យន្តហោះធុនស្រាល Jabiru J430 របស់ក្រុមហ៊ុន Air First Hospitality & Tours កំពុងហោះហើរលើតំបន់មានចរាចរណ៍មមាញឹក Oba Akran ក្នុងរដ្ឋធានី Lagos នៃប្រទេសនីហ្សេរីយ៉ា នៅពេលវាបង្ខំចុះចតជាបន្ទាន់វេលាម៉ោងប្រហែល ៣រសៀល ថ្ងៃពុធទី២ខែសីហា។

ការិយាល័យស៊ើបអង្កេតសុវត្ថិភាពនីហ្សេរីយ៉ានិយាយថា មនុស្សពីរនាក់នៅលើយន្តហោះ ដែលមានភីឡុតម្នាក់និងអ្នករួមដំណើរម្នាក់ បានរួចជីវិត។

គ្រោះថ្នាក់​នេះ ​បង្ក​ឲ្យ​កក​ស្ទះ​ចរាចរណ៍ ខណៈ​មាន​ផ្សែងហុយពាស​ពេញ​ផ្លូវ ក្រោយមករថយន្តពន្លត់អគ្គិភ័យក៏បានមកដល់។

លេខាធិការអចិន្ត្រៃយ៍ នៃទីភ្នាក់ងារគ្រប់គ្រងគ្រោះអាសន្នរដ្ឋ Lagos លោកវេជ្ជបណ្ឌិត Olufemi Oke-Osanyintolu និយាយថា អ្នកជិះក្នុងយន្តហោះ ត្រូវបានបញ្ជូនទៅមន្ទីរពេទ្យ ដើម្បីព្យាបាលរបួស។

មកទល់ពេលនេះ អាជ្ញាធរនីហ្សេរីយ៉ា កំពុងស៊ើបអង្កេតឧបទ្ទវហេតុខាងលើ ដើម្បីកំណត់ពីមូលហេតុ និងផ្តល់ការណែនាំអំពីសុវត្ថិភាព៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ បុរសម៉ិកស៊ិក បើកឡានបុក យន្តហោះ

The post យន្តហោះនីហ្សេរីយ៉ា ធ្លាក់ ផ្ទុះឆេះលើផ្លូវកំពុងមានចរាចរណ៍មមាញឹក សំណាងល្អ គ្មានមនុស្សស្លាប់ appeared first on Kampuchea Thmey Daily.

លោក Goodluck Opiah ស្នងការរដ្ឋ ទទួលបន្ទុកធនធានប្រេងបាននិយាយថា “អគ្គិភ័យបានកើតឡើងនៅទីតាំងចម្រាញ់ប្រេងខុសច្បាប់ ហើយវាប៉ះពាល់ដល់មនុស្សជាង ១០០ នាក់ដែលត្រូវបានដុតដោយភ្លើង មើលលែងស្គាល់”។

ដំណើរការដ៏គ្រោះថ្នាក់នេះ បានបង្កមហន្តរាយដល់អាយុជីវិតមនុស្សជាច្រើន ហើយបានបំពុលតំបន់ ជាមួយនឹងការលេចធ្លាយប្រេងចូលទៅក្នុងដីស្រែចម្ការ ព្រែក ស្ទឹង បឹងបួរ។

ស្របពេលជាមួយគ្នានោះ មជ្ឈមណ្ឌលតស៊ូមតិយុវជន និងបរិស្ថានបាននិយាយថា រថយន្តជាច្រើនគ្រឿងដែលតម្រង់ជួរដើម្បីទិញប្រេងឥន្ធនៈខុសច្បាប់ ក៏ត្រូវបានឆេះខ្ទេចក្នុងការផ្ទុះនេះដែរ។

