បើតាមលោក ចន ណារិទ្ធ ការកែសម្រួលជាបណ្តោះអាសន្ននូវយន្តការ និងនីតិវិធីនៃការអនុវត្តកម្មវិធីនេះ នឹងអនុញ្ញាតឱ្យស្រ្តីមានផ្ទៃពោះ និងកុមារអាយុក្រោម ២ឆ្នាំ ដែលជាសមាជិកគ្រួសារមានបណ្ណសមធម៌ ក្នុងភូមិសាស្រ្តដែលមានជម្លោះព្រំដែន នៅតែបន្តទទួលបានប្រាក់ឧបត្ថម្ភពីរាជរដ្ឋាភិបាល ដោយលើកលែងការអនុវត្តលក្ខខណ្ឌពិនិត្យសុខភាព ទាំងមុនពេលសម្រាល, ពេលសម្រាល, និងក្រោយពេលសម្រាល នៅតាមមូលដ្ឋានសុខាភិបាលសាធារណៈ។

លោក ចន ណារិទ្ធ ឱ្យដឹងថា ចាប់តាំងពីឆ្នាំ២០១៩ មក រាជរដ្ឋាភិបាលកម្ពុជាបានដាក់ចេញនូវកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម ២ឆ្នាំ ក្នុងគោលបំណងលើកទឹកចិត្តដល់ស្រ្តីមានផ្ទៃពោះ និងកុមារអាយុក្រោម២ឆ្នាំ ទៅមូលដ្ឋានសុខាភិបាលសាធារណៈចាប់តាំងពីមុនសម្រាល ពេលសម្រាល និង ក្រោយសម្រាលរហូតកូនមានអាយុ ២ ឆ្នាំ ដើម្បីលើកកម្ពស់សុខុមាលភាពមាតា និងទារក ព្រមទាំងរួមចំណែកដោះស្រាយបញ្ហាកង្វះអាហារូបត្ថម្ភ ដែលជួយជំរុញដល់ការលូតលាស់ទាំងកាយសម្បទា និងបញ្ញាស្មារតីឱ្យស្របតាមគោលនយោបាយជាតិគាំពារសង្គមរបស់រាជរដ្ឋាភិបាល។

អគ្គលេខាធិការក្រុមប្រឹក្សាជាតិគាំពារសង្គម បន្ថែមថា ដោយឡែកក្នុងអំឡុងដែលកម្ពុជារងការឈ្លានពានពីប្រទេសថៃពេលនេះ បានធ្វើឱ្យរងផងប៉ះពាល់យ៉ាងធ្ងន់ធ្ងរដល់សិទ្ធិរស់រានមានជីវិតរបស់ពលរដ្ឋ ជាពិសេសសិទ្ធិក្នុងការការទទួលបានការគាំពារសម្រាប់ស្រ្តីមានផ្ទៃពោះ និងកុមារ, ក្នុងន័យនេះ រាជរដ្ឋាភិបាលកម្ពុជា មានភាពចាំបាច់ក្នុងការ កែសម្រួលជាបណ្តោះអាសន្ននូវយន្តការ និងនីតិវិធីនៃការអនុវត្តកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម ២ឆ្នាំ ក្នុងគោលបំណងធានាបន្តផ្តល់អត្ថប្រយោជន៍ពីកម្មវិធីជូនក្រុមគោលដៅ សំដៅជួយរក្សាលំនឹងជីវភាព ក្នុងអំឡុងជម្លោះព្រំដែនកម្ពុជាដែលរងការឈ្លានពានពីប្រទេសថៃ នាពេលនេះ៕

The post ស្រ្តីមានផ្ទៃពោះ និងកុមារអាយុក្រោម២ឆ្នាំ មកពីគ្រួសារក្រីក្រមានបណ្ណសមធម៌ក្នុងភូមិសាស្រ្តមានជម្លោះព្រំដែននៅតែបន្តទទួលបានប្រាក់ឧបត្ថម្ភពីរដ្ឋ appeared first on Kampuchea Thmey Daily.

