ប្រព័ន្ធផ្សព្វផ្សាយជាច្រើនបាន​​​រាយការណ៍​ពីការស្លាប់របស់​ លោក Sadio Camara ជាផ្នែកមួយនៃ​រលកនៃការវាយប្រហារសម្រប​សម្រួលដោយ​ពួក​សកម្ម​ប្រយុទ្ធជីហាដ និងក្រុមបំបែកខ្លួននៅ​ទូទាំងប្រទេស។

ទូរទស្សន៍រដ្ឋបាន​បញ្ជាក់ពីការស្លាប់នេះ​ច្រើន​​ម៉ោងក្រោយ ដោយ​និយាយ​ថា លោក Sadio Camara បាន​ស្លាប់​ដោយ​សារ​របួស​​ក្នុង​ពេល​ប្រយុទ្ធជាមួយក្រុមវាយប្រហារ។

ក្រុម​ឧទ្ទាម Azawad Liberation Front (FLA) ជាក្រុមបំបែកខ្លួន ​និយាយថា៖ « ទាហានស៊ីឈ្នួលរុស្ស៊ីដែល​ជួលដោយយោធាម៉ាលី បាន​យល់ព្រមដកថយ​ពីទី​ក្រុង​ Kidal បន្ទាប់ពីការប៉ះទង្គិចគ្នារយៈពេលពីរថ្ងៃ​»។

គួរ​បញ្ជាក់​ថា អស់​រយៈពេលជាច្រើនឆ្នាំមកហើយ ប្រទេស​ម៉ាលីត្រូវ​បាន​ញាំញីដោយការបះបោរដោយក្រុមដែល​មានទំនាក់ទំនងជាមួយ​អាល់​កៃដា (al-Qaeda) ក្រុមរដ្ឋអ៊ីស្លាម និង FLA ។

ដោយ​ដកស្រង់សម្តីក្រុមគ្រួសារ​របស់ លោក Camara និងប្រព័ន្ធផ្សព្វផ្សាយបារាំង លើក​ឡើង​ថា៖ « ការវាយប្រហារនេះ បាន​ចាប់​ផ្តើម​ដោយ​ពួកសកម្មប្រយុទ្ធ​ដែលមានទំនាក់ទំនងជាមួយអាល់កៃដា ​នៅ​ទីក្រុង Kati កាលពីថ្ងៃសៅរ៍ និង​សម្លាប់សមាជិកគ្រួសារ​របស់ លោក Camara យ៉ាងហោចណាស់បីនាក់ផងដែរ»។

ចំណែក អ្នកនាំពាក្យរដ្ឋាភិបាល លោក Issa Ousmane Coulibaly លើក​ឡើង​ក្នុង​សេចក្តីថ្លែងការណ៍មួយនៅ​ល្ងាចថ្ងៃអាទិត្យ ថា៖ « លោក Camara ត្រូវបានសម្លាប់នៅពេលដែល​រថយន្តមួយផ្ទុក​ដោយគ្រឿង​ផ្ទុះ និងបើកបរដោយអ្នកវាយប្រហារ​ម្នាក់​កំណត់គោលដៅលើលំនៅដ្ឋានរបស់រដ្ឋមន្ត្រី»។

យ៉ាង​ណា ការវាយប្រហារនេះ​នាំឱ្យមានការដួលរលំនៃលំនៅដ្ឋាន​របស់ លោក Camara បំផ្លិចបំផ្លាញវិហារអ៊ីស្លាមមួយ​នៅក្បែរនោះ និង​សម្លាប់​អ្នកគោរពបូជាមួយចំនួនផងដែរ៕

ប្រែសម្រួល៖ ណឺ មិនា

The post រដ្ឋ​មន្រ្តី​ការពារ​ជាតិ​ម៉ាលី រង​ការបំផ្ទុះ​គ្រាប់​បែក ស្លាប់​​​ក្នុង​​ផ្ទះ​​ នៅ​ទី​ក្រុង Bamako appeared first on Kampuchea Thmey Daily.