គួរបញ្ជាក់ថា មនុស្សចំនួន២៥នាក់ រួមទាំងកុមារមួយចំនួនផងដែរ ត្រូវបានសម្លាប់ក្នុងការផ្ទុះ និងអគ្គិភ័យនៅឯរោងចក្រចម្រាញ់ប្រេងខុសច្បាប់មួយទៀត ក្នុងរដ្ឋ Rivers ដូចគ្នានេះ កាលពីខែតុលា។

ចំណែកកាល​ពី​ខែ​កុម្ភៈ អាជ្ញាធរ​មូលដ្ឋាន​និយាយ​ថា ពួកគេ​បាន​ចាប់​ផ្តើម​​បង្ក្រាប​ដើម្បី​ព្យាយាម​បញ្ឈប់​ការ​ចម្រាញ់​ប្រេងឆៅ​ដែល​លួច​បាន ប៉ុន្តែ​ទទួល​ជោគជ័យ​តិចតួចណាស់។

មន្ត្រីរដ្ឋាភិបាលប៉ាន់ប្រមាណថា នីហ្សេរីយ៉ា ដែលជាប្រទេសផលិត និងនាំចេញប្រេងធំបំផុតរបស់ទ្វីបអាហ្រ្វិក បាត់បង់ប្រេងជាមធ្យម ២០០ ០០០ បារ៉ែលក្នុងមួយថ្ងៃ ពោលគឺច្រើនជាង ១០ ភាគរយនៃផលិតកម្ម ដោយសារតែការលួច ឬបំផ្លិចបំផ្លាញបំពង់បង្ហូរប្រេង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ នាវាដឹកប្រេងផ្ទុះឆេះយ៉ាងអាថ៌កំបាំងនៅ នីហ្សេរីយ៉ា (មានវីដេអូ)

The post នាំគ្នាទៅទិញប្រេងខុសច្បាប់ ស្រាប់តែផ្ទុះឆេះនៅកន្លែងចម្រាញ់ ស្លាប់ជាង ១០០នាក់ ក្នុងប្រទេស នីហ្សេរីយ៉ា appeared first on Kampuchea Thmey Daily.

​វីដេអូ​ដ៏​គួរ​ឲ្យ​ភ្ញាក់​ផ្អើល បាន​បង្ហាញ​ពី​ភ្លើងកំពុង​ឆាប​ឆេះនាវា Trinity Spirit និង​ផ្សែង​ហុយ​ចេញ​ពីនាវា​ដែលលិច​នៅទីតាំងបូម​ប្រេង Ukpokiti ជិត​តំបន់​ដីសណ្ត​ River Niger។

នាវានេះ មានដឹកសមាជិកចំនួន​១០​នាក់ ហើយមកទល់ពេលនេះ មិន​ទាន់​មានអ្នកណាត្រូវបានរកឃើញឡើយ។ ហើយគេក៏​នៅ​មិន​ទាន់​ដឹងដែរ​ថា តើ​​ប្រេង​បានឆាបឆេះ​អស់​ប៉ុន្មាន។

ទោះបីជាយ៉ាងណាក៏ដោយ នៅតែមានអាថ៌កំបាំងជុំវិញមូលហេតុនៃការផ្ទុះលើនាវា ដែលជាកម្មសិទ្ធិរបស់ក្រុមហ៊ុន Shebah Exploration & Production Company Ltd (SEPCOL)។

នាយកប្រតិបត្តិលោក Ikemefuna Okafor បាននិយាយថា ការស៊ើបអង្កេតកំពុងដំណើរការដើម្បីរកមូលហេតុនៃការផ្ទុះ។

ថ្វីបើនីហ្សេរីយ៉ាជាប្រទេសផលិតប្រេងឆៅធំជាងគេនៅទ្វីបអាហ្រ្វិកក៏ដោយ ប៉ុន្តែការចំណាយលើផលិតកម្មគឺមានកម្រិតខ្ពស់ ដោយសារតែគ្រោះថ្នាក់ញឹកញាប់ និងភាពអសន្តិសុខ។

