ប្រទេស ក្រូអាត Archives - Kampuchea Thmey Daily

លោក Tite បញ្ជាក់ថា ប្រេស៊ីល នឹងបន្តរាំអបអរគ្រាប់បាល់ នៅពេលពួកគេជួប ក្រូអាត យប់នេះ

អ៊ិន ពិសី — Fri, 09 Dec 2022 03:08:40 +0000

អ្នកចាត់ការក្រុមជម្រើសជាតិប្រេស៊ីល លោក Tite បាននិយាយថា គាត់មានការប្រុងប្រយ័ត្នចំពោះ “ភាពធន់ និងការតស៊ូ” របស់ក្រូអាត នៅមុនការប្រកួតវគ្គ ១/៤ ផ្ដាច់ព្រ័ត្រ (៨ក្រុមចុងក្រោយ) ពានរង្វាន់បាល់ទាត់ពិភពលោក របស់ក្រុមទាំងពីរ ខណៈលោកក៏បានការពារការអបអរគ្រាប់បាល់ចុងក្រោយរបស់កូនក្រុមរបស់ខ្លួន ដែលបង្កឲ្យមានការជជែកដេញដោល។

ម្ចាស់ជើងឯកពិភពលោក ៥ សម័យកាល នឹងប្រកួតជាមួយក្រុមជើងឯករង ឆ្នាំ ២០១៨ នៅកីឡដ្ឋាន Education City Stadium នៅថ្ងៃសុក្រ។ ប្រេស៊ីល បានកក់កន្លែងរបស់ពួកគេក្នុងវគ្គ ៨ ក្រុមចុងក្រោយ ដោយយកឈ្នះកូរ៉េខាងត្បូង ៤-១ កាលពីថ្ងៃចន្ទ នៅពេលដែលពួកគេបានផ្តល់នូវការបង្ហាញទម្រង់លេងពេញលេញល្អបំផុតមួយ នៃការប្រកួតរហូតមកដល់ពេលនេះ។ ទន្ទឹមនឹងនេះដែរ ក្រូអាត បានឆ្លងកាត់ការស៊ុតបាល់ប៉េណាល់ទីមួយទៀតក្នុងថ្ងៃតែមួយដែលនៅទីបំផុតគេបានទម្លាក់ជប៉ុន។

ថ្លែងកាលពីថ្ងៃព្រហស្បតិ៍ លោក Tite បាននិយាយអំពីក្រូអាតថា “ពួកគេមានគុណភាពបុគ្គល និងគុណភាពរួម ក៏ដូចជាភាពធន់ និងការតស៊ូ។ យើងដឹងពីគុណភាពរបស់ពួកគេ ប៉ុន្តែការយកចិត្តទុកដាក់របស់ខ្ញុំគឺលើការរក្សាស្តង់ដាររបស់យើង។ អ្នកណាដែលលេងបានល្អបំផុត នឹងឆ្លងទៅវគ្គបន្ត»។

Tite ដែលជាអតីតអ្នកចាត់ការ ក្លិប Al Ain និង Al Wahda ត្រូវបានចោទសួរទាក់ទងនឹងការអបអរគ្រាប់បាល់ក្នុងការប្រកួតរបស់ប្រេស៊ីល ទល់នឹងកូរ៉េខាងត្បូង។ កីឡាកររបស់លោកមានទម្លាប់រាំស្ទាយខុសៗគ្នាសម្រាប់រាល់គ្រាប់បាល់ដែលពួកគេបានស៊ុតបញ្ចូលទី ដោយ Tite ថែមទាំងបានចូលរួមជាមួយក្នុងឱកាសនោះផងដែរ ខណៈដែលប្រេស៊ីលបាននាំមុខ ៤-០ ក្នុងតង់ទីមួយ។

ការរាំបែបនេះ មានមតិខ្លះអះអាងថា ជាការមិនគោរពចំពោះគូប្រកួត។ ទោះជាយ៉ាងណាក៏ដោយ Tite បាននិយាយថា “ខ្ញុំពិតជាសោកស្ដាយ ប៉ុន្តែខ្ញុំនឹងមិនធ្វើអត្ថាធិប្បាយលើអ្នកដែលមិនស្គាល់ប្រវត្តិសាស្ត្រប្រេស៊ីល ឬវប្បធម៌ប្រេស៊ីល តាមរបៀបដែលយើងម្នាក់ៗមាននោះទេ។

