សមត្ថកិច្ចបានឲ្យដឹងថា មូលហេតុដែលក្រុមអតិថិជនក្រុមហ៊ុន ហួយវ័ន មកប្រមូលផ្តុំ នៅមុខធនាគារជាតិនៃកម្ពុជា គឺ ដើម្បីដាក់បន្ទុកនិងជំរុញឲ្យធនាគារជាតិ ដោះស្រាយសងប្រាក់ត្រឡប់មកពួកគេវិញ ទើបពួកគេធ្វើការបិទផ្លូវសាធារណៈដោយខុសច្បាប់ បើទោះបីជាអាជ្ញាធរមានការហាមឃាត់យ៉ាងណាក៏ដោយ ក៏មិនព្រមស្តាប់ ថែមទាំងប្រើហិង្សាមកលើសមត្ថកិច្ចថែមទៀត។

ក្នុងនោះកម្លាំងសមត្ថកិច្ចបានឃាត់ខ្លួនបុរស០២នាក់មានឈ្មោះ សួន សុវណ្ណថៃ ភេទប្រុស អាយុ ៤០ឆ្នាំ ជនជាតិខ្មែរ និងម្នាក់ទៀតមានឈ្មោះ វ៉ាត់ មករា ភេទប្រុស អាយុ ៣៧ឆ្នាំ ជនជាតិខ្មែរ។ការឃាត់ខ្លួននេះគឺក្រោយមានហេតុការណ៍មានការប្រមូលផ្តុំធ្វើបាតុកម្ម តវ៉ាបិទផ្លូវខុសច្បាប់ បង្កឲ្យមានអំពើហិង្សាកើតឡើង។

សូមបញ្ជាក់ថា កន្លងមកធនាគារជាតិ នៃកម្ពុជាបានចេញសេចក្ដីជូនដំណឹង ក្រុមហ៊ុន ហួយវ័ន ផេ ពុំស្ថិតក្រោមសមត្ថកិច្ចរបស់ធនាគារជាតិទៀតឡើយ តែសម្រាប់បុគ្គលដែលរងគ្រោះក្នុងក្រុមហ៊ុន អេច ផេ ត្រូវទៅចុះឈ្មោះផ្តល់ព័ត៌មានជូនក្រុមហ៊ុនកំពុងជម្រះបញ្ជី។

បច្ចុប្បន្នបុរសទាំង០២នាក់ ត្រូវបានសមត្ថកិច្ចជំនាញនៃស្នងការដ្ឋាននគរបាលរាជធានីភ្នំពេញ កំពុងអនុវត្តតាមនីតិវិធី៕

The post ចាប់ខ្លួនមេខ្លោង ០២នាក់ ពាក់ព័ន្ធការតវ៉ាបិទផ្លូវសាធារណៈប្រើហិង្សានៅមុខធនាគារជាតិនៃកម្ពុជា appeared first on Kampuchea Thmey Daily.

អំពើហិង្សា និងបិទផ្លូវសាធារណៈនេះកើតឡើងនាថ្ងៃទី ២៧ ខែមេសា ឆ្នាំ ២០២៦ នេះ នៅមុខធនាគារជាតិ នៃកម្ពុជា លើបណ្តោយផ្លូវហាណូយ សង្កាត់គោកឃ្លៀង ខណ្ឌសែនសុខ រាជធានីភ្នំពេញ។

សមត្ថកិច្ច បានឲ្យដឹងថា មូលហេតុដែលក្រុមអតិថិជនក្រុមហ៊ុន ហួយវ័ន មកប្រមូលផ្តុំ នៅមុខធនាគារជាតិ នៃកម្ពុជា គឺ ដើម្បីដាក់បន្ទុក និងជំរុញឲ្យធនាគារជាតិ ដោះស្រាយសងប្រាក់ត្រឡប់មកពួកគេវិញ ទើបពួកគេធ្វើការបិទផ្លូវសាធារណៈដោយខុសច្បាប់ បើទោះបីជាអាជ្ញាធរមានការហាមឃាត់យ៉ាងណាក៏ដោយ ក៏មិនព្រមស្តាប់ ថែមទាំងប្រើហិង្សាមកលើសមត្ថកិច្ចថែមទៀត។

