KPT+
មនុស្ស ៨ នាក់ ក្លាយជាសេដ្ឋីដោយសារទិញរបស់ជជុះ
ការទិញរបស់ជជុះអាចជួយសន្សំប្រាក់ និងទទួលបានវត្ថុប្លែកៗជាច្រើនក្នុងតម្លៃថោក ប៉ុន្តែនឹកស្មានមិនដល់សោះថាមានមនុស្សសំណាងខ្លះក្លាយជាសេដ្ឋីដោយសារតែរបស់ជជុះដូចជា៖
១. Laura Stouffer
អ្នកស្រី Laura ជាអ្នកទិញ-លក់គំនូរម្នាក់ គាត់បានទិញរូបគំនូរមួយផ្ទាំងដ៏ចាស់ប្រហែលតាំងពីពាក់កណ្ដាលទសវត្សរ៍ឆ្នាំ ១៨៨០ ក្រោមតម្លៃ ២-៣ ដុល្លារ នៅហាងទំនិញជជុះមួយក្នុង Summerville រដ្ឋ Carolina ខាងត្បូង កាលពីឆ្នាំ ២០០៧ តាមពិតគំនូរនេះគឺជាផ្ទាំងរូបភាពឆ្នាំ ១៩៣០ ដែលមានតម្លៃប្រហែល ២ ម៉ឺនដុល្លារឯណោះ ។
![](https://www.kampucheathmey.com/wp-content/uploads/2023/05/template-copy-20.jpg)
២. Sean និង Rikki MacEvoy (ប្ដី-ប្រពន្ធ)
ក្នុងឆ្នាំ ២០១៤ Sean និង Rikki MacEvoy បានទិញអាវក្រៅ West Point មួយនៅហាងជជុះ Goodwill ក្រោមតម្លៃ ៥៨ សេន ដោយសង្ឃឹមថានឹងដាក់លក់វិញជាអាវបុរាណ ដោយសារតែសភាពចាស់ពេក អ្នកស្រី Rikki សម្រេចចិត្តជួសជុលវាសម្រាប់ឲ្យប្ដីពាក់វិញ ។ ថ្ងៃមួយអ្នកទាំងពីរកំពុងមើលវីដេអូឯកសារស្ដីពីគ្រូបង្វឹកបាល់ទាត់ដ៏ល្បីល្បាញម្នាក់ឈ្មោះ Vince Lombardi ក៏សង្កេតឃើញគាត់ពាក់អាវដូចគ្នាបេះដាក់ ទើបដឹងថាជាអាវតែមួយព្រោះមានឈ្មោះម្ចាស់លើនោះតែម្ដង ហើយលក់ចេញក្រោមតម្លៃ ៤៣,០២០ ដុល្លារ ។
![](https://www.kampucheathmey.com/wp-content/uploads/2023/05/image-897.png)
៣. ស្ត្រីនៅទីក្រុង Philadelphia
ស្ត្រីម្នាក់ (មិនបញ្ចេញឈ្មោះ) បានទិញខ្សែកមួយខ្សែនៅផ្សារក្រោមតម្លៃ ១៥ ដុល្លារក្នុងឆ្នាំ ២០០៥ ដល់ឆ្នាំ ២០០៨ នាងបានពាក់វាដើម្បីចូលរួមការតាំងពិព័រណ៍ Alexander Calder នៅសារមន្ទីរ Philadelphia ។ ស្ត្រីនោះសង្កេតឃើញថា ខ្សែករបស់ខ្លួនមានលក្ខណៈស្រដៀងខ្សែកអ្នកផ្សេងទៀតទើបគាត់ធ្វើការត្រួតពិនិត្យឲ្យអស់មន្ទិលហើយរកឃើញថាវាជារបស់ពិតមានតម្លៃដល់ទៅ ៣០ ម៉ឺនដុល្លារ ។
![](https://www.kampucheathmey.com/wp-content/uploads/2023/05/image-898.png)
៤. Michael Sparks
កាលពីឆ្នាំ ២០០៦ លោក Michael បានទិញឯកសារមួយច្បាប់នៅហាងជជុះក្នុងទីក្រុង Nashville នៃរដ្ឋ Tennessee ក្រោមតម្លៃ ២.៤៨ ដុល្លារ ។ ដោយភាពងឿងឆ្ងល់ គាត់ក៏បានស្រាវជ្រាវបន្ថែមពីវា លទ្ធផលបង្ហាញថានោះជាឯកសារមួយក្នុងចំណោមឯកសារ ២០០ ច្បាប់របស់ John Quincy Adams ដែលចងក្រងឡើងតាំងពីឆ្នាំ ១៨២០ មកម្ល៉េះ ។ លោក Michael លក់ឯកសារនោះក្នុងតម្លៃ ៤៧៧,៦៥០ ដុល្លារ ប៉ុន្តែគេទើបតែរកឃើញវាបាន ៣៦ ច្បាប់ប៉ុណ្ណោះ ។
![](https://www.kampucheathmey.com/wp-content/uploads/2023/05/image-899.png)
៥. អ្នកចូលចិត្តវត្ថុបុរាណអាថ៌កំបាំង
មនុស្សម្នាក់បានដេញថ្លៃប៉ាន់តែតម្លៃ ២០ ដុល្លារមួយគ្រាប់ពីទីក្រុង Lincolnshire នៃប្រទេសអង់គ្លេស ការពិតវាជាស្នាដៃរបស់ជាងស្មូនដ៏ល្បីល្បាញឈ្មោះ John Bartlam ដូច្នេះតម្លៃពិតរបស់វាគឺខ្ពស់ទៅដល់ ៨០៦,០០០ ដុល្លារ ។
![](https://www.kampucheathmey.com/wp-content/uploads/2023/05/image-900.png)
៦. Randy Guijarro
ក្នុងឆ្នាំ ២០១០ លោក Randy Guijarro បានទិញរូបថតមួយសន្លឹកតម្លៃ ១ ដុល្លារដែលជារូបក្មេងប្រុស Billy កំពុងលេង croquet ។ រូបនេះមានតែពីរសន្លឹកប៉ុណ្ណោះលើលោក ហើយត្រូវគេឲ្យតម្លៃ ៥ លានដុល្លារឯណោះ ។
![](https://www.kampucheathmey.com/wp-content/uploads/2023/05/image-901.png)
៧. Teri Horton
![](https://www.kampucheathmey.com/wp-content/uploads/2023/05/image-902.png)
Teri Horton បានទិញគំនូរបុរាណមួយក្រោមតម្លៃ ៥ ដុល្លារសម្រាប់ជាកាដូជូនមិត្តរបស់គាត់ ដោយសារតែមិនសូវចង់បានទើបគេប្រគល់ឲ្យវិញ ។ ពេល Teri ដាក់គំនូរលក់ មានគ្រូសិល្បៈម្នាក់មកសួរនាំទើបបែកធ្លាយ ហើយមានអ្នកឲ្យតម្លៃ ៩ លានដុល្លារ ប៉ុន្តែ Teri មិនព្រមឡើយ អ្នកស្រីទុកលក់ក្រោមតម្លៃ ៥០ លានដុល្លារដូចគេប៉ាន់ស្មាន ៕
ចុចអាន ៖ វត្ថុ ៥ នេះប្រែវាសនាមនុស្សពីក្រតោកយ៉ាក ទៅអ្នកមានទាំងមិនដឹងខ្លួន
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