គួរបញ្ជាក់ថា រយៈពេលប៉ុន្មានខែកន្លងទៅនេះ គឺមានការផ្លាស់ប្ដូរនាយការិយាល័យចរាចរណ៍ផ្លូវគោកខេត្តបាត់ដំបង ដោយបានបន្សល់នូវរឿងអាស្រូវជាច្រើន ដែលនាយការិយាល័យចាស់បានប្រព្រឹត្ត ហើយបច្ចុប្បន្ន នាយការិយាល័យចាស់ដែលមានឈ្មោះ ចាន់ សុធី ត្រូវបានក្រសួងមហាផ្ទៃផ្លាស់ប្ដូរ ហើយត្រូវបង្ហាញមុខរាល់ម៉ោងធ្វើការនៅក្នុងការិយាល័យបុគ្គលិក នៅស្នងការដ្ឋាននគរបាលខេត្តបាត់ដំបង ព្រមទាំងបានតែងតាំងលោក ម៉ែន បូរី ឱ្យឡើងជំនួសទៅជានាយការិយាល័យស្ដីទី នៃការិយាល័យនគរបាលចរាចរណ៍ផ្លូវគោកខេត្ត។

តាមប្រភពច្បាស់ការមួយបានទម្លាយថា រឿងអាស្រូវនេះត្រូវបានអូសបន្លាយពេលតាំងពីនាយការិយាល័យចាស់នៅគ្រប់គ្រង រហូតមកដល់ពេលនេះគឺរឿងអាស្រូវនេះនៅតែដំណើរការជាធម្មតា ព្រោះសូម្បីតែស្នងការរងទទួលផែនសណ្ដាប់ធ្នាប់ ក៏មិនដែលដឹកនាំកម្លាំងចុះឃាត់រថយន្តកែច្នៃ និងរថយន្តដែលបើកចូលក្រុងដែលមានបំពាក់ logo សម្រាប់ចំណាំនោះដែរ។

ប្រភពច្បាស់ការដែលសុំមិនបញ្ចេញឈ្មោះបានបន្ថែមថា រថយន្តដែលមានការលើកលែងទំនងជាមានការដាក់ខែគឺជារថយន្តដែលមានបំពាក់ស្លាកនៅពីមុខកញ្ចក់ ដូចជា DN. SS. LMH. KH. TH. TS. K. P. R. HC. SL. BC. និង MK ជាដើម។ ក្រៅពីរថយន្តដែលមានពាក់ស្លាកនៅកញ្ចក់ទាំងប៉ុន្មានខាងលើនេះ ក៏នៅមានរថយន្តរបស់ក្រុមហ៊ុននានាជាច្រើនទៀតនៅក្នុងខេត្ត ដែលជាប្រភេទរថយន្តមិនគ្រប់លក្ខណៈ ដូចជា ក្រុមហ៊ុនដឹកគ្រឿងសំណង់ រថយន្តដឹកទឹកកក រថយន្តដឹកដី រថយន្តដឹកអង្កាម និងរថយន្តប្រភេទកែច្នៃផ្សេងៗទៀត បើជាប្រភេទរថយន្តខុសលក្ខណៈបច្ចេកទេស គឺគ្មានកម្លាំងចរាចរណ៍ណាមួយធ្វើការឃាត់ និងនាំយកចូលទៅកាន់ការិយាល័យដើម្បីធ្វើការផាកពិន័យ នោះឡើយ ដែលបច្ចុប្បន្នរថយន្តទាំងនេះកំពុងធ្វើចរាចរណ៍ពេញក្រុងបាត់ដំបងយ៉ាងអនាធិបតេយ្យ។

តាមរយៈទូរសព្ទ លោក ប៉ូវ វណ្ណឌី ស្នងការរងទទួលផែនជាប្រធានផែនសណ្ដាប់ធ្នាប់ (ការិយាល័យចរាចរណ៍ផ្លូវគោក.ការិយាល័យចរាចរណ៍ផ្លូវទឹក.ការិយាល័យទេសចរណ៍.ការិយាល័យបេតិកភណ្ឌ និង ការិយាល័យសណ្ដាប់ធ្នាប់) មិនអាចសុំការបំភ្លឺបានទេ ដោយលោកថាជាប់រវល់។

