លោកវេជ្ជបណ្ឌិត អ៊ុក វិជ្ជា ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍សើស្បែក និងកាមរោគ នៃក្រសួងសុខាភិបាល បានមានប្រសាសន៍នៅព្រឹកថ្ងៃទី ២៨ ឧសភា នេះថា ក្រសួងសុខាភិបាល បាននិងកំពុងផ្តល់សេវាបង្ការ ថែទាំ និងព្យាបាលនៅទូទាំងប្រទេស ដោយគិតត្រឹមត្រីមាសទី ១ ឆ្នាំ ២០២៦ មានអ្នកផ្ទុករស់នៅជាមួយមេរោគអេដស៍ ចំនួន ៧២ ៤៤០ នាក់ កំពុងទទួលសេវាព្យាបាលដោយឱសថប្រឆាំងមេរោគអេដស៍ នៅតាមសេវាចំនួន ៧៤ កន្លែង ក្នុងរាជធានី ខេត្ត ទាំង ២៥ ក្នុងនោះ មាន ៧២ កន្លែង ស្ថិតក្នុងមូលដ្ឋានសុខាភិបាលសាធារណៈ និង ២ កន្លែងទៀត ដំណើរការដោយអង្គការមិនមែនរដ្ឋាភិបាល (មន្ទីរពេទ្យកុមារអង្គរ និងគ្លីនិកឈូកស)។

លោកវេជ្ជបណ្ឌិត បានបន្តថា ក្នុងចំណោមអ្នកជំងឺ ៧២ ៤៤០ នាក់ កំពុងទទួលសេវាព្យាបាលដោយឱសថប្រឆាំងមេរោគអេដស៍ ក្នុងនោះមានអ្នកជំងឺ ៥៥ ១៩៨ នាក់ ស្មើនឹង ៧៦,១៨% បានទទួលប័ណ្ណមូលនិធិសមធម៌សុខាភិបាល ហើយនឹងបន្តចុះបញ្ជីជាបន្តបន្ទាប់។

លោកវេជ្ជបណ្ឌិត បានបន្តថា «ការផ្តល់ប័ណ្ណសមធម៌ជូនដល់អ្នកផ្ទុកមេរោគអេដស៍នេះ នៅមិនទាន់ដឹងថា នឹងបញ្ចប់នៅពេលណាទេ ដោយសារមានអ្នកជំងឺចាស់ និងថ្មី មកស្នើសុំជាបន្តបន្ទាប់ ប៉ុន្តែអ្នកផ្ទុកមេរោគអេដស៍ អាចទទួលបានប័ណ្ណសមធម៌នេះបាន ទាមទារឱ្យចុះបញ្ជីនៅតាមទីតាំងដែលគាត់ទៅទទួលសេវាតាមរយៈថេបប្លែកជាប្រព័ន្ធឌីជីថលតភ្ជាប់ប្រព័ន្ធទិន្នន័យជាមួយក្រសួងផែនការ ហើយការងារនេះ ក៏មានសហការជាមួយអង្គការ យូអេស អេអាយឌី អង្គការយូអិនអេដស៍ អង្គការយូអិនឌីភី»។

លោកវេជ្ជបណ្ឌិត បានបន្តទៀតថា អ្នកផ្ទុកមេរោគអេដស៍ទទួលបានប័ណ្ណសមធម៌ពិតជាមានសារៈសំខាន់ណាស់ក្នុងការចូលរួមកាត់បន្ថយការចំណាយច្រើននៅក្នុងគ្រួសារ ព្រោះពួកគាត់ទទួលបានការលើកលែងបង់ប្រាក់ពេលទៅពិនិត្យ និងព្យាបាលជំងឺផ្សេងៗ នៅតាមមន្ទីរពេទ្យរដ្ឋ ដោយរាជរដ្ឋាភិបាលជាអ្នកបង់ថ្លៃជំនួសជួយរួមចំណែកកាត់បន្ថយការចំណាយផ្សេងៗ ក្នុងគ្រួសារ លើកស្ទួយជីវភាពកាន់តែប្រសើរ។

លោកវេជ្ជបណ្ឌិត បានអំពាវនាវដល់អ្នកសង្ស័យថាមានផ្ទុកមេរោគអេដស៍ ត្រូវក្លាហានចេញមកធ្វើតេស្តឈាមរកមេរោគអេដស៍ ដើម្បីទទួលបានការព្យាបាលជំងឺត្រឹមត្រូវ និងទទួលបានប័ណ្ណសមធម៌ ដើម្បីទទួលបានអត្ថប្រយោជន៍ជាច្រើនពីរាជរដ្ឋាភិបាល។ ចំណែកអ្នកផ្ទុកមេរោគអេដស៍ ត្រូវព្យាបាលឱ្យបានទៀងទាត់ជាប់លាប់ និងត្រឹមត្រូវ ពោលគឺអនុវត្តទៅតាមការណែនាំរបស់គ្រូពេទ្យ ហើយកាលណាអ្នកជំងឺព្យាបាលបានត្រឹមត្រូវ នឹងអាចរស់នៅបានយូរអង្វែងដូចប្រជាពលរដ្ឋធម្មតាដែរ។

