តាមរៀបរាប់ទាំងទឹកភ្នែកពេលទៅគោរពវិញ្ញាណក្ខន្ធព្រឹទ្ធាចារ្យក្រមាមាស សាន គឹមស៊ាន  តារាស្រីកញ្ញាពេជ្រ ចរណៃ បានឲ្យថាលោកគ្រូតាដែលខ្លួនគោរពស្រលាញ់ទុកដូចជាឪពុកពេលនេះបានលាទៅរហូតគ្មានថ្ងៃវិលវិញទេហើយបេះដូងនាងពេលនេះដូចគេពុះបែកជាពីរ នាងឈឺចុកចាប់ណាស់។

កញ្ញា ពេជ្រ ចរណៃ បញ្ជាក់ថា “បណ្ដាំរបស់លោកគ្រូតាកូននឹងធ្វើឱ្យបានសម្រេចមិនឱ្យទំនុកចិត្ត និងក្តីសង្ឃឹមលោកគ្រូតាខកបំណងឡើយ សូមលោកគ្រូតាកុំបារម្ភ កុំខ្វាយខ្វល់ច្រើន សូមលោកគ្រូតាអញ្ជើញសម្រាកនៅឋានសួគ៌បរមសុខហើយសម្លឹងមើលមកកូនដោយស្នាមញញឹម កូននឹងធ្វើឱ្យលោកគ្រូតាមានស្នាមញញឹម ទុកតម្កល់ជាអមតៈសម្រាប់ប្រទេសជាតិយើងរហូតទៅ”។

តារាសម្តែង ពេជ្រ ចរណៃ បន្ថែមទៀតថា “សូមកុសលផលបុណ្យដែលនាងបានធ្វើទាំងប៉ុន្មានសូមឧទ្ទិសជូ លោកគ្រូតា សាន គឹមស៊ាន ឱ្យបានសេចក្តីសុខជានិច្ចនិរន្តរ៍សូមលោកគ្រូតាអនុមោទនាទទួលយកផងចុះ”។

មហាជនអ្នកគាំទ្រពិសេសសិស្សគុន បានបង្ហាញអារម្មណ៍ក្តុកក្តួលនិងសោកស្តាយជាខ្លាំងបន្ទាប់ពីទទួលដំណឹងមរណភាពរបស់លោកគ្រូព្រឹទ្ធាចារ្យក្រមាមាស សាន គឹមស៊ាន ដែលជាព្រឹទ្ធាចារ្យផ្នែកវិស័យគុនល្បុក្កតោខ្មែរដ៏ល្បីឈ្មោះក្នុងកាចូលរួមថែរក្សា និងអភិរក្សមួយវិស័យមួយនេះ។

សូមបញ្ជាក់ដែរថា មុនពេលចែកឋានលោកគ្រូព្រឹទ្ធាចារ្យក្រម៉ាមាស សាន គឹមស៊ាន តាមរយ:កិច្ចសម្ភាសធ្លាប់បានអំពាវនាវ និងបំផុសដាស់តឿនជាថ្មីដល់កូនខ្មែរគ្រប់រូបត្រូវចូលរួមស្មារតី ដើម្បីថែរក្សាអភិរក្សនូវក្បាច់គុនបុរាណល្បុក្កតោខ្មែរឲ្យកាន់តែមានភាពរីកចម្រើន និងល្បីរីកសុះសាយបន្ថែមទៀតដល់ពិភពលោក៕ ចាន់រ៉ា

The post ពេជ្រ ចរណៃ សន្យាធ្វើតាមបណ្តាំលោកគ្រូ សាន គឹមស៊ាន ដើម្បីថែរក្សាអភិរក្សក្បាច់គុនល្បុក្កតោខ្មែរ appeared first on Kampuchea Thmey Daily.

បំណង​ប្រាថ្នា​ទី១៖ ធ្វើ​ឲ្យ​គុន​ល្បុក្កតោ​រស់​ឡើង​វិញ

លោក​ព្រឹទ្ធាចារ្យ​ក្រមា​មាស សាន គឹមស៊ាន ជា​បុគ្គល​ដ៏​សំខាន់​បំផុត​ដែល​បាន​រួម​ចំណែក​​​រៀបចំ​ និង​ចង​ក្រង​ក្បាច់​គុន ​ល្បុក្កតោ ក្នុង​សម័យ​ទំនើប​​ឲ្យ​ល្បីល្បាញ​​យ៉ាង​ទូលំទូលាយ​។ លោក​​ជាស្ថាបនិក​​ក្នុង​ការ​បង្កើត​ឲ្យ​មាន​ សហព័ន្ធក្បាច់គុនល្បុក្កតោកម្ពុជា និងសាលាល្បុក្កតោកម្ពុជា។

បើ​ទោះជា​លោក​បាន​​ត្រូវ​ភៀស​ខ្លួន​ពី​ប្រទេស ​កម្ពុជា​ ទៅ​សហរដ្ឋ​អាមេរិក ក្រោម​ការ​ចោទ​ប្រកាន់​​របស់​​ជនជាតិ​វៀតណាម ​ជុំ​វិញ​ការ​បង្ហាត់​​បង្រៀន​កីឡា​ហាប់គីដូ និង​ល្បុក្កតោ ក៏​​នៅ​លើ​ទឹក​ដី​ប្រទេស​ថ្មី លោក​ សាន គឹមស៊ាន បាន​បន្ត​ចែក​រំលែក​ចំណេះ​ជំនាញ​​ក្បាច់​គុន​មរតក​ដូនតា​ខ្មែរ​ដល់​​អ្នក​ដទៃ​​នៅ​សហរដ្ឋ​អាមេរិក។