នាពេលកន្លងមក ក្រុមសកម្មប្រយុទ្ធ បានវាយប្រហារជាញឹកញាប់លើស្ថានីយ៍ប្រេង ហើយចោរសមុទ្រនីហ្សេរីយ៉ា តែងតែធ្វើសកម្មភាពនៅទូទាំងឈូងសមុទ្រហ្គីណេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖​ នាវា រុស្ស៊ី ដឹកប្រេង ២ លានបារ៉ែលទៅ អាមេរិក ដោយកម្រ

The post នាវាដឹកប្រេងផ្ទុះឆេះយ៉ាងអាថ៌កំបាំងនៅ នីហ្សេរីយ៉ា (មានវីដេអូ) appeared first on Kampuchea Thmey Daily.

សាកសពមនុស្ស៤នាក់ត្រូវបានរកឃើញ ហើយយ៉ាងហោចណាស់អ្នកនៅរស់រានមានជីវិតបីនាក់ត្រូវបានទាញចេញកាលពីយប់ថ្ងៃចន្ទ ខណៈក្រុមអ្នកជួយសង្គ្រោះប្រឹងប្រែងដើម្បីជួយមនុស្សឲ្យបានទាន់ពេលវេលា នៅកន្លែងកើតហេតុក្នុងសង្កាត់ Ikoyi។

កម្មករ​បាន​ប្រាប់​រ៉យទ័រ​ថា ​ប្រហែល​ជា​មាន​មនុស្ស​១០០​នាក់​កំពុង​ធ្វើ​ការ ​នៅ​ពេល​ដែល​អគារ​នេះ​បាក់។

រដ្ឋាភិបាលរដ្ឋ Lagos បាននិយាយថា អគារនេះមានកម្ពស់ ២២ជាន់ ហើយអាជ្ញាធរកំពុងវាយតម្លៃថាតើមានការខូចខាតដល់អគារនៅក្បែរនោះឬក៏អត់។

ទោះបីជាយ៉ាងណាក៏ដោយ មូលហេតុដែលនាំឲ្យអគារនេះបាក់ មិនទាន់ត្រូវបានគេដឹងនៅឡើយទេ។

គួរបញ្ជាក់ថា ការបាក់អគារ គឺកើតមានជាញឹកញាប់នៅ នីហ្សេរីយ៉ា ដែលជាប្រទេសមានប្រជាជនច្រើនជាងគេក្នុងទ្វីបអាហ្រ្វិក។

បទប្បញ្ញត្តិសាងសង់អគារនៅក្នុងប្រទេសនេះ មិនសូវត្រូវបានគេគោរពឲ្យបានខ្ជាប់ខ្ជូននោះទេ ហើយសម្ភារៈសំណង់ជាច្រើន មិនត្រូវតាមស្តង់ដារឡើយ៕

ប្រែសម្រួល៖ Vann Vann

ប្រភព៖ CNA, BBC

ចុចអាន៖ រកឃើញអ្នកស្លាប់កើនដល់ជិត ១០០នាក់ បន្ទាប់ពីបាក់អគារនៅ Florida

The post បាក់អគារនៅនីហ្សេរីយ៉ា ស្លាប់៤នាក់ ១០០នាក់ទៀតរកមិនទាន់ឃើញ appeared first on Kampuchea Thmey Daily.

នៅក្នុងប្រពៃណីដ៏គួរឱ្យចាប់អារម្មណ៍ ហើយក៏ទំនងមានតែមួយប៉ុណ្ណោះលើលោក ព្រោះជនជាតិដើមភាគតិច អ៊ូបាង (Ubang) នៃភាគខាងត្បូងប្រទេសនីហ្សេរីយ៉ា ប្រើពាក្យសម្ដីផ្សេងគ្នាសម្រាប់ទំនាក់ទំនងផ្អែកតាមភេទរបស់ពួកគេ។