កន្លងមក ធនាគារជាតិ នៃកម្ពុជា បានជូនដំណឹងថា ក្រុមហ៊ុន ហួយវ័ន ផេ ពុំស្ថិតក្រោមសមត្ថកិច្ចរបស់ធនាគារជាតិទៀតឡើយ តែសម្រាប់បុគ្គលដែលរងគ្រោះក្នុងក្រុមហ៊ុន អេច ផេ ត្រូវទៅចុះឈ្មោះផ្តល់ព័ត៌មានជូនក្រុមហ៊ុនកំពុងជម្រះបញ្ជី៕
អត្ថបទ ៖ ស្រីរ័ត្ន

The post ជនជាតិចិន ១ ក្រុម បិទផ្លូវសាធារណៈ នៅមុខធនាគារជាតិ នៃកម្ពុជា និងវាយអាជ្ញាធរ appeared first on Kampuchea Thmey Daily.

តាម​សេចក្តី​ជូនដំណឹងរបស់រដ្ឋបាលរាជធានីភ្នំពេញបាន​ឱ្យ​ដឹង​ថា រដ្ឋបាលរាជធានីភ្នំពេញ សូម​ជម្រាបជូនដំណឹងដល់បងប្អូនប្រជាពលរដ្ឋទាំងអស់ក្នុងរាជធានីភ្នំពេញ ឱ្យ​បាន​ជ្រាប​ថា គណៈអចិន្ត្រៃយ៍ នៃគណៈកម្មាធិការកណ្តាលគណបក្សប្រជាជនកម្ពុជា​នឹង​រៀប​ចំ​ពិធី​សន្និបាត បូកសរុបលទ្ធផលការងារឆ្នាំ២០២៤ និង​ទិសដៅ​ការងារ​បន្ត របស់​យុវជនគណបក្សប្រជាជនកម្ពុជា ដែល​នឹង​ប្រព្រឹត្តទៅនៅថ្ងៃទី២៦ ខែមេសា ឆ្នាំ២០២៥ វេលាម៉ោង ០៧និង០០នាទី នៅវិមាន៧មករា ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្រោម​អធិបតី​ភាព​ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត អនុប្រធានគណបក្ស​ប្រជាជនកម្ពុជា និងជាប្រធានយុវជនគណបក្សថ្នាក់កណ្តាល។

ដើម្បី​ឱ្យ​ពិធី​សន្និបាត​ខាង​លើ​ប្រព្រឹត្ត​ទៅ​ដោយរលូនរក្សាបាននូវសន្តិសុខ សុវត្ថិភាព សណ្តាប់ធ្នាប់ និង របៀបរៀបរយ​សាធារណៈ ព្រម​ទាំង​បញ្ចៀស​បាន​នូវ​ការ​កកស្ទះចរាចរ អាជ្ញាធរ​មាន​សមត្ថកិច្ច​នឹង​បញ្ចៀស​ចរាចរ ចំពោះយានយន្តគ្រប់ប្រភេទ លើកំណាត់មហាវិថីព្រះនរោត្តម (ចាប់ពីស្តុបជលផល ដល់ស្ពានអាកាសក្បាលថ្នល់ និងបរិវេណជុំវិញទីតាំងប្រារព្ធពិធី) ចាប់ពីវេលាម៉ោង០៥:០០នាទីព្រឹក រហូតដល់បញ្ចប់កម្មវិធី៕

ដោយ ៖ ស្រីរ័ត្ន

The post ​សមត្ថកិច្ច​នឹង​បញ្ចៀស​ចរាចរ កំណាត់​មហាវិថីព្រះនរោត្តម និង​បរិវេណ​ជុំវិញ​វិមាន​៧មករា​ ថ្ងៃទី២៦ ខែមេសា appeared first on Kampuchea Thmey Daily.

តាម​សេចក្តីជូន​ដំណឹង​របស់រដ្ឋបាលរាជធានីភ្នំពេញ បានឱ្យដឹងថា រដ្ឋបាលរាជធានីភ្នំពេញ មានកិត្តិយសសូមជម្រាបជូនដំណឹងដល់បងប្អូនប្រជាពលរដ្ឋ នៅក្នុងរាជធានី ភ្នំពេញ ដែលធ្វើដំណើរឆ្លងកាត់តាមបណ្តោយមហាវិថីឈ្នះ ឈ្នះ ស្ថិតក្នុងភូមិអន្លង់ក្ងាន សង្កាត់ឈ្មួញ ខណ្ឌ សែនសុខរាជធានីភ្នំពេញឱ្យបានជ្រាបថា រដ្ឋបាលរាជធានីភ្នំពេញ បាននឹងកំពុងអនុវត្តគម្រោងផែនការវិនិយោគ ហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹក សម្រាប់​បញ្ចៀស​ការជន់លិចដោយទឹកភ្លៀង ក្នុងភូមិសាស្ត្រ រាជធានីភ្នំពេញ ក្នុងនោះ​គម្រោង​សាងសង់ពង្រីក​បន្ថែម​ស្ថានីយបូមទឹកកប់ស្រូវ ដោយបំពាក់បន្ថែមម៉ូទ័របូមទឹក មុខកាត់ ១,៥ម៉ែត្រចំនួន ០២គ្រឿង ដែលមានសមត្ថភាពបូមទឹក១២ម៉ែត្រគូបក្នុង១វិនាទី។

បច្ចុប្បន្ន​ការងារ​សាងសង់ ស្ថានីយនេះដល់ដំណាក់កាលសង្កត់គ្រឹះដើម្បីចាក់ធ្នឹមទ្រ និង​ដំឡើង​បំពង់​ដែក​បង្ហូរ​ទឹកចេញ ដោយត្រូវជីកកាត់ ទទឹងមហាវិថីឈ្នះ ឈ្នះ ចំណុច​មុខ​ស្ថានីយ​បូម​ទឹកកប់ស្រូវ។

ដើម្បី​ឱ្យដំណើរការគម្រោងនេះ​បានល្អប្រសើរ រដ្ឋបាលរាជធានីភ្នំពេញ នឹងធ្វើការបិទកំណាត់មហាវិថី ឈ្នះឈ្នះចំណុចមុខស្ថានីយបូមទឹកកប់ស្រូវស្ថិតក្នុងភូមិអន្លង់ក្ងាន សង្កាត់ឈ្មួញ ខណ្ឌសែនសុខរាជធានីភ្នំពេញ ដោយត្រូវបិទម្ខាង និងបើកម្ខាង ជាបណ្តោះអាសន្ន ចាប់ពីថ្ងៃទី២៥ ខែមីនា ឆ្នាំ២០២៥ វេលាម៉ោង ៨:០០ នាទីព្រឹក រហូតដល់ថ្ងៃទី២៥ ខែឧសភា ឆ្នាំ២០២៥ វេលាម៉ោង ១៧:០០ នាទីល្ងាច៕

ដោយ ៖ ស្រីរ័ត្ន

The post កំណាត់​ផ្លូវ​មហាវិថី​ឈ្នះឈ្នះ នឹង​បិទ​ផ្លូវ​ម្ខាង​បើក​ផ្លូវម្ខាង​ មុខ​ស្ថានីយ​បូម​ទឹកកប់​ស្រូវ​រយៈពេល​២ខែ appeared first on Kampuchea Thmey Daily.