​ហេតុការណ៍​នេះ​បាន​​កើត​ឡើង​នៅ​ភាគ​ខាងលិច​ប្រទេស​ម៉ាលី​​ជា​ទីដែល​​​អណ្តូង​រ៉ែ​​​ជាច្រើន​ត្រូវ​បាន​​​​បន្សល់​ទុក​ដោយ​​ក្រុម​​អ្នក​ជីករ៉ែ​មាស។ លោក Taoule Camara អគ្គលេខាធិការនៃសហជីពជាតិនៃបញ្ជរមាស និងរោងចក្រចម្រាញ់ (UCROM) បានប្រាប់រ៉យទ័រ ឧបទ្ទវហេតុនេះបានកើតឡើងនៅជិតទីក្រុង Kenieba ក្នុងតំបន់ Kayes ដែលសម្បូរដោយមាសរបស់ប្រទេសម៉ាលី​ ។

លោក បាននិយាយថា ស្ត្រីទាំងនោះបានចុះចូលទៅក្នុងរណ្តៅចំហរដែលបន្សល់ទុកដោយអ្នកជីករ៉ែក្នុងឧស្សាហកម្ម ដើម្បីរកមើលសំណល់មាស នៅពេលដែលដីបានបាក់​រលំ​សង្កត់​នៅជុំវិញពួកគេ។

អ្នកនាំពាក្យក្រសួងរ៉ែបានអះអាងថា ឧបទ្ទវហេតុនេះបានកើតឡើងរវាងទីប្រជុំជន Kenieba និង Dabia ប៉ុន្តែបានបដិសេធមិនផ្តល់ព័ត៌មានលម្អិតបន្ថែមទៀតទេ ដោយសារក្រុម​ការ​​ងារ​អន្តរាគមន៍​របស់​ក្រសួងនៅកន្លែងកើតហេតុមិនទាន់បានចែករំលែករបាយការណ៍របស់ពួកគេនៅឡើយ។

ការជីកយករ៉ែដោយសិប្បករគឺជាសកម្មភាពទូទៅមួយនៅទូទាំងទ្វីបអាហ្រ្វិកខាងលិច ហើយកាន់តែទទួលបានផលចំណេញច្រើនក្នុងប៉ុន្មានឆ្នាំថ្មីៗនេះ ដោយសារតម្រូវការលោហៈកើនឡើង និងតម្លៃកើនឡើង។

គ្រោះថ្នាក់​ដែល​បណ្ដាល​ឲ្យ​មនុស្ស​ស្លាប់​គឺ​កើត​មាន​ជា​ញឹក​ញាប់​ព្រោះ​កម្មករ​រ៉ែ​សិប្បករ​តែងតែ​ប្រើ​វិធី​ដែល​គ្មាន​ការ​គ្រប់គ្រង។

កម្មករអណ្តូងរ៉ែចំនួន១៣​នាក់ រួមទាំងស្ត្រី និងកុមារ៣​នាក់ត្រូវបានសម្លាប់នៅភាគនិរតីប្រទេសម៉ាលីកាលពីចុងខែមករា បន្ទាប់ពីផ្លូវរូងក្រោមដីដែលពួកគេកំពុងជីករកមាសបានជន់លិច៕​

The post បាក់​​អណ្តូងរ៉ែ​មាស​​នៅ​ប្រទេស​​​ម៉ាលី​ សម្លាប់​មនុស្សជាង​៤០នាក់ appeared first on Kampuchea Thmey Daily.

ការវាយប្រហារនេះបានកើតឡើងកាលពីថ្ងៃចន្ទក្នុងភូមិ Djiguibombo នៃតំបន់ Mopti ជាកន្លែងក្រុមមានទំនាក់ទំនងជាមួយចលនាអាល់កៃដា និង ISIS ធ្វើសកម្មភាពអស់រយៈពេលជាងមួយទសវត្សរ៍មកហើយ។

ក្រុមបុរសប្រដាប់អាវុធទាំងនោះ បានឡោមព័ទ្ធភូមិដែលកំពុងរៀបចំពិធីមង្គលការ បណ្ដាលឲ្យមានរត់គេចខ្លួនទាំងស្លន់ស្លោរ ខណៈមនុស្សប្រមាណ ៤០ នាក់ត្រូវបាញ់សម្លាប់ក្នុងការវាយប្រហាររយៈពេលប្រហែល៣ម៉ោង។ ក្នុងនោះមានអ្នកភូមិជាច្រើនបានភៀសខ្លួនទៅកាន់ទីក្រុង Bandiagara។