ចំពោះកុមារក្រោម ១០ឆ្នាំ មិនថាប្រុសឬស្រី ត្រូវបានបង្រៀនឱ្យប្រើភាសានិយាយរបស់មនុស្សស្រី ព្រោះម្ដាយជាអ្នកចិញ្ចឹមបីបាច់ពួកគេ។ ប៉ុន្តែនៅអាយុ ១០ ឆ្នាំ ក្មេងប្រុសត្រូវរៀនភាសានិយាយរបស់មនុស្សប្រុសវិញ ព្រោះវាជាជំនឿដែលគេចាត់ទុកវាជានិមិត្តរូបនៃភាពចាស់ទុំ។

អ្នកសិក្សាអំពីគ្រាមភាសា និងជាភាសាវិទូ លោកស្រី Chi Chi Undie បានផ្ដល់បទសម្ភាសន៍ជាមួយទូរទស្សន៍ BBC ថា “មានពាក្យសន្ទនាជាច្រើនដែលបុរសនិងស្ត្រីប្រើជាមួយគ្នា ប៉ុន្តែក៏មានពាក្យសន្ទនា និងអក្សរជាច្រើនផងដែរ ដែលប្រើខុសគ្នាទាំងស្រុង អាស្រ័យលើភេទ។”

ឧទាហរណ៍ ស្ត្រីហៅឆ្កែថា “អូកវ៉ាកវ៉េ” (okwakwe) ចំណែកបុរសហៅថា “អាប៊ូ” (abu )។ សម្លៀកបំពាក់ ស្ត្រីហៅ “អារីហ្គា” (ariga) ឯបុរសវិញគឺ  “អិនគី” (nki)។

ក្នុងនោះប្រុសឬស្រីទាំងឡាយណាដែលប្រើភាសានិយាយរបស់ភេទផ្ទុយ ត្រូវអ្នកស្រុកចាត់ទុកជារឿងមិនធម្មតា និងពិបាកទទួលយក។​

ចំពោះដើមទងដែលនាំឱ្យមានការប្រើភាសានិយាយខុសគ្នាបែបនេះ គឺមានកំណើតមកពីជំនឿសាសនា។ អ្នកស្រុកជឿថា ព្រះជាអ្នកផ្តល់ឱ្យជនជាតិពួកគេនូវភាសា២ផ្សេងគ្នា ចំពោះភេទ២ផ្សេងគ្នាដូច្នេះ។

ចំពោះ គ្រាមភាសាពីរផ្សេងគ្នានៃជនជាតិដើមភាគតិច អ៊ូបាង នេះ មិនមានពាក្យច្រើនសម្បូរបែបដូចភាសាដទៃនៅជុំវិញពិភពលោកឡើយ។ មូលហេតុទំនងអាចមកពី ភាសាទាំងនោះបានឆ្លងកាត់ច្រើនជំនាន់ពេក ហើយគ្មានសំណៅកត់ត្រាទុក។

យ៉ាងណាមិញ មនុស្សវ័យក្មេងនៃសហគមន៍ អ៊ូបាង បានបញ្ចូលភាសាអង់គ្លេសនៅក្នុងគ្រាមភាសារបស់ពួកគេ ហើយសាលារៀនភាគច្រើន មិនអនុញ្ញាតឱ្យសិស្សប្រើភាសាអ៊ូបាងនៅក្នុងថ្នាក់រៀនឡើយ។

ទន្ទឹមគ្នាគ្នាដែរ អ្នកឯកទេសភាសាបានបង្ហាញពីការព្រួយបារម្ភទៅលើភាសានេះថាអាចនឹងបាត់បង់នៅថ្ងៃអនាគត។ ថ្វីបើមានការព្រួយបារម្ភក៏ដោយ ក៏ប្រធានក្រុមប្រឹក្សាប្រពៃណីអ៊ូបាង ជឿជាក់ថា ភាសា អ៊ូបាង នឹងរស់រានមានជីវិតរហូតទៅ។ គ្មានផ្លូវណាដែលភាសានឹងសាបសូន្យនោះទេ ព្រោះប្រសិនបើភាសាបាត់បង់ នោះមានន័យថា ប្រជាជននៅអ៊ូបាងលែងមានទៀតហើយ៕

