ការលើកឡើងរបស់អ្នកនាំពាក្យ បន្ទាប់ពីក្រសួងព័ត៌មាននៅតែបន្តសង្កេតឃើញពីការបង្ហោះបែបនេះ ទោះបីជាមានសេចក្តីប្រកាសពីក្រសួងរួចហើយក៏ដោយ។ លោក ទេព អស្នារិទ្ធ បញ្ជាក់ថា៖ “សកម្មភាពទាំងនេះត្រូវបញ្ឈប់ជាបន្ទាន់! សូមបញ្ឈប់ការយកព្រឹត្តិការណ៍ទាំងនេះ ដើម្បីធ្វើអាជីវកម្ម សម្រាប់តែប្រយោជន៍ផ្ទាល់ខ្លួន ដោយគ្មានគិតគូរអំពីហានិភ័យ និងការបង្កមហន្តរាយ ដល់សង្គម និងធ្វើឱ្យខូចខាតប្រយោជន៍ជាតិ”។

ក្រសួងព័ត៌មានបានចេញសេចក្តីណែនាំ និងសារអំពាវនាវតាមរយៈអ្នកនាំពាក្យក្រសួង រួចហើយកាលពីប៉ុន្មានថ្ងៃកន្លងទៅថ្មីៗនេះ ពាក់ព័ន្ធនឹងការពង្រឹងសីលធម៌ក្នុងការប្រើប្រាស់ និងផ្សព្វផ្សាយព័ត៌មានលើបណ្តាញទំនាក់ទំនងសង្គម ពិសេសការកាត់តរូបភាព ការប្រើពាក្យអសុរស ខ្លឹមសារមិនសមរម្យ រូបភាពទង់ជាតិ បង្កភាពសម្អប់ ការរើសអើងពូជសាសន៍ និងទង្វើអសីលធម៌ ការប្រមាថប៉ះពាល់ដល់អង្គព្រះមហាក្សត្រ ដល់ថ្នាក់ដឹកនាំនៃរដ្ឋបរទេស ទោះក្នុងកាលៈទេសៈណាក៏ដោយ។ហើយកាលពីម្សិលមិញនេះ ក្រសួងបានការណែនាំបន្ថែមទៀត អំពីការពង្រឹងការប្រតិបត្តិក្រមសីលធម៌សម្រាប់ការចុះយកនិងផ្សព្វផ្សាយព័ត៌មានរបស់អ្នកសារព័ត៌មាន និងអ្នកអនុវត្តការងារក្នុងវិស័យព័ត៌មាន ទាំងអាជីពនិងមិនមែនអាជីព ពិសេសការផ្សាយពាក់ព័ន្ធនឹងព័ត៌មានអវិជ្ជមានដែល បង្កផលប៉ះពាល់ធ្ងន់ធ្ងរដល់សន្តិសុខជាតិ។ នេះ បើតាមអ្នកនាំពាក្យ។

លោក បន្តថា៖ “ក្នុងនាមក្រសួងព័ត៌មានខ្ញុំសូមរម្លឹក ជូនអ្នកសារព័ត៌មាន អង្គភាពសារព័ត៌មាន អ្នកធ្វើព័ត៌មាន អាជីពនិងមិនមែនអាជីព ត្រូវពង្រឹងតួនាទីនិងការងារចុះយកព័ត៌មាន និងផ្សាយព័ត៌មានរបស់ខ្លួន ដោយអនុលោមតាមនិយាម និងក្រមសីលធម៌វិជ្ជាជីវៈសារព័ត៌មាន និងចាំបាច់ត្រូវធានាការប្រតិបត្តិសិទ្ធិនិងករណីយកិច្ច ដើម្បីរួមចំណែកក្នុងការរក្សានិងពង្រឹង របៀបរៀបរយវិជ្ជាជីវៈ សណ្តាប់ធ្នាប់ព័ត៌មាន និងការគ្រប់គ្រងព័ត៌មាននិងការផ្សព្វផ្សាយ ដោយការទទួលខុសត្រូវខ្ពស់ នៅក្នុងកាលៈទេសៈដ៏មានសារៈសំខាន់កម្រិតខ្ពស់នាពេលបច្ចុប្បន្ននេះ”។

រីឯគំនិតជាតិនិយមវិញ លោកថា គឺជារឿងល្អសម្រាប់ប្រទេសជាតិ ទោះជាតិសាសន៍ណាក៏ដោយ ព្រោះជាសកម្មភាពសំខាន់រួមចំណែក ជាមួយរាជរដ្ឋាភិបាល សង្គមជាតិ ទោះក្នុងវិស័យបុព្វហេតុការពារវប្បធម៌ អរិយធម៌ជាតិ ការពារទឹកដី សម្បត្តិបេតិកភណ្ឌ និងតម្លៃជាតិ លើវិស័យផ្សេងទៀត។ ប៉ុន្តែ ចលនាជាតិនិយមនោះមិនត្រូវក្លាយជាការបង្កឱ្យមានបញ្ហា ឬបង្កហានិភ័យ ឬបន្ថែមបញ្ហាថ្មី នាំភ្លើងថែមឡើយ ពោលគឺជាតិនិយមជ្រុល ពុំអាចចូលរួមចំណែកដល់ដំណោះស្រាយទេ តែវានឹងធ្វើឱ្យកាន់តែមានភាពស្មុកស្មាញខ្លាំងឡើងទៅវិញ ហើយមិនមានអ្វីចំណេញចំពោះប្រទេសជាតិដែរ ពិសេសមិនចំណេញទេដល់ កិច្ចខិតខំរបស់រាជរដ្ឋាភិបាលក្នុងដំណើរការដោះស្រាយវិវាទ ឬបញ្ហាតាមគោលការណ៍សន្តិភាព នីតិរដ្ឋ ច្បាប់ជាតិនិងអន្តរជាតិ យន្តការដោះស្រាយជម្លោះកម្រិតតំបន់ និងសកល តែផ្ទុយទោវិញវានឹងបណ្តាលឱ្យមានបញ្ហាជាច្រើនកើតឡើងទៅវិញទេ។  

