បាញ់ថ្នាំសម្លាប់មូស Archives - Kampuchea Thmey Daily

ការបាញ់ថ្នាំមូសទូទាំងរាជធានីភ្នំពេញ ធ្វើឡើងជាប្រចាំ ពេញមួយឆ្នាំ គ្រោងបញ្ចប់នៅខែធ្នូនេះ

អ៊ិន ពិសី — Wed, 03 Dec 2025 10:30:00 +0000

មន្ទីរសុខាភិបាលរាជធានីភ្នំពេញ សហការជាមួយអាជ្ញាធរខណ្ឌទាំង ១៤ បានធ្វើសកម្មភាពបាញ់ថ្នាំមូសនៅតាមមូលដ្ឋានរបស់ប្រជាពលរដ្ឋទូទាំងរាជធានីភ្នំពេញ ដើម្បីសុខុមាលភាព ពិសេសបង្ការទប់ស្កាត់ជំងឺគ្រុនឈាម។

លោក ងី មានហេង នាយកមន្ទីរសុខាភិបាលរាជធានីភ្នំពេញ បានឲ្យដឹងនៅព្រឹកថ្ងៃទី ៣ ធ្នូ នេះថា ដោយមានការយកចិត្តទុកដាក់ និងការចង្អុលបង្ហាញពីលោក ឃួង ស្រេង អភិបាល នៃគណៈអភិបាលរាជធានីភ្នំពេញ បានណែនាំឲ្យមន្ទីរសុខាភិបាលរាជធានីភ្នំពេញ ចុះបាញ់ថ្នាំមូសក្នុងមូលដ្ឋានភូមិ-សង្កាត់ ក្នុងខណ្ឌទាំង ១៤ និងនៅតាមសាលារៀន។ សកម្មភាពនេះ បានធ្វើឡើងជាប់ជាប្រចាំ តាំងពីដើមខែមករា ឆ្នាំ ២០២៥ មក ហើយគ្រោងបញ្ចប់នៅខែធ្នូ ឆ្នាំ ២០២៥ នេះ។

ការយកចិត្តទុកដាក់ចំពោះសុខុមាលភាពប្រជាពលរដ្ឋនេះ បានធ្វើឲ្យ ពលរដ្ឋ លោកគ្រូ អ្នកគ្រូ និងសិស្សានុសិស្ស សម្តែងនូវទឹកចិត្តសប្បាយរីករាយយ៉ាងក្រៃលែង និងបានថ្លែងអំណរគុណដល់លោក ឃួង ស្រេង និងរដ្ឋបាលខណ្ឌទាំងអស់ ដែលតែងតែគិតគូរពីសុខុមាលភាពសាធារណៈនៅក្នុងមូលដ្ឋានខណ្ឌនានាក្នុងរាជធានីភ្នំពេញ។

ដោយឡែក មន្ទីរសុខាភិបាលរាជធានីភ្នំពេញ បានចាត់ចែងឲ្យក្រុមបាញ់ថ្នាំមូសរបស់មន្ទីរពេទ្យបង្អែកព្រែកព្នៅ និងមណ្ឌលសុខភាព សហការជាមួយកម្លាំងអាជ្ញាធរខណ្ឌ ចុះបាញ់ថ្នាំមូសនៅភូមិ-សង្កាត់ នានា៕

អត្ថបទ ៖ ស្រីរ័ត្ន

The post ការបាញ់ថ្នាំមូសទូទាំងរាជធានីភ្នំពេញ ធ្វើឡើងជាប្រចាំ ពេញមួយឆ្នាំ គ្រោងបញ្ចប់នៅខែធ្នូនេះ appeared first on Kampuchea Thmey Daily.

អាជ្ញាធរខណ្ឌកំបូល បាញ់ថ្នាំមូសជូនពលរដ្ឋក្នុងមូលដ្ឋាន បង្ការទប់ស្កាត់ជំងឺគ្រុនឈាម

Ung Meng — Wed, 12 Nov 2025 02:24:32 +0000

ដោយមានការណែនាំពី លោក ឃួង ស្រេង អភិបាលរាជធានីភ្នំពេញ ដែលបានគិតគូរពីបញ្ហាសុខភាពសាធារណៈរបស់ប្រជាពលរដ្ឋ អាជ្ញាធរខណ្ឌកំបូល បានបើកយុទ្ធនាការចុះបាញ់ថ្នាំសម្លាប់មូសនៅមូលដ្ឋានរបស់ខ្លួនជាបន្តបន្ទាប់ ដើម្បីបង្ការ និងទប់ស្កាត់ ជំងឺគ្រុនឈាម។

