លោក​សាស្ត្រាចារ្យ​រង លូ លីឃាង នាយក​មន្ទីរពេទ្យ​ព្រះអង្គ​ឌួង បាន​ដឹកនាំ​ក្រុម​គ្រូពេទ្យ​ឯកទេស​ជំងឺ​ត្រចៀក ច្រមុះ បំពង់ក និង​ឯកទេស​ជំងឺ​ភ្នែក ចុះ​ទៅ​ពិនិត្យ​សុខភាព ជូន​ប្រជាពលរដ្ឋ និង​កងទ័ព ដែល​កំពុង​សម្រាក​ព្យាបាល​នៅ​មណ្ឌល​សុខភាព​គូលែន មន្ទីរពេទ្យ​បង្អែក​ខេត្ត​ឧត្តរមានជ័យ និង​ខេត្ត​សៀមរាប លើ​បញ្ហា​ត្រចៀក និង​ភ្នែក។

ជាមួយ​គ្នា​នេះ​ដែរ ក្រុមការងារ បាន​នាំ​យក​នូវ​សម្ភារៈ និង​គ្រឿង​ឧបភោគបរិភោគ​មួយ​ចំនួន ដែល​ជា​អំណោយ​សប្បុរសធម៌​របស់​មន្ត្រីរាជការ និង​បុគ្គលិក នៃ​មន្ទីរពេទ្យ​ព្រះ​អង្គឌួង ជូន​ដល់​មន្ទីរ​សុខាភិបាល នៃ​រដ្ឋបាល​ខេត្ត​ឧត្តរមានជ័យ សម្ភារៈ​ប្រើប្រាស់ និង​គ្រឿង​ឧបភោគបរិភោគ មួយ​ចំនួន។

ចំណែក លោក​វេជ្ជបណ្ឌិត ញឹប អង្គាបុស្ស នាយក​មន្ទីរពេទ្យ​កុមារ​ជាតិ បាន​បញ្ជូន​ក្រុម​គ្រូពេទ្យ​ឯកទេស ផ្នែក​វះកាត់ ផ្នែក​ថ្នាំ​សណ្តំ ផ្នែក ICU និង​សង្គ្រោះ​បន្ទាន់ ផ្នែក​ជំងឺគ្រុនឈាម និង​ជំងឺ​ទូទៅ​កុមារ នៃ​មន្ទីរពេទ្យ​កុមារ​ជាតិ សរុប​ចំនួន ១៣ នាក់ ចុះ​ទៅ​ពិនិត្យ និង​ព្យាបាល​ជំងឺ​ជូន​ប្រជាពលរដ្ឋ និង​វីរ​កងទ័ព​រង​របួស ជាពិសេស​កុមារ​ដែល​កំពុង​សម្រាក​ព្យាបាល​មន្ទីរពេទ្យ​បង្អែក​ខេត្ត ១៦ មករា ខេត្ត​ព្រះវិហារ។

ក្នុង​ឱកាស​នោះ​ដែរ ថ្នាក់ដឹកនាំ​មន្ទីរពេទ្យ​កុមារ​ជាតិ បាន​សួរសុខទុក្ខ​ប្រជាពលរដ្ឋ និង​វីរ​កងទ័ព​រង​របួស ដែល​កំពុង​សម្រាក​ព្យាបាល​នៅ​មន្ទីរពេទ្យ​បង្អែក​ខេត្ត ១៦ មករា និង​នាំ​យក​អំណោយ​ជូន​មន្ត្រីរាជការ បុគ្គលិក​សុខាភិបាល នៃ​មន្ទីរពេទ្យ​បង្អែក​ខេត្ត ១៦ មករា សម្រាប់​ប្រើប្រាស់​តាម​ការ​ចាំបាច់។

លោកស្រី​សាស្ត្រាចារ្យ​ជំនួយ គឹម រ័ត្ននា នាយក​មជ្ឈមណ្ឌល​ជាតិ​គាំពារ​មាតា និង​ទារក ដឹកនាំ​ក្រុម​ការងារ​ចុះ​បេសកកម្ម​ទៅ​មន្ទីរ​សុខាភិបាល នៃ​រដ្ឋបាល​ខេត្ត​ឧត្តរមានជ័យ ដើម្បី​នាំ​យក​អំណោយ​ជា​សម្ភារៈ​ប្រើប្រាស់ និង​គ្រឿង​បរិភោគ ដែល​ជា​ការ​ចូលរួម​របស់​ថ្នាក់ដឹកនាំ មន្ត្រីរាជការ និង​បុគ្គលិក នៃ​មជ្ឈមណ្ឌល​ជាតិ​គាំពារ​មាតា និង​ទារក ជូន​ដល់​មន្ទីរ​សុខាភិបាល នៃ​រដ្ឋបាល​ខេត្ត​ឧត្តរមានជ័យ សម្រាប់​រៀបចំ​ចាត់ចែង​តាម​ការ​ចាំបាច់។

ក្នុង​បេសកកម្ម​នេះ ក្រុមការងារ បាន​ចុះ​ពិនិត្យ និង​គាំទ្រ​ការ​បម្រើ​សេវា​សុខភាព​បន្ត​ពូជ សុខភាព​មាតា ទារក និង​ការ​ផ្តល់​ថ្នាំ​បង្ការ​នៅ​មណ្ឌល​សុខភាព​ស្រះកែវ និង​មណ្ឌល​សុខភាព​ចុងកាល់ នៃ​ស្រុក​ប្រតិបត្តិ​សំរោង ខេត្ត​ឧត្តរមានជ័យ។

