ព្រះអគ្គិជ័យ Archives - Kampuchea Thmey Daily

ព្រះអគ្គិជ័យកីឡា បានមកដល់ទឹកដីប្រវត្តិសាស្ត្រក្រុងសៀមរាបជាថ្មីម្ដងទៀត ក្រោមការសាទរពីពលរដ្ឋយ៉ាងច្រើនកុះករ

Kang Tola — Wed, 03 May 2023 13:32:59 +0000

សៀមរាប ៖ ភ្លើងគប់ ព្រះអគ្គិជ័យកីឡា ត្រូវបានដង្ហែមកដល់ខេត្តសៀមរាបជាថ្មីម្ដងទៀត នៅព្រឹកថ្ងៃទី០៣ ខែមេសា ឆ្នាំ២០១៣នេះ ក្រោមការចូលរួមអបអរសាទរពីប្រជាពលរដ្ឋយ៉ាងច្រើនសន្ធឹកសន្ធាប់។

លោក ទៀ សីហា អភិបាលខេត្តសៀមរាប មានប្រសាសន៍ថា វាជាមោទនភាព ដែលខេត្តសៀមរាប បានទទួលការវិលត្រឡប់មកវិញនូវព្រះអគ្គិជ័យកីឡា សម្រាប់ព្រឹត្តិការណ៍ប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះ។ ជាមួយនឹងការអបអរសាទរនេះ មានអ្នកស្ម័គ្រចិត្តប្រមាណជា១៥០០នាក់ បានចូលរួមដង្ហែ និងជាច្រើននាក់ទៀតបានចូលរួមអបអរការដង្ហែព្រះអគ្គិជ័យកីឡា យកទៅរក្សាទុកនៅវត្តព្រះរាជបូណ៌ មុននឹងដង្ហែបន្តទៅកាន់ខេត្តកំពង់ធំនាថ្ងៃទី០៤ ខែមេសានេះ។

សូមជម្រាបថា កាលពីថ្ងៃទី២១ ខែមីនា ឆ្នាំ២០២៣ នៅក្តារបែន មុខប្រាសាទអង្គរវត្ត នាខេត្តសៀមរាប ព្រះករុណាជាអម្ចាស់ជីវិតតម្កល់លើត្បូង ព្រះមហាក្សត្រនៃព្រះរាជណាចក្រកម្ពុជា បានប្រទានអគ្គិជ័យកីឡានេះ សម្រាប់ព្រឹត្តិការណ៍ប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២។

ជាមួយបេសកកម្មដ៏ពិសេស នៃដំណើរឆ្ពោះទៅពិធីបើកការប្រកួតកីឡាស៊ីហ្គេម-អាស៊ានប៉ារ៉ាហ្គេមនៅកម្ពុជានេះ សម្ដេចពិជ័យសេនា ទៀត បាញ់ បានចាត់តាំងប្រតិភូមួយក្រុម ដឹកនាំដោយលោក ហោ សារុន រដ្ឋលេខាធិការក្រសួងទេសចរណ៍ គឺជាបេសកជនពិសេសតំណាង CAMSOC ព្រមទាំងអនុប្រធាន និងសមាជិក ៨រូបទៀត ដើម្បីធ្វើការជាមួយស្ថានទូត និងស្ថានតំណាងកម្ពុជាប្រចាំប្រទេសនានា រៀបចំពិធីដង្ហែព្រះអគ្គិជ័យកីឡា ចាប់ពីខេត្តសៀមរាប រហូតត្រឡប់មកកម្ពុជាវិញ ឲ្យទទួលបានជោគជ័យ។ បន្ទាប់ពីព្រះអគ្គីជ័យកីឡា ចូលដល់ទឹកដីកម្ពុជា តំណាង CAMSOC និងរដ្ឋបាលខេត្តស្ទឹងត្រែង នឹងត្រូវទទួលព្រះអគ្គិជ័យកីឡា ហើយដង្ហែតាមរថយន្ដឆ្ពោះមកខេត្តស្ទឹងត្រែង ហើយសម្រាកនៅទីនោះមួយយប់ មុនបន្ដដំណើរមកកាន់រាជធានីភ្នំពេញ នៅថ្ងៃទី២៨ ខែមេសា។ ដូច្នេះរាល់ការឈប់សម្រាកនៅប្រទេស ឬរាជធានី-ខេត្តនីមួយៗ ចង្កៀងព្រះអគ្គិជ័យកីឡា នឹងត្រូវរក្សានៅស្ថានទូត ឬទីវត្តអារាម យ៉ាងត្រឹមត្រូវបំផុត។

