មុននឹង សម្ដេចធិបតី សម្រេចជ្រើសរើសទីតាំងក្នុងខេត្តស្ទឹងត្រែងនេះ សម្រាប់ឱ្យពលរដ្ឋដែលក្រីក្រពិតប្រាកដទៅរស់នៅ គឺសម្ដេចធិបតី ហ៊ុន ម៉ាណែត នាយករដ្ឋមន្ត្រី បានឱ្យភាគីពាក់ព័ន្ធ បានសិក្សាលក្ខណៈបច្ចេកទេសបម្រើឱ្យជីវភាពដោយវិភាគប្រព័ន្ធក្សេត្រ-បរិស្ថាន សិក្សាពីគុណភាពដឹកសិកម្ម ស្រាវជ្រាវពីប្រភពទឹក និងវាយតម្លៃហេដ្ឋារចនាសម្ព័ន្ធចាំបាច់។

សេចក្ដីប្រកាសព័ត៌មាន នៃលទ្ធផលកិច្ចប្រជុំពេញអង្គគណៈរដ្ឋមន្ត្រី ឱ្យដឹងថា ៖«សម្តេចធិបតីនាយករដ្ឋមន្ត្រី បានសម្រេចកំណត់ យកចំណុចអូរសែវ ភូមិហាងសារ៉ាត ឃុំសាមហួយ ស្រុកសេសាន ខេត្តស្ទឹងត្រែង ជាទីតាំងជំហានទី១ ដោយគ្រោង ផ្តល់ដីជូនប្រជាពលរដ្ឋក្រីក្រីគ្មានដីពិតប្រាកដ ហើយមានបំណងទៅរស់នៅទីតាំងនេះ ចំនួន ៥០០គ្រួសារ ដោយ ក្នុងមួយគ្រួសារទទួលបានដីលំនៅឋាន និងដឹកសិកម្មទំហំសរុប ៣ហិកតា។ ជំហានបន្ទាប់នឹងផ្តល់ជូនចំនួន ៥០០គ្រួសារ បន្ថែមទៀតនៅទីតាំងដដែល។ តំបន់នេះ មានទំហំជិត ១០ ០០០ហិកតា ស្ថិតនៅជាប់ទីតាំងគម្រោង ដីសម្បទានសង្គមកិច្ច»។

គួរឱ្យដឹងថា  កាលពីថ្ងៃទី០៦ ខែវិច្ឆិកា ឆ្នាំ២០២៤   ព្រះមហាក្សត្រ នៃកម្ពុជា ទ្រង់ចេញព្រះរាជក្រឹត្យ បង្កើតគណៈកម្មាធិការជាតិដឹកនាំអនុវត្តកម្មវិធីផ្តល់ដីការពារព្រៃដើម្បីរួមគ្នាអភិវឌ្ឍដោយចីរភាព។

ការបង្កើតគណៈកម្មាធិការជាតិ ក្រោមគំនិតផ្ដួចផ្ដើមដ៏ខ្ពង់ខ្ពស់ដោយ សម្តេចមហាបវរធិបតី ហ៊ុន  ម៉ាណែត នាយករដ្ឋមន្ត្រី  ក្រោមគោលបំណងក្នុងការអនុវត្តកម្មវិធីផ្តល់ដីក្រោមទម្រង់សម្បទានដីសង្គមកិច្ចជូនប្រជាពលរដ្ឋក្រីក្រ គ្មានទីលំនៅ សម្រាប់សង់លំនៅឋាន និងខ្វះដីសម្រាប់ធ្វើកសិកម្មជាលក្ខណៈគ្រួសារ និងគាំទ្រគម្រោងអភិវឌ្ឍន៍សហគមន៍ ព្រមទាំងការពារព្រៃឈើនៅជិតទីតាំងផ្តល់ដីប្រកបដោយចីរភាព។

គណៈកម្មាធិការជាតិនេះ ជាយន្តការដឹកនាំ សម្របសម្រួល និងអនុវត្តកម្មវិធីផ្តល់ដី ការពារព្រៃដើម្បីរួមគ្នាអភិវឌ្ឍ ដោយចីរភាព ក្នុងគោលដៅផ្តល់ដីក្រោមទម្រង់សម្បទានដីសង្គមកិច្ច ជូនប្រជាពលរដ្ឋក្រីក្រគ្មានដីពិតប្រាកដ និង គាំទ្រគម្រោងអភិវឌ្ឍសហគមន៍ ព្រមទាំងការពារព្រៃនៅជិតទីតាំងផ្តល់ដីប្រកបដោយចីរភាព។ យន្តការនេះមិនទៅ ជំនួសយន្តការដែលមានស្រាប់ (ថ្នាក់ជាតិ រាជធានី ខេត្ត ស្រុក ខណ្ឌ ឃុំ សង្កាត់) នោះទេ តែជាយន្តការបំពេញបន្ថែ ហើយទន់ភ្លន់ មានតម្លាភាព ដែលអាចប្រើប្រាស់បានទៅតាមកន្លែង និងស្ថានភាពខុសៗគ្នា។ គណៈកម្មាធិការនេះ ដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជាប្រធាន អមដោយអនុប្រធានចំនួន ១១រូប និងសមាជិកចំនួន ៥១រូប និងមានលេខាធិការដ្ឋានមួយជាសេនាធិការ។