ទោះបីជាយ៉ាងណាក៏ដោយ មន្ត្រី​ម៉ាលី មិន​បាន​កំណត់​អត្តសញ្ញាណ​អ្នក​វាយប្រហារ​ទេ ហើយ​ក៏​គ្មាន​ក្រុម​ណាមួយ​អះអាង​ទទួលខុសត្រូវ​ដែរ ។

គួរបញ្ជាក់ថាអំពើហិង្សានៅភាគខាងជើងប្រទេសម៉ាលី បានរីករាលដាលជាខ្លាំងរវាងក្រុម Katiba Macina និងក្រុមជាគូប្រជែង។

រដ្ឋាភិបាលយោធាបានដណ្តើមអំណាចបន្ទាប់ពីរដ្ឋប្រហារឆ្នាំ ២០២០ដោយសន្យាថានឹងដោះស្រាយបញ្ហាអសន្តិសុខដែលកំពុងកើនឡើង ប៉ុន្តែការវាយប្រហារនៅតែបន្តកើតមាន។ ចាប់តាំងពីពេលនោះមក មេដឹកនាំយោធារបស់ប្រទេសម៉ាលីបានផ្តាច់សម្ព័ន្ធភាពជាមួយបារាំង និងដៃគូអឺរ៉ុប ហើយងាកទៅរករុស្ស៊ីខាងនយោបាយ និងយោធាវិញ៕

អត្ថបទ៖ ប៊ុន សុភាព

The post ក្រុមជនប្រដាប់អាវុធ សម្រុកចូលភូមិកំពុងរៀបចំពិធីមង្គលការ បាញ់សម្លាប់មនុស្ស ៤០នាក់ នៅ ម៉ាលី appeared first on Kampuchea Thmey Daily.

កាលពីសប្តាហ៍មុន ទីក្រុង Kayes ភាគនិរតី បានជួបប្រទះសីតុណ្ហភាពហក់ឡើងខ្ពស់បំផុត ដល់ ៤៨.៥អង្សាសេ ហើយនោះ​ជា​ថ្ងៃ​ក្តៅ​បំផុត​ក្នុង​ប្រវត្តិសាស្ត្រ​ទ្វីបអាហ្រ្វិក។

តាមសេចក្តីរាយការណ៍, មន្ទីរពេទ្យ Gabriel-Toure បានទទួលអ្នកជំងឺដែលធ្លាក់ខ្លួនឈឺដោយសារអាកាសធាតុចំនួន១០២នាក់ ប៉ុន្តែមិនអាចជួយសង្គ្រោះបានឡើយ បណ្តាលឲ្យពួកគេបាត់បង់ជីវិត។

ត្បិតតួលេខផ្លូវការខាងលើមានមនុស្សស្លាប់១០២នាក់ក៏ពិតមែន ប៉ុន្តែប្រភពក្នុងស្រុកមួយបានបង្ហើបថា មនុស្សស្លាប់ក្នុងរយៈពេលត្រឹម៣ថ្ងៃចុងក្រោយ មានរហូតដល់ទៅ២៥០នាក់ឯណោះ។

ស្របពេលជាមួយគ្នានោះដែរ ក្រុមមន្ត្រីបានជំរុញឲ្យប្រជាពលរដ្ឋ ត្រូវស្នាក់នៅក្នុងកន្លែងដែលមានខ្យល់ចេញចូល ហើយត្រូវពង្រឹងវិធានការការពារលើសិស្សសាលា ដោយសារក្មេងៗគឺជាជនងាយរងគ្រោះដូចជាមនុស្សចាស់ដែរ។

គេដឹងថា សីតុណ្ហភាពខ្ពស់គឺបណ្តាលមកពីបាតុភូតអាកាសធាតុ El Nino ដែលបង្កើនសីតុណ្ហភាពមហាសមុទ្រ និងបរិយាកាស។

បាតុភូតធម្មជាតិនេះ តែងតែកើតមានរៀងរាល់២ទៅ៧ឆ្នាំម្តង ហើយទាញបន្ថយកម្រិតភ្លៀងធ្លាក់ ខណៈផលប៉ះពាល់របស់វាត្រូវបានគេចាត់ទុកថាធ្ងន់ធ្ងរគួរសម ពោលគឺវាចោទជាបញ្ហាដល់វិស័យកសិកម្ម ការនាំចេញ និងទេសចរណ៍ ព្រមទាំងវិស័យផ្សេងៗទៀត៕

អត្ថបទ៖ សុខ សុវណ្ណ

ចុចអាន៖ ខែកុម្ភៈឆ្នាំនេះ តំបន់ស្ទើរពេញពិភពលោក ជួបអាកាសក្ដៅបំផុតមិនធ្លាប់មាន

The post សីតុណ្ហភាពហក់ឡើងដល់ជិត៥០អង្សាសេ សម្លាប់មនុស្ស ជាង១០០នាក់ នៅ ម៉ាលី  appeared first on Kampuchea Thmey Daily.

