទៅលើជនរងគ្រោះ នឹងវាយសមត្ថកិច្ច) ប្រព្រឹត្តនៅចំណុច បុរីសូនី សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ

ក្នុងនោះសមត្ថកិច្ចដកហូតបានវត្ថុតាង ដងឆត្រ័ធ្វើសកម្មភាព ៣ដើម ដែកទីបជ្រុង ចំនួន១ជ្រុង , ករណីទី០៣ ៖ កាលពីថ្ងៃទី២៩ ខែឧសភា ឆ្នាំ២០២៦ វេលាម៉ោង១៧ និង៤៣នាទី ឆក់ទូរស័ព្ទដៃ (បានសម្រេច) ប្រព្រឹត្តនៅចំណុចមុខហាងចិន មុខបុរីពិភពរស្មី ភូមិព្រែកតាគង់ សង្កាត់ចាក់អង្រែរលើ ខណ្ឌមានជ័យ រាជធានីភ្នំពេញ។

បច្ចុប្បន្នជនសង្ស័យទាំង១៧នាក់ រួមជាមួយនិងវត្ថុ ត្រូវបានកម្លាំងសមត្ថកិច្ចព្រហ្មទណ្ឌរាជធានីបញ្ជូនទៅកាន់តុលាការ ដើម្បីអនុវត្តតាមនីតិវិធីច្បាប់ ចំណែកបក្ខនៅសេសសល់កំពុងស្រាវជ្រាវ រកបក្ខពួកសេសសល់ ៕

The post នរគបាលរាជធានីភ្នំពេញ ស្រាវជ្រាវបង្រ្កាបក្មេងទំនើងប្រើហិង្សា-ឆក់ សរុបចំនួន១៧នាក់ យកបង្ហាញមុខជាសាធារណៈ appeared first on Kampuchea Thmey Daily.

ការឃាត់ខ្លួននេះដែរធ្វើឡើងកាលពីថ្ងៃទី៧ ខែមិថុនា ឆ្នាំ២០២៦ ដោយអនុវត្តតាមបទបញ្ជារលោកឧត្តមសេនីយ៍ឯក ជួន ណារិន្ទ អគ្គស្នងការរងនគបាលជាតិ និងជាស្នងការនគរបាលរាជធានីភ្នំពេញ កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលខណ្ឌព្រែកព្នៅ ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ លោកឧត្តមសេនីយ៍ទោ លី ប៊ុនអេង ស្នងការរងទទួលការិយាល័យនគរបាលព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានធ្វើការស្រាវជ្រាវឃាត់ខ្លួនជនសង្ស័យចំនួន០៦នាក់ ពាក់ព័ន្ធករណីហិង្សា ដោយចេតនាមានស្ថានទម្ងន់ទោស (កាប់ជនរងគ្រោះបណ្តាលឲ្យរងរបួសដៃធ្ងន់ធ្ងរ ) និងដកហូតវត្ថុតាង ដាវ ០២ដើម។

បច្ចុប្បន្នជនសង្ស័យខាងលើ និងវត្ថុតាង កម្លាំងជំនាញព្រហ្មទណ្ឌ បានកសាងសំណុំរឿងចាត់ការតាមនីតិវិធី។

គួរបញ្ជាក់ផងដែរថា  កាលពីវេលាប្រហែល ម៉ោង០៣ និង៣០នាទីរសៀលថ្ងៃទី១៤ ខែឧសភា ឆ្នាំ ២០២៦ ជនសង្ស័យទាំង០៦នាក់ បានយកដាវ ធ្វើសកម្មភាពកាប់លើជនរងគ្រោះ បណ្តាលអោយរងរបួសធ្ងន់ នៅចំណុចវាលស្រែ១០០  ភូមិបែកបក សង្កាត់គោករកា ខណ្ឌព្រែកព្នៅ រាជធានីភ្នំពេញ៕ អត្ថបទ ៖ រដ្ឋា

The post ចាប់បានហើយ ! ក្មេងទំនើង០៦នាក់ ធ្វើសកម្មភាពកាប់បណ្តាលអោយជនរងគ្រោះរងរបួសធ្ងន់ នៅមូលដ្ឋានខណ្ឌព្រែកព្នៅ appeared first on Kampuchea Thmey Daily.