ក្រោយបញ្ចប់ពិធីដង្ហែព្រះអគ្គិជ័យកីឡា នៅបណ្ដាប្រទេសតំបន់អាស៊ាន និងទីម័រខាងកើត គឺជាពេលវេលារៀបចំពិធីដង្ហែព្រះអគ្គិជ័យកីឡា តាមបណ្ដាខេត្តជាប់បឹងទន្លេសាបវិញម្ដង ដោយចេញដំណើរពីរាជធានីភ្នំពេញ ឆ្ពោះទៅខេត្តកំពង់ឆ្នាំង ពោធិ៍សាច់ បាត់ដំបង បន្ទាយមានជ័យ សៀមរាប កំពង់ធំ កំពង់ចាម ចាប់ពីថ្ងៃទី២៩ ខែមេសា រហូតដល់ល្ងាចថ្ងៃទី០៥ ខែឧសភា ពោលគឺចំពេលប្រារព្ធពិធីបើកការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា ជាផ្លូវការតែម្ដង។

ពិធីដង្ហែព្រះអគ្គិជ័យកីឡានេះ មិនត្រឹមតែជាពិធីមួយ ដែលជានិមិត្តរូបតំណាងឲ្យការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នោះទេ ប៉ុន្ដែក៏ជាការបង្ហាញពីភាពរឹងមាំ មោះមុត ការរីកចម្រើន និងការអភិវឌ្ឍលើគ្រប់វិស័យក្នុងប្រទេសកម្ពុជា ក្រោមដំបូងសន្ដិភាព។ លើសពីនេះ ព្រះអគ្គីកីឡា ដែលដង្ហែគ្រប់បណ្ដាប្រទេសក្នុងតំបន់ គឺជាការពង្រឹងសាមគ្គីភាព ចំណងមិត្តភាព ភាពចុះសម្រុងគ្នា និងសុខដុមរមនាតាមរយៈការប្រកួតកីឡា ដែលជាប្រជាជាតិអាស៊ានតែមួយ មានទស្សនៈតែមួយ អត្តសញ្ញាណតែមួយ សហគមន៍តែមួយ រស់នៅក្នុង “សហគមន៍សន្ដិភាព និងវាសនាតែមួយ”៕

ដោយ ៖ គឿនវេត

The post ព្រះអគ្គិជ័យកីឡា បានមកដល់ទឹកដីប្រវត្តិសាស្ត្រក្រុងសៀមរាបជាថ្មីម្ដងទៀត ក្រោមការសាទរពីពលរដ្ឋយ៉ាងច្រើនកុះករ appeared first on Kampuchea Thmey Daily.

ក្បួនដង្ហែព្រះអគ្គិជ័យកំពុងឆ្ពោះទៅក្រុងសៀមរាប

deth leng — Wed, 03 May 2023 04:20:19 +0000

ក្បួនដង្ហែព្រះអគ្គិជ័យកីឡាអមដោយការជិះកង់ និងក្រុមម៉ូតូធំ ព្រមទាំងរថយន្ត កំពុងធ្វើដំណើរចេញពីស្រុកក្រឡាញ់ ឆ្ពោះមកកាន់ទីរួមខេត្តសៀមរាបហើយ។

