បាក់ស្រុត Archives - Kampuchea Thmey Daily

ថៃ ប្រកាសជុំវិញកន្លែងបាក់ស្រុតជាតំបន់គ្រោះថ្នាក់ក្រោយប្រទះឃើញផ្លូវផ្សេងទៀតជ្រាបទឹក

Bun sopheap — Thu, 25 Sep 2025 09:42:44 +0000

អភិបាលក្រុងបាងកក បានប្រកាសតំបន់ជុំវិញផ្លូវ Samsen ជាតំបន់គ្រោះថ្នាក់ បន្ទាប់មានការបាត់ស្រុតបង្កើតរណ្ដៅដ៏ធំនៅមុខមន្ទីរពេទ្យ Vajira កាលពីថ្ងៃពុធ និងដោយសារទើបតែប្រទះឃើញផ្លូវផ្សេងទៀតជ្រាបទឹកស្រដៀងកន្លែងកើតហេតុចាស់។ នេះបើយោងតាមការចេញផ្សាយរបស់សារព័ត៌មាន The Nation នៅថ្ងៃទី២៥ខែកញ្ញា។

ផ្លូវជ្រាបទឹក (រូបភាព៖ The Nation)

ការប្រកាសនេះកើតឡើងបន្ទាប់ពី នៅព្រឹកថ្ងៃព្រហស្បតិ៍នេះ ថៃប្រទះឃើញទីតាំងទីពីរទៀតមានការជ្រៀបទឹកចម្ងាយ ២ គីឡូម៉ែត្រពីកន្លែងបាក់ស្រុត ដែលបង្ហាញសញ្ញាព្រមានស្រដៀងគ្នាទៅនឹងកន្លែងបាក់ស្រុតលើកដំបូង។ ប៉ូលិសបានបិទចរាចរណ៍ភ្លាមៗនៅទីនោះ ដើម្បីការពារកុំឲ្យមានគ្រោះថ្នាក់បន្តទៀត។

គួររម្លឹកថាកាលពីថ្ងៃពុធ ទឹកជ្រាបត្រូវបានគេប្រទះឃើញជាលើកដំបូងចេញពីផ្ទៃខាងលើផ្លូវនៅមុខមន្ទីរពេទ្យ Vajira នៅម៉ោងប្រហែល ៦ ព្រឹក មុនពេលបាក់ស្រុតនៅម៉ោងប្រហែល ៦:៣០ព្រឹកបង្កើតជារណ្តៅទំហំ ៣០x៣០ ម៉ែត្រ ជម្រៅប្រមាណ ១៧ ម៉ែត្រ។ អាជ្ញាធរថៃបានលើកឡើងថា ការបាក់ស្រុតនេះបណ្តាលមកពីការលេចធ្លាយបំពង់ទឹកសំខាន់មួយ ដែលភ្ជាប់ទៅនឹងការសាងសង់ផ្លូវក្រោមដី ហូរនាំដីចូលទៅក្នុងផ្លូវរូងក្រោមដី ទើបបណ្តាលឱ្យមានការបាក់ស្រុត។

(រូបភាព៖ The Nation)

នៅពេលនេះជាងកំពុងព្យាយាមបិទការលេចធ្លាយទឹក និងលើកបន្ទះបេតុង ប៉ុន្តែនៅតែមានការព្រួយបារម្ភអំពីសុវត្ថិភាព ជាពិសេសនៅពេលប្រើប្រាស់រថយន្តស្ទូចនៅជិតកន្លែងកើតហេតុ។ លើសពីនេះកម្មករបានប្រើបាវខ្សាច់ដាក់នៅជុំវិញបំពង់បង្ហូរទឹក ដើម្បីទប់ស្កាត់លំហូរទឹក និងកាត់បន្ថយបំណាក់ដី ខណៈទឹកភ្លៀងក៏បង្កហានិភ័យចម្បងផងដែរ។ រដ្ឋបាលក្រុងបាងកក (BMA) ក៏កំពុងស្តារការផ្គត់ផ្គង់ទឹកដែលរងការរំខាន ជម្លៀសអ្នកជំងឺដែលដេកលើគ្រែចំនួន ១០ នាក់ និងសម្រួលចរាចរណ៍ដោយការបង្វែរតាមផ្លូវផ្សេងជំនួសវិញ៕

(រូបភាព៖ Reuters)

(រូបភាព៖ The Nation)

អត្ថបទ៖ ប៊ុន សុភាព

The post ថៃ ប្រកាសជុំវិញកន្លែងបាក់ស្រុតជាតំបន់គ្រោះថ្នាក់ក្រោយប្រទះឃើញផ្លូវផ្សេងទៀតជ្រាបទឹក appeared first on Kampuchea Thmey Daily.