កាលពីថ្ងៃទី ១១ ខែវិច្ចិកា ឆ្នាំ ២០២៥ ម្សិលមិញ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល បានចាត់តាំងមន្រ្តីការិយាល័យសង្គមកិច្ច និង សុខុមាលភាពសង្គម កម្លាំងសណ្តាប់ធ្នាប់ខណ្ឌ សហការជាមួយអាជ្ញាធរ សង្កាត់-ភូមិ ចុះបាញ់ថ្នាំកម្ចាត់មូស ដើម្បីបង្ការ និងទប់ស្កាត់ការចម្លងជំងឺគ្រុនឈាម តាមលំនៅឋានប្រជាពលរដ្ឋ និង បន្ទប់ជួលរបស់កម្មករ កម្មការិនី ស្ថិតនៅភូមិតាសេក ភូមិព្រៃកុដិ សង្កាត់កំបូល ខណ្ឌកំបូល រាជធានីភ្នំពេញ។

ក្រោយពីកម្លាំងបាញ់ថ្នាំរបស់រដ្ឋបាលខណ្ឌកំបូល ចុះទៅបាញ់ថ្នាំសម្លាប់មូសរួចរាល់ ប្រជាពលរដ្ឋក្នុងមូលដ្ឋានខណ្ឌ បានសម្តែងនូវទឹកចិត្តរីករាយយ៉ាងក្រៃលែងជាខ្លាំង និងសូមថ្លែងអំណរគុណយ៉ាងជ្រាលជ្រៅចំពោះ អភិបាលរាជធានីភ្នំពេញ អភិបាលខណ្ឌកំបូល និងក្រុមការងាររដ្ឋបាលខណ្ឌ ដែលតែងតែគិតគូរពីសុខភាពសាធារណៈរបស់ពួកគាត់។

យុទ្ធនាការចុះបាញ់ថ្នាំមូស នាពេលនេះ ដើម្បីទប់ស្កាត់ និងបង្ការ កុំឲ្យមានការកើតឡើងនៅជំងឺផ្សេងៗ ដល់ប្រជាពលរដ្ឋ ពិសេសសម្រាប់កុមារ និងមនុស្សចាស់។

គួរជម្រាបថា យុទ្ធនាការ នៃការចុះបាញ់ថ្នាំមូសជូនប្រជាពលរដ្ឋនៅតាមខ្នងផ្ទះ សាលារៀន វត្តអារាម ជាពិសេសកន្លែងដែលជាជម្រកមូស គឺតបតាមការណែនាំរបស់ក្រសួងសុខាភិបាល ក៏ដូចជារដ្ឋបាលរាជធានីភ្នំពេញ ផងដែរ ដោយអាជ្ញាធរក្នុងខណ្ឌទាំង ១៤ នៃរាជធានីភ្នំពេញ បញ្ចេញសកម្មភាពធ្វើព្រមៗ គ្នា តែម្តង៕

ដោយ ៖ ម៉េង

The post អាជ្ញាធរខណ្ឌកំបូល បាញ់ថ្នាំមូសជូនពលរដ្ឋក្នុងមូលដ្ឋាន បង្ការទប់ស្កាត់ជំងឺគ្រុនឈាម appeared first on Kampuchea Thmey Daily.

អាជ្ញាធរខណ្ឌកំបូល ចុះបាញ់ថ្នាំកម្ចាត់មូស បង្ការជំងឺគ្រុនឈាមនៅតាមបណ្ដាលំនៅឋាន និងបន្ទប់ជួលកម្មករ-កម្មការិនី

អ៊ិន ពិសី — Tue, 05 Aug 2025 01:54:34 +0000

កាលពីល្ងាចថ្ងៃទី ០៤ ខែសីហា ឆ្នាំ ២០២៥ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល បានចាត់ ក្រុមការងារ ធ្វើប្រតិបត្តិការចុះបាញ់ថ្នាំកម្ចាត់មូស ដើម្បីបង្ការ និងទប់ស្កាត់ជំងឺគ្រុនឈាម នៅតំបន់ដែលមានប្រជាជនស្នាក់នៅដូចជា ភូមិប្រទះឡាង និងភូមិភា ក្នុងសង្កាត់កំបូល ខណ្ឌកំបូល រាជធានីភ្នំពេញ។

សកម្មភាពនេះជាការសហការរវាងមន្ត្រីការិយាល័យសង្គមកិច្ច និងសុខុមាលភាពសង្គម , កម្លាំងសន្តិសុខសណ្តាប់ធ្នាប់ខណ្ឌ និងអាជ្ញាធរមូលដ្ឋានសង្កាត់-ភូមិ ដោយបានកំណត់តំបន់គោលដៅសំខាន់ៗ ជាពិសេសតំបន់មានបន្ទប់ជួលសម្រាប់កម្មករ-កម្មការិនី ដែលជាកន្លែងងាយរងគ្រោះចំពោះជំងឺគ្រុនឈាម។

ក្រៅពីការបាញ់ថ្នាំកម្ចាត់មូស ក្រុមការងារ នៅតែបានអនុវត្តការផ្សព្វផ្សាយចំណេះដឹងជាសាធារណៈដល់ប្រជាពលរដ្ឋអំពីវិធានការបង្ការជំងឺគ្រុនឈាម ដូចជា ៖ ការលាងធុងទឹក និងបិទបាំងឲ្យជិតល្អ , ចៀសវាងការរក្សាទុកទឹកក្លាយជាជម្រកមូសបាន និង សម្អាតបរិស្ថានជុំវិញទីកន្លែងស្នាក់នៅជាប្រចាំ។