លោក ចន ណារិទ្ធ បញ្ជាក់ដូច្នេះ នាល្ងាចថ្ងៃទី ២៧ ខែកក្កដា ឆ្នាំ២០២៥ នៅក្នុងដំណើរអង្កេត និងវាយតម្លៃស្ថានភាពរស់នៅរបស់ពលរដ្ឋដែលបានភៀសសឹកពីតំបន់ដែលរងការឈ្លានពានពីប្រទេសថៃ។

លោក ចន ណារិទ្ធ បន្តថា រាជរដ្ឋាភិបាលកម្ពុជាក្នុងសម័យតេជោ-ធិបតី នឹងផ្តល់ការគាំពារជូនពលរដ្ឋគោលដៅគ្រប់កាលៈទេស ទាំងអស់ ដោយមិនបោះបង់ពលរដ្ឋណាម្នាក់ឡើយ។

ក្នុងដំណើរចុះអង្កេត និងវាយតម្លៃក្នុងការផ្តល់ការគាំពារជូនគ្រួសារដែលបានភៀសសឹកមកកាន់កន្លែងសុវត្តិភាព, លោក ចន ណារិទ្ធ និងសហការរី ក៏បាននាំយកនៅអង្ករ និងវត្ថុប្រើប្រាស់ចាំបាច់មួយចំនួន ជូនគ្រួសារដែលបានភៀសសឹកដែលកំពុងមានតម្រូវការចាំបាច់ ផងដែរ៕

The post ត្បិតមានកម្ពុជាជម្លោះព្រំដែនជាមួយថៃ ក៏រដ្ឋនៅតែបន្ត​បើកប្រាក់ឧបត្ថម្ភដល់ពលរដ្ឋមានបណ្ណសមធម៌ធម្មតា appeared first on Kampuchea Thmey Daily.

ក្រសួងការងារ បានបញ្ជាក់ថា ធនាគារ វីង នឹងផ្ញើសារអំពីការបើកប្រាក់ឧបត្ថម្ភរបស់រាជរដ្ឋាភិបាលទៅលេខទូរសព្ទ ដែលបងប្អូនបានផ្ដល់មកឱ្យក្រសួងតាមរយៈរដ្ឋបាលរោងចក្រ នាពេលកន្លងមក។

ប្រាក់ឧបត្ថម្ភនេះនឹងត្រូវបើកផ្តល់ជាប្រាក់រៀល និងអាស្រ័យលើចំនួនថ្ងៃនៃការព្យួរកិច្ចសន្យាការងារ ក្នុងនោះចំនួន៖ ទឹកប្រាក់ ៨១ ០០០រៀល (២០ដុល្លារអាម៉េរិក) សម្រាប់ការព្យួរកិច្ចសន្យាការងាររយៈពេល ៧ថ្ងៃ ដល់ ១៤ថ្ងៃ -ទឹកប្រាក់ចំនួន ១៦២ ០០០រៀល (៤០ដុល្លារអាមេរិក) សម្រាប់ការព្យួរកិច្ចសន្យាការងាររយៈពេល ១៥ថ្ងៃ ដល់ ១ខែ។

ក្រសួងបានរំឮកថា ធនាគារ វីង (ខេមបូឌា) ម.ក នឹងបង្វិលប្រាក់ឧបត្ថម្ភនេះជូនរាជរដ្ឋាភិបាលវិញ ប្រសិនខកខាន មិនបានទៅបើកប្រាក់ឧបត្ថម្ភនេះ ក្នុងរយៈពេល ២១ថ្ងៃ បន្ទាប់ពីទទួលបានសារតាមទូរសព្ទពីធនាគារ វីង (ខេមបូឌា) ម.ក។ ដើម្បីបើកប្រាក់ឧបត្ថម្ភនេះ កម្មករនិយោជិត ត្រូវយកអត្តសញ្ញាណប័ណ្ណសញ្ញាតិខ្មែរ និងទូរសព្ទដែលទទួលបានសារនោះ ទៅកាន់ភ្នាក់ងារវីងដែលនៅជិតបំផុត។

សូមបញ្ជាក់ថា បងប្អូនមិនតម្រូវឱ្យបង់ថ្លៃសេវាទៅភ្នាក់ងារវីងឡើយពេលបើកប្រាក់ឧបត្ថម្ភនេះ។

ក្នុងករណីកម្មករនិយោជិត ដែលបម្រើការងារនៅរោងចក្រទាំង១៤ នេះ មិនបានទទួលសារទូរសព្ទពីធនាគារវីង សូមទំនាក់ទំនងសួរព័ត៌មានបន្ថែម ឬធ្វើបច្ចុប្បន្នភាពលេខទូរសព្ទរបស់ខ្លួនទៅរដ្ឋបាលរោងចក។ ក្រសួងនឹងបន្តជូនដំណឹងដល់បងប្អូនកម្មករនិយោជិតរោងចក្រដទៃផ្សេងទៀត ដែលទីទួលបានការអនុញ្ញាតព្យួរកិច្ចសន្យាការងារអំពីការបើកផ្តល់ប្រាក់ឧបត្ថម្ភនេះ៕

The post ក្រសួងការងារ ប្រកាសឱ្យកម្មករនិយោជិតរោងចក្រចំនួន១៤ ដែលត្រូវបានព្យួរការងារបើកប្រាក់ឧបត្ថម្ភ appeared first on Kampuchea Thmey Daily.

