យោងតាមឧទ្យាន Crater of Diamonds បានឲ្យដឹងថា ការរកឃើញនេះកើតឡើង បន្ទាប់ពីការបញ្ចប់គម្រោងជីកកកាយនៅឧទ្យានមួយនេះ ហើយនេះក៏មិនមែនជារឿងថ្មីនោះទេដែលមានអ្នករើសបានពេជ្រនៅឧទ្យាននេះ ខណៈពេជ្រដែលគេរើសបានធំបំផុតនៅឧទ្យានកាលពីខែមីនាមានទំហំ ៣.២៩ ការ៉ាត់ ។

ឧទ្យាន Crater of Diamonds ជាកន្លែងតែមួយគត់នៅក្នុងពិភពលោក ដែលសាធារណជនអាចរើសបានពេជ្រពីប្រភពដើមផ្សេងៗគ្នា ។ ក្រៅពីពេជ្រ អ្នកអាចរើសបានថ្ម រ៉ែ និងត្បូងធម្មជាតិផងដែរ ។

បើគិតពីឆ្នាំ ១៩៧២ មក គេរើសបានពេជ្រជាង ៣៥ ០០០ គ្រាប់ នៅឧទ្យាន Crater នោះ ។ ចំណែកឯត្បូងពេជ្រធំបំផុតមានទំហំដល់ទៅ ៤០.២៣ ការ៉ាត់ឯណោះ ហើយត្រូវគេរើសបានកាលពីឆ្នាំ ១៩២៤ ៕

ប្រែសម្រួល៖ វារី

ប្រភព៖ people

ចុចអាន៖ មនុស្ស ៨ នាក់ ក្លាយជាសេដ្ឋីដោយសារទិញរបស់ជជុះ

The post ក្មេងស្រីអាមេរិកម្នាក់រើសបានពេជ្រជិត ៣ ការ៉ាត់នៅឧទ្យានរដ្ឋ Arkansas appeared first on Kampuchea Thmey Daily.

១. Laura Stouffer

អ្នកស្រី Laura ជាអ្នកទិញ-លក់គំនូរម្នាក់ គាត់បានទិញរូបគំនូរមួយផ្ទាំងដ៏ចាស់ប្រហែលតាំងពីពាក់កណ្ដាលទសវត្សរ៍ឆ្នាំ ១៨៨០ ក្រោមតម្លៃ ២-៣ ដុល្លារ នៅហាងទំនិញជជុះមួយក្នុង Summerville រដ្ឋ Carolina ខាងត្បូង កាលពីឆ្នាំ ២០០៧  តាមពិតគំនូរនេះគឺជាផ្ទាំងរូបភាពឆ្នាំ ១៩៣០ ដែលមានតម្លៃប្រហែល ២ ម៉ឺនដុល្លារឯណោះ ។

២. Sean និង Rikki MacEvoy (ប្ដី-ប្រពន្ធ)

ក្នុងឆ្នាំ ២០១៤ Sean និង Rikki MacEvoy បានទិញអាវក្រៅ West Point មួយនៅហាងជជុះ Goodwill ក្រោមតម្លៃ ៥៨ សេន ដោយសង្ឃឹមថានឹងដាក់លក់វិញជាអាវបុរាណ ដោយសារតែសភាពចាស់ពេក អ្នកស្រី Rikki សម្រេចចិត្តជួសជុលវាសម្រាប់ឲ្យប្ដីពាក់វិញ ។ ថ្ងៃមួយអ្នកទាំងពីរកំពុងមើលវីដេអូឯកសារស្ដីពីគ្រូបង្វឹកបាល់ទាត់ដ៏ល្បីល្បាញម្នាក់ឈ្មោះ Vince Lombardi ក៏សង្កេតឃើញគាត់ពាក់អាវដូចគ្នាបេះដាក់ ទើបដឹងថាជាអាវតែមួយព្រោះមានឈ្មោះម្ចាស់លើនោះតែម្ដង ហើយលក់ចេញក្រោមតម្លៃ ៤៣,០២០ ដុល្លារ ។