រដ្ឋបាលខណ្ឌកំបូល បានអំពាវនាវឲ្យប្រជាពលរដ្ឋទាំងអស់រួមចំណែកសកម្មក្នុងការរក្សាអនាម័យបរិស្ថាន និងពង្រឹងការពារផ្ទាល់ខ្លួនជាប្រចាំ ដើម្បីចូលរួមទប់ស្កាត់ការរីករាលដាល នៃជំងឺគ្រុនឈាមដែលអាចបង្កផលប៉ះពាល់ដល់សុខភាពសាធារណៈ និងសុវត្ថិភាពសង្គម៕

អត្ថបទ ៖ សំណាង

The post អាជ្ញាធរខណ្ឌកំបូល ចុះបាញ់ថ្នាំកម្ចាត់មូស បង្ការជំងឺគ្រុនឈាមនៅតាមបណ្ដាលំនៅឋាន និងបន្ទប់ជួលកម្មករ-កម្មការិនី appeared first on Kampuchea Thmey Daily.

អាជ្ញាធរខណ្ឌឬស្សីកែវបន្តចុះយុទ្ធនាការ បាញ់ថ្នាំមូសនៅតាមដងប្រឡាយក្នុងមូលដ្ឋាន

Kang Tola — Thu, 30 Jan 2025 13:31:10 +0000

ភ្នំពេញ ៖ អាជ្ញាធរខណ្ឌឫស្សីកែវបន្តចូលចិត្តទុកដាក់ចុះយុទ្ធនាការបាញ់សម្លាប់ថ្នាំមូសក្នុងមូលដ្ឋានរបស់ខ្លួនដើម្បី បង្ការទប់ស្កាត់ជំងឺគ្រុនឈាមជូនប្រជាពលរដ្ឋ នឹងដើម្បីលុបបំបាត់ជម្រកសត្វមូស។

ជាក់ស្តែងនារសៀលថ្ងៃ ពុធ ទី២៩ ខែមករា ឆ្នាំ ២០២៥នេះ រដ្ឋបាលខណ្ឌឬស្សីកែវបានចាត់ក្រុមការងារនៃរដ្ឋបាលសង្កាត់ជាប់ប្រឡាយអូរបាក់ទូក និងអូរវែង សហការជាមួយ កងអន្តរាគមន៍អង្គភាព ៧១១ នៃកងពលតូចលេខ៧០ ចុះយុទ្ធនាការ បាញ់ថ្នាំមូស នៅតាមប្រឡាយ ជាទីតាំងដែលសត្វមូសអាចបង្ករកំណើត។

ក្នុងនោះប្រជាពលរដ្ឋ រស់នៅក្នុងមូលដ្ឋានខណ្ឌឬស្សីកែវ បានសម្តែងក្តីពេញចិត្ត និងគាំទ្រចំពោះសកម្មភាពយកចិត្តទុកដាក់របស់អាជ្ញាធរ ដែលបានចុះមកបាញ់ថ្នាំ សម្លាប់ជម្រកសត្វមូស ដល់តាមភូមិឋានរបស់ពួកគាត់ ។ សកម្មភាពនេះ ក៏ជាចំណែក នៃការជួយកូនៗតូចៗរបស់ពួកគាត់ លើការបង្ការទប់ស្កាត់បញ្ហាជម្ងឺគ្រុនឈាម ក្នុងរដូវខែត្រជាក់នេះផងដែរ។ ប្រជាពលរដ្ឋ បានសំណូមពរដល់អាជ្ញាធរ គួរមានផែនការ ជាប្រចាំក្នុងយុទ្ធការបាញ់ថ្នាំសម្លាប់សត្វមូសនេះ ព្រោះកុំឲ្យកើតមានឡើងវិញ ដើម្បីរក្សាសុខភាពសាធារណៈ ជូនដល់ប្រជាពលរដ្ឋ ទាំងអស់បានប្រសិទ្ធភាព។

យុទ្ធនាការចុះបាញ់ថ្នាំមូសនាពេលនេះ គឺដើម្បីទប់ស្កាត់ និងបង្ការ កុំឱ្យមានការកើតឡើងនៅជំងឺផ្សេងៗ ដល់ប្រជាពលរដ្ឋ ពិសេស សម្រាប់កុមារ និងមនុស្សចាស់។

សូមបញ្ជាក់ថា យុទ្ធនាការ នៃការចុះបាញ់ថ្នាំមូស ជូនបងប្អូនប្រជាពលរដ្ឋ នៅតាមខ្នងផ្ទះប្រជាជន សាលារៀន វត្តអារាម ជាពិសេសកន្លែងដែលជាជម្រកមូស គឺតបតាមការណែនាំរបស់ក្រសួងសុខាភិបាល ក៏ដូចជារដ្ឋបាលរាជធានីភ្នំពេញផងដែរ ដោយអាជ្ញាធរនៅទូទាំង១០៥សង្កាត់ ក្នុងខណ្ឌទាំង១៤ នៃរាជធានីភ្នំពេញ គឺបញ្ចេញសកម្មភាពធ្វើព្រមៗគ្នាតែម្តង៕

អត្ថបទ ៖ ម៉េង

The post អាជ្ញាធរខណ្ឌឬស្សីកែវបន្តចុះយុទ្ធនាការ បាញ់ថ្នាំមូសនៅតាមដងប្រឡាយក្នុងមូលដ្ឋាន appeared first on Kampuchea Thmey Daily.

រដ្ឋបាលរាជធានីបន្តយុទ្ធនាការចុះបាញ់ថ្នាំសម្លាប់មូសនៅតាមភូមិ សង្កាត់និងខណ្ឌទាំង១៤

Kang Tola — Fri, 17 Jan 2025 12:57:10 +0000

អភិបាលនៃគណៈអភិបាលរាជធានីភ្នំពេញ ដែលបានគិតគូរពីបញ្ហាសុខភាពសាធារណៈរបស់ប្រជាពលរដ្ឋ ដែលរស់នៅក្នុងមូលដ្ឋាន នៅរសៀលថ្ងៃទី១៦ខែមករា ឆ្នាំ២០២៥ រដ្ឋបាលខណ្ឌពោធិ៍សែនជ័យ ដឹកនាំដោយលោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ កម្លាំងខណ្ឌដោយមានកិច្ចសហការពីកងពលតូចលេខ៧០ ហៅ «ង៧០ » បានចុះបាញ់ថ្នាំសម្លាប់មូល នៅសង្កាត់ចោមចៅទី៣ ខណ្ឌពោធិ៍សែនជ័យ បានចំនួន ០៨ភូមិ ១.ភូមិថ្នល់បំបែក ២.ភូមិព្រៃព្រីងខាងត្បូង ៣.ភូមិព្រៃជីសាក់ ៤.ភូមិត្រពាំងពោធិ ៥.ភូមិព្រៃស្វាយ ៦.ភូមិអូដឹម ៧.ភូមិអង្កែវ ៨.ភូមិអង្គក្រុមការងារបានបញ្ចប់ការបាញ់ថ្នាំសម្លាប់មូសនៅវេលាម៉ោង ១៨:៣០យប់។

ខណ្ឌសែនសុខ នៅរសៀលថ្ងៃទី១៦ ខែមករា ឆ្នាំ២០២៥ រដ្ឋបាលខណ្ឌសែនសុខ ដឹកនាំដោយលោក ម៉ូវ ម៉ានិត អភិបាល នៃគណអភិបាលខណ្ឌសែនសុខ និងមានកិច្ចសហការពី មន្រ្តីរបស់មន្ទីរសុខាភិបាលរាជធានីភ្នំពេញ និងកងពលតូចលេខ៧១១ បានចុះបាញ់ថ្នាំសម្លាប់មូស នៅសង្កាត់គោកឃ្លាង ក្នុងមូលដ្ឋានខណ្ឌសែនសុខ បានសរុបចំនួន ០៦ទីតាំង រួមមានដូចខាងក្រោម ៖១- ភូមិរោងចក្រ១ បានចំនួន០១ផ្លូវ២- ភូមិរោងចក្រ បានចំនួន០១ផ្លូវ៣- ភូមិដីថ្មី បានចំនួន០៤ ផ្លូវ៤- ភូមិដំណាក់ បានចំនួន០៣ផ្លូវ ៥-ភូមិគោកឃ្លាង បានចំនួន០៣ ផ្លូវ៦-ភូមិត្រពាំងស្វាយ បានចំនួន ០២ ផ្លូវ។

ខណ្ឌមានជ័យ រដ្ឋបាលខណ្ឌមានជ័យដឹកនាំដោយលោកសេង គន្ធ អភិបាលខណ្ឌមានជ័យ ឱ្យដឹងពីកម្លាំងខណ្ឌសហការជាមួយកងពលតូចលេខ៧០ (ង70) ធ្វើសកម្មភាពយុទ្ធនាការបាញ់ថ្នាំសម្លាប់មូស ក្នុងភូមិសាស្ត្រ សង្កាត់ស្ទឹងមានជ័យទី២ ត្រូវ និងថ្ងៃទី១៥ ខែមករា ឆ្នាំ២០២៥ វេលាម៉ោង៤:០០នាទីរដ្ឋបាលសាលាសង្កាត់ស្ទឹងមានជ័យទី២ បើកយុទ្ធនាការចុះបាញ់ថ្នាំសម្លាប់សត្វមូស ដើម្បីការពារជំងឺគ្រុនឈាម (ទាំង៩ភូមិ )។ កម្លាំងចូលរួមមាន កម្លាំង(ង៧១១) សរុប ៣ នាក់កម្លាំងមន្ទីរសុខាភិបាលរាជធានីភ្នំពេញ ៤នាក់ក្រុមទី១ដឹកនាំដោយលោក សេង សុធីវ៉ាន់ថា ចៅសង្កាត់រងទី១បាញ់ចំនួន ៥ ភូមិ និងក្រុមទី២ដឹកនាំដោយលោក ហុឹម ហៃ និងប្រជាការពារសង្កាត់បាញ់ចំនួន ៤ ភូមិកម្លាំងសង្កាត់ចំនួន ១០ នាក់ភូមិសរុបចំនួន ១៥ នាក់ ប្រើប្រាស់ម៉ាស៊ីនបាញ់ថ្នាំ ចំនួន ២ គ្រឿងចំណុចចាប់ផ្ដើមពីភូមិ