ព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ

អ៊ិន ពិសី — Sat, 26 Apr 2025 09:52:52 +0000

ក្រោយភ្លៀងមួយមេ ផ្លូវអមមាត់ប្រឡាយលូស្ទឹងមានជ័យ បានបាក់ស្រុត ដោយសារទឹកហូរកាត់ខ្លាំង ហើយបណ្ដាលឲ្យធ្លាក់កង់បីឥណ្ឌា ០១ គ្រឿង ពេលធ្វើដំណើរឆ្លងកាត់ តែសំណាងល្អប្រជាពលរដ្ឋក្បែរនោះជួយស្រោចស្រង់ឡើងមកវិញបាន។

ករណីបាក់ស្រុតនេះបង្កការភ្ញាក់ផ្អើលកាលពីវេលាម៉ោង ០៤ និង ៣០ នាទីរសៀល ថ្ងៃទី ២៦ ខែមេសា ឆ្នាំ ២០២៥ នៅចំណុចផ្លូវអមមាត់ប្រឡាយស្ទឹងមានជ័យ សង្កាត់ស្ទឹងមានជ័យទី ០២ ខណ្ឌមានជ័យ រាជធានីភ្នំពេញ។

ពាក់ព័ន្ធករណីខាងលើនេះ ភ្លាមៗ អាជ្ញាធរសង្កាត់ស្ទឹងមានជ័យទី ០២ បានចុះមកដល់ទីតាំងខាងលើ និងបានហ៊ុមព័ទ្ធខ្សែជាបណ្ដោះអាសន្ន ព្រមទាំងបន្តរាយការណ៍ជូនថ្នាក់លើ ដើម្បីរង់ចាំចំណាត់ការផងដែរ៕

អត្ថបទ ៖ ម៉េង

The post ព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ appeared first on Kampuchea Thmey Daily.

អាជ្ញាធរព្រមានមុនគ្រោះថ្នាក់បាត់បង់ទ្រព្យសម្បត្តិ តែមិនស្ដាប់ ចុងក្រោយទទួលលទ្ធផលអាក្រក់

អ៊ិន ពិសី — Wed, 02 Nov 2022 03:45:25 +0000

តូបលក់ដូរមួយកន្លែង បានបាក់ស្រុតធ្លាក់ចូលក្នុងស្ទឹងពោធិ៍សាត់ទាំងស្រុង អីវ៉ាន់ចាប់ហួយ និងសម្ភារៈប្រើប្រាស់ បាត់បង់អស់មួយចំនួនធំ ប៉ុន្តែមិនមានអ្នករងគ្រោះថ្នាក់នោះទេ។

ហេតុការណ៍នេះបានកើតឡើងកាលពីវេលាម៉ោង ៧ និង ០០ នាទីយប់ ថ្ងៃទី ០១ ខែវិច្ឆិកា ឆ្នាំ ២០២២ ត្រង់ចំណុចទល់មុខផ្លូវយាយអាន ស្ថិតក្នុងភូមិស្វាយលួង ឃុំស្វាយលួង ស្រុកកណ្ដៀង ខេត្តពោធិ៍សាត់។

លោក អ៊ុន ស៊ី អធិការនគរបាលស្រុកកណ្ដៀងប្រាប់ឲ្យដឹងថា ម្ចាស់តូបចាប់ហួយ និងទីតាំងខាងលើ ឈ្មោះ គឹម ឈុនហួយ ភេទស្រី អាយុ ៦០ ឆ្នាំ រស់នៅក្នុងភូមិកើតហេតុ។

លោកអធិការបញ្ជាក់ឲ្យដឹងថា តូបលក់ដូរខាងលើនេះ សង់ជាប់មាត់ស្ទឹងពោធិ៍សាត់ ដែលគាត់បានប្រកបមុខរបរនេះយូរឆ្នាំមកហើយ។ កន្លងមក សមត្ថកិច្ចអាជ្ញាធរមូលដ្ឋាន ណែនាំឲ្យម្ចាស់តូបប្រុងប្រយ័ត្ន និងធ្វើការរុះរើជាមុន ជៀសវាងមានគ្រោះថ្នាក់។ ចុងក្រោយ អាជ្ញាធរ បានព្រមាន និងធ្វើលិខិតបញ្ជាក់ឲ្យរុះរើចេញតាំងពីថ្ងៃទី ២០ ខែតុលា ឆ្នាំ ២០២២ មកម្ល៉េះ ប៉ុន្តែម្ចាស់ទីតាំងនេះ មិនសហការ និងស្ដាប់តាមការណែនាំ ទើបមកដល់ពេលខាងលើ ក៏មានហេតុការណ៍នេះកើតឡើង។ ចំពោះទំហំ នៃការខូចខាត សមត្ថកិច្ច នៅមិនទាន់ដឹងនៅឡើយទេ៕

អត្ថបទ ៖ លាន គ្រន

The post អាជ្ញាធរព្រមានមុនគ្រោះថ្នាក់បាត់បង់ទ្រព្យសម្បត្តិ តែមិនស្ដាប់ ចុងក្រោយទទួលលទ្ធផលអាក្រក់ appeared first on Kampuchea Thmey Daily.

បាក់ស្រុត Archives - Kampuchea Thmey Daily

ថៃ ប្រកាសជុំវិញកន្លែងបាក់ស្រុតជាតំបន់គ្រោះថ្នាក់ក្រោយប្រទះឃើញផ្លូវផ្សេងទៀតជ្រាបទឹក

ព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ

អាជ្ញាធរព្រមានមុនគ្រោះថ្នាក់បាត់បង់ទ្រព្យសម្បត្តិ តែមិនស្ដាប់ ចុងក្រោយទទួលលទ្ធផលអាក្រក់​

អាជ្ញាធរព្រមានមុនគ្រោះថ្នាក់បាត់បង់ទ្រព្យសម្បត្តិ តែមិនស្ដាប់ ចុងក្រោយទទួលលទ្ធផលអាក្រក់