តាមសេចក្តីជូនដំណឹងរបស់រដ្ឋបាលរាជធានីភ្នំពេញ បានឱ្យដឹងថា រដ្ឋបាលរាជធានីភ្នំពេញ មានកិត្តិយសសូមជម្រាបជូនដំណឹងដល់បងប្អូនប្រជាពលរដ្ឋ នៅក្នុងរាជធានី ភ្នំពេញ ដែលធ្វើដំណើរឆ្លងកាត់តាមបណ្តោយផ្លូវបេតុងលូប្រាំ ស្ថិតក្នុងភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញឱ្យបានជ្រាបថា រដ្ឋបាលរាជធានីភ្នំពេញ បាននឹងកំពុងអនុវត្តគម្រោងផែនការ វិនិយោគហេដ្ឋារចនាសម្ព័ន្ធប្រព័ន្ធលូ និងប្រព័ន្ធរំដោះទឹក សម្រាប់បញ្ចៀសការជន់លិចដោយទឹកភ្លៀង ស្ថិតក្នុង ភូមិសាស្រ្តរាជធានីភ្នំពេញ ក្នុងនោះគម្រោងសាងសង់ពង្រីកបន្ថែមស្ថានីយបូមទឹកលូប្រាំ ដោយបំពាក់បន្ថែមម៉ូទ័រ បូមទឹក មុខកាត់ ១,៥ម៉ែត្រ ចំនួន ០២គ្រឿង និងមុខកាត់ ០១ម៉ែត្រ ចំនួន ០១គ្រឿង ដែលមានសមត្ថភាពបូមទឹក ១២ម៉ែត្រគូប ក្នុង១វិនាទី។ បច្ចុប្បន្នការងារសាងសង់ស្ថានីយនេះ ដល់ដំណាក់កាលសង្កត់គ្រឹះដើម្បីចាក់ធ្នឹមទ្រ និងដំឡើងបំពង់ដែកបង្ហូរទឹកចេញនៅក្រោមផ្លូវបេតុងលូប្រាំ ស្ថិតក្នុងភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

ដើម្បីឱ្យដំណើរការគម្រោងនេះបានល្អប្រសើរ រដ្ឋបាលរាជធានីភ្នំពេញ នឹងធ្វើការបិទផ្លូវបេតុងលូប្រាំ ឆ្លងកាត់ប្រឡាយភូមិម័លជាបណ្តោះអាសន្ន ចាប់ពីថ្ងៃទី១៧ ខែកុម្ភៈ ឆ្នាំ២០២៥ វេលាម៉ោង ៨:០០ នាទីព្រឹក រហូតដល់ថ្ងៃទី៣០ ខែមេសា ឆ្នាំ២០២៥ វេលាម៉ោង ១៧:០០ នាទីល្ងាច។ ផុតរយៈពេលខាងលើ ផ្លូវបេតុងនេះ នឹងដាក់ឱ្យដំណើរការចរាចរណ៏ឡើងវិញ ។

អាស្រ័យហេតុនេះ សូមសាធារណជនទាំងអស់ ជាពិសេសបងប្អូនប្រជាពលរដ្ឋដែលរស់នៅតាមបណ្តោយផ្លូវ និងធ្វើដំណើរឆ្លងកាត់តាមផ្លូវខាងលើ មេត្តាជ្រាប និងយោគយល់អធ្យាស្រ័យចំពោះការរំខាន ដល់ការធ្វើចរាចរណ៍ ឆ្លងកាត់ការដ្ឋាន និងផលប៉ះពាល់ផ្សេងៗ ដែលអាចកើតមានឡើង និងមេត្តាពង្វាងចរាចរចេញពីទីតាំងខាងលើ ទៅតាមផែនទីពង្វាងចរាចរ ដែលបានជូនភ្ជាប់មកជាមួយ ដើម្បីសម្រួលឱ្យការអនុវត្តគម្រោងសម្រេចបានតាម ផែនការកំណត់៕

ដោយ ៖ ស្រីរ័ត្ន

The post អាជ្ញាធរ​រាជធានី​នឹង​បិទ​ផ្លូវ​បេតុង​លូប្រាំ ឆ្លង​កាត់​ប្រឡាយ​ភូមិ​ម័ល​ជាបណ្តោះអាសន្ន ចាប់ពីថ្ងៃទី១៧ កុម្ភៈ ដល់ថ្ងៃទី៣០ ខែមេសា appeared first on Kampuchea Thmey Daily.