នៅ​ឆ្នាំ​១៩៩២ លោកតា​បាន​វិលត្រឡប់​មក​ប្រទេស​កំណើត​វិញដើម្បី​ស្តារ​គុន​ល្បុក្កតោ​ បន្ទាប់​ពី​បាត់​បង់​ក្នុង​សម័យ​សង្គ្រាម។ លោក​បាន​ចាប់​ផ្តើម​បណ្តុះ​បណ្តាល​ដល់​ក្មេង​ជំនាន់​ក្រោយ​ឲ្យ​កាន់​តែ​មាន​ធន​ធាន រហូត​​បង្កើត​​ក្លិប​បង្ហាត់​គុន​ល្បុក្កោ ​សហព័ន្ធ​គុន​ល្បុក្កតោ និង​បាន​បង្កើត​​សៀ​វភៅ​«ក្បាច់​គុន​ល្បុក្កតោ»​ដែល​មាន​ក្បួន​ខ្នាត មេគុន និង​ក្បាច់​ត្រឹម​ត្រូវ។

បំណង​ប្រាថ្នា​ទី​២៖ ដាក់​គុន​ល្បុក្កតោ ចូល​អង្គការ យូណេស្កូ

វ័យ​កាន់​តែ​ច្រើន សុខភាព​កាន់​តែ​ដុន​ដាប លោក​ព្រឹទ្ធាចារ្យ ក្រមា​មាស លោក​តា សាន គឹមស៊ាន ចង់​ឃើញ​​គុនល្បុក្កតោ ​ចូល​ក្នុង​បញ្ជី​បេតិកភ័ណ្ឌ​ពិភព​លោក​របស់​​អង្គការ​យូណេស្កូ ដែល​នេះ​ជា​បំណង​ប្រាថ្នា​ដ៏​ធំ​​បំផុត​របស់​លោក។ ទី​បំផុត គុន​ល្បុក្កតោ ត្រូវ​បាន​ដាក់​ចូល​ដោយ​ជោគជ័យ​ក្នុង​បញ្ជី​បេតិកភ័ណ្ឌ​ពិភព​លោក​របស់​អង្គការ​យូណេស្កូ នៅ​ថ្ងៃ​ទី២៩ ខែ​វិច្ឆិកា ឆ្នាំ​២០២២។

បំណង​ប្រាថ្នា​ទី​៣៖ ដាក់​គុនល្បុក្កតោ ចូល​កីឡា​ ស៊ីហ្គេម

លោកតា​ក្រមាមាស សាន គឹមស៊ាន ចង់​ឃើញ​គុន​ល្បុក្កតោ ​ចូល​ក្នុង​កីឡា​ស៊ីហ្គេម លើក​ទី​៣២ ឆ្នាំ​២០២៣ នៅ​ពេល​កម្ពុជា​ទទួល​រៀបចំ​ធ្វើ​ជា​ម្ចាស់​ផ្ទះ​លើក​ដំបូង។ បំណង​​ប្រាថ្នា​របស់​លោក​​បាន​សម្រេច​ដោយ​​គុន​ល្បុក្កតោ​បាន​ចូល​​ជា​ធរមាន​ក្នុង​កីឡា​ស៊ីហ្គេម។ ក្នុង​នាម​ជា​ម្ចាស់​ក្បាច់​គុន កម្ពុជាទទួល​បាន​មេដាយ​មាស​៩ ប្រាល់​៨ និង​សំរិទ្ធ​៣ ក្នុង​ចំណោម​វិញ្ញាសា​ចំនួន​២១​នៃ​គុន​ល្បុក្កតោ​ក្នុងកីឡា​ស៊ីហ្គេម។

ជា​រួម ព្រឹទ្ធាចារ្យក្រមា​មាស​ សាន គឹមស៊ាន បាន​លះ​បង់​កម្លាំង​កាយ​ចិត្ត និង​ប្រាជ្ញា​ស្មារតី​ពេញ​មួយ​ជីវិត​ដើម្បី​​ធ្វើ​ឲ្យ​កីឡា​គុន​ល្បុក្កតោ​ រស់​ឡើង​វិញ និង​ត្រូវ​បាន​ទទួល​ស្គាល់​ទូទាំង​ពិភព​លោក ហើយ​បាន​ចូល​ក្នុង​បញ្ជី​កីឡា​ស៊ីហ្គេម និង​អង្គការ​យូណេស្កូ៕

អត្ថបទ៖ វីរបុត្រ

The post មុន​លា​ចាក​លោក ព្រឹទ្ធាចារ្យ សាន គឹមស៊ាន បាន​សម្រេច​បំណង​ប្រាថ្នា​ធំ​ ៣​ ដើម្បី​ជាតិ appeared first on Kampuchea Thmey Daily.