១/ ភូមិប្រាំ ២/ ភូមិភ្នាត៣/ ភូមិព្រែកទាល់៤/ ភូមិព្រែកទាល់១ ៥/ ភូមិដំណាក់ធំ៦/ ភូមិភូមិដំណាក់ធំ១៧/ ភូមិដំណាក់ធំ៤៨/ ភូមិឬស្សី៩/ភូមិឬស្សី ៣ លទ្ធផល នៃការចុះបាញ់ សរុបខ្នងផ្ទះ ៩១០ ខ្នងផ្ទះបញ្ចប់ត្រឹមវេលាម៉ោង ៩:០០នាទី។

ចំណែកសង្កាត់ស្ទឹងមានជ័យទី3 ការចុះបាញ់ថ្នាំនមានការចូលរួមសហការជាមួយនឹងក្រុមបាញ់ថ្នាំ ODបាសាក់ និងកងពលតូចលេខ៧០ (ង70) មណ្ឌលសុខភាពស្ទឹងមានជយ័បានចំនួន 6 ភូមិដោយចាប់ផ្ដើមពីម៉ោង 4និង:30 នាទីនិងបញ្ចប់នៅម៉ោង 8:35 នាទីយប់។

ខណ្ឌច្បារអំពៅនាថ្ងៃទី១៦ ខែមករា ឆ្នាំ២០២៥ រដ្ឋបាលខណ្ឌច្បារអំពៅ ដឹកនាំដោយលោកចេង មុនីរ៉ា អភិបាលខណ្ឌច្បារអំពៅបញ្ជាក់ថា កម្លាំងសណ្ដាប់ធ្នាប់ខណ្ឌច្បារអំពៅបានបន្តចុះបាញ់ថ្នាំសម្លាប់សត្វមូស នៅសង្កាត់ព្រែកឯងមាន៤ទីតាំង. ទី១មត្តេយ្យតាព្រហ្ម ទី២ផ្ទះប្រជាពលេដ្ឋភូមិតាព្រហ្ម ទី៣មត្តេយ្យទូលតាចាន់ ទី៤សាលាវិទ្យាល័យព្រែកឯង។

គួរបញ្ជាក់ថា សម្រាប់កម្លាំងកងពលពលតូចលេខ៧០ (ង៧០) សហការជាមួយអាជ្ញាធរខណ្ឌ និង មន្ទីរសុខាភិបាលរាជធានីភ្នំពេញ ធ្វើសកម្មភាពបាញ់ថ្នាំសម្លាប់មូសក្នុងមូលដ្ឋានខណ្ឌចំនួន៧មានខណ្ឌមានជ័យ, ខណ្ឌសែន សុខ, ខណ្ឌពោធិ៍ សែនជ័យ,ខណ្ឌឬស្សីកែវ,ខណ្ឌទួលគោក, ខណ្ឌបឹងកេងកងនិងខណ្ឌដូនពេញ។ ក៏ប៉ុន្តែសម្រាប់ខណ្ឌទាំង៧ផ្សេងៗទៀតកម្លាំងរបស់ខណ្ឌនិមួយៗនៅបន្តបាញ់ថ្នាំរាល់ថ្ងៃដដែលទោះបីអត់ទាន់មានការសហការជាមួយកងពលតូចលេខ៧០ (ង70) ក្ដី៕

ដោយ ៖ ស្រីរ័ត្ន

The post រដ្ឋបាលរាជធានីបន្តយុទ្ធនាការចុះបាញ់ថ្នាំសម្លាប់មូសនៅតាមភូមិ សង្កាត់និងខណ្ឌទាំង១៤ appeared first on Kampuchea Thmey Daily.

រដ្ឋបាលខណ្ឌឫស្សីកែវ បាញ់ថ្នាំសម្លាប់មូសក្នុងមូលដ្ឋានជាបន្តបន្ទាប់ ដើម្បីបង្ការ-ទប់ស្កាត់ជំងឺគ្រុនឈាម

អ៊ិន ពិសី — Tue, 14 Jan 2025 03:32:32 +0000

ដោយមានការយកចិត្តទុកដាក់គិតគូរលើសុខភាពជាអាទិភាព និងមានការណែនាំពី លោក ឃួង ស្រេង អភិបាលរាជធានីភ្នំពេញ ដែលបានគិតគូរពីបញ្ហាសុខភាពសាធារណៈរបស់ប្រជាពលរដ្ឋរស់នៅក្នុងមូលដ្ឋាន នៅដើមខែមករា ឆ្នាំ ២០២៥ នេះ អាជ្ញាធរទាំង ១៤ សហការជាមួយក្រុមការងាររបស់មន្ទីរសុខាភិបាលរាជធានីភ្នំពេញ បានបើកយុទ្ធនាការចុះធ្វើការបាញ់ថ្នាំសម្លាប់មូសនៅមូលដ្ឋានរបស់ខ្លួនជាបន្តបន្ទាប់ ដើម្បីបង្ការ និងទប់ស្កាត់ ជំងឺគ្រុនឈាម។