គួរបញ្ជាក់ថា តាមការប៉ាន់ស្មាននៅឆ្នាំ ២០២៤ កម្ពុជា មានចំនួនអ្នករស់នៅជាមួយមេរោគអេដស៍ប្រមាណ ៧៦ ០០០ នាក់ ក្នុងនោះមានអ្នកជំងឺ ៧២ ៤៤០ នាក់ កំពុងទទួលសេវាព្យាបាលដោយឱសថប្រឆាំងមេរោគអេដស៍ហើយ ប្រហែលនៅសល់អ្នករស់នៅជាមួយមេរោគអេដស៍ជាង ៣៥ ០០០ នាក់ នៅមិនទាន់បានដឹងខ្លួន និងមិនទាន់បានធ្វើតេស្ត និងទទួលសេវាព្យាបាលនៅឡើយទេ ខណៈក្នុង ១ ឆ្នាំៗ មានអ្នកឆ្លងថ្មី នៃមេរោគអេដស៍ប្រមាណ ១ ២០០ នាក់ និងស្លាប់ប្រមាណ ១ ១០០ នាក់៕
អត្ថបទ ៖ សំអឿន

The post អ្នកផ្ទុកមេរោគអេដស៍ជាង ៥៥ ០០០ នាក់ ទទួលបានបណ្ណមូលនិធិសមធម៌ពីរាជរដ្ឋាភិបាល appeared first on Kampuchea Thmey Daily.

លោក​ កង​ វង​ ចៅសង្កាត់ចោមចៅទី១​ បានបញ្ជាក់ថា​ ប័ណ្ណសម្គាល់គ្រួសារនេះ​ រឺហៅថាប័ណ្ណសមធម៌​ គឺអាចជួយកាត់បន្ថយដល់គ្រួសារក្រីក្រ​ នៅពេលដែលពួកគាត់មានជំងឺឈឺថ្កាត់ ហេីយទៅព្យាបាលដោយមានការលេីកលែងមិនមានការបង់ប្រាក់នោះទេ​។ ប័ណ្ណសម្គាល់គ្រួសារ ឬប័ណ្ណសមធម៌នេះ អាចយកទៅប្រេីប្រាស់បានគ្រប់មន្ទីរពេទ្យរដ្ឋទាំងអស់នៅទូទាំងព្រះរាជាណាចក្រកម្ពុជា។

លោកចៅសង្កាត់ តំណាងឲ្យប្រជាពលរដ្ឋទាំងអស់ សូមគោរពថ្លែងអំណគុណដល់រាជរដ្ឋាភិបាលដែលតែងតែយកចិត្តទុកដាក់សម្រាប់ប្រជាជន ជាពិសេសអ្នកដែលមានជីវភាពខ្វះខាត៕

អត្ថបទ៖ សុខា

The post អាជ្ញាធរសង្កាត់ចោមចៅទី១ចុះចែកប័ណ្ណសមធម៌ដល់ពលរដ្ឋក្រីក្រក្នុងភូមិគោកចំបក់ appeared first on Kampuchea Thmey Daily.

១. ប័ណ្ណសមាជិក ប.ស.ស.

ប័ណ្ណសមាជិក ប.ស.ស. ចេញដោយ បេឡាជាតិសន្តិសុខសង្គម។ អត្ថប្រយោជន៍នៃប័ណ្ណនេះ សម្រាប់ប្រើសេវាផ្នែកថែទាំសុខភាពឥតគិតថ្លៃនៅតាមមណ្ឌលសុខភាព និងមន្ទីពេទ្យរដ្ឋ និងឯកជនទូទាំងប្រទេសដែលជាដៃគូជាមួយ ប.ស.ស. ផ្នែកហានិភ័យការងារ ផ្នែកប្រាក់សោធន និងតាវកាលិកនានា។ រាល់បន្ទុកចំណាយជារបស់បេឡាជាតិសន្តិសុខសង្គម។

២. ប័ណ្ណមូលនិធិសមធម៌សុខាភិបាល

ប័ណ្ណនេះមាន ២ប្រភេទ ទី១) សម្រាប់ ក្រុមប្រឹក្សាឃុំ-សង្កាត់-ស្រុក-ក្រុង-ខណ្ឌ-រាជធានី-ខេត្ត និងសម្រាប ទី២) សម្រាប់កម្មករនិយោជិតក្រៅប្រព័ន្ធ។ ប័ណ្ណមូលនិធិសមធម៌សុខាភិបាលចេញដោយ បេឡាជាតិសន្តិសុខសង្គម ដែលមានអត្ថប្រយោជន៍ សម្រាប់ប្រើប្រាស់សេវាផ្នែកថែទាំសុខភាពឥតគិតថ្លៃនៅតាមមណ្ឌលសុខភាព និងមន្ទីពេទ្យរដ្ឋ ទូទាំងប្រទេស។ ប័ណ្ណនេះ បន្ទុកចំណាយដោយ រាជរដ្ឋាភិបាល។

៣. ប័ណ្ណសមធម៌

ប័ណ្ណសមធម៌ គឺសម្រាប់គ្រួសារក្រីក្រកម្រិត១ និងកម្រិត២ ចេញដោយក្រសួងផែនការ ដែលអាចប្រើសេវាថែទាំសុខភាពឥតគិតថ្លៃ នៅតាមមណ្ឌលសុខភាព និងមន្ទីពេទ្យរដ្ឋ ទូទាំងប្រទេស និងអត្ថប្រយោជន៍មិនមែនវេជ្ជសាស្ត្រ (ឧបត្ថម្ភសេវាសាហ៊ុយធ្វើដំណើរ ថ្លៃអាហារអ្នកជំងឺ និងវិភាគទានបុណ្យសព)។ បន្ទុកចំណាយដោយ រាជរដ្ឋាភិបាល។