“ចំពោះអ្នកទាំងនោះ ខ្ញុំទុកសំឡេងនោះមួយឡែក។ ខ្ញុំចង់ឲ្យទំនាក់ទំនងរបស់ខ្ញុំគឺទៅនឹងការងាររបស់ខ្ញុំចំពោះមនុស្សដែលខ្ញុំទាក់ទងជាមួយនឹងអ្នកដែលទាក់ទងនឹងការងាររបស់ខ្ញុំ។ ពួកគេដឹងថា ខ្ញុំគោរពប្រវត្តិសាស្ត្រប្រេស៊ីលប៉ុណ្ណា។ អ្នកទាំងនោះគឺជាអ្នកដែលខ្ញុំប្រគល់ចិត្តឲ្យ ខ្ញុំគោរពវប្បធម៌។ វាមិនមែនជាការមិនគោរពអ្នកដទៃនោះទេ នោះហើយជារបៀបដែលយើងធ្វើ នោះគឺជាយើង។ នេះក៏អាចជួយដល់ការអប់រំរបស់ក្មេងតូចៗឲ្យចូលសាលាវិញ ហើយយើងនឹងបន្តធ្វើអ្វីៗតាមលក្ខណៈរបស់យើង»។

សូមបញ្ជាក់ថា ប្រេស៊ីល ជួបជាមួយ ក្រូអាត នឹងត្រូវធ្វើឡើងនៅវេលាម៉ោង ១០ និង ០០ នាទីយប់នេះ ម៉ោងនៅកម្ពុជា៕

ប្រភព ៖ thenationalnews.com

អត្ថបទ ៖ មន្នីរ័ត្ន

The post លោក Tite បញ្ជាក់ថា ប្រេស៊ីល នឹងបន្តរាំអបអរគ្រាប់បាល់ នៅពេលពួកគេជួប ក្រូអាត យប់នេះ appeared first on Kampuchea Thmey Daily.

ប្រទេសណាតូមួយទៀត ចេញមុខប្រឆាំងការចូលជាសមាជិកភាពរបស់ ហ្វាំងឡង់ និង ស៊ុយអែត

Sok Sovann — Wed, 18 May 2022 23:59:05 +0000

ប្រធានាធិបតីក្រូអាតលោក Zoran Milanovic គ្រោងនឹងណែនាំឯកអគ្គរដ្ឋទូត Mario Nobilo ដែលជាតំណាងអចិន្ត្រៃយ៍របស់ប្រទេសនេះប្រចាំអង្គការ ណាតូ ឲ្យរារាំងការចូលជាសមាជិករបស់ប្រទេសហ្វាំងឡង់ និងស៊ុយអែតទៅក្នុងសម្ព័ន្ធភាពយោធាដែលមានអាយុកាលរាប់ទសវត្សរ៍មួយនេះ។

ប្រធានាធិបតីក្រូអាតលោក Zoran Milanovic

លោក Milanovic បានប្រាប់អ្នកយកព័ត៌មានថា ការបដិសេធនេះ នឹងបង្វែរការយកចិត្តទុកដាក់របស់សហគមន៍អន្តរជាតិចំពោះបញ្ហាដែលជនជាតិក្រូអាតកំពុងប្រឈមមុខនៅក្នុងប្រទេសជិតខាង បូស្នី និងហឺហ្សីហ្គូវីណា។

លោក Milanovic បានអះអាងថា “ខ្ញុំធ្លាប់បាននិយាយហើយថា ជនជាតិក្រូអាត នៅបូស្នី មានសារសំខាន់សម្រាប់ខ្ញុំជាងព្រំដែនរុស្ស៊ី-ហ្វាំងឡង់ទាំងមូលទៅទៀត”។

ឯកអគ្គរដ្ឋទូតក្រូអាតប្រចាំអង្គការណាតូលោក Mario Nobilo

ទីក្រុង ស្តុកខុល និង ហែលស៊ិនគី បានបំបែកប្រវត្តិអព្យាក្រឹតភាពរបស់ពួកគេជាផ្លូវការ នៅថ្ងៃទី ១៥ ខែឧសភា ហើយបានដាក់ពាក្យសុំចូលជាសមាជិក ណាតូ។ ទោះបីជាយ៉ាងណាក៏ដោយ ការទទួលយកប្រទេសថ្មីទៅក្នុងប្លុកនេះ ទាមទារឲ្យមានការយល់ព្រមជាឯកច្ឆ័ន្ទពីសមាជិកទាំងអស់។

ដោយចង្អុលទៅការប្រឆាំងរបស់ទីក្រុងអង់ការ៉ា ចំពោះកិច្ចព្រមព្រៀងណាមួយដែលទទួលស្គាល់ស៊ុយអែត និងហ្វាំងឡង់ទៅក្នុងអង្គការណាតូ, លោក Milanovic និយាយថា ប្រទេសតួកគីកំពុងបង្ហាញពីរបៀបប្រយុទ្ធដើម្បីផលប្រយោជន៍ជាតិ។