ជាមួយនឹងដំណឹងដ៏សោកសៅនេះ ពេជ្រ ចរណៃ តារាសម្តែង និងជាសិស្សជំនិតរបស់លោកព្រឹទ្ធាចារ្យក្រមាមាស ស៊ាន គឹមស៊ាន បានរៀបរាប់ទាំងក្តុកក្តួលជាពន់ពេក ហាក់មិនអាចទទួលយកការបាត់បង់ព្រឹទ្ធាចារ្យមួយរូបដែលខ្លួនចាត់ទុកជា វីរៈបុរសគុនល្បុក្កតោខ្មែរ។

ដ្បិតតែមហាជន អ្នកគុនបុរាណខ្មែរ ពិសេសក្រុមគ្រួសាររបស់លោកគ្រូក្រមាមាស កំពុងសោកសៅ ក៏ដូចជាកាន់មរណទុក្ខ ប៉ុន្តែអ្វីដែលគួររំលឹកចងចាំពីលោកព្រឹទ្ធចារ្យ គឺការលះបង់ដ៏មហិមាររបស់លោកចំពោះ “គុនល្បុក្កតោ”។

តួយ៉ាង លោកគ្រូតាក្រមាមាស សាន គឹមស៊ាន ត្រូវបានគេចាត់ទុកថា ជាផ្នែកមួយដ៏សំខាន់ក្នុងការចូលរួមលើកស្ទួយផ្សព្វផ្សាយក្បាច់គុនបុរាណខ្មែរ “ល្បុក្កតោ” ដោយលោកបានបណ្តុះបណ្តាលអ្នកជំនាន់ក្រោយជាច្រើន និងបានចងក្រងឯកសារក្បាច់គុនបុរាណខ្មែរដ៏មានតម្លៃទុកជាកេរដល់អ្នកជំនាន់ក្រោយ។

មិនតែប៉ុណ្ណោះ ព្រឹទ្ធាចារ្យគុនល្បុក្កតោរូបនេះ បានចូលរួមសកម្មភាពលើកស្ទួយវិស័យគុនបុរាណខ្មែរមួយនេះជាច្រើន រហូតពិភពលោកបានស្គាល់ និងល្បីរន្ទឺសុះសាយដដល់អន្តរជាតិថែមទៀត។ ជាក់ស្តែង បើទោះបីលោកមានអាយុច្រើនហើយក្តី តែលោកគ្រូតាបានប្រើពេលវេលាស្ទើរតែពេញមួយជីវិតរបស់លោកខិតខំប្រឹងប្រែងចងក្រងឯកសារលើកស្ទួយផ្សព្វផ្សាយ និងលះបង់ច្រើនណាស់ដើម្បីវប្បធម៌ក្បាច់គុនបុរាណខ្មែរ “គុនល្បុក្កតោ”។

តាមរយៈសកម្មភាពផ្សព្វផ្សាយគុនល្បុក្កតោកន្លងមក លោកព្រឹទ្ធាចារ្យ បានបណ្តុះឆន្ទៈអ្នកបន្តវេនគុនល្បុក្កតោខ្មែរជាច្រើនរូប ដែលមិនត្រឹមតែអ្នកហាក់គុនខ្មែរប៉ុណ្ណោះ តែអ្នកទាំងនោះឭបានក្លាយជាផ្នែកនៃការនាំយកគុនខ្មែរទៅផ្សព្វផ្សាយគ្រប់ទិសទី ទោះបីជាសកម្មភាពខុសគ្នាក៏ដោយ។

ជាក់ស្តែង ដូចដែលអ្នកគុនល្បុក្កតោមួយចំនួនទាំងក្នុងស្រុក និងក្រៅ ចូលរួមផ្សព្វផ្សាយកន្លងមក មិនថាតាមរយៈព្រឹត្តិការណ៍វប្បធម៌ និងកម្មវិធីនានា ក៏ដូចជាបង្រៀនតាមសាលាគុននៅបរទេស និងក្នុងស្រុកផងដែរ ខណៈជំនាន់ក្រោយនៃអ្នកគុនល្បុក្កតោទាំងនោះ ពិតជាមានឆន្ទៈខ្ពស់ក្នុងការលើកស្ទួយ និងផ្សព្វផ្សាយគុនល្បុក្កតោមិនខុសពី ព្រឹទ្ធាចារ្យក្រមាមាស សាន គឹមស៊ាន នោះឡើយ។

សូមបញ្ជាក់ដែរថា មុនពេលចែកឋានលោកគ្រូព្រឹទ្ធាចារ្យក្រមាមាស សាន គឹមស៊ាន តាមរយ:កិច្ចសម្ភាសធ្លាប់បានអំពាវនាវនិងបំផុសដាស់តឿនជាថ្មីដល់កូនខ្មែរគ្រប់រូបត្រូវចូលរួមស្មារតី ដើម្បីថែរក្សាអភិរក្សនូវក្បាច់គុនបុរាណល្បុក្កតោខ្មែរឲ្យកាន់តែមានភាពរីកចម្រើននិងល្បីរីកសុះសាយបន្ថែមទៀតដល់ពិភពលោក៕ អត្ថបទ៖ ចាន់រ៉ា

The post មុនលាចាកលោក ព្រឹទ្ធាចារ្យក្រមាមាស បានចារ “គុនល្បុក្កតោ” ក្នុងបេះដូងអ្នកបន្តវេនរួចទៅហើយ appeared first on Kampuchea Thmey Daily.