៤. ប័ណ្ណអាទិភាពទទួលសេវាសុខភាពសាធារណៈ

ប័ណ្ណនេះ សម្រាប់អ្នកជំងឺសម្រាកនៅមន្ទីរពេទ្យរដ្ឋ (គ្រួសារក្រីក្រដែលគ្មានប័ណ្ណសមធម៌)។ ជាប្រភេទប័ណ្ណចេញដោយក្រសួងសុខាភិបាល ដើម្បីប្រើសេវាផ្នែកថែទាំសុខភាពឥតគិតថ្លៃ នៅតាមមណ្ឌលសុខភាព និងមន្ទីរពេទ្យរដ្ឋទូទាំងប្រទេស និងអត្ថប្រយោជន៍មិនមែនវេជ្ជសាស្ត្រ (ឧបត្ថម្ភសេវាសាហ៊ុយធ្វើដំណើរ ថ្លៃអាហារអ្នកជំងឺ និងវិភាគទានបុណ្យសព)។ បន្ទុកចំណាយដោយ រាជរដ្ឋាភិបាល៕

The post ឈ្វេងយល់ អំពីប្រភេទប័ណ្ណសម្រាប់ប្រើប្រាស់សេវាថែទាំសុខភាពដោយឥតគិតថ្លៃ appeared first on Kampuchea Thmey Daily.

ការអញ្ជើញ​ចុះ​ត្រួតពិនិត្យ​នេះ​បាន​ធ្វើឡើង​បន្ទាប់ពី​មាន​ប្រជាពលរដ្ឋ​មក​ទទួល​សេវា​កាន់តែ​ច្រើន​ឡើងៗ ពីមួយថ្ងៃ​ទៅមួយថ្ងៃ​ ពិសេស​អ្នកប្រើប្រាស់ ប​.​ស​.​ស​. និង​មូលនិធិ​សមធម៌​សុខាភិបាល។ ការ​កើនឡើង​ នៃ​ការ​មក​ទទួល​បម្រើសេវា​នាពេលនេះ បង្ហាញ​ពី​ការជឿទុកចិត្ត និង​ភាព​រីកចម្រើន​លើ​សេវា​សាធារណៈ។

ទន្ទឹមនឹង​ការរីកចម្រើន ក្នុងនាម​ថ្នាក់ដឹកនាំ​ក្រសួងសុខាភិបាល ក៏ដូចជា​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​ណែនាំ និង​បន្ត​ជំរុញ​ឱ្យ​ថ្នាក់ដឹកនាំ​មន្ទីរពេទ្យ និង​ផ្នែក ប​.​ស​.​ស​. កាន់តែ​បន្ត​យកចិត្តទុកដាក់​ខ្ពស់​បន្ថែមទៀត ដោយ​ស្របតាម​ការអនុវត្ត​ នៃ​វិធានការ​គន្លឹះ​ក្នុង​វិស័យ​សុខាភិបាល ក្នុង​គោលដៅ​លើកកម្ពស់​គុណភាព​សេវា​សុខាភិបាល ឈាន​ឆ្ពោះទៅ​សម្រេច​បានការ​គ្របដណ្ដប់​សុខភាព​ជា​សកល។

ឆ្លៀត​ក្នុងឱកាស​នោះដែរ លោក​សាស្ត្រាចារ្យ រដ្ឋមន្ត្រី​ក្រសួងសុខាភិបាល និង លោក​រដ្ឋមន្ត្រីក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​ជួប​សំណេះសំណាល និង​សួរសុខទុក្ខ​អ្នកជំងឺ គ្រួសារ​អ្នកជំងឺ ដែល​មក​ទទួល​សេវា​នៅ​មន្ទីរពេទ្យ​ព្រះ​អង្គឌួង ដើម្បី​ស្វែងយល់​ពី​ការបម្រើ​សេវា​របស់​មន្ត្រី​សុខាភិបាល ក្នុងការ​ពង្រឹងគុណភាព​បម្រើសេវា​ប្រកបដោយ​ប្រសិទ្ធភាព ស័ក្ដិសិទ្ធិ​ភាព ជាមួយ​ក្រមសីលធម៌​វិជ្ជាជីវៈ និង​ដោយ​មិនមាន​ការរើសអើង។

ជា​ចុងក្រោយ រដ្ឋមន្ត្រី​ទាំងពីរ បាន​សំដែង​នូវ​ការ​កោតសរសើរ​ដល់​ក្រុមការងារ​ទាំងអស់ ទាំង​មន្ទីរពេទ្យ និង​ ប​.​ស​.​ស​. អំពី​ការខិតខំ​បម្រើសេវា​ជូន​ប្រជាពលរដ្ឋ ដែល​ប្រៀបបាន​ដូចជា​កូន ជា​ចៅ និង​ក្រុមគ្រួសារ​ផ្ទាល់ ដោយបាន​បង្ហាញ​ពី​ភាពកក់ក្តៅ រួសរាយ​រាក់ទាក់ និង​ក្នុង​ឥរិយាបថ​ល្អ សំដៅ​គុណភាព ប្រសិទ្ធភាព និង​ស័ក្ដិសិទ្ធិ​ភាព។

ក្នុងនោះដែរ លោក​រដ្ឋមន្ត្រី ឈាង រ៉ា បាន​ណែនាំ​ឱ្យ​រៀបចំ​ឱ្យ​មាន​ភាព​កាន់តែ​ល្អប្រសើរ​បន្ថែមទៀត ដោយ​ត្រូវ​ចុះ​ពិនិត្យ និង​ជួយ​សម្រួល​ឱ្យ​បាន​ញឹកញាប់​ដល់ពលរដ្ឋ​ដែល​រង់ចាំ មិនត្រូវ​មើលរំលង​ករណី​តម្រូវ​ការជួយ​បន្ទាន់ ករណី​ចាស់ជរា ពិការភាព ករណី​ផ្ទៃពោះ ជាដើម និង​បន្ត​រក្សា​ប្រសិទ្ធភាព នៃ​ការ​បម្រើសេវា​ឱ្យនៅ​តែមាន​គុណភាព ជាមួយនឹង​ការបង្កើត​យន្តការ​រៀបចំ​ផែនការ​រយៈពេល​ខ្លី និង​រយៈពេល​វែង ដោយ​ពិនិត្យ​យ៉ាង​ល្អិតល្អន់​បំផុត៕

អត្ថបទ ៖ សំអឿន

The post រដ្ឋមន្ត្រីចំនួនពីរក្រសួង ចុះពិនិត្យផ្តល់សេវាការប្រើប្រាស់បណ្ណមូលនិធិសមធម៌ និង ប.ស.ស នៅមន្ទីរពេទ្យព្រះអង្គឌួង appeared first on Kampuchea Thmey Daily.