លោកក៏ស្នើឱ្យបង្កើនការប្រុងប្រយ័ត្ន កុំចែកចាយព័ត៌មានគ្មានប្រភពច្បាស់លាស់ ដែលនាំឱ្យមានការភាន់ច្រឡំ បង្កហិង្សាសង្គម។ ត្រូវធ្វើការផ្ទៀងផ្ទាត់ព័ត៌មានជាមួយប្រភពផ្លូវការមុននឹងផ្សាយឬចែករំលែកព័ត៌មានលើបណ្តាញសង្គម។ ចំពោះអ្នកបង្កើតមាតិកា អ្នកប្រើប្រាស់បណ្តាញសង្គម និងសាធារណជនទាំងអស់ មេត្តាប្រើប្រាស់បណ្តាញសង្គម និងបញ្ចេញមតិប្រកបដោយសុជីវធម៌ និងការទទួលខុសត្រូវ ត្រូវគោរពក្រមសីលធម៌នៅរាល់ពេលប្រើប្រាស់ឬចែកចាយលើបណ្តាញសង្គម ដើម្បីចូលរួមរក្សាសណ្តាប់ធ្នាប់ និងរបៀបរៀបរយក្នុងសង្គម និងការផ្សាយព័ត៌មានក្នុងនិងក្រៅប្រទេស ស្របតាមគោលការណ៍សន្តិភាព មិនបង្កការញុះញង់ មិនបញ្ឆេះកំហឹង ឬរើងអើងពូជសាសន៍៕

The post អ្នកនាំពាក្យ ឱ្យបញ្ឈប់រាល់ការបង្ហោះរូបភាព ខ្លឹមសារអសីលធម៌ ពហិការមិនប្រើផលិតផលបរទេស ព្រោះជាការអុជអាល appeared first on Kampuchea Thmey Daily.

អ្នកនាំពាក្យរូបនេះ បានបញ្ជាក់ថា រាល់ការផ្សាយ ឬចែកចាយព័ត៌មាននានា ត្រូវធ្វើឡើងដោយមានការទទួលខុសត្រូវ និងគិតគូរឱ្យបានត្រឹមត្រូវពីផលវិបាកដែលអាចកើតមានឡើង ប្រសិនបើព័ត៌មានទាំងនោះជាព័ត៌មានមិនត្រូវបានដកស្រង់ពីប្រភពផ្លូវការទេនោះ។ លើសពីនេះ ការផលិត និងផ្សព្វផ្សាយព័ត៌មានរបស់អ្នកសារព័ត៌មាន ត្រូវអនុលោមតាមនិយាមវិជ្ជាជីវៈសារព័ត៌មាន និងដោយក្រមសីលធម៌សារព័ត៌មាន។

លោកបន្តថា អ្នកសារព័ត៌មានត្រូវចូលរួមផ្សព្វផ្សាយដើម្បីជួយលើកស្ទួយឧត្តមប្រយោជន៍ជាតិ ត្រូវផ្តល់អាទិភាពដល់ព័ត៌មានដែលផ្តល់សារៈប្រយោជន៍ដល់សង្គមជាតិ និងចៀសវាងការផ្សាយ ដែលបង្កផលប៉ះពាល់ដល់សន្តិភាព សន្តិសុខជាតិ សណ្តាប់ធ្នាប់សាធារណៈ សុខដុមនីយកម្មសង្គម សាសនា ជាតិសាសន៍។ បន្ថែមពីនេះ អ្នកសារព័ត៌មានត្រូវចូលរួមបង្ការ ទប់ស្កាត់ ប្រឆាំងការផលិត ផ្សព្វផ្សាយព័ត៌មានដែលមានចរិតបំពុលសង្គម និងត្រូវតម្កល់ឧត្តមប្រយោជន៍នៃវិជ្ជាជីវៈជាស្នូលក្នុងការអនុវត្តការងារ ព្រមទាំងមានកាតព្វកិច្ចចូលរួមលើកកម្ពស់គុណតម្លៃវិជ្ជាជីវៈ ដើម្បីធានាទំនុកចិត្តរបស់ប្រជាពលរដ្ឋមកលើសារព័ត៌មាន។

ជាមួយគ្នានេះ លោកក៏បានណែនាំ កុំចែកចាយ ឬផ្សាយព័ត៌មានលឿនជ្រុលនៅពេលស្រង់ប្រភពពីក្រៅប្រទេស ព្រោះវាអាចជាព័ត៌មានមិនផ្លូវការ គ្មានការផ្ទៀងផ្ទាត់ ឬជាព័ត៌មានក្លែងក្លាយ។ ជាពិសេស កុំចែកចាយ ឬផ្សាយព័ត៌មាន ឬបង្កសកម្មភាពដែលនាំឱ្យមានការ​រើសអើងលើ​ជាតិ​សាសាសន៍។

លោក ទេព អស្នារិទ្ធ ក៏បានក្រើនរំឭកផងដែរ ដល់ប្រជាពលរដ្ឋ ឱ្យមានការប្រុងប្រយ័ត្នខ្ពស់ចំពោះព័ត៌មានក្លែងក្លាយ ជាពិសេសព័ត៌មានដែលកំពុងចរាចរលើបណ្តាញទំនាក់ទំនងសង្គមនានា ដើម្បីការពារខ្លួន គ្រួសារ និងសហគមន៍ពីគ្រោះថ្នាក់ និងផលវិបាកនានា ដែលព័ត៌មានក្លែងក្លាយអាចបង្កឡើង។