ការ​រំភើប​រីក​រាយ​របស់​ព្រឹទ្ធាចារ្យល្បុក្កតោ​បាន​កើត​មាន​ឡើង​​នៅ​ពេល​លោក​បាន​ចូល​រួម​ក្នុង​ពិធីប្រគល់​លិខិត​បញ្ជាក់ វិញ្ញាបនបត្រ និង​សញ្ញាបត្រ​ដល់​សិស្សគុន​កាល​ពី​រសៀល​ថ្ងៃ​អាទិត្យ ទី​២៥ ខែ​កុម្ភៈ ឆ្នាំ​២០២៤ នៅ​អគារ​មជ្ឈមណ្ឌល​កីឡា​ ក្នុង​ពហុកីឡដ្ឋាន​ជាតិ​អូឡាំពិក បន្ទាប់​ពី​សិស្ស​​បាន​ខិត​ខំ​ហ្វឹក​ហាត់​អស់​រយៈ​ពេល​យ៉ាង​យូរ​មុន​​ទទួល​បាន​លទ្ធផល​ល្អ​ប្រសើរ។

លោកព្រឹទ្ធាចារ្យ សាន គឹមស៊ាន មាន​ប្រសាសន៍​ទៅ​កាន់​សិស្ស​ទាំង​អស់​ថា ៖«កូនសិស្ស កូន​ចៅ​ជំនាន់​ក្រោយ យើង​យល់​ហើយ​ គ្រូ​គ្រាន់​តែចូល​រួម​មតិ យោបល់ និង​ការ​មើលឃើញការ​សម្តែង​របស់​កូន​ចៅ ចៅ​ទូត​​តែ​ប៉ុណ្ណោះ។ គ្រូ​ខាន​ឃើញ​យូរ​ហើយ​ ធ្វើ​ឲ្យ​គ្រូ​រំភើបខ្លាំង។ ជំនាន់​លោក​គ្រូ​អត់​ដែល​​​បាន​សម្តែង​អីចឹង​ទេ ពី​ព្រោះ​កាល​ណោះ បើ​ហាត់​គឺ​ហាត់​យក​ទៅ​វ៉ៃ​គ្នា​មែន​ទែន»។

«ឥឡូវ​នេះ ការ​សម្តែងរបស់​ពួក​យើង​ឈានទៅ​ដល់​កម្រិត​ពិភព​លោក​អាច​ទទួល​​បាន។ ខ្ញុំ​ឃើញ​លោត ទាត់ ​ធាក់ ​​ដាល់​បំបែក​ក្តារ​ពិត​ជា​ល្អ​មែន​ទែន។ ជំនាន់​ខ្ញុំ​អត់​មាន​ក្តារ​ហ្នឹង​ទេ មិន​ដឹង​ទៅ​រក​ទិញ​នៅ​ណា​ មាន​តែ​យក​ក្តារ​​​ឈើ​មែន​ទែន រឹង​មែន​ទែន វ៉ៃ​បី​បួន​ដង​បែក​ដៃ​​ហូរ​ឈាម​ខ្លួន​ឯង។ សម្រាប់កូន​ចៅ​ពេល​នេះ​​មិន​សំខាន់​លើ​ការ​សម្តែង​ឬ​​មិន​សម្តែង​ទេ​គឺសំខាន់​ត្រូវ​ក្បួនខ្នាត់ បច្ចេកទេស លំនាំ ល្បឿន​នៃ​ការ​វាយ និង​ចលនា​ទាំង​អស់​ត្រឹម​ត្រូវ​ឬ​អត់។ ឃើញ​ថា ​៩៨​%​គឺ​ត្រឹម​ត្រូវ​ទាំង​អស់​គ្នា ទុក​២%​ក្រែង​ខ្វះ​ចន្លោះ»។ ស្ថាបនិក​កីឡា​ហាប់​គីដូ​មានប្រសាសន៍។

ព្រឹទ្ធាចារ្យ​វ័យ​៧៩​ឆ្នាំ​បាន​បញ្ជាក់ថា ៖«ប៉ុន្តែ​និយាយ​សរុប​ទៅ ខ្ញុំ​សប្បាយ​ចិត្ត សប្បាយ​ចិត្ត​មែន​ទែន ដែលកីឡាហាប់គីដូ​បាន​រសាត់​បាត់​ក្នុង​សម័យ​កាល ប៉ុល ពត។ ក្រោយ​មកខ្ញុំ​បាន​លើក​ឲ្យ​រស់​ឡើង​វិញរួម​ជា​មួយ​លោក​គ្រូ សុខ ដែល​បាន​មក​ពី​អាមេរិក។ ការ​រស់​ឡើង​វិញ​នេះ​គឺ​ដោយសារ​តែ​ការ​ខំ​ប្រឹង​ប្រែងរបស់​លោក​គ្រូ​ៗ​ដែល​បាន​ខំ​តស៊ូតាំង​ពី​បាត​ដៃ​ទទេ តាំង​ពី​គ្មាន​កន្លែង​ហ្វឹក​ហាត់ ហាត់​តាម​សួន​ច្បារ ហាត់​តាម​ចិញ្ចើមផ្លូវ។ រហូត​ដល់​ថ្ងៃ​នេះ យើង​មាន​កន្លែង​​ត្រឹម​ត្រូវ​ក៏​ដោយសារ​មាន​ការ​ចូល​រួម​ពី​សមាជិកគណៈកម្មការ​ហាប់គីដូទាំង​អស់»។

ក្រៅ​ពី​រួម​ចំណែក​ដ៏​សំខាន់​ក្នុងការ​​​​ធ្វើ​ឲ្យ​កីឡា​អត្តសញ្ញាណ​ជាតិ«ល្បុក្កតោ»​រស់​ឡើង​វិញ និង​ល្បី​ល្បាញ​ទូទាំង​ពិភព​លោក លោក​ព្រឹទ្ធាចារ្យ សាន គឹមស៊ាន ក៏​ជា​ស្ថាបនិក​​ដែល​បាន​​​ឲ្យ​កីឡា​ហាប់​គីដូ​រស់​ឡើង​វិញ ក្រោយ​ពេល​ស្ទើរ​រលាយ​សូន្យ​ក្នុង​សម័យ​ង្គ្រាម។ នៅ​ពេល​នេះ​កីឡា​ហាប់​គីដូ​មាន​សហព័ន្ធ​ ថ្នាក់​ដឹក​នាំ និង​គ្រូ​បង្វឹក​ត្រឹម ជា​ពិសេស​មាន​សិស្ស​ជា​ច្រើន​នាក់​កំពុង​ហ្វឹក​ហាត់រហូត​ក្លាយ​ជាអត្ពលិក​អាជីព។