ក្រុម​គ្រូពេទ្យ នៃ​មន្ទីរពេទ្យ​មិត្តភាព​ខ្មែរ​-​សូវៀត ដឹកនាំ​ដោយ លោក​សាស្ត្រាចារ្យ ងី ម៉េង និង មន្ទីរពេទ្យ​ជាតិ តេ​ជោ​សន្តិភាព ដឹកនាំ​ដោយ លោក សួន សាមិត្ត និង​ថ្នាក់ដឹកនាំ​ក្រសួងសុខាភិបាល លោក អ៊ូ វិភព រដ្ឋលេខាធិការ និង លោក ហេង សុទ្ធី អនុរដ្ឋលេខាធិការ បាន​ចុះ​ជួយ​ពិនិត្យ​ជំងឺ​បាក់​បែក​ឆ្អឹង ជំងឺ​ឆ្អឹង ជំងឺ​សួត ជំងឺ​ភ្នែក ត្រចៀក ច្រមុះ បំពង់ក ជំងឺ​ផ្លូវ​ចិត្ត និង​ជំងឺ​ទូទៅ ជូន​ដល់​វីរ​កងទ័ព និង​ប្រជាពលរដ្ឋ​រង​របួស​ដោយសារ​ជម្លោះព្រំដែន​កម្ពុជា​-​ថៃ ដែល​កំពុង​ព្យាបាល ដោយមាន​ការ​យក​ចិត្ត​ទុក​ដាក់​បំផុត​ពី​ក្រុម​គ្រូពេទ្យ​អ្នក​ជំនាញ នៃ​មន្ទីរពេទ្យ​ជាតិ​នានា នៅ​រាជធានី​ភ្នំពេញ។

នា​ឱកាស​នោះ​ដែរ ក៏បាន​ប្រគល់​អំណោយ វ៉ែនតា គ្រឿង​ឧបភោគ​បរិភោគ និង​សម្ភារៈ​ប្រើប្រាស់​មួយ​ចំនួន ជូន​ដល់​វីរ​កងទ័ព និង​ប្រជាពលរដ្ឋ​ភៀស​សឹក ព្រមទាំង​បុគ្គលិក មន្ត្រី​សុខាភិបាល នៅ​មន្ទីរពេទ្យ នៃ​ខេត្ត​ព្រះវិហារ។

លោក តាន់ សុគុន នាយក​មន្ទីរពេទ្យ ក៏បាន​ចុះ​ពិនិត្យ និង​រៀបចំ​បន្ទប់វះកាត់នៅ​មណ្ឌល​សុខភាព​ប្រម៉ោយ ខេត្ត​ពោធិ៍សាត់ ដើម្បី​ពង្រឹង និង​គាំទ្រ​ការ​បម្រើ​សេវា​សុខាភិបាល ស្របតាម​ស្តង់ដារ និង​បច្ចេកទេស បម្រើ​សេវា​ជូន​ប្រជាពលរដ្ឋ​ក្នុង​ខេត្ត និង​តាម​ព្រំ​ជាប់​ព្រំដែន​ឱ្យ​កាន់តែ​មាន​ប្រសិទ្ធភាព​ល្អ​ប្រសើរ​ថែមទៀត​ផង​ដែរ៕

អត្ថបទ ៖ សំអឿន

The post មន្ទីរពេទ្យថ្នាក់ជាតិធំៗ ដឹកនាំក្រុមគ្រូពេទ្យឯកទេស ចុះពិនិត្យសុខភាពជូន ពលរដ្ឋ និងវីរកងទ័ពកំពុងសម្រាកព្យាបាលនៅមន្ទីរពេទ្យខេត្តជាប់ព្រំដែនកម្ពុជា-ថៃ appeared first on Kampuchea Thmey Daily.

បើតាមប្រភពពីមន្ទីរពេទ្យកាល់ម៉ែត ថ្នាំដែលបានរៀបរាប់ខាងលើនេះ មានប្រសិទ្ធភាពខ្ពស់សម្រាប់ប្រើប្រាស់ព្យាបាលជំងឺ ប៉ុន្តែបើយើងមិនបានគោរពនូវលក្ខណ្ឌវេជ្ជសាស្រ្តនៃការប្រើប្រាស់ថ្នាំទាំងនោះទេ វាអាចបណ្តាលឱ្យមានគ្រោះថ្នាក់ ហើយជួនកាលវាអាចគ្រោះថ្នាក់ដល់អាយុជីវិតទៀតផង។ មន្ទីរពេទ្យដដែល បានបញ្ជាក់ថា អ្វីដែលសង្កេតឃើញកន្លងមក គឺមានអ្នកប្រកបរបរមិនសុច្ចរិត មិនត្រឹមត្រូវយកថ្នាំទាំងនេះទៅប្រើប្រាស់ខុសក្បួនវេជ្ជសាស្រ្តដូចជា ធ្វើជាថ្នាំសូន ថ្នាំឬសឈើសម្រាប់ផឹកឱ្យហូបបាន និងបំបាត់ការឈឺចាប់ឆ្អឹងឆ្អែង ឈឺចុកចាប់សាច់ដុំជាដើម។ អ្នកខ្លះទៀតយកថ្នាំទាំងនេះទៅចាក់ ដើម្បីបំបាត់ការឈឺចាប់ ដោយមិនបានគិតស្វែងរករោគវិនិឆ្ឆ័យនៃជំងឺទេ ដូចជា ឈឺត្រង់ណាចាក់ត្រង់នោះ ជួនកាលមានរហូតដល់ចាក់ចូលទៅក្នុងសន្លាក់ទៀតផង។

តើការប្រើប្រាស់ថ្នាំកូរទីកូអ៊ីត ឬក៏ស្តេរយ មិនបានត្រឹមត្រូវ មានផលប៉ះពាល់អ្វីខ្លះ?

