ព្រះកាយច័ន្ទ Archives - Kampuchea Thmey Daily

ព្រះកាយច័ន្ទ រំភើបចិត្ត ក្រោយឃើញជីវិតអ្នករបាំ ត្រូវបានរំលេចក្នុងភាពខ្សែភាពយន្តខ្មែរ

Chan Sotheavy — Fri, 18 Oct 2024 09:08:07 +0000

តារាសម្តែងនិងជាគ្រូបង្ហាត់រាំរបាំ កញ្ញា ព្រះកាយច័ន្ទ បានសម្តែងក្តីរំភើបបន្ទាប់ពីឃើញមានការផលិតភាពយន្ត ដែលនិយាយអំពីជីវិតអ្នករាំរបាំ ដើម្បីបង្ហាញឲ្យមហាជនបានយល់ច្បាស់ទាក់ទងរបាំបុរាណខ្មែរ។

លើសពីនេះ អ្វីដែលកាន់តែធ្វើឲ្យ ព្រះកាយច័ន្ទ មានក្តីសប្បាយចិត្តថែមទៀតនោះ គឺការជ្រើសរើសតួរអង្គសម្តែងដែលជាអ្នករបាំបុរាណពិតមកបង្ហាញសមត្ថភាព នាំឲ្យសាច់រឿងទាំងមូលកាន់តែមានភាពរស់រវើកថែមទៀត។ ហើយតាមរយ:សាច់រឿងនេះ បានបង្ហាញអំពីជីវិតតស៊ូររបស់ក្មេងរបាំដែលគ្មានអ្នកណាដឹង។

ជាមួយក្តីរំភើប ព្រះកាយច័ន្ទ បានបង្ហាញចំណាប់អារម្មណ៍របស់ខ្លួន ស្របពេលដែលភាពយន្តនេះត្រូវបានផលិតឡើងដូច្នេះថា ការដែលជ្រើសរើសយកអ្នករបាំបុរាណពិតមកសម្តែងបែបនេះរឹតតែធ្វើឲ្យភាពយន្តមានគុណភាព និងច្បាស់ក្បាច់ក្បួនខ្នាតភាពយន្តកម្ពុជា។

សូមបញ្ជាក់ថា ក្រៅពីការសម្តែងបច្ចុប្បន្ន ព្រះកាយច័ន្ទ ក៏កំពុងមមាញឹកការងារនៅសាលាសិល្បៈផ្ទាល់ខ្លួន ដែលកញ្ញាបានបើកការបង្រៀនក្មេងៗជំនាន់ក្រោយលើអាជីពសិល្ប:ស្ទើរគ្រប់ទម្រង់។

ព្រះកាយច័ន្ទ បានចូលប្រឡូកក្នុងសិល្បៈនាអំឡុងឆ្នាំ២០១១ ខណ:ដែលទស្សនិកជនស្គាល់នាងដំបូង តាមរយៈការធ្វើជាពិធីការិនីនិងសម្ដែងភាពយន្តជាច្រើន រួមមាន “ផ្ការីកក្នុងចិត្ត” និង រឿង”ភ្លើងព្យាបាទ” ជាដើម៕ អត្ថបទ៖ ចាន់រ៉ា

The post ព្រះកាយច័ន្ទ រំភើបចិត្ត ក្រោយឃើញជីវិតអ្នករបាំ ត្រូវបានរំលេចក្នុងភាពខ្សែភាពយន្តខ្មែរ appeared first on Kampuchea Thmey Daily.

ព្រះកាយច័ន្ទ ៖ ដល់ពេលហើយដែលត្រូវរួមគ្នាផ្សព្វផ្សាយពីសិល្ប:វប្បធម៌ខ្មែរ

Chan Sotheavy — Thu, 26 Sep 2024 04:51:57 +0000

ខណ:ដែលមហោស្រពសិល្ប:បុរាណខ្មែររឿង «ព្រះបាទជ័យវរ្ម័នទី៧» ខិតជិតចូលមកដល់ក្នុងពេលប៉ុន្មានថ្ងៃខាងមុខទៀតនេះ តារាសម្តែង និងជាគ្រូបង្ហាត់របាំ ព្រះកាយច័ន្ទ បានចេញមកបំផុសមហាជននិងអ្នកគាំទ្រត្រូវរួមគ្នាផ្សព្វផ្សាយពីសិល្ប:វប្បធម៌ខ្មែរឲ្យបានផុសផុល។