លោកវរេសនីយ៍ទោ ជាង ហុកសែ អធិការង ទទួលផែនការងារព្រហ្មទណ្ឌបានអោយដឹងថា បន្ទាប់ពីក្រុមក្មេងទំនើងបានធ្វើសកម្មភាពគប់វាយប្លន់ស្លាកលេខម៉ូតូនិងទូរស័ព្ទ ពីយុវជន១ក្រុមទៀត បណ្ដាលឲ្យជនរងគ្រោះ០២នាក់ រងរបួសធ្ងន់ស្រាល។ សមត្ថកិច្ចបានធ្វើការស្រាវជ្រាវ ឃាត់ខ្លួនជនសង្ស័យប្រុសស្រីបានចំនួន៩នាក់ និងដកហូតម៉ូតូចំនួន៥គ្រឿង SUZUKI NEX ពណ៌សលាយបៃតង ពាក់ស្លាកលេខ ភ្នំពេញ1LT-0792 ១គ្រឿង, ម៉ូតូម៉ាកSUZUKI NEX2 ស៊េរីឆ្នាំ២០១៩ ពណ៌ស ពាក់ស្លាកលេខភ្នំពេញ 1HW-5734 ១គ្រឿង , ម៉ូតូម៉ាក HONDA DREAM C125 ស៊េរីឆ្នាំ២០២៥ ពណ៌ខ្មៅ ពាក់ស្លាកលេខ ភ្នំពេញ 1LK-8431 ១គ្រឿង, ម៉ូតូម៉ាក HONDA DREAM C125 ស៊េរីឆ្នាំ២០២៥ ពណ៌ក្រហម ពាក់ស្លាកលេខភ្នំពេញ1LV-2040 ១គ្រឿង , ម៉ូតូម៉ាកHONDA DREAM C125 ស៊េរីឆ្នាំ២០២៦ ពណ៌ខ្មៅ ពាក់ស្លាកលេខភ្នំពេញ 1MH-5296 ១គ្រឿង, ទូរស័ព្ទដៃម៉ាក IPHONE ចំនួន០៣គ្រឿង ,ដងឆ័ត្រពណ៌ស១ដើម,ដុំថ្មចំនួន០៥ដុំ ។

បច្ចុប្បន្ន សមត្ថកិច្ចបានបញ្ជូនជនសង្ស័យប្រុសស្រីទាំង ០៩នាក់ ទៅសាលាដំបូងរាជធានីភ្នំពេញ ដើម្បីកាត់ទោសតាមផ្លូវច្បាប់ ។ ចំណែកបក្ខពួកសេសសល់ ជាង ១០នាក់ទៀត សមត្ថកិច្ចកំពុងបន្តការស្រាវជ្រាវ យកមកផ្តន្ទាទោស មិនអោយរួចខ្លួននោះឡើយ ។

គួរបញ្ជាក់ផងដែរថា កាលពីវេលាម៉ោង១៩យប់ថ្ងៃទី១៦ ខែឧសភា ឆ្នាំ២០២៦ ជនរងគ្រោះមើលប្រដាល់នៅស្ថានីយ៍ទូរទស្សន៍កងយោធពលខេមរភូមិន្ទប៉ុស្តិ៍លេខ៥ ស្ថិតនៅក្នុងភូមិកើតហេតុខាងលើ ។ បន្ទាប់មកបានបបួលគ្នាទៅអង្គុយលេង និងទិញស្រាបៀផឹកនៅតាមផ្លូវបេតុងច្រកចូលបុរីមួយជាប់មាត់ស្ទឹងស្ពានបាក់ ស្ថិតនៅភូមិព្រែកថ្លឹង សង្កាត់ព្រែកកំពឹស ខណ្ឌដង្កោ ។

