លោក វឌ្ឍនា ​បុគ្គលិក​ចម្ការម្រេច La Plantion បានឱ្យដឹងថា ​ដោយសារតែ​ផលប៉ះពាល់​ពី​អា​កាស​ធាតុ ​មានការធ្លាក់ភ្លៀងច្រើននៅរដូវវស្សា ​ហើយភាពរាំងស្ងួត ​ការកែច្នៃក្នុង​ចម្ការរបស់​លោកបាន​ធ្លាក់ចុះពី ៧០ តោន ​មកនៅត្រឹម ២០ តោន ក្នុងឆ្នាំ ២០២៥។​

​លោក ម៉ាក់ នី ប្រធានសមាគមសហព័ន្ធម្រេច និងគ្រឿងទេសកម្ពុជា (CPSF) ​មានប្រសាសន៍ថា​ ​តម្លៃម្រេច​ធម្មតានៅ​កម្ពុជា​​បានកើន​ដល់​ចន្លោះពី ២៥០០០-២៦៥០០ រៀល ក្នុងមួយ​គីឡូ​ក្រាម ដែលមានភាពល្អប្រសើរជាងឆ្នាំមុនដោយ សារមាន​ការ​បញ្ជាទិញ ខណៈ​ស្ដុក​ម្រេច​​នៅ​លើ​ពិភព​លោកប្រឈ​មនឹងការធ្លាក់ចុះ។

​យោងតាមសមាគម​សហព័ន្ធ​ម្រេច នៅក្នុងឆ្នាំ ២០២៤ ផលិតកម្ម​ម្រេច​នៅ​កម្ពុជា​សម្រេច​បាន​ប្រមាណ ៩ ពាន់តោន ធ្លាក់ចុះពី ៤០-៥០ ភាគរយ បើធៀបនឹងឆ្នាំ ២០២៣ ប៉ុន្តែ​តម្លៃ​ម្រេច​បាន​កើនឡើង​ទ្វេ​ដងដែលមានតម្លៃ ២ ម៉ឺន ៤ ពាន់រៀល​ក្នុង​មួយ​គីឡូ​ក្រាម។​

​ក្នុងមួយឆ្នាំកម្ពុជាប្រមូលផលម្រេច​បានក្នុងរង្វង់ ១,៧​ ម៉ឺនតោន ទៅ ២ ម៉ឺនតោន​លើផ្ទៃ​ដី​ជាង ៦ ពាន់​ហិកតា​ ខណៈទីផ្សារម្រេចកម្ពុជាត្រូវបាននាំទៅកាន់ប្រទេសវៀតណាមប្រមាណ ៨០ ភាគរយ និងប្រទេស​បន្ទាប់បន្សំដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុប៕​

​

The post ​កម្ពុជា​រកចំណូល​បាន​ជាង ​$៣០ លាន ​ពីការ​នាំចេញ​ម្រេច​ appeared first on Kampuchea Thmey Daily.

លោក ម៉ាក់ នី ប្រធានសមាគមសហព័ន្ធម្រេច និងគ្រឿងទេសកម្ពុជា (CPSF) ប្រាប់កម្ពុជា​ថ្មីនៅថ្ងៃទី ១៨ ខែមិថុនា ឆ្នាំ ២០២៥នេះថា ការប្រមូលផលម្រេចមិនទាន់បញ្ចប់នៅឡើយទេ ខណៈតម្លៃម្រេចធម្មតានៅ​កម្ពុជា​​បានកើន​ដល់​ចន្លោះពី ២៥០០០-២៦៥០០ រៀល ក្នុងមួយ​គីឡូ​ក្រាម ដែលមានភាពល្អប្រសើរជាងឆ្នាំមុន ដោយសារមាន​ការ​បញ្ជាទិញ ខណៈ​ស្ដុក​ម្រេច​​នៅ​លើ​ពិភព​លោកប្រឈ​មនឹងការធ្លាក់ចុះ។