៣. ស្ត្រីនៅទីក្រុង Philadelphia

ស្ត្រីម្នាក់ (មិនបញ្ចេញឈ្មោះ) បានទិញខ្សែកមួយខ្សែនៅផ្សារក្រោមតម្លៃ ១៥ ដុល្លារក្នុងឆ្នាំ ២០០៥ ដល់ឆ្នាំ ២០០៨ នាងបានពាក់វាដើម្បីចូលរួមការតាំងពិព័រណ៍ Alexander Calder នៅសារមន្ទីរ Philadelphia ។ ស្ត្រីនោះសង្កេតឃើញថា ខ្សែករបស់ខ្លួនមានលក្ខណៈស្រដៀងខ្សែកអ្នកផ្សេងទៀតទើបគាត់ធ្វើការត្រួតពិនិត្យឲ្យអស់មន្ទិលហើយរកឃើញថាវាជារបស់ពិតមានតម្លៃដល់ទៅ ៣០ ម៉ឺនដុល្លារ ។

៤. Michael Sparks

កាលពីឆ្នាំ ២០០៦ លោក Michael បានទិញឯកសារមួយច្បាប់នៅហាងជជុះក្នុងទីក្រុង Nashville នៃរដ្ឋ Tennessee ក្រោមតម្លៃ ២.៤៨ ដុល្លារ ។ ដោយភាពងឿងឆ្ងល់ គាត់ក៏បានស្រាវជ្រាវបន្ថែមពីវា លទ្ធផលបង្ហាញថានោះជាឯកសារមួយក្នុងចំណោមឯកសារ ២០០ ច្បាប់របស់ John Quincy Adams ដែលចងក្រងឡើងតាំងពីឆ្នាំ ១៨២០ មកម្ល៉េះ ។ លោក Michael លក់ឯកសារនោះក្នុងតម្លៃ ៤៧៧,៦៥០ ដុល្លារ ប៉ុន្តែគេទើបតែរកឃើញវាបាន ៣៦ ច្បាប់ប៉ុណ្ណោះ ។

៥. អ្នកចូលចិត្តវត្ថុបុរាណអាថ៌កំបាំង

មនុស្សម្នាក់បានដេញថ្លៃប៉ាន់តែតម្លៃ ២០ ដុល្លារមួយគ្រាប់ពីទីក្រុង Lincolnshire នៃប្រទេស​អង់គ្លេស ការពិតវាជាស្នាដៃរបស់ជាងស្មូនដ៏ល្បីល្បាញឈ្មោះ John Bartlam ដូច្នេះតម្លៃពិតរបស់វាគឺខ្ពស់ទៅដល់ ៨០៦,០០០ ដុល្លារ ។

៦. Randy Guijarro

ក្នុងឆ្នាំ ២០១០ លោក Randy Guijarro បានទិញរូបថតមួយសន្លឹកតម្លៃ ១ ដុល្លារដែលជារូបក្មេងប្រុស Billy កំពុងលេង croquet ។ រូបនេះមានតែពីរសន្លឹកប៉ុណ្ណោះលើលោក ហើយត្រូវគេឲ្យតម្លៃ ៥ លានដុល្លារឯណោះ ។

៧. Teri Horton

Teri Horton បានទិញគំនូរបុរាណមួយក្រោមតម្លៃ ៥ ដុល្លារសម្រាប់ជាកាដូជូនមិត្តរបស់គាត់ ដោយសារតែមិនសូវចង់បានទើបគេប្រគល់ឲ្យវិញ ។ ពេល Teri ដាក់គំនូរលក់ មានគ្រូសិល្បៈម្នាក់មកសួរនាំទើបបែកធ្លាយ ហើយមានអ្នកឲ្យតម្លៃ ៩ លានដុល្លារ ប៉ុន្តែ Teri មិនព្រមឡើយ អ្នកស្រីទុកលក់ក្រោមតម្លៃ ៥០ លានដុល្លារដូចគេប៉ាន់ស្មាន ៕

ប្រភព ៖ INC

ចុចអាន ៖ វត្ថុ ៥ នេះប្រែវាសនាមនុស្សពីក្រតោកយ៉ាក ទៅអ្នកមានទាំងមិនដឹងខ្លួន

The post មនុស្ស ៨ នាក់ ក្លាយជាសេដ្ឋីដោយសារទិញរបស់ជជុះ appeared first on Kampuchea Thmey Daily.