នាយកដ្ឋានប៉ូលិសញូវយ៉កបានសម្រេចអនុវត្តវិធានការបែបនេះ ក្រោយទទួលបានការបើកភ្លើងខៀវពីសាកលវិទ្យាល័យ Columbia ឲ្យចាត់វិធានការភ្លាមៗ ហើយប៉ូលិសបានចាប់ខ្លួនបាតុករជាច្រើននាក់ទៀតផងដែរ។

តាមសេចក្តីរាយការណ៍ ប៉ូលិសបានឆ្មក់ចូលទៅក្នុងបរិវេណសាលានៅតំបន់ Manhattan ខាងលើ ដែលជាចំណុចស្នូលបាតុកម្មរបស់និស្សិត ប្រឆាំងសង្រ្គាមរបស់អ៊ីស្រាអែលនៅតំបន់ហ្គាហ្សា ដោយគិតត្រឹមពេលនេះ ប្រជាជនប៉ាឡេស្ទីនចំនួន ៣៤ ៥៣៥នាក់ហើយ ត្រូវបានសម្លាប់។

បន្ទាប់ពីទៅដល់ក្នុងបរិវេណសាលា ប៉ូលិសមួយចំនួនបានចូលទៅជិតសាល Hamilton Hall ជាកន្លែងដែលនិស្សិតចាប់ផ្តើមកាន់កាប់នៅព្រឹកថ្ងៃអង្គារ បន្ទាប់ពីអ្នកគ្រប់គ្រងនិយាយថា ខ្លួនចាប់ផ្តើមដាក់ពិន័យសិស្ស ដែលមិនព្រមបំបែកហ្វូងតាមការកំណត់។

ក្នុងសន្និសីទសារព័ត៌មានពេលល្ងាច មុនពេលប៉ូលិសចូលទៅក្នុងបរិវេណសាលា អភិបាលក្រុង Eric Adams និងមន្រ្តីប៉ូលិស បានស្តីបន្ទោសថា អ្នកដែលកាន់កាប់នៅសាល Hamilton Hall គឺត្រូវបានញុះញង់ដោយអ្នកខាងក្រៅ ដែលខ្វះទំនាក់ទំនងជាមួយសាកលវិទ្យាល័យ Columbia ខណៈបាតុករជានិស្សិតមួយចំនួន មិនបានដឹងច្បាស់ជនអុកឡុកនៅខាងក្រៅទេ។

លោកប្រកាសថា “យើងមិនអាច និងមិនអនុញ្ញាតឲ្យការជួបជុំគ្នាដោយសន្តិវិធី ប្រែក្លាយទៅជាទស្សនីយភាពដ៏ឃោរឃៅបានឡើយ ហើយយើងក៏មិនអាចរង់ចាំរហូតដល់ស្ថានភាពនេះកាន់តែធ្ងន់ធ្ងរទៅៗបានដែរ។ រឿងនេះត្រូវតែបញ្ចប់ភ្លាមៗ”។

សូមបញ្ជាក់ថា សាកលវិទ្យាល័យនានានៅទូទាំងសហរដ្ឋអាមេរិក កំពុងប្រឈមមុខនឹងការតវ៉ាទ្រង់ទ្រាយធំដំណាលៗគ្នា ទាំងដែលពួកគេត្រៀមរៀបចំសម្រាប់ពិធីបញ្ចប់ការសិក្សានៅចុងឆ្នាំ។

កាលពីថ្ងៃអង្គារ ប៉ូលិសក៏បានបាញ់ឧស្ម័នបង្ហូរទឹកភ្នែកទៅលើនិស្សិតដែលជួបជុំគ្នាដើម្បីបង្ហាញសាមគ្គីភាពជាមួយតំបន់ហ្គាហ្សា នៅសាកលវិទ្យាល័យ Southern Florida ក្នុងទីក្រុង Tampa ផងដែរ៕

សូមទស្សនាវីដេអូ៖

អត្ថបទ៖ សុខ សុវណ្ណ

ចុចអាន៖ ប៉ូលិសអាមេរិក ប្រើវិធានការក្តៅ ចាប់ខ្លួនបាតុករគាំទ្រប៉ាឡេស្ទីន នៅសាកលវិទ្យាល័យ

The post ប៉ូលិសក្រុងញូវយ៉ក សម្រុកចូលសាកលវិទ្យាល័យ Columbia ចាប់ខ្លួនបាតុករជានិស្សិត ច្រើននាក់ appeared first on Kampuchea Thmey Daily.

អង្គការសិទ្ធិមនុស្សរុស្ស៊ី OVD-Info អះអាងថា មានបាតុករជាង១០០០នាក់ត្រូវបានចាប់ខ្លួន ដោយចំនួនច្រើនបំផុតគឺនៅក្នុងទីក្រុង St Petersburg និង Moscow។

មនុស្សរាប់សិបនាក់ ក៏ត្រូវបានចាប់ខ្លួនផងដែរនៅក្នុងទីក្រុង Irkutsk រួមទាំងទីក្រុងស៊ីបេរីផ្សេងទៀត និង Yekaterinburg។

ការិយាល័យរដ្ឋអាជ្ញាក្រុងមូស្គូកាលពីថ្ងៃពុធទី២១ខែកញ្ញា បានព្រមានថា ការអំពាវនាវតាមអ៊ីនធឺណិតឲ្យចូលរួមបាតុកម្មតាមដងផ្លូវដោយគ្មានការអនុញ្ញាត ឬចូលរួមក្នុងការតវ៉ា អាចប្រឈមនឹងការជាប់ពន្ធនាគាររហូតដល់ទៅ១៥ឆ្នាំ។

ពួកគេអាចត្រូវបានកាត់ទោសក្រោមច្បាប់ប្រឆាំងនឹងការបង្ខូចកិត្តិយសកងកម្លាំងប្រដាប់អាវុធ ផ្សព្វផ្សាយព័ត៌មានក្លែងក្លាយអំពីប្រតិបត្តិការយោធារបស់រុស្ស៊ីនៅអ៊ុយក្រែន ឬលើកទឹកចិត្តអនីតិជនឲ្យតវ៉ា។

ការដាក់ទណ្ឌកម្មដ៏តឹងរ៉ឹងរបស់រុស្ស៊ីសម្រាប់ការផ្សព្វផ្សាយព័ត៌មានមិនពិតអំពីសង្គ្រាមអ៊ុយក្រែន និងការយាយីរបស់ប៉ូលិសលើសកម្មជនប្រឆាំងលោក ពូទីន បានធ្វើឲ្យការតវ៉ាប្រឆាំងសង្គ្រាមជាសាធារណៈ កម្រកើតមានណាស់។

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបញ្ជាឲ្យមានការកែនទ័ពមួយផ្នែក ដែលនេះមានន័យថា ទាហានបម្រុងចំនួន ៣០០ ០០០នាក់ នឹងត្រូវត្រៀមខ្លួន ដើម្បីពង្រឹងកងកម្លាំងរបស់រុស្ស៊ី បន្ទាប់ពីរងគ្រោះដោយការវាយបកតបតពីសំណាក់កងទ័ពអ៊ុយក្រែន៕

ប្រែសម្រួល៖ Vann Vann

ប្រភព៖ BBC

ចុចអាន៖ ពូទីន ប្រកាសកែនទ័ព នៅក្នុងប្រទេស រុស្ស៊ី

The post ផ្ទុះបាតុកម្មប្រឆាំងលោក ពូទីន នៅរុស្ស៊ី, មនុស្សរាប់ពាន់នាក់ត្រូវចាប់ខ្លួន appeared first on Kampuchea Thmey Daily.

សេចក្តីជូនដំណឹងរបស់ មន្ទីរសុខាភិបាលនៃរដ្ឋបាលរាជធានីភ្នំពេញ កាលពីម្សិលម៉ិញ ដែលក្នុងសេចក្តីជូនដំណឹងនេះមានន័យថា រយៈពេល៣ថ្ងៃនេះ នៅថ្ងៃទី២២-២៤ ខែកុម្ភៈ ឆ្នាំ២០២២នេះ ក្រុមគ្រូពេទ្យមន្ទីរសុខាភិបាលរាជធានីភ្នំពេញ បានធ្វើតេស្តយក សំណាកដើម្បីស្វែងរកមេរោគកូវីដ-១៩ លើក្រុមបាតុករអតីតបុគ្គលិក និងបុគ្គលិកក្រុមហ៊ុនណាហ្គាវើលដ៏​សរុបចំនួន ១៥៤នាក់នៅ មណ្ឌលចត្តាឡីស័ករាជធានីភ្នំពេញ។

