រដ្ឋ Los Angeles Archives - Kampuchea Thmey Daily

មនុស្ស៦០ត្រូវចាប់ខ្លួន តើកត្តាអ្វីធ្វើឲ្យការតវ៉ានៅ Los Angeles ក្លាយជាហិង្សា?

Rann Reuy — Mon, 09 Jun 2025 09:04:29 +0000

ការតវ៉ានៅទីក្រុង Los Angeles រដ្ឋកាលីហ្វ័រញ៉ា ចាប់តាំងពីចុងសប្តាហ៍មកនេះ បានប្រែក្លាយរូបភាពទៅជាហិង្សាកាន់តែខ្លាំង ហើយ ប្រធានាធិបតីសហរដ្ឋអាមេរិកក៏បានដាក់បទបញ្ជាបញ្ជូនកងកម្លាំង២០០០នាក់ទៅបង្ក្រាប ដែលរហូតដល់ម៉ោងផ្សាយចេញនេះ មនុស្សយ៉ាងហោចណាស់៦០ត្រូវចាប់ខ្លួន។

ប៉ូលិសចាប់ខ្លួនអ្នកតវ៉ាប្រឆាំងការចាប់ខ្លួនជនអន្តោប្រវេសន៍។ REUTERS

តើមានមូលហេតុអ្វីនៅពីក្រោយការតវ៉ា ប្រែក្លាយជាហិង្សាបែបនេះ?

ការចុះផ្សាយរបស់សារព័ត៌មាន Al Jaazeera បានដកស្រង់សម្តី លោក Marc Christopher មេធាវីអន្តោប្រវេសន៍ ដែលនិយាយថា ប្រជាជននៅទីក្រុង Los Angeles មានការខឹងសម្បារចំពោះ «ភាពឃោរឃៅ» នៃការបង្ក្រាបអន្តោប្រវេសន៍របស់រដ្ឋបាល ប្រធានាធិបតី ដូណាល់ ត្រាំ។

គាត់បាននិយាយពីទីក្រុង Milwaukeeថា ៖«ពួកគេកំពុងឃើញមនុស្សត្រូវបាននាំខ្លួនដោយបុគ្គលប្រដាប់អាវុធបិទបាំងមុខ (ពាក់ម៉ាស់)។ មនុស្សទាំងនេះដែលត្រូវបាននាំខ្លួនភាគច្រើនមិនមានកំណត់ត្រាឧក្រិដ្ឋកម្មទេ។ ពួកគេបាននៅក្នុងសហគមន៍យូរមកហើយ។ ពួកគេជាច្រើនមានពាក្យដាក់ស្នើសុំដែលស្ថិតនៅក្នុងដំណាក់កាលរង់ចាំ ជាមួយ USCIS [សេវាពលរដ្ឋ និងអន្តោប្រវេសន៍សហរដ្ឋអាមេរិក]»។

លោកមេធាវី បានបន្តថា៖‍«ហើយខ្ញុំគិតថាអ្វីដែលគួរឱ្យព្រួយបារម្ភបំផុតគឺយើងកំពុងឃើញកុមារត្រូវបានគេវាយខ្នោះ យើងកំពុងឃើញគ្រូបង្រៀនត្រូវបានចាប់ខ្លួនបញ្ជូនទៅឃុំខ្លួន។ ដូច្នេះពួកគេខឹងនឹងរឿងនោះរួចហើយ ហើយបន្ទាប់មកអ្នកបន្ថែមទៅលើការលាយបញ្ចូលគ្នានោះ ឆ្មាំប្រដាប់អាវុធ ឆ្មាំជាតិ និងឧស្ម័នបង្ហូរទឹកភ្នែក វាគ្រាន់តែធ្វើឱ្យស្ថានការណ៍កាន់តែក្តៅគគុក»៕

ដោយ រ៉ាន់ រើយ

The post មនុស្ស៦០ត្រូវចាប់ខ្លួន តើកត្តាអ្វីធ្វើឲ្យការតវ៉ានៅ Los Angeles ក្លាយជាហិង្សា? appeared first on Kampuchea Thmey Daily.