ជាលទ្ធផល លេខាធិការដ្ឋាន ផ.ក.អ. បានចុះកំណត់ទីតាំងដី និងផ្ទៀងផ្ទាត់នៅទីតាំងតំបន់អូរឃ្លៀង អូរសែវ អូរចំបក់ ក្រឡាពស់ ស្ថានីយ៍ផ្សព្វផ្សាយភូតតាគាម និងអូរប្រាំដំឡឹង ក្នុងខេត្តស្ទឹងត្រែង និងបានសហការជាមួយ រដ្ឋបាលថ្នាក់ក្រោមជាតិចុះសម្រង់បញ្ជីឈ្មោះអ្នកទន្ទ្រានដីនិងដាំដុះ និងកំណត់និយាមការផ្ទះ ទីតាំងដីនៅ តំបន់អូរចំបក់ និងអូរសែវ។ លេខាធិការដ្ឋាន ផ.ក.អ. បានចុះបណ្តុះបណ្តាលផ្ទៃក្នុងតម្រង់ទិសជាប្រចាំដល់មន្ត្រី លេខាធិការដ្ឋាន និងបានចុះបណ្តុះបណ្តាលនិងផ្សព្វផ្សាយស្តីពីការអនុវត្ត “កម្មវិធីផ្តល់ដី ការពារព្រៃដើម្បី រួមគ្នាអភិវឌ្ឍដោយចីរភាព» ចំនួន ៦ទីតាំង (ភូមិភាគ) មាន ២៥រាជធានី ខេត្ត ដែលមានអ្នកចូលរួមសរុបចំនួន ៣ ៥១៩នាក់ ដោយចាប់ផ្តើមពីថ្ងៃទី១៥ ដល់ ២១ ខែមករា ឆ្នាំ២០២៥។

តាមការគ្រោងទុកកម្មវិធីនេះ នឹងដាក់ឱ្យដំណើរការជំហានទី១ ចាប់ពីថ្ងៃទី០១ ខែកុម្ភៈ ឆ្នាំ២០២៥ តទៅ ដោយមានចំនួន ៥ដំណាក់កាលសំខាន់ៗ រួមមាន ទី១. ដំណាក់កាលរៀបចំ (ការកំណត់ទីតាំងផ្តល់ដី ការផ្សព្វផ្សាយ និងផ្តល់ពត៌មាន) ទី២. ដំណាក់កាលបច្ចេកទេស ទី៣. ដំណាក់កាលពិនិត្យភាពសមស្រប (ការជ្រើសរើស) ទី៤. ដំណាក់កាលពិនិត្យ សម្រេច និងផ្តល់សុពលភាព និង ទី៥. ដំណាក់កាលផ្តល់ដី ការពារព្រៃ និងការអភិវឌ្ឍ៕

ដោយ៖ ង៉ិល ណារ៉ាត់

The post កម្មវិធីផ្ដល់ដីការពារព្រៃ៖ ពលរដ្ឋក្រីក្រពិត ក្នុង១គ្រួសារនឹងបានដី៣ហិកតា បើសិនទៅរស់នៅស្រុកសេសាន ខេត្តស្ទឹងត្រែង appeared first on Kampuchea Thmey Daily.

លោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច​ និងហិរញ្ញវត្ថុបា​ថ្លែងនៅក្នុងកម្មវីធី សន្និសីទជាតិ ស្តីពីសមិទ្ធផលនៃប្រព័ន្ធគាំពារសង្គមកម្ពុជា​នៅព្រឹកថ្ងៃទី១៩ ខែវិច្ឆិការថា ចាប់តាំងពីរាជរដ្ឋាភិបាលបានអនុម័តក្របខណ្ឌគោលនយោបាយជាតិគាំពារសង្គម ២០១៦-២០២៥ នៅឆ្នាំ២០១៧ មក, ​ការដាក់ចេញនូវ អន្តរាគមន៍គាំពារសង្គមរបស់រាជរដ្ឋាភិបាល ដើម្បីគាំពារពលរដ្ឋ នាពេលកន្លងទៅ រួមមាន ការពង្រឹងភាពធន់របស់ពលរដ្ឋ ដោយផ្តល់ការគាំពារ តាមរយៈកម្មវិធីជាតិ ជំនួយសង្គម និង របបសន្តិសុខសង្គម ជាប្រក្រតី ដោយផ្តោតលើការអភិវឌ្ឍ មូលធនមនុស្ស, សមត្ថភាព និង កាលានុវត្តភាពការងារ; និង ការជួយរក្សាលំនឹងជីវភាពពលរដ្ឋ ក្នុងគ្រាមានគ្រោះអាសន្ន តាមរយៈ ការផ្តល់នូវការគាំពារបន្ថែម ដោយប្រកាន់ខ្ជាប់នូវស្មារតី «មិនបោះបង់ ពលរដ្ឋណាម្នាក់» ។

លោកថ្លែងថា៖«ខ្ញុំសូមបញ្ជាក់បន្ថែមថា ​ វិសាលភាព របស់ប្រព័ន្ធគាំពារសង្គម បានរីកធំជាងមុន ជាង ២ ដង, បើធៀបនឹងឆ្នាំ ២០១៧, ដោយ បច្ចុប្បន្ន, ប្រព័ន្ធគាំពារសង្គមកំពុងគ្របដណ្តប់ពលរដ្ឋ ជាង ៧ លាននាក់, ខណៈដែល ចំណាយថវិកាជាតិ ក៏បានកើនធំជាងមុន ជាង ៣ ដង» ។

លោកថាបើគិតជារួម, ទំហំចំណាយ ថវិកាសរុប លើប្រព័ន្ធគាំពារសង្គម មានចំនួនជាង ១៧,៥ ទ្រីលានរៀល, សមមូល នឹង ប្រមាណ ៤,៣ ប៊ីលានដុល្លារអាម៉េរិក, ចាប់តាំងពីរាជរដ្ឋាភិបាល បានដាក់ ចេញនូវ ក្របខណ្ឌគោលនយោបាយជាតិគាំពារសង្គម ក្នុងឆ្នាំ ២០១៧ មក ។​​

លោកបានគូសបញ្ជាក់ថា គិតជាមធ្យម, អ្នកទទួល ផលម្នាក់ៗ ទទួលបាននូវថវិកាចំនួន ៤,៧ លានរៀល, សមមូលនឹង ១ ១៨៥ ដុល្លារ អាម៉េរិក, ក្នុងនោះ កម្មវិធីឧបត្ថម្ភសាច់ប្រាក់ ក្នុងអំឡុងប្រយុទ្ធនឹងជំងឺកូវីដ-១៩, ដែល ត្រូវបានអនុវត្តរយៈពេល ៤៦ ខែ, បានចំណាយថវិកាជាតិសរុបប្រមាណ ៥,៤ ទ្រីលាន រៀល, សមមូលនឹង ១, ៣៦ ពាន់លានដុល្លារអាម៉េរិក, សម្រាប់គ្រួសារមានបណ្ណសមធម៌ ជាង ៧០ ម៉ឺនគ្រួសារ, ដោយគ្រួសារនីមួយៗ ទទួលបានថវិការឧបត្ថម្ភជាមធ្យម ចំនួន ១ ៩៤៩ ដុល្លារ ឬ ៤២ ដុល្លារ ក្នុងមួយខែ ឬ ៥០៤ ដុល្លារ ក្នុងមួយឆ្នាំ ។

លោកឧបនាយករដ្ឋមន្រ្តីបានលើកឡើងថា៖«ការទទួលបានថវិកាឧបត្ថម្ភនេះ ពិតជាបានចូលរួមចំណែកយ៉ាងសំខាន់ ក្នុង ការជួយសម្រួល និង ការរក្សាលំនឹងជីវភាពគ្រួសារពលរដ្ឋ, ទាំងក្នុងពេលប្រក្រតី និង ពេលមានគ្រោះអាសន្ន, ព្រមទាំងបានធ្វើឱ្យស្ថានភាពសុខភាព និង ការអប់រំរបស់សមាជិក គ្រួសារ មានភាពប្រសើរឡើង ផងដែរ »។

« ការវិនិយោគដ៏ច្រើននេះ បាន ផ្តល់ផលវិជ្ជមាន ដល់ម៉ាក្រូសេដ្ឋកិច្ចកម្ពុជា, ការអភិវឌ្ឍមូលធនមនុស្ស និង ការកាត់បន្ថយ ភាពក្រីក្រ ដោយបានធ្វើឱ្យគោលនយោបាយគាំពារសង្គម ក្លាយជាគោលនយោបាយ ដ៏សំខាន់ និង មិនអាចខ្វះបាន ព្រមទាំងត្រូវបានកំណត់យ៉ាងច្បាស់ ក្នុង យុទ្ធសាស្ត្រ បញ្ចកោណ ដំណាក់កាល ទី ១ របស់រាជរដ្ឋាភិបាល នីតិកាលទី ៧ នៃរដ្ឋសភា ក្នុងគោលបំណងបែងចែកផ្លែផ្កានៃកំណើនសេដ្ឋកិច្ច ប្រកបដោយសមធម៌ សំដៅ កាត់បន្ថយវិសមភាពសង្គម និង ពង្រឹងសាមគ្គីធម៌ ក្នុងសង្គម»​ នេះបើយោងតាមលោក ព័ន្ធមុនីរ័ត្ន ៕

​

​​

​

The post កម្ពុជាបានចំណាយទឹកប្រាក់ជិត៦ពាន់លានដុល្លារនៃ​ប្រព័ន្ធគាំពារសង្គម និងថវិកាពិសេសអំឡុងប្រយុទ្ធនឹងជំងឺកូវីដ​១៩ appeared first on Kampuchea Thmey Daily.

តាមរយៈសារជាសំឡេង កាលពីយប់ថ្ងៃទី ៥ ខែមេសា ឆ្នាំ ២០២៣ សម្ដេចតេជោ ហ៊ុន សែន លើកឡើងថា បន្ទាប់ពីបានត្រឡប់មកពីចូលរួមកិច្ចប្រជុំមួយ នៅទីក្រុងវៀងចន្ទន៍វិញ សម្ដេច បានទទួលសារជាសំឡេងរបស់លោកស្រី តាំង ហ្គេចលៀង ដែលថា ប្រជាពលរដ្ឋដែលបញ្ចេញមតិ មានគីឡូធ្ងន់-គីឡូស្រាល ដោយមានប្រតិកម្មជាច្រើនពីមហាជន។

កាលពីប៉ុន្មានថ្ងៃមុននេះ មានការវែកញែកគ្នាយ៉ាងច្រើនរួចមកហើយ ក្រោយពីលោកស្រី តាំង ហ្គេចលៀង បានលើកឡើងជុំវិញអ្នកមាន-អ្នកក្រ។ សម្ដេចតេជោ ហ៊ុន សែន មានប្រសាសន៍ថា ការលើកឡើងកាលពីប៉ុន្មានថ្ងៃមុននេះ អាចមានហេតុផលខ្លះដែលត្រូវយោគយល់ តែថា ការលើកឡើងរបស់លោកស្រី តាំង ហ្គេចលៀង លើកនេះចំពោះការប្រៀបធៀបប្រជាជនធម្មតាថា ជាគីឡូស្រាលដែលមិនមានតម្លៃអ្វីសម្រាប់ខ្លួននោះ គឺជា «កំហុស»។

បើតាមសម្ដេចតេជោ ហ៊ុន សែន គឺជារឿងល្អហើយ ដែលលោកស្រី តាំង ហ្គេចលៀង បានចេញមុខសុំទោសទាន់ពេលវេលា ពីព្រោះសូម្បីតែសម្ដេចផ្ទាល់ ក៏មិនអាចទទួលយកបានដែរ ចំពោះពាក្យប្រៀបធៀបនោះដែរ។

«នេះជាការកំហុសដែលក្មួយប្រៀបធៀប គីឡូធ្ងន់ គីឡូទាប ក្មួយត្រូវដឹងថា ក្នុងសង្គមមនុស្ស គ្មានអ្នកណាគីឡូធ្ងន់ គ្មានអ្នកណាគីឡូទាបទេ មនុស្សមានសេរីភាពដូចគ្នា ហើយយើងគួរតែបញ្ជាក់ថា ពូជអ្នកមានវាដាច់ពូជអស់ទៅហើយ ក្នុងជំនាន់ ប៉ុល ពត នោះ ពួកយើងសុទ្ធតែពូជអ្នកក្រ ដូចតែគ្នាហ្នឹង ដែលចាប់ករវែងករឆ្នាំងពីឆ្នាំ ១៩៧៩ គឺ ៤០ឆ្នាំមុនតែប៉ុណ្ណោះ»។ នេះជាការបញ្ជាក់បន្ថែមរបស់សម្ដេចតេជោ ហ៊ុន សែន ដោយបានបន្ថែមថា ពូជអ្នកមាន គឺពួកគេបានរត់ទៅរស់នៅក្រៅប្រទេសអស់ហើយ ដែលនៅសល់តែពូជអ្នកក្រ ដែលខាំស្មៅរស់នៅក្នុងប្រទេសមកទល់សព្វថ្ងៃនេះ។

សម្ដេចតេជោ ហ៊ុន សែន បានគូសបញ្ជាក់ថា ដូច្នេះនៅក្នុងសង្គមកម្ពុជា មិនគួរមានការបែងចែកអ្នកមាន និងអ្នកក្រ នោះទេ។ «ហើយខ្ញុំ សូមបញ្ជាក់ជូនថា ដោយសារតែភាពក្រហ្នឹងហើយ បានជាយើងខំប្រឹងងើបឈរឡើងទាំងអស់គ្នា នៅក្នុងក្របខ័ណ្ឌទូទាំងប្រទេស កសាងជីវភាពពីភាពតោកយ៉ាក មកកាន់ជីវភាពមួយ ដែលគាប់ប្រសើរជាងមុន»។ នេះជាការគូសបញ្ជាក់បន្ថែមរបស់សម្ដេចតេជោ ហ៊ុន សែន ដោយបានបន្ថែមទៀតថា អត្រានៃភាពក្រីក្រនៅកម្ពុជា បានធ្លាក់ចុះជាបន្តបន្ទាប់ ដោយក្រុមគ្រួសារមួយចំនួន បានក្លាយទៅជាអ្នកមានទ្រព្យសម្បត្តិ។

សូមជម្រាបថា កាលពីយប់ថ្ងៃទី ៥ ខែមេសា ឆ្នាំ ២០២៣ លោកស្រី តាំង ហ្គេចលៀង អគ្គនាយកក្រុមហ៊ុន HL តាមរយៈគណនីហ្វេសប៊ុករបស់ខ្លួន បានចេញវីដេអូប្រមាណជាជិត​ ១នាទី ដើម្បីសុំទោសជាសាធារណៈជុំវិញការលើកឡើង និងការប្រៀបធៀបរបស់ខ្លួន។

លោកស្រី តាំង ហ្គេចលៀង បាននិយាយបែបនេះថា «ខ្ញុំសុំចេញមុខមកទទួលខុសទៅនឹងរាល់ពាក្យសម្ដី កំហុសដែលនាងខ្ញុំបានចេញទាំងវីដេអូក៏ដោយ ទាំងសារសំឡេង ឬក៏អ្វី នាងខ្ញុំសុំទទួលកំហុស ហើយក៏អ្នកនាងខ្ញុំសុំទោសជាសាធារណៈ សង្ឃឹមថា បងប្អូនទាំងអស់គ្នា នឹងអភ័យទោសឲ្យនាងខ្ញុំ ហើយសុំទុកឱកាសឲ្យនាងខ្ញុំ បានកសាងគុណសម្បត្តិលុបលាងកំហុសផង»។

ក្រោយពីលោកស្រី តាំង ហ្គេចលៀង សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ក៏បានស្នើឲ្យមហាជន ជាពិសេសសមាជិក-សមាជិការបស់គណបក្សប្រជាជន សូមបញ្ឈប់សកម្មភាពចែកចាយវីដេអូ ឬទស្សនៈទាក់ទងនឹងអ្នកមាន-អ្នកក្រ បន្តទៅទៀត៕

The post សម្ដេចតេជោ ហ៊ុន សែន ៖ ដោយសារតែភាពក្រហ្នឹងហើយ បានជាយើងខំប្រឹងងើបឈរឡើងទាំងអស់គ្នា appeared first on Kampuchea Thmey Daily.

យោង​តាម​របាយការណ៍​របស់​មន្ទីរ​សង្គម​កិច្ច អតីត​យុទ្ធជន និង​យុវ​នីតិសម្បទា​ខេត្ត​ព្រះសីហនុ បាន​ឲ្យ​ដឹង​ថា រយៈពេល ៩ ខែ ឆ្នាំ ២០២២ ស្ត្រី​មាន​ផ្ទៃពោះ និង​កុមារ​អាយុ​ក្រោម ២ ឆ្នាំ គ្រួសារ​ក្រីក្រ និង​ងាយ​រងគ្រោះ​ក្នុងអំឡុងពេល​ប្រយុទ្ធ​នឹង​ជំងឺ​កូវីដ-១៩ សរុប​ចំនួន ៦,៥១៤ គ្រួសារ ទទួល​បាន​ប្រាក់​ឧបត្ថម្ភ​ពី​រដ្ឋាភិបាល​សរុប ១១,៤៩៥, ០៦៨, ០០០ រៀល ស្មើនឹង ២៨៧៣៧៦៧ ដុល្លារ​អាមេរិក។

របាយការណ៍​បាន​បន្ត​ថា ចំនួន​នេះ​បើ​ធៀប​ទៅ​នឹង​រយៈពេល ៩ ខែ ឆ្នាំ ២០២១ ដូចគ្នា ឃើញ​ថា មាន​ការ​ថយ​ចុះ ដោយ ៩ ខែ ឆ្នាំ ២០២១ មាន​ចំនួន ១១,៥៧១ គ្រួសារ មាន​ការ​ថយ​ចុះ ៥,០៥៧ គ្រួសារ ដោយសារ​ប័ណ្ណ​មួយ​ចំនួន​អស់​សុពលភាព និង​ប័ណ្ណ​មួយ​ចំនួន​ត្រូវ​ដក​សិទ្ធ។

លោក ឈូរ សុបញ្ញា ប្រតិភូ​រាជរដ្ឋាភិបាល​ទទួលបន្ទុក​ជា​អគ្គនាយក​មូលនិធិ​ជាតិ​ជំនួយ​សង្គម លើក​ឡើង​ក្នុង​កិច្ចប្រជុំ​បូកសរុប​លទ្ធផល​ការងារ ៩ ខែ ឆ្នាំ ២០២២ កាលពី​ថ្ងៃ​ទី ៣ វិច្ឆិកា បាន​ថ្លែង​អំណរគុណ​រដ្ឋបាល​ខេត្ត​ព្រះសីហនុ និង​មន្ត្រី​អនុវត្ត​គម្រោង ដែល​ពង្រីក​ការ​អនុវត្ត​ការងារ​តាម​ចក្ខុ​វិស័យ​របស់​រាជរដ្ឋាភិបាល ក្នុង​គោលបំណង​ឆ្លុះបញ្ចាំង​ពី​វឌ្ឍនភាព​ការងារ​ឧបត្ថម្ភ​សាច់ប្រាក់​ជូន​ស្ត្រី​មាន​ផ្ទៃពោះ និង​កុមារ​អាយុ​ក្រោម ២ ឆ្នាំ កម្មវិធី​ឧបត្ថម្ភ​សាច់ប្រាក់​ជូន​គ្រួសារ​ក្រីក្រ និង​ងាយ​រងគ្រោះ ក្នុងអំឡុងពេល​ប្រយុទ្ធ​នឹង​ជំងឺ​កូវីដ-១៩ បាន​ទាន់​ពេលវេលា។

លោក គួច ចំរើន អភិបាលខេត្ត​ព្រះសីហនុ បាន​កោតសរសើរ និង​វាយតម្លៃ​ចំពោះ​មន្ទីរ​សង្គមកិច្ច អតីត​យុទ្ធជន និង​យុវ​នីតិសម្បទា​ខេត្ត បាន​អនុវត្ត​ការងារ​ឧបត្ថម្ភ​សាច់ប្រាក់​ជូន​គ្រួសារ​ក្រីក្រ​រង​ផល​ប៉ះពាល់​ជំងឺ​កូវីដ-១៩ ជា​មន្ទីរ​ស្នូល និង​មានការ​ចូលរួម​ពី​មន្ទីរ​ពាក់ព័ន្ធ​ដូចជា មន្ទីរ​ផែនការ មន្ទីរ​សុខាភិបាល និង​មេឃុំ ចៅសង្កាត់។

លោក​អភិបាលខេត្ត បាន​ធ្វើការ​ណែនាំ​ឲ្យ​មន្ទីរ​សង្គមកិច្ច អតីត​យុទ្ធជន និង​យុវ​នីតិសម្បទា​ខេត្ត ជួយ​បណ្ដុះបណ្ដាល​ជំនួយការ​ហិរញ្ញវត្ថុ ឃុំ សង្កាត់ ជា​អ្នក​ទទួល​បន្ទុក​កម្មវិធី​ឧបត្ថម្ភ​សាច់ប្រាក់ ដើម្បី​ចុះ​ធ្វើ​សម្ភាស​ជំរឿន​ប្រជាពលរដ្ឋ​ដែល​រង​ហានិភ័យ​នៅ​តាម​មូលដ្ឋាន​ដោយ​ការ​ទទួល​ខុសត្រូវ ដើម្បី​ឲ្យ​មាន​និរន្តរភាព​ការងារ​នៅ​តាម​ឃុំ សង្កាត់ ម្យ៉ាងទៀត​មេឃុំ ចៅសង្កាត់ ត្រូវ​មាន​លេខ​កូដ​ក្នុង​ដៃ ក្នុង​ការ​វាយតម្លៃ និង​អនុម័ត នៃ​ការ​ធ្វើ​ជំរឿន​ប្រជាពលរដ្ឋ​របស់​ខ្លួន​ដែល​រង​ហានិភ័យ និង​ប្រជាពលរដ្ឋ​ក្រីក្រ។