លោក​វេជ្ជបណ្ឌិត អ៊ុក វិជ្ជា ប្រធាន​មជ្ឈមណ្ឌល​ជាតិ​ប្រយុទ្ធ​នឹង​ជំងឺ​អេដស៍​សើ​ស្បែក និង​កាមរោគ នៃ​ក្រសួងសុខាភិបាល ​បាន​មាន​ប្រសាសន៍​កាលពី​ថ្មីៗ នេះ​ថា ចាប់​តាំងពី​ត្រីមាស​ទី ១ ឆ្នាំ ២០២២ រហូតមកដល់​ឆ្នាំ ២០២៤ កន្លង​ទៅ​នេះ យើង​បាន​ផ្តល់​ប័ណ្ណ​សមធម៌​ជូន​ដល់​អ្នក​ផ្ទុក​មេរោគ​អេដស៍​បាន​ចំនួន ៤៦,១៩៤​ នាក់​ ស្មើនឹង​ ៦៦%​ នៃ​អ្នក​កំពុង​ទទួល​ការ​ព្យាបាល​ដោយ​ឱសថ​ប្រឆាំង​មេរោគ​អេដស៍​ចំនួន ​៦៩ ៩៩៤ នាក់ នៅ​ទូទាំង​ប្រទេស។

លោក​វេជ្ជបណ្ឌិត បាន​បន្តថា ការ​ផ្តល់​ប័ណ្ណ​សមធម៌​ជូន​ដល់​អ្នក​ផ្ទុក​មេរោគ​អេដស៍​នេះ យើង​នៅ​មិន​ទាន់​ដឹង​ថា នឹង​បញ្ចប់​នៅ​ពេលណា​ទេ ដោយសារ​មាន​អ្នកជំងឺ​ចាស់ និង​ថ្មី មក​ស្នើសុំ​ជា​បន្តបន្ទាប់។

លោក​វេជ្ជបណ្ឌិត បាន​ពន្យល់​ថា អ្នក​ផ្ទុក​មេរោគ​អេដស៍ អាច​ទទួល​បាន​ប័ណ្ណ​សមធម៌​នេះ​បាន​ទាមទារ​ឱ្យ​ចុះបញ្ជី​នៅ​តាម​ទីតាំង​ដែល​គាត់​ទៅ​ទទួល​សេវា​តាមរយៈ​ថេប​ប្លែក​ជា​ប្រព័ន្ធ​ឌីជីថល​ដែល​ត​ភ្ជាប់​ប្រព័ន្ធ​ទិន្នន័យ​ជាមួយ​ក្រសួងផែនការ ហើយ​ការងារ​នេះ​ក៏​មាន​សហការ​ជាមួយ​អង្គការ យូ​អេស អេ​អាយ​ឌី អង្គការ​យូ​អិន​អេដស៍ អង្គការ​យូ​អិន​ឌី​ភី។

លោក​វេជ្ជបណ្ឌិត បាន​បន្តទៀតថា អ្នក​ផ្ទុកមេរោគ​អេដស៍​ទទួលបាន​ប័ណ្ណ​សមធម៌​ពិត​ជាមាន​សារៈសំខាន់​ណាស់​ក្នុង​ការចូលរួម​កាត់បន្ថយ​ការចំណាយ​ច្រើន​នៅក្នុង​គ្រួសារ​ ព្រោះ​ពួកគាត់​ទទួល​បាន​ការលើកលែង​បង់​ប្រាក់​ពេល​ទៅ​ពិនិត្យ និង​ព្យាបាល​ជំងឺ​ផ្សេងៗ​ នៅ​តាម​មន្ទីរពេទ្យ​រដ្ឋ​ ដោយ​រាជរដ្ឋាភិបាល​ជា​អ្នក​បង់ថ្លៃ​ជំនួស។

លោក​វេជ្ជបណ្ឌិត បាន​បន្ថែម​ទៀត​ថា «ការ​ផ្តល់​ជូន​ប័ណ្ណ​សមធម៌​ដល់​អ្នកជំងឺ​អេដស៍​បាន​ជួយ​សម្រួល​ដល់​ការ​រស់នៅ​របស់​ពួកគាត់​បាន​ល្អ​ប្រសើរ ព្រោះថា​ក្រៅពី​ការ​មក​ទទួល​សេវា​ព្យាបាល​ជំងឺ​អេដស៍​ដោយ​ឥតគិតថ្លៃ​ហើយ ពួកគាត់​អាច​ទៅ​ព្យាបាល​នៅ​តាម​មន្ទីរពេទ្យ​រដ្ឋ​ឥតគិតថ្លៃ​ផង​ដែរ ដែល​បាន​ជួយ​រួមចំណែក​កាត់បន្ថយ​ការ​ចំណាយ​ផ្សេងៗ ក្នុង​គ្រួសារ លើកស្ទួយ​ជីវភាព​កាន់តែ​ប្រសើរ​»។