ប្រទេសនៅក្បែរខាងរបស់នីហ្សេទាំងពីរបានចេញការព្រមាននៅក្នុងសេចក្តីថ្លែងការណ៍រួមនៅលើកញ្ចក់ទូរទស្សន៍ជាតិ ពោលប៉ុន្មានថ្ងៃ បន្ទាប់ពីមេដឹកនាំអាហ្វ្រិកខាងលិច បានធ្វើរដ្ឋប្រហារដើម្បីទម្លាក់លោកប្រធានាធិបតីន Mohamed Bazoum ។

ទន្ទឹមនោះ ប្រទេសទាំងពីរក៏បានព្រមានផងដែរថា “ការធ្វើអន្តរាគមន៍យោធាណាមួយប្រឆាំងនឹងប្រទេសនីហ្សេ គឺស្មើនឹងការប្រកាសសង្រ្គាមប្រឆាំងនឹងប្រទេសបួគីណាហ្វាសូ និងម៉ាលី ជាពិសេសទង្វើបែបនេះអាចបណ្តាលឲ្យមានផលវិបាកមហន្តរាយ និងអាចធ្វើឲ្យតំបន់ទាំងមូលអស្ថិរភាពផងដែរ” ។

ស្របពេលជាមួយគ្នានេះ អាជ្ញាធរ​យោធាបួគីណាហ្វាសូ និង​ប្រទេស​ម៉ាលី​បានបញ្ជាក់ទៀត​ថា “ពួកគេបដិសេធ​មិន​អនុវត្តទណ្ឌកម្ម​ខុស​ច្បាប់ ឬមិន​ស្រប​ច្បាប់ ក៏ដូចជា​អំពើអមនុស្សធម៌​ប្រឆាំង​នឹង​ប្រជាជន ឬ​អាជ្ញាធរ​នីហ្សេឡើយ” ។

គួរបញ្ជាក់ថា រដ្ឋប្រហារនៅប្រទេសនីហ្សេកាលពីថ្ងៃទី២៦ ខែកក្កដា បង្កឲ្យមានការភ្ញាក់ផ្អើលពាសពេញទ្វីបអាហ្រ្វិកខាងលិច ដោយធ្វើឲ្យសម្ព័ន្ធមិត្តលោកខាងលិច ក៏ដូចជាស្ថាប័នក្នុងតំបន់របស់ប្រទេសនេះ ចេញមកប្រឆាំងនឹងរដ្ឋប្រហារយោធា ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ កងទ័ព នីហ្សេ ប្រកាសធ្វើរដ្ឋប្រហារ តាមកញ្ចក់ទូរទស្សន៍ជាតិ

The post ម៉ាលី និងបួគីណាហ្វាសូ ព្រមានផ្ទុះសង្គ្រាម បើប្រទេសណាហ៊ានធ្វើ​អន្តរាគមន៍យោធាប្រឆាំងរដ្ឋប្រហារនៅ នីហ្សេ appeared first on Kampuchea Thmey Daily.

អ្នក​នាំ​ពាក្យ​យោធា​​ម៉ាលី​បាន​និយាយ​ក្នុង​សេចក្តី​ថ្លែង​ការណ៍​មួយ​ថា ឯក​អគ្គរដ្ឋ​ទូត​បារាំង​ប្រចាំ​ប្រទេស​ម៉ាលី លោក​​ Joel Meyer ត្រូវ​បាន​កោះ​ហៅ​កាល​ពី​ព្រឹក​ថ្ងៃ​ចន្ទ​ដោយ​​ក្រសួង​ការបរទេស​​​ម៉ាលី និង​បាន​ណែនាំ​ឲ្យ​ចាក​ចេញ​ពី​ប្រទេស​​ពាក់​ព័ន្ធ​នឹង​សេចក្តី​ថ្លែង​ការណ៍អរិភាព និង​កំហឹង​ដែល​ធ្វើ​ឡើង​ដោយ​អាជ្ញាធរ​បារាំង​ដែល​មាន​គោល​ដៅលើ​យោធា។

