ផលិតកម្ម ហ្គាឡាក់ស៊ី ណាវ៉ាត្រា ទទួលបានសិទ្ធិពីសម្តេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ក្នុងការផលិត album កម្រងចម្រៀងដកស្រង់ចេញពីសាច់រឿង “កូនប្រុសក្រោមពន្លឺព្រះចន្ទពេញបរមី” ដែលជារឿងប្រវត្តិសាស្ត្រ និងឆ្លុះបញ្ចាំងពីជីវិតតស៊ូរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ក្នុងបុព្វហេតុជាតិមាតុភូមិ។

ពិធីនេះធ្វើឡើង កាលពីថ្ងៃទី២០ ខែមីនា ឆ្នាំ២០២៥ ក្រោមការអញ្ជើញជាកិត្តិយសរបស់អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ហ្គាឡាក់ស៊ីណាវ៉ាត្រា គ្រុប និងលោកស្រីភរិយា ព្រមទាំងថ្នាក់ដឹកនាំក្រុមហ៊ុន ទីប្រឹក្សាផលិតកម្ម ផលិតករ អ្នកនិពន្ធ តារាចម្រៀង សិល្បករសិល្បការិនី និងភ្ញៀវកិត្តិយសជាច្រើនរូប ដែលប្រាព្ធធ្វើឡើងនៅភោជនីយដ្ឋានទន្លេបាសាក់ រាជធានីភ្នំពេញ។

អ្នកឧកញ៉ា ឡេង ណាវ៉ាត្រា  សម្ដែងការដឹងគុណដ៏ខ្ពង់ខ្ពស់បំផុតដល់សម្តេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ដែលមានទឹកចិត្តប្រកបដោយគុណធម៌ដ៏ជ្រាលជ្រៅផ្តល់ឱកាសឲ្យក្រុមហ៊ុន ហ្គាឡាក់ស៊ី ណាវ៉ាត្រា គ្រុប ទទួលសិទ្ធិផលិត album កម្រងចម្រៀងដកស្រង់ចេញពីសាច់រឿង “កូនប្រុសក្រោមពន្លឺព្រះចន្ទពេញបរមី” ដោយអ្នកឧកញ៉ាបង្ហាញនូវមោទកភាពដ៏ខ្ពង់ខ្ពស់យ៉ាងក្រៃលែងសម្រាប់ផលិតកម្ម ហ្គាឡាក់ស៊ី និងក្នុងនាមអ្នកឧកញ៉ាផ្ទាល់ ដែលបានទទួលនូវភារកិច្ច ដ៏មានតម្លៃជាប្រវត្តិសាស្រ្តក្នុងការផលិត album កម្រងចម្រៀងដកស្រង់ចេញពីសាច់រឿង “កូនប្រុសក្រោមពន្លឺព្រះចន្ទពេញបរមី”។

ទន្ទឹមគ្នានេះ អ្នកឧកញ៉ា អះអាងថា ពេលដែលទទួលការងារមួយនេះរូបលោកមានក្ដីរំភើបរីករាយ ព្រោះភារកិច្ចដ៏ធំធេងគឺមានតម្លៃមហាសាលក្នុងជីវិតអ្នកឧកញ៉ា ដែលរកអ្វីមកប្រៀបផ្ទឹមបានឡើយ ហើយអ្នកឧកញ៉ារួមជាមួយឯកឧត្តម ហ៊ឹម នភា តារាចម្រៀង ដែលទទួលបានការណែនាំផ្ទាល់ពីសម្តេចតេជោ គឺមានការប្តេជ្ញាចិត្តខ្ពស់ក្នុងការផលិតកម្រង Album កម្រងចម្រៀងរឿង “កូនប្រុសក្រោមពន្លឺព្រះចន្ទពេញបរមី” ដើម្បីផលិតជូនដោយក្តីគោរពបំផុតជូនសម្តេចតេជោ និងសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន បន្សល់ទុកកម្រងចម្រៀងដល់អ្នកជំនាន់ក្រោយបានដឹងគ្រប់ព្រឹត្តិការណ៍ប្រវត្តិសាស្រ្តប្រទេសកម្ពុជា ដែលសាច់រឿង និងចម្រៀងនេះ គឺជាប្រវត្តិសាស្ត្រសម្រាប់ក្មេងជំនាន់ក្រោយរាប់ជំនាន់ អាចសិក្សារៀនសូត្រនិងស្វែងយល់បន្ថែមពីតថភាពនៃជីវិតពិតៗ របស់ សម្តេច ក្នុងបុព្វហេតុប្តូរសាច់ស្រស់ ឈាមស្រស់តស៊ូសង្រ្គោះជាតិមាតុភូមិ និងប្រជាជនកម្ពុជា ឱ្យរួចផុតពីរបបយង់ឃ្នងប្រល័យពូជសាសន៍ ប៉ុល ពត និងដើម្បីធ្វើឱ្យមានភាពងាយស្រួលសម្រាប់ការស្រាវជ្រាវ និងអាចរក្សាសិទ្ធិបានពេញលេញ។

អ្នកចម្រៀងពីររូប គឺអ្នកនាង ស៊ុន ស្រីពេជ្រ និងលោក ខេម គឺជាអ្នកចម្រៀងដែលសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ពេញចិត្ត និងផ្ដល់ឱកាសឱ្យច្រៀងក្នុងការផលិតមួយនេះ។