លោក​វេជ្ជបណ្ឌិត បាន​អំពាវនាវ​ដល់​អ្នក​សង្ស័យ​ថា​មាន​ផ្ទុកមេរោគ​អេដស៍ ត្រូវ​ក្លាហាន​ចេញមក​ធ្វើតេស្ត​ឈាម​រក​មេរោគ​អេដស៍ ដើម្បី​ទទួលបាន​ការព្យាបាល​ជំងឺ​ត្រឹមត្រូវ និង​ទទួល​បាន​ប័ណ្ណ​សមធម៌ ​ដើម្បី​ទទួល​បាន​អត្ថប្រយោជន៍​ជាច្រើន​ពី​រាជរដ្ឋាភិបាល​។ ចំណែក​អ្នក​ផ្ទុកមេរោគ​អេដស៍ ត្រូវ​ព្យាបាល​ឱ្យបាន​ទៀត​ទាត់​ជាប់លាប់ ​និង​ត្រឹមត្រូវ​ ពោលគឺ​អនុវត្ត​ទៅតាម​ការណែនាំ​របស់​គ្រូពេទ្យ​ ហើយ​កាលណា​អ្នកជំងឺ​ព្យាបាល​បាន​ត្រឹមត្រូវ​ នឹង​អាច​រស់នៅ​បាន​យូរ​អង្វែង​ដូច​ប្រជាពលរដ្ឋ​ធម្មតា​ដែរ។

គួរ​បញ្ជាក់​ថា តាម​ការ​ប៉ាន់ស្មាន​នៅ​ឆ្នាំ ២០២៤​ កម្ពុជា មាន​ចំនួន​អ្នក​រស់នៅ​ជាមួយ​មេរោគ​អេដស៍​ប្រមាណ ៧៦ ០០០ នាក់ ក្នុង​នោះ​មាន​អ្នកជំងឺ​អេដស៍​សកម្ម​ដែល​កំពុង​ទទួល​សេវា​ព្យាបាល​ដោយ​ឱសថ​ប្រឆាំង​មេរោគ​អេដស៍​ទាំង ៧៤ កន្លែង ចំនួន ៦៩ ៩៩៤ នាក់ ហើយ​ប្រហែល​នៅសល់​អ្នក​រស់នៅ​ជាមួយ​មេរោគ​អេដស៍ ៦ ០០០ នាក់ ទៅ ៧ ០០០ នាក់ នៅ​មិនទាន់​បាន​ដឹង​ខ្លួន និង​មិនទាន់​បាន​ធ្វើតេស្ត និង​ទទួល​សេវា​ព្យាបាល​នៅឡើយ​ទេ ខណៈ​ក្នុង ១ ឆ្នាំៗ មាន​អ្នក​ឆ្លង​ថ្មី​ នៃ​មេរោគ​អេដស៍​ប្រមាណ ១ ២០០ នាក់ និង​ស្លាប់​ប្រមាណ ១ ១០០ នាក់៕

អត្ថបទ ៖ សំអឿន

The post ត្រឹមឆ្នាំ ២០២៤ រាជរដ្ឋាភិបាល ផ្ដល់ប័ណ្ណសមធម៌ជូនអ្នកជំងឺអេដស៍ ជាង ៤ ម៉ឺន ៦ ពាន់នាក់ ស្មើនឹង ៦៦% appeared first on Kampuchea Thmey Daily.

លោក​វេជ្ជបណ្ឌិត អ៊ុក វិជ្ជា ប្រធាន​មជ្ឈមណ្ឌល​ជាតិ​ប្រយុទ្ធ​នឹង​ជំងឺ​អេដស៍​សើស្បែក និង​កាមរោគ បាន​មាន​ប្រសាសន៍​នៅ​រសៀល​ថ្ងៃ​ទី ២១ វិច្ឆិកា នេះ​ថា ចាប់​តាំងពី​ត្រីមាស​ទី ១ ឆ្នាំ ២០២២ រហូត​មក​ដល់​ចុងខែ​កញ្ញា ឆ្នាំ ២០២៤ កន្លង​ទៅ​នេះ យើង​បាន​ផ្តល់​ប័ណ្ណ​សមធម៌​ជូន​ដល់​អ្នក​ផ្ទុក​មេរោគ​អេដស៍​បាន​ចំនួន ៤៦ ២០២ នាក់ ស្មើនឹង ៦៧% នៃ​អ្នកជំងឺ​ដែល​មក​ទទួល​ការ​ព្យាបាល​ដោយ​ឱសថ​ប្រឆាំង​នឹង​មេរោគ​អេដស៍ ART ចំនួន ៦៩ ៤១៣ នាក់។

លោក​វេជ្ជបណ្ឌិត បាន​បន្ត​ថា ការ​ផ្តល់​ប័ណ្ណ​សមធម៌​ជូន​ដល់​អ្នក​ផ្ទុកមេរោគ​អេដស៍​នេះ ​យើង​នៅ​មិន​ទាន់​ដឹង​ថា​ នឹង​បញ្ចប់​នៅពេលណា​ទេ ​ដោយសារ​មាន​អ្នកជំងឺ​ចាស់ ​និង​ថ្មី​ មក​ស្នើសុំ​ជា​បន្តបន្ទាប់។

លោក​វេជ្ជបណ្ឌិត បាន​ពន្យល់​ថា អ្នក​ផ្ទុក​មេរោគ​អេដស៍​ អាច​ទទួល​បាន​ប័ណ្ណ​សមធម៌​នេះ​បាន​ទាមទារ​ឱ្យ​ចុះបញ្ជី​នៅតាម​ទីតាំង​ដែល​គាត់​ទៅ​ទទួល​សេវា​តាមរយៈ​ថេប​ប្លែក​ជា​ប្រព័ន្ធ​ឌីជីថល​ដែល​ត​ភ្ជាប់​ប្រព័ន្ធ​ទិន្នន័យ​ជាមួយ​ក្រសួងផែនការ​ ហើយ​ការងារ​នេះ​ក៏មាន​សហការ​ជាមួយ​អង្គការ យូ​អេស អេ​អាយ​ឌី អង្គការ​យូ​អិន​អេដស៍ អង្គការ​យូ​អិន​ឌី​ភី។

