ក្រសួងទេសចរណ៍ ឱ្យដឹងតាមរយៈបណ្ដាញសង្គមថា ព្រឹត្តិការណ៍បុណ្យសមុទ្រលើកទី១២ នឹងរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែធ្នូ ឆ្នាំ២០២៦ នៅខេត្តព្រះសីហនុ  ក្រោមប្រធានបទ «គុណតម្លៃសមុទ្រ៖ សេដ្ឋកិច្ចខៀវផ្សារភ្ជាប់ចីរភាពជីវចម្រុះតំបន់ឆ្នេរសមុទ្រ» ក្រោមអធិបតីភាពដ៏ខ្ពង់ខ្ពស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។

កាលពីខែសីហា ឆ្នាំ២០១១ រាជរដ្ឋាភិបាលកម្ពុជា ចេញអនុក្រឹត្យបង្កើតព្រឹត្តិការណ៍បុណ្យសមុទ្រ ដើម្បីរួមគ្នាអភិរក្សការពារធនធានធម្មជាតិសមុទ្រ និងថែរក្សាបរិស្ថានឆ្នេរឲ្យបានស្អាត បម្រើដល់ការអភិវឌ្ឍទេសចរណ៍ប្រកដោយចីរភាព និងការទទួលខុសត្រូវ ព្រមទាំងលើកតម្កើងការផ្សព្ធផ្សាយគោលដៅទេសចរណ៍តំបន់ឆ្នេរកម្ពុជាឲ្យកាន់តែទូលំទូលាយទាក់ទាញទេសចរជាតិ និងអន្តរជាតិមកទស្សនាកាន់តែច្រើន។

តាមអនុក្រឹត្យ ពិធីបុណ្យសមុទ្រត្រូវរៀបចំឡើងនៅតាមខេត្តជាប់មាត់ឆ្នេរសមុទ្រទាំងបួនខេត្ត ដូចជាខេត្តកំពត កែប ព្រះសីហនុ និងខេត្តកោះកុង ដោយឈរលើគោលការណ៍ផ្លាស់ប្ដូរវេនគ្នាធ្វើជាម្ចាស់ផ្ទះរៀបចំព្រឹត្តិការណ៍មួយនេះឡើងនៅក្នុងខែធ្នូរៀងរាល់ឆ្នាំ។

កាលពីខែធ្នូ ឆ្នាំ២០២៤ រាជរដ្ឋាភិបាលកម្ពុជា ផ្ដល់សិទ្ធឱ្យខេត្តកោះកុង ធ្វើជាម្ចាស់ផ្ទះរៀបចំព្រឹត្តិការណ៍បុណ្យសមុទ្រលើកទី១២ ដោយកំណត់កាលបរិច្ឆេទរៀបចំចាប់ពីថ្ងៃទី១៩ ដល់ថ្ងៃទី២១ខែធ្នូ ឆ្នាំ២០២៥។ យ៉ាងក្រោយកម្ពុជាទទួលរងសង្គ្រាមឈ្លានពានជុំទី១ នៅចុងខែកក្កដា  រាជរដ្ឋាភិបាលកម្ពុជា តាមរយៈលិខិតចុះថ្ងៃទី១០ ខែវិច្ឆិកា ឆ្នាំ២០២៥  បានសម្រេចផ្អាកការរៀបចំព្រឹត្តិការណ៍បុណ្យសមុទ្រលើកទី១២ សិន។

គួរគូសបញ្ជាក់ថា​ ការរៀបចំបុណ្យសមុទ្រ ធ្វើឡើងបន្ទាប់ពីឆ្នេរសមុទ្រសកម្ពុជា បានចូលជាសមាជិកនៃក្លឹបឆ្នេរសមុទ្រដ៍ស្អាតជាងគេបំផុតនៅលើពិភពលោក។

គួរឱ្យដឹងថា បុណ្យសមុទ្រលើកទី ១ បានរៀបចំឡើងនៅខេត្តព្រះសីហនុ នាឆ្នាំ២០១១ ឆ្លងចូល ឆ្នាំ២០១២,លើកទី ២ ឆ្នាំ២០១៣ នៅខេត្តកែប, លើកទី ៣ ឆ្នាំ២០១៤ នៅខេត្តកោះកុង,លើកទី ៤ ឆ្នាំ ២០១៥ នៅខេត្តកំពត,លើកទី ៥ ឆ្នាំ ២០១៦ នៅខេត្តព្រះសីហនុ,លើកទី ៦ ឆ្នាំ ២០១៧ នៅខេត្តកែប,លើកទី ៧ ឆ្នាំ ២០១៨ នៅខេត្តកោះកុង,លើកទី ៨ ឆ្នាំ ២០១៩ នៅខេត្តកំពត,ឆ្នាំ២០២០ និង ឆ្នាំ២០២១ ពិធីបុណ្យសមុទ្រ បានផ្អាកដោយសារការរីករាលដាលជំងឺកូវីដ-១៩, ពិធីបុណ្យសមុទ្រលើកទី ៩ ចាប់ផ្តើមធ្វើបន្តឡើងវិញ ឆ្នាំ ២០២២ នៅខេត្តព្រះសីហនុ និងលើកទី ១០ ឆ្នាំ២០២៣ ធ្វើឡើងនៅខេត្តកែប និងលើកទី១១ នៅខេត្តកំពត៕

The post ឆ្នាំនេះកម្ពុជានឹងរៀបចំបុណ្យសមុទ្រឡើងវិញ ក្រោយអាក់ខានក្នុង២០២៥ គ្រាប្រទេសរងសង្គ្រាមឈ្លានពាន appeared first on Kampuchea Thmey Daily.