ដើម្បីការពារខ្លួនពីគ្រោះថ្នាក់ដោយសារព័ត៌មានក្លែងក្លាយ ពលរដ្ឋអាចប្រើប្រាស់វិធីសាស្ត្រ ៥យ៉ាង ទី១. បោះបង់ចោលទម្លាប់ចែកចាយព័ត៌មានបន្តលឿនពេក ឬចែកចាយទាំងមិនទាន់បានអានស្រួលបួល និងមិនទាន់ផ្ទៀងផ្ទាត់ព័ត៌មាននោះជាមុនសិនផងនោះ។ ទី២. កុំទាន់ជឿលើប្រភពព័ត៌មានពីបណ្តាញទំនាក់ទំនងសង្គមទាំងស្រុង ពោលគឺត្រូវអាននិងត្រូវបង្កើតទម្លាប់ផ្ទៀងផ្ទាត់ជាមួយប្រភពព័ត៌មានផ្លូវការមាន៖ ប្រភពព័ត៌មានរបស់រាជរដ្ឋាភិបាល អ្នកនាំពាក្យរបស់ក្រសួង ស្ថាប័នក្នុងវិស័យពាក់ព័ន្ធ ប្រភពពីសមត្ថកិច្ច និងភាគីពាក់ព័ន្ធដែលមានជំនាញទទួលបន្ទុកលើប្រធានបទ ឬសាច់រឿង។ ទី៣. ចាប់យកប្រព័ន្ធផ្សព្វផ្សាយ និងភ្នាក់ងារផ្សព្វផ្សាយព័ត៌មានអាជីពដែលមានក្រមសីលធម៌វិជ្ជាជីវៈជាប្រភពអាទិភាពសម្រាប់ទទួលព័ត៌មាន និងផ្ទៀងផ្ទាត់ព័ត៌មាន៖ ទូរទស្សន៍ វិទ្យុ គេហទំព័រព័ត៌មាន និងបណ្តាញផ្សាយឌីជីថលផ្លូវការ ឬប្រភពព័ត៌មានផ្លូវការផ្សេងទៀត ដើម្បីធានាថាវាជាព័ត៌មានពិត មានភាពសុក្រឹត សុចរិតភាព ត្រឹមត្រូវទុកចិត្តបានមុននឹងចែកចាយបន្ត។

ទី៤. ត្រូវចៀសវាងការផ្សាយឬចែកចាយព័ត៌មាន ដែលបង្កមហន្តរាយដល់សន្តិសុខជាតិ ដល់ទំនាក់ទំនងជាមួយប្រទេសដទៃ ឬព័ត៌មានដែលនាំឱ្យមានការរើសអើងជាតិសាសន៍។ ចៀសវាងផ្សាយឬចែកចាយព័ត៌មានដែលបង្កគ្រោះថ្នាក់ដល់មន្ត្រីដែលអនុវត្តច្បាប់ ឬការបំពេញបេសកកម្មរបស់មន្ត្រីអនុវត្តច្បាប់។ ទី៥. ផ្សាយ ចែករំលែកតែព័ត៌មានពិត សុក្រឹត សុចរិត វិជ្ជមាន ដើម្បីរួមចំណែកថែរក្សាសុវត្ថិភាព សណ្តាប់ធ្នាប់ និងសន្តិសុខក្នុងសង្គម សម្រាប់ជាប្រយោជន៍ដល់ការរស់នៅប្រចាំថ្ងៃរបស់គ្រួសារ សហគមន៍និងសង្គមជាតិ៕

The post អ្នកនាំពាក្យក្រសួងព័ត៌មាន អំពាវនាវឱ្យចូលរួមទប់ស្កាត់ព័ត៌មាន បែបញុះញង់ ដែលប៉ះពាល់ដល់ទំនាក់ទំនងជាមួយប្រទេសដទៃ appeared first on Kampuchea Thmey Daily.

លោករដ្ឋលេខាធិការបានចោទសួរដូច្នេះ គឺបន្ទាប់ពីសារព័ត៌មានជ្រកកោននៅបរទេសមួយនេះ បានបន្តផ្សាយព័ត៌មានលាបពណ៌ ញុះញង់ បន្ទុចបង្អាក់គម្រោងព្រែកជីកហ្វូណនតេជោ ជាច្រើនលើកច្រើនសារ និងនៅថ្ងៃទី២៣ ខែឧសភា បានចេញផ្សាយព័ត៌មានមួយថា «មន្ត្រី​ក្នុង​ជួរ​រាជរដ្ឋាភិបាល ត្អូញត្អែរ​ថា ពួកគេ​រង​នូវ​ការ​គាប​សង្កត់​ពី​ថ្នាក់លើ​ឱ្យ​ចេញ​មុខ​គាំទ្រ​គម្រោង​ព្រែកជីក​ហ្វូណន​គ្រប់ៗ​គ្នា»។

ក្នុងនាមជាមន្ត្រីម្នាក់ដែលបានបង្ហាញចលនាគាំទ្រគម្រោងព្រែកជីកហ្វូណនតេជោ លោក គួច វែងស៊្រុន បានអះអាងថា ការគាំទ្ររបស់លោក គឺជាឆន្ទៈពិតប្រាកដ គាំទ្រចំពោះផែនការដែលផ្ដល់ជាប្រយោជន៍រួម។ ជុំវិញការផ្សាយព័ត៌មានបំភ្លៃ បន្ទុចបង្អាក់គម្រោងព្រែកជីកហ្វូណនតេជោ លោក បានបង្ហាញការខកចិត្តដែលខ្មែរមួយក្ដាប់តូច បម្រើបរទេសតែក្បត់ប្រយោជន៍ទាំងមូល។