លោក​វេជ្ជបណ្ឌិត បាន​បន្ត​ទៀត​ថា «​យ៉ាងណាក៏ដោយ​ មាន​អ្នកជំងឺ​ខ្លះ​គាត់​មាន​ប័ណ្ណ​សមធម៌​រួច​ហើយ​ អីចឹង​គាត់​មិន​ធ្វើ​ទៀត​ទេ​។ ខ្លះទៀត​គាត់​អត់​ចង់បាន​ប័ណ្ណ​នេះ​ទេ​ដោយសារ​គាត់​អត់​ចង់​ប្រាប់​អត្តសញ្ញាណ​របស់គាត់​ឱ្យគេ​ដឹង​ និង​មាន​មួយចំនួនទៀត​មិនមាន​សៀវភៅ​គ្រួសារ​ និង​អត្តសញ្ញាណប័ណ្ណ​ជាដើម​ ទើប​មិនអាច​ចុះបញ្ជី​ធ្វើ​ប័ណ្ណ​សមធម៌​បាន​»។

លោក​វេជ្ជបណ្ឌិត បាន​បន្ថែម​ទៀតថា ការផ្តល់ជូន​ប័ណ្ណ​សមធម៌​ដល់​អ្នកជំងឺ​អេដស៍​បាន​ជួយ​សម្រួល​ដល់​ការ​រស់នៅ​របស់​ពួកគាត់​បាន​ល្អ​ប្រសើរ​ ព្រោះថា​ក្រៅពី​ការ​មក​ទទួល​សេវា​ព្យាបាល​ជំងឺ​អេដស៍​ដោយ​ឥតគិតថ្លៃ​ហើយ​ ពួកគាត់​អាច​ទៅ​ព្យាបាល​នៅ​តាម​មន្ទីរពេទ្យ​រដ្ឋ​ឥតគិតថ្លៃ​ផង​ដែរ ដែល​បាន​ជួយ​រួមចំណែក​កាត់បន្ថយ​ការ​ចំណាយ​ផ្សេងៗ ​ក្នុង​គ្រួសារ​ លើកស្ទួយ​ជីវភាព​កាន់តែ​ប្រសើរ។

លោក​វេជ្ជបណ្ឌិត ​សូម​អំពាវនាវ​ដល់​អ្នក​សង្ស័យថា​មាន​ផ្ទុក​មេរោគ​អេដស៍ ​ត្រូវ​ក្លាហាន​ចេញមក​ធ្វើ​តេស្ត​ឈាម​រក​មេរោគ​អេដស៍​ ដើម្បី​ទទួលបាន​ការព្យាបាល​ជំងឺ​ត្រឹមត្រូវ​ និង​ទទួលបាន​ប័ណ្ណ​សមធម៌​ដើម្បី​ទទួលបាន​អត្ថប្រយោជន៍​ជាច្រើន​ពី​រាជរដ្ឋាភិបាល។

គួរ​បញ្ជាក់​ថា បច្ចុប្បន្ន​កម្ពុជា​ត្រូវបាន​គេ​ប៉ាន់ស្មាន​ថា ​មាន​អ្នក​ផ្ទុក​ជំងឺ​អេដស៍​ប្រមាណ ៧៦ ០០០ នាក់ ក្នុង​នោះ​មាន​អ្នកជំងឺ​អេដស៍​សកម្ម​ដែល​បាន​មក​ទទួល​សេវា​ព្យាបាល​ដោយ​ឱសថ​ប្រឆាំង​មេរោគ​អេដស៍​ទាំង​ ៧២ ​កន្លែង ​ចំនួន​ ៦៩ ៤១៣ ​នាក់ និង​អ្នកជំងឺ​សង្ស័យ​ជាង ៧ ០០០ នាក់ នៅ​មិនទាន់​បាន​មក​ធ្វើតេស្ត​ និង​ទទួល​សេវា​ព្យាបាល​នៅឡើយ​ទេ​ ខណៈ​ក្នុង ​១ ​ឆ្នាំ មាន​អ្នក​ឆ្លង​ថ្មី​ នៃ​មេរោគ​អេដស៍​ប្រមាណ​ ១ ២០០​ នាក់​ និង​ស្លាប់​ប្រមាណ​ ១ ០០០ នាក់៕

អត្ថបទ ៖ សំអឿន

The post រាជរដ្ឋាភិបាល ផ្ដល់ប័ណ្ណសមធម៌ជូនអ្នកជំងឺអេដស៍បានជាង ៤ ម៉ឺន ៦ ពាន់នាក់ ស្មើនឹង ៦៧% appeared first on Kampuchea Thmey Daily.

