​ទិន្នន័យ​ពីការិយាល័យស្ថិតិជាតិ (NSO) ក្រោមក្រសួងហិរញ្ញវត្ថុវៀតណាម ចេញផ្សាយ​កាលពីថ្ងៃពុធ បានបង្ហាញថា ការនាំចេញបានកើនឡើង ១៩,៥% ​ឆ្នាំលើឆ្នាំ ដល់ជាង ២១៥,៦៦ ប៊ីលាន​ដុល្លារ ខណៈ​ការនាំចូលវិញ បានកើនឡើង ៣០,៨% ដល់ ២២៩,៤៦ ប៊ីលាន​ដុល្លារ។

យ៉ាងណាមិញ តួលេខនេះ បង្ហាញពីឱនភាពពាណិជ្ជកម្មដល់ទៅ ១៣,៨ ប៊ីលាន​ដុល្លារ សម្រាប់រយៈពេល ៥ ខែ ខណៈក្នុងរយៈពេលដូចគ្នាឆ្នាំមុន វៀតណាមបានកត់ត្រាពីអតិរេកពាណិជ្ជកម្ម ៥,១ ប៊ីលានដុល្លារ។

សហរដ្ឋអាមេរិកនៅតែជាទីផ្សារនាំចេញធំបំផុតសម្រាប់វៀតណាម ខណៈចិនគឺជាប្រភពផ្គត់ផ្គង់ទំនិញនាំចូលធំបំផុត។

លោកស្រី Nguyen Thi Huong នាយិកាការិយាល័យស្ថិតិ ​បាននិយាយថា វិធានការបន្ថែមទៀតគឺត្រូវការជាចាំបាច់ ដើម្បីជំរុញការនាំចេញ កែលម្អគុណភាពផលិតផល បង្កើនការចូលរួម​ក្នុងខ្សែ​ច្រវ៉ាក់តម្លៃក្នុងតំបន់ និងសកល និងធ្វើពិពិធកម្មខ្សែច្រវ៉ាក់ផ្គត់ផ្គង់ បណ្តាញផលិតកម្ម និងទីផ្សារនាំចេញ។

លោកស្រីក៏បានសង្កត់ធ្ងន់លើតម្រូវការក្នុងការប្រើប្រាស់កិច្ចព្រមព្រៀងពាណិជ្ជកម្មសេរី ឱ្យ​បានពេញលេញ ពង្រីកការនាំចេញទៅកាន់ទីផ្សារសំខាន់ៗ ទាញយកអត្ថប្រយោជន៍ពីគោលដៅដែលកំពុងរីកចម្រើន និងសក្តានុពលដូចជាទីផ្សារហាឡាល អាមេរិកឡាទីន និងអាហ្វ្រិក និងជួយអាជីវកម្មឱ្យបំពេញតាមស្តង់ដារទីផ្សារដែលកំពុងវិវត្ត ឆ្លើយតបទៅនឹងវិធានការប្រឆាំងការលក់បង្ខូចតម្លៃ និងអនុម័តបច្ចេកវិទ្យាទំនើបៗ ដើម្បីបង្កើនភាពប្រកួតប្រជែង និងជំរុញកំណើននាំចេញ៕

​

The post ៥ ខែដើមឆ្នាំ វៀតណាមកត់ត្រាពីកំណើនពាណិជ្ជកម្ម​ដល់ ៤៤៥ ប៊ីលានដុល្លារ appeared first on Kampuchea Thmey Daily.

ក្រសួងបាននិយាយ​ក្នុងសន្និសីទកាសែត​ប្រចាំថ្ងៃ នៅ​ទីក្រុងហាណូយ កាលពីថ្ងៃពុធថា ពាណិជ្ជកម្មបរទេសនៅតែជា​កត្តាលេចធ្លោសម្រាប់សេដ្ឋកិច្ច ដោយ​ក្នុងរយៈពេល ៩ ខែដើមឆ្នាំ ២០២៥ ទំហំពាណិជ្ជកម្មរបស់វៀតណាម​សរុប​បាន​កើនដល់ ៦៨០,៦ ប៊ីលាន​ដុល្លារ​ ពោលគឺកើនឡើង ១៧,៣ ភាគរយ ធៀប​នឹងរយៈពេលដូចគ្នានៅឆ្នាំមុន។ ​

​ក្នុងនោះផងដែរ ការនាំចេញមានចំនួនសរុប ៣៤៨,៧៤ ប៊ីលាន​ដុល្លារ​ឌោយ​កើនឡើង ១៦ ភាគរយ ធៀប​ឆ្នាំមុន និងលើសគោលដៅពេញមួយ​ឆ្នាំប្រមាណ ១២ ភាគរយ​ ហើយបង្កើតបាន​ជាអតិរេកពាណិជ្ជកម្ម ១៦,៨ ​ប៊ីលានដុល្លារ។