លោក ម៉ែន បូរី នាយការិយាល័យស្ដីទី នៃការិយាល័យចលាចរណ៍ផ្លូវគោកខេត្តបាត់ដំបង បានបញ្ជាក់ប្រាប់កម្ពុជាថ្មីថា ចាប់តាំងពីលោកត្រូវបានប្រកាសតែងតាំងជានាយការិយាល័យស្ដីទីមួយរយៈនេះរួចមក គឺលោកពុំមានសិទ្ធិបញ្ជាមន្ត្រីចរាចរណ៍ឲ្យចុះទៅធ្វើការចាប់រថយន្តកែច្នៃ សំពីងសំពោង ឬរថយន្តធំចូលក្នុងក្រុងនោះឡើយ ដែលបច្ចុប្បន្នលោកមានសិទ្ធិត្រឹមតែការងាររដ្ឋបាលនៅក្នុងការិយាល័យប៉ុណ្ណោះ ហេតុដូច្នេះរាល់ការដឹកនាំបង្ក្រាប គឺស្ថិតនៅលើលោកស្នងការរង ឯរូបលោកគឺមិនដឹងអ្វីនោះទេ។

យ៉ាងណាក៏ដោយក៏មានមតិមហាជនជាច្រើន បានធ្វើការរិះគន់ទៅលើចំណាត់ការរបស់សមត្ថកិច្ចទៅលើក្រុមរថយន្តដែលបើកឆ្លងកាត់ និងចូលក្រុងដោយសេរី ហាក់គ្មានការអើពើអំពីការបង្ក្រាបរថយន្តទាំងនេះបន្តិចណាសោះ៕

អត្ថបទ៖ សោ និយមរ័ត្ន

The post ធ្លាយរឿងរថយន្តដឹកទំនិញទំនងបង់ខែ ដែលប៉ូលិសចរាចរណ៍ខេត្តបាត់ដំបង មិនបង្ក្រាប appeared first on Kampuchea Thmey Daily.

លោក​ឧត្ដមសេនីយ៍ទោ ហួត សុធី ស្នងការ​នគរបាល​ខេត្ត​សៀមរាប បាន​ឲ្យ​ដឹង​នៅ​ព្រឹក​ថ្ងៃ​ទី ២៣ ខែ​ឧសភា នេះ​ថា កាល​នៅ​ថ្ងៃទី​ ១៨ ខែឧសភា ឆ្នាំ​ ២០២៥ វេលា​ម៉ោង ១៤ និង ០០ នាទី កម្លាំង​នគរបាល​ចរាចរណ៍​ផ្លូវគោក បាន​ដាក់​គោលដៅ​រឹត​បន្តឹង​ការ​អនុវត្ត​ច្បាប់​ចរាចរណ៍​ផ្លូវគោក នៅ​ត្រង់​ចំណុច​ខាងលិច​ស្ពាន​ព្រះឥន្ទ​កោ​សី ស្ថិតនៅ​ក្នុង​ភូមិ​មណ្ឌល​ ៣ សង្កាត់​ស្លក្រាម ក្រុង​សៀមរាប ខេត្ត​សៀមរាប។ លុះដល់​វេលា​ម៉ោង ១៥ និង ២០ នាទី ជនសង្ស័យ​ឈ្មោះ ទី គឹម​ហួរ ភេទ​ប្រុស អាយុ ១៧ ​ឆ្នាំ មុខរបរ​មិន​ពិតប្រាកដ មាន​ទីលំនៅ​បច្ចុប្បន្ន​ភូមិ​តាវៀន សង្កាត់​សាលា​កំរើក ក្រុង​សៀមរាប ខេត្ត​សៀមរាប បាន​ធ្វើ​ដំណើរ​ឆ្លងកាត់​គោលដៅ​រឹតបន្តឹង​ការអនុវត្ត​ច្បាប់​ចរាចរណ៍​ផ្លូវគោក ដោយ​ពុំ​បាន​ពាក់មួក​ការពារ​សុវត្ថិភាព ក៏​ត្រូវ​កម្លាំង​សមត្ថកិច្ច​បញ្ជា​ឲ្យ​ឈប់ តែ​ជនសង្ស័យ​ខាងលើ​មិន​ព្រម​ឈប់​ ហើយ​បាន​ធ្វើ​សកម្មភាព​លើកជើង​ខាងឆ្វេង​របស់​ខ្លួន​ធាក់​ទៅ​លើ​កម្លាំង​នគរបាល​ចរាចរណ៍ ដែល​កំពុង​អនុវត្ត​ច្បាប់​ចរាចរណ៍​ផ្លូវគោក។