លោក ជា លីសែ ទីប្រឹក្សាផលិតកម្ម Galaxy Navatra បានលើកឡើងថា សម្រាប់ការងារ Media ដើម្បីធ្វើការផ្សព្វផ្សាយនូវបទចម្រៀង ក្រោយពីបានផលិតរួចរាល់ទាំងអស់ឱ្យបានទូលំទូលាយ សម្តេចតេជោ បានផ្តល់ជាអនុសាសន៍ដ៏ខ្ពង់ខ្ពស់ ដោយអនុញ្ញាតជូនផលិតកម្ម Galaxy Navatra ផលិត រក្សាទុកច្បាប់ដើមនៃចម្រៀងទាំងអស់ និងផ្សព្វផ្សាយតាមបណ្តាញសង្គមឱ្យបានទូលំទូលាយ ព្រមទាំងប្រគល់ជូនក្រុមការងារ Media របស់ សម្តេចតេជោ ដើម្បីផ្សព្វផ្សាយផងដែរ។

នៅក្នុងឱកាសនេះ ក៏មានរៀបចំធ្វើសន្និសីទសារព័ត៌មាន ស្តីពីពិធីទទួលសិទ្ធិពីសម្តេចតេជោ ហ៊ុន សែន និងសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន បង្កើត album កម្រងចម្រៀងដកស្រង់ចេញពីសាច់រឿង “កូនប្រុសក្រោមពន្លឺព្រះចន្ទពេញបរមី” ដោយអ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន Galaxy Navatra Group លោក ហ៊ឹម នភា ទីប្រឹក្សាផលិតកម្ម Galaxy Navatra និងតារាចម្រៀង ខេម ដើម្បីបញ្ជាក់ពីបន្ថែមពីគោលបំណង បេសកកម្ម ចក្ខុវិស័យក្នុងការផលិត Album ចម្រៀងរឿង “កូនប្រុសក្រោមពន្លឺព្រះចន្ទពេញបរមី” ផងដែរ៕

The post ផលិតកម្ម Galaxy Navatra បានសិទ្ធិផលិតចម្រៀងស្រង់ចេញពីរឿង “កូនប្រុសក្រោមពន្លឺព្រះចន្ទពេញបរមី” ជាខ្សែជីវិតពិតរបស់សម្ដេចតេជោ appeared first on Kampuchea Thmey Daily.

បទ «5សីហាការដ្ឋានប្រវត្តិសាស្រ្តហ្វូណនតេជោ» ត្រូវបានរាប់បញ្ចូលជាបទចម្រៀងប្រវត្តិសាស្ត្ររបស់ជាតិ ដ៏មានសារៈសំខាន់មួយ ដោយខ្លឹមសារនៃបទចម្រៀងបានរៀបរាប់ពីដំណើរស្វែងរកសន្តិភាពរបស់សម្ដេចតេជោ និងឥស្សរជន គោលនយោបាយឈ្នះឈ្នះរបស់សម្ដេចតេជោបង្រួបបង្រួមជាតិ បញ្ចប់សង្គ្រាម និងការសាមគ្គីជាតិដ៏មហិមា។ ជាពិសេសនោះ បានបង្ហាញពីសមត្ថភាពដ៏មានឥទ្ធិពលរបស់ សម្ដេចធិបតី ជាគ្រាប់ពេជ្រនៃយុវជនជំនាន់ក្រោយ គឺការការពារសន្តិភាព និងជំរុញការអភិវឌ្ឍគ្រប់វិស័យ។

បទ «5សីហាការដ្ឋានប្រវត្តិសាស្រ្តហ្វូណនតេជោ» ត្រូវបានផលិតឡើងដោយផលិតកម្ម Galaxy Navatra ក្រោយការចុះដឹកនាំដោយផ្ទាល់ពីអ្នកឧកញ៉ា ឡេង ណាវ៉ាត្រា អគ្គនាយក ដោយការយកចិត្តទុកដាក់បំផុត។

បទចម្រៀងមួយនេះ មានតារាចម្រៀងច្រៀងរួមគ្នាជាង100នាក់ និងយុវជនច្រៀងអមជាង 3,000 នាក់ និងគ្រប់ក្រសួងស្ថាប័ន។ Full MV បានចេញកាលពីម៉ោង១២ថ្ងៃត្រង់ នាថ្ងៃទី៥ ខែសីហា ឆ្នាំ២០២៤ ចំថ្ងៃបើកការដ្ឋានតែម្ដង បច្ចុប្បន្នបទចម្រៀងមួយបទនេះ កំពុងតែទទួលការចាប់អារម្មណ៍ និងគាំទ្រជាខ្លាំង។ ពលរដ្ឋស្ទើរពេញប្រទេសបានរៀនច្រៀងតាម ហើយមួយចំនួនធំ ពិសេសសិស្សនិស្សិត មន្ត្រីរាជការ បានចេះច្រៀងតាមយ៉ាងស្ទាត់ជំនាញ។

Full MV បទ«5សីហាការដ្ឋានប្រវត្តិសាស្រ្តហ្វូណនតេជោ» ប្រិយមិត្តដែលបានទស្សនារួចពិតជាមានមោទនៈភាពលើជាតិជាខ្លាំង ព្រោះវីដេអូនៃបទចម្រៀង បានបង្ហាញពីភាពរីកចម្រើន នៃសេដ្ឋកិច្ចជាតិ សម្រស់ធម្មជាតិ វប្បធម៌ ប្រពៃណីជាដើម។

នេះជាសមិទ្ធផលថ្មីមួយទៀតរបស់ Galaxy Navatra ដោយផលិតកម្មឈានមុខគេមួយនេះ កន្លងមកតែងតែផលិតបទចម្រៀងកម្រិតជាតិ និងអន្តរជាតិល្បីៗជាច្រើនជាបន្តបន្ទាប់។

សូមទស្សនា Full MV បទ «5សីហាការដ្ឋានប្រវត្តិសាស្រ្តហ្វូណនតេជោ» ម្ដងទៀតទាំងអស់គ្នា!

