នៅថ្ងៃទី ២៨ ខែឧសភា ឆ្នាំ ២០២៦ នេះ លោក ថេង សុថុល អភិបាលខណ្ឌ ៧ មករា បានដឹកនាំមន្រ្តីជំនាញពាក់ព័ន្ធ និង ក្រុមការងារបច្ចេកទេសទទួលសាងសង់ ជួសជុលផ្លាស់ប្ដូរការ៉ូឡាថ្មី នៅជុំវិញបរិវេណផ្សារ​អូរឬស្សី ដើម្បីត្រួតពិនិត្យលក្ខណៈបច្ចេកទេសស្ដង់ដារត្រឹមត្រូវ និង ជួយពន្លឿនការងារឲ្យឆាប់រួចរាល់ផងដែរ។

លោក ថេង សុថុល បានឲ្យដឹងថា លោកបានដឹកនាំមន្រ្តីពាក់ព័ន្ធ រួមជាមួយគណៈកម្មការផ្សារអូរឬស្សី ចុះត្រួតពិនិត្យដំណើរការជួសជុល ការ៉ូឡា ដើម្បីឲ្យត្រូវលក្ខណៈបច្ចេកទេសតាមស្តង់ដារកំណត់។

លោកបន្តថា ដោយឃើញការ៉ូឡាជុំវិញបរិវេណផ្សារមានសភាពចាស់ ទើបលោកចាត់ឲ្យគណៈកម្មការផ្សារពន្លឿនការងារនេះឲ្យបានឆាប់រហ័ស ងាយស្រួលដល់អាជីវករប្រកបអាជីវកម្ម និង ភ្ញៀវមកផ្សារ ដើរថ្មើរជើង មិនឲ្យជួបការលំបាកបន្តទៀត។

ក្នុងនាមអាជ្ញាធរខណ្ឌ លោក ថេង សុថុល សូមការអធ្យាស្រ័យ និង យោគយល់ ពីប្រជាពលរដ្ឋ ចំពោះដំណើរការជួសជុលដាក់ការ៉ូឡាថ្មីជុំវិញបរិវេណផ្សារអូរឬស្សី ដែលអាច បង្កការរំខានទៅដល់ការប្រកបអាជីវកម្ម និង ស្ទះចរាចរណ៍ ផងដែរ៕
អត្ថបទ ៖ រដ្ឋា

The post អាជ្ញាធរខណ្ឌ ៧ មករា ចុះត្រួតពិនិត្យលក្ខណៈបច្ចេកទេស និង ពន្លឿនដំណើរការជួសជុលការ៉ូឡា ជុំវិញបរិវេណផ្សារអូរឬស្សី appeared first on Kampuchea Thmey Daily.

ប្រធានគណៈកម្មការផ្សារអូរឬស្សី បានសង្កត់ធ្ងន់ថា ខណៈជនជាតិថៃ បានប្រមាថម៉ាក់ងាយ និងឈ្លានពានមកលើកម្ពុជា ប៉ុន្តែប្រជាពលរដ្ឋកម្ពុជា ក្នុងនាមជាប្រជាពលរដ្ឋក្រោមការដឹកនាំដ៏ឈ្លៀសវៃរបស់រដ្ឋាភិបាល ដែលមានសម្តេចតេជោ ហ៊ុន សែន ជាប្រមុខរដ្ឋស្តីទី និងជាប្រធានព្រឹទ្ធសភា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី គឺប្រជាពលរដ្ឋខ្មែរ មិនមានការឆ្លើយតបបែបអសីលធម៌ ជាមួយជនជាតិថៃ ព្រោះបើឃើញគេប្រព្រឹត្តអំពើមិនគប្បីហើយ យើងមិនត្រូវប្រព្រឹត្តខុសឆ្គងដូចគេ គឺយើងមានសីលធម៌ជាមនុស្ស។

លោក ស៉ីវ ស៊ុយស៉ី ជាអ្នកប្រកបអាជីវកម្មប្តូរប្រាក់ ក៏បានប្តេជ្ញាក្នុងការរួមចំណែក កាត់ផ្តាច់ការប្រើប្រាស់លុយបាតបន្តទៀតផងដែរ ដោយពួកគាត់គ្រប់គ្នាសុទ្ធតែនៅដិតដាមជាមួយភាពឈឺចាប់ខ្លាំង ជាមួយនឹងទង្វើបំពាននានាជាច្រើនរបស់ថៃ មកលើជនជាតិខ្មែរ ទើបពួកគាត់ពហិការសូម្បីតែការប្រើប្រាស់ទំនិញ និងរូបិយប័ណ្ណរបស់ប្រទេសសៀម ដើម្បីលើកស្ទួយលុយរៀលខ្មែរ។

កាលពីយប់ថ្ងៃទី០៦ ខែតុលា ឆ្នាំ២០២៥ សម្តេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា បានអំពាវនាវឲ្យប្រជាពលរដ្ឋខ្មែរ ឈប់ប្រើប្រាស់ប្រាក់បាតថៃលើដីខ្មែរតទៅទៀតដើម្បីពង្រឹង ឯករាជ្យភាពខាងរូបិយវត្ថុរបស់ជាតិយើង។

សម្តេចតេជោ បន្ថែមថា ប្រសិនបើបងប្អូនកម្ពុជាស្រឡាញ់ជាតិត្រូវទុកក្រដាសប្រាក់ដែលមាន ព្រះឆាយាល័ក្ខ ព្រះបិតាជាតិ ព្រះមាតាជាតិ និងព្រះមហាក្សត្រយើងក្នុងទូ ក្នុងកាបូប ឬក្នុងហោប៉ៅយើង ជាជាងទុកព្រះឆាយាល័ក្ខ ព្រះមហាក្សត្រប្រទេសមួយ ដែលចាត់ទុកយើងជាសត្រូវ និងប្រមាថមើលងាយយើងនោះទេ៕

អត្ថបទ៖ សុភា

The post គណៈកម្មការផ្សារអូរឬស្សីចុះផ្សព្វផ្សាយពីការបញ្ចៀសប្រើលុយបាតថៃដល់អាជីករ និងពលរដ្ឋ appeared first on Kampuchea Thmey Daily.

លោក ឡយ ស៊ាងអាង ប្រធានគណៈកម្មការផ្សារអូរឬស្សី សម្តែងក្តីសាទរ និងរីករាយចំពោះការគិតគូររបស់រាជរដ្ឋាភិបាលជូនដល់អាជីវករ កម្មករ ក៏ដូចជាប្រជាពលរដ្ឋទូទៅទាំងអស់អាចធ្វើដំណើរដោយមិនគិតប្រាក់។ លោកបន្ថែមថា ការគិតគូរនេះ គឺជាអំណោយ និងទឹកចិត្តដ៏ប្រពៃថ្លៃថ្លាបំផុតដែលរដ្ឋាភិបាលតាំងពីអាណត្តិសម្តេចតេជោ ហ៊ុន សែន បន្តមកដល់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី គឺតែងតែនៅជិតជាមួយសុខទុក្ខរបស់ពលរដ្ឋនៅទូទាំងប្រទេស។

ប្រជាពលរដ្ឋជាអាជីវករ ក៏បានសម្តែងក្តីរំភើបរីករាយបំផុត ចំពោះការផ្តល់ឱ្យរបស់រាជរដ្ឋបាលភិបាល ព្រោះបានចូលរួមសម្រាលការចំណាយប្រាក់កាសក្នុងការធ្វើដំណើរទៅស្រុកកំណើត ពិសេសអ្នកដែលមានស្រុកកំណើតនៅបណ្តាខេត្តឆ្ងាយៗ។ ពិសេសទៀតនោះ ការជិះរថយន្តក្រុងមិនបញ្ជ្រៀតគ្នាដូចជិះរថយន្តតាក់ស៉ីនោះឡើយ ហើយមានផាសុខភាពល្អ និងមានការផ្ដល់នូវទឹកសុទ្ធផងដែរ សរុបមក ជិះមិនអស់លុយហើយ មានសុវត្ថិភាពល្អ។