ក្រោយ​កម្លាំង​សមត្ថកិច្ច​ធ្វើការ​ឃាត់ខ្លួន​មក​ធ្វើការ​សួរនាំ តាម​ចម្លើយសារភាព​ជនសង្ស័យ ឈ្មោះ ទី គឹម​ហួរ ហៅ​ទុយ បាន​ឆ្លើយ​សារភាព​ថា រូប​ខ្លួន​ពិតជា​បាន​ធ្វើ​សកម្មភាព​លើកជើង​ខាងឆ្វេង​របស់ខ្លួន ធាក់​ទៅលើ​នគរបាល​ចរាចរណ៍​ដែល​កំពុង​រឹតបន្តឹង​ការ​អនុវត្ត​ច្បាប់​ចរាចរណ៍​ផ្លូវគោក​ពិតប្រាកដ​មែន​។ ជនសង្ស័យ​ខាងលើ​ ត្រូវ​បាន​កម្លាំង​ការិយាល័យ​ជំនាញ​កសាង​សំណុំរឿង​បញ្ជូន​ទៅ​សាលា​ដំបូង​ខេត្ត​សៀមរាប ដើម្បី​អនុវត្ត​ឲ្យ​បាន​ត្រឹមត្រូវ​តាម​នីតិវិធី​ច្បាប់។

បច្ចុប្បន្ន ជន​ត្រូវ​ចោទ​រូប​នេះ ត្រូវ​បាន​ចៅក្រម​ស៊ើបសួរ នៃ​សាលាដំបូង​ខេត្ត​សៀមរាប ចេញ​ដីកា​បង្គាប់​ឲ្យ​ឃុំខ្លួន​នៅ​ពន្ធនាគារ​ខេត្ត​សៀមរាប។

សូម​ជម្រាប​ផង​ដែរ​ថា ករណី​បទល្មើស​ចរាចរណ៍​គឺជា​បទលហុ តែ​បើ​ឈាន​ដល់​ការ​ប្រឆាំង ​ឬមួយ​ក៏​បង្ក​ហិង្សា​ដល់​សមត្ថកិច្ច​ដែល​កំពុង​អនុវត្ត​ច្បាប់​គឺ​នឹងត្រូវ​ធ្លាក់​ចូលក្នុង​បទល្មើស​ព្រហ្មទណ្ឌ៕

អត្ថបទ ៖ ជុន កុសល

The post ឃាត់ខ្លួនជនសង្ស័យម្នាក់ធាក់នគរបាលចរាចរណ៍កំពុងដាក់គោលដៅ រឹតបន្តឹងការអនុវត្តច្បាប់ appeared first on Kampuchea Thmey Daily.

ទោះបីជាយ៉ាងណាក៏ដោយ លោក Le Tan Toi ប្រធានគណកម្មាធិការការពារសន្តិសុខ បានគូសបញ្ជាក់កាលពីដើមសប្តាហ៍នេះថា សំណើនេះ នឹងត្រូវបានវាយតម្លៃដោយរដ្ឋសភា មុនពេលអនុម័ត នៅថ្ងៃទី២៦ខែមិថុនាខាងមុខ។

ការ​ដែល​មន្ត្រី​ប៉ូលិស​ចរាចរណ៍​ទុក​ប្រាក់​ពិន័យ​មួយចំនួនឲ្យក្រសួង​មិន​មែន​ជា​រឿង​ថ្មីទេ គ្រាន់តែលើកនេះ ប៉ូលិសនឹងត្រូវយកប្រាក់ទៅរក្សាទុកនៅក្រសួងច្រើនជាងមុនប៉ុណ្ណោះ។

តាមបទប្បញ្ញត្តិដែលមានស្រាប់ ការបែងចែកថវិការបស់ក្រសួងសន្តិសុខសាធារណៈ ត្រូវបានសម្រេចដោយរដ្ឋសភា ពោលគឺក្នុងនោះ ប្រាក់ពិន័យមួយផ្នែកត្រូវយកទៅប្រើប្រាស់ ដើម្បីធានាបាននូវការថែរក្សាសុវត្ថិភាពចរាចរណ៍កាន់តែប្រសើរឡើង ហើយភាគរយនៃប្រាក់ដែលរក្សាទុក នឹងអាស្រ័យលើតម្រូវការប្រចាំឆ្នាំ។