លោក អន សុធារិទ្ធ អភិបាលរងខេត្តកោះកុង បានលើកឡើងថា ឆ្នាំនេះខេត្តកោះកុង នឹងធ្វើជាម្ចាស់ផ្ទះរៀបចំធ្វើពិធីបុណ្យសមុទ្រលើកទី១២ ដូច្នេះស្នើសុំដល់គ្រប់អ្នកគ្រប់គ្រងសហគមន៍អេកូទេសចរណ៍ធម្មជាតិ ប្រតិបត្តិការសេវាកម្ម និងអាជីវករនានា ចូលរួមពង្រឹងគុណភាពសេវាកម្មរបស់ខ្លួនឱ្យបានល្អប្រសើរ។

លោកអភិបាលរងខេត្ត ក៏បានគូសបញ្ជាក់នៅក្នុងវេទិកាអេកូទេសចរណ៍កម្រិតបច្ចេកទេសសម្រាប់តំបន់អេកូទេសចរណ៍ឆ្នេរ និងតំបន់ជួរភ្នំក្រវាញ នៅព្រឹកថ្ងៃទី២១ ខែកក្កដា ឆ្នាំ២០២៥ថា ការរៀបចំទីតាំងសោភ័ណ្ឌបរិស្ថានអនាម័យ ការបដិសណ្ឋាកិច្ចភ្ញៀវ ចំណីអាហារមានគុណភាព សេវាកម្មស្នាក់នៅហូបចុកល្អ និងរក្សាតម្លៃសេវាកម្មបានត្រឹមត្រូវ វាជាមុខមាត់របស់ខេត្តកោះកុងយើង។ ជៀសវាងពេលភ្ញៀវមកលេងកម្សាន្តហើយនាំគ្នារអ៊ូរទាំពីតម្លៃសេវាឡើងថ្លៃខ្លាំងដែលផ្តល់ផលប៉ះពាល់អាក្រក់ដល់អាជីវកម្មផ្នែកទេសចរណ៍ទាំងឡាយ រីឯភ្ញៀវក៏លែងមកកម្សាន្តទៀតដែរ។

លោក អន សុធារិទ្ធ ក៏ស្នើសុំបណ្តាអ្នកគ្រប់គ្រងសហគមន៍អេកូទេសចរណ៍ធម្មជាតិ ម្ចាស់សណ្ឋាគារផ្ទះសំណាក់ ភោជនីយដ្ឋាន និងអាហារដ្ឋានទាំងអស់ក្នុងខេត្ត ចាំបាច់រួមគ្នាគិតគូរ និងអនុវត្តអោយបានត្រឹមត្រូវអំពីតម្លៃសេវាកម្ម និងគុណភាពសេវាកម្មអោយបានច្បាស់លាស់។

គួរកត់សម្គាល់ថា ខេត្តកោះកុង សំបូរទៅដោយធនធានធម្មជាតិ ព្រៃភ្នំ ជ្រោះជ្រងដងអូរស្ទឹង ព្រែក និងតំបន់ឆ្នេរសមុទ្រជាច្រើនដែលកត្តាអំណោយផលទាំងនេះជំរុញឱ្យខេត្តមានការអភិវឌ្ឍន៍ជាបន្តបន្ទាប់ពីវិស័យទេសចរណ៍បែបធម្មជាតិ។

ចំណែកលោកបណ្ឌិត ជុក ជំនោរ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ និងជាប្រធានលេខាធិការដ្ឋានគណៈកម្មាធិការជាតិគ្រប់គ្រង​ និងអភិវឌ្ឍសហគមន៍ទេសចរណ៍​ និងអេកូទេសចរណ៍ បានឱ្យដឹងថា ដើម្បីពង្រឹងគុណភាពសេវាកម្មនេះបានល្អត្រឹមត្រូវតាមបច្ចេកទេស និងការចង់បានរបស់ក្រសួងទេសចរណ៍ ក្រុមការងារក៏បានរៀបចំជាកិច្ចពិភាក្សាជំរុញដល់ការអភិវឌ្ឍវិស័យទេសចរណ៍សហគមន៍ និងអេកូទេសចរណ៍ ក្នុងគោលបំណងស្វែងរកនូវបញ្ហាប្រឈម ក៏ដូចជាទិសដៅអនុវត្តបន្ត ដើម្បីប្រមូលធាតុចូលបន្ថែមឈានឆ្ពោះទៅការរៀបចំវេទិកាជាតិអេកូទេសចរណ៍។

បើតាមលោកបណ្ឌិត ជុក ជំនោរ រំលេចដែរថា ក្រសួងទេសចរណ៍ កំពុងជំរុញធ្វើយ៉ាងណាដល់សហគមន៍អេកូទេសចរណ៍ក្នុងខេត្តកោះកុង ព្រមទាំងបណ្តាខេត្តផ្សេងទៀត ចូលរួមពង្រឹងគុណភាពសេវាឱ្យបានល្អប្រសើរ សម្រាប់ស្រូបយកប្រមូលប្រភពចំណូលមកអភិវឌ្ឍន៍ក្នុងមូលដ្ឋានកាន់តែច្រើន។