លោក រដ្ឋលេខាធិការ បានសរសេរដូច្នេះថា៖«ខ្ញុំក៏ជាមន្ត្រីម្នាក់  ក្នុងចំណោះមន្ត្រីទូទាំងប្រទេសបានបង្ហាញឆន្ទ:ពិតប្រាកដ  គាំទ្រគម្រោងបម្រេីដល់ផលប្រយោជន៍ជាតិ  តែសោកស្តាយបំផុត  មិនគួរណាមានខ្លួនជាខ្មែរ  សារជាតិបម្រេីបរទេស  ក្បត់មនសិការជាតិ  ក្បត់ផលប្រយោជន៍រួម  សរសេរចេញមក  តែងកុហក  បោកប្រាស់មហាជន  និងក្រោមលេសថាប្រភពនេះ  ប្រភពនោះ  ឬអ្នកវិភាគដែលមាននិន្នាការប្រឆាំងផ្គាប់មុខ ប៉ុណ្ណោះ»។

លោក គួច វែងស្រ៊ុន បានបន្តចោទសួរថា គម្រោងព្រែកជីកហ្វូណនតេជោ  ជាគម្រោងធ្វេីនៅដីខ្មែរ  បម្រេីផលប្រយោជន៍ខ្មែរ  ហេតុអីអ្នកប្រឆាំង  ហេតុអីអ្នកមិនគាំទ្រ  ហេតុអីអ្នកតែងសរសេរព័ត៌មានមានចរឹតញ៉ុះញ៉ង់  និងចង់បង្អាក់ដំណេីរការ ?

តាមលោករដ្ឋលេខាធិការ បេីទោះបីជា The Cambodia Daily មានចេតនាអាក្រក់យ៉ាងណា  ក៏រាជរដ្ឋាភិបាល  និងប្រជាជនទូទាំងប្រទេសភាគច្រេីនដាច់ខាត   កំពុងជំរុញ  និងបេីកការដ្ឋានសាងសង់គម្រោងនេះក្នុងពេលដ៏ខ្លីខាងមុខ។

ជាចុងក្រោយ មន្ត្រីរាជរដ្ឋាភិបាលរូបនេះ បានប្រាប់ឱ្យ The Cambodia Daily  ឈប់លាភពណ៌ គប្បីសរសេរព័ត៌មានពិត  គាំទ្រអ្វីដែលជាផលប្រយោជន៍ជាតិ  កាត់បន្ថយការប្រឆាំងដេីម្បីប្រឆាំង  ឈប់បម្រេីតែបរទេសដោយយកកម្ពុជាជាឈ្នាន់ភូមិសាស្ត្រនយោបាយ  ហេីយធ្វេីឱ្យប៉ះពាល់ដល់កិត្យានុភាពជាតិ។

សម្រាប់លោក គួច វែងស្រ៊ុន ពេលខ្មែរមួយក្ដាប់តូចបម្រើបរទេសក្បត់ប្រយោជន៍ជាតិ   បរទេសគេនឹងថា  ខ្មែរដែលគេជួលមក  ត្រឹមប្រាក់ខែ  ឬផលប្រយោជន៍តិចតួច  បទេសនឹងបញ្ជាឱ្យខ្មែរមួយក្បាប់នោះសរសេរ  និងធ្វេីអ្វីបានតាមអ្វីដែលជាការរៀបចំរបស់គេដែរ៕

The post មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ? appeared first on Kampuchea Thmey Daily.

ហេតុអ្វីបានពួកអ្នកមកវាយប្រហារប្រពន្ធ ហ៊ុន ម៉ាណែត ដែលជាកូនប្រសារខ្ញុំទៅវិញឬ មកពីល្ងង់? នេះគឺជាសំណេរចោទសួរទៅកាន់ វិទ្យុដែលផ្សាយជាភាសាខ្មែរ  ដែលសម្ដេចតេជោ ហ៊ុន សែន បានសរសេរនៅលើទំព័រហ្វេសប៊ុកផ្លូវការនាល្ងាចថ្ងៃទី​ ០២ ខែឧសភា ឆ្នាំ២០២៤នេះ។ សម្ដេចតេជោ បានចោទសួរយ៉ាងដូច្នេះ បន្ទាប់ពីវិទ្យុដែលផ្សាយនៅលើដីបរទេសមួយនេះ បានចោទប្រកាន់ថា លោក គុណ ញឹម អគ្គនាយក អគ្គនាយកដ្ឋានគយ និងរដ្ឋាករកម្ពុជា បានយកប្រាក់សូកប៉ាន់ ភរិយារបស់សម្ដេចធិបតី ជាថ្នូរដើម្បីពន្យាពេលចូលនិវត្តន៍រហូតដល់ឆ្នាំ២០២៨។

ឆ្លើយតបនឹងការប្រឌិតព័ត៌មានរបស់វិទ្យុ បរទេសនិយាយភាសាខ្មែរ The Cambodia Daily សម្ដេចតេជោ​ បានអះអាងថា ដើមឡើយសម្ដេច បានសម្រេចឱ្យ លោក គុណ ញឹម អគ្គនាយក អគ្គនាយកដ្ឋានគយ និងរដ្ឋាករកម្ពុជា ចូលនិវត្តន៍ពីការងារមន្ត្រីរាជការ នៅត្រឹមឆ្នាំ២០២៥ ប៉ុន្តែលោក អូន ព័ន្ធមុនីរ័ត្ន បានស្នើរសុំឱ្យសម្ដេច បន្ត​ឱ្យលោក គុណ​ ញឹម បានបន្តការងារដល់ដំណាច់ឆ្នាំ២០២៨ ព្រោះលោករដ្ឋមន្ត្រីក្រសួងសេដ្ឋកិច្ច បានពិនិត្យឃើញថា លោក​ គុណ ញឹម មានគុណសម្បត្តិ និងដោយសារមានភាពចាំបាច់នៃកំណែទម្រង់គយ ទើបសម្ដេច ឯកភាពតាមសំណើរ​ ដោយអនុញ្ញាតឱ្យលោក គុណ ញឹម បន្តការងាររហូតដល់ដំណាច់ឆ្នាំ២០២៨។

សម្ដេចតេជោ​ សរសេរដូច្នេះ «មុនដំបូងខ្ញុំសម្រេចឲ្យចូលនិវត្តន៍ត្រឹមឆ្នាំ២០២៥ តែក្រោយមកតាមសំណើរ ឯកឧត្តមអូន ពន្ធមុនីរត្ឋ័ និងពិនិត្យលើភាពចាំបាច់នៃកំណែទម្រង់គយនិង គុណសម្បត្តិរបស់សាមីខ្លួនខ្ញុំបាន សម្រេចឲ្យឯកឧត្តមគុណ ញឹមចូលនិវត្តន៍នៅឆ្នាំ២០២៨»។

សម្ដេច ហ៊ុន សែន បានឱ្យដឹងដែរ បន្ថែមលើនោះ សម្ដេចក៏បានសម្រេចឱ្យអគ្គនាយករងពីររូបទៀតបានចូលនិវត្តន៍នៅឆ្នាំ២០២៨ផងដែរ ដើម្បីក្លាយជាក្រុមដឹកនាំបន្តកំណែទម្រង់គយប្រកបដោយជោគជ័យ។

ឆ្លើយតប នឹងការប្រឌិតព័ត៌មាន បានភ្ជាប់នូវឯកសារចំនួន ដើម្បីឱ្យក្រុមវិទ្យុដែលផ្សាយចេញពីបរទេស មើលឲ្យឈប់ល្ងង់។ សម្ដេច ក៏បានបញ្ជាឱ្យអ្នកទាំងនោះ ពាក់វ៉ែនតាមើលផង ប្រសិនភ្នែកមិនល្អជៀសវាងមើលច្រឡំថ្ងៃខែឆ្នាំ។ សម្ដេច ក៏បានបញ្ជាក់ថា ចំណែកវីដេអូជាដំណាក់ទីមួយដែលសម្ដេចលើកឡើង មិនអាចយកមកជំនួសឯកសារបានឡើយ៕

ខាងក្រោមនេះ ជាឯកសារភ្ចាប់ជុំវិញ ការស្នើរសុំពន្យាពេលឱ្យ លោក​ គុណ ញឹម អគ្គនាយក នៃអគ្គនាយកដ្ឋានគយ និងរដ្ឋករ បានបន្តការងាររហូតដល់ដំណាច់ឆ្នាំ២០២៨៖

The post សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី? appeared first on Kampuchea Thmey Daily.

   ទិដ្ឋភាពនេះ ក៏ជាការចូលរួមក្នុងសកម្មភាពសង្គម ដើម្បីរួមចំណែកដល់ការអភិវឌ្ឍសហគមន៍ ហើយបានឆ្លុះបញ្ចាំងឱ្យឃើញផងដែរអំពីភាពរីកចម្រើននៃការទទួលព័ត៌មានសព្វថ្ងៃ ប្រកបដោយលក្ខណៈចម្រុះនិងសម្បូណ៍បែប ដែលត្រូវបានធានា ក្រោមការដឹកនាំនិងគ្រប់គ្រងរបស់រាជរដា្ឋភិបាលកម្ពុជាពីមួយអាណត្តិទៅមួយអាណត្តិ ជាពិសេសគឺក្នុងអាណត្តិទី៧នេះ ក្នុងការលើកកម្ពស់ និងការពារសិទ្ធិ សេរីភាពនៃការបញ្ចេញមតិ និងសេរីភាពសារព័ត៌មាននៅកម្ពុជា។ នេះបើតាមការបញ្ជាក់របស់អ្នកនាំពាក្យរូបនេះ។

  លោក ទេព អស្នារិទ្ធ បានបន្ថែមថា ទោះជាយ៉ាងណាក៏ដោយ អ្នកកាសែតពលរដ្ឋភាគច្រើនមិនបានទទួលការបណ្ដុះបណ្ដាលផ្នែកសារព័ត៌ទេ ពោលគឺមិនបានចូលសាលាដើម្បីរៀនជំនាញសារព័ត៌មានឡើយ។ ជាផលវិបាក ព័ត៌មានដែលត្រូវបានផលិតឡើង គ្រាន់តែផ្អែកលើបទពិសោធន៍ ឬការហាត់ធ្វើតៗគ្នា ឬ ជាការផលិត ឬផ្សាយព័ត៌មានតាមអារម្មណ៍ខ្លួនឯងផ្ទាល់ ជាជាងផ្អែកលើព័ត៌មានពិត ឬស្ថានភាពជាក់ស្តែង។

 អ្នកនាំពាក្យបន្តថា ការផ្សាយព័ត៌មានបែបនេះ អាចធ្វើឱ្យប៉ះពាល់ដល់សណ្តាប់ធ្នាប់ និងស្ថិរភាពក្នុងសង្គម ធ្វើឱ្យប៉ះពាល់ដល់សិទ្ធិ កិត្តិយស កេរ្តិ៍ឈ្មោះ សេចក្តីថ្លៃថ្នូររបស់អ្នកដទៃ ហើយពេលខ្លះអាចបង្កឱ្យមានជម្លោះ មានភាពវិកវរដល់សន្តិសុខសង្គម ដោយសារតែព័ត៌មាននោះមិនគ្រប់ជ្រុងជ្រោយ គ្មានតុល្យភាពព័ត៌មាន គ្មានប្រភពច្បាស់លាស់ រីឯគោលបំណងនៃការផ្សព្វផ្សាយគឺគ្រាន់ទាញយកប្រជាប្រិយភាពសម្រាប់ជាប្រយោជន៍បុគ្គលតែប៉ុណ្ណោះ ។ ទន្ទឹមនេះដែរ អ្នកនាំពាក្យសង្កេតឃើញមានជនមួយចំនួនបានជ្រកក្រោមឈ្មោះសារព័ត៌មាននេះ ដើម្បីប្រព្រឹត្តសកម្មភាពផ្សេង ផ្ទុយក្រមសីលធម៌ និងយកឈ្មោះសារព័ត៌មាននេះធ្វើជាមុខរបរដើម្បីស្វែងរកផលប្រយោជន៍ផ្ទាល់ខ្លួន ដែលពេលខ្លះអាចមានរហូតដល់ប្រព្រឹត្តការកំហែងទារប្រាក់ ដែលជាបទល្មើសព្រហ្មទណ្ឌទៀតផង។

