ព្យាបាលមុន Archives - Kampuchea Thmey Daily

មកយល់ដឹងកាន់តែច្បាស់ពីមុនអរម៉ូន និងវិធីទប់ទល់

Boa Sokunveary — Thu, 08 Dec 2022 01:20:00 +0000

មុនអរម៉ូនគឺជាប្រភេទមុនដែលចាប់ផ្ដើមមានពេលពេញវ័យរួមមាន មុនក្បាលខ្មៅ មុនក្បាលស និងមុនខ្ទុះបង្កការឈឺចាប់ជាដើម។ យោងទៅតាមអ្នកឯកទេសថែរក្សាស្បែកមុខ៣នាក់បានឲ្យដឹងពីចំណុចសំខាន់ៗដែលយើងគួរដឹងពីមុនអរម៉ូនមានដូចជា៖

ការកើតមុនអរម៉ូនគឺបណ្តាលមកពីការប្រែប្រួលនៃអរម៉ូនដែលជំរុញក្រពេញ sebaceous ឲ្យផលិតប្រេងលើស។ អំឡុងពេលនៃការផ្លាស់ប្តូរអរម៉ូនមុនពេលមករដូវប្រេងនៅក្នុងស្បែកឡើងកាន់តែក្រាស់ ក្នុងពេលជាមួយគ្នានោះដែរការកើនឡើងប្រូហ្សេស្តេរ៉ូនបណ្តាលឱ្យមានការរក្សាទឹកដែលធ្វើឱ្យស្រទាប់រន្ធញើសរួមតូច ប្រេងដែលព្យាយាមចូលទៅក្នុងរន្ធស្តើងជាងមុននឹងបង្កើតទៅជាមុនតែម្ដង។ ក្រៅពីកត្តាអរម៉ូន ចំណីអាហារដែលមានជាតិស្ករ និងភាពស្ត្រេសបង្កឲ្យការផលិតខ្លាញ់លើសលប់ក៏ជាសត្រូវរបស់អ្នកដូចគ្នា។

មុនអរម៉ូនចូលចិត្តកើតនៅតាមថ្គាម ចង្ការ ចន្លោះចិញ្ចើម លើទ្រូង លើខ្នង និងគូទផងដែរ។ ចំណែកឯវ័យកើតវិញគឺចាប់ផ្ដើមពីពេលពេញវ័យរហូតដល់អាយុខ្ទង់៥០ឆ្នាំ។ ជាក់ស្ដែងអ្នកមិនអាចបញ្ឈប់ការកកើតបានទេ ប៉ុន្តែអ្នកអាចងាកមកប្រើវិធីសាស្ត្រខាងក្រោមនេះទប់ទល់នឹងវាខ្លះ៖

_ ទទួលទានវីតាមីន B6 មួយអាទិត្យមុនមករដូវ

_ ជៀសវាងបរិភោគអាហារមានជាតិទឹកដោះ

_ ផឹកថ្នាំ ប្រូបាយអូទិច

_ ធ្វើកាលវិភាគពីសកម្មភាពប្រចាំថ្ងៃស្វែងរកកំហុសដែលបង្កឲ្យឡើងមុនដើម្បីបំបាត់ចោល។

ស្រដៀងគ្នានេះដែរ គ្រូពេទ្យផ្ដល់ការណែនាំថាឲ្យប្រើប្រាស់ផលិតផលដែលផ្ទុក benzoyl peroxide, salicylic acid, sulfur, ឬ adapalene ដើម្បីព្យាបាលមុនអរម៉ូន បើនៅតែមិនអាចទប់ទល់រួចនោះ អ្នកគួរតែពិភាក្សាជាមួយវេជ្ជបណ្ឌិតដោយផ្ទាល់ទើបដឹងកាន់តែច្បាស់៕

ប្រែសម្រួលដោយ៖ វារី

ចុចអាន៖ មុខកើតមុន កុំចេះតែញ៉ាំ ប្រយ័ត្នស្តាយក្រោយ

ចុចអាន៖ ហាមដាច់ខាតកុំឲ្យវត្ថុទាំង ១៥ នេះប៉ះស្បែកមុខឲ្យសោះ

The post មកយល់ដឹងកាន់តែច្បាស់ពីមុនអរម៉ូន និងវិធីទប់ទល់ appeared first on Kampuchea Thmey Daily.