លោក សៀក សាប៊ុន ប្រធានសហគមន៍អេកូទេសចរណ៍ធម្មជាតិព្រៃកោងកាងពាមក្រសោប ថ្លែងថា កំណើនភ្ញៀវទេសចរមកលេងកម្សាន្តច្រើនឆ្នាំនេះ បើធៀបនឹងឆ្នាំមុនៗគ្រាដែលផ្លូវជាតិលេខ៤៨ និងផ្លូវជាតិលេខ១០កំពុងស្ថាបនា។
លោក សាប៊ុន បានប្តេជ្ញាចិត្តថា នឹងចូលរួមពង្រឹងគុណភាពសេវាកម្ម ស្វែងអាហារស្រស់ និងរក្សាតម្លៃលក់ផលិតផលជូនភ្ញៀវទេសចរ អោយបានត្រឹមត្រូវ ដោយមិនមានការតម្លើងថ្លៃសេវាកម្មណាមួយ ព្រោះការធ្វើដូច្នេះដើម្បីបង្កើនការទាក់ទាញភ្ញៀវទេសចរមកលេងកម្សាន្តកាន់តែច្រើន និងទទួលបានប្រភពចំណូលពីវិស័យទេសចរណ៍បៃតង៕

អត្ថបទ៖ សិរីវឌ្ឍនៈ

The post អាជ្ញាធរខេត្តកោះកុងប្រាប់ឲ្យអ្នកគ្រប់គ្រង​សហគមន៍អេកូទេសចរណ៍ត្រៀមស្វាគមន៍ភ្ញៀវ ខណៈឆ្នាំនេះ ខេត្តនឹងធ្វើម្ចាស់ផ្ទះក្នុងពិធីបុណ្យសមុទ្រ appeared first on Kampuchea Thmey Daily.

ពីពិធីចែកសញ្ញាបត្រដល់និស្សិតវិទ្យាស្ថានវ៉ាន់ដា នាព្រឹកថ្ងៃទី១១ ខែមីនា សម្ដេចធិបតី សង្កត់ធ្ងន់ដូច្នេះ៖« ខេត្តកំពង់ស្ពឺ គេចង់រៀបចំបុណ្យភ្នំ បន្ថែមទៅលើបុណ្យសមុទ្រ បុណ្យទន្លេ ហើយយើងកំពុងតែសិក្សា ថាតើ(គួរ)រៀបចំឬអត់? ចឹងបានទៅមើលសក្ដានុពល ឥឡូវយើងរៀបនៅគិរីរម្យ តែខ្ញុំទៅមើលសក្ដានុពលនៅ(ភ្នំ)ខ្នងផ្សារ»។

គួរជ្រាបថា កាលពីខែសីហា ឆ្នាំ២០១១ រាជរដ្ឋាភិបាលកម្ពុជា ដឹកនាំដោយសម្ដេចតេជោ ហ៊ុន សែន ចេញអនុក្រឹត្យកំណត់បង្កើតពិធីបុណ្យសមុទ្រ ដើម្បីរួមគ្នាអភិរក្សការពារធនធានធម្មជាតិសមុទ្រ និងថែរក្សាបរិស្ថានឆ្នេរឲ្យបានស្អាត បម្រើដល់ការអភិវឌ្ឍទេសចរណ៍ប្រកដោយចីរភាព និងការទទួលខុសត្រូវ ព្រមទាំងលើកតម្កើងការផ្សព្ធផ្សាយគោលដៅទេសចរណ៍តំបន់ឆ្នេរកម្ពុជាឲ្យកាន់តែទូលំទូលាយទាក់ទាញទេសចរជាតិ និងអន្តរជាតិមកទស្សនាកាន់តែច្រើន។ ពិធីបុណ្យសមុទ្រត្រូវរៀបចំឡើងនៅតាមខេត្តជាប់មាត់ឆ្នេរសមុទ្រទាំងបួនខេត្ត ដូចជាខេត្តកំពត កែប ព្រះសីហនុ និងខេត្តកោះកុង ដោយឈរលើគោលការណ៍ផ្លាស់ប្ដូរវេនគ្នាធ្វើជាម្ចាស់ផ្ទះរៀបចំព្រឹត្តិការណ៍មួយនេះឡើងនៅចុងសប្ដាហ៍ទី១ នៃខែធ្នូរៀងរាល់ឆ្នាំ ក្រោមអធិបតីភាពនាយករដ្ឋមន្ត្រី ។

បន្ទាប់មក នៅខែតុលា ឆ្នាំ២០១៤ រាជរដ្ឋាភិបាលកម្ពុជា ចេញអនុក្រឹត្យកំណត់បង្កើត បុណ្យទន្លេ  ដោយកំណត់ឱ្យ ធ្វើឡើងនៅតាមខេត្តដែលមានទន្លេ ក្នុងគោលបំណងបំផុសចលនាមហាជនឱ្យចូលរួមក្នុងការងារអភិរក្ស និងអភិវឌ្ឍន៍ធនធានទន្លេប្រកបដោយនិរន្តភាព និងចូលរួមសម្រេចយុទ្ធសាស្ត្រពិពិធកម្មទេសចរណ៍តាមរយៈការបង្កើតព្រឹត្តិការណ៍ទេសចរណ៍ថ្មីៗ សម្រាប់ខេត្តតាមដងទន្លេនៃព្រះរាជាណាចក្រកម្ពុជា ដែលជានិច្ចកាលប្រារព្ធឡើងក្រោមអធិបតីភាពនាយករដ្ឋមន្ត្រីកម្ពុជា។​