The post បទ«5សីហាការដ្ឋានប្រវត្តិសាស្រ្តហ្វូណនតេជោ»​ទទួលកម្មសិទ្ធិបញ្ញាជាបទ Original song តាម Platforms លើប្រព័ន្ធ Digital ទូទាំងពិភពលោក appeared first on Kampuchea Thmey Daily.

ក្នុងពិធីទទួលស្វាគមន៍ដែលរៀបចំដោយផលិតកម្មថ្មី ដោយមានការអញ្ជើញចូលរួមពីសិល្បករ-សិល្បការិនីជាច្រើនរូបនោះ សុវត្ថិ សិរីវុឌ្ឍ បានបង្ហាញអារម្មណ៍រំភើប រីករាយ និងបានបង្ហាញស្នាដៃដំបូងរបស់ខ្លួនភ្លាមៗ ផងដែរ។

តារាចម្រៀង លោក សុវត្ថិ សិរីវុឌ្ឍ បានចំណាប់អារម្មណ៍នៅចំពោះមុខប៉ា-ម៉ាក់ ថ្នាក់ដឹកនាំផលិតកម្មថ្មី និងសិល្បករ-សិល្បការិនី ថា នេះជាឱកាសថ្មីមួយទៀតដែលលោកអាចមានលទ្ធភាពកាន់តែច្រើន ហើយពង្រីកកេរ្ដិ៍ឈ្មោះកាន់តែទូលំទូលាយទាំងនៅថ្នាក់ជាតិ និងអន្ដរជាតិ តាមរយៈវិស័យចម្រៀងមួយនេះ។ លោកបន្តថា នឹងខិតខំបង្កើតស្នាដៃថ្មីៗ សម្រាប់ផលិតកម្ម ក៏ដូចជាអ្នកគាំទ្រ ដើម្បីទទួលបាននូវចំណីអារម្មណ៍ថ្មីៗពីលោក។

ក្រៅពីបង្ហាញស្នាដៃ MV ដំបូងរបស់ខ្លួននៅលើអេក្រង់ទូរទស្សន៍ តារាចម្រៀងរូបនេះក៏បង្ហាញសមត្ថភាពចម្រៀង និងរាំជាមួយកាយវិកាយ៉ាងរស់រវើកនៅលើឆាកផ្ទាល់ដែរ។ បទថ្មីដែលលោកលើកយកមកច្រៀងស្វាគមន៍ភ្ញៀវ និងចាត់ទុកជាស្នាដៃដំបូងសម្រាប់ផលិតកម្មថ្មីនោះ គឺបទ “Stuck with You”។ បទនោះ ទទួលបានការសាទរ និងស្រែកហ៊ោគាំទ្រពីអ្នកចូលរួមជាច្រើន។

បើតាម សុវត្ថិ សិរីវុឌ្ឍ ក្រោយពីបញ្ចេញស្នាដៃមួយនេះ រូបលោកផ្ទាល់មិនបានចេញបទថ្មីៗសម្រាប់អបអរក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរនោះទេ។ ប៉ុន្ដែនៅអំឡុង ខែឧសភា ឆ្នាំ២០២៤ លោកនឹងបញ្ចេញស្នាដៃជាប់ៗគ្នាចំនួន ៥បទ ដោយបទនីមួយៗមានភាពរស់និយមផ្សេងៗគ្នា។

គួររំលឹកថា កូនប្រុសពៅរបស់កំពូលតារាចម្រៀង ព្រាប សុវត្ថិ លោក សុវត្ថិ សិរីវុឌ្ឍ បានចុះកុងត្រាក្នុងនាមជាតារាចម្រៀងថ្មីម្នាក់ទៀតរបស់ផលិតកម្ម Galaxy Navatra បន្ទាប់ពីឪពុក និងបងប្រុស សុវត្ថិ មុនីវណ្ណ បានក្លាយជាគ្រួសារដ៏ធំនេះជាបន្ដបន្ទាប់គ្នា។ ពិធីចុះកុងត្រា និងទទួលស្វាគមន៍សមាជិកថ្មី នៃគ្រួសារ Galaxy នេះ ត្រូវបានធ្វើឡើងនៅសណ្ឋាគារ ហៃយ៉ាត់រីជិនស៊ី ភ្នំពេញ៕

The post ស្ងាត់ៗ កូនប្រុសពៅកំពូលតារាចម្រៀង ព្រាប សុវត្ថិ ចុះកុងត្រាចូលផលិតកម្ម Galaxy appeared first on Kampuchea Thmey Daily.

កំពូលតារាចម្រៀងល្បីៗទាំងនោះរួមមាន លោកឧកញ៉ា ខេមរៈ សិរីមន្ត , កញ្ញា តន់ ចន្ទសីម៉ា , លោក ខាន់ ជេមស៍ , លោក ជុំ លីណូ និងតារាចម្រៀងលោក Vikit ជាដើម…។