សូម​បញ្ជាក់​ថា សិស្ស​គុន​ចំនួន​២៣​រូប​ទទួល​​ លិខិតបញ្ជាក់ វិញ្ញាបនបត្រ និងសញ្ញាបត្រ ក្នុង​នោះលិខិតបញ្ជាក់ ៩នាក់ វិញ្ញាបនបត្រ​៥នាក់ និងសញ្ញាបត្រខ្មៅ៩នាក់៕

អត្ថបទ៖ វីរបុត្រ

The post ស្ថាបនិកហាប់គីដូ សាន គឹមស៊ាន រំភើបចិត្តឃើញចៅៗសម្តែងដ៏ស្ទាត់ជំនាញ appeared first on Kampuchea Thmey Daily.

តាមរយ:កិច្ចសម្ភាសន៍លោកគ្រូតាក្រម៉ាមាស សាន គឹមស៊ាន បានលើកឡើងថា ដើម្បីថែរក្សាឱ្យក្បាច់​គុនល្បុក្កតោខ្មែរ​កាន់តែមានការអភិវឌ្ឍ និងរីកចម្រើនខ្លាំងជាងនេះ គឺទាមទារឱ្យមានការចូលរួមជ្រោមជ្រែងពីភាគីពាក់ព័ន្ធ។ ម្យ៉ាងទៀត​រឿងដែលចំបងយើងត្រូវស្រាវជ្រាវរកគ្រូតាៗ ផ្នែកក្បាច់គុនល្បុក្កតោខ្មែរទាំងអស់នៅតាមជនបទ ឬបណ្តាខេត្តនានា ដែលពួកគាត់មានសមត្ថភាពចេះបង្ហាត់បង្រៀនវិស័យនេះ ក៏ត្រូវរួមគ្នាក្រោកឡើង ដើម្បីបង្ហាត់កូនចៅ ឬយុវជននៅតាម​ភូមិខេត្តពួកគាត់។ នេះជាការបន្ថែមរបស់លោក គឹមស៊ាន។

លោក បានអំពាវផងដែរដល់បណ្តាអ្នកហាត់រៀន ឬ គ្រូតាៗផ្នែកក្បាច់គុនល្បុក្កតោខ្មែរឲ្យស្រាក់ដៃ​គ្នាចូលរួមបង្ហាត់​បង្រៀនដល់កូនខ្មែរ ដើម្បីជាផ្នែកមួយក្នុងការជួយអភិរក្សក្បាច់គុនល្បុក្កតោខ្មែរ​កាន់តែល្បីល្បាញនិងរីកចម្រើន​ថែមទៀត។
លោកគ្រូ ក៏បានស្នើដល់អភិបាលខេត្តព្រមទាំងក្រសួងមន្ទីរពាក់ព័ន្ធមេត្តាជួយបំផុសនៅ​តាមខេត្តជុំវិញក្បាច់​គុនល្បុក្កតោខ្មែរ តាមរយ:ការជួយជ្រោមជ្រែងផ្សព្វផ្សាយស្វែងរកអ្នកមានសមត្ថភាព​ជួយបង្ហាត់បង្រៀនដល់កៅចៅ​នៅតាមភូមិ ស្រុក និងខេត្តរៀងៗខ្លួន។

ប្រាកដណាស់”ល្បុក្កតោ​​”គឺជា​ក្បាច់​គុន​​វប្បធម៌​ខ្មែរ​​ដែល​កំពុង​​តែ​មាន​ភាព​ល្បីល្បាញ​​ទូទាំង​ប្រទេស​កម្ពុជា ​​និង​​ពិភព​លោក។ ចំណែកលោកគ្រូតាក្រម៉ាមាស សា ន គឹមស៊ាន ត្រូវបានគេចាត់ទុកថា លោកជាផ្នែកមួយដ៏សំខាន់​ក្នុងការចូលរួមលើកស្ទួយផ្សព្វផ្សាយក្បាច់គុនបុរាណខ្មែរ”ល្បុក្កតោ”រហូតពិភពលោកបានស្គាល់ និងល្បីល្បាញ​លើឆាកអន្តរជាតិ។

ក្រោមកិច្ចប្រឹងប្រែងអស់រយៈពេលជាយូរឆ្នាំ គុនល្បុក្កតោ (Kun Lbokator) ដ៏ចំណាស់របស់ខ្មែរ ត្រូវបានចុះក្នុង «បញ្ជីបេតិកភណ្ឌវប្បធម៌អរូបីនៃមនុស្សជាតិ» របស់អង្គការយូណេស្កូ នាកិច្ចប្រជុំគណៈកម្មាធិការអន្តររដ្ឋាភិបាល​សម្រាប់ការថែរក្សាបេតិកភណ្ឌវប្បធម៌អរូបីលើកទី១៧ នៅក្រុង Rabat ប្រទេសម៉ារ៉ុក នារាត្រីថ្ងៃទី២៩ ខែវិច្ឆិកា ឆ្នាំ ២០២២។