លោក​វេជ្ជបណ្ឌិត អ៊ុក វិជ្ជា ប្រធាន​មជ្ឈមណ្ឌល​ជាតិ​ប្រយុទ្ធ​នឹង​ជំងឺអេដស៍​សើរ​ស្បែក​ និង​កាមរោគ​បានឱ្យដឹងថា ​បច្ចុប្បន្ន​ក​ម្ពុ​ជា​ត្រូវបាន​គេ​ប៉ាន​ស្មានថា​មាន​អ្នក​ផ្ទុក​ជំងឺអេដស៍​ប្រមាណ​ ៧៦ ០០០ នាក់ ​ក្នុងនោះ​មាន​អ្នកជំងឺ​អេដស៍​សកម្ម​ដែល​បានមក​ទទួល​សេវា​ព្យាបាល​ដោយ​ឱសថ​ប្រឆាំង​មេរោគ​អេដស៍​ទាំង​ ៧២ ​កន្លែង​ ចំនួន​ ៦៨ ៨០២ ​នាក់​ និង​អ្នកជំងឺ​សង្ស័យ​ជាង ​៧ ០០០ ​នាក់ ​នៅ​មិន​ទាន់​បាន​មក​ធ្វើតេស្ត​ និង​ទទួល​សេវា​ព្យាបាល​នៅឡើយ​ទេ​ ខណៈ​ក្នុង​ ១ ​ឆ្នាំ មាន​អ្នក​ឆ្លង​ថ្មី នៃ​មេរោគ​អេដស៍​ប្រមាណ​ ១ ២០០ នាក់​ និង​ស្លាប់​ប្រមាណ​ ១ ០០០ នាក់។

លោក​វេជ្ជបណ្ឌិត​បាន​បន្ត​ថា​ ក្នុងចំណោម​អ្នកជំងឺ​អេដស៍​សកម្ម​ដែល​បានមក​ទទួល​សេវា​ព្យាបាល​ដោយ​ឱសថ​ប្រឆាំង​មេរោគ​អេដស៍ ចំនួន​ ៦៨ ៨០២​ នាក់ ​មជ្ឈមណ្ឌល​ជាតិ​បាន​សហការ​ជាមួយ​ភាគី​ពាក់ព័ន្ធ​ដំណើរការ​ចុះឈ្មោះ​អ្នកជំងឺ​អេដស៍​ទទួល​បាន​ប័ណ្ណ​សមធម៌​ចំនួន​ ៣៩ ១៨៧​ នាក់ ស្មើនឹង ​៥៧%​ គិត​ត្រឹម​ត្រី​ទី ​២ ​ឆ្នាំ ​២០២៤ នេះ។

លោក​វេជ្ជបណ្ឌិត​បាន​បន្ត​ទៀតថា ​ការផ្តល់ជូន​ប័ណ្ណ​សមធម៌​ដល់​អ្នកជំងឺ​អេដស៍​បាន​ជួយ​សម្រួល​ដល់​ការរស់នៅ​របស់​ពួកគាត់​បានល្អ​ប្រសើរ​ ព្រោះថា​ក្រៅពី​ការ​មក​ទទួល​សេវា​ព្យាបាល​ជំងឺអេដស៍​ដោយ​ឥតគិតថ្លៃ​ហើយ​ ពួកគាត់​អាច​ទៅ​ព្យាបាល​នៅតាម​មន្ទីរពេទ្យ​រដ្ឋ​ឥតគិតថ្លៃ​ផងដែរ​ ដែល​បាន​ជួយ​រួមចំណែក​កាត់បន្ថយ​ការចំណាយ​ផ្សេងៗ ​ក្នុង​គ្រួសារ​លើកស្ទួយ​ជីវភាព​កាន់តែ​ប្រសើរ។

លោក​វេជ្ជបណ្ឌិត​ បាន​បន្ថែម​ថា តាម​គម្រោង​យើង​នឹង​ខិតខំ​ផ្តល់​ប័ណ្ណ​សមធម៌​ជូន​ដល់​អ្នក​ជំងឺ​អេដស៍​ដែល​នៅ​សេសសល់​ឱ្យ​រួចរាល់​នៅ​បំណាច់​ឆ្នាំ ២០២៤ នេះ។

លោក​វេជ្ជបណ្ឌិត សូម​អំពាវនាវ​ដល់​អ្នក​សង្ស័យ​ថា​មាន​ផ្ទុក​មេរោគ​អេដស៍ ​ត្រូវ​ក្លាហាន​ចេញមក​ធ្វើ​តេស្ត​ឈាម​រក​មេរោគ​អេដស៍​ ដើម្បី​ទទួលបាន​ការព្យាបាល​ជំងឺ​ត្រឹមត្រូវ​ និង​ទទួល​បាន​ប័ណ្ណ​សមធម៌ ដើម្បី​ទទួលបាន​អត្ថប្រយោជន៍​ជាច្រើន​ពី​រាជរដ្ឋាភិបាល៕

អត្ថបទ ៖ សំអឿន

The post រដ្ឋាភិបាល គ្រោងនឹងផ្តល់ប័ណ្ណសមធម៌ជូនអ្នកជំងឺអេដស៍ដែលនៅសេសសល់​ឱ្យរួចរាល់នៅបំណាច់ឆ្នាំនេះ appeared first on Kampuchea Thmey Daily.

ពិធីចែកប័ណ្ណមូលនិធិសមធម៌នេះ បានធ្វើឡើងនៅព្រឹកថ្ងៃទី១៩ ខែកក្កដា ឆ្នាំ២០២៤ នៅភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ ក្រោមវត្តមានលោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ និងមានការចូលរួម លោកស្រី យ៉ែម ស៉ីយ៉ុន ចៅសង្កាត់ព្រែកប្រាស្តីទី លោកមេបញ្ជាការរងកងរាជអាវុធហត្ថខណ្ឌ លោកនាយប៉ុស្តិ៍នគរបាលរដ្ឋបាលព្រែកប្រា ព្រមទាំងប្រជាពលរដ្ឋដែលមានជីវភាពខ្វះខាត មកទទួលប័ណ្ណចំនួន១០៤ គ្រួសារ។