ជាលទ្ធផលគិតត្រឹមម៉ោង១៥និង៣០នាទីនៅរសៀល ថ្ងៃទី២៤ ខែកុម្ភៈ ឆ្នាំ២០២២នេះ មានចំនួន០៩នាក់ បន្ថែមទៀត ត្រូវបានរកឃើញថាមានផ្ទុកមេរោគកូវីដ-១៩វិជ្ជមាន។

មន្ទីរសុខាភិបាលនៃរដ្ឋបាលរាជធានីភ្នំពេញបានបន្ថែមថា ការរកឃើញបាតុករវិជ្ជមានកូវីដ-១៩នេះ បានបញ្ជាក់ថា ពួកគាត់ពុំបាន អនុវត្តវិធីចត្តាឡីស័កបានត្រឹមត្រូវ មន្ទីរសុខាភិបាល នៃរដ្ឋបាលរាជធានីភ្នំពេញ ណែនាំក្រុមបាតុករ និងអ្នកពាក់ព័ន្ធទាំងអស់ ដែលជាអ្នកប៉ះពាល់ ផ្ទាល់ជាមួយអ្នកវិជ្ជមានកូវីដ-១៩ ចំនួន ០៩នាក់ខាងលើ ត្រូវធ្វើចត្តាឡីស័ករយៈពេល០៧ថ្ងៃ ដោយគោរពឱ្យបាន ម៉ឺងម៉ាត់បំផុតតាមវិធានសុខាភិបាល៕

អត្ថបទ៖ ស្រីរ័ត្ន

The post រកឃើញ​វិជ្ជមាន​លើបាតុករ​អតីត​បុគ្គលិក​ក្រុមហ៊ុន​ណាហ្គាវើលដ៍​ ៩ នាក់ appeared first on Kampuchea Thmey Daily.

នេះ​បើ​យោង​តាម​សេចក្តី​ជូនដំណឹង​របស់​រដ្ឋបាល​រាជធានី​ភ្នំពេញ ដែល​ក្នុង​សេចក្តី​ជូនដំណឹង​នេះ​មានន័យថា រដ្ឋបាល​រាជធានី​ភ្នំពេញ សូម​ជម្រាបជូន​សាធារណជន និង​អ្នកសារព័ត៌មាន​ទាំងអស់​ជ្រាប​ថា កាលពី ថ្ងៃទី​២១ ខែកុម្ភៈ ឆ្នាំ​២០២២ ក្រុមបាតុករ​ដែលជា​អតីត​បុគ្គលិក និង​បុគ្គលិក​ក្រុមហ៊ុន ណាហ្គា​វើ​ល​ដ៏ បានធ្វើ​ការ​ប្រមូល​ផ្ដុំគ្នា​យ៉ាង​អានាធិបតេយ្យ​នៅ​តាម​ទីសាធារណៈ ផ្ទុយ​ពី​វិធាន​សុខាភិបាល ក៏ដូចជា​មិន​អនុវត្ត តាម​ខ្លឹមសារ​នៃ​សេចក្តីជូនដំណឹង​ចុះ​ថ្ងៃទី​១៥ ខែកុម្ភៈ ឆ្នាំ​២០២២ របស់​រដ្ឋបាល​រាជធានី​ភ្នំពេញ​ដោយ ហេតុនេះ អាជ្ញា​ធរមាន​សមត្ថកិច្ច​គ្មាន​ជម្រើស​អ្វី​ក្រៅពី​អនុវត្ត​វិធានការ​រដ្ឋបាល ដោយ​បាន​អញ្ជើញ​ក្រុម បាតុករ​ទាំងអស់​ចំនួន ៦៤​នាក់ ទៅ​មជ្ឈមណ្ឌល​ចត្តា​ឡី​ស័ក​រាជធានី​ភ្នំពេញ ដើម្បី​បន្ត​ផ្ទៀងផ្ទាត់​ពិនិត្យ​រក ឈ្មោះ​បាតុករ​ដែល​មិនទាន់បាន​យក​សំណាក​លើក​ទី​២ ទៅ​បន្ត​ធ្វើតេស្ត​ស្វែងរក​វីរុស​កូ​វីដ​-១៩ ជា​លទ្ធផល​មាន បាតុករ​ចំនួន ០២​នាក់ ត្រូវបាន​រកឃើញថា​មាន​វិជ្ជមាន​វីរុស​កូ​វីដ​-១៩​។