ដោយបានអង្កុយផឹកស៊ីបណ្ដើរ និងមើលកម្មវិធីប្រដាល់ ដែលគេចាក់បញ្ចាំងតាមស្លាយរបស់ស្ថានីយ៍ទូរទស្សន៍កងយោធពលខេមរភូមិន្ទពីចម្ងាយបណ្តើរ កម្មវិធីប្រដាល់បានបិទការបញ្ចាំងស្លាយ ពួកគេនៅអង្គុយផឹកសុីបន្តរហូតដល់វេលាម៉ោង០១យប់រំលងអាធ្រាត្រឈានចូលថ្ងៃទី១៧ ខែឧសភា ឆ្នាំ២០២៦ ស្រាប់តែក្រុមជនសង្ស័យខាងលើ មានគ្នាប្រហែល២៤នាក់ ជិះម៉ូតូប្រហែល១២គ្រឿងទៅដល់ ធ្វើសកម្មភាពប្រើដុំថ្ម ដងឆ័ត្រ និងដាវ គប់ វាយនិងកាប់ទៅលើជនរងគ្រោះ ពេលនោះបណ្ដាលឲ្យជនរងគ្រោះឈ្មោះ ប៉ន ពេជ្រពន្លឺ បណ្ដាលឱ្យរងរបួសក្បាលយ៉ាងដំណំ ហើយក្រុមជនរងគ្រោះ ក៏បាននាំគ្នាគេចចេញ ហើយក្រុមជនសង្ស័យបានកាប់បំផ្លាញម៉ូតូម៉ាក HONDA DREAM C125 ពណ៌ខ្មៅ សេរីឆ្នាំ២០១៩ ពាក់ស្លាកលេខភ្នំពេញ1HZ-7108 របស់ជនរងគ្រោះឈ្មោះ រ៉េត វិសាល បណ្ដាលឱ្យខូចខាត

បន្តកាប់យកស្លាកលេខម៉ូតូភ្នំពេញ1HZ-7108 និងទូរស័ព្ទដៃម៉ាក IPHONE 14 PROMAX រួចនាំគ្នាជិះម៉ូតូគេចខ្លួន ៕ អត្ថបទ ៖ រដ្ឋា

The post នគរបាលខណ្ឌដង្កោ បញ្ជូនក្មេងទំនើង៩នាក់ ទៅតុលាការពាក់ព័ន្ធបង្កហិង្សាដោយចេតនានិងកាប់ប្លន់យកស្លាកលេខ appeared first on Kampuchea Thmey Daily.

អនុវត្តតាមបទបញ្ជា លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល កម្លាំងជំនាញព្រហ្មទណ្ឌ អធិការដ្ឋានគរបាលក្រុងតាខ្មៅ សហការជាមួយជំនាញខេត្ត បើកការស្រាវជ្រាវ ករណីហិង្សាដោយចេតនានិងធ្វើឲ្យខូចខាតដោយចេតនា(បង្កឡើងដោយក្មេងទំនើង) កើតហេតុថ្ងៃទី២៩ខែមេសាឆ្នាំ២០២៦ ម៉ោង១៩និង០០នាទី ចំណុចក្រោយសាលារៀនសុវណ្ណភូមិ ស្ថិតនៅភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្តកណ្តាល ឈានដល់ការឃាត់ខ្លួនជនសង្ស័យបានចំនួន៣នាក់ រហ័សនាមក្រុម(Moon កែង)

ឈ្មោះ ឃុន ខុនគីមូន ភេទប្រុស អាយុ១៩ឆ្នាំ, ឈ្មោះបែន ចេស្តា ហៅនាថ ភេទប្រុស អាយុ២០ឆ្នាំ ជនជាតិខ្មែរ, ឈ្មោះង្វៀង យ៉ាំងលឿង ហៅជា ភេទប្រុស អាយុ១៨ឆ្នាំ។ ចំពោះបក្ខពួកផ្សេងទៀតដែរកំពុងរត់គេចខ្លួនកម្លាំងជំនាញកំពុងតាមស្រាវជ្រាវដើម្បីឃាត់ខ្លួនមកអនុវត្តច្បាប់បន្ត។

បច្ចុប្បន្នជនសង្ស័យបានបញ្ជូនទៅអយ្យការអមសាលាដំបូងខេត្តកណ្តាលដើម្បីបន្តរនីតិវិធី។

The post សមត្ថកិច្ចក្រុងតាខ្មៅស្រាវជ្រាវ បង្រ្កាបក្រុមក្មេងទំនើង ០៣នាក់បញ្ជូនទៅតុលាការពាក់ព័ន្ធករណីកាប់បំផ្លាញម៉ូតូជនរងគ្រោះ appeared first on Kampuchea Thmey Daily.