ជាក់ស្ដែង អាជ្ញាធរខណ្ឌឫស្សីកែវ កាលពីព្រឹកទី ១៣ ខែមករា ឆ្នាំ ២០២៥ ម្សិលមិញនេះ តាមការណែនាំពី លោក ជិន ប៊ុនធឿន អភិបាលខណ្ឌឫស្សីកែវ ក្រុមការងារខណ្ឌ ដឹកនាំដោយ លោក ឡេង ចាន់វិសិដ្ឋ ប្រធានការិយាល័យផែនការ និងហិរញ្ញវត្ថុ រួមជាមួយប្រជាការពារខណ្ឌ និងមន្ត្រីជំនាញ បានចុះបាញ់ថ្នាំកម្ចាត់មូស នៅភូមិទួលពពែ សង្កាត់ទួលសង្កែទី ២ និងគ្រឹះស្ថានសិក្សា នៅសង្កាត់ស្វាយប៉ាក ខណ្ឌឫស្សីកែវ និងបន្តបាញ់ថ្នាំ កាលពីល្ងាចនេះ តាមភូមិសាស្ត្រមួយចំនួនទៀតក្នុងខណ្ឌឫស្សីកែវ ក្រោមកិច្ចសហប្រតិបត្តិការពីមន្ទីរពេទ្យសម្តេចឪសម្តេចម៉ែ។

ក្រោយពីកម្លាំងបាញ់ថ្នាំរបស់រដ្ឋបាលខណ្ឌឫស្សីកែវ ចុះទៅបាញ់ថ្នាំសម្លាប់មូសរួចរាល់ ប្រជាពលរដ្ឋនៅក្នុងមូលដ្ឋានខណ្ឌ បានសម្តែងនូវទឹកចិត្តរីករាយយ៉ាងក្រៃលែងជាខ្លាំង សូមថ្លែងអំណរគុណយ៉ាងជ្រាលជ្រៅចំពោះ អភិបាលរាជធានីភ្នំពេញ អភិបាលខណ្ឌឫស្សីកែវ និងក្រុមការងាររដ្ឋបាលខណ្ឌ ដែលតែងតែគិតគូរពីសុខភាពសាធារណៈរបស់ប្រជាពលរដ្ឋស្ថិតក្នុងមូលដ្ឋានខណ្ឌឫស្សីកែវទាំងមូល។

សូមរំលឹកថា លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ បានឲ្យដឹងថា នៅដើមខែមករានេះ ចាប់ពីល្ងាចថ្ងៃទី ២ ខែមករា ឆ្នាំ ២០២៥ កម្មវិធីគ្រុនឈាមមន្ទីរសុខាភិបាលរាជធានីភ្នំពេញ មានការចូលរួមពី ការិយាល័យសុខាភិបាលមេគង្គ បានសហការជាមួយមណ្ឌលសុខភាព និងមន្ទីរបង្អែកនានា ក្នុងមូលដ្ឋានខណ្ឌនីមួយៗ ទាំង ១៤ ក្នុងភូមិសាស្ត្ររាជធានីភ្នំពេញ បន្តចុះបាញ់ថ្នាំសម្លាប់សត្វមូសក្នុងមូលដ្ឋានតាមកម្មវិធីជារៀងរាល់ថ្ងៃ ដើម្បីបង្ការទប់ស្កាត់ជំងឺគ្រុនឈាម៕

អត្ថបទ ៖ សំណាង

The post រដ្ឋបាលខណ្ឌឫស្សីកែវ បាញ់ថ្នាំសម្លាប់មូសក្នុងមូលដ្ឋានជាបន្តបន្ទាប់ ដើម្បីបង្ការ-ទប់ស្កាត់ជំងឺគ្រុនឈាម appeared first on Kampuchea Thmey Daily.