សូមបញ្ជាក់ថា រដ្ឋបាលរាជធានីភ្នំពេញ បានរៀបចំរថយន្តក្រុងសាធារណៈចំនួន៥៩៧គ្រឿង សម្រាប់បម្រើដល់ការដឹក​ជញ្ចូនឥតគិតថ្លៃនៅទូទាំងប្រទេស ក្នុងរយៈពេល៦ថ្ងៃ គិតចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៥។ ក្នុងចំណោមរថយន្តក្រុងសាធារណៈទាំង៥៩៧គ្រឿង មាន១០០គ្រឿង ត្រូវបានដាក់ឱ្យប្រើប្រាស់សម្រាប់ការដឹកជញ្ជូនឥតគិតថ្លៃ នៅក្នុងរាជធានីភ្នំពេញ និង៤៩៧គ្រឿងទៀត ត្រូវប្រើប្រាស់សេវាដឹកជញ្ជូនទៅតាមបណ្តាខេត្តទាំង២៤ក្នុងប្រទេស និងពីតាមបណ្តាខេត្តត្រឡប់ចូលមកវិញ។

គោលដៅចំណត គឺមានចំណតចំនួន០៦ទីតាំង សម្រាប់ប្រជាពលរដ្ឋទៅទទួលយកសេវា នៃការដឹកជញ្ជូនឥតគិតថ្លៃ ក្នុងនោះរួមមាន ស្ថានីយរថយន្តក្រុងវាលស្បូវផ្លូវជាតិលេខ១ ស្ថានីយរថយន្តក្រុងចាក់អង្រែលើ ស្ថានីយរថយន្តក្រុងផ្លូវ២០០៤ ស្ថានីយរថយន្តក្រុងសួនច្បារឬស្សីកែវ ស្ថានីយរថយន្តក្រុងរង្វង់មូលគួចកាណុង និងដីឡូតិ៍តំបន់ OCIC ជ្រោយចង្វារ ( រង្វង់មូលនាងទេពមច្ឆា )៕

អត្ថបទ៖ សុភា

The post អាជីវករផ្សារអូរឬស្សី បង្ហាញក្ដីរីករាយ ពីការផ្ដល់រថយន្ដក្រុងជិះមិនគិតថ្លៃអំឡុងថ្ងៃបុណ្យចូលឆ្នាំថ្មី appeared first on Kampuchea Thmey Daily.

លោក ឡយ ស៊ាងអាង ប្រធានគណៈកម្មការផ្សារអូរឬស្សី បានឲ្យដឹងថា នៅថ្ងៃអាទិត្យ ទី១២មករា មានប្រជាពលរដ្ឋច្រើនបានមកចូលផ្សារដើម្បីទិញទំនិញ ក៏ដូចជាសម្ភារៈប្រើបា្រស់ ហើយក្នុងនោះ ក៏មានប្រជាពលរដ្ឋមួយចំនួនដែលជាប់ខ្សែស្រឡាយចិនក៏បានមកទិញសម្ភារៈដើម្បីត្រៀមចូលរួមក្នុងពិធីបុណ្យចូលឆ្នាំចិនខាងមុខនេះផងដែរ។

លោកបន្ថែមថា ក្នុងឪកាសមានប្រជាពលរដ្ឋចេញចូលផ្សារច្រើនកុះករ កម្លាំងសណ្ដាប់ធ្នាប់របស់ផ្សារបានយកចិត្តទុកដាក់ខ្ពស់លេីបញ្ហាសន្តិសុខ សណ្តាប់ធ្នាប់របៀបរៀបរយ ដោយបានដាក់កម្លាំងតាមគោលដៅសំខាន់ៗ ដើម្បីសម្រួលចរាចរណ៍ជុំវិញបរិវេណផ្សារ ហើយក៏សូមការអធ្យាស្រ័យពីអតិថិជនដែលអញ្ជើញមកផ្សារអូឬស្សី ក្នុងការទិញទំនិញផ្សេងៗ ខណៈជាន់ទី២ នៃផ្សារបាននិងកំពុងធ្វេីការជួសជុលធ្វេីឱ្យមានការខ្វះខាតចំណតរថយន្ត។