កំពូលតារាចម្រៀងប្រចាំនៅក្នុងផលិតកម្ម Galaxy ទាំងអស់ បានបង្ហាញទស្សនៈស្រដៀងគ្នាថា ពួកគេមានការពេញចិត្តជាខ្លាំង ចំពោះចំណាត់ការរបស់សម្ដេចធិបតី ហ៊ុន ម៉ាណែត ក្នុងការប្រយុទ្ធប្រឆាំងគ្រឿងញៀនខុសច្បាប់  និងសូមអំពាវនាវដល់យុវវ័យទាំងអស់ ជៀសឲ្យឆ្ងាយពីគ្រឿងញៀន , គ្រឿងញៀនបំផ្លាញខ្លួនអ្នក បំផ្លាញគ្រួសារអ្នក និងសង្គមជាតិ និងសូមឲ្យបងប្អូនទាំងអស់គ្នាចូលរួមទប់ស្កាត់ ដើម្បីប្រទេសជាតិគ្មានគ្រឿងញៀន និងយុវជនជំនាន់ក្រោយក្លាយជាទំពាំងស្នងឫស្សី អភិវឌ្ឍប្រទេសជាតិឲ្យរីកចម្រើន។

 
ជាមួយគ្នានេះនោះផងដែរ ក៏មានអ្នកសិល្បៈជាច្រើនដួងទៀត បានបង្ហាញសារគាំទ្រ ចំពោះបទបញ្ជាដ៏ម៉ឺងម៉ាត់របស់សម្ដេចធិបតី ហ៊ុន ម៉ាណែត ក្នុងការប្រយុទ្ធប្រឆាំងគ្រឿងញៀនខុសច្បាប់នេះ ។ បន្ទាប់ពីឃើញវិដេអូរបស់កំពូលតារាចម្រៀងល្បីៗនៅក្នុងផលិតកម្ម Galaxy Navatra ចេញមុខប្រកាសគាំទ្របែបនេះជាបន្តបន្ទាប់ បានធ្វើឱ្យមហាជនជាច្រើនស្ងើចសរសើរ និងពេញចិត្តនូវគំនិតរបស់សិល្បករទាំងអស់គ្នា ហើយពូកគេថែមទាំងបានស្នើសុំឱ្យបងប្អូនប្រជាជនទូទាំងប្រទេស ចូលរួមទប់ស្កាត់ គ្រឿងញៀនទាំងអស់គ្នា ដូចដឹងស្រាប់ហើយថា គ្រឿងញៀនគឺប៉ះពាល់ខ្លាំងដល់សង្គមជាតិទាំងមូល៕

The post កំពូលតារាចម្រៀងប្រចាំផលិតកម្ម Galaxy ចូលរួមគាំទ្រយ៉ាងពេញទំហឹងនូវបទបញ្ជាដ៏ម៉ឺងម៉ាត់របស់រាជរដ្ឋាភិបាលក្នុងការប្រយុទ្ធប្រឆាំងគ្រឿងញៀន appeared first on Kampuchea Thmey Daily.

តាមរយៈ​បណ្ដាញ​សង្គម​ផ្លូវការ​របស់​ផលិតកម្ម «Galaxy Navatra» បាន​បង្ហោះ​សារ​ដោយ​ភ្ជាប់​ជាមួយនឹង​វីដេអូ​ឃ្លី​ប​រិះគន់​របស់​តារា​រ៉េ​ប «​ខ្មែរ​មួយជីវិត​» ថា «​គ្រួសារ Galaxy Navatra សូម​សម្ដែង​នូវ​ការខកចិត្ត ចំពោះ​សិល្បករ (​ខ្មែរ​មួយជីវិត​) ដែល​បាន​ប្រើប្រាស់​ពាក្យ​មិន​សមរម្យ (M-other F-u.c.k) មកលើ​កំពូល​តារាចម្រៀង ព្រាប សុវត្ថិ និង ខេ​មរ​: សេរី​មន្ត នៅក្នុង​ឃ្លី​ប​វីដេអូ​មួយ​ដែល​នេះ​ជា​ប្រមាថ មាក់ងាយ បៀតបៀន​សិទ្ធិ​ផ្ទាល់ខ្លួន​ជា​សាធារណៈ របស់​កំពូល​តារាចម្រៀង​ទាំងពីរ​»​។​

​ផលិតកម្ម «Galaxy Navatra» បាន​បន្តថា «​គ្រួសារ Galaxy Navatra ពិតជា​យល់ បងប្អូន​យើង​សុទ្ធតែជា​សិល្បករ ហើយ​ជា​ជនជាតិខ្មែរ​ដូចគ្នា អ្វីដែល​សំខាន់​គួរ​រក​វិធី​សាមគ្គី​គ្នា ដើម្បី​ទៅមុខ​ជាមួយគ្នា ព្រមទាំង​ប្រកួតប្រជែង​ជាមួយ​អន្តរជាតិ​។ សន្តិភាព​ផ្លូវចិត្ត សន្តិភាព​គ្រួសារ សន្តិភាព​សតិអារម្មណ៍ មិន​បៀតបៀន​អ្នកដទៃ ពេលវេលា​នេះ​យើង​ត្រូវ​ឱបក្រសោប​គ្នា ទោះ​យើង​ទៅដល់​ទីណា​ក៏​យើង​មាន​ឈាមជ័រ ជា​ជនជាតិខ្មែរ​។ ក្នុងនាម​ជា​អ្នកសិល្បៈ ភាព​អស្ចារ្យ ភាពខ្លាំង ដើម្បី​ប្រកួតប្រជែង​ទៅ​អន្តរជាតិ​បាន យើង​មិនអាច​ដើរ​តែឯង​បានទេ ហើយ​រឹតតែ​មិនអាច​យក​ភាសា ប្រមាថ និង​ខ្វះ​ក្រមសីលធម៌ បៀតបៀន​សិទ្ធិ​អ្នកដទៃ ហើយ​ជាន់​គេ​ជាន់​ឯង​បែប​នេះឡើយ​»​។​