ប្រែសម្រួល៖ សន្យា

ប្រភព៖ Daily Mail

ចុចអាន៖ ប្រពៃណីចម្លែក! ស្ត្រីនៃកុលសម្ព័ន្ធមួយ ពាក់ចានបបូរមាត់ឲ្យកាន់តែធំ បើចង់បានថ្លៃបណ្ណាការខ្ពស់

ចុចអាន៖ ច្បាប់ទម្លាប់​ប្លែកៗ​ជុំវិញ​ពិភពលោកដែលយើងអាចមិនទាន់ដឹង!

The post ស្រី-ប្រុសជនជាតិតែមួយ ដូចនៅភពផ្សេងគ្នា ដោយសារប្រើភាសានិយាយខុសគ្នាដាច់ appeared first on Kampuchea Thmey Daily.

មនុស្ស​រាប់​ពាន់​នាក់​បាន​ជួប​ជុំ​គ្នា​នៅ​តាម​ផ្លូវ ហើយ​ឥស្សរជន និង​អ្នក​មាន​បំណង​ល្អ​បាន​ធ្វើ​ដំណើរ​មក​ពី​ជុំ​វិញ​ពិភព​លោក នៅ​ពេល​ប្រជា​ជន Itsekiri របស់​អាណាចក្រ Iwere Kingdom ក្នុង​រដ្ឋ Delta បាន​អបអរ​ពិធី​គ្រង​រាជ្យ​ថ្មី​របស់​ស្តេច Ogiame Atuwatse III។

ប្រសូត្រ​នៅ Utieyinoritsetsola Emiko ស្ថិត​ក្នុង​ព្រះ​ជន្ម​​៣៧​វស្សា​បាន​ក្លាយ​ជា​ស្តេច​ទី​២១​នៃ​អាណាចក្រ Warri និង​ស្ថិត​ក្នុង​ចំណោម​ស្តេច​ដែល​វ័យ​ក្មេង​បំផុត​ដែល​បាន​ឡើង​សោយ​រាជ្យ។

ជំរុញ​មនុស្ស​ជំនាន់​ក្រោយ

ព្រះ​អង្គបាន​ជំរុញ​ក្មេង​ជំនាន់​ក្រោយ​ជា​មួយ​នឹង​អាកប្បកិរិយារីក​ចម្រើន​របស់​ព្រះ​អង្គ និង​​​ព្រះ​រាជ​បន្ទូល​របស់​ព្រះ​អង្គគឺ​ជា​ចំណុច​សំខាន់​នៃ​ព្រះ​រាជ​ពិធិអភិសេក​​សម្រាប់​មនុស្ស​ជា​ច្រើន​តែង​តែង​ទួញ​សោក​ពី​បរាជ័យ​នៃ​ការ​ដឹក​នាំ។

ព្រះ​រាជ​សន្ទរកថា​ដ៏​ទូលំទូលាយ ព្រះ​បាន​អំពាវ​នាវ​ឲ្យ​​មើល​ឃើញ​តំបន់​នេះ​ហួស​ពី​ប្រេង និង​ឧស្ម័ន។ ប្រទេស​នីហ្សេរីយ៉ា​​ជា​​អ្នក​ផលិត​ប្រេង​ធំ​ជាង​គេ​បំផុត​នៅ​អាហ្វ្រិក ដែល​​​មាន​ចំណូល​​​ពី​​ ​ការ​នាំ​ចេញសរុប​ដល់​ទៅ​៨៦​%។