នៅថ្ងៃទី១៥ និង១៦ ខែកុម្ភៈ ឆ្នាំ២០២៥ នេះ ពិធីបុណ្យភ្នំ ត្រូវបានរៀបចំឡើងនៅឧទ្យានជាតិគិរីរម្យ ខេត្តកំពង់ស្ពឺ ចាប់ពីរង្វង់មូលនាគព័ន្ធ ដល់អតីតព្រះរាជដំណាក់។ ក្នុងព្រឹត្តិការណ៍នេះ  មានកម្មវិធីដូចជាការរត់ប្រណាំងពាក់កណ្តាលម៉ារ៉ាតុង ដើម្បីកុមារខេត្តកំពង់ស្ពឺ ការប្រកួតប៉េតង់មហាជន ការប្រកួតបាល់ទះមហាជន ការបោះជំរំ ជំរំអាហារ និងការប្រគុំតន្រ្តី និងការប្រកួតកីឡាប្រដាល់ ដោយទទួលបានភ្ញៀវទេសចរជាតិ និងអន្តរជាតិចូលរួមច្រើនកុះករ។

កាលពីថ្ងៃទី៧ ខែមីនា ឆ្នាំ២០២៥   ក្នុងពិធីសាសនាមួយឧទ្យានជាតិគិរីរម្យ  ឯកឧត្ដម ហ៊ុន​ ម៉ានី ប្រធានក្រុមការងាររដ្ឋាភិបាលចុះមូលដ្ឋានខេត្តកំពង់ស្ពឺ ដាក់ក្តីសង្ឃឹមថា នៅ​ថ្ងៃណាមួយ ពិធីបុណ្យភ្នំ នឹងក្លាយទៅជាពិធីបុណ្យជាតិប្រចាំកម្ពុជាដោយមានការអញ្ជើញជាអធិបតីដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា ដូចទៅនឹងព្រឹត្តិការណ៍បុណ្យសមុទ្រ និងបុណ្យទន្លេដែរ។

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក៏បានជំរុញឱ្យភាគីពាក់ព័ន្ធបង្កើតព្រឹត្តិការណ៍ទេសចរណ៍ផ្សេងៗទៅតាមលទ្ធភាព ដើម្បីទាក់ទាញភ្ញៀវទេសចរ បង្កើតជាចំណូលជូនពលរដ្ឋ បន្ថែមពីពិធីបុណ្យសមុទ្រដែលរៀបចំនៅតាមខេត្តទាំងបួនជាប់មាត់សមុទ្រ និងបុណ្យទន្លេ។

ចន្លោះចាប់ពីថ្ងៃទី៧​ ដល់ថ្ងៃទី១២​ ខែមីនា ឆ្នាំ២០២៥ នេះ រដ្ឋបាលខេត្តកំពង់ចាម ក៏បានរៀបចំព្រឹត្តិការណ៍បុណ្យឆ្នេរកោះប៉ែន ដើម្បីទាក់ទាញអ្នកទេសចរ ផ្សព្វផ្សាយការអភិរក្សស្ពានឫស្សីឆ្លងទន្លេមេគង្គ ដែលជាស្នាដៃរបស់សហគមន៍។  រដ្ឋបាលខេត្តកំពង់ចាម រៀបចំការ​ប្រ​កួត​បាល់ទាត់លើវាលខ្សាច់ ​ការតាំងពិព័រណ៍ ការប្រគំតន្ត្រី ប្រដាល់គុនខ្មែរ រាំបាញ់ទឹកពេលថ្ងៃ ​និងការបាញ់កាំជ្រួច ជាដើម​៕

ដោយ៖ ង៉ិល ណារ៉ាត់

The post រដ្ឋសិក្សារៀបចំបុណ្យភ្នំ ថែមពីលើបុណ្យសមុទ្រ បុណ្យទន្លេ ដើម្បីទាញប្រយោជន៍ពីភ្ញៀវទេសចរជូនពលរដ្ឋ appeared first on Kampuchea Thmey Daily.

ប្រភពដដែលបានបង្ហាញថា ទេសចរជាតិ មកលេងកម្សាន្តសរុបចំនួន ៣៨៥,​៥៥៣​​នាក់ កើន​ឡើង​៤៤,៧% ទេសចរបរទេសចំនួន ៣,៦១៥នាក់ កើនឡើង ១០៧,៤%​ ធៀប​នឹង​ពិធី​បុណ្យ​សមុទ្រ​ឆ្នាំ២០២៣។

ចំពោះការតាំងពិព័រណ៍សមិទ្ធផល, មហោស្រពម្ហូបអាហារនិងភេសជ្ជៈ, ការតាំងពិព័រណ៍​ពាណិ​ជ្ជ​​កម្ម​​ផលិតផល ក្នុងស្រុកនិងក្រៅស្រុក និងគម្រោងអភិវឌ្ឍន៍តំបន់ឆ្នេរ ព្រមទាំងការ​សម្តែង​ទស្សនីយភាពសិល្បៈ, ការប្រគុំតន្ត្រី, តន្ត្រីមហាជន, ព្រឹត្តិការណ៍​កម្សាន្តសប្បាយ​ជា​ច្រើន​​​ទៀត ក៏​ទទួលបានការចូលទស្សនាជាច្រើនម៉ឺននាក់កម មានការគាំទ្រយ៉ាងច្រើន​ផុសផុល ពី​​ភ្ញៀវជាតិ និងអន្តរជាតិ និងកម្មវិធីជំនួបផ្លាស់ប្តូរពាណិជ្ជកម្មទេសចរណ៍អន្តរជាតិឆ្នាំ២០២៤ ជាព្រឹត្តិ​ការ​ណ៍​​អម លើកទី១ បានប្រព្រឹត្តទៅដោយជោគជ័យ។

យោងតាមសេចក្ដីប្រកាសព័ត៌មានរបស់ក្រសួងទេសចរណ៍ ការរៀបចំពិធីបុណ្យសមុទ្រឆ្នាំ២០២៤នេះ គឺ​មាន​ការចូល រួមកាន់តែផុលផុសពីគ្រប់ភាគី​ពាក់ព័ន្ធទាំង​ផ្នែក​​រដ្ឋ និងឯកជន និងទទួលបានការ​ចាប់​​អារម្មណ៍​កាន់តែខ្លាំងពីបងប្អូនប្រជាពលរដ្ឋ ទេសចរ​ជាតិ​ និងអន្តរជាតិ៕

The post ទេសចរណ៍ជាង ៤០ ម៉ឺននាក់ ដើរលេងបុណ្យសមុទ្ររយៈពេល ៣ ថ្ងៃ appeared first on Kampuchea Thmey Daily.

