ប្រពៃណីចម្លែក! ស្ត្រីនៃកុលសម្ព័ន្ធមួយ ពាក់ចានបបូរមាត់ឲ្យកាន់តែធំ បើចង់បានថ្លៃបណ្ណាការខ្ពស់

ស្ត្រីនៃកុលសម្ព័ន្ធមួយនៅប្រទេសអេត្យូពី ពាក់ចានបបូរមាត់បានកាន់តែធំ នោះនឹងទទួលបានថ្លៃបណ្ណាការកាន់តែច្រើន។

ប្រជាជន Surma នៃកុលសម្ព័ន្ធ Suri ត្រូវបានគេដឹងថា មានប្រពៃណីបង្គាប់បណ្ណាការប្លែកមួយ ដោយតម្រូវឱ្យកូនក្រមុំពាក់ចានលើបបូរមាត់ ហើយកាលណាចានកាន់តែរីកធំៗ នោះតម្លៃទឹកដោះនឹងបានកាន់តែខ្ពស់។

កុលសម្ព័ន្ធនេះ ជាកុលសម្ព័ន្ធមួយក្នុងចំណោមកុលសម្ព័ន្ធចំនួន ៨ ដែលមានប្រជាជនសរុបប្រមាណ ២០ ម៉ឺននាក់ រស់នៅតំបន់ Kibish ស្ថិតនៅជ្រលង OMo ប្រទេសអេត្យូពី ក្នុងទ្វីបអាហ្វ្រិក។

ក្នុងទំនៀមទម្លាប់នៃកុលសម្ព័ន្ធ Suri នៅពេលស្ត្រីពេញវ័យ អាចបង្កើតកូនបាន គេនឹងដកធ្មេញក្រោមខាងមុខចំនួន ២ ចេញ ហើយចោះរន្ធត្រង់បបូរមាត់ខាងក្រោមរបស់នាង។ បន្ទាប់មកពួកគេបញ្ចូលដីឥដ្ឋ ឬថាសឈើនៅក្នុងរន្ធនេះ។ នៅពេលរន្ធរីក គេយកថាសដាក់នៅទីនោះ ដើម្បីពង្រីកបបូរមាត់ និងបន្តទៀតរហូតវាឈានដល់ចានដែលមានទំហំពេញមាត់។ យ៉ាងណាចានមិនមានទំហំប៉ុនគ្នាទាំងអស់នោះទេ ប៉ុន្តែទំហំស្ដង់ដារគឺចាប់ពី ៨ អ៊ីញ(ជាង ២៥ សង់ទីម៉ែត្រ) ឡើងទៅ ហើយចានធំបំផុតមានទំហំ ១៦ អ៊ីញ(ជាង ៤០ សង់ទីម៉ែត្រ)។

បបូរមាត់បែបនេះត្រូវបានប្រជាជន Surma ចាត់ទុកជានិមិត្តរូបនៃភាពចាស់ភាពទុំ ក៏ដូចជាភាពស្រស់ស្អាតរបស់ស្ត្រីដែលទាក់ទាញបុរសឱ្យរៀបការជាមួយនាង៕

ប្រែសម្រួល៖ សន្យា

ប្រភព៖ Daily Star

ចុចអាន៖ ស្ត្រី​រស់នៅ​ក្នុង​ប្រទេស​ទាំង ៥ នេះ ងាយ​រងគ្រោះ​បំផុត​ដោយសារ​អំពើ​ហិង្សា

ចុចអាន៖ វិធីកែ​សម្រស់ប្លែក​ៗរបស់ស្ត្រីក្នុងប្រទេសចំនួន ១១ នៅជុំវិញពិភពលោក