លោក​អភិបាល​ខេត្ត បាន​ណែនាំ​ឲ្យ​មន្ត្រី ត្រូវ​មាន​ឥរិយាបថ​ល្អ នៃ​ការ​បម្រើ​សេវា​សាធារណៈ​ជូន​ប្រជាពលរដ្ឋ ដែល​រាជរដ្ឋាភិបាល​បាន​ផ្ទេរ​អំណាច​មក​ថ្នាក់​មូលដ្ឋាន​ប្រកបដោយ​ឆន្ទៈ។ ត្រូវ​ទទួល​យក​សំណើ និង​សំណូមពរ​របស់​ប្រជាពលរដ្ឋ និង​ជំរុញ​ចុះ​ស្រង់​ស្ថិតិ និង​ជំរឿន​ប្រជាពលរដ្ឋ​រង​ហានិភ័យ​នៅ​ក្នុង​មូលដ្ឋាន ជា​ឱកាស​ជួយ​ប្រជាពលរដ្ឋ​ក្រីក្រ​របស់​យើង​នៅ​មូលដ្ឋាន​ឲ្យ​ទទួល​បាន​ថវិកា​គាំពារ​សង្គម​នា​ពេល​ខាង​មុខ៕

អត្ថបទ ៖ សំអឿន

The post ៩ ខែឆ្នាំនេះ មន្ទីរសង្គមកិច្ចខេត្តព្រះសីហនុ ចំណាយថវិកាជិត ៣ លានដុល្លារ ឧបត្ថម្ភពលរដ្ឋក្រីក្រ ជាង ៦៥០០ គ្រួសារ appeared first on Kampuchea Thmey Daily.

ថ្លែនៅក្នុងឱកាសនោះ ឯកឧត្តម ជា សុមេធី ប្រធានយុវជនគណបក្សប្រជាជនកម្ពុជា ខេត្តព្រៃវែង បានមានប្រសាសន៍ថា ក្រោមម្លប់សុខសន្តិភាព និងក្រោមការដឹកនាំប្រកបដោយគតិបណ្ឌិត របស់រាជរដ្ឋាភិបាល និងការដឹកនាំរបស់គណបក្សប្រជាជនកម្ពុជា តែងតែយលចិត្តទុក្ខដាក់គិតគូរអំពីសុខទុក្ខរបស់បងប្អូនប្រជាពលរដ្ឋ គ្រប់ពេលវេលា ហើយមានតែគណបក្សប្រជាជនកម្ពុជាតែមួយគត់ដែលនៅជាមួយបងប្អូនប្រជាពលរដ្ឋ គ្រប់កាលៈទេសៈ គ្រប់ពេលវេលា មិនរត់ចោលបងប្អូនប្រជាពលរដ្ឋនោះទេ។ 

ឯកឧត្តម ក៏សូមអរគុណចំពោះបងប្អូនប្រជាពលរដ្ឋដែលតែងតែគាំទ្រ និងជឿទុកចិត្តចំពោះការដឹកនាំ របស់ គណបក្សប្រជាជនកម្ពុជា នាពេលកន្លងមក និងសូមឲ្យបងប្អូនប្រជាពលរដ្ឋបន្តការគាំទ្រក្នុងការដឹកនាំរបស់គណបក្សប្រជាជនកម្ពុជាជាបន្តបន្ទាប់ទៅមុខទៀតដើម្បីធានានូវសុខសន្តិភាពស្ថេរភាពនយោបាយជូនបងប្អូនប្រជាពលរដ្ឋទូទាំងប្រទេសកម្ពុជា។ 

ក្នុងនោះដែរ ឯកឧត្តម ក៏អំពាវនាវនាដល់បងប្អូនប្រជាពលរដ្ឋទាំងអស់ដែល បានចាក់វ៉ាក់សាំង ដូសទី ១ ដូសទី ២ រួច សូមបន្តទៅចាក់ដូសទី ៣ បន្តទៀត ហើយចំពោះបងប្អូនប្រជាពលរដ្ឋណាដែលមិនទាន់បានចាក់វ៉ាក់សាំងសូមអញ្ជើញទៅចាក់ឲ្យបានគ្រប់គ្នា ដើម្បីបង្ការនិងទប់ស្កាត់ការរីករាលដាលឆ្លងជំងឺកូវីដ19 និងសូមឲ្យបងប្អូនត្រូវបន្តយកចិត្តទុកដាក់អនុវត្តនូវវិធានការសុខាភិបាលក៏ដូចជារាជរដ្ឋាភិបាលបានដាក់ចេញគឺ ៣ កុំ ៣ ការពារ ឲ្យបានខ្ជាប់ខ្ជួន។ ឯកឧត្តម ក៏បានផ្ដល់នូវអំណោយជូនដល់បងប្អូនប្រជាពលរដ្ឋក្នុងម្នាក់ម្នាក់ទទួលបាន អង្ករ, ទឹកសុទ្ធ, មី, ត្រីខ, ទឹកត្រី,ទឹកស៊ីអ៊ីវ, និងថវិកាមួយចំនួនផងដែរ។ 

នៅក្នុងឱកាសនោះដែរឯកឧត្តមក៏បានបន្តអញ្ជើញចុះសួរសុខទុក្ខ និងជួបសំណេះសំណាលជាមួយនឹងយុវជនគណបក្សប្រជាជនកម្ពុជានៅក្នុងស្រុកមេសាងចំនួន ៥០ ផងដែរ៕

អត្ថបទ៖ សៅគ្រី

The post ប្រជាពលរដ្ឋចំនួន១០០គ្រួសារ ទទួលបានអំណោយពីឯកឧត្តម ជា សុមេធី appeared first on Kampuchea Thmey Daily.