ការប្រើប្រាស់ថ្នាំកូរទីកូអ៊ីត ឬក៏ស្តេរយ មិនបានត្រឹមត្រូវ ទី១) ធ្វើឱ្យមានការប្រែប្រួលអរម៉ូន កូរទីកូអ៊ីត ឬក៏ស្តេរយ ធម្មជាតិនៅក្នុងខ្លួន។ នៅពេលដែលយើងកំពុងប្រើប្រាស់ថ្នាំដែលបានរៀបរាប់ខាងលើក្នុងរយៈពេលយូរ និងកម្រិតដូសខ្ពស់មិនបានត្រឹមត្រូវ ពេលនោះអ្នកជំងឺលេចចេញនូវរោគសញ្ញាដូចជា ហើមមុខ ធាត់ក្បាលពោះប៉ុន្តែអវយវៈដៃជើងតូចៗ ស្បែកឡើងផុយងាយជាំ រលាត់។ នៅពេលអ្នកជំងឺឈប់ប្រើប្រាស់ថ្នាំទាំងនោះ ពេលនោះអរម៉ូនធម្មជាតិនៅក្នុងខ្លួនមានការថយចុះ ឬក៏មិនផលិត ពេលនោះពួកគាត់លេចចេញរោគសញ្ញាដូចជា អស់កម្លាំង ហេវហត់ ល្ហិតល្ហៃ ជាពិសេសនៅពេលថ្ងៃរសៀលចាប់ពីម៉ោង៤ សម្ពាធឈាមគាត់ចុះ ហើយជួនកាលសម្ពាធឈាមចុះរហូតដល់មានគ្រោះថ្នាក់ទៀតផង។

ទី២) កើតជំងឺទឹកនោមផ្អែម៖ កាលណាប្រើប្រាស់ថ្នាំប្រភេទ Corticoid ឬក៏ Steroids អ្នកជំងឺពេលនោះ គាត់មានអាការៈឃ្លាន ទទួលទានឆ្ងាញ់ ទទួលទានបាន ជាហេតុធ្វើឱ្យគាត់ចេញជំងឺទឹកនោមផ្អែម។ ទី៣) កើតជំងឺពុកឆ្អឹង៖ ថ្នាំប្រភេទ កូរទីកូអ៊ីត ឬក៏ស្តេរយ ពេលដែលប្រើប្រាស់រយៈពេលយូ វាអាចធ្វើឱ្យកំហាប់ឆ្អឹងថយចុះ ពេលនោះអ្នកជំងឺប្រឈមមុខនឹងការបាក់ឆ្អឹងខ្នង បាក់ឆ្អឹងត្រគាក។ល។ ទី៤) កើតជំងឺលើសឈាម៖ នៅពេលដែលយើងទទួលទានថ្នាំ កូរទីកូអ៊ីត ឬក៏ ស្តេរយ ក្នុងកម្រិតមួយខ្ពស់ វាធ្វើឱ្យយើងចាលជាតិទឹក និងជាតិសូដ្យូមនៅក្នុងខ្លួន ពេលនោះសម្ពាធឈាមកើនឡើង។ ទី៥) ធ្វើឱ្យប្រព័ន្ធភាពស៊ាំក្នុងខ្លួនថយចុះ៖ អ្នកពិសារថ្នាំ កូរទីកូអ៊ីត ឬក៏ ស្តេរយ ក្នុងរយៈពេលយូរ ពេលនោះប្រព័ន្ធភាពស៊ាំក្នុងខ្លួនថយចុះ។ ពួកគាត់អាចប្រឈមមុខនឹងការកើតជំងឺផ្សិត (ស្រែងលើស្បែក) ផ្សិតអណ្តាត រលាកផ្លោកនោម រលាកតម្រងនោម។ល។

ប្រភពពីមន្ទីរពេទ្យដដែល បានឱ្យដឹងទៀតថា ករណីដែលគេយកថ្នាំទាំងនេះ ទៅចាក់ចូលក្នុងសន្លាក់នេះមិនបានត្រឹមត្រូវ វាអាចធ្វើឱ្យមានខ្ទុះនៅក្នុងសន្លាក់។ ផលវិបាកដែលបានរៀបរាប់ខាងលើជាផលវិបាកដែលបានជួបប្រទះញឹកញាប់ ប៉ុន្តែលើសពីនោះទៅទៀតក៏អាចមានផលលំបាកមួយចំនួនទៀតផងដែរ ក្នុងករណីដែលយើងប្រើប្រាស់ថ្នាំទាំងនោះមិនបានត្រឹមត្រូវ ឧទាហរណ៍ដូចជា រលាកក្រពះ ដំបៅក្រពះជាដើម។ ទោះបីជាយ៉ាងណាគេសង្កេតឃើញថា ថ្នាំដែលអាចឱ្យមានផលប៉ះពាល់ច្រើនគឺ ថ្នាំប្រភេទគ្រាប់ និងចាក់ ដោយឡែកថ្នាំដែលបាញ់តាមម៉ាត់ ឬថ្នាំដែលលាបលើស្បែកមិនសូវមានផលប៉ះពាល់ទេ។

សរុបជារួមមក ថ្នាំជាអាវុធមុខពីរ ហេតុដូចនេះគួរគប្បីប្រឹក្សាជាមួយគ្រូពេទ្យឱ្យបានត្រឹមត្រូវ មុនទទួលទានថ្នាំប្រភេទ កូរទីកូអ៊ីត ឬក៏ ស្តេរយ ដោយពិសារក្នុងកម្រិតដូសត្រឹមត្រូវ រយៈពេលត្រឹមត្រូវ ហើយជៀសវាងទទួលទានថ្នាំជាឱសថបុរាណក្តី ជាថ្នាំសូនដើម្បីឱ្យបាយបាន បំបាត់ការឈឺចុកចាប់ឆ្អឹងឆ្អែងក្តី ដែលមិនមានប្រភពច្បាស់លាស់។ ប្រសិនណាលោកអ្នកកំពុងប្រើប្រភេទថ្នាំទាំងនេះ ហើយលេចចេញនូវរោគសញ្ញាដូចបានរៀបរាប់ខាងលើ សូមប្រញាប់ទៅជួបជាមួយវេជ្ជបណ្ឌិតជំនាញ ដើម្បីជៀសវាងនូវផលវិបាកទាំងនេះ៕

The post តើការប្រើប្រាស់ថ្នាំកូរទីកូអ៊ីត ឬក៏ស្តេរយ មិនបានត្រឹមត្រូវ មានផលប៉ះពាល់អ្វីខ្លះ? appeared first on Kampuchea Thmey Daily.