ថ្លែងក្នុងពិធីផ្សព្វផ្សាយការអនុវត្តរបបសន្ដិសុខសង្គមសម្រាប់បុគ្គលទាំងឡាយ ដែលស្ថិតនៅក្រោមបទប្បញ្ញត្តិនៃច្បាប់​ស្ដីពី​ការ​ងារ​កាលពីថ្ងៃទី១១ សីហា នៅសាលប្រជុំសាលាខេត្តកណ្តាលលោកបណ្ឌិត ហេង សុផាន់ណារិទ្ធ អគ្គនាយករង និងជាអ្នកនាំពាក្យនៃ ប.ស.ស. បានឱ្យដឹងថាបន្ទាប់ពីប្រមុខរាជរដ្ឋាភិបាលប្រកាសដំឡើងកម្រិត​នៃការផ្តល់ប្រាក់ឧបត្ថម្ភបន្ថែមខាងលើ គិតចាប់ពីថ្ងៃទី១ ខែសីហា ឆ្នាំ២០២៣ រហូតមកដល់ថ្ងៃទី១០ ខែសីហា ឆ្នាំ២០២៣ នេះ សមាជិក ប.ស.ស. ជាស្រ្តីបានទទួលប្រាក់ឧបត្ថម្ភពិនិត្យផ្ទៃពោះមុនសម្រាលមានចំនួន ១៣៧នាក់, ទទួលប្រាក់ឧបត្ថម្ភពិនិត្យសុខភាពក្រោយសម្រាលមានចំនួន ៣០នាក់ និងទទួលប្រាក់ឧបត្ថម្ភពេល​ចាក់វ៉ាក់សាំងកូន​មានចំនួន ១២នាក់។

លោកបានបន្តថា គោលនយោបាយជាយុទ្ធសាស្ត្រថ្មីរបស់រាជរដ្ឋាភិបាល ស្តីពីការបង្កើនប្រាក់ឧបត្ថម្ភរាជរដ្ឋាភិបាល សម្រាប់សមាជិក ប.ស.ស. ជាស្ត្រីមានផ្ទៃពោះ និងកូនអាយុក្រោម២ឆ្នាំនេះ គឺជាការយកចិត្តទុកដាក់ខ្ពស់​ក្នុងការ​លើកកម្ពស់សុខុមាលភាពមាតា និងទារក ព្រមទាំងរួមចំណែកដោះស្រាយបញ្ហាកង្វះអាហារូបត្ថម្ភ​ចាប់តាំងពីកូន​ក្នុងផ្ទៃរហូតដល់អាយុក្រោម ២ឆ្នាំ ដែលជួយជំរុញដល់ការលូតលាស់ទាំងកាយសម្បទា និងបញ្ញាស្មារតី ឱ្យស្របតាមគោលនយោបាយជាតិគាំពារសង្គមរបស់រាជរដ្ឋាភិបាល ដែលក្នុងនោះ ប.ស.ស. បើកផ្ដល់ជូន​ជាបីដំណាក់កាល ដែលស្មើនឹងចំនួន ១៥លើក។

លោកបណ្ឌិតអគ្គនាយករង បានបញ្ជាក់ទៀតថា ដើម្បីធានាគោលការណ៍ទូទៅនៃប្រព័ន្ធសន្តិសុខសង្គម លើទស្សនា​ទាននៃការចែករំលែក និងគោលការណ៍សាមគ្គីធម៌ក្នុងសង្គម និងធានាបាននូវសន្តិសុខប្រាក់ចំណូល ប.ស.ស. បានសម្រេចបន្ថែមអត្ថប្រយោជន៍ក្នុងផ្នែកថែទាំសុខភាព គឺការផ្ដល់វិភាជន៍បូជាសពចំនួន ២លានរៀល និងបានកែ​សម្រួលវិភាជន៍បូជាសពក្នុងផ្នែកហានិភ័យការងារពី ៤លានរៀល ទៅ១០លានរៀលផងដែរ។