អាជ្ញាធរមូលដ្ឋាន បញ្ចប់កិច្ចព្រមព្រៀង ជាមួយរដ្ឋសហព័ន្ធ ក្រោយត្រាំបញ្ជាបង្ក្រាបបាតុកម្ម

Rann Reuy — Mon, 09 Jun 2025 08:01:30 +0000

រដ្ឋបាលទីក្រុង Glendale នៅរដ្ឋកាលីហ្វ័រញ៉ា បានប្រកាសបញ្ចប់កិច្ចព្រមព្រៀងជាមួយភ្នាក់ងារអនុវត្តច្បាប់អន្តោប្រវេសន៍ និងគយ (ICE) និងក្រសួងសន្តិសុខមាតុភូមិ របស់រដ្ឋសហព័ន្ធសហរដ្ឋអាមេរិក ដើម្បីផ្តល់ទីតាំងឃុំខ្លួនសម្រាប់ជនអន្តោប្រវេសន៍ដែលចាប់ឃុំឃាំងដោយរដ្ឋសហព័ន្ធ នៅឯនាយកដ្ឋានប៉ូលីស Glendale (GPD)។

ប៉ូលិសបង្គ្រាបបាតុករនៅ Los Angeles។ REUTERS

ក្នុងជម្លោះដ៏ហិង្សានៅកើតមានទៅទីក្រុង Los Angeles រដ្ឋកាលីហ្វ័រញ៉ា ដែលកើតមានដោយសារការតវ៉ាប្រឆាំងការចាប់បញ្ចូនខ្លួនជនអន្តោរប្រវេសន៍ពីសំណាក់រដ្ឋបាលលោក ដូណាល់ ត្រាំ បាននាំទៅការចាប់ខ្លួនមនុស្សជាច្រើននាក់ ការដាក់ពង្រាយកងកម្លាំងសហព័ន្ធរហូតដល់២០០០នាក់ និងសន្យាបន្ថែមទៀតនោះ ការតវ៉ាក៏កាន់តែខ្លាំងក្លាឡើងក្នុងទីក្រុង Los Angeles ក្នុងរដ្ឋកាលីហ្វ័រញ៉ានៅភាគខាងត្បូងសហរដ្ឋអាមេរិក ជាប់ប្រទេសម៉ិកស៊ិកនោះ។

តាមសេចក្តីរាយការណ៍របស់ Eyewithness News ដែលជាផ្នែកនៃទូរទស្សន៍ ABC មានមូលដ្ឋាននៅសហរដ្ឋអាមេរិក ដោយកត់សម្គាល់ឃើញថា ភ្នាក់ងារអនុវត្តច្បាប់ក្នុងកម្រិតថ្នាក់តំបន់ មិនបានចូលរួមក្នុងប្រតិបត្តិការអន្តោប្រវេសន៍សហព័ន្ធ មន្ត្រីបាននិយាយថា Glendale ត្រូវបានចាត់ចំណាត់ថ្នាក់ជាប្រចាំថាជាទីក្រុងមួយក្នុងចំណោមទីក្រុងដែលមានសុវត្ថិភាពបំផុតនៅក្នុងប្រទេស ហើយ GPD ត្រូវបានអ្នកស្រុកជឿទុកចិត្តយ៉ាងខ្លាំង។

សេចក្តីថ្លែងការណ៍មួយបានអានថា «នៅពេលនេះ វាជាផលប្រយោជន៍ដ៏ល្អបំផុតរបស់យើង ក្នុងការមិនអនុញ្ញាតឱ្យការជឿទុកចិត្តនោះត្រូវបានបំផ្លាញ»។

អាជ្ញាធរបានបន្ថែមថា ៖«ទោះបីជាតម្លាភាព និងការការពារទីក្រុងបានរក្សាក៏ដោយ ទីក្រុងទទួលស្គាល់ថា ការយល់ឃើញជាសាធារណៈចំពោះកិច្ចសន្យា ICE ទោះបីជាមានកម្រិត ឬគ្រប់គ្រងយ៉ាងប្រុងប្រយ័ត្នក៏ដោយ មិនថាល្អក៏ដោយ វាបានក្លាយទៅជាការបែកបាក់»។