សូមរម្លឹកថា ព្រះអគ្គិជ័យកីឡា ត្រូវបានរៀបចំពិធីដង្ហែចាកចេញពីរាជធានីភ្នំពេញ ឆ្ពោះទៅកាន់បណ្តាខេត្តជុំវិញបឹងទន្លេសាប មុននឹងវិលចូលមករាជធានីភ្នំពេញវិញ ដើម្បីបើកការប្រកួតផ្លូវការនៅថ្ងៃទី ៥ ខែឧសភា ឆ្នាំ២០២៣ នៅពហុកីឡដ្ឋានជាតិមរតតេជោ។

អត្ថបទ៖ គឿន វេត

The post ក្បួនដង្ហែព្រះអគ្គិជ័យកំពុងឆ្ពោះទៅក្រុងសៀមរាប appeared first on Kampuchea Thmey Daily.

ក្បួនដង្ហែព្រះអគ្គិជ័យកីឡាស៊ីហ្គេមបានមកដល់ខេត្តកំពង់ឆ្នាំងមានប្រជាពលរដ្ឋមន្ត្រីរាជការជាង២០ ម៉ឺននាក់បានចូលរួមអបអរសាទរ

Kang Tola — Sat, 29 Apr 2023 11:01:41 +0000

កំពង់ឆ្នាំង ៖ គណៈប្រតិភូដង្ហែព្រះអគ្គិជ័យកីឡាស៊ីហ្គេមលើកទី ៣២ និងអាស៊ីប៉ារ៉ាហ្គេមលើកទី ១២ បានមកដល់ខេត្តកំពង់ឆ្នាំងចំណុចព្រះគោព្រះកែវស្ថិតក្នុងភូមិជន្លត់ដៃ ឃុំស្វាយ ស្រុកសាមគ្គីមានជ័យខេត្តកំពង់ឆ្នាំង ជាប់ព្រំប្រទល់ខេត្តកំពង់ស្ពឺនៅវេលាម៉ោង ៩និង ៣០នាទីព្រឹកថ្ងៃទី២៩ ខែមេសាឆ្នាំ២០២៣ ដោយមានប្រជាពលរដ្ឋនៅក្នុងខេត្តកំពង់ឆ្នាំងចូលរួមអបអរសាទរទទួលនិងចូលរួមដង្ហែដង្ហែជាង២០ ម៉ឺននាក់។

នៅក្នុងការទទួលគណៈរដ្ឋប្រតិភូថ្នាក់ជាតិដង្ហែព្រះអគ្គិកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី ១២ឆ្នាំ២០២៣យើងសង្កេតឃើញវត្តមាន លោកឡុង ឈុនឡៃ ប្រធានក្រុមប្រឹក្សាខេត្ត លោក ស៊ុនសុវណ្ណារិទ្ធិ អភិបាលខេត្តកំពង់ឆ្នាំង លោកនី ផល្លី រដ្ឋលេខាធិការក្រសួងទេសចរណ៍ លោកជំទាវ កែ ច័ន្ទមុន្នី អ្នកតំណាងរាស្ត្រមណ្ឌលខេត្តកំពង់ឆ្នាំង កងកម្លាំងទាំង៣សិស្សានុសិស្សលោកគ្រូអ្នកគ្រូបងប្អូនប្រជាពលរដ្ឋនៅឈតាមបណ្តោយផ្លូវជាតិ៥រង់ចាំក្រវីទង់ជាតិទង់សាសនា អបអសារទព្រះអគ្គិជ័យកីឡាដែលមានចម្ងាយផ្លូវប្រវែង៥១គីឡូម៉ែត្រពីព្រំប្រទល់ស្រុកឧត្តុង្គខេត្តកំពង់ស្ពឺ មកកាន់ទីក្រុងកំពង់ឆ្នាំង។