គណៈកម្មការគ្រប់គ្រងផ្សារ និងអាជីវករលក់ដូរទាំងអស់សូមអរគុណប្រជាពលរដ្ឋដែលបានមកទិញទំនិញ ក្នុងផ្សារអូរឬស្សី សូមឱ្យការធ្វើដំណើររបស់បងប្អូន ប្រកបដោយសុខសុវត្ថិភាព សប្បាយរីករាយគ្រប់ៗគ្នា។

នៅក្នុងឆ្នាំ២០២៥នេះ បុណ្យចូលឆ្នាំប្រពៃណីចិន និងវៀតណាម ត្រូវបានប្រារព្ធធ្វើឡើងនៅចុងខែមករា ពោលគឺចាប់ពីថ្ងៃទី២៨ ដល់ថ្ងៃទី៣១ ខែមករា ឆ្នាំ២០២៥៕

អត្ថបទ៖ សុភា

The post ពលរដ្ឋអ្នកជាប់ខ្សែស្រឡាយចិន ចាប់ផ្ដើមទិញ​សម្ភារៈមួយចំនួនដើម្បីត្រៀមក្នុងឱកាសពិធីបុណ្យចូលឆ្នាំចិនខាងមុខ appeared first on Kampuchea Thmey Daily.

លោក ឡយ ស៊ាងអាង ប្រធានគណៈកម្មការគ្រប់គ្រងផ្សារអូរឬស្សី បានប្រកាសគាំទ្រទាំងស្រុង ចំពោះសារពិសេសរបស់សម្តេចតេជោ ហ៊ុន សែន ប្រធានព្រឹទ្ធសភាពជាតិ មានរយៈពេលជិត១ម៉ោង ពិតជាបានផ្តល់សារៈសំខាន់យ៉ាងធំធេងបំផុតដល់ជនរួមជាតិឱ្យយល់បានច្បាស់ពីគម្រោងអភិវឌ្ឍន៍តំបន់ត្រីកោណ CLV-DTA ។ លោកប្រកាសថ្កោសទោសដាច់អហង្ការលើជន ឬបុគ្គលទាំងឡាយណាដែលមានចេតនាទុច្ចរិត ញុះញង់ឱ្យមានការតវ៉ាប្រឆាំងគម្រោងនេះ ពិសេសញុះញង់ឱ្យមានការផ្តួលរំលំលើរាជរដ្ឋាភិបាលស្របច្បាប់ ដែលនេះជាអំពើក្បត់ជាតិ និងគ្មានទស្សនៈជាតិនិយមនោះឡើយ ។

អាជីវករអ្នកលក់ខោអាវ និងអ្នកលក់គ្រឿងអលង្ការ ក្នុងផ្សារអូរឬស្សី ក៏បានប្រកាសគោរគាំទ្រ និងពេញចិត្តចំពោះសារដ៏មានអត្ថប្រយោជន៍របស់សម្តេចតេជោ ហ៊ុន សែន មកកាន់ប្រជាជន និងសង្គមជាតិ ដោយក្រុមអាជីវករស្នើឱ្យពលរដ្ឋដែលមិនទាន់យល់ច្បាស់ពីគម្រោងត្រីកោណ CLV – DTA សូមចំណាយពេលស្តាប់ប្រសាសន៍សម្តេចតេជោ ឱ្យអស់ន័យ ជៀសវៀងយកពេលទៅស្តាប់តាមការញុះញង់របស់ជនដែលមានបំណងទុច្ចរឹតចំពោះសង្គមជាតិ។