ល្បុក្កតោ ជាក្បាច់ដ៏ចំណាស់របស់កម្ពុជា ដែលមានភស្តុតាង នៅលើចម្លាក់នៃប្រាសាទបាយ័ន តាំងពីចុងសតវត្សរ៍ទី១២ ទៅដើមសតវត្សរ៍ទី១៣។ បច្ចុប្បន្ន ល្បុក្កតោ មានសកម្មភាពសម្តែងក្នុងកម្មវិធីធំៗថ្នាក់ជាតិ អន្តរជាតិ និងការប្រកួត​ប្រជែង​ក្នុងកីឡា ផងដែរ៕

អត្ថបទ៖ ចាន់រ៉ា

The post ព្រឹទ្ធាចារ្យក្រម៉ាមាស សាន គឹមស៊ាន​ ដាស់តឿន​ឱ្យរួមគ្នាជួយពង្រឹង​ក្បាច់គុនល្បុក្កតោខ្មែរ appeared first on Kampuchea Thmey Daily.

ជាក់ស្ដែង​កាលពី​ថ្ងៃ​ទី ១៦ ខែ​សីហា ឆ្នាំ ២០២៣ ម្សិលមិញ តារា​សម្ដែង​កញ្ញា ពេជ្រ ចរណៃ បាន​នាំ​យក​ថវិកា​ប្រមូល​បាន​ពី​សប្បុរសជន​ជាង ១ ពាន់​ដុល្លារ ទៅ​ឧបត្ថម្ភ​ដល់​លោកគ្រូ​តា​ក្រមា​មាស​ព្រឹទ្ធាចារ្យ សាន គឹមស៊ាន ដែល​បច្ចុប្បន្ន​កំពុង​សម្រាក​ព្យាបាល​ជំងឺ​នៅ​ឯ​មន្ទីរពេទ្យ។

កញ្ញា ពេជ្រ ចរណៃ បាន​ប្រាប់​”​កម្ពុ​ជាថ្មី​” ឲ្យ​ដឹង​ថា «ខ្ញុំ បាន​យក​ថវិកា​ចំនួន ១៥០០ ដុល្លារ ដែល​ទទួល​បាន​ពី​ពុក​ម៉ែ​សប្បុរសជន បរិច្ចាគ​សម្រាប់​ជួយ​សម្រួល​ថ្លៃ​ព្យាបាល​ដល់​លោកគ្រូ​តា សាន គឹមស៊ាន ខណៈ​គាត់​ពេល​នេះ​កំពុង​សម្រាក​ព្យាបាល​នៅ​ឯ​មន្ទីរពេទ្យ»។ ពេជ្រ ចរណៃ បាន​បញ្ជាក់​ដោយ​ខ្លី​ថា «លោកគ្រូ​តា បាន​ផ្ដាំផ្ញើ​អរគុណ និង​ជូនពរ​ដល់​បងប្អូន​ទាំងអស់​គ្នា ដែល​បាន​ជួយ​សម្រួល​ដល់​ថ្លៃ​ព្យាបាល​លោក»។

ពេជ្រ ចរណៃ បញ្ជាក់​បន្ថែម​ថា មក​ដល់​ពេលនេះ​អាការ​ជំងឺ​របស់​លោក​គ្រូ​តា​ក្រមា​មាស សាន គឹមស៊ាន បាន​ប្រសើរ​ខ្លះ​ហើយ បន្ទាប់ពី​បាន​បញ្ជូន​ទៅ​សង្គ្រោះ​បន្ទាន់​ទាំង​កណ្ដាល​អធ្រាត្រ​នៅ​មន្ទីរពេទ្យ​ព្រះកុសុមៈ ដោយសារ​ធ្វើ​ទុក្ខ ក្អួតចង្អោរ ល្ហិតល្ហៃ អស់កម្លាំង​ខ្លាំង កាលពី​ថ្មីៗ មុន​នេះ។

សូម​បញ្ជាក់​ថា លោកគ្រូ​តា​ក្រមា​មាស សាន គឹមស៊ាន ត្រូវ​បាន​គេ​ចាត់ទុកថា​លោកគ្រូ​ជា​ផ្នែក​មួយ​ដ៏​សំខាន់​ក្នុង​ការ​ចូលរួម​លើកស្ទួយ​ផ្សព្វផ្សាយ​ក្បាច់គុន​បុរាណ​ខ្មែរ​”​ល្បុក្កតោ​” រហូត​ពិភពលោក​បាន​ស្គាល់ និង​ល្បីល្បាញ​លើ​ឆាក​អន្តរជាតិ។ ជា​ការពិត លោកគ្រូ​តា សាន គឹមស៊ាន ទោះបី​ពេល​នេះ​អាយុ​ច្រើន​ហើយ​ក្ដី តែ​លោក​បាន​ប្រើ​ពេលវេលា​ស្ទើរតែ​ពេញ​មួយ​ជីវិត​របស់​ខិតខំ​ប្រឹងប្រែង​ចងក្រង​ឯកសារ​លើក​ស្ទួយ​ផ្សព្វផ្សាយ និង​លះបង់​ច្រើន​ណាស់ ដើម្បី​វប្បធម៌​ក្បាច់គុន​បុរាណ​ខ្មែរ​គុន​”​ល្បុក្កតោ”៕

អត្ថបទ ៖ ចាន់រ៉ា

The post ពេជ្រ ចរណៃ យកថវិកាប្រមូលបានពីសប្បុរសជនជួយសម្រាលថ្លៃព្យាបាល ព្រឹទ្ធាចារ្យ សាន គឹមស៊ាន appeared first on Kampuchea Thmey Daily.