តាម​សេចក្តីជូនដំណឹង​របស់​រដ្ឋបាលរាជធានីភ្នំពេញ បានឱ្យដឹងថា រដ្ឋបាលរាជធានីភ្នំពេញ មានកិត្តិយសសូមជម្រាបជូនដំណឹងដល់បងប្អូនប្រជាពលរដ្ឋ នៅក្នុង រាជធានីភ្នំពេញ ដែលធ្វើដំណើរឆ្លងកាត់តាមបណ្តោយផ្លូវលេខ៥៩៨ ស្ថិតក្នុងភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញឱ្យបានជ្រាបថា រដ្ឋបាលរាជធានីភ្នំពេញ បាន​នឹង​កំពុង​អនុវត្ត​គម្រោង​ផែនការ វិនិយោគ​ហេដ្ឋារចនាសម្ព័ន្ធប្រព័ន្ធលូ និង​ប្រព័ន្ធ​រំដោះទឹក សម្រាប់​បញ្ចៀស​ការ​ជន់លិច​ដោយ​ទឹក​ភ្លៀង ក្នុង​ភូមិ​សាស្រ្ត​រាជធានី​ភ្នំពេញ ក្នុង​នោះ​គម្រោង​សាងសង់​ពង្រីកបន្ថែមដោយដាក់លូប្រអប់ ទំហំ ៤ម៉ែត្រx៣ម៉ែត្រ សងខាងលូប្រអប់ចាស់ ឆ្លងកាត់ចំណុចប្រសព្វរវាងផ្លូវលេខ៥៩៨ និងប្រឡាយអូរវែង ស្ថិតក្នុងភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។

ដើម្បីដំណើរការគម្រោងនេះបាន រដ្ឋបាលរាជធានីភ្នំពេញ នឹងធ្វើការបិទផ្លូវចំណុចខាងលើជាបណ្តោះអាសន្ន ដោយបិទម្ខាង និងបើកម្ខាង ចាប់ពីថ្ងៃទី១៤ ខែកុម្ភៈ ឆ្នាំ២០២៥ វេលាម៉ោង ៨:០០ នាទីព្រឹក រហូតដល់ថ្ងៃទី១៣ ខែឧសភា ឆ្នាំ២០២៥ វេលាម៉ោង ១៧:០០ នាទីល្ងាច៕

ដោយ ៖ ស្រីរ័ត្ន

The post រដ្ឋបាលរាជធានី នឹងបិទផ្លូវឆ្លងកាត់ចំណុចប្រសព្វរវាងផ្លូវ៥៩៨ និងប្រឡាយអូរវែង ចាប់ពីថ្ងៃទី១៤ ខែកុម្ភៈ ដល់ថ្ងៃទី១៣ ខែឧសភា appeared first on Kampuchea Thmey Daily.

លោក ឌិត​ ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លើកឡើងដូច្នេះ បន្ទាប់ពីប្រជាពលរដ្ឋមួយក្រុមនៅក្នុងខេត្តបាត់ដំបង បានធ្វើបាតុកម្មបិទផ្លូវជាតិលេខ៥ ទាមទារឱ្យក្រសួងកសិកម្មដោះស្រាយបញ្ហាស្រូវអូអិមធ្លាក់ថ្លៃ។

ក្នុងសន្និសីទសារព័ត៌មានលើកឡើងបែបនេះ៖« អ្វីដែលជាមិនមែនដំណោះស្រាយ គឺការធ្វើវិទ្ធង្សនា បិទផ្លូវបិទអីហ្នឹង វាអត់មានជាដំណោះស្រាយទេ! នៅក្នុងលទ្ធិប្រជាធិបតេយ្យ គេចាប់ផ្ដើមធ្វើសកម្មអ្វីមួយ គឺដើម្បីទាមទារឱ្យថ្នាក់ដឹកនាំបានដឹង ពីបញ្ហារបស់គេ »។