ទន្ទឹមគ្នានោះ កញ្ញា ព្រះកាយច័ន្ទ ក៏បានបង្ហាញអារម្មណ៍ហាក់អន់ចិត្តផងដែរ ដោយសាតែពុំឃើញបុគ្គលល្បីៗ នៅលើបណ្តាញសង្គមណាមួយចូលរួមផ្សព្វផ្សាយពីសិល្ប:បុរាណខ្មែរ ឲ្យបានច្រើននោះឡើយ។ កញ្ញាបានលើកឡើងដោយចង់ឃើញការរួមគ្នាចូលរួមការផ្សព្វផ្សាយឲ្យបានច្រើនលើសនេះ ដើម្បីបង្ហាញពីឆន្ទ:ស្រលាញ់សិល្ប:វប្បធម៌ដ៏ល្អផូរផង់របស់ខ្មែរ។

ព្រះកាយច័ន្ទ បន្តថា “នេះជាកាសម្តែងល្ខោនរបាំព្រះរាជទ្រព្យ ដែលទាំងអស់គ្នាតែងតែនិយាយថាស្រលាញ់និងចង់ការពារ ឥឡូវនេះដល់ពេលវេលាហើយ តែមិនសូវឃើញមានអ្នកជួយផ្សព្វផ្សាយបន្តទាល់តែសោះ ឬក៏ស្រលាញ់ត្រឹមតែបបូរមាត់ប៉ុណ្ណោះទេ”។

ទន្ទឹមនេះ ក៏បានស្នើឲ្យសាធារណជនចូលរួមគ្រាំទ្រ និងផ្សព្វផ្សាយបន្តឲ្យបានច្រើនផង សម្រាប់មហោស្រពសិល្ប:បុរាណខ្មែររឿង «ព្រះបាទជ័យវរ្ម័នទី៧» ដែលប្រារព្ធធ្វើនៅថ្ងៃ២៨-២៩ ខែកញ្ញាខាងមុខនេះ។

កម្មវិធីមហោស្រពរបាំក្បាច់បុរាណខ្មែររឿង”ព្រះបាទ ជ័យវរ្ម័នទី៧” គឺនឹងមានការសម្តែងនៅសាលមហោស្រពកោះពេជ្រ ចាប់ពីវេលាម៉ោង ១៥:០០ រសៀល និងវេលាម៉ោង១៨:០០ ល្ងាច។ លើសពីចូលរួមទស្សនា លោកអ្នកក៏បានរួមចំណែកអភិរក្សគាំទ្រនិងលើកស្ទួយគុណៈតម្លៃដ៏វិសេសនៃសិល្បៈវប្បធម៌ខ្មែរទៀតផង៕ អត្ថបទ៖ ចាន់រ៉ា

The post ព្រះកាយច័ន្ទ ៖ ដល់ពេលហើយដែលត្រូវរួមគ្នាផ្សព្វផ្សាយពីសិល្ប:វប្បធម៌ខ្មែរ appeared first on Kampuchea Thmey Daily.

ព្រះកាយ ច័ន្ទ ប្រកាសចូលប្រកួត Miss Grand ជាឆ្នាំចុងក្រោយ នៃអាយុកំណត់

អ៊ិន ពិសី — Wed, 13 Sep 2023 02:43:32 +0000

ព្រះកាយ ច័ន្ទ ថ្វីត្បិតបច្ចុប្បន្នកំពុងដើរលើអាជីពជាតារាសម្ដែងដែលទទួលបានការគាំទ្រពីមហាជនច្រើនហើយពិតមែន តែនាងនៅតែមិនបោះបង់ឱកាសនៅលើវិថីសិល្បៈឡើយ ខណៈកាលពីថ្មីៗកន្លងទៅ ស្រីស្អាតរូបនេះ បានបង្ហាញខ្លួនក្នុងកម្មវិធីប្រឡងចម្រៀងលំដាប់ថ្នាក់ពិភពលោកមួយ ប៉ុន្តែកាលនោះមិនទទួលលទ្ធផលល្អទេ។

ដោយឡែករឿងដែលអ្នកគាំទ្រចាប់អារម្មណ៍ថែមទៀត ស្រាប់តែមុននេះ ស្រីស្អាត ព្រះកាយ ច័ន្ទ បានបង្ហើបពីបំណងចូលរួមប្រកួតក្នុងកម្មវិធីប្រឡងបវរកញ្ញា Miss Grand Cambodia 2024 នាពេលខាងមុខនេះ។ ដំណឹងនេះ បានធ្វើឲ្យអ្នកគាំទ្រសម្ដែងការគាំទ្រ និងជូនពរនាងឲ្យសម្រេចក្ដីបំណងក្នុងការប្រឡងមួយនេះ។