រដ្ឋបាល​រាជធានី​ភ្នំពេញ​បាន​បញ្ជូន អ្នក​វិជ្ជមាន​ទាំងពីរ​នាក់​នោះ​ទៅ​មណ្ឌល​ព្យាបាល ដោយបាន​ធ្វើការ​អប់រំ និង​ធ្វើ​កិច្ចសន្យា​ឱ្យ​បញ្ឈប់​ការ​ធ្វើ សកម្មភាព​ខុសច្បាប់​ប​ន្ត​ទៀត ព្រមទាំង​បានអនុញ្ញាត​ឱ្យ​អ្នក​ដទៃទៀត​ត្រឡប់​ទៅ​លំនៅឋាន​រៀងៗ​ខ្លួន​វិញ ដើម្បី​បន្ត​ការតាមដាន​សុខភាព និង​ធ្វើ​ចត្តាឡីស័ក​តាម​វិធាន​សុខាភិបាល​ឱ្យបាន​ត្រឹមត្រូវ​។

ទោះបីជា​រដ្ឋបាល​រាជធានី​ភ្នំពេញ បាន​ធ្វើ​ការ​អំពាវនាវ​យ៉ាងទទូច​ដល់​ក្រុមបាតុករ​ឱ្យ​បញ្ឈប់​ការធ្វើ សកម្មភាព​ខុសច្បាប់​យ៉ាងណាក៏ដោយ ក៏​ក្រុមបាតុករ​ទាំងនេះ​នៅតែ​បំពាន​ធ្វើ​សកម្មភាព​បាតុកម្ម​ខុសច្បាប់ ក្រោម​លេស​ធ្វើ​កូដកម្ម​ដោះស្រាយ​វិវាទ​ការងារ ដោយ​ប្រកាស​បង្ហាញ​ឆន្ទៈ​យ៉ាង​ជំហរ កៀរគរ​តាមរយៈ បណ្តាញ​សង្គម និង​មធ្យោបាយ​ផ្សេងៗ​ទៀត ឱ្យមក​ចូលរួម​ប្រមូល​ផ្តុំ​គ្នា​ដោយ​មិន​ខ្វល់​ពី​វិធាន​សុខាភិបាល នៅ​ពេល​ដែល​ការឆ្លង​រាលដាល​ជំងឺ​កូ​វីដ​-១៩ ប្រភេទ​បំប្លែង​ថ្មី អូ​មី​ក្រុង ក្នុង​សហគមន៍ ដែល​មាន​អត្រា​ឆ្លង​ដល់ លេខ​បី​ខ្ទង់​។ ជាក់ស្ដែង​នៅ​រសៀល​ថ្ងៃទី​២២ ខែកុម្ភៈ ឆ្នាំ​២០២២​នេះ ក្រុមបាតុករ​ចំនួន ៣៩​នាក់ បានធ្វើការ ប្រមូលផ្តុំ​គ្នា​ជា​បន្តបន្ទាប់​នៅតាម​បណ្តោយ​វិថី​សុធារស មុខ​សាកលវិទ្យាល័យ​បៀ​ល​ប្រាយ​។​