តាមការបញ្ជាក់របស់លោក ទូច សុឃៈ ប្រតិបត្តិការនេះកម្លាំងនគរបាលជាតិបានឃាត់ខ្លួនជនសង្ស័យ១២៨នាក់ ដោយបញ្ជូនទៅកាន់តុលាការ ដែលក្នុងនោះមួយចំនួនធំត្ រូវបានបញ្ជូនទៅឃុំនៅតាមពន្ធនាគារ និងមណ្ឌលអប់រំកែប្រែ។ អ្នកនាំពាក្យរង បានឱ្យដឹងទៀតថា ក្មេងទំនើងដែលសមត្ថកិច្ចបង្ក្រាប និងឃាត់ខ្លួនបាននោះមាននៅមូលដ្ឋានរាជធានីភ្នំពេញ ខេត្តកណ្តាល កំពង់ស្ពឺ កំពត ពោធិ៍សាត់ បាត់ដំបង ប៉ៃលិន សៀមរាប និងខេត្តស្វាយរៀង។

ក្នុងចំណោមករណីសរុប១០ថ្ងៃខាងលើ គឺរយៈពេល៣ថ្ងៃ នៃពិធីបុណ្យចូលឆ្នាំខ្មែរ សមត្ថកិច្ចបង្ក្រាបបាន១៦ករណី និងឃាត់ខ្លួនជនសង្ស័យជាក្មេងទំនើង៨៤នាក់។ បើធៀបនឹងរយៈពេលដូចគ្នា ពិធីបុណ្យចូលឆ្នាំថ្មី កាលឆ្នាំ២០២៥ មានតែជាង១០នាក់ប៉ុណ្ណោះ៕

The post ក្មេងទំនើងជាង១២០នាក់ត្រូវសមត្ថកិច្ចចាប់បញ្ជូនទៅតុលាការ appeared first on Kampuchea Thmey Daily.

បើតាមរបាយការណ៍ករណីក្មេងទំនើងដែលសមត្ថកិច្ចបង្ក្រាបនិងឃាត់ខ្លួននោះ មាននៅក្នុងមូលដ្ឋានដូចជា រាជធានីភ្នំពេញ កំពង់ស្ពឺ កំពត ពោធិ៍សាត់ ត្បូងឃ្មុំ បាត់ដំបង និងខេត្តសៀមរាប។ ក្នុងរយៈពេល៣ថ្ងៃ នៃថ្ងៃចូលឆ្នាំថ្មីឆ្នាំ២០២៥កន្លងទៅ មានក្មេងទំនើងជាង១០នាក់ ត្រូវនគរបាលចាប់ឃាត់ខ្លួនបញ្ជូនទៅតុលាការ និងបញ្ជូនបន្តទៅលេងចូលឆ្នាំក្នុងពន្ធនាគារ។ 

មែនទែនទៅ មុនការមកដល់នៃពិធីបុណ្យចូលឆ្នាំថ្មីប្រពៃណីជាតិ អ្នកនាំពាក្យរងក្រសួងមហាផ្ទៃ លោក ទូច សុឃៈ បានចេញសារផ្សព្វផ្សាយអប់រំជាច្រើនលើក ដើម្បីដាស់តឿនក្មេងទំនើងកែប្រែឥរិយាបថ ខណៈថ្នាក់ដឹកនាំ និងអាជ្ញាធររដ្ឋបាលដែនដីគ្រប់លំដាប់ថ្នាក់ បានចេញសារអប់រំណែនាំ ទន្ទឹមគ្នានឹងការបង្ក្រាបពីសំណាក់កម្លាំងសមត្ថកិច្ចដោយគ្មានការលើកលែង។ 