សេចក្តី​ថ្លែង​ការណ៍​បាន​រៀប​រាប់​ថា ៖«រដ្ឋាភិបាល​នៃ​សាធារណៈ​រដ្ឋ​ម៉ាលី​សូម​ជម្រាប​ដល់​សហគមន៍​ជាតិ និង​អន្តរជាតិថា ថ្ងៃ​នេះ ថ្ងៃ​ទី​៣១ ខែ​មករា ឆ្នាំ​២០២២ ឯកអគ្គ​រដ្ឋ​ទូត​បារាំង​ប្រចាំ​ប្រទេស​ម៉ាលី ឯកឧត្តម Joel Meyer ត្រូវ​បាន​កោះ​ហៅ​ដោយ​ក្រសួង​កិច្ច​ការ​បរទេស និង​កិច្ច​សហប្រតិបត្តិការ​អន្តរជាតិ ដើម្បី​​ជូន​ដំណឹង​​​ឯក​ឧត្តម​ពី​ការ​សម្រេច​ចិត្ត​របស់​រដ្ឋាភិបាល​ក្នុង​ការ​ណែនាំ​ឯក​ឧត្តម​ឲ្យ​ចាក​ចេញ​ពី​ប្រទេស​ក្នុង​រយៈ​ពេល​៧២​ម៉ោង»។

យោង​តាម​សេចក្តី​ប្រកាស​ព័ត៌មាន​ថ្មី​បំផុត​បង្ហាញ​​ថា ឱសានវាទ​នេះ​បាន​ធ្វើ​ឡើង​​ត្រឹម​តែ​មួយ​សប្តាហ៍​ប៉ុណ្ណោះ បន្ទាប់​ពី​ប្រទេស​ម៉ាលី​បានផ្តាច់​ទំនាក់​ទំនង​ការ​ទូត​ជា​មួយ​ប្រទេស​បារាំង ដោយ​បាន​ប្រកាស​ពី​ការ​​ផ្លាស់​ប្តូរ​ប្រើ​ប្រាស់​ភាសា​ផ្លូវ​ការ​របស់​ខ្លួន​ពី​​បារាំង​​ទៅ​ Bambara វិញ​ហើយ​បញ្ជា​ឲ្យ​ទាហាន​បារាំង​ជម្លៀស​ចេញ​ពី​ទឹក​ដី​ដី​របស់​ខ្លួន។

ទំនាក់​ទំនង​ទ្វេ​ភាគី​រវាង​ប្រទេស​បារាំង និង​អាជ្ញាធរ​បណ្តោះ​អាសន្ន​របស់​ម៉ាលីបាន​ធ្លាក់​ដុន​ដាប​ខ្លាំង​ក្នុងរយៈ​ពេល​ប៉ុន្មាន​សប្តាហ៍​កន្លង​ទៅ​នេះ ជុំ​វិញ​សំណើរ​របស់​យោធា​ដើម្បី​ពន្យារ​ពេល​ក្នុង​ការ​ផ្លាស់​ប្តូរ​​​​ទៅ​ប្រជា​ធិបតេយ្យ បន្ទាប់​ពី​​រដ្ឋប្រហារបាន​រយៈ​ពេល​១៧​ខែ​ហើយ។

កាល​ពី​សប្តាហ៍​មុន រដ្ឋ​មន្ត្រី​ការ​បរទេស​បារាំង លោក Jean-Yves Le Drian បាន​ចាត់​ទុករដ្ឋាភិបាល​អន្តរកាល​របស់​ម៉ាលីដឹក​នាំ​ដោយមេ​រដ្ឋ​ប្រហារលោក Assimi Goita ថា មិន​អាច​គ្រប់​គ្រង​បាន និង​មិន​ស្រប​ច្បាប់​ដែល​ធ្វើ​ឲ្យ​ប្រទេស​ទាំង​ពីរ​កាន់​តែ​តាន​តឹង​ខ្លាំង​ឡើង។ នេះ​បើ​យោង​តាម​ទី​ភ្នាក់​ងារ​សារព័ត៌មាន Reuters បាន​ចេញ​ផ្សាយ។