សេចក្តីថ្លែងការណ៍ក៏បានកត់សម្គាល់ផងដែរថា អ្នកជាប់ឃុំ ដោយ ICE ប្រឈមមុខនឹងការលំបាកកាន់តែខ្លាំងក្នុងការចូលទៅកាន់ទីប្រឹក្សាផ្នែកច្បាប់ និងការទៅសួរសុខទុក្ខគ្រួសារ ដែលកន្លែងផ្តល់សេវា Glendale ផ្តល់ជូន។

តាមសេចក្តីរាយការណ៍របស់ AL Jaazeera អ្នកគ្រប់គ្រងទីក្រុងបាននិយាយនៅក្នុងសេចក្តីថ្លែងការណ៍មួយដែលបានបង្ហោះតាមអ៊ីនធឺណិតថា ចាប់តាំងពីឆ្នាំ ២០០៧ មក ទីក្រុងបានរក្សាបាននូវកន្លែងគ្រប់គ្រងក្នុងមូលដ្ឋានដែលមានការគ្រប់គ្រងខ្ពស់ ដែលរក្សាបាននូវស្តង់ដារខ្ពស់បំផុត ពង្រីកសេចក្តីថ្លៃថ្នូរជាមូលដ្ឋានដល់អ្នកដែលត្រូវបានឃុំខ្លួនជាបណ្តោះអាសន្ន – ធានាឱ្យមានលទ្ធភាពទទួលបានកន្លែងស្នាក់នៅស្អាត ការថែទាំសុខភាពតាមទូរស័ព្ទ ការសួរសុខទុក្ខគ្រួសារ និងការប្រឹក្សាផ្នែកច្បាប់។ តាមរយៈការផ្តល់សិទ្ធិចូលប្រើប្រាស់ក្នុងតំបន់ អ្នកជាប់ឃុំត្រូវបានផ្តល់ឱ្យនូវការឃុំឃាំងពីចម្ងាយដែលជិតដល់ពេលកំណត់ញឹកញាប់ពេក៕

ដោយ រ៉ាន់ រើយ

ការបង្ក្រាបាតុកម្មរបស់អាជ្ញាធរ។ Reuters

The post អាជ្ញាធរមូលដ្ឋាន បញ្ចប់កិច្ចព្រមព្រៀង ជាមួយរដ្ឋសហព័ន្ធ ក្រោយត្រាំបញ្ជាបង្ក្រាបបាតុកម្ម appeared first on Kampuchea Thmey Daily.

ផែនការនិរទេសរបស់លោកដូណាល់ ត្រាំ ទទួលការតបតប្រឆាំងទ្រង់ទ្រាយធំលើកដំបូង

Rann Reuy — Mon, 03 Feb 2025 03:34:32 +0000

នេះជាលើកទី១ដែលបាតុកររាប់ពាន់នាក់នៅទីក្រុង Los Angeles បានតវ៉ាប្រឆាំងនឹងផែនការនិរទេសដ៏ធំមិនធ្លាប់មានរបស់ប្រធានាធិបតី ដូណាល់ ត្រាំ (Donald Trump) នៅថ្ងៃទី២ខែកុម្ភៈឆ្នាំ២០២៥ ដោយមានការបិទផ្លូវធ្វើចរាចរណ៍ថែមទៀតផង។

ការតវ៉ាឈានដល់ការបិទផ្លូវ US 101 អស់រយៈពេលជាច្រើនម៉ោង។ Reuters

សេចក្តីរាយការណ៍របស់បណ្តាញសារព័ត៌មាន AP នៅល្ងាចថ្ងៃអាទិត្យម៉ោងនៅសហរដ្ឋអាមេរិក ត្រូវនឹងព្រឹកថ្ងៃចន្ទម៉ោងនៅកម្ពុជា បានឲ្យដឹងថា តវ៉ារបស់ក្រុមបាតុក្របានចាប់ផ្តើមនៅផ្លូវ Olvera ធ្វើដំណើរទៅកាន់សាលាក្រុង Los Angeles ហើយនៅទីបំផុតបានឈានទៅដល់ការបិទផ្លូវ US 101 អស់រយៈពេលជាច្រើនម៉ោង ដែលបណ្តាលឱ្យមានការរំខានយ៉ាងខ្លាំងដល់ចរាចរណ៍។