ក្រសួង​បាន​ឱ្យដឹងទៀតថា ការនាំចេញទំនិញចំនួន ៣២ មុខ បានកើនឡើងលើស ១ ​ប៊ីលានដុល្លារ ដោយរួមចំណែកប្រមាណ ៩៣,១ ភាគរយ​ នៃការនាំចេញសរុប និងរួមទាំងទំនិញប្រមាណ ៧ មុខ ដែលការនាំចេញលើស ១០ ប៊ីលាន​ដុល្លារ។ ​សហរដ្ឋអាមេរិក ចិន សហភាពអឺរ៉ុប អាស៊ាន និងជប៉ុន នៅតែជាទីផ្សារនាំចេញដ៏សំខាន់សម្រាប់វៀតណាម៕

​

The post វៀតណាមរំពឹង​ទំហំពាណិជ្ជកម្ម​​កើនដល់ ៩០០ ប៊ីលាន​ដុល្លារ ឆ្នាំនេះ appeared first on Kampuchea Thmey Daily.

សហរដ្ឋ​អាមេរិក​បន្ត​ជា​ទីផ្សារ​នាំ​ចេញ​ដ៏​ធំ​បំផុត​របស់​វៀតណាម​ ដោយ​ការ​នាំ​ចេញ​របស់​ប្រទេស​អាស៊ីអាគ្នេយ៍​មួយ​នេះ​ ​​រួម​ចំណែក​ភាគ​ច្រើន​លើស​លុប​លើ​ទំហំ​ពាណិជ្ជកម្ម​ទ្វេភាគីជាមួយ​អាមេរិក​​ ក្នុង​ចំនួន​ប្រមាណ​ ៨៩,៤ ប៊ីលាន​ដុល្លារ​ គិត​ត្រឹម​ចុង​ខែ​កញ្ញា​ កើន​ឡើង​ ២៧,៤ ភាគរក​ ធៀប​នឹង​រយៈពេល​ដូចគ្នា​កាល​ពី​ឆ្នាំ​មុន​។

ការ​នាំ​ចេញ​ទៅ​អាមេរិក​របស់​វៀតណាម​ រួម​ចំណែក​រហូត​ដល់​ជិត​ ៣០ ភាគរយ​ នៃ​ការ​នាំ​ចេញ​សរុប​របស់​ប្រទេស​។

ក្រសួងឧស្សាហកម្ម និងពាណិជ្ជកម្មវៀតណាម បាននិយាយថា ទីផ្សារសហរដ្ឋអាមេរិកកំពុងបង្ហាញសញ្ញានៃ​កំណើន​តម្រូវការរបស់​អ្នកប្រើប្រាស់ និងការពង្រីកតម្រូវការនាំចូល-នាំចេញរបស់អាជីវកម្ម ដែលនាំឱ្យមានការកើនឡើងគួរឱ្យកត់សម្គាល់នូវតម្រូវការផលិតផលឈើ អាហារសមុទ្រ និងវាយនភណ្ឌ​របស់​វៀតណាម​។

យោងតាមការិយាល័យពាណិជ្ជកម្មវៀតណាមនៅអាមេរិក មានហេតុផល៣ ដែល​ធ្វើ​​ពាណិជ្ជកម្មទ្វេភាគីកើន​ឡើង​ជាបន្ត​ ចំពេល​សេដ្ឋកិច្ច​សកល​ស្ថិត​ក្នុងភាព​ស្រពិច​ស្រពិល​ ដែល​រួម​មាន​ ភាព​ប្រសើរ​ឡើង​នៃ​ទំនាក់ទំនង​ការទូត​​ កំណើន​ចំណង់ចំណូល​ចិត្ត​លើ​ផលិត​ផល​វៀតណាម​លើ​ទីផ្សារ​អាមេរិក​ និង​ការផ្លាស់ប្តូរខ្សែសង្វាក់ផ្គត់ផ្គង់ និងនិន្នាការវិនិយោគដែល​បង្កើនសមត្ថភាពផលិតរបស់សហគ្រាសវៀតណាមជាដើម​។

យោងតាមការិយាល័យពាណិជ្ជកម្ម ការនាំចេញរបស់វៀតណាមទៅកាន់សហរដ្ឋអាមេរិក​ រំពឹងថានឹងបន្ត​កើនឡើងនាពេលអនាគត ដោយសារ​ភាព​រឹង​មាំ​នៃ​តម្រូវការទីផ្សារ​ និងបរិមាណទំនិញ​ក្នុង​ស្តុកធ្លាក់ចុះ។ យ៉ាង​ណា​មិញ​ វិធានការការពារពាណិជ្ជកម្មប្រឆាំងនឹងការនាំចូល​របស់​សហរដ្ឋអាមេរិក ​នៅ​តែ​ជាក្តីកង្វល់ដ៏ធំបំផុតសម្រាប់បណ្ដា​ប្រទេសដែលនាំចេញទៅកាន់ប្រទេសមហាអំណាច​មួយ​នេះ៕

The post វៀតណាមនាំចេញទៅអាមេរិកជិត ៩០ ប៊ីលាន​ដុល្លារ ខណៈទំហំពាណិជ្ជកម្មទ្វេភាគី​ឈានដល់ ១០០ ប៊ីលាន​ appeared first on Kampuchea Thmey Daily.