នៅលើទំព័រហ្វេសប៊ុក beauty pageant reviewer បានបញ្ជាក់ថា «ព្រះកាយ ច័ន្ទ ប្រកាសនឹងចូលរួមប្រកួតបវរកញ្ញា Miss Grand Cambodia នៅក្នុងអាយុ ២៨ ឆ្នាំ ដែលជាឆ្នាំចុងក្រោយ នៃអាយុកំណត់(មានតែពាក្យថាល្បី និងល្បីហើយ Grand ឆ្នាំ ២០២៤)។ ចំណែកឯសាមីខ្លួន ព្រះកាយ ច័ន្ទ ក៏បានបង្ហាញតម្រុយដូចគ្នាក្នុងការត្រៀមខ្លួនចូលប្រកួតផងដែរ។

សូមបញ្ជាក់ថា ព្រះកាយ ច័ន្ទ បានចូលប្រឡូកវិស័យសិល្បៈនាអំឡុងឆ្នាំ ២០១១ ខណៈទស្សនិកជនស្គាល់នាងដំបូងតាមរយៈការធ្វើជាពិធីការិនី និងសម្ដែងភាពយន្តជាច្រើនរួមមាន ៖ “ផ្ការីកក្នុងចិត្ត”និងរឿង”ភ្លើងព្យាបាទ” ជាដើម។ បច្ចុប្បន្ន ព្រះកាយ ច័ន្ទ ក៏កំពុងមមាញឹកការងារនៅសាលាសិល្បៈផ្ទាល់ខ្លួនដែលនាងបើកបង្រៀនក្មេងៗជំនាន់ក្រោយនៅលើអាជីពសិល្បៈស្ទើរគ្រប់ទម្រង់៕

អត្ថបទ ៖ ចាន់រ៉ា

The post ព្រះកាយ ច័ន្ទ ប្រកាសចូលប្រកួត Miss Grand ជាឆ្នាំចុងក្រោយ នៃអាយុកំណត់ appeared first on Kampuchea Thmey Daily.

ទោះមិនទទួលលទ្ធផលល្អ ព្រះកាយច័ន្ទ សប្បាយចិត្តបានបំពេញបំណងឪពុកដែលចែកឋាន

អ៊ិន ពិសី — Mon, 19 Jun 2023 09:21:02 +0000

ជាការពិតទោះមានឈ្មោះជាអ្នកសិល្បៈល្បីនៅលើវិស័យភាពយន្ត តែ ព្រះកាយច័ន្ទ នៅតែបង្ហាញខ្លួនដោយចូលរួមប្រឡងកម្មវិធីចម្រៀងលំដាប់ថ្នាក់ពិភពលោក The Voice Cambodia រដូវកាលទី ៣ដើម្បីសម្រេចក្ដីបំណងមួយនេះ។

ការបង្ហាញវត្តមានរបស់តារាសម្ដែងចាស់វស្សា កញ្ញា ព្រះកាយច័ន្ទ នៅលើឆាក នៃការប្រឡងលំដាប់ថ្នាក់ពិភពលោកមុននេះ បានធ្វើឲ្យមហាជន និងអ្នកគាំទ្រ ពិសេសនិយមតាមដានវិស័យប្រឡងចម្រៀងនៅកម្ពុជា មានក្ដីរំភើប ថែមទាំងភ្ញាក់ផ្អើលខ្លាំងផងដែរ។ ប៉ុន្តែអ្វីដែលសោកស្ដាយ ព្រះកាយច័ន ពុំទទួលបានលទ្ធផលល្អទេ ពោលគឺមិនទទួលបានកៅអីឆ្លងទៅវគ្គបន្តទេ។

ថ្វីត្បិតស្រីស្អាត ព្រះកាយច័ន្ទ មិនអាចឈ្នះឆ្លងទៅវគ្គបន្តនៅក្នុងការប្រឡងនេះក្ដី តែនាងបានបំពេញតាមបំណងលោកឪពុកដែលចែកឋានរួចហើយ។ ម្យ៉ាងទៀត នាង ក៏ទទួលយកនូវលទ្ធផលនេះដោយការសប្បាយចិត្ត និងចាត់ទុកជាបទពិសោធន៍ ហើយខិតខំបន្តទៀត។ សំខាន់នាងបានបំពេញបំណងឪពុកហើយ ជាប់មិនជាប់ វាជារឿងធម្មតាក្នុងការប្រឡង។

ក្នុងនោះ ព្រះកាយច័ន្ទ ក៏បានសូមសំណូមពរចំពោះអ្នកគាំទ្រកុំបញ្ចេញមតិអវិជ្ជមាន ឬពាក្យមិនសមរម្យចំពោះកម្មវិធី ឬគណៈកម្មការ ព្រោះនាងយល់ថា អ្នកទាំងអស់គ្នាសោកស្ដាយ ប៉ុន្តែវាមិនពិបាកទេដែលយើងទទួលយកការពិត។ នាងនៅតែរីករាយជាមួយសកម្មភាព និងលទ្ធផល កាលពីយប់មិញ ហើយអារម្មណ៍ថាបរាជ័យដោយភាពស្រស់ស្អាត បរាជ័យដោយសេចក្ដីថ្លៃថ្នូរ និងទទួលក្ដីស្រឡាញ់បានយ៉ាងច្រើនពីមហាជន។