តើគួរធ្វើបែបណា ដើម្បីការការពារ និងសង្គ្រោះបឋមបន្ទាប់ពីពស់ចឹក?

បើតាមប្រភពពីមន្ទីរពេទ្យកាល់ម៉ែត ដើម្បីការពារពីហានិភ័យពស់ចឹក គឺត្រូវពាក់ស្បែកជើងកវែងពេលធ្វើដំណើរកាត់ព្រៃ ឬកាត់វាលបឹង (៥០ % នៃពស់ចឹក គឺចឹកជើងក្រោមជង្គង់)។ ចំពោះអ្នកនៅជនបទស្រែចំការសម្រាន្តលើគ្រែចងមុង ហាមសម្រាន្តផ្ទាល់ដី ឬលើស្មៅ។ ធ្វើដំណើរពេលយប់ត្រូវប្រើភ្លើងពិល ព្រមទាំងសម្អាតទីធ្លាជុំវិញផ្ទះកុំឱ្យមានស្មៅ និងហាមចាប់ពស់។

ក្នុងការជួយសង្រ្គោះបឋម ត្រូវកំណត់ប្រភេទពស់ (វាមានសារៈសំខាន់ក្នុងការព្យាបាលដោយប្រើថ្នាំបន្សាប) ផ្លាស់ទីឆ្ងាយពីពស់។ ចំពោះអ្នកពស់ចឹកតាំងចិត្តនៅឱ្យស្ងៀមកុំភ័យស្លន់ស្លោ កាលណាភ័យស្លន់ស្លោនាឱ្យបេះដូងដើរលឿននាំឱ្យពិសពស់ជ្រាបលឿនបណ្តាលឱ្យគ្រោះថ្នាក់ធ្ងន់ធ្ងរ។ ហាមលើកដៃ ឬជើងកន្លែងពស់ចឹកខ្ពស់ជាងបេះដូង (បេះដូងនៅក្រោមដោះខាងឆ្វេង)។ បញ្ជូនអ្នកត្រូវពស់ចឹកទៅមន្ទីរពេទ្យដែលនៅជិតអ្នកជាបន្ទាន់។

ត្រូវដោះគ្រឿងអលង្ការ ឬសម្លៀកបំពាក់ដែលតឹងចេញពីកន្លែងពស់ចឹកចេញ។ លាងសម្អាតមុខរបួសកន្លែងពស់ចឹកដោយសាប៊ូ និងទឹក ឬ នឹងទឹកថ្នាំសម្លាប់មេរោគ។ រុំមុខរបួសដោយបង់ ដោយចាប់ផ្តើមពីក្រោមមុខរបួសឡើងទៅលើ និងរក្សាគម្លាត ២ម្រាមដៃ ឬ២សង់ទីម៉ែត្រពីកន្លែងពស់ចឹកពេលរុំបង់៕

The post ឈ្វេងយល់ពីវិធានការការពារ និងការសង្គ្រោះបឋមបន្ទាប់ពីពស់ចឹក appeared first on Kampuchea Thmey Daily.

បើតាមមន្ទីរពេទ្យកាល់ម៉ែត ម៉ាស៊ីននេះ ជាបច្ចេកទេសទំនើប និងសមត្ថភាពខ្ពស់ក្នុងការធ្វើរោគវិនិច្ឆ័យ និងប្រសិទ្ធភាពក្នុងការព្យាបាលរាល់បញ្ហាផ្សេងៗដែលអាចកើតមានឡើងនៅក្នុងពោះវៀនតូច មានដូចជា ការហូរឈាមរុំារ៉ៃក្នុងពោះវៀនតូច, ការសង្ស័យមានដុំសាច់ ឬដំបៅនៅក្នុងពោះវៀនតូច ចាប់យកវត្ថុផ្សេងៗដែលជាប់នៅពោះវៀនតូច និងជំងឺដែលពាក់ព័ន្ធនឹងពោះវៀនតូចជាច្រើនទៀត។ ឧបករណ៍នេះផងដែរ មានសមត្ថភាពខ្ពស់អាចធ្វើការឃាត់ឈាមបានភ្លាមៗ ជួយកាត់បន្ថយនូវតម្រូវការនៃការវះកាត់បន្ទាន់ និងអាចច្រឹបដុំសាច់តាមគោលដៅជាក់លាក់ ដើម្បីទទួលបានការកំណត់រោគវិនិច្ឆ័យមួយច្បាស់លាស់។

លើសពីនេះទៅទៀត ឧបករណ៍នេះ អាចជួយសម្រួលដល់គ្រូពេទ្យក្នុងការចាប់យកគ្រួសនៅផ្លូវទឹកប្រម៉ាត់ ក្នុងករណីដែលពិបាកដូចជា អ្នកជំងឺដែលធ្លាប់វះកាត់ហើយខូចទម្រង់ដើមនៃផ្លូវទឹកប្រម៉ាត់ (Post-surgical altered anatomy) ដែលយើងហៅថា Double Baloon Enteroscopy- Endoscopic Retrograde Chilangiopancreatography (DBE-ERCP)៕

The post មន្ទីរពេទ្យកាល់ម៉ែត សម្ពោធដាក់ឱ្យប្រើប្រាស់ជាផ្លូវការម៉ាស៊ីនឆ្លុះពោះវៀនតូចដែលទំនើបដំបូងគេបង្អស់នៅកម្ពុជា appeared first on Kampuchea Thmey Daily.