ធ្វើម៉េចអាចកម្ចាត់ស្នាមមុនឲ្យបាត់ ១០០% បាន?

Sonya — Mon, 09 Aug 2021 06:32:13 +0000

គួរឲ្យពិបាកចិត្តប៉ុនណា ក្រោយពីមុនពេញមុខ ហើយមានស្នាមទៀត។ គ្នាយើងទាំងអស់សុទ្ធតែធ្លាប់កើតមុន ញេច កេះ ធ្វើឲ្យមានស្នាម។ ស្នាមទាំងនោះអាចបាត់ ១០០% ទេ? ចម្លើយគឺ អាច។

១- ក្រែម និងផលិតផលជំនួយ

– សម្លាកថ្មីៗ៖ មានពណ៌ក្រហមហើមប៉ោង ដោយសាររលាក។ ក្រែម គ័រទីហ្សូន អាចជួយបន្ថយការរលាក និងធ្វើឲ្យស្ថានភាពស្បែកល្អវិញបាន។ គ្នាយើងអាចទិញក្រែម គ័រទីហ្សូន ដោយមិនចាំបាច់វេជ្ជបញ្ជា។

– សម្លាកក្រមៅ៖ ស្លាកស្នាមពណ៌ក្រមៅ ផលិតផលត្រូវប្រើ មានអាស៊ីដកូហ្ស៊ិច (Kojic acid) វីតាមីន C និងអាប៊ុយទីន (arbutin) ដើម្បីជួយបំបាត់ចំណុចក្រមៅលើមុខ។ គួរប្រយ័ត្នចំពោះការរើសផលិតផលមកប្រើ (លាប) ព្រោះសាច់មុខអាចមិនត្រូវ ពេលខ្លះវាអាចធ្វើឲ្យស្បែករោល ឬបង្កជាមហារីកបាន។

២- បាញ់កាំរស្មី និងចាក់ថ្នាំបន្តឹង

– បាញ់កាំរស្មី៖ សម្លាកមុនធ្ងន់ធ្ងរ គួរពិគ្រោះ និងព្យាបាលជាមួយពេទ្យសើស្បែក ដើម្បីស្វែងយល់ពីវិធី ឬជម្រើសព្យាបាល ដូចជា បាញ់កាំរស្មីឡាសែ៊រ។ គេបាញ់ដើម្បីបំបែកស្នាមលើមុខ ធ្វើឲ្យស្បែករលោង បង្កើនការផលិតជាតិខូលេជែន មកបំពេញសម្លាកមុនឲ្យជិតវិញ។

– ចាក់ថ្នាំបន្ដឹង ឬបំពេញ៖ សម្រាប់អ្នកមានសម្លាកមុនខូងជ្រៅៗ ត្រូវចាក់ថ្នាំបំពេញបន្តឹងស្បែក និងព្យាបាលឲ្យទៀងទាត់ ឬរៀងរាល់ ៤-៦ ខែម្តង ព្រោះស្បែកត្រូវការស្រូបជាតិថ្នាំចាក់ទៅបំពេញស្នាមជ្រៅៗ។

៣- របៀបបង្ការ និងបន្ថយឥទ្ធិពលមុន

– កុំប៉ះពន្លឺថ្ងៃ៖ កម្ដៅថ្ងៃធ្វើឲ្យស្នាមកាន់តែឡើងពណ៌ក្រមៅខ្លាំងឡើងៗ ព្រោះកាំរស្មីយូវី (UV) ក្នុងពន្លឺព្រះអាទិត្យ ភ្ញោចកោសិកាផលិតជាតិពណ៌ត្នោត បណ្តាលឲ្យមានការប្រែប្រួលសម្បុរស្បែកខុសធម្មតា។ ពន្លឺ និងកម្ដៅព្រះអាទិត្យក្ដៅខ្លាំង អាក្រក់បំផុតលើស្បែកចន្លោះពីម៉ោង ១០ ព្រឹកដល់ ២ រសៀល។