លោក Thịnh ​បាន​បង្ហាញ​ពី​សុទិដ្ឋិនិយម​ចំពោះ​ការណ៍​នេះ​ ដោយសារ​តែកំណើន​ជាវិជ្ជមាន​នៃ​​សកម្មភាពពាណិជ្ជកម្មរបស់វៀតណាម​ជាមួយ​ប្រទេស​ដៃគូ​​ជាច្រើន​​ ដូចជាជាមួយ​​សហរដ្ឋ​អាមេរិក​ ​សហភាពអឺរ៉ុប ជប៉ុន និងកូរ៉េខាងត្បូង ជា​ដើម​​។​

ជាមួយ​គ្នា​នេះ​ លោក​បាន​ប្រាប់​សារព័ត៌មាន​ក្នុងស្រុក baocongthuong.vn ថា​ ​សហគមន៍ធុរកិច្ចវៀតណាម​ បានប្តេជ្ញាចិត្តជំរុញកំណើនការនាំចេញក្នុងត្រីមាសចុងក្រោយនៃឆ្នាំ ២០២៤ ដោយទាញយកអត្ថប្រយោជន៍​ពីកិច្ចព្រមព្រៀងពាណិជ្ជកម្មសេរីជំនាន់ថ្មី (FTAs)។

លោក​បាន​បន្ថែម​ថា តម្រូវ​ការ​ទីផ្សារ​នាំ​ចូល​មាន​ការ​កើន​ឡើង​ ដែល​នោះ​នឹង​ជួយសម្រួលដល់ការនាំចេញរបស់​វៀតណាម​នៅ​ត្រីមាស​ចុង​ក្រោយ​ ជាពិសេសលើ​វិស័យ​វាយនភណ្ឌ និងកាត់ដេរ ស្បែកជើង គ្រឿងអេឡិចត្រូនិក កសិ​កម្ម រុក្ខាប្រមាញ់ និងនេសាទជាដើម​។

​យោងតាមការិយាល័យស្ថិតិទូទៅវៀតណាម​ (GSO) ​ទំហំ​ពាណិជ្ជកម្មរបស់ប្រទេស​ក្នុង​រយៈពេល​៩ខែ​ដើម​ឆ្នាំ​ បានកើនឡើង ១៦ ភាគរយ ​ដល់​ប្រមាណ​ ៥៧៨ ប៊ីលាន​ដុល្លារ​។ ​

សហរដ្ឋអាមេរិក នៅតែជាទីផ្សារនាំចេញដ៏ធំបំផុតរបស់វៀតណាម ជាមួយនឹង​ទំហំ​ទំហំ​ពាណិជ្ជកម្ម​ ៩០ ប៊ីលាន​ដុល្លារ​ ​ក្នុង​នោះ​វៀតណាមទទួលបាននូវ​អតិរេកពាណិជ្ជកម្មចំនួន ៧៨,៥ ប៊ីលាន​ដុល្លារ​។ ចំណែក​ឯ​ចិន​វិញ​ បន្ត​ជា​ប្រទេស​ផ្គត់​ផ្គង់​វៀតណាម​ធំ​បំផុត​ ជា​មួយ​នឹង​ទំហំ​ពាណិជ្ជកម្ម​ ១០៥ ប៊ីលាន​ដុល្លារ​ ដែល​ធ្វើ​ឱ្យ​វៀតណាម​រង​នូវ​ឱន​ភាព​ពាណិជ្ជកម្ម​ជាង ៦១ ប៊ីលា​នដុល្លារ​។ នេះ​បើ​តាម​ទិន្នន័យ​ដដែល​របស់​ GSO។

យ៉ាងណា​មិញ​ ​ជារួម​ វៀតណាមបាន​កត់ត្រា​ពី​អតិរេកពាណិជ្ជកម្មចំនួន ២០,៧៩ ប៊ីលាន​ដុល្លារ​ ក្នុង​រយៈពេល​ ៩ ខែ​ដដែល​ ដោយ​ទាប​ជាង​ ២២,១ ប៊ីលាន​ដុល្លារ ក្នុងរយៈពេល​ដូចគ្នា​កាល​ពី​ឆ្នាំ​មុន​៕ ​

The post ទំហំពាណិជ្ជកម្ម​វៀតណាម​ រំពឹង​នឹង​កើន​ដល់​ ៨០០ ប៊ីលាន​ដុល្លារ​ ឆ្នាំ​នេះ appeared first on Kampuchea Thmey Daily.