លោក ហួត ហាក់ រដ្ឋមន្ត្រីក្រសួងទេសចរណ៍បានបញ្ជាក់ឲ្យដឹងថា ពីធីបុណ្យសមុទ្រលើកទី១១ ជុំទី៣ នៅខេត្តកំពត ដែលដំណើរការអស់រយ:ពេល៣ថ្ងៃ ត្រូវបានបិទបញ្ចប់ដោយជោគជ័យ និងជាគំរូសម្រាប់ការរៀបចំនាពេលបន្តបន្ទាប់ទៀត។ ខណៈដែលអាជីវករ អ្នកផ្តល់សេវាទេសចរណ៍ ទេសចរជាតិ និងអន្តរជាតិបានកោតសរសើរថា រៀបចំបានល្អ មានសន្តិសុខសណ្តាប់ធ្នាប់ល្អ អនាម័យបរិស្ថានស្អាត និងមានភាពទាក់ទាញចំណាប់អារម្មណ៍ទេសចរទាំងជាតិ និងអន្តរជាតិឲ្យចង់ចាំខេត្តកំពតទទួលបានភ្ញៀវទេសចរណ៍ជាតិ និងភ្ញៀវទេសចរណ៍អន្តរជាតិសរុបចំនួន ៣៨៩.១៦៨នាក់( ភ្ញៀវទេសចរណ៍ជាតិ៣៨៥.៥៥៣នាក់ និងភ្ញៀវទេសចរណ៍បរទេស៣.៦១៥នាក់) បានអញ្ជើញចូលរួមដោយទទួលភាពសប្បាយរីករាយ តាមរយ:កម្មវិធីកម្សាន្តជាច្រើន ដូចជា ពិធីតាំងពិព័រណ៍ ការសម្តែងសិល្ប: កីឡាច្រើនប្រភេទ ការប្រគំតន្ត្រី សកម្មភាពបាញ់កាំជ្រួចជាដើម។

លោក ហួត ហាក់ រដ្ឋមន្ត្រីក្រសួងទេសចរណ៍បានបន្តថា បុណ្យសមុទ្រនៅខេត្តកំពត មានការចូលរួមពីផ្នែករដ្ឋ និងវិស័យឯកជន ព្រមទាំងភាគីពាក់ព័ន្ធជាតិ អន្តរជាតិយ៉ាងមហោឡារឹកបំផុត ដំណើរការរៀបចំប្រកបដោយភាពល្អប្រពៃទាំងសោភ័ណភាព សន្តិសុខសណ្តាប់ធ្នាប់ គុណភាពផលិតផល ដែលបាននាំយកមកតាំងបង្ហាញភ្ញៀវជាដើម ដែលជាគំរូល្អសម្រាប់ការរៀបចំពិធីបុណ្យសមុទ្រនៅឆ្នាំបន្តបន្ទាប់ទៀត។

អាជីវករ អ្នកផ្តល់សេវាទេសចរណ៍ ទេសចរជាតិ និងអន្តរជាតិកោតសរសើរ ថារៀបចំបានល្អ មានសន្តិសុខសណ្តាប់ធ្នាប់ល្អ អនាម័យបរិស្ថានស្អាតគួរឲ្យទាក់ទាញចំណាប់អារម្មណ៍ទេសចរទាំងជាតិ និងអន្តរជាតិឲ្យចង់ចាំខេត្តកំពត។

លោក ម៉ៅ ធនិន អភិបាលខេត្តកំពតបានមានប្រសាសន៍ថា ក្រោយពីស្ថាបនាបាននូវមានរូបសំណាកត្រីសេះសមុទ្របាញ់ទឹក ឆ្នេរខ្សាច់កម្សាន្តតាមដងព្រែកកំពង់បាយ និងនាឡិកាខ្នាតធំ ព្រមទាំងសមិទ្ធផលបម្រើវិស័យទេសចរណ៍ដទៃទៀត ខេត្តកំពតមានភ្ញៀវចូលមកកម្សាន្តចន្លោះពី៣ម៉ឺន៥ពាន់នាក់​ ទៅ៥ម៉ឺននាក់ក្នង១សប្តាហ៍។

សូមបញ្ជាក់ថា ជាមួយពិធីបិទនេះដែរ លោករដ្ឋមន្ត្រីក្រសួងទេសចរណ៍បានប្រកាសអំពីការប្រគល់សិទ្ធិជូនរដ្ឋបាលខេត្តកោះកុង ដើម្បីទទួលធ្វើជាម្ចាស់ផ្ទះរៀបចំពិធីបុណ្យសមុទ្រលើកទី១២ ឆ្នាំ២០២៥៕

អត្ថបទ៖ សឹង រ៉ាត់

The post បុណ្យសមុទ្រនៅខេត្តកំពតបិទបញ្ចប់ដោយជោគជ័យ និងទទួលបានការកោតសរសើរពីភ្ញៀវទេសចរជាតិ និងអន្តរជាតិ appeared first on Kampuchea Thmey Daily.