ប្រភព​បាន​ឲ្យ​ដឹង​ថា កាលពី​វេលា​ម៉ោង ១ រំលង​អធ្រាត្រ ឈាន​ចូល​ថ្ងៃ​ទី ១៤ ខែ​សីហា ឆ្នាំ ២០២៣ ព្រឹទ្ធាចារ្យ​គុន​ល្បុក្កតោ សាន គឹមស៊ាន បាន​ធ្វើ​ទុក្ខ​ក្អួតចង្អោរ ល្ហិតល្ហៃ អស់កម្លាំង​ខ្លាំង រហូត​បញ្ជូន​ទៅ​មន្ទីរពេទ្យ​ព្រះកុសុមៈ​ក្នុង​បន្ទប់​សង្គ្រោះ​បន្ទាន់។ ក្រោយ​ពេទ្យ​ពិនិត្យ តាមដាន និង​ដំណើរការ​ព្យាបាល ពេលនេះ​លោក​ព្រឹទ្ធាចារ្យ មាន​សភាព​ប្រសើរ​ជាង​មុន​បន្តិច ដោយ​បាន​ផ្លាស់​មក​បន្ទប់​សម្រាក ដើម្បី​ត្រៀម​រង់ចាំ​ក្នុង​ការ​ពិនិត្យ​បន្ត។ ប្រភព​បន្ថែម​ថា មូលហេតុ​ដោយសារ​លោកគ្រូ កំពុង​តែ​មាន​បញ្ហា​ក្រពេញ​ប្រូ​ស្តាត។

ម្ចាស់​គណនី​ហ្វេស​ប៊ុក​ខាងលើ ក៏បាន​ជូនពរ​ឲ្យ​លោកគ្រូ​តា​ព្រឹទ្ធាចារ្យ សាន គឹមស៊ាន ឆាប់​ជា​សះស្បើយ​ពី​គ្រោះ​កាច​នេះ​ឆាប់ៗ ដើម្បី​បន្ត​គង់​ជា​ម្លប់​ដល់​កូនចៅ​ល្បុក្កតោ​ទូទាំង​ប្រទេស និង​ពិភពលោក​ផង​ដែរ។

ដោយឡែក តារា​សម្ដែង កញ្ញា ពេជ្រ ចរណៃ ដែល​ជា​សិស្ស ក៏បាន​បង្ហោះ​ដំណឹង​នេះ​ដោយ​ក្ដី​ព្រួយបារម្ភ​ផង​ដែរ​ថា «លោកគ្រូ​តា​ក្រមា​មាស សាន គឹមស៊ាន ស្ថាបនិក​ចងក្រង​ដួង​ព្រលឹង ក្បាច់គុន​បុរាណ​ខ្មែរ​ល្បុក្កតោ កំពុង​ត្រូវ​បាន​សង្គ្រោះ​បន្ទាន់​នៅ​មន្ទីរពេទ្យ ខ្ញុំ​សូម​បួងសួង​ដល់​ទេវតា​គ្រប់​ទិសទី តាម​ថែរក្សា​គ្រូ​តា ឲ្យ​រួច​ផុត​ពី​ជំងឺ​ដ៏​សាហាវ​នេះ​ផង។ បើ​គ្មាន​ព្រឹទ្ធាចារ្យ​ក្រមា​មាស សាន គឹមស៊ាន ព្រលឹង​ក្បាច់គុន​ល្បុក្កតោ​របស់​ដូនតា​ខ្មែរ​មិន​មាន​ថ្ងៃនេះ​ទេ»។

សូម​បញ្ជាក់​ថា លោកគ្រូ​តា​ក្រមា​មាស សាន គឹមស៊ាន ត្រូវ​បាន​គេ​ចាត់​ទុក​ថា​លោកគ្រូ​ជា​ផ្នែក​មួយ​ដ៏​សំខាន់​ក្នុង​ការ​ចូលរួម​លើកស្ទួយ​ផ្សព្វផ្សាយ​ក្បាច់គុន​បុរាណ​ខ្មែរ “​ល្បុក្កតោ​” រហូត​ពិភពលោក​បាន​ស្គាល់ និង​ល្បីល្បាញ​លើ​ឆាក​អន្តរជាតិ។ លោកគ្រូ​តា សាន គឹមស៊ាន ទោះបី​លោក​ពេលនេះ​អាយុ​ច្រើន​ហើយ​ក្ដី តែ​លោកគ្រូ​តា បាន​ប្រើ​ពេលវេលា​ស្ទើរតែ​ពេញ​មួយ​ជីវិត​របស់​លោក​ខិតខំ​ប្រឹងប្រែង​ចងក្រង​ឯកសារ​លើក​ស្ទួយ​ផ្សព្វផ្សាយ និង​លះបង់​ច្រើន​ណាស់ ដើម្បី​វប្បធម៌​ក្បាច់គុន​បុរាណ​ខ្មែរ​គុន​”​ល្បុក្កតោ​”៕

អត្ថបទ ៖ ចាន់រ៉ា

The post អាការព្រឹទ្ធាចារ្យ សាន គឹមស៊ាន បានប្រសើរខ្លះហើយ ក្រោយបញ្ជូនទៅសង្គ្រោះបន្ទាន់ ទាំងកណ្ដាលអធ្រាត្រ appeared first on Kampuchea Thmey Daily.