សម្រាប់ដំណោះស្រាយដែលរដ្ឋមន្ត្រីក្រសួងកសិកម្ម បានអះអាងថា ជាដំណោះស្រាយល្អក្នុងការស្ដារតម្លៃស្រូវដែលធ្លាក់ថ្លៃ រួមមានជាដំណោះស្រាយរយៈពេលខ្លី មធ្យម និងរយៈពេលវែង។ ដំណោះស្រាយរយៈពេលខ្លី​គឺ ក្រសួងកសិកម្ម នឹងចេញបញ្ចេញថវិកាដែលរដ្ឋាភិបាលទម្លាក់ជូន អន្តរាគមន៍ទិញស្រូវពីពលរដ្ឋ និងសហការជាមួយតាមបណ្ដារោងម៉ាស៊ីនកិនស្រូវនានាឱ្យទិញស្រូវរបស់ពលរដ្ឋក្នុងរដូវពិធីបុណ្យចូលឆ្នាំចិន វៀតណាមខាងមុខនេះ ឬស្រូវអូអិមគ្មានទីផ្សារសោះ។ សម្រាប់ដំណោះស្រាយរយៈពេលធម្យម គឺក្រសួងបន្តកៀគរឱ្យកសិករបន្តចងក្រងជាសហគមន៍ទំនើបដែលមានច្រើនរាប់រយ ពាន់គ្រួសារ នោះក្រសួងនឹងផ្ដល់កម្ចីឱ្យកសិករសម្រាប់បង្កបង្កើនផល។ ចំណែករយៈពេលវែង គឺការបាត់បន្ថយថ្លៃដើមរបស់ពលរដ្ឋ តាមរយៈការណែនាំឱ្យពលរដ្ឋប្រើប្រាស់ជីកសិកម្មដែលធ្វើដោយពលរដ្ឋផ្ទាល់។

ជាមួយគ្នានេះ លោក​រដ្ឋមន្ត្រី បានអះអាងថា កាលពីថ្ងៃទី១៤ ខែមករា លោកបានចុះទៅជួបតំណាងធ្វើបាតុកម្មនៅខេត្តបាត់ដំបង។ ក្នុងជំនួបនោះ តំណាងធ្វើបាតុកម្ម និងភាគីក្រសួងកសិកម្មដោយមានរូបលោកផ្ទាល់បាន ជួយគណនាឡើងវិញពីការចំណាយរបស់តំណាងដឹកនាំធ្វើបាតុកម្ម ដោយបានរកឃើញថា តំណាងធ្វើកសិកម្មនោះមិនបានខាតបង់ថវិកាលើការធ្វើស្រូវប្រាំងនេះឡើយ គ្រាន់តែចំណេញតិចជាងមុន។

លោករដ្ឋមន្ត្រីក៏បានអះអាងថា លោក មិនបានបន្ទោសកសិករដែលធ្វើស្រូវប្រភេទពូជអូអិម ដូចដែលសារព័ត៌មាន និងអ្នកនយោបាយមួយចំនួនលើកឡើងឡើយ។

គួរឱ្យដឹងថា នៅថ្ងៃទី១៥ ខែមករា នេះ រាជរដ្ឋាភិបាលកម្ពុជា តាមរយៈធនាគារអភិវឌ្ឍន៍ជនបទ និងកសិកម្ម បានទម្លាក់ថវិកាចំនួន៣០លានដុល្លារ  ដើម្បីអន្តរាគមន៍ទិញស្រូវដែលកំពុងធ្លាក់ថ្លៃពីកសិករកម្ពុជា៕

The post រដ្ឋមន្ត្រីកសិកម្ម៖ការបិទផ្លូវ ធ្វើបាតុកម្មទាមទារឱ្យដោះស្រាយបញ្ហាស្រូវធ្លាក់ថ្លៃ មិនមែនជាដំណោះស្រាយល្អឡើយ appeared first on Kampuchea Thmey Daily.