ចំពោះរោគសញ្ញា នៃជំងឺវៀចមាត់ប្រព័ន្ធប្រសាទក្រៅ គឺជាការខ្សោយនៃសាច់ដុំផ្ទៃមុខមួយចំហៀងផ្នែកខាងដែលប៉ះពាល់។ ការវៀចមុខប្រព័ន្ធប្រសាទក្រៅពុំមានការចុះខ្សោយនៅអវៈយវៈទេ។ ផ្ទៃមុខផ្នែកខាងលើ ស្នាមជ្រួញនៃចិញ្ចើមមិនស្មើគ្នា ពោលគឺខាងដែលខូចមានស្នាមជ្រួញថយចុះ ឬរលុបបាត់។ ភ្នែក បិតមិនជិត ឬជិតដែរតែមិនខ្លាំងបូករួមទាំងគ្រាប់ភ្នែកអាចទាញឡើងលើ និងចេញក្រៅ។ ផ្ទៃមុខផ្នែកខាងក្រោម: ផ្នែកខាងដែលខូចគឺមានស្នាមជ្រួញនៅជិតច្រមុះថយចុះ ឬរលុបបាត់ហើយមាត់ទាញទៅផ្នែកខាងល្អ។ ការវៀចមាត់ប្រព័ន្ធប្រសាទក្រៅអាចមានបូករួមរោគសញ្ញាផ្សេងៗទៀតដូចជា អណ្តាតមិនដឹងរស់ជាតិ ស្ងួតទឹកភ្នែក ស្ងួតទឹកមាត់ជាដើម។

មូលហេតុនៃជំងឺវៀចមាត់ប្រព័ន្ធប្រសាទក្រៅ បណ្តាលមកពីការប៉ះទង្គិចបណ្តាលឱ្យបាក់ឆ្អឹងរូសេ (Os Rocher) ដែលមានទីតាំងស្ថិតនៅផ្នែកចំហៀងនៃក្បាល និងនៅខាងក្នុងនៃត្រចៀក។ អំបៅអំបែកស្រួចស្រាវ ឬរ៉ាំរ៉ៃ។ ជំងឺដែលប៉ះពាល់ដល់ស្រោមខួរក្បាលមានដូចជាៈ Maladie de lym, Zona, Listeriose, sclerose en plaque, sacoidose, Tuberculose។ ជំងឺដុំសាច់ដែលបណ្តាលអោយប៉ះ ឬសង្កត់ទៅលើប្រព័ន្ធប្រសាទទីប្រាំពីរ ជាពិសេសផ្នែកខាងក្រោយ និងខាងក្រោមនៃខួរក្បាល។ ជំងឺមេតាបូលីកដូចជាជំងឺទឹកនោមផ្អែម។ វៀចមាត់ប្រព័ន្ធប្រសាទក្រៅ អាចមិនមានមូលហេតុ ឬក៏រកមូលហេតុមិនឃើញដែរ ហើយវាអាចជាទៅវិញ ក្នុងរយៈពេលតិចបំផុត ២ខែ តែវាក៏អាចនៅមានសំណល់ ២០%ដែរ។

ចំណែកជំងឺវៀចមាត់ប្រព័ន្ធប្រសាទកណ្តាល គឺការប៉ះពាល់តែផ្ទៃមុខផ្នែកខាងក្រោម ពោលគឺមានតែការថយចុះ ឬរលុបបាត់ស្នាមជ្រួញនៅជិតច្រមុះ ហើយមាត់ទាញទៅផ្នែកខាងល្អ។ រួមទាំងអាចមានការថយខ្សោយនៃអវៈយវៈមួយចំហៀងខ្លួនទៀត។ វៀចមាត់ប្រព័ន្ធប្រសាទកណ្តាល បណ្តាលមកពីជំងឺគ្រោះថ្នាក់សរសៃឈាមខួរក្បាល ដាច់សរសៃឈាម ឬស្ទះសរសៃឈាមខួរក្បាល។ ជំងឺដុំសាច់ ឬមហារីកខួរក្បាល ជំងឺ Sclerose en plaque។

ដើម្បីរកមូលហេតុនៃជំងឺវៀចមាត់នេះ ចាំបាច់ត្រូវមានការវិភាគអមវេជ្ជសាស្រ្តមួយចំនួនដូចជា ការពិនិត្យឈាម ការបូមទឹកឆ្អឹងខ្នង ការវិភាគតាម CT scan ឬ MRI។ ចំពោះការព្យាបាលជំងឺវៀចមាត់ គឺធ្វើឡើងទៅតាមមូលហេតុនីមួយៗរបស់ជំងឺ ការប្រើប្រាស់ថ្នាំ ព្យាបាលដោយចលនា (Physiothérapie) និងធ្វើឱ្យអាការៈវៀចមាត់របស់អ្នកជំងឺឆាប់វិលមករកសភាពដើមវិញ។ ភ្នែកដែលបិតមិនជិតត្រូវការពារកុំឱ្យរលាក ដោយប្រើថ្នាំ និងត្រូវពាក់វែនតាការពារ។

ដូច្នេះបើលោកអ្នកមានជំងឺវៀចមាត់ ឬមានរោគសញ្ញាដូចបានរៀបរាប់ខាងលើ សូមអញ្ជើញទៅជួបក្រុមវេជ្ជបណ្ឌិតជំនាញ ដើម្បីធ្វើរោគវិនិច្ឆ័យបានឆាប់រហ័សច្បាស់លាស់ និងឈានទៅរកការព្យាបាលប្រកបដោយជោគជ័យ និងប្រសិទ្ធភាពខ្ពស់”៕

The post តើជំងឺវៀចមាត់បណ្តាលមកពីអ្វី? appeared first on Kampuchea Thmey Daily.