រដ្ឋបាលខេត្តកំពត បានរៀបចំពិធីប្រណាំងទូកងប្រពៃណី ចំណុះទូក២៥នាក់ ដើម្បីចូលរួមអបអរសាទរ ដែលខេត្តកំពត បានធ្វើជាម្ចាស់ផ្ទះក្នុងពិធីបុណ្យសមុទ្រលើកទី១១ ជុំទី៣ ដែលរៀបចំឡើងនៅថ្ងៃទី១៣ រហូតដល់ថ្ងៃទី១៥ ខែធ្នូឆ្នាំ២០២៤ ក្រោមប្រធានបទ អបអរសាទរបេតិកភណ្ឌ និងចីរភាពនៃតំបន់ឆ្នេរ។

លោក សយ សុីណុល ប្រធានមន្ទីរទេសចរណ៍ខេត្តកំពតបានបញ្ជាក់ឱ្យដឹងថា កម្មវិធីប្រណាំងទូក(ង)នេះ បានធ្វើឡើងនៅបណ្តោយឆ្នេរព្រះអង្គឌួង ដែលស្ថិតក្នុងភូមិមួយឧសភា សង្កាត់កំពុងកណ្ដាល ក្រុងកំពតខេត្តកំពត។ ពិធីប្រណាំងទូក(ង)ខ្នាតប្រពៃណីរនេះ មន្ទីរបានចុះណែនាំ និងធ្វើការវាយតម្លៃ ចំពោះសេវាកម្មសេទចរណ៍ផ្សេងៗ បានយ៉ាងល្អប្រសើរ សម្រាប់ត្រៀមទទួលភ្ញៀវ ក្នុងពីធីប្រណាំងទូក និងពិធីបុណ្យសមុទ្រផងដែរ។ ចំពោះសេវាទេសចរណ៍ផ្សេងៗ នៅក្នុងខេត្ត បានរៀបរយយ៉ាងល្អ បន្ទាប់ពីមានការចុះណែនាំផ្ទាល់ក្នុងនោះការកក់បន្ទប់ស្នាក់នៅទើបតែបានជាង៥០ ភាគរយ ប៉ុណ្ណោះ។

បើយោងតាមការពិនិត្យមកដល់ពេលនេះដោយមានការដំឡើងស្តង់ ប្រមាណជាង៥០០ស្តង់ ឆាកប្រគុំតន្ត្រី ៣ទីតាំង, ឆាកវេទិកាកិត្តិយស ១ឆាក និងក្រាលពីសលើឆ្នេរខ្សាច់ខាងមុខវេទិកាកិត្តិយស ធ្វើរួចរាល់ហើយ ដើម្បីត្រៀមរៀបចំកម្មវិធីបើកជាផ្លូវការ នៅថ្ងៃទី១៣ ខែធ្នូ ឆ្នាំ២០២៤ នេះ ក្រោមអធិបតីភាព របស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។

គួរបញ្ជាក់ថា ការអញ្ជើញមកដល់ដ៏ខ្ពង់ខ្ពស់របស់សម្ដេចអធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅវេលាម៉ោង១៧៖០០ល្ងាច ថ្ងៃទី១៣ ខែធ្នូ ឆ្នាំ២០២៤ ដោយអញ្ជើញ កាត់ខ្សែបូសម្ពោធការតាំងពិពណ៌ផលិតផល និងម្ហូបអាហារ និងទស្សនាស្តង់ពិពណ៌ផលិតផល និងម្ហូបអាហារ។

នៅក្នុងវិធីនេះ លោកប្រធានមន្ទីរទេសចរណ៍ខេត្តបានរំពឹងទុកថា នឹងមានភ្ញៀវទេសចរណ៍ជាតិនិងភ្ញៀវទេសចរណ៍អន្តរជាតិ បានអញ្ជើញមកចូលរួម និងទស្សនាយ៉ាងច្រើនកុះករ៕

អត្ថបទ៖ សឹង រ៉ាត់

The post ខេត្តកំពតចាប់ផ្ដើមប្រណាំងទូក ង ខ្នាតប្រពៃណី ដើម្បីអបអរសាទរក្នុងពិធីបុណ្យសមុទ្រលើកទី ១១ ជុំទី ៣ appeared first on Kampuchea Thmey Daily.

ក្នុងនោះក៏មានពិធីប្រណាំងទូក(ង)ចំណុះ២៥នាក់មានចំនួន២៨ គូ ចាប់ផ្តើមប្រណាំងនៅម៉ោង១២ កន្លះថ្ងៃទី ១១ ថ្ងៃស្អែកដើម្បីអបអរសាទរ និងស្វាគមន៍ក្នុងពិធីបុណ្យសមុទ្រផងដែរ។

មន្ត្រីជំនាញបានបញ្ជាក់ថា សេវាទេសចរណ៍ផ្សេងៗ នៅក្នុងខេត្តរៀបរយបានល្អ បន្ទាប់ពីមានការចុះណែនាំផ្ទាល់  ក្នុងនោះការកក់បន្ទប់ស្នាក់នៅទើបបានរង្វង់៥០%ប៉ុណ្ណោះ។

ប្រធានមន្ទីរទេសចរណ៍លោក សយ ស៊ីណុល បានបញ្ជាក់ថាមកដល់ថ្ងៃនេះ មន្ទីរបានចុះណែនាំ និងធ្វើការវាយតម្លៃចំពោះសេវាកម្មសេទចរណ៍ផ្សេងៗបានយ៉ាងល្អប្រសើរ សម្រាប់ត្រៀមទទួលភ្ញៀវក្នុងពីធីប្រណាំងទូក និងពិធីបុណ្យសមុទ្រផង។ 