ទោះបីជាការតវ៉ាមានទំហំប៉ុនណាក៏ដោយ ក៏មិនមានរបាយការណ៍នៃការចាប់ខ្លួនដោយប៉ូលីសផ្លូវហាយវេរដ្ឋកាលីហ្វ័រញ៉ា ឬនាយកដ្ឋានប៉ូលីស Los Angeles នោះទេ។

តាមសេចក្តីរាយការណ៍របស់ Reuters ការតវ៉ានោះគឺប្រឆាំងការចាប់ខ្លួនដើម្បីនិរទេសចេញពីសហរដ្ឋអាមេរិក។ ក្រុមបាតុករ បានកាន់ទង់ជាតិប្រទេសនានា ប៉ុន្តែភាគច្រើនគឺទង់ជាតិប្រទេសម៉ិចស៊ិក ជាទីដែលជនអន្តោរប្រវេសន៍ឆ្លងកាត់ចូលសហរដ្ឋអាមេរិក។

ការតវ៉ាស្រដៀងគ្នានេះបានកើតឡើងនៅក្នុងទីក្រុងភាគខាងត្បូងរដ្ឋកាលីហ្វ័រញ៉ាផ្សេងទៀត រួមទាំង Riverside និង San Diego ក៏ដូចជានៅកណ្តាលទីក្រុង Dallas រដ្ឋ Texas ដែលមានអ្នកចូលរួមប្រមាណ ១៦០០នាក់បានប្រមូលផ្តុំគ្នា។ ក្រុមបាតុករបានកាន់ស្លាកសញ្ញា និងទង់ជាតិ ដោយអំពាវនាវឲ្យមានកំណែទម្រង់ពាក់ព័ន្ធនឹងស្ថានភាពអន្តោប្រវេសន៍ និងសម្តែងការខឹងសម្បារចំពោះគោលនយោបាយអន្តោប្រវេសន៍របស់រដ្ឋបាលរបស់លោក ដូណាល់ ត្រាំ។

នៅពេលឡើងកាន់អំណាចភ្លាមនៅថ្ងៃទី២០ខែមករា ដែលមានរយៈពេល២សប្តាហ៍គិតត្រឹមថ្ងៃចន្ទទី៣ខែកុម្ភ៖នេះ ប្រធានាធិបតីដូណាល់ ត្រាំ បានដាក់ចេញផែនការជម្លៀសជនអន្តោរប្រវេសន៍ខុសច្បាប់រាប់សិបម៉ឺននាក់រហូតដល់លាននាក់ចេញពីសហរដ្ឋអាមេរិក ដោយចោទថា ពួកគេទាំងនោះបង្កើតបញ្ហាឧក្រឹដ្ឋកម្មជាច្រើននៅសហរដ្ឋអាមេរិក។

យោងតាមរបាយការណ៍របស់ក្រសួងសន្តិសុខមាតុភូមិ ជនអន្តោប្រវេសន៍ខុសច្បាប់នៅសហរដ្ឋអាមេរិកមានប្រមាណ១៣លាននាក់នៅឆ្នាំ២០២៤កន្លងទៅ។ ផែនការបណ្តេញជនអន្តោប្រវេសន៍ខ្វះលិខិតគតិយុត្ត បានក្លាយជាបញ្ហាដ៏ក្តៅនៅក្នុងការឡើងកាន់អំណាចរបស់លោក ដូណាល់ ត្រាំ៕

ដោយ រ៉ាន់ រើយ

ក្រុមអ្នកតវ៉ាបង្ហាញការមិនខ្លាចសមត្ថកិច្ចអនុវត្តច្បាប់របស់សហរដ្ឋអាមេរិក។ REUTERS

The post ផែនការនិរទេសរបស់លោកដូណាល់ ត្រាំ ទទួលការតបតប្រឆាំងទ្រង់ទ្រាយធំលើកដំបូង appeared first on Kampuchea Thmey Daily.

តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង

Rann Reuy — Sun, 19 Jan 2025 03:45:24 +0000

ភាគខាងត្បូងរដ្ឋកាលីហ្វ័រញ៉ាជាទីដែលមានភ្លើងឆេះព្រៃស្រាប់អូសបន្លាយពេលជិត២សប្តាហ៍ទៅហើយនោះ នឹងជួបខ្យល់ព្យុះ Santa Ana ដ៏ខ្លាំងក្លា ចាប់ពីថ្ងៃទី២០ខែមករា ដល់ថ្ងៃទី២១ខែមករា ចំថ្ងៃដែលលោក ដូណាល់ ត្រាំ នឹងស្បថកាន់តំណែងប្រធានាធិបតីសហរដ្ឋអាមេរិក។

យន្តពន្លត់ភ្លើងឆេះព្រៃនៅ Palisades។ Reuter

តាមសេចក្តីរាយការណ៍ លោក ដូណាល់ ត្រាំ នឹងធ្វើដំណើរទៅកាន់រដ្ឋកាលីហ្វ័រញ៉ានៅសប្តាហ៍ក្រោយ បន្ទាប់ការពីការស្បថចូលកាន់អំណាចរួច។ ក្នុងអំឡុងពេលឆេះព្រៃក្នុងសប្តាហ៍ លោក ដូណាល់ ត្រាំ ត្រូវបានគេដឹងថា បានស្តីបន្ទោសអភិបាលរដ្ឋកាលីហ្វ័រញ៉ា លោក Gavin Newsom ចំពោះសមត្ថភាពក្របគ្រង់ស្ថានការណ៍ភ្លើងឆេះព្រៃនោះ។

ខណៈតំបន់ភ្លើងឆេះព្រៃនៅតំបន់ទីក្រុង Los Angeles ស្ថិតនៅភាគខាងត្បូងរដ្ឋកាលីហ្វ័រញ៉ា នៅតែមានគ្រោះថ្នាក់ និងស្រេកឃ្លានទឹកភ្លៀងដ៏ខ្លាំងនោះ និងស្របពេលដែលក្រុមពន្លត់អគ្គីភ័យបន្តប្រយុទ្ធដើម្បីទប់ស្កាត់ភ្លើងឆេះព្រៃយ៉ាងពេញលេញ ដែលបានបណ្តាលឲ្យមនុស្សយ៉ាងហោចណាស់ ២៧នាក់បានស្លាប់ និង បំផ្លាញផ្ទះរាប់ពាន់ខ្នងក្នុងខែនេះ។

ទោះបីជាគំរូខ្យល់នៅឈូងសមុទ្រត្រូវបានគេរំពឹងថានឹងឆ្លងកាត់តំបន់ Los Angeles និង Ventura ចាប់ពីថ្ងៃទី ២០ខែមករាដល់ថ្ងៃទី ២៤ខែមករាក៏ដោយ ប៉ុន្តែខ្យល់ត្រូវបានព្យាករណ៍ថានឹងបង្កគ្រោះថ្នាក់ខ្ពស់បំផុតនៅចន្លោះយប់ថ្ងៃទី ២០ខែមករា ដល់ព្រឹកថ្ងៃទី ២១ខែមករា។ នេះបើយោងតាមសារព័ត៌មាន New York Times។

តំបន់ Palisades ក្នុងចំណោមតំបន់ជាច្រើនទៀតដែលនៅជិតទីក្រុង Los Angeles ត្រូវភ្លើងឆេះព្រៃដ៏សាហាវឆាបឆេះចាប់ពីថ្ងៃទី៧ខែមករា និងបានបំផ្លាញលំនៅឋានប្រណីតៗរបស់តារាហូលីវូដ ផ្ទះពាណិជ្ជករ អ្នកជំនួញ និងតំបន់ពាណិជ្ជកម្មដ៏ល្បីនៅទីនោះ។

មានសេចក្តីរាយការណ៍ខ្លះបានអះអាងថា ប្រធានាធិបតីជាប់ឆ្នោត លោកដូណាល់ ត្រាំ ដែលមានប្រវត្តិជាអ្នកជំនួញអចលនទ្រព្យជោគជ័យម្នាក់ បានបង្ហាញបំណងអភិវឌ្ឍន៍អចលនទ្រព្យនៅតំបន់ភ្លើងឆេះដ៏សាហាវនោះ៕

ដោយ រ៉ាន់ រើយ

The post តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង appeared first on Kampuchea Thmey Daily.