បើតាមប្រភពពីមន្ទីរពេទ្យកាល់ម៉ែត ជំងឺរលាកថ្លើមប្រភេទ B អាចបង្កឱ្យមានបញ្ហាសុខភាពធ្ងន់ធ្ងរបន្តិចម្តងៗ បូករួមទាំងការខូចថ្លើម ខ្សោយថ្លើម និងធ្វើឱ្យកើតមហារីកថ្លើម។ មនុស្សភាគច្រើនដែលមានជំងឺរលាកថ្លើមប្រភេទ B មិនមានចេញរោគសញ្ញាទេ ហើយក៏អាចមិនដឹងខ្លួនថា គាត់កើតជំងឺនេះដែរ តែពួកគេនៅតែអាចចម្លងទៅអ្នកដ៏ទៃបាន។

មនុស្សដែលមានផ្ទៃពោះ គួរតែធ្វើតេស្តរកជំងឺរលាកថ្លើមប្រភេទ B ព្រោះក្នុងករណី ដែលតេស្តជំងឺរលាកថ្លើមប្រភេទ B ចេញវិជ្ជមាន គេត្រូវការពារទារកនោះតាំងពីពេលកើត។ ចំពោះទារកដែលទទួលបានការការពារ នៅពេលកើតភ្លាម កម្រកើត ជំងឺរលាកថ្លើមប្រភេទ Bណាស់។ ផ្ទុយទៅវិញ នៅពេលទារកឆ្លងមេរោគរលាកថ្លើម B ពួកគេទំនងវិវត្តទៅជាមេរោគនោះពេញមួយជីវិត។

តើត្រូវធ្វើបែបណា បើអ្នកកើតជំងឺរលាកថ្លើមប្រភេទ B ហើយមានផ្ទៃពោះនោះ?

អ្នកត្រូវពិភាក្សាបញ្ហានោះជាមួយនឹងគ្រូពេទ្យ ពីរបៀបគ្រប់គ្រងជំងឺរលាកថ្លើមប្រភេទ B របស់អ្នក ពីព្រោះគ្រូពេទ្យមានរបៀបព្យាបាល ដែលអាចកាត់បន្ថយហានិភ័យ ពីការចម្លងមេរោគរលាកថ្លើមប្រភេទ B ទៅកាន់ទារកនៅក្នុងផ្ទៃ។

តើអ្នកអាចការពារទារកក្នុងផ្ទៃ មិនឱ្យឆ្លងជំងឺនេះដោយរបៀបណា?

បើអ្នកមិនដឹងថា តើក្នុងខ្លួនអ្នកមានមេរោគរលាកថ្លើមប្រភេទ B ឬទេនោះ ត្រូវស្នើសុំគ្រូពេទ្យ ដើម្បីធ្វើតេស្តឈាមរកមេរោគរលាកថ្លើមប្រភេទ B។ ក្នុងករណីលទ្ធផលតេស្តមេរោគរលាកថ្លើមប្រភេទ B អវិជ្ជមាននោះ អ្នកអាចសាកសួរគ្រូពេទ្យអំពីថ្នាំបង្ការ ជំងឺរលាកថ្លើមប្រភេទ B។

ក្នុងករណីលទ្ធផលតេស្តមេរោគរលាកថ្លើមប្រភេទ B វិជ្ជមាននោះ គ្រូពេទ្យត្រូវព្យាបាល និងតាមដានសុខភាពកូនរបស់អ្នក។ ចំពោះកូនរបស់អ្នកនឹងទទួលបាននូវការចាក់វ៉ាក់សាំង ដូសដំបូង និងចាក់ថ្នាំ អេមីនូក្លូប៊ុយលីន (HBIG) ប្រឆាំងនឹងមេរោគរលាកថ្លើមប្រភេទ B ក្រោយពេលកើត។ លើសពីនេះ កូនរបស់អ្នកត្រូវបន្តចាក់ថ្នាំបង្ការជាបន្តបន្ទាប់ តាមគោលការណ៍ថ្នាក់ជាតិ និងឱ្យគ្រប់ចំនួនកំណត់។

បន្ទាប់មក ក្រោយកូនអ្នកទទួលបានថ្នាំបង្ការជំងឺនោះគ្រប់ចំនួនកំណត់ហើយ គ្រូពេទ្យនឹងបូមឈាមរបស់កូនអ្នក យកទៅពិនិត្យ ដើម្បីជាការបញ្ជាក់ថា កូនរបស់អ្នកមានដុះអង់ទីករ និងមិនឆ្លងមេរោគរលាកថ្លើមប្រភេទ B។ បើទោះបីជាអ្នកកើត ជំងឺរលាកថ្លើមប្រភេទ B ក៏ដោយ ក៏វាមិនមានការចម្លងក្នុងការបំបៅដោះកូនដែរ។ ដូច្នេះបើលោកអ្នកកើតមាននូវរាល់រោគសញ្ញាដែលបានរៀបរាប់ខាងលើនេះ សូមអញ្ជើញមកពិគ្រោះជាមួយវេជ្ជបណ្ឌិតឯកទេសក្រពះពោះវៀន ថ្លើម និងឫសដូងបាត ដើម្បីស្វែងរក ពិនិត្យ និងការព្យាបាលឱ្យបានត្រឹមត្រូវ និងមានប្រសិទ្ធភាពខ្ពស់៕

The post តើត្រូវធ្វើបែបណា បើអ្នកកើតជំងឺរលាកថ្លើមប្រភេទ B ពេលកំពុងមានផ្ទៃពោះ? appeared first on Kampuchea Thmey Daily.