– កុំកេះសម្លាក៖ សម្លាកកើតដោយសារបាត់បង់ជាតិខូលេជែន កាន់តែកេះ កាន់តែធ្ងន់ធ្ងរ។ កេះ និងញេច មិនអាចជួយឲ្យស្លាកស្នាមប្រសើរឡើង ឬជាទេ អ៊ីចឹងកុំរពឹសដៃ សូម្បីប៉ះ ឬអង្អែល។ ញេចមុនធ្វើឲ្យខ្ទុះ និងបាក់តេរីចូលទៅកាន់តែជ្រៅក្នុងស្រទាប់ស្បែក បណ្តាលឲ្យមានការខូចខាតកាន់តែច្រើនឡើងៗ រហូតបង្កជាស្នាម។

– កុំប្រើវីតាមីន E លើសម្លាក៖ ផ្ទុយពីជំនឿដែលថាវីតាមីន E ជួយពន្លឿនល្បឿននៃការជាសះ តែតាមពិតវាវីតាមីននេះបែរជាពន្យឺតទៅវិញ ហើយថែមទាំងអាចធ្វើឲ្យស្បែករមាស់រោលទៀតផង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ រូបមន្តខាត់ស្បែកធម្មជាតិ ជួយឲ្យស្បែកភ្លឺថ្លា មិនចាំបាច់ប្រើឡេគីមី

ចុចអាន៖ កំពូលតិចនិកទាំង៥ ព្យាបាលមុនឲ្យឆាប់ជា បន្ទាប់ពីញេចរួច

The post ធ្វើម៉េចអាចកម្ចាត់ស្នាមមុនឲ្យបាត់ ១០០% បាន? appeared first on Kampuchea Thmey Daily.

កំពូលតិចនិកទាំង៥ ព្យាបាលមុនឲ្យឆាប់ជា បន្ទាប់ពីញេចរួច

Sonya — Sat, 07 Aug 2021 03:42:00 +0000

យើងដឹងហើយថា ការញេចមុនមិនមែនជាជម្រើសដែលយើងគួរធ្វើនោះទេ ប៉ុន្តែពេលខ្លះ យើងក៏មិនអាចគ្រប់គ្រងអារម្មណ៍របស់ខ្លួនឯងបានដែរ។ យ៉ាងណាមិញ ជំនួសឲ្យការកើតមុន យើងបែរជាទទួលបានដំបៅក្រហម ឬក្រមរស្ងួតដ៏គួរឲ្យស្អប់ខ្ពើម។ ដូចនេះ ដើម្បីឲ្យមុនដែលញេចរួចឆាប់ជាសះស្បើយ ក៏ដូចជាកាត់បន្ថយការបំផ្លាញចំពោះស្បែក យើងអាចសាកល្បងតិចនិកមួយចំនួនដូចខាងក្រោម។

១. បញ្ឈប់ការកេះមុន

បន្ទាប់ពីញេចមុនរួច យើងគួរតែទុកពេលឲ្យស្បែកបានជាសះស្បើយជាមុនសិន ដោយមិនត្រូវញេចថែម ដើម្បីមើលថាវានៅសល់គ្រាប់មុនទៀតឬអត់នោះទេ។ ម្យ៉ាងវិញទៀត ការកេះក្រមរក៏ជាការបង្អាក់ដំណើរការនៃការជាសះស្បើយផងដែរ។

២. លាងសម្អាតផ្ទៃមុខបន្ទាប់ពីញេចមុន

ប្រសិនបើយើងទើបតែញេចមុនរួច ចូរលាងសម្អាតស្បែកថ្នមៗឲ្យបានស្អាត ដោយប្រើហ្វូមលាងមុខធម្មតា ដើម្បីបញ្ចៀសការឆ្លងមេរោគនៅបរិវេណនោះ ដែលអាចតោងជាប់នឹងដៃរបស់យើង ព្រមទាំងជៀសវាងធ្វើឲ្យជ្រុះក្រមរដែលកំពុងតែកកើតឡើង។

៣. ស្អំទឹកកក ប្រសិនបើហើម

បន្ទាប់ពីញេចមុនរួច មុខរបស់យើងអាចប្រឈមនឹងការហើម ព្រមទាំងមានស្នាមក្រហមជាក់ជាមិនខាន។ យ៉ាងណាមិញ ទឹកកកអាចជួយកាត់បន្ថយបញ្ហារលាកបានយ៉ាងមានប្រសិទ្ធភាព ក៏ដូចជាអាចធ្វើឲ្យស្បែកឆាប់វិលត្រលប់មករកសភាពដើមវិញ។ ចូរប្រើដុំទឹកកកដោយរុំជាមួយនឹងក្រណាត់ ឬកន្សែងទន់ៗស្អំនៅលើបរិវេណដែលហើមនោះ រយៈពេលប្រហែលពីរបីនាទី និងធ្វើបែបនេះឲ្យបានបីបួនដងក្នុងមួយថ្ងៃ។

៤. ប្រើប្រាស់ថ្នាំ ឬក្រែមព្យាបាលមុន

ជាមួយគ្នានេះដែរ យើងអាចសាកល្បងប្រើថ្នាំ ឬក្រែមព្យាបាលមុនដូចជាBenzoyl Peroxide, Salicylic acid ឬប្រេងដើមតែ (Tea tree oil) ជាដើម ដើម្បីកាត់បន្ថយមុន។ ចូរលាបវាឲ្យបានខ្ជាប់ខ្ជួន រយៈពេលពី៤ ទៅ៦សប្ដាហ៍ទើបឃើញលទ្ធផល។

៥. បន្តទម្លាប់ថែទាំស្បែកមុខជាប្រចាំ

ពិតណាស់ ការថែទាំស្បែកមុខគឺជារឿងសំខាន់បំផុតសម្រាប់ស្រីៗគ្នាយើង។ ចូរលាងសម្អាតមុខឲ្យបានពីរដងជារៀងរាល់ថ្ងៃ ក៏ដូចជាលាបផលិតផលព្យាបាលមុន។ បន្ថែមពីនេះ យើងក៏អាចជម្រុះកោសិកាចាស់ៗចោល ដើម្បីកុំឲ្យកើតមុនញឹកញាប់ពេកផងដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ គន្លឹះ ៦ យ៉ាងធ្វើឲ្យមុខក្មេងជាងវ័យ មិនងាយចាស់មុនអាយុ

ចុចអាន៖ សាកវិធីទាំងនេះ ជួយស្បែកមានជាតិខូឡាជែនឡើងវិញ

The post កំពូលតិចនិកទាំង៥ ព្យាបាលមុនឲ្យឆាប់ជា បន្ទាប់ពីញេចរួច appeared first on Kampuchea Thmey Daily.

ព្យាបាលមុន Archives - Kampuchea Thmey Daily

មកយល់ដឹងកាន់តែច្បាស់ពីមុនអរម៉ូន និងវិធីទប់ទល់

ធ្វើ​ម៉េច​អាចកម្ចាត់​ស្នាម​​មុនឲ្យ​បាត់ ១០០%​ បាន?

១- ក្រែម និងផលិតផលជំនួយ

២- បាញ់កាំរស្មី និងចាក់ថ្នាំបន្តឹង​

៣- របៀបបង្ការ និងបន្ថយឥទ្ធិពលមុន

កំពូល​តិចនិក​ទាំង​៥​​ ព្យាបាល​មុន​ឲ្យ​ឆាប់​ជា​ បន្ទាប់​ពី​ញេច​រួច

១. បញ្ឈប់​ការ​កេះ​មុន

២. លាង​សម្អាត​ផ្ទៃ​មុខ​បន្ទាប់​ពី​ញេច​មុន​

៣. ​ស្អំ​ទឹក​កក​​ ប្រសិនបើ​ហើម

​

៤. ប្រើប្រាស់​ថ្នាំ​ ឬ​ក្រែម​​ព្យាបាល​មុន​

៥. ​បន្ត​ទម្លាប់​ថែ​ទាំ​ស្បែក​មុខ​ជា​ប្រចាំ​