«​យើង​ជា​ជន​ខ្មែរ​ត្រូវតែ​ចូលរួម​ជាមួយគ្នា បើ​មាន​ចំណុច​ខ្វះខាត​ត្រូវ​កែតម្រូវ និង​ឆ្ពោះទៅមុខ​ជាមួយគ្នា ដោយ​មិន​មានការ​ចងគំនុំ​ឬ​គុំកួន​ឡើយ​។ គ្រួសារ Galaxy Navatra ស្នើសុំ​ឲ្យ​សិល្បករ (​ខ្មែរ​មួយជីវិត​) ពិចារណា​ទៅលើ​សម្ដី ដែល​បាន​ប្រមាថ មាក់ងាយ​ពេញទំហឹង​មកលើ​កំពូល​តារាចម្រៀង​ទាំងពីរ​។ ការឆ្លើយតប​របស់​ឧកញ៉ា ខេមរៈ សិរីមន្ត ដោយសារតែ​លោក​មាន​អារម្មណ៍​ពិបាក​នឹង​ទទួលយក​ពាក្យ (M-other F-u.c-k) ដែលជា​ប្រមាថ មាក់ងាយ​ធ្ងន់ធ្ងរ និង​បែងចែក​គោលដៅ​នៃ​សិល្បៈ ព្រមទាំង​កំណត់​បែងចែក​ទេពកោសល្យ​។ ទោះបីជា​បទ Call Me Papa នៅក្នុង​នោះ​មាន​កន្លែង​ដែល​រ៉េ​ប​ខ្លះ ដែល​ទទួលបាន​ការគាំទ្រ​ខ្លាំង ក៏​នៅក្នុង​បទ​ចម្រៀង​មិនមាន​ពាក្យ​ណាមួយ ដែល​គ្មាន​ក្រមសីលធម៌ និង​ជា​គំរូ​មិនល្អ​ដល់​ក្មេងៗ​ឡើយ​»​។

ទាក់ទង​នឹង​ការប្រើប្រាស់​ពាក្យសម្ដី​មិន​សមរម្យ​នេះ តារាចម្រៀង ខេមរៈ សិរីមន្ត បានបង្ហាញ​ប្រតិកម្ម​ថា «​ប្អូន​គ្មាន​សិទ្ធិមក​ចាត់ចែង​បង​ឲ្យ​ច្រៀង ឬ​មិន​ច្រៀង​ចង្វាក់​នេះ ឬ​ចង្វាក់​នោះទេ​។ បើ​តាំងខ្លួន​ជា​អ្នកសិល្បៈ​ហើយ សូមកុំ​ចង្អៀតចង្អល់​ពេក ព្រោះ​ក្នុង​រយៈពេល ២០​ឆ្នាំ​មកនេះ តើ​មាន​ចង្វាក់​អ្វីដែល​ខ្ញុំ​មិន​ធ្លាប់​ច្រៀង​នោះ ហើយ​បាន​ច្រៀង​តាំងពី​បងប្អូន​សិល្បៈ​ខ្លះ មិនទាន់​ចេះ​ស្លៀកខោ​ទៀតផង​។ ប្អូន​ត្រូវ​ចាំ​ថា ប្អូន​គ្មាន​សិទ្ធិមក​ចាត់ចែង មិន​ឲ្យ​បង​ចម្រៀង​ចង្វាក់​នេះ​ចង្វាក់​នោះទេ ទីផ្សារសេរី​អ្នកណា​ធ្វើ​អី​បាន​ក៏​ធ្វើទៅ តាម​សមត្ថភាព និង​លទ្ធភាព​រៀងៗ​ខ្លួន ប្អូន​ចង់​ច្រៀង​ចង្វាក់​អ្វី​បង​ក៏​មិន​ហាម​ដែរ ហើយ​ចង្វាក់​អស់ទាំងនោះ​បង​បាន​ច្រៀង ៣​ទៅ​៤​វ៉ុល តាំងពី​១០​ឆ្នាំមុន​រួចទៅហើយ​!»​។

​សូមបញ្ជាក់ថា នៅក្នុង​បទសម្ភាសន៍​មួយ​កាលពី​ចុងឆ្នាំ​២០២៣ ខ្មែរ​មួយជីវិត​បាន​លើក​ឈ្មោះ​ចំៗ​ទៅកាន់​ឧកញ៉ា ព្រាប សុវត្ថិ និង​ខេ​មេ​រៈ សិរីមន្ដ ស្ដីពី​ការ​បកស្រាយ​បទ​ចម្រៀង​បែប​រ៉េ​ប ដែល​ពួកគេ​ទាំងពីរ​មិន​សម​នឹង​បកស្រាយ​បទ​ចម្រៀង​បែបនេះ ហើយ​ចាត់​ថា វា​ជា​ភាព​អាម៉ាស់​មួយ​នៅក្នុង​សង្គម​សិល្បៈ​ខ្មែរ​។ យ៉ាងណាមិញ​វីដេអូ​នេះ ទើបតែ​ត្រូវ​បាន​ឧកញ៉ា ខេមរៈ សិរីមន្ដ បានឃើញ និង​ធ្វើ​វាយបក​ទៅវិញ កាល​ពី​ពេល​ថ្មីៗ​នេះ​តែប៉ុណ្ណោះ៕

The post ផលិតកម្ម «Galaxy Navatra» សម្ដែង​ការខកចិត្ត​ខ្លាំង ចំពោះ​តារា​រ៉េ​ប «​ខ្មែរ​មួយជីវិត​» ដែល​បាន​ប្រើប្រាស់​ពាក្យសម្ដី​មិន​សមរម្យ លើ​តារាចម្រៀង ព្រាប សុវត្ថិ និង​ខេមរៈ សិរីមន្ត appeared first on Kampuchea Thmey Daily.

នៅក្នុងសន្និសីទ្ធសារព័ត៌មាន លោក គូម៉ា តារាចម្រៀងមនោសញ្ចេតនា បានបញ្ជាក់ថា នៅវេលាម៉ោង ៧ព្រឹកថ្ងៃទី០២ ខែកញ្ញា ឆ្នាំ២០២៣ លោកនឹងបញ្ចេញបទចម្រៀងជាផ្លូវការដែលមានចំណងជើងថា មនុស្សប្រុសថោកទាប ដែលមានផ្សព្វផ្សាយតាមបណ្ដាញ Youtube facebook របស់ផលិតកម្ម Galaxy Navatra។

លោក គូម៉ា បានឱ្យដឹងថា បទចម្រៀងមនោសញ្ចេតនាដំបូងជាមួយផលិតកម្ម Galaxy Navatraនេះ គឺជាស្នាដៃនិពន្ធទំនុកច្រៀង ទំនុកបទភ្លេង ដោយខ្លួនលោកផ្ទាល់តែម្ដង។ ទន្ទឹមនឹងការមករួមរស់ជាមួយផលិតកម្ម ក៏ដូចជាការចេញបទចម្រៀងក្នុងផលិតកម្ម Galaxy Navatraនេះ លោកសង្ឃឹមថា អ្នកគាំទ្ររបស់លោក នៅតែគាំទ្រលោក គាំទ្រចម្រៀងរបស់លោកជាបន្តទៀត។

ចំណែកឯ លោក សាក់ ធារិទ្ធ អគ្គនាយកផលិតកម្ម Galaxy Navatra បានឱ្យដឹងថា ការដែលផលិតកម្មGalaxy Navatra នាំយកតារាចម្រៀង គូម៉ា មកចូលក្នុងផលិតកម្មនេះ ក៏ព្រោះតែលោក គូម៉ា ជាតារាចម្រៀងដែលមានបទពិសោធន៍ច្រើនឆ្នាំ​ ជាតារាចម្រៀងមានសមត្ថភាព មានប្រជាប្រិយភាពម្នាក់​ ហើយធ្លាប់បំពេញការងារជាមួយផលិតកម្មយ៉ាងរលូននាពេលកន្លងមក។

លោក សាក់ ធារិទ្ធ បានបន្ថែមថា ការដែលផលិតកម្មយកតារាចម្រៀងលោក គូម៉ា មករួមរស់ជាមួយផលិតកម្មនាពេលនេះ ក៏ជាអ្វីដែលស្របនឹងចក្ខុវិស័យរបស់ផលិតកម្ម ព្រោះផលិតកម្មមានគោលដៅប្រមូលផ្ដុំអ្នកចម្រៀងល្បី ដើម្បីផ្ដល់ជូនចម្រៀងជូនអ្នកគាំទ្រទាំងនៅក្នុងប្រទេស និងក្រៅប្រទេស។

នាពេលឆាប់ៗខាងមុខ ផលិតកម្ម Galaxy Navatra ក៏នឹងមានការប្រគុំតន្ត្រីខ្នាតធំរយៈពេល៣ថ្ងៃនៅក្នុងប្រទេសកូរ៉េខាងត្បូង បន្ទាប់ពីអាក់ខានមួយរយៈចុងក្រោយដោយសារវិបត្តិកូវីដ១៩ ដែលរាតត្បាតជាសកល៕

អត្ថបទពាណិជ្ជកម្ម

The post អ្នកចម្រៀងមនោសញ្ចេតនា លោក គូម៉ា ចូលមកជ្រកក្នុងទ្រនំផលិតកម្ម Galaxy Navatraដោយចុះកុងត្រារយៈពេលជាង៥ឆ្នាំ appeared first on Kampuchea Thmey Daily.

ក្រសួងវប្បធម៌ និងវិចិត្រសិល្បៈ រួមជាមួយផលិតកម្ម Galaxy Navatra បានកំពុងតែធ្វើការជាមួយគ្នាយ៉ាង​ញាប់ដៃញាប់ជើង ដើម្បីធ្វើ កិច្ចការងារនេះឲ្យល្អប្រសើរបំផុត ។ ក្រុម អ្នករាំខ្ទង់1000 នាក់ ដែលសុទ្ធតែជាស្ត្រី ស្លៀកសំលៀកបំពាក់ខ្វាស៊េដែលបានថតក្នុងMV មិនត្រូវយកមកប្រើឡើយ ពោលដើម្បីឲ្យត្រូវទម្រង់វប្បធម៌ជាតិ ក្រសួងវប្បធម៌និងវិចិត្រសិល្បៈ  ជ្រើសរើសក្រុមអ្នកជំនាញរាំមកពីសិស្សសាលាវិចិត្រសិល្បៈ រៀមច្បមបង្ហាត់​រាំឲ្យកាន់តែស្ទាត់ជំនាញ ជាមួយការគ្រងសំលៀកបំពាក់ប្រពៃណីយ៉ាងស្រស់ស្អាត។

ទាក់ទងនឹងការចំណាយលើការងារ ហាត់សម និងសំលៀកបំពាក់ នៃបទចម្រៀង មួយបទនេះ ត្រូវបានគេដឹងថា គ្រោងចំណាយថវិកាយ៉ាងច្រើន ។ ដើម្បីបុព្វហេតុជាតិ មាតុភូមិ សម្រាប់ការប្រកួតកីឡាស៊ីហ្គេម ២០២៣ ដែលកម្ពុជាធ្វើជាម្ចាស់ផ្ទះ ផលិតកម្ម Galaxy Navatra  បានរៀបចំផលិតឡើងយ៉ាងយកចិត្តទុកដាក់បំផុត ក្រោមការចុះដឹកនាំផ្ទាល់ពីសំណាក់ អ្នកឧកញ៉ា ឡេង ណាវ៉ាត្រា។