កសិកររស់នៅស្រុកសំឡូត ខេត្តបាត់ដំបង លោក សឿម សុវណ្ណ ប្រាប់ថា ម្រេច​ខ្មៅ​ដែល​ប្រជា​កសិករ​​ធ្វើការ​ដាំដុះ និងហាលសម្ងួត កំពុង​មានតម្លៃ​ទីផ្សារ​ល្អ បើ​ប្រៀបធៀបឆ្នាំមុន ដែល​​ធ្វើឲ្យ​កសិករ​​សប្បាយរីករាយ។

លោក​បាន​បន្ថែម​ថា សម្រាប់​ម្រេច​ខ្ចីមួយ​តោន អាច​ហាល​ស្ងួត​ទៅ​ជា​ម្រេចខ្មៅបានជិត ៣០០ គីឡូក្រាម ហើយ​កាល​ពីឆ្នាំ​កន្លងទៅ ម្រេច​ខ្មៅលក់​បាន​ត្រឹមតែ ១៦.០០០ រៀល ក្នុងមួយ​គីឡូក្រាម លុះនៅ​ឆ្នាំនេះម្រេចខ្មៅអាចឡើង​រហូតដល់ ២៥.០០០ រៀល ក្នុងមួយ​គីឡូក្រាម ដែលខុសតម្លៃពីឆ្នាំមុនច្រើន។

យោងតាមសមាគម​សហព័ន្ធ​ម្រេច នៅក្នុងឆ្នាំ ២០២៤ ផលិតកម្ម​ម្រេច​នៅ​កម្ពុជា​សម្រេច​បាន​ប្រមាណ ៩ ពាន់តោន ធ្លាក់ចុះពី ៤០-៥០ ភាគរយ បើធៀបនឹងឆ្នាំ ២០២៣ ប៉ុន្តែ​តម្លៃ​ម្រេច​បាន​កើនឡើង​ទ្វេ​ដងដែលមានតម្លៃ ២ ម៉ឺន ៤ ពាន់រៀល​ក្នុង​មួយ​គីឡូ​ក្រាម។

យោងតាមក្រសួងពាណិជ្ជកម្ម នៅឆ្នាំ ២០២៤ កម្ពុជារកចំណូលបានជាង ៣៤ លានដុល្លារ ពី​ការ​នាំ​ចេញ​ម្រេច កើនឡើងជិត ១៥០% បើធៀបនឹងឆ្នាំ ២០២៣។

ក្នុងមួយឆ្នាំកម្ពុជាប្រមូលផលម្រេច​បានក្នុងរង្វង់ ១,៧​ តោន ទៅ ២ ម៉ឺនតោន​លើផ្ទៃ​ដី​ជាង ៦ ពាន់​ហិកតា​ ខណៈទីផ្សារម្រេចកម្ពុជាត្រូវបាននាំទៅកាន់ប្រទេសវៀតណាមប្រមាណ ៨០ ភាគរយ និងប្រទេស​បន្ទាប់បន្សំដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុប៕

The post ការនាំចេញម្រេចសម្រេចបានជិត ៨ ពាន់ តោន នៅក្នុងរយៈពេល ៥ ខែ ឆ្នាំនេះ appeared first on Kampuchea Thmey Daily.

តាមរយៈអ្នកបកប្រែ លោក វ៉ាង វិនពីន ថ្លែងដូច្នេះ៖«ខ្ញុំជឿជាក់ថាជាមួយនិងការកែលម្អជាបន្តបន្ទាប់ នៃហេដ្ឋារចនាសម្ព័ន្ធដូចជាការដឹកជញ្ជូន ផលិតផលកម្ពុជា ដែលមានគុណភាពខ្ពស់ ដូចជាបង្កងតាកែវ ម្រេច និងទុរេនកំពត នឹងត្រូវដឹកជញ្ជូនទៅគ្រប់ទិសទីនៃពិភពលោកកាន់តែងាយស្រួល ដែលធ្វើឱ្យមនុស្សកាន់តែច្រើនស្វែងយល់អំពីភាពទាក់ទាញ ពិសេសរបស់ផលិតនៅកម្ពុជា (Made in Cambodia)។ »។​

បង្កងធម្មជាតិខេត្តតាកែវ មានកេរ្តិ៍ឈ្មោះ និងទទួលបានការសរសើរពីរសជាតិដ៏ឈ្ងុយឆ្ញាញ់មិនដាច់ពីមាត់ពីសំណាក់ទេសចរជាតិ និងអន្តរជាតិ ។ ប្រភេទបង្កងធម្មជាតិ ខេត្តតាកែវ ត្រូវបានចុះបញ្ជីសម្គាល់ភូមិសាស្ត្រ(GI) ដោយក្រសួងពាណិជ្ជកម្ម នៅខែមេសា ឆ្នាំ២០២២ ក្នុងគោលបំណងទប់ស្កាត់ការក្លែងបន្លំលើ ទីផ្សារ ទាក់ទាញភ្ញៀវទេសចរជាតិ និងអន្តរជាតិ មកទស្សនាខេត្តតាកែវ និងពិសា «បង្កងតាកែវ»។ បង្កងធម្មជាតិតាកែវ ធ្លាប់ចូលរួមប្រកួតប្រជែងពិព័រណ៍ចំណីអាហារថ្នាក់ជាតិ និងអន្តរជាតិ នៅថៃ វៀតណាម ចិនកាលពីពេលកន្លងទៅ។ ក្នុងឆ្នាំ២០២៤ កន្លងទៅ បង្កងធម្មជាតិខេត្តតាកែវ  ទទួលបានទិន្នផលចំនួន ៥០តោនសម្រាប់ផ្គត់ផ្គង់ក្នុងខេត្ត និង ក្រៅខេត្ត។ សម្រាប់ខែ ដែលសម្បូរបង្កងខេត្តតាកែវ ពីចន្លោះពីខែធ្នូ ដល់ខែមេសា ជារៀងរាល់ឆ្នាំ។

ចំណែក ម្រេចកំពតគឺជាដំណាំដ៏មានសក្តានុពលរបស់កម្ពុជា ដែលជាផលិតផលសម្គាល់ភូមិសាស្ត្រ (GI) ដំបូងបំផុតរបស់កម្ពុជា ទទួលបានការការពារជាលក្ខណៈអន្តរជាតិនៅបណ្តាប្រទេសចំនួន ៣២ ក្រោមច្បាប់ទីក្រុងហ្សឺណែវប្រទេសស្វីស ដែលអ្នកផលិតជឿជាក់ថាការការពារនេះនឹងជួយពង្រឹងគុណភាពនិងពង្រីកទីផ្សារកាលពីថ្ងៃទី១៤ ខែធ្នូ ឆ្នាំ២០២០។ ម្រេចកំពត ត្រូវបាននាំចេញទៅក្រៅប្រទេសរាប់ពាន់​តោនក្នុងមួយ​ឆ្នាំ។ ទីផ្សារធំៗមាននៅប្រទេស​ អ៊ឺរ៉ុប និងអាមេរិក ហើយក៏មានទីផ្សារតូចៗផង​ដែរដូចជាប្រទេសជប៉ុន កូរ៉េខាងត្បូង ហុងកុង និងតៃវ៉ាន់។

រដ្ឋាភិបាលកម្ពុជា នៅថ្ងៃទី២៩ ខែមេសា នេះ សម្ពោធដាក់ឱ្យប្រើផ្លូវជាតិលេខ៣១, ផ្លូវជាតិលេខ៣៣ និងផ្លូវជាតិលេខ៤១ ដែលសំណាយថវិកា​សរុប​ប្រមាណ ១៨៨​លាន​ដុល្លារ ។ ផ្លូវទាំង៣ នេះមានភាពប្រទាក់ក្រឡាគ្នា និងការតភ្ជាប់ដូចជា ផ្លូវជាតិលេខ៣១ និងផ្លូវជាតិលេខ៣៣ តភ្ជាប់គ្នាត្រង់ចំណុចប្រសព្វនៃស្រុកកំពង់ត្រាច និងតភ្ជាប់ទៅកាន់ច្រកទ្វារព្រំដែនអន្តរជាតិកម្ពុជា-វៀតណាម (ព្រែកចាក) ហើយចំពោះផ្លូវ ជាតិលេខ៤១ វិញ គឺបានតភ្ជាប់ជាមួយផ្លូវជាតិលេខ៥១ ផ្លូវជាតិលេខ៤ ផ្លូវជាតិលេខ៣ និងតភ្ជាប់ ជាមួយខ្សែផ្លូវផ្សេងៗ​នៅក្នុងតំបន់នេះ​ក្នុងទិសដៅ​​ទៅឆ្ពោះកាន់​ខេត្តកំពត ជាពិសេសតំបន់ ឧស្សាហកម្ម កំពង់ផែសមុទ្រ តំបន់ទេសចរណ៍ឆ្នេរសមុទ្រធម្មជាតិ តំបន់កោះ និងរមណីយដ្ឋានធម្មជាតិ ប្រវត្តិសាស្ត្រដ៏ស្រស់ស្អាតដែលមានភាពទាក់ទាញបំផុត រួមទាំងឆ្ពោះ​ទៅព្រំដែន​កម្ពុជា-វៀតណាម។

ឯកអគ្គរដ្ឋទូតចិន វ៉ាង វិនពីន មើលឃើញថា ផ្លូវទាំង៣នេះ នឹងធ្វើឱ្យប្រសើរឡើងនូវបណ្ដាញដឹកជញ្ជូននៅភាគនិរតីប្រទេសកម្ពុជា ពីព្រោះថាផ្លូវនេះ មិនត្រឹមតែជួយសម្រួលដល់ការធ្វើដំណើររបស់ប្រជាជនក្នុងតំបន់ប៉ុណ្ណោះទេ ផ្លូវនេះ នឹងលើកកម្ពស់ការអភិវឌ្ឍសេដ្ឋកិច្ចក្នុងតំបន់បន្ថែមទៀត។

រដ្ឋមន្ត្រីក្រសួងសាធារណការ និងដឹកជញ្ជូន អះអាងថា ខ្សែផ្លូវទាំង៣ ខ្សែនេះ បាននិងកំពុងសម្រួលដល់ការធ្វើដំណើរ របស់ពលរដ្ឋ ភ្ញៀវទេសចរ និងបម្រើដល់ការដឹកជញ្ជូនទំនិញគ្រប់ប្រភេទ និងកសិផល ទៅកាន់ទីផ្សារក្នុងស្រុក និងទីផ្សារអន្តរជាតិ។ បន្ថែមពីនេះ ខ្សែផ្លូវជាតិទាំង៣ខ្សែ ក៏បានចូលរួម លើកកម្ពស់ការអភិវឌ្ឍតំបន់ ទេសចរណ៍សំខាន់ៗ ដូចជា តំបន់ឧទ្យានជាតិព្រះមុនីវង្សបូកគោ កោះទន្សាយ តំបន់ឆ្នេរ និងតំបន់មាត់សមុទ្រធម្មជាតិ ជាពិសេសផ្លូវជាតិលេខ៤១ ដែលនឹងចូល រួមជួយសម្រួល និងបញ្ចៀស ការកកស្ទះនៅលើផ្លូវជាតិលេខ៣ និងផ្លូវជាតិលេខ៤ បានមួយកម្រិត បន្ថែមទៀតផងដែរ៕

ដោយ៖ ង៉ិល ណារ៉ាត់

The post ទូតចិន ជឿជាក់ថា បង្កងតាកែវ ម្រេច និងទុរេនកំពត នឹងត្រូវនាំចេញទៅកាន់ទីផ្សារពិភពលោក appeared first on Kampuchea Thmey Daily.