បើតាមប្រភពពីមន្ទីរពេទ្យកាល់ម៉ែត អគ្គបញ្ជាការដ្ឋាននៃដំណេក គឺនៅក្នុងអ៊ីប៉ូតាលាម៉ុស(Hypothalamus)។ ចលនការនៃដំណេក គឺស្មុគស្មាញ និងមានការចូលរួមពីតំបន់ផ្សេងៗទៀតរបស់ខួរក្បាល និងពពួកណឺរ៉ូត្រង់ម៉ែ្សទ័រ និងអរម៉ូនមួយចំនួន។ ដំណេកត្រូវបានកំណត់ដោយកត្តាធំៗពីរគឺ វដ្តទិនទិវា (circadian rhythm) ដែលចាត់ជានាឡិកានៃដំណេក និងលំនឹងដំណេក និងពេលភ្ញាក់ (sleep-wake homeostasis )។ ប្រព័ន្ធទាំងនេះ ទាក់ទងនឹងពន្លឺថ្ងៃដែលចូលតាមស្រទាប់រ៉េទីនរបស់ភ្នែកដើម្បីបញ្ឈប់ ឬជំរុញការបញ្ចេញជាតិមេឡាតូនីន ការប្រែប្រួលសីតុណ្ហភាពរាងកាយ និងកម្រិតអរម៉ូន គ័រទីសុលក្នុងឈាម។

ការប៉ះពាល់ចំនុចណាមួយនៅក្នុងប្រព័ន្ធនេះ គឺអាចរំខានដំណេកដ៏ស្កប់ស្កល់របស់យើងបាន។ តាមការសិក្សាមួយចំនួនបានបង្ហាញថា មានមនុស្សពេញវ័យប្រហែល ២០ ទៅ ២៨ % ដែលមានបញ្ហាពិបាកសម្រាន្តនៅពេលណាមួយ។ សូមកុំរំពឹងលើថ្នាំសម្រាន្ត ព្រោះការប្រើប្រាស់យូរអាចរំខានដល់លំនឹងប្រព័ន្ធធម្មជាតិរបស់យើង ឬអាចទៅជាញៀន។ គួរជ្រើសរើសការព្យាបាលដោយវិធីផ្លាស់ប្តូរ ទម្លាប់ និងកត្តាដែលរំខានការសម្រាន្តវិញ (Cognitive Behavioral Therapy)។

១. កំណត់កត្តារំញោច

ចូលទៅលើគ្រែ តែពេលងងុយ កុំទម្រេតខ្លួនលេងលើគ្រែយូរ ហើយកុំមើលទូរទស្សន៍ ឬប្រើគ្រឿងអេឡិចត្រូនិចលើគ្រែ។ បើក្រោយ ២០ ទៅ ៣០នាទី ហើយនៅតែមិនអាចគេងលក់ អ្នកអាចងើបទៅបន្ទប់ផ្សេង ធ្វើអ្វីមួយដោយស្ងប់ស្ងាត់ រហូតដល់ងងុយទើបត្រលប់ទៅចូលគ្រែសម្រាន្តវិញ។ ភ្ញាក់ពីដំណេក នៅម៉ោងដដែលជារៀងរាល់ថ្ងៃ ទោះថេរវេលានៃការសម្រាន្តលក់ប៉ុណ្ណាក៏ដោយ។ រៀបចំបរិយាកាសមុនសម្រាន្ត ដើម្បីឱ្យអារម្មណ៍ធូរស្រាល ដូចជាអានសៀវភៅ ឬ ងូតទឹកក្តៅឧណ្ហ៍ៗ។

២. បន្ថយចំនួនម៉ោងសម្រាន្ត

ដើម្បីបង្កើនគុណភាពនៃការសម្រាន្ត (Sleep restriction therapy)៖ បន្ថយចំនួនម៉ោងចំនាយលើគ្រែ ដើម្បីផ្សារភ្ជាប់ នឹងចំនួនម៉ោង/សម្រាន្តលក់ វិធីនេះគឺបង្កើនទម្លាប់សម្រាន និងជួយពង្រឹងការសម្រាន្តលក់។ បង្កើនថេរវេលាលើគ្រែ តាមប្រសិទ្ធភាពនៃដំណេក (ប្រសិទ្ធភាពដំណេក = ម៉ោងសម្រាន/ ម៉ោងស្ថិតនៅលើគ្រែ) និងរៀបចំរចនាសម្ព័ន្ធនៃការគិត។ រកមើលគំនិត អវិជ្ជមាន អំពីការសម្រាន្ត ឧទាហរណ៍: “ខ្ញុំ នឹង មិនអាចសម្រាន្តលក់យប់នេះ” ឬ “ខ្ញុំត្រូវការ យ៉ាងហោចណាស់ ៨ម៉ោង នៃដំណេកដើម្បីធ្វើការបាន”។ ជំនួសដោយការគិត និងជំនឿជាក់ស្តែង “ទោះបីខ្ញុំមិនអាចសម្រាន្តលក់យប់នេះ ខ្ញុំនៅតែអាចធ្វើការបាននៅថ្ងៃស្អែក”។

បន្ថែមពីនេះ លោកអ្នកអាចសមាធិ ដោយដកដង្ហើមចូលជ្រៅៗ ហាត់ដកដង្ហើមចូលជ្រៅៗ ដើម្បីបន្ថយសម្ពាធសាច់ដុំ។ ប្រឹង រួចពន្លាសាច់ដុំរាងកាយ ដើម្បីបន្ថយសម្ពាធដងខ្លួន។ សមាធិ ផ្ចង់អារម្មណ៍លើដង្ហើម ឬរូបភាពស្រទន់ណាមួយ ដើម្បីឱ្យអារម្មណ៍ស្ងប់ស្ងាត់។

ផ្ទុយពីការបង្ខំខ្លួនយើងឱ្យសម្រាន្ត ព្យាយាមនៅភ្ញាក់ វិធីនេះជួយបន្ថយការថប់អារម្មណ៍ អំពីការសម្រាន្តលក់ និងជួយឱ្យមានការសម្រាន្តលក់បែបធម្មជាតិវិញ។ កត់ត្រាម៉ោងពេលសម្រាន្ត ពេលភ្ញាក់ ចំនួនភ្ញាក់ពេលយប់ និងគុណភាពនៃការសម្រានលក់ អាចជួយឱ្យគ្រូពេទ្យមើលពីទំនោរនៃការសម្រានរបស់យើង និងណែនាំបន្ត។