បទ”ស្រឡាញ់អ្វីដែលខ្មែរមាន”ឬ”CAMBODIAN PRIDE”    បានធ្វើការផ្សព្វផ្សាយតំបន់ទេសចរណ៍ ការអភិវឌ្ឍន៍ និងភាព រីកចម្រើនរបស់កម្ពុជា ក៏ដូចជាការថែរក្សាសិល្បៈវប្បធម៌ បេតិកភណ្ឌជាតិ ក្រោមការដឹកនាំ ប្រកបដោយ​គតិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្រ្តី។

កំពូលតារា ៤ដួង ត្រូវបានជ្រើសរើសឲ្យច្រៀងបទចម្រៀងនេះ រួមមានកំពូលតារាចម្រៀង ឧកញ៉ា ព្រាប សុវត្ថិ កំពូលតារាចម្រៀង ឧកញ៉ា ខេមរៈ សិរីមន្ត កំពូលតារាចម្រៀង លោក ខេម និងកំពូលតារាចម្រៀងស្រី កញ្ញា តន់ ចន្ទសីម៉ា។ បទចម្រៀងមួយបទនេះ និពន្ធដោយអ្នកនិពន្ធល្បីៗ មានដូចជា លោក សុខ ជំនោរ -លោក ខាំ ភូរិ -ឯកឧត្តម ហ៊ឹម នភា -ឧកញ៉ា យឹម តាស្រង់និង ឯកឧត្តម ខេមរៈ ភារុណ។

ជាមួយនឹងស្នាដៃធំអស្ចារ្យមួយនេះ សម្តេចតេជោ ហ៊ុន សែន ក៏បានកោតសរសើរជាខ្លាំង ចំពោះការផលិតបទ «ស្រឡាញ់អ្វីដែលខ្មែរមាន» របស់ផលិតកម្មហ្គាឡាក់ស៊ី របស់អ្នកឧកញ៉ា ឡេង ណាវ៉ាត់ត្រាផងដែរ។  មហាជនក៏ដូច​ជាថ្នាក់ដឹកនាំគ្រប់ស្ថាប័នក្រសួងនានា ពិសេសេ លោកជំទាវបណ្ឌិតសភាចារ្យ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ កាលពីថ្ងៃទី២៧ ខែមេសា ឆ្នាំ២០២៣ បានចេញលិខិតថ្លែងអំណរគុណ និង កោតសរសើរ

ដោយស្មោះអស់ពីដួងចិត្ត ជូនចំពោះ អ្នកឧកញ៉ា ឡេង ណាវ៉ាត្រា អគ្គនាយកផលិតកម្ម ហ្គាឡាក់ស៊ី ណាវ៉ាត្រា ព្រមទាំងអ្នកនិពន្ធ សិល្បករ សិល្បការិនី និងក្រុមការងារទាំងអស់ ដែលបានចូលរួមផលិតបទ​ចម្រៀង​”ស្រឡាញ់អ្វីដែលខ្មែរមាន” ឬ (Cambodian Pride) ។

លោកជំទាវបណ្ឌិតសភាចារ្យ ភឿង សកុណា បានចាត់ទុកថា ការផលិតបទចម្រៀង បទ”ស្រឡាញ់អ្វីដែលខ្មែរមាន”ឬ (Cambodian Pride) ដែលបង្កប់នូវសិល្បៈវប្បធម៌ ប្រពៃណី និងការអភិវឌ្ឍសង្គមកម្ពុជា គឺជាការរួមចំណែក​ដ៏សំខាន់របស់វិស័យឯកជន ក្នុងការផ្សព្វផ្សាយពីកត្តាសុខសន្តិភាព ស្ថេរភាពសង្គម និងបានលើកកម្ពស់កិត្យា​នុភាពជាតិលើឆាកអន្តរជាតិ ជាពិសេស បានរួមចំណែកធ្វើឲ្យព្រឹត្តិការណ៍កីឡាស៊ីហ្គេមលើកទី៣២ និងកីឡាអាស៊ាន​ប៉ារ៉ាហ្គេមលើកទី១២ ដែលកម្ពុជា ធ្វើជាម្ចាស់ផ្ទះ កាន់តែកក្រើក និងអធិកអធមដើម្បីបន្សល់ទុកអនុស្សាវរីយ៍​ចងចាំព្រឹត្តិការណ៍ជាប្រវត្តិសាស្ត្រ នេះដល់កូនខ្មែរគ្រប់ជំនាន់។

ជាមោទនភាពជាតិ ត្រឹមរយៈពេលជាង២សប្ដាហ៍ប៉ុណ្ណោះបទ”ស្រឡាញ់អ្វីដែលខ្មែរមាន” ឬ CAMBODIAN PRIDE  របស់ផលិតកម្ម Galaxy Navatra មានអ្នកចូលទស្សនារហូតដល់ 63លានដងឯណោះ នៅលើYoutube ផ្លូវការ Galaxy Navatra មានឈ្មោះថា Cam-Pop Galaxy Navatra ដែលចំនួននេះ អាចនិយាយបានថា សម្រាប់បទចម្រៀងនៅប្រទេសកម្ពុជា មិនធ្លាប់មានឡើយនា ពេលកន្លងមក៕

The post ស៊ីហ្គេមសម្រេចយកបទ”ស្រឡាញ់អ្វីដែលខ្មែរមាន” សម្ដែងឈុតធំជាផ្លូវការ មានអ្នកសម្ដែង​ជាង១,០០០នាក់ ជូនថ្នាក់ដឹកនាំ​អាស៊ានទស្សនា ក្នុងពិធីបិទព្រឹត្តិការណ៍ ស៊ីហ្គេម និងអាស៊ានប៉ារ៉ាហ្គេម appeared first on Kampuchea Thmey Daily.