ទុរគតជនចំនួន ១៧គ្រួសារ ដែលបានទទួលអំណោយ ជារៀងរាល់ខែរួមមាន៖  

១-/  ឈ្មោះ ពុំ សុផល ភេទស្រី អាយុ៦៤ឆ្នាំ រស់នៅភូមិ ដំណាក់សង្កែ(មានចៅក្នុងបន្ទុក០៧នាក់) ទទួលបាន អង្ករ ០៣ការ៉ុង  និង ថវិកា២០ម៉ឺនរៀល។

២-/ ឈ្មោះ ស៊ឹម ប៉ុន ភេទស្រី អាយុ៥៧ឆ្នាំ នៅភូមិដំណាក់សង្កែ (មេម៉ាយក្រីក្រ) ទទួលបានអង្ករ០១ការ៉ុង ថវិកា១០ម៉ឺនរៀល។

៣-/ ឈ្មោះ សន គីម ភេទស្រី អាយុ៧៣ឆ្នាំ នៅភូមិព្រែករទាំង (ចាស់ជរាគ្មានទីពឹង) ទទួលបានអង្ករ០១រ៉ុង ថវិកា១០ម៉ឺនរៀល។

៤-/ ឈ្មោះ ស្រី ចេង (ស្លាប់) ភេទប្រុស អាយុ៨៧ឆ្នាំ នៅភូមិព្រែករទាំង (នៅប្រពន្ធ ព្រំ ខៃ មានជីវភាពខ្វះខាត) ទទួលបានអង្ករ០១ការ៉ុង និងថវិកា ១០ម៉ឺនរៀល។

៥-/ ឈ្មោះ អ៊ន អឿន ភេទស្រី អាយុ៣៣ឆ្នាំ នៅភូមិព្រែករទាំង (ពិការដៃម្ខាង) ទទួលបានអង្ករ០១ការ៉ុងថវិកា១០ម៉ឺនរៀល។

៦-/ ឈ្មោះ ខាន់ សួន អាយុ៧២ឆ្នាំ រស់នៅភូមិ ព្រែករទាំង(មានចៅក្នុងបន្ទុក១០នាក់) ទទួល បាន អង្ករ ០៤ការ៉ុង និង ថវិកា២០ម៉ឺនរៀល។

៧-/ (ចៅ គង់ ស្លាប់) នៅប្រពន្ធឈ្មោះ ឱក យ៉ាន នៅភូមិព្រែករទាំង ទទួលបានអង្ករ០១ការ៉ុង ថវិកា១០ម៉ឺនរៀល។

៨/ ឈ្មោះ ឡុង សុន ភេទស្រី អាយុ៦៤ឆ្នាំនៅភូមិព្រែករទាំង (ចាស់ជរាមានជម្ងឺ មានចៅក្នុងបន្ទុក០៣នាក់) ទទួលបានអង្ករ០២ការ៉ុង ថវិកា២០ម៉ឺនរៀល។

៩-/ ឈ្មោះ លឹម ម៉េង ភេទស្រី អាយុ៧៣ឆ្នាំ នៅភូមិព្រែករទាំង (ចាស់ជរា រស់នៅអាស្រ័យញាតិជិតខាង) ទទួលបានអង្ករ០១ការ៉ុង ថវិកា១០ម៉ឺនរៀល។

១០-/ ឈ្មោះ ទួន លន់ ភេទស្រី អាយុ៧៣ឆ្នាំ នៅភូមិព្រែកថ្លឹង (ចាស់ជរាគ្មានទីពឹង) ទទួលបានអង្ករ០១ការ៉ុង ថវិកា១០ម៉ឺនរៀល។

១១-/ ឈ្មោះ គឹម ផុន ភេទប្រុស អាយុ៧៩ឆ្នាំ (ស្លាប់នៅប្រពន្ធ ទុយ បូ) នៅភូមិព្រែកថ្លឹង (ពិការភ្នែកដើរមិនរួច មានចៅក្នុងបន្ទុកច្រើន) ទទួលបានអង្ករ០២ការ៉ុង ថវិកា២០ម៉ឺនរៀល។

១២-/ ឈ្មោះ ឈឿន សំអុល ភេទស្រី អាយុ៤៧ឆ្នាំ ព្រែកកំពឹស ( មេម៉ាយមានកូនច្រើនក្នុងបន្ទុក និងមានជម្ងឺ ) ទទួលបានអង្ករ០១ការ៉ុង ថវិកា១០ម៉ឺនរៀល។

១៣-/ ឈ្មោះ យឺន សុដារ័ត្ន ភេទប្រុស អាយុ ៣៣ឆ្នាំ (កំព្រា) ពិការជើងទាំងសងខាង នៅភូមិព្រែកកំពឹស ទទួលបានអង្ករ០១ការ៉ុង ថវិកា១០ម៉ឺនរៀលរៀងរាល់ខែ។

១៤-/ ឈ្មោះ ផាត សុខជា ភេទស្រី អាយុ២០ឆ្នាំ នៅភូមិក្រាំងស្វាយ (កំព្រាឪពុកម្តាយ និងមានជម្ងឺប្រចាំកាយ) ទទួលបានអង្ករ០១ការ៉ុង និងថវិកា២០ម៉ឺនរៀល។

១៥-/ ឈ្មោះ ស រុន ភេទស្រី អាយុ៨២ឆ្នាំនៅភូមិក្រាំងស្វាយ (ចាស់ជរាគ្មានទីពឹង) ទទួលបានអង្ករ០១ការ៉ុង ថវិកា១០ម៉ឺនរៀល។

