ព័ត៌មានជាតិ

ការបាញ់ថ្នាំមូសទូទាំងរាជធានីភ្នំពេញ ធ្វើឡើងជាប្រចាំ ពេញមួយឆ្នាំ គ្រោងបញ្ចប់នៅខែធ្នូនេះ

បានផុស

៧ ខែ មុន

នៅ

ថ្ងៃពុធ ៣ ធ្នូ ២០២៥

ដោយ

មន្ទីរសុខាភិបាលរាជធានីភ្នំពេញ សហការជាមួយអាជ្ញាធរខណ្ឌទាំង ១៤ បានធ្វើសកម្មភាពបាញ់ថ្នាំមូសនៅតាមមូលដ្ឋានរបស់ប្រជាពលរដ្ឋទូទាំងរាជធានីភ្នំពេញ ដើម្បីសុខុមាលភាព ពិសេសបង្ការទប់ស្កាត់ជំងឺគ្រុនឈាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងី មានហេង នាយកមន្ទីរសុខាភិបាលរាជធានីភ្នំពេញ បានឲ្យដឹងនៅព្រឹកថ្ងៃទី ៣ ធ្នូ នេះថា ដោយមានការយកចិត្តទុកដាក់ និងការចង្អុលបង្ហាញពីលោក ឃួង ស្រេង អភិបាល នៃគណៈអភិបាលរាជធានីភ្នំពេញ បានណែនាំឲ្យមន្ទីរសុខាភិបាលរាជធានីភ្នំពេញ ចុះបាញ់ថ្នាំមូសក្នុងមូលដ្ឋានភូមិ-សង្កាត់ ក្នុងខណ្ឌទាំង ១៤ និងនៅតាមសាលារៀន។ សកម្មភាពនេះ បានធ្វើឡើងជាប់ជាប្រចាំ តាំងពីដើមខែមករា ឆ្នាំ ២០២៥ មក ហើយគ្រោងបញ្ចប់នៅខែធ្នូ ឆ្នាំ ២០២៥ នេះ។

ការយកចិត្តទុកដាក់ចំពោះសុខុមាលភាពប្រជាពលរដ្ឋនេះ បានធ្វើឲ្យ ពលរដ្ឋ លោកគ្រូ អ្នកគ្រូ និងសិស្សានុសិស្ស សម្តែងនូវទឹកចិត្តសប្បាយរីករាយយ៉ាងក្រៃលែង និងបានថ្លែងអំណរគុណដល់លោក ឃួង ស្រេង និងរដ្ឋបាលខណ្ឌទាំងអស់ ដែលតែងតែគិតគូរពីសុខុមាលភាពសាធារណៈនៅក្នុងមូលដ្ឋានខណ្ឌនានាក្នុងរាជធានីភ្នំពេញ។

ដោយឡែក មន្ទីរសុខាភិបាលរាជធានីភ្នំពេញ បានចាត់ចែងឲ្យក្រុមបាញ់ថ្នាំមូសរបស់មន្ទីរពេទ្យបង្អែកព្រែកព្នៅ និងមណ្ឌលសុខភាព សហការជាមួយកម្លាំងអាជ្ញាធរខណ្ឌ ចុះបាញ់ថ្នាំមូសនៅភូមិ-សង្កាត់ នានា៕

អត្ថបទ ៖ ស្រីរ័ត្ន