យោធា​ម៉ាលី​បាន​ថ្កោល​ទោសចំពោះ​ការ​អត្ថាធិប្បាយ​នោះ​នៅ​ក្នុង​សេចក្តី​ថ្លែង​ការណ៍​របស់​ខ្លួន​កាល​ពី​ថ្ងៃ​ចន្ទ​ម្សិល​មិញ​ និង​បាន​បន្ថែម​ថា ពួក​គេផ្ទុយ​នឹង​ការ​អភិវឌ្ឍ​នៃ​​ទំនាក់​ទំនង​ល្អ​ជា​មួយ​ប្រទេស​ជាតិ​ផ្សេងៗ៕

ប្រែ​សម្រួល៖ វីរបុត្រ
ប្រភព៖ CNN

The post មេ​ដឹក​​នាំ​​ម៉ាលី​​ទុក​​ពេល​​៧២​​ម៉ោង​​​ឲ្យ​​ទូត​​បារាំង​ចាក​​ចេញ​ ក្រោយ​​ផ្តាច់​​ការ​ទូត​ appeared first on Kampuchea Thmey Daily.

លោកនាយឧត្តមសេនីយ៍ សែម សុវណ្ណនី អនុប្រធានគណៈកម្មការជាតិនិងជាអគ្គនាយកមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាពបោសសម្អាតមីន និងកាកសំណល់សង្គ្រាមបានឱ្យដឹងថា កម្លាំងកងទ័ពមួកខៀវដែលបញ្ជូនទៅប្តូរវេននោះ រួមមាន កងអនុសេនាធំកម្ទេចគ្រាប់មិនទាន់ផ្ទុះលេខ ២៨៨ និងកងអនុសេនាធំវិស្វកម្មថែទ្រាំព្រលានយន្តហោះលេខ ៩២៧។

ហើយកងកម្លាំងជាង៣០០នាក់ ដែលត្រូវចេញទៅបំពេញបេសកកម្មនេះនឹងត្រូវចេញដំណើរទៅកាន់តំបន់បេសកកម្មរបស់អង្គការសហប្រជាជាតិនៅសាធារណរដ្ឋម៉ាលីនាថ្ងៃទី១ ខែតុលា ឆ្នាំ២០២១ខាងមុខ។

នាយឧត្តមសេនីយ៍ បានបន្ថែមទៀតថា កម្ពុជាមានការប្រុងប្រយ័ត្នខ្ពស់ ក្នុងការទប់ស្កាត់ចំពោះការឆ្លងរីករាលដាលជំងឺកូវីដ១៩ នៅពេលផ្លាស់ប្តូរកងកម្លាំងម្តងៗ ហើយជំហររបស់កម្ពុជា បើទោះបីជាប្រទេសក្រីក្រ និងកំពុងប្រឈមជាមួយកូវីដ១៩ បន្ថែមដោយប្រទេសដែលកងទ័ពមួកខៀវកម្ពុជា ត្រូវទៅបំពេញបេសកកម្ម ក៏កំពុងមានការវាយលុកដោយកូវីដ១៩ ក៏ដោយ ក៏រាជរដ្ឋាភិបាលកម្ពុជា និងកងទ័ពរបស់ខ្លួន មិនបោះបង់ចោលភារកិច្ចក្នុងការចូលរួមថែរក្សាសន្តិភាពនៅតាមប្រទេសនានា ក្រោមឆត្ររបស់អង្គការសហប្រជាជាតិនោះឡើយ ពោលគឺកម្ពុជាចូលរួមដោយស្ម័គ្រចិត្ត និងការទទួលខុសត្រូវក្នុងឋាន:ជាសមាជិកអង្គការសហប្រជាជាតិ។

នៅក្នុងកិច្ចសំណេះសំណាលជាមួយកងកម្លាំងប្តូរវេននេះនាយឧត្តមសេនីយ៍ សែម សុវណ្ណនី ក៏បានអញ្ជើញចុះត្រួតពិនិត្យសកម្មភាពកសាងហេដ្ឋារចនាសម្ព័ន្ធរូបវ័ន្តក្នុងបរិវេណសាលាហ្វឹកហ្វឺនកងកម្លាំងរក្សាសន្តិភាពពហុជាតិរួមមានការកសាងរបងសាលា សំណង់អគារ យានដ្ឋាន និងសកម្មភាពហ្វឹកហាត់កងសុនខហិតមីនសម្រាប់ចូលរួមបេសកកម្មរបស់អង្គការសហប្រជាជាតិផងដែរ។