   អ្នកនាំពាក្យក្រសួងព័ត៌មានបានអំពាវនាវដោយសង្កត់ធ្ងន់ថា ដូច្នេះអ្នកកាសែតពលរដ្ឋត្រូវយល់ និងកំណត់ឱ្យបានច្បាស់ពីគោលបំណងរបស់ខ្លួន និងគោលដៅនៃការផ្សាយ កុំផ្សាយព័ត៌មានតាមចិត្តចង់ ឬតាមការនឹកឃើញ ហើយត្រូវធានាថាការផ្សាយព័ត៌មាននោះនឹងផ្តល់ប្រយោជន៍ដល់ប្រជាជនក្នុងមូលដ្ឋាន ឬអាចចូលរួមចំណែកដោះស្រាយបញ្ហា ក៏ដូចជាថែរក្សាស្ថិរភាពក្នុងសហគមន៍ ក៏ដូចជាសង្គមជាតិទាំងមូល។  អ្នកកាសែតពលរដ្ឋត្រូវស្វែងរកការបណ្ដុះបណ្ដាលជំនាញ សរសេរ សម្ភាសន៍ ផលិត ផ្សាយព័ត៌មាន និងការបង្រៀនស្តីពីក្រមសីលធម៌ក្នុងវិស័យព័ត៌មាន ពីស្ថាប័ន ឬអង្គភាពជំនាញ ដើម្បីឱ្យការផ្សាយព័ត៌មានរបស់ខ្លួនមានគុណភាព អនុលោមតាមបទដ្ឋានវិជ្ជាជីវៈ និងក្រមសីលធម៌ត្រឹមត្រូវ៕

The post អ្នកនាំពាក្យក្រសួងព័ត៌មាន៖ ការផ្សាយព័ត៌មានត្រូវគោរពក្រមសីលធម៌ ដើម្បីជួយរក្សាសន្តិសុខនិងអភិវឌ្ឍសង្គម appeared first on Kampuchea Thmey Daily.

នាយឧត្តមសេនីយ៍ ជៀង អំ បានសង្កត់ធ្ងន់ដូច្នេះថា “នាយទាហាន នាយទាហានរង និងពលទាហានទាំងអស់ ត្រូវធ្វើការទប់ស្កាត់ផ្សព្វផ្សាយព័ត៌មានមិនពិត តាមប្រព័ន្ធអេឡិចត្រូនិចផ្សេងៗដូចជា តាមយូធូប ហ្វេសបុកជាដើម ព្រោះថាពួកប្រឆាំងតែងតែផ្សព្វផ្សាយព័ត៌មានមូលបង្កាច់មកលើរាជរដ្ឋាភិបាល និងកងទ័ព” ។

រដ្ឋលេខាធិការក្រសួងការជាតិរូបនេះ បានគូសបញ្ជាក់ថា ភារកិច្ចរបស់កងយោធពលខេមរភូមិន្ទ គឺផ្តោតសំខាន់ទៅលើការថែរក្សាសុខសន្តិភាព និងស្ថិរភាពនយោបាយ ហើយគ្រប់បណ្តាអង្គ ភាពត្រូវអប់រំផ្សព្វផ្សាយអំពីសភាពការណ៍ និងភារកិច្ចរបស់កងយោធពលខេមរភូមិន្ទ ជាពិសេសភារកិច្ចការពារបូរណភាពទឹកដី និងភារកិច្ចការពារព្រះមហាក្សត្រ ការពាររដ្ឋធម្មនុញ្ញ និងការពាររាជរដ្ឋាភិបាលស្របច្បាប់ ដោយប្រឆាំងដាច់ខាតចំពោះសកម្មភាពទាំងឡាយណាដែលសំដៅដល់ការធ្វើបដិវត្តន៍ពណ៌ជាដើម។

មន្ត្រីជាន់ខ្ពស់រូបនេះ បានណែនាំឱ្យបន្តចូលរួមអនុវត្តផែនការកំណែទម្រង់របស់កងយោធពលខេមរភូមិន្ទ ៥ឆ្នាំឱ្យបានត្រឹមត្រូវ និងទទួលបានលទ្ធផលល្អ ដោយក្នុងនោះផែនការអប់រំហ្វឹកហ្វឺនក៏ជាផ្នែកមួយនៃកំណែទម្រង់ ដែលបានចូលរួមចំណែកពង្រឹងសមត្ថភាពដល់កងទ័ពទូទាំងកង យោធពលខេមរភូមិន្ទ ដើម្បីបំពេញភារកិច្ចរបស់ខ្លួនឱ្យបានសម្រេចជោគជ័យល្អប្រសើរ។

នាយឧត្តមសេនីយ៍ ក៏បានក្រើនរំលឹកឱ្យបន្តយកចិត្ត ទុកដាក់អប់រំ និងពង្រឹងការអនុវត្តច្បាប់របស់រដ្ឋ និងបទវិន័យទូទៅសម្រាប់យោធិននៃកងយោធពល ខេមរភូមិន្ទ ដោយយកចិត្តទុកដាក់អប់រំបន្ថែមទៅលើច្បាប់ផ្សេងៗ ជាពិសេសច្បាប់ពាក់ព័ន្ធទៅនឹងអំពើ ហិង្សា ច្បាប់ព្រហ្មទណ្ឌ និងច្បាប់ស្តីពីការប្រឆាំងគ្រឿងញៀនជាដើម៕

The post មន្ត្រីជាន់ខ្ពស់ ស្នើឱ្យកងទ័ពទប់ស្កាត់ព័ត៌មានក្លែងក្លាយ appeared first on Kampuchea Thmey Daily.