លោក ម៉ាក់ នី ប្រ​ធាន​សហព័ន្ធ​ម្រេច និង​គ្រឿង​ទេស​កម្ពុជា ប្រាប់កម្ពុជាថ្មីនៅថ្ងៃទី ១៧ ខែមិថុនា ឆ្នាំ ២០២៤ នេះថា តម្លៃម្រេចធម្មតាមានការកើនឡើងទ្វេដង ដែលអាចលក់បានក្នុងតម្លៃ ៣ ម៉ឺនរៀលក្នុងមួយគីឡូក្រាម ដែលឆ្នាំមុនលក់បានតែ ១ ម៉ឺន ៤ ពាន់រៀលក្នុងមួយគីឡូក្រាម។

លោក ម៉ាក់ នី បញ្ជាក់ថា នៅក្នុងមួយឆ្នាំកម្ពុជាប្រមូលផលម្រេច​បានក្នុងរង្វង់ ១,៧​-២ ម៉ឺនតោន​លើផ្ទៃ​ដី​ជាង ៦ ពាន់ហិកតា ប៉ុន្តែនៅឆ្នាំនេះ ទិន្នផលម្រេចបានធ្លាក់ចុះប្រមាណ ៥០ ភាគរយ ដោយសារ​បាតុភូតអែលនីណូ។

យោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជាបង្ហាញថា នៅក្នុងរយៈពេល ៥ ខែ គិតចាប់ពីខែមករា រហូតដល់ ខែឧសភា ឆ្នាំ ២០២៤ ការនាំចេញម្រេចកម្ពុជាទៅកាន់​ទីផ្សារអន្តរជាតិ សម្រេចបានទឹកប្រាក់ជិត ២៣ លានដុល្លារ កើនឡើងជាង ២៤០ ភាគរយ បើធៀបរយៈពេលដូចគ្នាកាលពីឆ្នាំមុន។

បើតាមលោក ម៉ាក់ នី ទីផ្សារម្រេចកម្ពុជាបច្ចុប្បន្នត្រូវបាននាំទៅកាន់ប្រទេសវៀតណាមប្រមាណ ៨០ ភាគរយ និងប្រទេសបន្ទាប់បន្សំដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុបជាដើម៕

អត្ថបទ៖ ឡេង ដេត

The post តម្លៃម្រេចកម្ពុជាបានហក់ឡើងទ្វេដង ខណៈការនាំចេញសម្រេចបានទឹកប្រាក់ជិត ២៣ លានដុល្លារ appeared first on Kampuchea Thmey Daily.

“ម្រេចកំពត” ជា​ដំណាំ​សក្តានុពលនិង​ដំណាំ​យុទ្ធសាស្រ្ត​ដ៏​សំខាន់មួយ​សម្រាប់​ការ​នាំ​ចេញ។ ម្រេច​កំពត​មានគុណភាព​ជាលក្ខណៈ​​អន្តរជាតិ​ ដោយសារ​ការរួមបញ្ចូលគ្នានៃកត្តាធម្មជាតិ (អាកាសធាតុ ដី ជលសាស្ត្រ) និងកត្តាមនុស្ស (ចំណេះដឹង)។

ម្រេច​​កំពត​ត្រូវ​បាន​គេ​ដាំ​នៅ​តាម​ស្រុក​មួយ​ចំនួន​ក្នុង​ខេត្ត​កំពតនិង​ខេត្ត​កែបដែល​នៅ​ជិតគ្នា។

​

ប្រវត្តិនៃ​ដំណាំម្រេច

ដំណាំ​ម្រេចនៅកម្ពុជាមានប្រវត្តិរាប់សតវត្ស ហើយ​តាម​អ្នករុករកជនជាតិចិនឈ្មោះ​ ជីវ តាក្វាន់ ពិពណ៌នាអំពីការផលិតម្រេចនៅក្នុងប្រទេសកម្ពុជានៅដើមសតវត្សទី ១៣។