លោក​គ្រូ​តា​ក្រមា​មាស សាន គឹមស៊ាន ត្រូវ​បាន​គេ​ចាត់​ទុក​ថា​ លោក​គ្រូ​ ជា​ផ្នែក​មួយ​ដ៏​សំខាន់​ក្នុង​ការ​ចូលរួម​លើក​ស្ទួយ​ និង​ផ្សព្វផ្សាយ​ក្បាច់​គុន​បុរាណ​ខ្មែរ “ល្បុក្កតោ” រហូត​ពិភព​លោក​បាន​ស្គាល់ និង​ល្បីល្បាញ​លើ​ឆាក​អន្តរជាតិ។ លោក​គ្រូ​តា​ក្រមា​មាស សាន គឹម​ស៊ាន ទោះ​បី​លោក​ ពេល​នេះ​មាន​​អាយុ​ច្រើន​ហើយ​ក្តី តែ​លោក​គ្រូ​តា​បាន​ប្រើ​ពេល​វេលា​ស្ទើរ​តែ​ពេញ​មួយ​ជីវិត​របស់លោក​ខិតខំ​ប្រឹងប្រែង​ចងក្រង​ឯកសារ​លើក​ស្ទួយ ផ្សព្វផ្សាយ និង​លះ​បង់​ យ៉ាង​ច្រើន​ដើម្បី​វប្បធម៌​ក្បាច់គុន​បុរាណ​ខ្មែរ​”ល្បុក្កតោ”។

យ៉ាង​ណា​មិញ បើ​តាម​ការ​ឱ្យ​ដឹង​ពី​តារា​សម្ដែង​ កញ្ញា ពេជ្រចរណៃ ដែល​ជា​កូន​សិស្ស​លោក​គ្រូតា​បាន​បញ្ជាក់​ប្រាប់«កម្ពុជា​ថ្មី»ថា លោក​គ្រូ​តា​ក្រមា​មាស សាន គឹម​ស៊ាន ពេល​នេះ​បាន​លះបង់​ដើម្បី​វប្បធម៌ ក្បាច់​គុន​ល្បុក្កតោ​ខ្មែរ​លើស​ពី​សុខភាព​ខ្លួន​ឯង​​ទៅ​ទៀត​​។ កញ្ញា​បាន​បន្ត​ថា បើ​ទោះ​បី​ជា​ពេល​នេះ លោក​ធ្លាក់​ខ្លួន​ឈឺ​ក៏ដោយ ប៉ុន្តែ​​លោក​គ្រូ​តា នៅ​តែ​ឆ្លៀត​ចង​ក្រង​ក្បាច់​គុន​បន្ថែម​ទៀត​ដើម្បី​ក្មេង​ៗ ក៏​ដូច​យុវជន​ជំនាន់​ក្រោយ។

តារា​សម្ដែង​កញ្ញា ពេជ្រ ចរណៃ បាន​ឆ្លៀត​ពេល​ចុះ​ទៅ​សួរ​សុខទុក្ខ​ដោយ​ផ្ទាល់ ព្រម​​ទាំង​បាន​​​អំពាវ​នាវ ហើយ​សង្ឃឹម​ថា សិស្ស​គុន​ល្បុក្កតោ​ទាំង​អស់​នឹង​ឆ្លៀត​ពេល​ដើម្បី​មក​សួរ​សុខ​ទុក្ខ​លោក​គ្រូតា​អោយ​បាន​គ្រប់​គ្នា។ ក្នុង​នោះ ចរណៃ បាន​ជូនពរ​លោក​គ្រូ​តា​ក្រមា​មាស សាន គឹមស៊ាន ឱ្យ​ឆាប់​ជា​សះ​ស្បើយ​ពី​ជំងឺ​ផង​ដែរ។

ឮ

សូម​បញ្ជាក់​ដែរ​ថា​​ នៅ​ក្នុង​សេចក្ដី​ប្រកាស​ព័ត៌មាន​របស់​ក្រសួង​វប្បធម៌ និង​វិចិត្រសិល្ប ស្តីពី​ការ​ចុះ​គុន”​ល្បុក្កតោ” ​ក្នុង​បញ្ជី​តំណាង​នៃ​បេតិកភណ្ឌ​វប្បធម៌​អរូបី​មនុស្ស​ជាតិ​របស់​អង្គការ​យូណេស្កូ​បាន​ឱ្យ​ដឹង​ថា ​កាលពីថ្ងៃ​ទី​២៩ ខែ​វិច្ឆិកា​ឆ្នាំ​២០២២ នៅ​ក្នុង​កិច្ច​ប្រជុំ​លើកទី​១៧​ នៃ​គណៈកម្មាធិការ​អន្តរ​រដ្ឋាភិបាល​ដើម្បី​ការពារ​បេតិកភណ្ឌ​វប្បធម៌​អរូបី​របស់​អង្គការ​យូណេស្កូ​ដែល​ប្រារព្ធ​ធ្វើ​នៅ​ទីក្រុង​រ៉ាបាត​នៃ​ព្រះរាជាណាចក្រ​ម៉ារ៉ុក​ បាន​អនុម័ត​យល់​ព្រម​ចុះ “គុន​ល្បុក្កតោ” ក្នុង​បញ្ជី​តំណាង​បេតិកភណ្ឌ​វប្បធម៌​អរូបី​នៃ​មនុស្ស​ជាតិ​របស់​អង្គការ​យូណេស្កូ​តាម​សេចក្ដី​ សម្រេច17.COM7៕

អត្ថបទ៖ ចាន់រ៉ា

The post ព្រឹទ្ធាចារ្យ សាន គឹមស៊ាន លះបង់ដើម្បីក្បាច់គុនល្បុក្កតោខ្មែរលើសសុខភាពខ្លួនឯង appeared first on Kampuchea Thmey Daily.