The Cambodia Daily Khmer និង VDO Khmer ដោយ​សូម​ធ្វើការ​ច្រានចោល និង​ស្រាយ​បំភ្លឺ​ជុំវិញ​ការ​ចុះ​ផ្សាយ​របស់ វិទ្យុ អាស៊ីសេរី (RFA) VOD Khmer និង The Cambodia Daily Khmer ដែល​លើក​ឡើង​ថា “​ក្រុមហ៊ុន បុរី ឧកញ៉ា ឡេង ណាវ៉ាត្រា ប្រឈម​នឹង​ការ​ប្រកាស​ក្ស័យធន រួច​ប្ដូរ​ម្ចាស់​ថ្មី​”  និង “​អ្នកទិញ បុរី ឡេង ណា​វ៉ា​ត្រា ខ្លះ​ស្លាប់​ដោយសារ​វិបត្តិ​ផ្លូវ​ចិត្ត និង​បំណុល ក្រោយ​បង់លុយ​គ្រប់​មិន​បាន​ផ្ទះ​”។ ក្រុមហ៊ុន សូម​ច្រានចោល​រាល់​ការ​ចុះ​ផ្សាយ​ព័ត៌មាន​ខាងលើ​ចាត់ទុកថា​ជា​ការ​ញុះញង់​ដ៏​អាក្រក់ លើស​ពី​ការពិត និង​មិន​មាន​ការ​លក់​ផ្ទេរ​ម្ចាស់​អ្វី​នោះ​ឡើយ ហើយ​ក៏​មិន​បាន​ប្រកាស​ក្ស័យធន​ដែរ ក្រុមហ៊ុន​នៅ​ដំណើរការ​ជា​ធម្មតា។

ខាងក្រោម​នេះ គឺ​ជា​ការ​បដិសេធ​របស់ បុរី ឡេង ណាវ៉ាត្រា ដែល​មាន​ខ្លឹមសារ​ដូច​ខាង​ក្រោម ៖

The post បុរី ឡេង ណ៉ាវ៉ាត្រា ច្រានចោលព័ត៌មានញុះញង់លើសការពិតដ៏អាក្រក់ ចំនួន ៣ មាន អាស៊ីសេរី RFA the cambodia daily khmer និង VOD ដែលមិនទទួលយកបាន appeared first on Kampuchea Thmey Daily.

សោកនាដកម្មទាំងអស់ បានបង្ហាញពីភាពទន់ខ្សោយ នៃសង្គមមនុស្ស ដែលនៅចំពោះមុខកម្លាំងធម្មជាតិ ដ៏មានឥទ្ធិពល បែរជាមិនព្រមការពារខ្លួនបានស្មើគ្នា ដោយសារហេតុផលមួយចំនួន ពាក់ព័ន្ធនឹងនយោបាយ។ អ្នកខ្លះនិយាយថា វ៉ាក់សាំងចិនមិនល្អ ហើយអំពាវនាវឱ្យសំកក រង់ចាំលោកខាងលិចបោះដៃ មកជួយជាវ៉ាក់សាំង ដែលសូម្បីប្រជាជនខ្លួនគេ ក៏មិនព្រមចាក់ផង។

គិតត្រឹមពាក់កណ្តាលខែសីហាឆ្នាំ២០២១នេះ បណ្តាប្រទេសអាស៊ី និងប៉ាស៊ីហ្វិក បានរាយការណ៍ថា មានករណីឆ្លងវីរុសថ្មីកូវីដ និងវីរុសបំប្លែង ជាង៦៥លានករណី ដោយមានអ្នកស្លាប់ជាង១លាននាក់ហើយ។ ប្រទេសថៃ និងវៀតណាម កំពុងមានសភាពការណ៍ធ្ងន់ធ្ងរ ខណៈកម្ពុជាបានដើរហួសឆ្ងាយ លើកិច្ចការពារសាធារណជ នដោយការពន្លឿនយុទ្ធនាការវ៉ាក់សាំងទូទាំងប្រទេស។

គួបផ្សំជាមួយព្រឹត្តិការណ៍ អាកាសធាតុប្តូរផ្លាស់ ដែលសម្ពាធទឹកភ្លៀង និងការឡើងកំដៅ ជះឥទ្ធិពលដល់ពិភពលោកទាំងមូល។ ថ្វីបើមានបរិបទខុសគ្នា ទៅតាមភូមិសាស្ត្រក៏ដោយ ក៏ទឹកជំនន់បានហូរកាត់ផ្នែកខ្លះ នៃប្រទេសចិន ឥណ្ឌា និងអឺរ៉ុបខាងលិច ខណៈរលកកំដៅ និងភ្លើង បានឆាបឆេះនៅផ្នែកខ្លះ នៃអាមេរិកខាងជើង អឺរ៉ុបខាងត្បូង និងអាស៊ី បន្ថែមភាពវឹកវរប៉ះពាល់ផ្នែកសេដ្ឋកិច្ច ខណៈគ្រោះមហន្តរាយ ខាងជីវសាស្ត្រកំពុងតែសន្ធប់។

ខណៈប៉ុន្មានទសវត្សចុងក្រោយនេះ មនុស្សតិចជាងមុន បានស្លាប់ដោយសារគ្រោះថ្នាក់ធម្មជាតិ ដូចជាព្យុះស៊ីក្លូន ឬទឹកជំនន់។ ប៉ុន្តែក៏កូវីដ នៅតែធ្វើឱ្យអ្វីៗ ជាច្រើនទៀតពាក់ព័ន្ធ។ ជំងឺរាតត្បាតកូវីដ-១៩ បានបង្ហាញឱ្យឃើញប្រទេសភាគច្រើន នៅតែមិនត្រៀមខ្លួនបានល្អ សម្រាប់វិបត្តិត្រួតស៊ីគ្នានេះទេ។