នៅ​សម័យ​អាណាព្យាបាលបារាំង ខេត្តកំពតត្រូវ​បាន​រកឃើញម្រេចដែលមានគុណភាពពិតប្រាកដ។ ជាមួយនឹងការមកដល់នៃអាណានិគមបារាំងនៅចុងសតវត្សទី ១៩ បានបង្កើនផលិតកម្មដំណាំម្រេច​ និងផលិតបានរហូតដល់ ៨០០០ តោនក្នុងមួយឆ្នាំនៅដើមសតវត្សន៍បន្ទាប់។

នៅពាក់កណ្តាលសតវត្សរ៍ទី ២០ ម្រេចកំពតឈានដល់ចំណុចកំពូលហើយម្រេចកំពតគឺជាគ្រឿងទេសនៃជម្រើសសម្រាប់​ភោជនីយដ្ឋានបារាំងលំដាប់កំពូល។

ការ​បង្កើត​សមាគមទ្រទ្រង់​ម្រេច​កំពត

សមាគមម្រេចកំពតបាន​ចាប់ផ្ដើមបង្កើតនៅថ្ងៃទី ០៣ ខែតុលា ឆ្នាំង ២០០៨ លើ​ផ្ទៃដីសរុប ២៩០ ហិកតានិងមានផលិតករ​ចូលរួម​ចំនួន ៤៥៥ គ្រួសារ។

សមាគមលើកកម្ពស់ម្រេចកំពត​មានសមាជិកអចិន្ត្រៃយ៍ចំនួន ១២ នាក់ ដែលត្រូវបានបោះឆ្នោតជ្រើសរើសរៀងរាល់ ៣ ឆ្នាំម្តង។ ប្រមុខរបស់​សមាគម​បច្ចុបប្បន្ន​គឺលោក ងួន ឡាយ។

ចក្ខុវិស័យសមាគមលើកកម្ពស់ម្រេចកំពត (KPPA)

«យើងកំពុងឈរនៅពីក្រោយអំណោយដ៏អស្ចារ្យបំផុតដែលបានមកពីទឹកដីរបស់ពួកយើង។ ពួកយើងការពារវានិងផ្សព្វផ្សាយវាដល់ពិភពលោកទាំងមូល។ ការគាំទ្រកសិដ្ឋានក្នុងស្រុកនិងកសិករគឺជាគោលដៅរបស់យើង»។

ម្រេច​កំពតបែងចែក​ជា ៤ ប្រភេទ៖

ម្រេច​ខ្ចី (ម្រេច​បៃតង)

ប្រមូលផលនៅពេលដែលនៅខ្ចី។ ម្រេចបៃតងកំពតគឺ​ជាដៃ​គូដ៏ល្អឥតខ្ចោះសម្រាប់​ជា​គ្រឿងផ្សំ​សម្រាប់​ធ្វើម្ហូបជាពិសេស​ឆាមឹកម្រេចខ្ចី។

ម្រេច​ខ្មៅ

ម្រេចខ្មៅកំពតផ្តល់ក្លិនក្រអូបខ្លាំងនិងឆ្ងាញ់។ រសជាតិរបស់វាអាចចាប់ពីហឹរខ្លាំងរហូតដល់ផ្អែមល្ហែម។ ម្រេចខ្មៅនេះស័ក្តិសមនឹងមុខម្ហូបគ្រប់ប្រភេទ ជាពិសេសជាមួយត្រីដុត។ លក្ខណៈពិសេសរបស់ម្រេចខ្មៅ​កំពតគឺភាពស្រស់និងក្លិននិងរសជាតិដ៏ពិសេសរបស់វា។

ម្រេចក្រហម

ម្រេចដែលមើលទៅមិនគួរឱ្យចាប់អារម្មណ៍នេះ​ ការ​ប្រមូលផលនៅពេលផ្លែវាចាស់ទុំពេញលេញនៅលើដើម។ ម្រេចក្រហមកំពតផ្តល់នូវក្លិនក្រអូប។ រសជាតិរបស់វារួមបញ្ចូលគ្នានូវរសជាតិហឹរជាមួយផង ហើយរសជាតិផ្អែមផង ហើយបង្កើតជារសជាតិមួយដែលផ្អែមមុនទើបហឹរក្រោយ។

