KPT+
វត្ថុ ៥ នេះប្រែវាសនាមនុស្សពីក្រតោកយ៉ាក ទៅអ្នកមានទាំងមិនដឹងខ្លួន
មនុស្សភាគច្រើនសុទ្ធតែមានរបស់របរឥតប្រយោជន៍យ៉ាងហោចណាស់មួយប្រអប់នៅក្នុងផ្ទះដែលមិនអាចប្រើការបាន ឬគ្មានតម្លៃសោះ ។ ផ្ទុយទៅវិញអ្នកខ្លះបែរជាមានសំណាងសោយសុខដោយសារតែវត្ថុទាំង ៥ នេះ ៖
១. ចិញ្ចៀនជ័រ
Debra Goddard រស់នៅទីក្រុងឡុងដ៍ភាគខាងលិចបានទិញចិញ្ចៀនជ័រមួយក្នុងតម្លៃ ១៣ ដុល្លារ ហើយរក្សាវាទុកអស់រយៈពេល ៣៣ ឆ្នាំរហូតដល់ថ្ងៃមួយនាងធ្លាក់ខ្លួន និងត្រូវលក់ទ្រព្យសម្បត្តិទាំងអស់ទើបដឹងថាជាចិញ្ចៀនពេជ្យទំហំ ២៦,២៧ ការ៉ាត់ មានតម្លៃដល់ទៅ ៦០៧,៩០០ ដុល្លារឯណោះ ។
២. ដុំថ្មជាប់ទូក
ប្រទេសហ្វីលីពីន កោះប៉ាឡាវ៉ាន់ ៖ កាលពីឆ្នាំ២០០៦ យុថ្ការបស់អ្នកនេសាទមួយរូបបានទាក់ថ្មមួយដុំអំឡុងពេលព្យុះ បុរសនោះក៏នាំយកថ្មដែលខ្លួនរកឃើញទៅទុកនៅផ្ទះជាថ្មសំណាង ។ ១០ ឆ្នាំក្រោយគាត់យកថ្មសំណាងនេះទៅការិយាល័យទេសចរណ៍តំបន់ Puerto Princesca ហើយបង្កការភ្ញាក់ផ្អើលជាខ្លាំងបន្ទាប់ពីដឹងថាវាជាគុជខ្យងទម្ងន់ ៣៤ គីឡូក្រាមតម្លៃ ១០០ លានដុល្លារ ។
៣. គ្រឿងអលង្ការកេរពីដូនតា
ស្ត្រីអាថ៌កំបាំងម្នាក់បានទទួលកេរមរតកពីដូនតារបស់នាងដែលជាអ្នកមានទ្រព្យស្ដុកស្ដម្ភជំនាន់ឆ្នាំ១៩២០ ក្នុងនោះមានដូចជា បន្តោងខ្សែក ចិញ្ចៀនពេជ្យ-ត្បូងទទឹម និងខ្សែដៃពេជ្យ-ត្បូងទទឹម យោងតាមអ្នកជំនាញបានឲ្យដឹងថាឈុតគ្រឿងអលង្ការរបស់នាងមានតម្លៃ ៤០ ម៉ឺនដុល្លារ ។
៤. ដុំថ្មចម្លែក
បុរសជាអ្នករកឃើញអាចម៍ផ្កាយមានចម្ការមួយកន្លែងនៅភូមិអេដម័រ រដ្ឋមីឈីហ្គេន គាត់តែងយកថ្មទុកទប់មាត់ទ្វារផ្ទះចម្ការរាល់ថ្ងៃរហូតដល់លក់ចម្ការឲ្យគេបន្ត ។ ដល់ឆ្នាំប្រហែល ១៩៨០ បុរសដដែលទិញចម្ការត្រលប់មកវិញ ហើយអតីតម្ចាស់ចម្ការបានប្រាប់គាត់ពីអាចម៍ផ្កាយ ដឹងការពិតភ្លាមគាត់ក៏ទាក់ទងសាស្ត្រាចារ្យភូគព្ភសាស្ត្រមកពិនិត្យឃើញថាជាអាចម៍ផ្កាយធំបំផុតលំដាប់ទី ៦ នៅមីឈីហ្គេន តម្លៃ ១០ម៉ឺនដុល្លារ ។
៥. ស៊ុតមាស
ដំបូងឡើយអ្នកលក់អេតចាយបានទិញស៊ុតមាសនេះទុកក្នុងតម្លៃ ១៤០០០ ដុល្លារដើម្បីលក់វិញពេលបានថ្លៃ សំណាងល្អមកដល់វាមិនត្រឹមតែជាស៊ុតមាសធម្មតាទេ តែជាស៊ុតមួយក្នុងចំណោមស៊ុតអធិរាជ Faberge ទាំង ៨ ដែលមានតម្លៃដល់ទៅ ២០ លានដុល្លារ ។
ថាមិនត្រូវអ្នកអាចជាមនុស្សសំណាងបន្ទាប់ដោយសារតែវត្ថុណាមួយនៅក្នុងផ្ទះឥលូវនេះ ៕
ប្រែសម្រួល ៖ វារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង