កងទ័ពនីហ្សេរ ប្រកាសធ្វើរដ្ឋប្រហារ តាមកញ្ចក់ទូរទស្សន៍ជាតិ

ក្រុមកងទ័ព ​បានបង្ហាញខ្លួនក្នុង​ទូរទស្សន៍​ជាតិរបស់​ប្រទេស​នីហ្សេរ ហើយ​​ប្រកាស​ថា ​ពួកគេ​បាន​ធ្វើ​រដ្ឋប្រហារ។

កងទ័ពនិយាយថា ពួកគេបានរំលាយរដ្ឋធម្មនុញ្ញ ព្យួរស្ថាប័នទាំងអស់ និងបិទព្រំដែនរបស់ប្រទេសអាហ្វ្រិកខាងលិចមួយនេះ។

សេចក្តីប្រកាសនេះធ្វើឡើង បន្ទាប់ពីប្រធានាធិបតីនីហ្សេរ លោក Mohamed Bazoum ត្រូវ​បាន​កង​ទ័ព​មកពីស្ថាប័នឆ្មាំ​ប្រធានាធិបតី ឃុំខ្លួន​ចាប់​តាំង​ពី​ព្រឹក​ថ្ងៃ​ពុធ។

ទោះបីជាយ៉ាងណាក៏ដោយ រដ្ឋមន្ត្រីការបរទេសអាមេរិក លោក Antony Blinken បានបង្ហាញពី ការគាំទ្រឥតងាករេរបស់ទីក្រុងវ៉ាស៊ីនតោន ចំពោះលោក Bazoum។

ស្របពេលជាមួយគ្នានោះ អគ្គលេខាធិការអង្គការសហប្រជាជាតិ លោក Antonio Guterres ក៏លើកឡើងដែរថា លោកបាននិយាយជាមួយប្រធានាធិបតី និងផ្តល់ការគាំទ្រយ៉ាងពេញទំហឹងពីអង្គការសហប្រជាជាតិ។

គួរបញ្ជាក់ថា លោក Bazoum គឺជាសម្ព័ន្ធមិត្តដ៏សំខាន់របស់ប្រទេសលោកខាងលិច ក្នុងការប្រយុទ្ធប្រឆាំងនឹងក្រុមសកម្មប្រយុទ្ធឥស្លាមនៅតំបន់អាហ្វ្រិកខាងលិច៕

ប្រែសម្រួល៖ Vann Vann

ប្រភព៖ BBC

ចុចអាន៖ ខ្មាន់កាំភ្លើងចូលប្លន់សម្លាប់អ្នកភូមិ១៣៧នាក់នៅប្រទេស នីហ្សេរ