លោក Toi និយាយថា “ចំនួនទឹកប្រាក់នៃការផាកពិន័យដែលរក្សាទុក នឹងជួយឲ្យក្រសួងសន្តិសុខសាធារណៈ ចាប់ផ្តើមគម្រោងស្តីពីការផ្លាស់ប្តូរឌីជីថល វិនិយោគលើប្រព័ន្ធត្រួតពិនិត្យ និងឧបករណ៍ផ្សេងទៀត សម្របសម្រួលចរាចរណ៍ ដោះស្រាយការបំពានចរាចរណ៍ និងសាងសង់មជ្ឈមណ្ឌលទិន្នន័យ”។

សូមបញ្ជាក់ ចាប់ពីឆ្នាំ២០១៨ដល់២០២១ ប្រាក់ពិន័យដែលក្រសួងរក្សាទុកគឺ៧០% ប៉ុន្តែនៅឆ្នាំ២០២២និង២០២៣ ប្រាក់បានកើនឡើងដល់៧៩% ហើយចាប់ពីឆ្នាំ២០២៤ទៅ ប្រាក់ពិន័យដែលនឹងត្រូវរក្សាទុកដោយក្រសួងសន្តិសុខសាធារណៈ នឹងឈានដល់៨៥%៕

អត្ថបទ៖ សុខ សុវណ្ណ

ចុចអាន៖ កោះហៅ​មន្ត្រីនគរបាលចរាចរណ៍ពីររូបមកបញ្ឈរជើង រង់ចាំការសម្រេចពីឧត្ដមសេនីយ៍ឯក ជួន ណារិន្ទ

The post ប៉ូលិសចរាចរណ៍វៀតណាម ត្រូវយកលុយបានពីការផាកពិន័យ ទុកឲ្យក្រសួង appeared first on Kampuchea Thmey Daily.

កូនប្រុស​របស់​លោក Nguyen Dang Tuan ឈ្មោះ Nguyen Trung Anh អាយុ១៨ឆ្នាំ មិន​មាន​ពាក់​មួក​សុវត្ថិភាពទេ ពេល​កំពុង​ជិះ​ម៉ូតូ ហើយ​ត្រូវ​បាន​ប៉ូលិស​ឃាត់។ Anh មិនបានបង្ហាញឯកសារចរាចរណ៍ចាំបាច់ណាមួយឡើយ ហើយក៏ទទួលយកការផាកពិន័យដែរ។

ខណៈពេលមន្ត្រីប៉ូលិសចរាចរណ៍ឈ្មោះ Nguyen Dinh Loi កំពុងបំពេញបែបបទ, Tuan ក៏បានមកសុំឲ្យប៉ូលិសកុំផាកពិន័យ។

ប៉ូលិសមិនព្រមឡើយ ប៉ុន្តែ Tuan នៅតែព្យាយាមយកម៉ូតូនិងកូនប្រុសចាកចេញ។ ពេលប៉ូលិសរារាំងមិនឲ្យគាត់ទៅ Tuan ក៏បានយកកាំបិត ប្រវែង ៤៥សង់ទីម៉ែត្រ ពីម៉ូតូរបស់គាត់ ហើយចាក់ប៉ូលិស ២កាំបិត ចំស្មាតែម្តង។

ប៉ូលិសបាននិយាយកាលពីថ្ងៃចន្ទទី១៧ខែតុលាថា បុរសជាឪពុកអាយុ ៤១ ឆ្នាំត្រូវបានចាប់ខ្លួនដើម្បីស៊ើបអង្កេតពីបទ “ប្រឆាំងនឹងមន្ត្រីអនុវត្តច្បាប់ក្នុងពេលបំពេញតួនាទី”៕

ប្រែសម្រួល៖ Vann Vann

ប្រភព៖ VN Express

ចុចអាន៖ គំរាមដកស័ក្ដិ​ប៉ូលិសចរាចរណ៍ ខណៈខ្លួនជិះល្មើសច្បាប់(មានវីដេអូ)

The post បុរសវៀតណាម ចាក់ប៉ូលិសចរាចរណ៍ ២កាំបិត ដោយសារផាកពិន័យកូន  appeared first on Kampuchea Thmey Daily.