ក្នុងសេចក្ដីជូនដំណឹងរដ្ឋបាលខេត្តកណ្ដាលសរសេរដូច្នេះ៖«រដ្ឋបាលខេត្តកណ្តាល សូមធ្វើការបិទចរាចរណ៍រថយន្តដឹកទំនិញធុនធ្ងន់ នៅលើកំណាត់ផ្លូវជាតិលេខ១ ចាប់ពី ស្តុបបំបែកខ្នែងផ្លូវជាតិលេខ១ កែងផ្លូវជាតិលេខ២១បេ រហូតដល់គល់ស្ពានអ្នកលឿងត្រើយខាងលិច ចាប់ពីម៉ោង ១២:០០នាទីថ្ងៃត្រង់ រហូតដល់ម៉ោង ១៥:០០នាទីរសៀល ថ្ងៃទី ៣០ ខែតុលា ឆ្នាំ២០២៤ ដើម្បីប្រារព្ធពិធីរត់ភ្លើងគប់ អបអរសាទរ ពិធីបើកកីឡាជាតិលើកទី៤ និងកីឡាជនពិការលើកទី២ ឆ្នាំ២០២៤ ដែលនឹងចាប់ផ្តើមរត់ ពីទីតាំងបើកការដ្ឋានព្រែកជីកហ្វូណនតេជោ ស្ថិតនៅភូមិព្រែកតាកែវ ឃុំសំរោងធំ ស្រុកកៀនស្វាយខេត្តកណ្តាល នៅលើផ្លូវជាតិលេខ១ ឆ្ពោះទៅកាន់ពហុកីឡដ្ឋានជាតិអូឡាំពិក។»។

តាមរដ្ឋបាលខេត្តកណ្ដាល នៅពេលពិធីចាប់ផ្តើមនៅម៉ោង ២៖០០នាទីរសៀល ការធ្វើចរាចរនឹងត្រូវបិទទាំងស្រុងក្នុងរយៈពេល១ម៉ោង ចាប់ពីទីតាំងបើកការដ្ឋានព្រែកជីកហ្វូណនតេជោ ឆ្ពោះមកភ្នំពេញចំងាយ ១គីឡូម៉ែត្រ បន្ទាប់មកនឹងបើកឱ្យចរាចរតែមួយ ចំហៀងផ្លូវរហូតដល់ពិធីត្រូវបានបញ្ចប់។

គួរឱ្យដឹងថា ពិធីបើកការប្រកួតកីឡាជាតិលើកទី៤ និងកីឡាជនពិការលើកទី២ឆ្នាំ២០២៤ នឹងរៀបចំឡើងនៅពហុកីឡដ្ឋានជាតិអូឡាំពិក នាល្ងាចថ្ងៃទី៣០ ខែតុលា  ក្រោមអធិបតីភាពសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។ នៅក្នុងពិធីបើកនឹងមានការអុជកាំជ្រួច ការប្រគុំតន្ត្រីដែលមានតារាចម្រៀងល្បីៗចូលរួមដូចជា នាយពាក់មី​ លោក ឆន សុវណ្ណរាជ​ ព្រះនាងនរោត្ដម ចេណ្ណា តារារ៉េប លោក វណ្ណដា និងតារារ៉េប មកពីផលិតកម្មបារមីដទៃទៀត រួមទាំងទស្សនីយភាពកូរសមុទ្រទឹកដោះ រៀបចំដោយក្រសួងវប្បធម៌ និងវិចិត្រសិល្បៈ និងទស្សនីយភាពព្រលឹងយ័ន្ត៨ទិស មហាយុទ្ធគុណខ្មែរបុរាណ។

​ព្រឹត្តិការណ៍​កីឡា​ជាតិ លើក​ទី​៤ និង​កីឡា​ជាតិ​ជន​ពិការ លើក​ទី​២ ​ឆ្នាំ​២០២៤ នឹងរៀបចំឡើងចាប់​ពី​ថ្ងៃ​​ទី​២៩ ខែ​តុលា​ ដល់​ថ្ងៃ​ទី​៨ ខែ​វិច្ឆិកា  នៅលើទីលានប្រកួតតាមវិញ្ញាសា ក្នុងភូមិសាស្ត្ររាជ​ធានី​ភ្នំពេញ ខេត្ត​កែប ស្វាយរៀង ព្រះ​សីហនុ និង​កំពង់ឆ្នាំង។