៣. កត្តាដែលនាំឱ្យជោគជ័យ

-ត្រូវព្យាយាម អាចត្រូវការពេលវេលា ច្រើនអាទិត្យដែរដើម្បីមើលឃើញពីការធូរស្រាល

– និយាយពិភាក្សាជាមួយគ្រូពេទ្យពីការលំបាកផ្សេងៗដែលរំខានដំណេក

ការព្យាបាលដោយផ្លាស់ប្តូរទម្លាប់ គំនិតនេះ គឺជាការព្យាបាលដែលបានបង្ហាញពីប្រសិទ្ធភាពយូរអង្វែង ដើម្បីកែប្រែការពិបាកសម្រាន្តដោយជៀសវាងការប្រើប្រាស់ថ្នាំ៕

ប្រភពពីមន្ទីរពេទ្យកាល់ម៉ែត

The post តើអ្នកដឹងទេ ការគេងស្កប់ស្កល់ជួយពង្រឹងការចងចាំ និងបង្កើតគំនិតច្នៃប្រឌិត? appeared first on Kampuchea Thmey Daily.

លោកសាស្ត្រាចារ្យលើកឡើងបែបនេះក្នុងឱកាសអញ្ជើញបិទសិក្ខាសាលាពិគ្រោះយោបល់លើសេចក្តីព្រាងផែនការជាតិប្រយុទ្ធនឹងជំងឺមហារីក ឆ្នាំ២០២៥-២០៣០ កាលពីរសៀលថ្ងៃទី០៥វិច្ឆិកា ឆ្នាំ២០២៤។

លោកសាស្ត្រាចារ្យបានលើកឡើងទៀតថា សិក្ខាសាលានេះគឺជាជំហ៊ានមួយដ៏សំខាន់សម្រាប់ការកសាងផែនការជាតិប្រយុទ្ធនឹងជំងឺមហារីកនេះ ឱ្យមានភាពគ្រប់ជ្រុងជ្រោយ និងប្រាកដប្រជាសម្រាប់ការអនុវត្តន៍ និងសម្រេចបានការប្រយុទ្ធនឹងជំងឺមហារីកប្រកបដោយប្រសិទ្ធភាពខ្ពស់។

គួរបញ្ជាក់ថា សិក្ខាសាលាពិគ្រោះយោបល់នេះ បានទទួលជោគជ័យ និងលទ្ធផលផ្លែផ្កាគួរជាទីមោទនៈ។ ក្រោយពីមានការបង្ហាញខ្លឹមសារនៃសេចក្តីព្រាងដោយតំណាងក្រុមការងារកសាងផែនការនេះ ទៅកាន់សិក្ខាកាមចំនួន៨២នាក់
ដែលរួមមានថ្នាក់ដឹកនាំក្រសួងសុខាភិបាល សាស្រ្តាចារ្យ វេជ្ជបណ្ឌិតឯកទេសជំងឺមហារីកនៅមន្ទីរពេទ្យថ្នាក់ជាតិ ប្រធានមន្ទីរសុខាភិបាលខេត្ត តំណាងអង្គការសុខភាពពិភពលោក អង្គការ City Cancer Challenge Foundation តំណាងធនាគារពិភពលោក និងអង្គការដៃគូរអភិវឌ្ឍន៍ផ្សេងៗ ក្នុងនោះក៏បានរៀបចំក្រុមការងារបានបែងចែកឱ្យមានការពិភាក្សាលើប្រធានបទចំនួន៧ក្រុមរួមមាន៖
១/ ការធ្វើរោគវិនិច្ឆ័យរូបភាពវេជ្ជសាស្រ្ត និងវេជ្ជសាស្រ្តនុយក្លេអ៊ែរ

២/ ការធ្វើរោគវិនិច្ឆ័យតាមវិភាគរោគសាស្រ្ត
៣/ ការព្យាបាលជំងឺមហារីកតាមបែបវេជ្ជសាស្រ្ត និងដោយកាំរស្មី
៤/ ការព្យាបាលដោយសល្យសាស្រ្ត
៥/ ជំងឺមហារីកកុមារ
៦/ ការថែទាំសម្រន់
៧/ យន្តការគាំទ្រ។

សិក្ខាកាមម្នាក់ៗបានចូលរួមយ៉ាងសកម្មនៅក្នុងការពិភាក្សាដោយពិនិត្យសកម្មភាពយុទ្ធសាស្រ្តនីមួយៗ កែសម្រួលខ្លឹមសារ និងដាក់បន្ថែមធាតុចូលទៅក្នុងសេចក្តីព្រាងនេះឱ្យកាន់តែមានភាពគ្រប់ជ្រុងជ្រោយ និងប្រាកដប្រជា។ លទ្ធផលនៃការពិភាក្សាពីក្រុមនីមួយៗត្រូវបានបង្ហាញទៅកាន់អង្គពីធីទាំងមូល និងត្រូវបានសំយោគ និងដាក់បង្ហាញទៅកាន់ថ្នាក់ដឹកនាំក្រសួងសុខាភិបាលដែលជាគណៈអធិបតីដោយប្រធានក្រុមការងារ៕

អត្ថបទ៖ សំអឿន

The post មន្ត្រីជាន់ខ្ពស់៖ សូមកុំយកវិជ្ជាជីវៈពេទ្យទៅធ្វើជាមុខជំនួញ ត្រូវប្រកាន់ភ្ជាប់នូវក្រមសីលធម៌វិជ្ជាជីវៈឲ្យបានខ្ជាប់ខ្ជួន appeared first on Kampuchea Thmey Daily.