នៅក្នុងសន្និសិទ្ធិសារព័ត៌មានក្នុងពិធីស្វាគមន៍របស់តារាចម្រៀងទាំងពីររូប ដែលរៀបចំដោយផលិតកម្ម Galaxy Navatra នារសៀលថ្ងៃទី៣ ខែមីនា ឆ្នាំ២០២៣ នៅសណ្ធាគារ ហៃ យ៉ាត់ រាជធានីភ្នំពេញ តារាចម្រៀងលោក ខាន់ ជេមស៍ បានលើកឡើងថា លោកពិតជាមានកិត្តិយសណាស់ដែលបានមកចូលរួមក្នុងផលិតកម្មដ៏ធំមួយនេះ​ ដែលមានកំពូលតារាចម្រៀងជាច្រើនដូលជា លោកឧកញ៉ា ព្រាប សុវត្ថិ ឧកញ៉ា សិរីមន្ត Kem, Seyma និងសិល្បករ សិល្បការិនីដ៏មានទេពកោសល្យជាច្រើនទៀត ដែលបានខិតខំប្រឹងប្រែងធ្វើបដិវត្តន៍ឧស្សាហកម្មតន្ត្រីដោយរក្សាវប្បធម៌ខ្មែរឱ្យនៅគង់វង្សទាំងប្រពៃណី និងសហសម័យ ដើម្បីបន្តផ្តល់ការកម្សាន្តដល់ប្រជាជនកម្ពុជា។

លោក ខាន់ ជេមស៍ ក៏សូមថ្លែងអំណរគុណយ៉ាងក្រៃលែងដល់ អ្នកឧកញ៉ា ឡេង ណាវាត្រា អគ្គនាយកក្រុមហ៊ុនដែលបានផ្តល់ឱកាសសម្រាប់ឱ្យកូនស្រីរបស់លោកជាតារាចម្រៀងវ័យក្មេងដើម្បីចាប់ផ្តើមអាជីពតន្ត្រីរបស់នាងជាមួយ Galaxy Navatra ។ តារាចម្រៀងរូបនេះ ប្ដេជ្ញាថា ក្រោយពីចូលរួមជាមួយ Galaxy Navatra លោកនឹងធ្វើអ្វីដែលថ្មីៗដើម្បីទទួលបានការគាំទ្រពីមហាជនឲ្យកាន់តែច្រើនថែមទៀត។

ងាកមកចាប់អារម្មណ៍ជាមួយកញ្ញា Amie កូនស្រីរបស់លោក ខាន់ ជេមស៍ វិញ មិនខុសពីឳពុកនោះទេ នាងនឹងខិតខំបង្កើតអ្វីដែលថ្មី ដើម្បីជាការតបស្នងដល់ផលិតកម្មដែលផ្ដល់ឳកាសនាងបញ្ចេញសមត្ថភាព ហើយនាងក៏បានបង្ហើថា នាងនឹងមានបទចម្រៀងថ្មីមួយតៀ្រមចេញនៅពេលឆាប់ៗនេះផងដែរ នៅក្នុងផលិតកម្ម Galaxy Navatra។

ផលិកម្ម Galaxy Navatra គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន ហ្គាឡាក់ស៊ី ណាវាត្រា គ្រុប ឯ.ក និងត្រូវបានបង្កើតឡើងតាំងពីឆ្នាំ២០១៨ ដែលគិតមកដល់ពេលនេះមានអាយុកាលទើបតែជិត៥ឆ្នាំប៉ុណ្ណោះ តែក្រោមចក្ខុវិស័យដឹកនាំរបស់អ្នកឩកញ៉ា ឡេង ណាវាត្រា ផលិកម្មហ្គាឡាក់ស៊ី បានក្លាយទៅជាផលិតកម្មចម្រៀងដែលទទួលបានភាពជោគជ័យគួរឲ្យកោតស្ញប់ស្ងែង និងមានកេរ្ដ៍ឈ្មោះល្បីរន្ទឺទាំងនៅក្នុងទីផ្សារកម្សាន្ដក្នុងស្រុកផ្ទាល់ ​និងនៅទីផ្សារអន្តរជាតិយ៉ាងទូលំទូលាយ។

ផលិកម្ម Galaxy Navatra បានប្រមូលផ្ដុំដោយកំពូលតារចម្រៀង និងសិល្បករ សិល្បការិនីល្បីៗជាច្រើនដូចជា ឩកញ៉ា ព្រាប សុវត្តិ ឩកញ៉ា ខេរៈ សិរីមន្ដ លោក ខេម កញ្ញា តន់ ច័ន្ទសីម៉ា លោក Tempo Tris លោក K-la រួមនឹងតារាល្បីៗជាច្រើនរូបទៀតដែលសុទ្ធសឹងមានកេរ្ដ៍ឈ្មោះល្បីរន្ទឺទូទាំងប្រទេសកម្ពុជា និងក្នុងកម្រិតតំបន់ផងដែរ៕

អត្ថបទ៖ សុខុម

The post ខាន់ ជេមស៍ ដឹកដៃកូនស្រីចុះកុងត្រាជាមួយផលិតកម្មយក្យ Galaxy Navatra appeared first on Kampuchea Thmey Daily.