តំបន់ Delta នីហ្សេរីយ៉ា នៅ​ភាគ​ខាង​ត្បូង​ប្រទេស​ដែល​ជា​កន្លែង​ប្រយុទ្ធ​ជា​មួយ​ក្រុម​បះបោរ ការ​ធ្លាយ​ប្រេង និង​បំពុល​បរិយាកាស​ដែលបង្ក​ឡើង​ដោយ​ក្រុម​ហ៊ុន​ថាមពលធំ​ៗ​ហួស​ហេតុ​ពេក​​នៅ​ក្នុង​តំបន់។

ព្រះ​អង្គ​មាន​បន្ទូល​ថា ៖«យើង​គួរ​តែ​មើល​ឲ្យ​ឃើញ​ហួស​ពី​ប្រេង និង​ឧស្ម័ន ហើយ​​បញ្ជូន​​ចរន្ត​ថាមពល​របស់​យើង​នៅ​ក្នុង​ទិស​ដៅ​ត្រឹម​ត្រូវ ឆ្ពោះ​ទៅ​រក​ការ​ខិត​ខំ​ប្រឹង​ប្រែង​ដើម្បី​ទទួល​បាន​ផល​បន្ថែម»។

ស្ត្រី​លែង​មើល​មិន​ឃើញ​ទៀត​ហើយ​

ព្រះ​អង្គ Ogiame Atuwatse ក៏​បាន​សន្យា​ថា ស្ត្រី​គួរ​​ផ្តល់​ឲ្យ​ដើរ​តួនាទី​យ៉ាង​សកម្ម​នៅ​ក្នុង​សហគមន។

ព្រះ​មាន​បន្ទូល​ថា ៖«យើង​នឹង​ធានា​ថា ស្ត្រី​ភេទ​ទាំង​មនុស្ស​ធំ​ពេញ​វ័យ និង​ក្មេងមាន​កិត្តិយស និង​ទទួល​បាន​ការ​គោរព​ មិន​ត្រឹម​តែ​​​​ពាក្យ​សំដី​ប៉ុណ្ណោះ​ទេ ប៉ុន្តែ​​ទាំង​ក្នុង​ការ​អនុវត្ត​វប្បធម៌​ជាក់​ស្តែង។ ដូច្នេះ​ខ្ញុំសូម​និយាយ​ទៅ​កាន់​ស្ត្រី​ថ្ងៃ​នេះ​ថា អ្នក​លែង​​មើល​មិន​ឃើញ​ទៀត​ហើយ»។

សាក្សី​ប្រវត្តិ​សាស្ត្រ​

មេ​ដឹក​នាំ​គួរ​ឲ្យ​កត់​សំគាល់​ក្នុង​នោះ​មាន​អតីត​ប្រធានាធិបតី Olusegun Obasanjo និង Ooni of Ife ជាស្តេច​ Ile-Ife នៅ​នីហ្សេរីយ៉ាខាង​ត្បូង-ខាង​លិច ក៏មាន​វត្តមាន​ក្នុង​ពិធី​សោយ​រាជ្យ​​នេះ​ដែរ។

មនុស្ស​ទូទាំង​ប្រទេស និង​អ្នក​នៅ​ក្រៅ​ប្រទេស​ក៏​បាន​តាម​ដាន​ការ​ផ្សាយ​បន្ត​ផ្ទាល់​ដើម្បី​ជា​សាក្សី​នៃ​ពិធី​ជា​ប្រវត្តិ​សាស្ត្រ​នេះ​ដែរ។ ក្រុម Itsekiris ជន​ជាតិ​ភាគ​តិច​មួយ​នៅ​ផ្នែក​ខាង​លិច​ទន្លេ Niger River។

បញ្ច្រាស​បណ្តាសា​ដូនតា

មុន​ពេល​ថ្លែង​ព្រះ​រាជ​សន្ទរកថា ព្រះ​រាជាណាចក្រ Olu of Warri បាន​ធ្វើ​ឲ្យ​មាន​ការ​រំភើប​រីក​រាយ​​ដល់​អ្នក​​មើល​តាម​រយៈ​ការបក​ស្រាយ​បទ​ចម្រៀង​របស់​ព្រះ​អង្គ។ ទោះ​ជា​យ៉ាងណា ចំណុច​នេះ​ទទួល​បាន​ការ​រិះគន់​ខ្លះ​ដែល​រំពឹង​ថា ព្រះ​អង្គ​នឹង​ប្រកាន់​ភ្ជាប់​ប្រពៃណី​រាជវង្ស។