ម្រេចស

ម្រេច​សខេត្តកំពតកម្រមានណាស់ដោយសារពិបាកប្រមូលផលដោយរង់ចាំរហូតម្រេចចាស់ហើយទុំ។ មានតែពីរបីរយគីឡូក្រាមប៉ុណ្ណោះដែលត្រូវបានផលិតជារៀងរាល់ឆ្នាំពីសំណាក់​កសិករ។

ទទួលស្គាល់លើឆាកអន្តរជាតិ

ម្រេចកំពតគឺជាដំណាំដ៏មានសក្តានុពលរបស់កម្ពុជា ដែលជាផលិតផលសម្គាល់ភូមិសាស្ត្រ (GI) ដំបូងបំផុតរបស់កម្ពុជា ទទួលបានការការពារជាលក្ខណៈអន្តរជាតិនៅបណ្តាប្រទេសចំនួន ៣២ ក្រោមច្បាប់ទីក្រុងហ្សឺណែវប្រទេសស្វីស ដែលអ្នកផលិតជឿជាក់ថាការការពារនេះនឹងជួយពង្រឹងគុណភាពនិងពង្រីកទីផ្សារ។

ម្រេចកំពតក៏​ទទួលបានកិច្ចការពារស្របច្បាប់មិនឱ្យភាគីទី ៣ ប្រើប្រាស់ដោយគ្មានការអនុញ្ញាត និងរំលោភបំពានចំពោះម៉ាកសម្គាល់ភូមិសាស្ត្រទំនិញក្នុងបណ្តាប្រទេសនានា។

ការនាំ​ចេញទៅក្រៅប្រទេស​

ម្រេចកំពត ត្រូវបាននាំចេញទៅក្រៅប្រទេសរាប់ពាន់​តោនក្នុងមួយ​ឆ្នាំ។ ទីផ្សារធំៗមាននៅប្រទេស​ អ៊ឺរ៉ុប និងអាមេរិក ហើយក៏មានទីផ្សារតូចៗផង​ដែរដូចជាប្រទេសជប៉ុន កូរ៉េខាងត្បូង ហុងកុង និងតៃវ៉ាន់។

ដំណាំម្រេចគឺជាកសិផលដំបូងគេរបស់កម្ពុជា ដែលត្រូវបានអនុញ្ញាតឱ្យនាំចេញទៅប្រទេសចិនក្នុងឆ្នាំ២០២៣ ហើយក៏ជាដំណាំគ្រឿងទេសដំបូងគេ ដែលត្រូវបានអនុញ្ញាតឱ្យនាំចេញទៅកាន់ទីផ្សារចិនដោយ​ផ្ទាល់​ផងដែរ៕

The post ម្រេចកំពតដំណាំយុទ្ធសាស្រ្ត​របស់កម្ពុជា​លក់បានថ្លៃ ទទួលស្គាល់​កម្រិត​ពិភពលោក appeared first on Kampuchea Thmey Daily.

លោក ងួន ឡាយ ប្រធានសមាគមម្រេចកំពត ប្រាប់កម្ពុជាថ្មីថា នៅឆ្នាំ ២០២៣ កសិករទើបតែប្រមូលផលបាន​ប្រមាណ ២០ ភាគរយ ខណៈក្រុមហ៊ុននាំចេញមានតិចតួច ហើយកសិករខ្នាតតូចទាំងអស់​បានធ្វើកិច្ចសន្យាជាមួយក្រុមហ៊ុនរួចហើយ។