លោក ទូច សុឃៈ អ្នកនាំពាក្យរងក្រសួងមហាផ្ទៃ

ទាំងពីថ្នាក់ដឹកនាំ ពីអាជ្ញាធររដ្ឋបាលដែនដី និងក៏ដូចគ្នាពីអ្នកនាំពាក្យរងក្រសួងមហាផ្ទៃ ក្រុមក្មេងទំនើងដែលកែប្រែខ្លួន នឹងមានឱកាសដូចគេដូចឯងដើម្បីជួបជុំសប្បាយរីករាយអបអរសាទរក្នុងពិធីបុណ្យចូលឆ្នាំថ្មីប្រពៃណីជាតិ។ ក៏ប៉ុន្តែប្រសិនបើពួកគេអុកឡុករំខានសង្គម ពួកគេនឹងត្រូវចូលឆ្នាំក្នុងពន្ធនាគារ ដូចករណីខាងលើ៕

The post ក្មេងទំនើងជាង៨០នាក់ ត្រូវសមត្ថកិច្ចឃាត់ខ្លួនបញ្ជូនទៅតុលាការ ខណៈគេឯងអបអរឆ្នាំថ្មី appeared first on Kampuchea Thmey Daily.

សមត្ថកិច្ចបានឲ្យដឹងថា ក្រោយកើតហេតុ លោកឧត្តមសេនីយ៍ទោ សួស សុខដារ៉ា ស្នងការនគរបាលខេត្តព្រះវិហារ បានចាត់បញ្ជាលោកវរសេនីយ៍ឯក គង់ គា នាយការិយាល័យនគរបាលព្រហ្មទណ្ឌកម្រិតស្រាល ដឹកនាំកម្លាំងជំនាញ ខេត្ត សហការជាមួយប៉ុស្តិ៍រដ្ឋបាលរមណីយ និងប៉ុស្តិ៍រមទម ធ្វើការស្រាវជ្រាវឈានដល់កំណត់មុខសញ្ញាក្រុមក្មេងទំនើងធ្វើសកម្មភាពចំនួន២ក្រុម។

ក្រុមទី១ជាក្រុមក្មេងទំនើង កម្មករដែលស្នាក់នៅភ្នំរំដេង ភូមិត្រពាំងទន្ទឹម ឃុំរមទម ដែលមានគ្នា១២នាក់ និងក្រុមទី២ជាក្រុមក្មេងទំនើងនៅភូមិបង្កើនផល និងភូមិអូរពោធិ៍ ឃុំរមណីយមានគ្នា១១នាក់។ ក្រោយពីការស្រាវជ្រាវរួចសមត្ថកិច្ចបានធ្វើការឃាត់ខ្លួនមុខសញ្ញាក្មេងទំនើងបានចំនួន១៥នាក់មកធ្វើការសាកសួរ និងបញ្ជូន២នាក់ទៅមន្ទីរពេទ្យ ចំណែកជនសង្ស័យចំនួន៦នាក់រត់គេចខ្លួន។

ក្រោយពីសាកសួររួចរាល់ កម្លាំងនគរបាលជំនាញបានកសាងសំណុំរឿងបញ្ជូនខ្លួនក្រុមក្មេងទំនើងទាំង១៥នាក់ ព្រមទាំងវត្ថុតាងរួមមាន ម៉ូតូចំនួន៧គ្រឿង.ទូរស័ព្ទដៃចំនួន១០គ្រឿង.នាឡិកា១គ្រឿង.កាំបិតប័ងតោ១ ទៅសាលាដំបូងខេត្ត វេលាម៉ោង១៥រសៀលថ្ងៃទី០៨ ខែមេសា ឆ្នាំ២០២៦ ដើម្បីចាត់ការតាមច្បាប់៕

អត្ថបទ៖ ជុន កុសល

The post នគរបាលស្រុករវៀង ខេត្តព្រះវិហារ បង្ក្រាបក្រុមក្មេងទំនើង១៥នាក់ ក្រោយបង្កហិង្សាឲ្យមានរបួសស្នាម appeared first on Kampuchea Thmey Daily.