រដ្ឋបាលសង្កាត់ស្ទឹងមានជ័យទី ១ បើកយុទ្ធនាការបាញ់ថ្នាំសម្លាប់សត្វមូស ក្នុងភូមិទាំង ៨

អ៊ិន ពិសី — Tue, 14 Jan 2025 01:47:13 +0000

អាជ្ញាធរ បើកយុទ្ធនាការបាញ់ថ្នាំសម្លាប់សត្វមូសក្នុងភូមិទាំង ៨ ជាបន្តបន្ទាប់ នៅមូលដ្ឋានសង្កាត់ស្ទឹងមានជ័យ ១ ដើម្បីលុបបំបាត់ជម្រកមូសខ្លា និងរួមចំណែកទប់ស្កាត់ការចម្លងជំងឺគ្រុនឈាម។

ដោយមានការយកចិត្តទុកដាក់ និងណែនាំពី លោក ឃួង ស្រេង អភិបាល នៃគណៈអភិបាលរាជធានីភ្នំពេញ ដែលបានគិតគូរពីបញ្ហាសុខភាពសាធារណៈរបស់ប្រជាពលរដ្ឋរស់នៅក្នុងមូលដ្ឋាន អាជ្ញាធរទាំង ១៤ ខណ្ឌ សហការជាមួយក្រុមការងាររបស់មន្ទីរសុខាភិបាលរាជធានីភ្នំពេញ បានបើកយុទ្ធនាការចុះបាញ់ថ្នាំសម្លាប់សត្វមូសនៅមូលដ្ឋានខ្លួនជាបន្តបន្ទាប់ ដើម្បីបង្ការ និងទប់ស្កាត់ជំងឺគ្រុនឈាម។

គួររំលឹកថា លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ បានឲ្យដឹងថា នៅដើមខែមករានេះ ចាប់ពីល្ងាចថ្ងៃទី ២ ខែមករា ឆ្នាំ ២០២៥ កម្មវិធីគ្រុនឈាមមន្ទីរសុខាភិបាលរាជធានីភ្នំពេញ មានការចូលរួមពី ការិយាល័យសុខាភិបាលមេគង្គ សហការជាមួយមណ្ឌលសុខភាព និងមន្ទីរបង្អែកនានា ក្នុងមូលដ្ឋានខណ្ឌនីមួយៗ ទាំង ១៤ ក្នុងភូមិសាស្ត្ររាជធានីភ្នំពេញ បន្តចុះបាញ់ថ្នាំសម្លាប់សត្វមូលដ្ឋានតាមកម្មវិធីជារៀងរាល់ថ្ងៃ ដើម្បីបង្ការទប់ស្កាត់ជំងឺគ្រុនឈាម។

ក្នុងនោះ អាជ្ញាធរសង្កាត់ស្ទឹងមានជ័យទី ១ បានចាប់ផ្ដើមបើកយុទ្ធនាការបាញ់ថ្នាំសម្លាប់សត្វមូស ដើម្បីការពារជំងឺគ្រុនឈាម ដោយធ្វើឡើងចាប់ផ្ដើមពីចំណុចភូមិថ្មី ថ្ងៃទី ១៣ ខែមករា ឆ្នាំ ២០២៥ វេលាម៉ោង ១៨-១៩ , ២/-ចំណុចចាប់ផ្ដើម ភូមិទ្រា ថ្ងៃទី ១៤ ខែមករា ឆ្នាំ ២០២៥ វេលាម៉ោង ១៨-១៩ , ៣/-ចំណុចចាប់ផ្ដើម ភូមិទ្រា ១ ថ្ងៃទី ១៥ ខែមករា ឆ្នាំ ២០២៥ វេលាម៉ោង ១៨-១៩ , ៤/-ចំណុចចាប់ផ្ដើម ភូមិទ្រា ២ ថ្ងៃទី ១៦ ខែមករា ឆ្នាំ ២០២៥ វេលាម៉ោង ១៨-១៩ , ៥/-ចំណុចចាប់ផ្ដើម ភូមិទ្រា ៣ ថ្ងៃទី ១៧ ខែមករា ឆ្នាំ ២០២៥ វេលាម៉ោង ១៨-១៩ , ៦/-ចំណុចចាប់ផ្ដើម ភូមិមានជ័យ ថ្ងៃទី ១៨ ខែមករា ឆ្នាំ ២០២៥ វេលាម៉ោង ១៨-១៩ , ៧/-ចំណុចចាប់ផ្ដើម ភូមិមានជ័យ ១ ថ្ងៃទី ១៩ ខែមករា ឆ្នាំ ២០២៥ វេលាម៉ោង ១៨-១៩ , ៨/-ចំណុចចាប់ផ្ដើម ភូមិមានជ័យ ២ ថ្ងៃទី ២០ ខែមករា ឆ្នាំ ២០២៥ វេលាម៉ោង ១៨-១៩៕

អត្ថបទ ៖ ម៉េង

The post រដ្ឋបាលសង្កាត់ស្ទឹងមានជ័យទី ១ បើកយុទ្ធនាការបាញ់ថ្នាំសម្លាប់សត្វមូស ក្នុងភូមិទាំង ៨ appeared first on Kampuchea Thmey Daily.