គួរបញ្ជាក់ថា បច្ចុប្បន្នកម្ពុជាមានកម្លាំងមួកខៀវ សរុបជិត ៨០០នាក់ ក្នុងនោះ មាននារីជិត ៨០នាក់ បាន និងកំពុងបំពេញបេសកកម្មរក្សាសន្តិភាពក្រោមឆ័ត្រអង្គការសហប្រជាជាតិ នៅប្រទេសលីបង់ ស៊ូដង់ ស៊ូដង់ខាងត្បូង ម៉ាលី និងសាធារណរដ្ឋអាហ្វ្រិកកណ្តាល៕

អត្ថបទ៖ ពុធិកា

The post កម្ពុជា នឹងបញ្ជូនកម្លាំង ទ័ពមួកខៀវ ៣០០នាក់ ទៅប្រទេសម៉ាលី នៅដើមខែតុលា appeared first on Kampuchea Thmey Daily.

នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកងកម្លាំងរក្សាសន្តិភាពបោស សម្អាតមីន និងកាកសំណល់សង្គ្រាម បានអោយដឹងថា កម្លាំងកងទ័ពមួកខៀវដែលបញ្ជូនទៅប្តូរវេននោះ រួមមាន កងអនុសេនាធំកម្ទេចគ្រាប់មិនទាន់ផ្ទុះលេខ ២៨៨ និងកងអនុសេនាធំវិស្វកម្មថែទ្រាំព្រលានយន្តហោះ លេខ ៩២៧ ។ ហើយកងកម្លាំងជាង៣០០នាក់ ដែលត្រូវចេញទៅបំពេញបេសកកម្ម នេះ ក៏បានចាក់វ៉ាក់សាំងបង្ការជំងឺកូវីដ-១៩ ដូសទី៣ រួចរាល់ហើយដែរ។

នាយឧត្តមសេនីយ៍ បានបន្ថែមទៀតថា កម្ពុជាមានការប្រុងប្រយ័ត្នខ្ពស់ ក្នុងការទប់ស្កាត់ចំពោះការឆ្លងរីករាលដាលជំងឺកូវីដ១៩ នៅពេលផ្លាស់ប្តូរកងកម្លាំងម្តងៗ ហើយជំហររបស់កម្ពុជា បើទោះបីជាប្រទេសក្រីក្រ និងកំពុងប្រឈមជាមួយកូវីដ១៩ បន្ថែមដោយប្រទេសដែលកងទ័ពមួកខៀវកម្ពុជា ត្រូវទៅបំពេញបេសកកម្ម ក៏កំពុងមានការវាយលុកដោយកូវីដ១៩ ក៏ដោយ ក៏រាជរដ្ឋាភិបាលកម្ពុជា និងកងទ័ពរបស់ខ្លួន មិនបោះបង់ចោលភារកិច្ចក្នុងការចូលរួមថែរក្សាសន្តិភាពនៅតាមប្រទេសនានា ក្រោមឆត្ររបស់អង្គការសហប្រជាជាតិនោះឡើយ ពោលគឺកម្ពុជាចូលរួមដោយស្ម័គ្រចិត្ត និងការទទួលខុសត្រូវក្នុងឋាន:ជាសមាជិកអង្គការសហប្រជាជាតិ។

គួរបញ្ជាក់ថា បច្ចុប្បន្នកម្ពុជាមានកម្លាំងមួកខៀវ សរុបជិត ៨០០នាក់ ក្នុងនោះ មាននារីជិត ៨០នាក់ បាន និងកំពុងបំពេញបេសកកម្មរក្សាសន្តិភាពក្រោមឆ័ត្រអង្គការសហប្រជាជាតិ នៅប្រទេសលីបង់ ស៊ូដង់ ស៊ូដង់ខាងត្បូង ម៉ាលី និងសាធារណរដ្ឋអាហ្វ្រិកកណ្តាល៕

អត្ថបទ ៖ ពុធិកា

The post កម្ពុជា នឹងបញ្ជូនកម្លាំងមួកខៀវជាង៣០០នាក់ ទៅប្តូរវេនកម្លាំងចាស់នៅប្រទេសម៉ាលី នាពាក់ កណ្ដាល ខែកញ្ញាខាងមុខនេះ appeared first on Kampuchea Thmey Daily.