អាណាចក្រ Olu ក៏​បញ្ច្រាស​បណ្តាសា​ដូនតា​ផង​ដែរ​ដែល​ត្រូវ​បាន​គេ​និយាយ​ថា ត្រូវ​បាន​ដាក់​ទៅ​លើ​នីហ្សេរីយ៉ា​ដោយ​​ជីតារបស់​ព្រះ​អង្គគឺ​ស្តេច Olu Erejuwa II។

ព្រះ​អង្គ​មាន​បន្ទូល​ថា ៖«ក្នុង​នាម​ជា​អ្នក​គ្រប់​គ្រងខាង​វិញ្ញាណ វប្បធម៌ នយោបាយ និង​ប្រពៃណី​នៃ​ទឹក​ដី​នេះ… ខ្ញុំសូម​បញ្ច្រាស​បណ្តាសា ហើយ​ដាក់​ជំនួស​វិញ​ដោយ​ការ​អភ័យ​ទោស និង​ធ្វើ​ឲ្យ​ជា​សះ​ស្បើយ​ជា​មួយ​រដ្ឋាភិបាល​សហព័ន្ធ​នីហ្សេរីយ៉ា​»៕

ប្រែ​សម្រួល៖ វីរបុត្រ
ប្រភព៖ CNN

The post ចាប់​អារម្មណ៍​​៤​រឿង​ពេល​ស្តេចថ្មី​ឡើង​គ្រង​រាជ្យ​អាណាចក្រ Iwere​ appeared first on Kampuchea Thmey Daily.

ក្រុមសកម្មប្រយុទ្ធខេត្តអាហ្រ្វិកខាងលិចរដ្ឋឥស្លាម (ISWAP) បាននិយាយនៅក្នុងខ្សែអាត់សំឡេងមួយដែលទទួលបានដោយ Reuters កាលពីថ្ងៃអាទិត្យថា លោក Abubakar Shekau បានស្លាប់ហើយ។

មេដឹកនាំក្រុមសកម្មប្រយុទ្ធឥស្លាមនីហ្សេរីយ៉ា Boko Haram រូបនេះ ត្រូវបានសម្លាប់នៅថ្ងៃទី ១៨ ខែឧសភា។

គាត់បានបំផ្ទុះគ្រាប់បែក បន្ទាប់ពីត្រូវបានដេញតាមដោយក្រុមអ្នកប្រយុទ្ធ ISWAP នៅក្នុងសមរភូមិ។

របាយការណ៍ចារកម្មរបស់នីហ្សេរីយ៉ា ដែលចែករំលែកដោយមន្រ្តីរដ្ឋាភិបាលនិងអ្នកស្រាវជ្រាវក្រុម Boko Haram ក៏បាននិយាយផងដែរថា លោក Shekau បានស្លាប់ហើយ។

ក្រុម Boko Haram ទទួលបានការចាប់អារម្មណ៍ទូទាំងពិភពលោក បន្ទាប់ពីការចាប់ពង្រត់ក្មេងស្រីសិស្សសាលាជាង២៧០នាក់ ពីទីក្រុង Chibok ដែលបង្កឲ្យមានយុទ្ធនាការជាសកលសម្រាប់ការដោះលែងពួកគេ ដែលត្រូវបានគេហៅថា #BringBackOurGirls។