គួរបញ្ជាក់ថា មុននេះ ប្រទេសតួកគី បានបដិសេធគាំទ្រការប៉ុនប៉ងរបស់ហ្វាំងឡង់ និងស៊ុយអែតដើម្បីចូលរួមជាមួយអង្គការណាតូ ដោយចោទប្រកាន់ប្រទេសស៊ុយអែតថាជា កន្លែងចិញ្ចឹមអង្គការភេរវករ។

តួកគីជឿជាក់ថា ប្រទេសស៊ុយអែត និងហ្វាំងឡង់ជាជម្រកភេរវករ រួមទាំងជាទីស្នាក់អាស្រ័យសម្រាប់សមាជិកនៃគណបក្សពលករឃើដ និងអ្នកមានជំនឿលើអ្នកប្រាជ្ញតួកគី Fethullah Gulen ដែលរដ្ឋាភិបាលទីក្រុងអង់ការ៉ា ចោទប្រកាន់ពីការប៉ុនប៉ងធ្វើរដ្ឋប្រហារឆ្នាំ២០១៦ផងដែរ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ពូទីន ថា អឺរ៉ុបសម្លាប់សេដ្ឋកិច្ចខ្លួនឯង ដោយការដាក់ទណ្ឌកម្ម រុស្ស៊ី

The post ប្រទេសណាតូមួយទៀត ចេញមុខប្រឆាំងការចូលជាសមាជិកភាពរបស់ ហ្វាំងឡង់ និង ស៊ុយអែត appeared first on Kampuchea Thmey Daily.

រញ្ជួយដីវាយប្រហារប្រទេសក្រូអាត ស្លាប់និងរបួសមនុស្សច្រើននាក់

Sok Sovann — Wed, 30 Dec 2020 00:12:42 +0000

ការរញ្ជួយដីកម្រិត៦.៤រ៉ិចទ័របានវាយប្រហារកណ្តាលប្រទេស ក្រូអាត ដោយបានសម្លាប់មនុស្សចំនួន៧នាក់និងជាច្រើននាក់ទៀតរងរបួស។

ការរញ្ជួយនេះបានវាយប្រហារទីក្រុង Petrinja ដែលជាទីក្រុងតូចមួយមានចម្ងាយប្រហែល៥០គីឡូម៉ែត្រភាគអាគ្នេយ៍ រដ្ឋធានីក្រូអាតនៅម៉ោង១២និង១៩នាទីថ្ងៃត្រង់ (ម៉ោងនៅក្រូអាត)។

ក្មេងស្រីអាយុ១២ឆ្នាំម្នាក់ត្រូវបានសម្លាប់នៅក្នុងទីក្រុង Petrinja។ មនុស្សចំនួន៥នាក់បានស្លាប់ក្នុងទីក្រុង Glina នៅក្បែរនោះ។ ជនរងគ្រោះទី៧ត្រូវបានគេរកឃើញនៅក្នុងគំនរបាក់បែកនៃព្រះវិហារមួយកន្លែងក្នុងទីក្រុង Zazina។

អភិបាលក្រុង Petrinja បាននិយាយថា ប្រហែលពាក់កណ្តាលនៃទីក្រុងនេះត្រូវបានបំផ្លាញហើយប្រជាជនកំពុងត្រូវបានគេទាញចេញពីគំនរបាក់បែក។

ការរញ្ជួយដីនេះក៏បានធ្វើឲ្យរង្គើដល់រដ្ឋធានី Zagreb របស់ប្រទេសក្រូអាតនិងក្នុងប្រទេសជិតខាង បូស្នៀ និងស៊ែបីហើយរហូតទៅដល់ប្រទេស អ៊ីតាលី ផងដែរ។

មនុស្សក៏បានរងរបួសផងដែរនៅក្នុងទីក្រុង Sisak។ ទូរទស្សន៍ជាតិ HRT បានផ្សាយថា មន្ទីរពេទ្យក្នុងស្រុកនៅទីនោះកំពុងពុះពារដើម្បីដោះស្រាយជាមួយនឹងចំនួនអ្នករងរបួសដែលមកព្យាបាល៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ រញ្ជួយដីកម្រិត ៦.៣រីកទ័រ វាយប្រហារហ្វីលីពីនទាំងព្រឹក

The post រញ្ជួយដីវាយប្រហារប្រទេសក្រូអាត ស្លាប់និងរបួសមនុស្សច្រើននាក់ appeared first on Kampuchea Thmey Daily.