ស្ថានទូតចិនប្រចាំកម្ពុជាបានប្រកាសឱ្យដឹងនៅថ្ងៃទី ១២ ខែឧសភា ឆ្នាំ ២០២៣នេះថា ម្រេចរបស់កម្ពុជាបានបំពេញគ្រប់នីតិវិធីក្នុងការនាំចេញ​ទៅកាន់ប្រទេសចិន ដែលអាចនាំចេញដោយផ្ទាល់ទៅទីផ្សារចិន។ ទីតាំងដាំម្រេចចំនួន ២៨ កន្លែង និងរោងចក្រវេចខ្ចប់ចំនួន៧កន្លែងត្រូវបានចុះបញ្ជី​ និងទទួលបាន​ការអនុញ្ញាតពីភាគីចិនក្នុងការនាំចេញ។

ពាក់ព័ន្ធនឹងបញ្ហានេះ លោក ងួន ឡាយ បញ្ជាក់ថា សម្រាប់ការនាំចេញទៅចិន ម្រេចកំពតមានតិចតួចណាស់ ដោយ​សារ​ក្រុមហ៊ុនចិនបានសិក្សាជាមួយកសិករច្រើនដងហើយ តែមិនមានលទ្ធផល ខណៈចិនទាមទារឱ្យតម្លៃទាប មិនអាចឱ្យកសិករចំណេញ។

ប៉ុន្តែលោកថា ការអនុញ្ញាតក្នុងការនាំម្រេចកម្ពុជាទៅកាន់ទីផ្សារចិននេះ គឺល្អសម្រាប់កសិករអ្នកផលិតម្រេចទូរទៅ ខណៈម្រេចកំពតមានរង្វង់ត្រឹមតែ ១០០ តោន ប៉ុណ្ណោះសម្រាប់ផ្គត់នៅទីផ្សារអឺរ៉ុប ដែលគេផ្ដោតលើគុណភាព និងសោភ័ណភាព។

លោក ងួន ឡាយបានឱ្យដឹងថា នៅឆ្នាំ ២០២០ សមាគមម្រេចកំពតមានសមាជិកចំនួន ៤៦០ គ្រួសារ​ ឥឡូវនៅសល់តែ៣៧៩ គ្រួសារ ដោយសារ​ម្រេចកំពតពិបាកផលិត ដែលសញ្ញាធ្លាក់ចុះ ដោយសារបញ្ហាប្រឈមច្រើន ដូចជាដីឡើងថ្លៃ និងការចំណាយទៅលើកម្លាំងពលកម្ម។ បច្ចុប្បន្នតម្លៃម្រេចកំពតនៅថេរដដែលដោយ ម្រេចខ្មៅ ១៥ ដុល្លារ ក្រហម ២៥ ដុល្លារ ម្រេច ស ២៨ ដុល្លារ។ នៅក្នុងឆ្នាំ ២០២២ ការនាំចេញម្រេចកំពតបានប្រមាណ ៨០ តោន។

យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ឱ្យដឹងថា នៅក្នុងរយៈពេល ៣ ខែ ដើមឆ្នាំ ២០២៣ ការនាំចេញម្រេច សម្រេចបាន ៨២២, ៦៥៤ តោន ក្នុងនោះ នាំចេញទៅវៀតណាមចំនួន ៧៦៥ តោន អាមេ រិក ២៦,១៤ តោន កូរ៉េខាងត្បូង ១៦,២ តោន បារាំង ៩,៥៤តោន បែល ហ្ស៊ិក ២,៣៦ តោន ជប៉ុន ១,៣៨ តោន ឥណ្ឌា ០,៩៦ តោន អាល្លឺម៉ង់ ០,៩០តោន សិង្ហបុរី០,១០តោន កោះតៃវ៉ាន់០,០៤តោន និងអូស្ត្រាលី០,០៣ តោន៕

អត្ថបទ៖ ឡេង ដេត

The post ទីផ្សារម្រេចកំពតឆ្នាំ២០២៣ មិនរំពឹងកើនឡើងច្រើនដោយសារបញ្ហាប្រឈមមួយចំនួន appeared first on Kampuchea Thmey Daily.