គួរបញ្ជាក់ថា កិច្ចសហប្រតិបត្តិការអភិវឌ្ឍន៍តំបន់ត្រីកោណ CLV-DTA មានខេត្តរបស់កម្ពុជាចំនួន០៤ ត្រូវបានដាក់បញ្ចូលក្នុងកិច្ចសហប្រតិបត្តិការ ហើយកិច្ចការនេះមានព្រុំប្រទល់រវាងប្រទេសចំនួន០៣ គឺកម្ពុជា ,ឡាវ និងវៀតណាម ខណៈដែលកិច្ចសហប្រតិបត្តិការនេះ បានកើតឡើងតាំងពីឆ្នាំ១៩៩៩មកម្លេះ ពោលអស់រយះពេល២៥ឆ្នាំកន្លងមកហើយ៕

អត្ថបទ៖ សុភា

The post ប្រធានផ្សាររដ្ឋ និងអាជីវករគាំទ្រប្រសាសន៍សម្តេច​តេជោលើគម្រោង CLV និងថ្កោលទោសជនមានចេតនាផ្តួលរំលំរាជរដ្ឋាភិបាល appeared first on Kampuchea Thmey Daily.

លោក ឡយ ស៊ានអាង ប្រធានគណៈកម្មការផ្សារអូរឬស្សី បានឱ្យដឹងថា កិច្ចការងារនេះ ក្នុងនាមលោកជាប្រធានគណៈកម្មការផ្សារ លោកតែងបានហៅភ្នាក់ងារភាស៊ីមកជួប និងធ្វើការណែនាំជារឿយៗ ក្នុងការអនុវត្តឱ្យមានប្រសិទ្ធិភាពតាមគោលការណ៍ណែនាំរបស់ថ្នាក់លើ និងសៀវភៅបន្ទុករបស់រដ្ឋ។ ព្រមទាំងបានណែនាំគ្រប់គោលដៅភាស៉ីទាំងអស់ត្រូវប្ដូរលុយរាយ សម្រាប់បង្វែរជូនទៅពលរដ្ឋវិញផងដែរ។

លោកបន្តថា បើពលរដ្ឋដែលអញ្ជើញមកផ្សារ គាត់ឱ្យតម្លៃផ្ញើយានយន្តរបស់គាត់លើសពីសៀវភៅបន្ទុក វាគឺជាមនោសញ្ចេតនាអាណិតស្រលាញ់របស់គាត់ជាមួយនឹងភ្នាក់ងារទទួលផ្ញើ ប៉ុន្តែបើភ្នាក់ងារទទួលបញ្ញើ ទារលុយពីគេលើសសៀវភៅបន្ទុក វាគឺជារឿងខុសច្បាប់ ដែលនឹងចាំបាច់ត្រូវមានវិធានការ។

គួររំលឹកថា កាលពីរសៀលថ្ងៃទី១ ខែកក្កដា ឆ្នាំ២០២៤ នៅសាលារាជធានីភ្នំពេញ លោក ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ បានមានប្រសាសន៍ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ ថា ប្រធានគណៈគ្រប់គ្រងផ្សាររដ្ឋទាំង២៥នៅក្នុងរាជធានីភ្នំពេញ ឱ្យពិនិត្យមើល និងត្រូវមានវិធានការជាចាំបាច់ដោយមិនមានការលើកលែងនោះទេ ទៅលើក្រុមហ៊ុន និងភ្នាក់ងារភាស៊ីទាំងឡាយណា ដែលនៅតែបន្តការទទួលផ្ញើកង់ម៉ូតូ យកតម្លៃលើសពីសៀវភៅបន្ទុករបស់រដ្ឋ៕

អត្ថបទ៖ សុភា

The post ប្រធានគណៈកម្មការផ្សារអូរឬស្សី នឹងចាត់វិធានការលើភ្នាក់ងារភាស៊ីរូបណាទារលុយផ្ញើកង់ម៉ូតូលើសសៀវភៅបន្ទុក appeared first on Kampuchea Thmey Daily.