សូមបញ្ជាក់ថា ព្រះកាយច័ន្ទ បានចូលប្រឡូកក្នុងសិល្បៈនាអំឡុងឆ្នាំ ២០១១ ខណៈទស្សនិកជនស្គាល់នាងដំបូងតាមរយៈការធ្វើជាពិធីការិនី និងសម្ដែងភាពយន្តជាច្រើនរួមមាន “ផ្ការីកក្នុងចិត្ត” របស់ CTN និងរឿង”ភ្លើងព្យាបាទ” របស់ស្ថានីយទូរទស្សន៍ប៉ុស្តិ៍លេខ ៩ ជាដើម។ បច្ចុប្បន្ន ព្រះកាយច័ន្ទ ក៏កំពុងមមាញឹកការងារនៅសាលាសិល្បៈផ្ទាល់ខ្លួនដែលនាងបើកបង្រៀនក្មេងៗជំនាន់ក្រោយលើអាជីពសិល្បៈស្ទើរគ្រប់ទម្រង់៕

អត្ថបទ ៖ ចាន់រ៉ា

The post ទោះមិនទទួលលទ្ធផលល្អ ព្រះកាយច័ន្ទ សប្បាយចិត្តបានបំពេញបំណងឪពុកដែលចែកឋាន appeared first on Kampuchea Thmey Daily.

ព្រះកាយច័ន្ទ បញ្ជាក់ក្រោយប្រកាសចូលប្រឡងបវរកញ្ញាឆ្នាំ ២០២៣

អ៊ិន ពិសី — Fri, 20 Jan 2023 03:18:58 +0000

តារាសម្ដែង ព្រះកាយច័ន្ទ បានធ្វើឲ្យអ្នកគាំទ្រចាប់អារម្មណ៍គ្រប់គ្នា បន្ទាប់ពីតារាស្រីរូបនេះ ប្រកាសត្រៀមខ្លួនចូលប្រឡងកម្មវិធីបវរកញ្ញានៅក្នុងឆ្នាំ ២០២៣ នេះ។ ការប្រកាសនេះបានធ្វើឲ្យអ្នកគាំទ្រសម្ដែងការអបអរគ្រប់គ្នា និងចង់ឃើញនាងបង្ហាញខ្លួនឆាប់ៗនេះ។

បង្ហោះនៅលើបណ្ដាញសង្គមហ្វេសប៊ុក តារាស្រីរូបស្រស់ ព្រះកាយច័ន្ទ បាននិយាយយ៉ាងភ្ញាក់ផ្អើលថា នាងខ្ញុំ ព្រះកាយច័ន្ទ សូមជម្រាបដល់បងប្អូនសាធារណជនឲ្យបានជ្រាបថា នាងខ្ញុំនឹងចូលរួមប្រឡងក្នុងកម្មវិធី Miss….Seemore។

ទាក់ទងនឹងដំណឹងនេះដែរ ក៏មានសំនួរពីអ្នកគាំទ្រជាច្រើនដែរថា តើ ព្រះកាយច័ន្ទ ប្រាកដជាចូលប្រឡងនៅក្នុងវិស័យបវរកញ្ញាក្នុងឆ្នាំនេះពិត ឬយ៉ាងណា?។ ជាការឆ្លើយតប ត្រូវបានស្រីស្អាតរូបនេះបញ្ជាក់ឲ្យដឹងមកដូច្នេះថា នាងគ្រាន់តែនិយាយលេងប៉ុណ្ណោះ។ នាងនិយាយទៀតថា ប្រសិនបើមានឱកាស ខ្លួនអាចមានវត្តមានប្រឡង។

បច្ចុប្បន្ន ព្រះកាយច័ន្ទ ក៏កំពុងមមាញឹកការងារនៅសាលាសិល្បៈផ្ទាល់ខ្លួនដែលនាងបើកបង្រៀនក្មេងៗជំនាន់ក្រោយលើអាជីពសិល្បៈស្ទើរគ្រប់ទម្រង់៕

អត្ថបទ ៖ ចាន់រ៉ា

The post ព្រះកាយច័ន្ទ បញ្ជាក់ក្រោយប្រកាសចូលប្រឡងបវរកញ្ញាឆ្នាំ ២០២៣ appeared first on Kampuchea Thmey Daily.