ភ្ញៀវទេសចរមកពីប្រទេសកាណាដា លោកស្រី ជូលី បានឱ្យដឹងថា លោកស្រីមានគ្រោងដើរកម្សាន្តច្រើនខេត្ត  ហើយបន្ទាប់ពីភ្នំពេញ លោកស្រីបានចំណាយពេល៤ថ្ងៃដើរកម្សាន្តនៅខេត្តកំពត។

លោកស្រីបញ្ជាក់ថា ពិតជាចូលចិត្តខេត្តកំពត ព្រោះជាកន្លែងសម្រាកលម្ហែ ស្ងប់ស្ងាត់ មានសុវត្ថិភាព និងទេសភាពស្អាត ពិសេសតំបន់ឆ្នេរមាត់ព្រែក ។ 

ចំណែកអាជីវករមកពីខេត្តឧត្តរមានជ័យ បានប្រាប់ឱ្យដឹងដែរថា គាត់សម្រេចចិត្តមកលក់នៅខេត្តកំពត ព្រោះដោយសារឃើញខេត្តកំពតល្បី ហើយរៀបចំព្រឹត្តិការណ៍ច្រើន មានប្រណាំទូកផង និងបុណ្យសមុទ្រផង ដូច្នេះភ្ញៀវនឹងមកច្រើន ហើយការលក់ដូរអាចនឹងដាច់បានច្រើនដែរ។ 

សូមបញ្ជាក់ថា មកដល់ពេលនេះការដំឡើងស្តង់៥០០ស្តង់  ឆាកប្រគុំតន្ត្រី(៣ទីតាំង) ឆាកវេទិកាកិត្តិយស  និងក្រាលពីសលើឆ្នេរខ្សាច់ខាងមុខវេទិការកិត្តិសយ ធ្វើជិតរួចរាល់អស់ហើយ ដើម្បីត្រៀមរៀបចំកម្មវិធីបើកជាផ្លូវការនៅថ្ងៃទី១៣ ខែធ្នូ ឆ្នាំ២០២៤នេះ ក្រោមអធិបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវបណ្ឌិតពេជចន្ទមុន្នីហ៊ុនម៉ាណែត៕

ដោយ ៖ សឹង រ៉ាត់

The post ពិធីបុណ្យសមុទ្រលើកទី១១ ត្រៀមជិតរួចរាល់ហើយ សម្រាប់ទទួលភ្ញៀវជាតិ និងអន្តរជាតិ appeared first on Kampuchea Thmey Daily.

ឆ្លងកាត់កិច្ចប្រជុំផ្សព្វផ្សាយផែនការ ស្តីពីការ ការពារ​ សន្តិសុខ សុវត្ថិភាព និងសណ្តាប់ធ្នាប់ ក្នុងពិធីបុណ្យសមុទ្រ ដែលដឹកនាំកិច្ចប្រជុំដោយ  លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការ នៃស្នងការដ្ឋាននគរបាលខេត្តកំពតបានសម្រេចបែងចែកកម្លាំង ទៅតាមគោលដៅសំខាន់ៗ និងប្រើប្រាស់កម្លាំងសរុបចំនួន ១,១៥៩ នាក់ ស្រី ៩៩ នាក់ ក្នុងនោះ កម្លាំងនគរបាលខេត្តចំនួន ៤៨៧ នាក់ ស្រី ៧៣ នាក់ កម្លាំងវរៈសេនាតូចការពារព្រំដែនលេខ ៦០១ ចំនួន ៦៦ នាក់ ស្រី ០១នាក់ អធិការដ្ឋាននគរបាលក្រុងកំពត ១១០ នាក់ ស្រី ១៤ នាក់ អធិការដ្ឋាននគរបាលស្រុកទឹកឈូ ១២១ នាក់ ស្រី ១១ នាក់ អធិការដ្ឋាននគរបាលស្រុកកំពង់ត្រាច ៧០ នាក់ អធិការដ្ឋាននគរបាលស្រុកបន្ទាយមាស ៦៥ នាក់ អធិការដ្ឋាននគរបាលស្រុកអង្គរជ័យ ៥០ នាក់ អធិការដ្ឋាននគរបាលស្រុកដងទង់ ៤០ នាក់ អធិការដ្ឋាននគរបាលស្រុកឈូក ៥០ នាក់ អធិការដ្ឋាននគរបាលស្រុកជុំគីរី ៤៥ នាក់ និងអធិការដ្ឋាននគរបាលក្រុងបូកគោ ៥៥ នាក់។

គួរឱ្យដឹងថា ពិធីបុណ្យសមុទ្រ ឆ្នាំ២០២៤ នេះ រៀបចំឡើងក្រោមប្រធានបទ “បេតិកភណ្ឌ និងចីរភាពនៃតំបន់ឆ្នេរ”។ រដ្ឋមន្ត្រីក្រសួងទេសចរណ៍ លោក ហួត ហាក់ បានឱ្យដឹងថា មូលហេតុដែលនាំឱ្យកំណត់យកប្រធានបទ «អបអរបេតិកភណ្ឌ និងចីរភាពនៃតំបន់ឆ្នេរ» គឺដើម្បីឱ្យស្របទៅនឹងខេត្តកំពតជាគោលដៅទេសចរណ៍បេតិកភណ្ឌវប្បធម៌ និងកសិទេសចរណ៍តំបន់ឆ្នេរ តួយ៉ាងការជ្រើសរើសខេត្តកំពតដើម្បីរៀបចំពិធីបុណ្យសមុទ្រនាឆ្នាំនេះ ក្នុងគោលបំណងផ្សព្វផ្សាយអំពីសក្តានុពលទេសចរណ៍តំបន់ឆ្នេរសមុទ្រកម្ពុជា និងជំរុញការយកចិត្តទុកដាក់ពីគ្រប់ភាគីពាក់ព័ន្ធក្នុងការអភិរក្សនិងអភិវឌ្ឍតំបន់ឆ្នេរប្រកបដោយចីរភាព ជាពិសេសការពង្រឹងនិងលើកកម្ពស់គុណភាពសេវាកម្មនានាក្នុងឧស្សាហកម្មទេសចរណ៍។