យុទ្ធនាការបាញ់ថ្នាំសម្លាប់មូសតាមសង្កាត់ ឈានដល់ការបិទបញ្ចប់ហើយ ត្រឹមយប់មិញ

អ៊ិន ពិសី — Mon, 26 Aug 2024 06:48:04 +0000

យុទ្ធនាការបាញ់ថ្នាំសម្លាប់មូស តាមសង្កាត់ទាំង ១០៥ នៅមូលដ្ឋានខណ្ឌទាំង ១៤ ក្នុងភូមិសាស្ត្ររាជធានីភ្នំពេញ បានឈានដល់ការបិទបញ្ចប់ហើយ កាលពីយប់ថ្ងៃទី ២៥ ខែសីហា ឆ្នាំ ២០២៤។

នៅថ្ងៃទី ២៦ សីហា នេះ លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ បានឱ្យដឹងថា យុទ្ធនាការបាញ់សម្លាប់មូសដែលរដ្ឋបាលរាជធានីភ្នំពេញ សហការជាមួយក្រុមការងារកងពលតូច ង ៧០ ចុះបាញ់ថ្នាំសម្លាប់មូសនៅតាម ភូមិ សង្កាត់ ទាំង ១០៥ នៃខណ្ឌទាំង ១៤ និងតាមសហគមន៍ បានចាប់ផ្ដើមកាលពីថ្ងៃទី ១៧ ខែសីហា និងបញ្ចប់រួចរាល់ទាំងស្រុងហើយត្រឹម យប់ថ្ងៃទី ២៥ ខែសីហា ឆ្នាំ ២០២៤។

លោកប្រធានមន្ទីរ បានឱ្យដឹងបន្តថា ដោយមានការយកចិត្តទុកដាក់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានគិតគូរយ៉ាងខ្លាំងពីសុខទុក្ខ និងសុខុមាលភាពប្រជាពលរដ្ឋ និងដោយមានការចង្អុលបង្ហាញពី លោក ឃួង ស្រេង អភិបាល នៃគណៈអភិបាលរាជធានីភ្នំពេញ បានចាត់ចែងឱ្យមន្ទីរសុខាភិបាលរាជធានីភ្នំពេញ និងការិយាល័យសុខាភិបាលស្រុកប្រតិបត្តិទាំង ៧ សហការជាមួយ ក្រុមការងារកងពលតូច (ង ៧០) ចុះធ្វើសកម្មភាពបាញ់ថ្នាំសម្លាប់មូសទាំងថ្ងៃ ទាំងយប់នៅក្នុងមូលដ្ឋានសង្កាត់ទាំង ១០៥ ក្នុងខណ្ឌទាំង ១៤ និងតាមសហគមន៍នានា ហើយដោយមានការចូលរួមបង្កលក្ខណៈងាយស្រួលពីអាជ្ញាធរខណ្ឌ និងសង្កាត់ទាំងអស់ ធ្វើឱ្យដំណើរបាញ់ថ្នាំសម្លាប់មូសទទួលបានលទ្ធផលល្អរួចមុនផែនការ។

គួរបញ្ជាក់ថា នាថ្ងៃបើកយុទ្ធនាការបាញ់ថ្នាំសម្លាប់មូសក្នុងភូមិសាស្ត្ររាជធានីភ្នំពេញ កាលពីថ្ងៃទី ១៧ សីហា លោក ឃួង ស្រេង អភិបាលរាជធានីភ្នំពេញ បានចាត់ចែងឱ្យមន្ទីរសុខាភិបាលរាជធានី និងការិយាល័យសុខាភិបាលស្រុកប្រតិបត្តិទាំង ៧ សហការជាមួយកងទ័ពអង្គភាព ង ៧០ និងរដ្ឋបាលខណ្ឌទាំង ១៤ ចុះបាញ់ថ្នាំសម្លាប់មូសនៅតាមសង្កាត់ទាំង ១០៥ ភូមិសាស្ត្ររាជធានីភ្នំពេញ តាមការណែនាំពី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ដែលបានយកចិត្តទុកដាក់ទៅលើសុខុមាលភាពប្រជាពលរដ្ឋ។

កាលពីល្ងាចថ្ងៃ ២៣ សីហា លោក ឃួង ស្រេង បានណែនាំបន្ថែមឱ្យប្រធានមន្ទីរសុខាភិបាលរាជធានីភ្នំពេញ ប្រើប្រាស់រថយន្តដឹកម៉ាស៊ីនបាញ់ថ្នាំសម្លាប់មូសខ្នាតធំ ឱ្យក្រុមការងារ បន្តចុះបាញ់ថ្នាំសម្លាប់មូសខ្លានៅតំបន់ និងទីតាំងសំខាន់ៗ ជាច្រើនកន្លែងបន្ថែមទៀត ពិសេសនៅភាគខាងជើង ភូមិសាស្ត្ររាជធានីភ្នំពេញ ដែលមានដូចជា នៅតំបន់អគ្គិសនីកម្ពុជាបឹងកក់ ស្ថិតក្នុងខណ្ឌទួលគោក ប្រឡាយអូបាក់ទូក ប្រឡាយអូវែង ប្រឡាយ ១៩២៨ ដល់ទំនប់កប់ស្រូវ តំបន់សាកលវិទ្យាល័យអេស៉ីលីដា តំបន់ឡានទឹក នៃស្នងការនគរបាលរាជធានី ក្នុងខណ្ឌឫស្សីកែវ ប្រឡាយទួលសំពៅ និងប្រឡាយអូអាកុជនៅខណ្ឌសែនសុខជាដើម៕