ការ​ប្រកួត​កីឡា​ជាតិ លើក​ទី​៤ មាន​កីឡា​៣៦​ប្រភេទ ស្មើ​នឹង​៣២៨​វិញ្ញាសា និង​កីឡា​ជាតិ​ជន​ពិការ​មាន​កីឡា​៧​ប្រភេទ​ ស្មើ​នឹង​៤៥​វិញ្ញាសា ដែល​សរុប​ប្រតិភូ កីឡាករ និង​កីឡាការិនី​ចំនួន​ ​​៤៨៥០​នាក់ មក​ពី​​២៥​រាជ​ធានី ក្រុង និង​ក្រសួង​៣ (ក្រសួង​មហា​ផ្ទៃ ក្រសួង​ការពារ​ជាតិ និង​ក្រសួង​សេដ្ឋកិច្ច និង​ហិរញ្ញវត្ថុ)។

កីឡា​ទាំង​៣៦​ប្រភេទសម្រាប់​កីឡា​ជាតិ លើក​ទី​៤ មាន​ បាល់ទាត់ បាល់ទះ បាល់បោះ អត្តពលកម្ម វាយសី វាយកួនឃ្លីលើតុ ហែល​ទឹក តេក្វាន់ដូ ITF តេក្វាន់ដូ WTF ប៉េតង់ គុន​ដាវ​ គុន​ល្បុក្កតោ ប្រដាល់​សកល យូដូ ចំបាប់ គុន​ខ្មែរ វាយ​កូន​បាល់ កាយសម្ព័ន្ធ ទោចក្រយាន សូហ្វតិន្នីស សីដក់ វូស៊ូ ហុកគី ឃីក​បុក​ស៊ីង កីឡារាំ ជឺជីតស៊ូ ទូកប្រពៃណី ទូក​ក្តោង លើក​ទម្ងន់ប៊ីយ៉ា និង​ស្នូកឃ័រ ទ្រីយ៉ាថ្លុង វាយគុន​គោល ម៉ូតូទឹក អុកចត្រង្គ និង​វ៉ូវីណាម។

កីឡា​ជាតិ​ជន​ពិការ លើក​ទី​២​ មាន៧​ប្រភេទ គឺ អត្តពលកម្ម​ជន​ពិការ ហែល​ទឹក​ជន​ពិការ បាល់បោះ​ជន​ពិការ បាល់ទះអង្គុយ ប៊ូស្សា វាយ​កូនឃ្លីលើ​តុ​ជន​ពិការ និង អុក​ជន​ពិការ។

ក្រៅ​ពី​ការ​ប្រកួត​​ក្នុង​គោល​ដៅ​ពង្រឹង​បច្ចេកទេស សមត្ថភាព និង​បទ​ពិសោធ​ដើម្បីឆ្ពោះទៅ​ធ្វើ​ម្ចាស់​ផ្ទះ​កីឡា​យុវជន​អាស៊ី ឆ្នាំ​២០២៩ ការ​ប្រកួត​កីឡា​ជាតិ​ និង​កីឡា​ជាតិ​ជន​ពិការ​ស្ថិត​​ក្រោម​ប្រធាន​បទ«កីឡា​ជាតិ​ដើម្បី​ព្រែកជីក​ហ្វូណន​តេជោ»៕

The post ថ្ងៃទី៣០ អាជ្ញាធរ បិទមិនឱ្យរថយន្តដឹកទំនិញធ្ងន់ចរាចរលើកំណាត់ផ្លូវជាតិលេខ១ ដើម្បីរត់ភ្លើងគប់ អបអរពិធីបើកកីឡាជាតិ appeared first on Kampuchea Thmey Daily.