ក្មេងស្រី Chibok ប្រហែល ១០០ នាក់នៅតែបាត់ខ្លួន ហើយខ្លះទៀតត្រូវគេគិតថាបានស្លាប់។

លោក Shekau បានដឹកនាំក្រុម Boko Haram បំបែកចេញពីនិកាយឥស្លាមក្នុងឆ្នាំ ២០០៩ ទៅជាក្រុមបះបោរពេញលេញ ដោយបានបើកយុទ្ធនាការសម្លាប់ ចាប់ពង្រត់និងការលួចប្លន់តាមផ្លូវនៅភាគឦសានប្រទេសនីហ្សេរីយ៉ា។

ក្រុមនេះបានសម្លាប់មនុស្សជាង ៣០,០០០ នាក់ ហើយបង្ខំមនុស្សប្រមាណ ២ លាននាក់ ឲ្យ ភៀសខ្លួនចេញពីផ្ទះសម្បែងនិងបានបង្កើតនូវវិបត្តិមនុស្សធម៌ដ៏អាក្រក់បំផុតមួយរបស់ពិភពលោក៕

ប្រែសម្រួល៖ Vann Vann

ប្រភព៖ Mirror

ចុចអាន៖ រកឃើញក្រុមនៅពីក្រោយការចាប់ជម្រិតក្មេងសិស្សសាលានីហ្សេរីយ៉ាជាង៣០០នាក់

The post សម្លាប់មនុស្សមិនញញើតដៃ ទីបំផុត មេក្រុម Boko Haram ត្រូវស្លាប់ដោយស្នាដៃខ្លួនឯង appeared first on Kampuchea Thmey Daily.

ចំនួនសិស្សដែលបាត់ខ្លួននៅតែមិនទាន់ច្បាស់។ អ្នកនាំពាក្យយោធាលោកឧត្តមសេនីយ៍ John Enenche បានប្រាប់ប៉ុស្តិ៍ Channels កាលពីថ្ងៃអង្គារថា សិស្សចំនួន៣៣៣នាក់បានបាត់ខ្លួនបន្ទាប់ពីខ្មាន់កាំភ្លើងប្រដាប់ដោយអាវុធបានវាយឆ្មក់ចូលអនុវិទ្យាល័យវិទ្យាសាស្ត្ររដ្ឋាភិបាលនៅក្នុងទីក្រុង Kankara។

បុរសនៅក្នុងសារជាសំឡេងកាលពីថ្ងៃអង្គារបាននិយាយថា “ខ្ញុំគឺ Abubakar Shekau ហើយបងប្អូនរបស់យើងនៅពីក្រោយការចាប់ពង្រត់ក្នុងរដ្ឋ Katsina។

ទោះបីជាយ៉ាងណាក៏ដោយ បុរសរូបនេះមិនបានផ្តល់ភ័ស្តុតាងណាមួយសម្រាប់ការអះអាងនោះទេ។ ក៏មិនមានវីដេអូណាមួយត្រូវបានបង្ហាញពីក្មេងប្រុសដែលបាត់ខ្លួនទាំងនោះដែរ។

ក្រុម Boko Haram និងបក្សពួករបស់ខ្លួន Islamic State in West Africa Province (ISWAP) បានធ្វើយុទ្ធនាការប្រដាប់អាវុធយ៉ាងសាហាវរយៈពេលជាច្រើនឆ្នាំនៅភាគឦសាននៃប្រទេសនិងនៅប្រទេសជិតខាងដូចជាកាមេរូន ឆាដនិងនីហ្សេរីយ៉ា។

ក្នុងឆ្នាំ២០១៤ ក្រុម Boko Haram បានចាប់ពង្រត់ក្មេងស្រីសិស្សសាលារាប់រយនាក់នៅក្នុងទីក្រុង Chibok៕

ប្រែសម្រួលដោយ៖ Vann Vann

ប្រភព៖ Al Jazeera

The post រកឃើញក្រុមនៅពីក្រោយការចាប់ជម្រិតក្មេងសិស្សសាលានីហ្សេរីយ៉ាជាង៣០០នាក់ appeared first on Kampuchea Thmey Daily.