លោក ប្រាក់ សារ៉ាត អភិបាលរង នៃគណៈអភិបាលខេត្តកណ្ដាល បានអំពាវនាវដល់ម្ចាស់ក្រុមហ៊ុន រោងចក្រ សហគ្រាស គ្រឹះស្ថានទាំងអស់ក្នុងខេត្តកណ្តាល ដែលទើបបើកថ្មីៗ ឬបើកយូរហើយ តែមិនទាន់បានចុះបញ្ជី ត្រូវប្រញ៉ាប់​ទៅចុះបញ្ជីជាមួយ ប.ស.ស. ដើម្បីឱ្យកម្មករនិយោជិតក្លាយជាសមាជិក ប.ស.ស. ចៀសវាងខាតបង់​អត្ថប្រយោជន៍របបសន្តិសុខសង្គម ពិសេសចំពោះសហគ្រាសដែលបានចុះបញ្ជីរួចត្រូវចូលរួមអនុវត្តច្បាប់ឱ្យបានខ្ជាប់ខ្ជួន នឹងត្រូវ​ចូលរួមសហការរាល់សកម្មភាពដែលក្រុមការងារ ប.ស.ស. ដែលបានចុះទៅផ្សព្វផ្សាយបញ្រ្ជាបចំណេះ​ដឹងអំពី​អត្ថប្រយោជន៍​របបសន្ដិសុខសង្គម និងចំណេះដឹងផ្សេងៗទៀត៕

អត្ថបទ ៖ សំអឿន

The post សមាជិក ប.ស.ស. ជាស្រ្តីមានផ្ទៃពោះជាង១៣០នាក់​ទទួលបានប្រាក់ឧបត្ថម្ភបន្ថែមថ្មី​ពីរដ្ឋាភិបាល appeared first on Kampuchea Thmey Daily.

នៅក្នុងកម្មវិធីសម្ពោធ និងផ្សព្វផ្សាយលទ្ធផលនៃការវាយតម្លៃការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធនឹងកូវីដ-១៩កាលពីថ្ងៃពុធ លោក ចន ណារិទ្ធ បានអះអាងថាកម្មវិធីនេះ គឺគ្រាន់តែជាជំនួយមួយផ្នែកដែលរដ្ឋាភិបាលឧបត្ថម្ភសាច់ប្រាក់ដល់ប្រជាពលរដ្ឋមានជីវភាពក្រីក្រប៉ុណ្ណោះ ដើម្បីរក្សាលំនឹងជីវភាពក្នុងអំឡុងពេលវិបតិ្តកូវីដ-១៩ ដែលត្រូវបានបិទសេដ្ឋកិច្ច និងផ្អាកការងារ មិនមែនកាត់បន្ថយភាពក្រីក្ររបស់ប្រជាពលរដ្ឋទាំងស្រុងនោះទេ។

បើតាមលោក ចន ណារិទ្ធ ចាប់តាំងពីអនុវត្ដកម្មវិធីនេះមក គឺរយៈពេល ២៥ខែហើយដែលរដ្ឋាភិបាលឧបត្ថម្ភសាច់ប្រាក់ដល់គ្រួសារក្រីក្រ ក្នុងនោះ ដោយគិតចាប់ពីកុមារ ជនមានពិការភាព ជនមានភាពចាស់ជរា ដែលមានអាយុចាប់ពី ៦០ឆ្នាំឡើង និងគ្រួសារមានអ្នកផ្ទុះមេរោគអេដស៍ សរុបជាទឹកប្រាក់ប្រមាណ៧៤៤,៦លាន ដុល្លារអាមេរិក។ ជាក់ស្តែង នៅក្នុងខែមិថុនាឆ្នាំ២០២២នេះ មានគ្រួសារចំនួន ៤៩២ គ្រួសារបន្ថែមទៀត ដែលបានដាក់បញ្ចូលក្នុងបញ្ជីគ្រួសារក្រីក្រ។

គួរបញ្ជាក់ថា ការដាក់ឱ្យដំណើរកម្មវិធីឧបត្ថម្ថសាច់ប្រាក់ជូនគ្រួសារក្រីក្រ និងងាយរងគ្រោះក្នុង អំឡុងកូវីដ-១៩ នេះ គឺចាប់អនុវត្តតាំងពីថ្ងៃទី ២៤ មិថុនា ឆ្នាំ ២០២០ មកម្ល៉េះ រហូតមកដល់ពេលនេះ គឺមានរយៈពេល ២៥ខែហើយ៕

ដោយ៖ នាង រតនៈ

The post លោក ចន ណារិទ្ធ៖ មកដល់ពេលនេះ រដ្ឋបានឧបត្ថម្ភសាច់ប្រាក់ដល់គ្រួសារក្រីក្រ ជាង៧៤៤លានដុល្លារហើយ appeared first on Kampuchea Thmey Daily.