ឆ្លើយ​តប​ទៅនឹង​សកម្មភាព​របស់​ក្រុម​បាតុករ​ដែលមាន​ចរិត​ចចេស​រឹងរូស នៅតែ​បន្ត​ប្រមូល​ផ្តុំ​ធ្វើ បាតុកម្ម​ដែល​មិន​អនុវត្តតាម​វិធាន​សុខាភិបាល​បែបនេះ រដ្ឋបាល​រាជធានី​ភ្នំពេញ​បាន​បញ្ជូន​ក្រុមបាតុករ ទាំង​៣៩​នាក់​ទៅ​ម​ណ្ឌល​ច​ត្តា​ឡី​ស័ក​រាជធានី​ភ្នំពេញ​ដើម្បី​បន្ត​ផ្ទៀងផ្ទាត់​ពិនិត្យ​រក​ឈ្មោះ​បាតុករ​ដែល​មិនទាន់បាន​យក​សំណាក​លើក​ទី​២ ទៅ​បន្តធ្វើ​តេស្តរ​កវី​រុស​កូ​វីដ​-១៩ និង​ណែនាំ​ដល់​បាតុករ​ដែល​បាន​ប៉ះពាល់​គ្នា​ធ្វើតេស្ដ ជា​បន្តបន្ទាប់​តាម​វិធាន​សុខាភិបាល ព្រមទាំង​សម្រេចចិត្ត​លែង​ធ្វើ​ការអប់រំ​តទៅទៀត ហើយ​អនុវត្ត​វិធានការ​ច្បាប់ ដោយ​ពិន័យ​អន្តរការណ៍​ជា​ប្រាក់​ចាប់ពី ១​លាន ដល់ ៥​លាន​រៀល ស្របតាម​អនុក្រឹត្យ​លេខ ២៧ អនក្របក ចុះ​ថ្ងៃទី​១៨ ខែកុម្ភៈ ឆ្នាំ​២០២១ ស្តីពី​វិធានការ​ច​ត្តា​ឡី​ស័ក​ដើម្បី​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​-១៩ ដើម្បីឱ្យ​មានការ​រាងចាល។

ទន្ទឹម​នឹងនេះ រដ្ឋបាល​រាជធានី​ភ្នំពេញ​សូម​អំពាវនាវ​ដល់​ក្រុមបាតុករ​ដែលជា​អតីត​បុគ្គលិក និង បុគ្គលិក​ក្រុមហ៊ុនណាហ្គា​វើ​ល​ដ៏ ដទៃទៀត ឱ្យ​បញ្ឈប់​រាល់​សកម្មភាព​ប្រមូលផ្ដុំ​ខុសច្បាប់​ផ្ទុយ​នឹង​វិធានការ សុខាភិបាល ទោះ​ក្នុង​រូបភាព​ណាក៏ដោយ និង​ត្រូវ​ចូលរួម​សហការ​ជា​ចាំបាច់​ជាមួយ​អាជ្ញា​ធរមាន​សមត្ថកិច្ច ពាក់ព័ន្ធ ក្នុងការ​អនុវត្ត​ច្បាប់​ស្តី​ពី​ការធ្វើ​បាតុកម្ម​ដោយ​សន្តិវិធី និង​វិធាន​សុខាភិបាល​ដែល​បានដាក់​ចេញ ដើម្បីធានាបាន​នូវ​សុខភាព​សាធារណៈ សន្តិសុខ សណ្តាប់ធ្នាប់ របៀបរៀបរយ និង​បញ្ចៀស​ការកកស្ទះ​ចរាចរណ៍ ព្រមទាំង​ការរំខាន​ដល់​ការប្រកប​របរ​អាជីវ​កម្ម និង​កិច្ចការងារ​ប្រចាំថ្ងៃ​របស់​ប្រជាពលរដ្ឋ​ដទៃទៀត​៕

ដោយ ៖ ស្រីរ័ត្ន

The post ក្រុម​បាតុករ អតីត​បុគ្គលិក និង​បុគ្គលិក​ក្រុមហ៊ុនណា​ហ្គវើ​ល​ដ៏​នឹង​ទទួល​ការ​ផាកពិន័យ​ជា​ប្រាក់​ពី ១លាន ដល់ ៥​លាន​រៀល បើ​នៅតែ​ប្រមូលផ្តុំ appeared first on Kampuchea Thmey Daily.