ឧទាហរណ៍ព្យុះស៊ីក្លូនត្រូពិច អាចនាំឱ្យមានទឹកជំនន់ ដែលជាប្រភពចម្លងជំងឺ មុនកូវីដមកដល់ វាបានធ្វើឱ្យភាពក្រីក្រ កាន់តែធ្ងន់ធ្ងរឡើងស្រេចទៅហើយ គ្រោះថ្នាក់របស់អ្នកក្រ ដែលកំពុងរស់នៅក្នុងអាងទន្លេដ៏ធំ របស់តំបន់នេះកាន់តែគម្រាមទ្វេរឡើង នៅពេលឥណ្ឌាចាប់ផ្តើមស្លាប់រង្គាល និងកប់ក្បែរទន្លេ។

ការខាតបង់ប្រចាំឆ្នាំ ពីគ្រោះថ្នាក់ធម្មជាតិ និងជីវសាស្ត្រ នៅទូទាំងអាស៊ី និងប៉ាស៊ីហ្វិក ត្រូវបានប៉ាន់ប្រមាណថាមានប្រហែល៧៨០ពាន់លានដុល្លារឆ្នាំនេះ។ នៅក្នុងសេណារីយ៉ូ នៃការប្រែប្រួលអាកាសធាតុ ដ៏អាក្រក់បំផុតមួយទៀត ការខាតបង់សេដ្ឋកិច្ចប្រចាំឆ្នាំ ដែលបណ្តាលមកពីហានិភ័យ ជាប់លាប់ទាំងនោះ នឹងអាចកើនឡើងដល់ ១,៣ ទ្រីលានដុល្លារ ស្មើនឹង៤,២ភាគរយ នៃផលិតផលក្នុងស្រុកសរុប ក្នុងតំបន់ សម្រាប់ការបញ្ជាប់គួប នឹងវិបត្តិកូវីដ។

ជាជាង ការចំណាយដែលជៀសមិនរួច ប្រទេសនានាគួរតែ ពង្រឹងហេដ្ឋារចនាសម្ព័ន្ធមាំទាំ ដូចជាស្ពាន និងផ្លូវ ព្រមទាំងសាលារៀន អគារផ្សេងទៀត ដែលផ្តល់ជម្រក និងការគាំទ្រនៅពេលមានវិបត្តិ។ ទាំងនេះ នឹងត្រូវការធនធានច្រើនណាស់ សម្រាប់បន្ទុករដ្ឋាភិបាល។ ការចំណាយប្រចាំឆ្នាំ នៃការសម្របខ្លួនរបស់តំបន់នេះ សម្រាប់បង្កាឬគ្រប់​គ្រង លើគ្រោះធម្មជាតិ និងជីវសាស្រ្តដទៃទៀត ក្រោមសេណារីយ៉ូកា រប្រែប្រួលអាកាសធាតុ ដ៏អាក្រក់បំផុត ក្នុងឱកាសជំងឺឆ្លង ត្រូវបានប៉ាន់ប្រមាណថា ត្រូវចាយមិនតិច ជាង២៧០ពាន់លានដុល្លារ ឯណោះ។

តើថវិកាបន្ថែមអាចបានមកពីណា?

កូវីដ-១៩ បានបង្ហាញជាថ្មីម្តងទៀតថា ហានិភ័យគ្រោះមហន្តរាយទាំងអស់ មានទំនាក់ទំនងគ្នាហើយ ដែលនាំទៅដល់វិបត្តិសេដ្ឋកិច្ចសាធារណៈ ដែលអាចបង្កឱ្យមានមហន្តរាយសេដ្ឋកិច្ច និងភាពចលាចលក្នុងសង្គម ។ នេះគឺជាអ្វីដែលមានន័យថា «ហានិភ័យជាប្រព័ន្ធ» ជាប្រភេទហានិភ័យ ដែលមកក្លាយជាវិញ្ញាសារធំបំផុត សម្រាប់អ្នកបង្កើតគោលនយោបាយនានា ត្រូវរកវិធីដោះស្រាយ មិនដូចក្រុមឧទ្ទាម ឬក្រុមចាំតែសូត្ររត់មាត់ ប្រឆាំងនិយាយកោកៗគ្មានបានការ គ្មានមូលដ្ឋាន និងដំណោះស្រាយនោះទេ។

ត្រូវចាំថា សិក្សាឱ្យជ្រៅ ឱ្យច្បាស់ ទើបយល់ថា ការរិះគន់ កេងប្រវ័ញ្ចលើព្រឹត្តិការណ៍អាសន្ន មិនមែនមាន ន័យថាឆ្លើយតប ឬចេតនាជួយសង្គ្រោះនោះទេ។ ប៉ុន្តែជាការគិតទុក អំពីមធ្យបាយបំភាន់សភាពការណ៍ ដូចជាការប្រកាសមិនឱ្យទៅចាក់វ៉ាក់សាំង ឬបង្កពាក្យចចាមអារាម យកចំណេញខាងនយោបាយ។

យើងត្រូវការរួមគ្នា បង្កើតប្រព័ន្ធការពារសង្គមដ៏រឹងមាំមួយ តាមរយៈចំណេះដឹង និងព័ត៌មានពិត ដែលនឹងធ្វើឱ្យសហគមន៍ងាយរងគ្រោះ ក្លាយជាមានសុវត្ថិភាព និងប្រាសចាកការញុះញង់ ក្នុងចេតនានយោបាយទុច្ចរិត៕ (ដោយ)៖ សាយ ពេជ្រ

The post ព័ត៌មានញុះញង់ កំពុងបង្កើន ហានិភ័យ ជាប្រព័ន្ធ appeared first on Kampuchea Thmey Daily.