មិនខុសពីឆ្នាំកន្លងទៅឡើយ បុណ្យសមុទ្រលើកនេះ នឹងមានព្រឹត្តិការណ៍សំខាន់ៗ ផ្ដល់ជូនអ្នកទស្សនាដូចជា ការសម្ដែងសិល្បៈ ការប្រគុំតន្ត្រី ចូលរួមពីសំណាក់ សិល្បករខ្មែរ សិល្បៈការិនី តារាចម្រៀងជាតិ និងអន្តរជាតិល្បីៗ ការអុចកាំជ្រួចអបអរពិធី និងសកម្មភាពកីឡា និងការប្រកួតកីឡាគ្រប់ប្រភេទ និងការតាំងពិព័រណ៍ផលិតផលទេសចរណ៍ និងផលផលទូទៅ មហោស្រពម្ហូបអាហារ និងភេសជ្ជៈ ព្រមទាំងសកម្មភាពកម្សាន្តផ្សេងៗ។

គួររម្លឹកថា កាលពីខែសីហា ឆ្នាំ២០១១ រាជរដ្ឋាភិបាលកម្ពុជា ដឹកនាំដោយសម្ដេចតេជោ ហ៊ុន សែន បានចេញអនុក្រឹត្យកំណត់បង្កើតពិធីបុណ្យសមុទ្រ ដើម្បីរួមគ្នាអភិរក្សការពារធនធានធម្មជាតិសមុទ្រ និងថែរក្សាបរិស្ថានឆ្នេរឲ្យបានស្អាត បម្រើដល់ការអភិវឌ្ឍទេសចរណ៍ប្រកដោយចីរភាព និងការទទួលខុសត្រូវ ព្រមទាំងលើកតម្កើងការផ្សព្ធផ្សាយគោលដៅទេសចរណ៍តំបន់ឆ្នេរកម្ពុជាឲ្យកាន់តែទូលំទូលាយទាក់ទាញទេសចរជាតិ និងអន្តរជាតិមកទស្សនាកាន់តែច្រើន។

តាមអនុក្រឹត្យ ពិធីបុណ្យសមុទ្រត្រូវរៀបចំឡើងនៅតាមខេត្តជាប់មាត់ឆ្នេរសមុទ្រទាំងបួនខេត្ត ដូចជាខេត្តកំពត កែប ព្រះសីហនុ និងខេត្តកោះកុង ដោយឈរលើគោលការណ៍ផ្លាស់ប្ដូរវេនគ្នាធ្វើជាម្ចាស់ផ្ទះរៀបចំព្រឹត្តិការណ៍មួយនេះឡើងនៅចុងសប្ដាហ៍ទី១ នៃខែធ្នូរៀងរាល់ឆ្នាំ។

ការរៀបចំពិធីបុណ្យសមុទ្រនេះ គឺធ្វើឡើងបន្ទាប់ពីឆ្នេរសមុទ្រសកម្ពុជា បានចូលជាសមាជិកនៃក្លឹបឆ្នេរសមុទ្រដ៍ស្អាតជាងគេបំផុតនៅលើពិភពលោក។

គួរឱ្យដឹងថា ពិធីបុណ្យសមុទ្រលើកទី ១ បានរៀបចំឡើងនៅខេត្តព្រះសីហនុ នាឆ្នាំ២០១១ ឆ្លងចូល ឆ្នាំ២០១២,លើកទី ២ ឆ្នាំ២០១៣ នៅខេត្តកែប, លើកទី ៣ ឆ្នាំ២០១៤ នៅខេត្តកោះកុង,លើកទី ៤ ឆ្នាំ ២០១៥ នៅខេត្តកំពត,លើកទី ៥ ឆ្នាំ ២០១៦ នៅខេត្តព្រះសីហនុ,លើកទី ៦ ឆ្នាំ ២០១៧ នៅខេត្តកែប,លើកទី ៧ ឆ្នាំ ២០១៨ នៅខេត្តកោះកុង,លើកទី ៨ ឆ្នាំ ២០១៩ នៅខេត្តកំពត,ឆ្នាំ២០២០ និង ឆ្នាំ២០២១ ពិធីបុណ្យសមុទ្រ បានផ្អាកដោយសារការរីករាលដាលជំងឺកូវីដ-១៩, ពិធីបុណ្យសមុទ្រលើកទី ៩ ចាប់ផ្តើមធ្វើបន្តឡើងវិញ ឆ្នាំ ២០២២ នៅខេត្តព្រះសីហនុ និងលើកទី ១០ ឆ្នាំ២០២៣ ធ្វើឡើងនៅខេត្តកែប៕

The post សមត្ថកិច្ច១១៥៩នាក់ នឹងត្រូវដាក់ពង្រាយ ដើម្បីការពារ​សន្តិសុខ សុវត្ថិភាព ក្នុងពិធីបុណ្យសមុទ្រខេត្តកំពត appeared first on Kampuchea Thmey Daily.