លោក ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំងបានមានប្រសាសន៍ថា រយៈពេល១ ថ្ងៃនេះសង្កេតឃើញប្រជាពលរដ្ឋយើងបានអញ្ជើញចូលរួមបង្ហាញអោយឃើញពីទឹកចិត្តក្លៀវក្លាអស់ពីបេះដូងដើម្បីចូលរួមស្វាគមន៍ការដង្ហែក្បួនព្រះអគ្គិជ័យកីឡាសបញ្ជាក់ថា បងប្អូនប្រជាពលរដ្ឋគាំទ្រនូវសន្តិភាព។

កម្ពុជាយើងបានទទួលនូវសុខសន្តិភាពមកដល់ពេលនេះ ដោយសារគោលនយោបាយឈ្នះៗរបស់សម្តេចតេជោហ៊ុនសែន ដោយសារតែគោលនយោបាយឈ្នះៗទើបមានសន្តិភាពទើបមានព្រឹត្តិការណ៍កីឡាអន្តរជាតិកើត ឡើងដូចថ្ងៃនេះ ទើបយើងដាក់ចេញនៅកីឡាក្នុងសន្តិភាព ក្នុងឱកាសនេះបងប្អូនប្រជាពលរដ្ឋសូមស្វាគមន៍នៅភាសាកីឡារស់នៅក្នុងសន្តិភាព។

សូមបញ្ជាក់ផងដែរថា នៅល្ងាចថ្ងៃ២៩នេះក្បួនព្រះអគ្គីជ័យកីឡាត្រូវបានដង្ហែទៅតម្កល់នៅវត្តអារញ្ញកា រាម ដើម្បីរៀបចំតាមបែបសាសនាហើយនៅព្រឹកស្អែកនិងបន្តទៅកាន់ខេត្តពោធិ៍សាត់ ។

ចំពោះការដង្ហែព្រះអគ្គិជ័យកីឡាឆ្លងកាត់ខេត្តកំពង់ឆ្នាំង លោកអភិបាលខេត្តកំពង់ឆ្នាំងបានឱ្យដឹងថា ថ្ងៃនេះនិងថ្ងៃស្អែកមានព្រះសង្ឃប្រជាពលរដ្ឋ មន្ត្រីរាជការ កងកម្លាំងប្រដាប់អាវុធទាំង៣ប្រភេទសិស្សានុសិស្សលោកគ្រូអ្នកគ្រូចូលរួមសរុបប្រមាណជា២០ម៉ឺននាក់ ៕

ដោយ ៖ ឈៀង ថារិទ្ធ

The post ក្បួនដង្ហែព្រះអគ្គិជ័យកីឡាស៊ីហ្គេមបានមកដល់ខេត្តកំពង់ឆ្នាំងមានប្រជាពលរដ្ឋមន្ត្រីរាជការជាង២០ ម៉ឺននាក់បានចូលរួមអបអរសាទរ appeared first on Kampuchea Thmey Daily.

ព្រះអគ្គិជ័យកីឡាបន្តដង្ហែក្បួនឆ្ពោះទៅខេត្តជុំវិញបឹងទន្លេសាបព្រឹកនេះ

deth leng — Sat, 29 Apr 2023 01:11:51 +0000

ព្រះអគ្គិជ័យកីឡាត្រូវដង្ហែពីវត្តលង្កាព្រះកុសុមារាម ឆ្ពោះមកវិមានឯករាជ្យ ដឹកនាំដោយតំណាងគណៈកម្មាធិការជាតិរៀបចំព្រឹត្តិការកីឡាស៊ីហ្គេម (CAMSOC) និងក្រុមការងារ កីឡាករ កីឡាការិនីឆ្នើមមួយចំនួន និងមានក្រុមឆៃយ៉ាំនាំមុខ។