១៦-/ ឈ្មោះ ឃុត ម៉ៅ ភេទស្រី  អាយុ៧២ឆ្នាំ នៅភូមិក្រាំងស្វាយ (ចាស់ជរាមានជម្ងឺ គ្មានទីពឹង) ទទួលបានអង្ករ០១ការ៉ុង ថវិកា១០ម៉ឺនរៀល។

១៧-/ ឈ្មោះ ស្រាំ សាម៉ន ភេទស្រី អាយុ៧១ឆ្នាំ ( ចាស់ជរាគ្មានទីពឹង ) នៅភូមិព្រែករទាំង ទទួលបានអង្ករ០១ការ៉ុង ថវិកា១០ម៉ឺនរៀល៕

អត្ថបទ៖ វិមាន

The post អំណោយប្រចាំខែ របស់លោកឧត្ដមសេនីយ៍ឯក រ័ត្ន ស្រ៊ាង បានប្រគល់ដល់ដៃពលរដ្ឋទីទាល់ក្រ ១៧គ្រួសារ appeared first on Kampuchea Thmey Daily.

ចំពោះ​ប្រជាពលរដ្ឋ​ជាង​១០​គ្រួសារ​ដែល​មាន​ជីវភាព​ខ្វះខាត​ និង​ទទួល​អំណោយនេះ​ស្ថិតនៅ​ភូមិ​កំ​ព្រៅ ឃុំ​ព្នៅ​ទី​១​ ស្រុក​ស៊ីធរ​កណ្តាល​​ ខេត្តព្រៃវែង ។​ អំ​ណោយ​ទាំង​នោះរួមមាន​,​អង្ករ​២៥​គីឡូក្រាម ត្រីខរ​មួយ​យួរ​, ទឹកត្រី ,​ទឹក​ស៊ី​អ៊ីវ និង​ថវិកា​មួយចំនួន​ផងដែរ​។​

ការចុះ​ជួយ​នេះ ​គឺ​ដោយសារ​មើល​ឃើ​ញ​ពី​ទុក្ខ​លំ​បាករ​បស់បង​ប្អូនអ្នកភូមិ​ខាងលើ​ ​ជាពិសេស​ក្រុម​គ្រួ សារ​ចាស់​ជរា​ ស្ត្រី​មេម៉ាយ ​ក្មេង​កំព្រា​មួយចំនួន​ដែលកំពុងមាន​ជីវភាព​ខ្វះខាត​ជាដើម ​ហើយ​ជា​រឿយៗ​លោក​តែង​តែ​ចំណាយ​ថវិកា​ផ្ទាល់​ទិញ​ជា​គ្រឿង​បរិ​ភោគ​និង​ថ្នាំសង្កូវ​ផ្សេងៗ​តាម​លទ្ធភាព​ដើ​ម្បី​ចែកជូន​ដល់​ពួកគាត់​។​

លោក គន់ រៀម​រតន​: បាន​ឲ្យ​ដឹង​បន្ថែមថា​ លោ​ក​ក៏ដូចជា​ប្រជាពលរដ្ឋ​ទាំងអស់​ក្នុងភូមិ​សូម​គោ​រ​រពអរ គុណ​ណាស់​ដល់​ម្ចាស់​អំ​ណោ​យនិង​ជូនពរ​សូម​អស់​លោក លោក​ស្រី និង​ក្រុមគ្រួសារ​មាន​សេចក្តី​សុខ សុភមង្គល សុខ​ភាពល្អ​រឹងមាំ រក​ទទួលទាន​មានបាន និង​ជោគ​ជ័យ​គ្រប់​ភារកិច្ច​ការងារ​៕

អត្ថបទ៖ ចាន់​រ៉ា​

The post ពលរដ្ឋជាង១០គ្រួសារទទួលអំណោយពីសប្បុរសជនតាម​រយ:តារាសម្តែង គន់ រៀមរតន​: appeared first on Kampuchea Thmey Daily.

ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញ បានណែនាំដល់អភិបាលខណ្ឌទាំង១៤នៅក្នុងរាជធានីភ្នំពេញយកចិត្តទុកដាក់តាមដានសំណើរបស់ពលរដ្ឋ និងរៀបចំផ្ដល់ស្បៀងអាហារជូនពួកគាត់ឱ្យទាន់ពេលវេលាបំផុត។

ឯកឧត្ដម ឃួង ស្រេង មានប្រសាសន៍ថា៖ «រាជធានីភ្នំពេញនឹងដាក់អង្ករជូនខណ្ឌនីមួយៗចំនួន១០តោនចំពោះគ្រប់ខណ្ឌទាំង១៤នៅក្នុងទីក្រុងភ្នំពេញ សរុបមានចំនួន១៤០តោន ដែលជាអំណោយរបស់ សម្តេចអគ្គមហាសេនាបតីតេជោ ហ៊ុន សែន និងសម្ដេចគតិព្រឹទ្ធបណ្ឌិត ប៊ុន រានី ដើម្បីឆ្លើយតបតាមសំណើរ និងតម្រូវការរបស់ពលរដ្ឋក្រីក្រដែលជួបបញ្ហាខ្វះខាតស្បៀង។ ក្រៅពីអង្ករ យើងក៏មានត្រីខ និងមីផងដែរសម្រាប់ផ្គត់ផ្គង់ដល់ពួកគាត់ក្នុងគ្រាដ៏លំបាកនេះ។»

The post រាជធានីភ្នំពេញត្រៀមបញ្ចេញអង្ករ១៤០តោនឆ្លើយតបតាមសំណើរ និងតម្រូវការពលរដ្ឋក្រីក្រដែលកំពុងខ្វះខាតស្បៀង appeared first on Kampuchea Thmey Daily.