លោក ចេង​ មុនីរ៉ា​ អភិបាល នៃគណៈអភិបាលខណ្ឌច្បារអំពៅ បានមានប្រសាសន៍ថា ប័ណ្ណមូលនិធិសមធម៌នេះ គឺមានអត្ថប្រយោជន៍ គុណប្រយោជន៍ និងគុណតម្លៃណាស់ ក្នុងជីវភាពរស់នៅប្រចាំថ្ងៃរបស់ប្រជាពលរដ្ឋទាំងអស់គ្នា។ ចំពោះគ្រួសារណាដែលទទួលបានប័ណ្ណមូលនិធិសមធម៌ ពេលមានបញ្ហាសុខភាពទៅពិនិត្យនៅមន្ទីរពេទ្យមិនអស់លុយទេ ព្រមទាំងទទួលបានសាច់ប្រាក់ទៀត។ ហើយប័ណ្ណនេះ គឺជាការយកចិត្តទុកដាក់ខ្ពស់របស់ប្រមុខរាជរដ្ឋាភិបាល ដែលមានសម្ដេចអគ្គមហាសេនាបតីតេជោ ហ៊ុន សែន ជាអតីតនាយករដ្ឋមន្ត្រី ហើយបច្ចុប្បន្នត្រូវបានបន្តវេនដោយសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី ។

លោកអភិបាលខណ្ឌបានបន្តថា ប្រជាពលរដ្ឋនៅតាមមូលដ្ឋាន គឺជាកម្លាំងចលករដ៏សំខាន់ក្នុងការចូលរួមចំណែកជាមួយអាជ្ញាធរ សមត្ថកិច្ច ក្នុងការអនុវត្តគោលនយោបាយ ភូមិ-សង្កាត់ មានសុវត្ថិភា ដើម្បីសហគមន៍មានសុខសន្តិភាពរស់នៅក្នុងភាពសុខដុមរមនា មិនមានការភ័យខ្លាចដែលបង្កឡើងដោយជនខិលខូច ឬមុខសញ្ញាផ្សេងៗ ដូចជាគ្រឿងញៀនចោរកម្ម ក្មេងទំនើងជាដើម។

ក្នុងនាមអាជ្ញាធរខណ្ឌ លោក ចេង មុនីរ៉ា បានស្នើសុំឲ្យប្រជាពលរដ្ឋនៅតាមមូលដ្ឋានពេលជួបមុខសញ្ញាសង្ស័យ សកម្មភាពក្មេងទំនើង និងមុខសញ្ញាប្រើប្រាស់ឬចែកចាយគ្រឿងញៀន សូមផ្ដល់ព័ត៌មានជាបន្ទាន់មកអាជ្ញាធរសង្កាត់ខណ្ឌ ឬសង្កាត់ ដើម្បីចាត់វិធានការបង្ក្រាបទាន់ពេលវេលា។ ហើយរាល់ព័ត៌មានដែលបានផ្តល់មកអោយអាជ្ញាធរសមត្ថកិច្ចនឹងរក្សាការសម្ងាត់ជូនថែមទាំងការពារសុវត្ថិភាពទៀតផង។

ជាមួយគ្នានេះដែរ លោកអភិបាលខណ្ឌបានរំលេចនូវអត្ថប្រយោជន៍ដ៏មហាសាលនៃការបើកការដ្ឋានស្ថាបនា ព្រែកជីក ហ្វូណនតេជោ និងជំរុញឲ្យប្រជាពលរដ្ឋនៅក្នុងមូលដ្ឋានសង្កាត់ព្រែកប្រាក៏ដូចជា នៅក្នុងមូលដ្ឋានខណ្ឌច្បារអំពៅទាំងមូល ត្រូវចូលរួមអបអរសាទរអោយបានផុសផុលក្នុងការគាំទ្រ គម្រោងស្ថាបនា ព្រែកជីកហ្វូណនតេជោ ដែលផ្តល់សារៈសំខាន់ ធំធេងណាស់ដល់សេដ្ឋកិច្ចជាតិ និងជាសំណង់ប្រវត្តិសាស្ត្រសម្រាប់ប្រទេសជាតិក៏ដូចជា កូនចៅជំនាន់ក្រោយរ។

ក្នុងនាមអាជ្ញាធរខណ្ឌច្បារអំពៅ សូមអំពាវនាវដល់ប្រជាពលរដ្ឋរស់នៅក្នុងមូលដ្ឋានខណ្ឌច្បារអំពៅ ទាំងអស់សូមកុំជួលផ្ទះឲ្យក្រុមរកស៊ីបើកល្បែងអនឡាញ ឆ្នោតឡូតូ និងល្បែងស៊ីសងផ្សេងៗទៀត។ ល្បែងស៊ីសងទាំងអស់នោះត្រូវបាន ប្រមុខរាជរដ្ឋាភិបាលដែលមានសម្ដេច មហាបវរធិបតីហ៊ុន ម៉ាណែត ជានាយករដ្ឋមន្ត្រី ចេញបញ្ជាឲ្យលុបបំបាត់ខាងតែបាន នៅទូទាំងប្រទេស មិនថាតែនៅក្នុងខណ្ឌច្បារអំពៅប៉ុណ្ណោះទេ ។ ដូច្នេះសូមពលរដ្ឋទាំងអស់រស់នៅក្នុងមូលដ្ឋានខណ្ឌច្បារអំពៅចូលរួមជាមួយអាជ្ញាធរ សមត្ថកិច្ចខណ្ឌ ក្នុងការអនុវត្តបទបញ្ជារបស់សម្ដេចនាយករដ្ឋមន្ត្រីឲ្យបានម៉ឺងម៉ាត់បំផុត៕

អត្ថបទ៖ សុខា

The post ពលរដ្ឋ១០៤គ្រួសារទទួលបានប័ណ្ណសមធម៌ ពីអាជ្ញាធរខណ្ឌច្បារអំពៅ appeared first on Kampuchea Thmey Daily.