តំណាង CAMSOC បានប្រគល់ព្រះអគ្គិជ័យកីឡាជូនលោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ដង្ហែពីវិមានឯករាជ្យឆ្ពោះទៅមុខវិទ្យាល័យស៊ីសុវត្ថិ ទើបលោកប្រគល់ជូន លោក ឃួង ស្រេង ទីប្រឹក្សាផ្ទាល់សម្តេចតេជោ នាយករដ្ឋមន្ត្រី និងជាអភិបាលនៃគណៈអភិបាលរាជធានីភ្នំពេញ ដង្ហែបន្តមកផ្លូវភ្លោះអង្គឌួង រួចឡើងមកមហាវិថីសហព័ន្ធរុស្ស៊ី ដល់បន្ទាយទាហាន DN ត្រឡប់ក្រោយមកស្តុបបេកាសេ ឡើងមកមហាវិថីព្រះមុនីវង្ស ឆ្ពោះមករង្វង់មូលគួចកាណុង បន្តមកផ្លូវជាតិលេខ ៥ រួចប្រគល់ជូនកីឡាករ កីឡាការិនីឆ្នើម ដង្ហែឆ្ពោះទៅកាន់ខេត្តកំពង់ឆ្នាំងតែម្តង៕

អត្ថបទ៖ ស្រីរ័ត្ន

The post ព្រះអគ្គិជ័យកីឡាបន្តដង្ហែក្បួនឆ្ពោះទៅខេត្តជុំវិញបឹងទន្លេសាបព្រឹកនេះ appeared first on Kampuchea Thmey Daily.

ព្រះអគ្គិជ័យកីឡាស៊ីហ្គេម បានធ្វើដំណើរ ចាកចេញ ពីខេត្តស្ទឹងត្រែង

deth leng — Fri, 28 Apr 2023 02:45:34 +0000

ព្រះអគ្គិជ័យកីឡា នៃស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ បានធ្វើដំណើរ ចាកចេញ ពីខេត្តស្ទឹងត្រែង ខេត្តក្រចេះ។

បន្ទាប់មកព្រះអគ្គិជ័យកីឡា នឹងត្រូវដង្ហែឆ្លងកាត់ និងប្រារព្ធពិធីទទួលតាម ខេត្តត្បូងឃ្មុំ ខេត្តកំពង់ចាម ខេត្តកណ្ដាល និងចុងក្រោយរាជធានីភ្នំពេញ មានប្រារព្ធពិធីទទួលនៅរមណីយដ្ឋានប្រវត្តិសាស្ត្រវត្តភ្នំ រួចទើបដង្ហែទៅតម្កល់ទុកនៅ វត្តលង្កាព្រះកុសុមារាម។

សូមជំរាបថា គុបព្រះអគ្គិជ័យកីឡា ត្រូវបានដង្ហែទៅកាន់ទៅបណ្តាប្រទេសនានា ក្នុងតំបន់អាស៊ី-អាគ្នេយ៍រួចទើបដង្ហែរចូលមកប្រទេសកម្ពុជាវិញនៅថ្ងៃទី ២៧ ខែមេសា ឆ្នាំ២០២៣ ពីប្រទេសឡាវ តាមច្រកទ្វារអន្តរជាតិត្រពាំងគ្រៀល៕ អត្ថបទ៖ ងិន លីម

The post ព្រះអគ្គិជ័យកីឡាស៊ីហ្គេម បានធ្វើដំណើរ ចាកចេញ ពីខេត្តស្ទឹងត្រែង appeared first on Kampuchea Thmey Daily.

ព្រះអគ្គិជ័យ Archives - Kampuchea Thmey Daily

ក្បួនដង្ហែព្រះអគ្គិជ័យកំពុងឆ្ពោះទៅក្រុងសៀមរាប

ព្រះអគ្គិជ័យកីឡាបន្តដង្ហែក្បួនឆ្ពោះទៅខេត្តជុំវិញបឹងទន្លេសាបព្រឹកនេះ

​ព្រះអគ្គិជ័យកីឡាស៊ីហ្គេម បានធ្វើដំណើរ ចាកចេញ ពីខេត្តស្ទឹងត្រែង ​

ព្រះអគ្គិជ័យកីឡាស៊ីហ្គេម បានធ្វើដំណើរ ចាកចេញ ពីខេត្តស្ទឹងត្រែង