នេះ​បើ​យោង​តាម​សេចក្តីជូនដំណឹង​របស់​រដ្ឋបាល​រាជធានី​ភ្នំពេញ ដែល​ក្នុង​សេចក្តីជូនដំណឹង​នេះ​មានន័យថា មន្ទីរ​សុខាភិបាល​នៃ​រដ្ឋបាល​រាជធានី​ភ្នំពេញ​មាន​កិត្តិយស​សូម​ជម្រាប​ជូន​សាធារណជន អ្នកសារព័ត៌មាន ជាតិ​-​អន្តរជាតិ​ទាំងអស់​ឱ្យបាន​ជ្រាប​ថា នៅ​ថ្ងៃទី​០៥ ខែកុម្ភៈ ឆ្នាំ​២០២២​ក្រុមគ្រូពេទ្យ​មន្ទីរ​សុខាភិបាល​នៃ​រដ្ឋបាល​រាជធានី​ភ្នំពេញ សហការ​ជាមួយ​ក្រុមគ្រូពេទ្យ​ស្ម័គ្រចិត្ត​TYDA​បានធ្វើ​តេស្ត​យក​សំណាក ដើម្បី​ស្វែងរក​មេរោគ​កូ​វីដ​-១៩​លើ​ក្រុមបាតុករ អតីត​បុគ្គលិក​ក្រុមហ៊ុន​ណាហ្គា​វើ​ល​ដ៏ ចំនួន​២៦៣​នាក់​។ ជា​លទ្ធផល គិត​ត្រឹម​ម៉ោង​០៦និង៥០​នាទី នៅ​ល្ងាច​ថ្ងៃ​ដដែល​នេះ មាន​ចំនួន​០៤​នាក់ ត្រូវបាន​រកឃើញថា​មាន​ផ្ទុកមេរោគ​កូ​វីដ​-១៩​វិជ្ជមាន ដោយ​ពុំទាន់​យក​សំណាក​អស់​គ្រប់គ្នា​ទេ​។

​មន្ទីរ​សុខាភិបាល​នៃ​រដ្ឋបាល​រាជធានី​ភ្នំពេញ​ណែនាំ​ក្រុមបាតុករ​ទាំងអស់​ដែលជា​អ្នក​ប៉ះពាល់​ផ្ទាល់​ជាមួយ​អ្នក វិជ្ជមាន​កូ​វីដ​-១៩​ត្រូវធ្វើ​ចត្តា​ឡី​ស័ក​រយៈពេល​០៧​ថ្ងៃ ដោយ​គោរព​ឱ្យបាន​ម៉ឺងម៉ាត់​បំផុត​តាម​វិធាន​សុខាភិបាល​។ បន្ទាប់ពី​ការធ្វើ​ចត្តា​ឡី​ស័ក​ចប់​ត្រូវ​យក​សំណាក​នៅតាម​កន្លែង​ដែល​បានកំណត់ និង​រាយការណ៍​អំពី​លទ្ធផល​មក​អាជ្ញាធរ​មូលដ្ឋាន និង​មន្ទីរ​សុខាភិបាល​ជា​កំហិត​។

ទន្ទឹម​នឹង​នេះ​មន្ទីរ​សុខាភិបាល​នៃ​រដ្ឋបាល​រាជធានី​ភ្នំពេញ ​ស្នើ​អ្នក​ដែល​បាន​ប៉ះពាល់​ផ្ទាល់ និង​ប្រយោល ជាមួយ​ក្រុមបាតុករ​ព្រមទាំង​បងប្អូន​បាតុករ​ដែល​មិនទាន់បាន​យក​សំណាក​វិភាគ​មេរោគ​កូ​វីដ​-១៩ ត្រូវ​ទៅធ្វើ​តេស្ត រក​មេរោគ​តាម​កន្លែង​កំណត់​នៅ​រាជធានី​ភ្នំពេញ​។

ទទួល​បាន​សេចក្ដីជូនដំណឹង​នេះ សូម​សាធារណជន អ្នកសារព័ត៌មាន​ជាតិ​-​អន្តរជាតិ និង​បងប្អូន បាតុករ​ទាំងអស់ ជ្រាប​ជា​ព័ត៌មាន​៕

ដោយ ៖ ស្រីរ័ត្ន

The post ក្រុមបាតុករ អតីត​បុគ្គលិក​ក្រុមហ៊ុន​ណាហ្គា​វើ​ល​ដ៏ ៤​នាក់​មាន​ផ្ទុក​កូ​វីដ​-១៩ អាជ្ញាធរ​ឲ្យ​អ្នកពាក់ព័ន្ធ​ធ្វើ​ចត្តាឡីស័ក​៧​ថ្ងៃ appeared first on Kampuchea Thmey Daily.