ទិន្នន័យសំខាន់ៗក្នុងហេតុការណ៍ភ្លើងឆេះព្រៃនៅ LA រយៈពេល១សប្តាហ៍ដល់ថ្ងៃអង្គារនេះ

Rann Reuy — Tue, 14 Jan 2025 04:26:07 +0000

ចាប់តាំងពីថ្ងៃអង្គារទី៧សប្តាហ៍មុន ភ្លើងឆេះព្រៃដ៏សាហាវបំផុតក្នុងប្រវត្តិសាស្រ្តអាមេរិក បានចាប់ផ្តើមដោយវាបង្កើនការឆាបឆេះរាលដាលយ៉ាងរហ័សបំផុត ដោយសារតែអាកាសធាតុស្ងួត ការចាប់ផ្តើមរដូវប្រាំងលឿនជាសព្វដង និងជាពិសេសខ្វល់បាក់ខ្លាំង។ ក្នុងរយៈពេល១សប្តាហ៍នេះ គ្រោះមហន្តរាយភ្លើងឆេះដែលគេអាចសន្និដ្ឋានថា ជាគ្រោះមហន្តរាយធំបំផុតក្នុងប្រវត្តិសាស្ត្រអាមេរិក បានបង្កមហន្តរាយធ្ងន់ធ្ងរ។ ខាងក្រោមនេះ គឺជាការសង្ខេបព្រឹត្តិការណ៍និងវិធានការចុងក្រោយរបស់រដ្ឋបាលសហព័ន្ធនិងរដ្ឋកាលីហ្វ័រញ៉ា៖

ក្រុមពន្លត់អគ្គីភ័យត្រូវបានដាក់ពង្រាយបន្ថែមនៅ Palisades ដែលឆេះខ្លាំងនិងគ្រប់គ្រងបានតិចគិតត្រឹមថ្ងៃទី១៤ខែមករានេះ។ Reuter

អភិបាលរដ្ឋកាលីហ្វ៍័រញ៉ា លោក Gavin Newsom បានអំពាវនាវឲ្យស្ថាប័ននីតិបញ្ញត្តិនៅក្នុងរដ្ឋដ៏ធំជាប់មហាសមុទ្រប៉ាស៊ីហ្វិកនេះ អនុម័តកញ្ចប់ជំនួយបន្ថែមទៀតដែលមានទំហំទឹកប្រាក់ ២,៥ពាន់លានដុល្លារ ស្របពេលដែលអ្នកជំនាញបានព្យាករថា ភ្លើងឆេះព្រៃអាចជាគ្រោះមហន្តរាយដ៏ធំបំផុតក្នុងប្រវត្តិសាស្ត្រសហរដ្ឋអាមេរិក។
រដ្ឋកាលីហ្វ័រញ៉ាបានដាក់ពង្រាយក្រុមពន្លត់អគ្គីភ័យប្រមាណ១៥៣០០នាក់ ដោយបន្ថែមការដាក់ពង្រាយក្រុមអ្នកពន្លត់អគ្គីភ័យ៣០០ទៀតនៅថ្ងៃអង្គារ។
មនុស្សយ៉ាងហោចណាស់២៤នាក់បានស្លាប់ក្នុងហេតុការណ៍ភ្លើងឆេះព្រៃនេះ ខណៈពេលនេះសាច់ញាតិបានកំណត់អត្តសញ្ញាណសាកសពនៃអ្នកស្លាប់ នៅពេលពួកគេត្រូវឡប់ទៅកាន់ទីតាំងផ្ទះ បន្ទាប់ពីអាជ្ញាធរមូលដ្ឋានជូនដំណឹង។
ភ្លើងឆេះព្រៃនេះបានបំផ្លាញហេដ្ឋារចនាសម្ព័ន្ធជាង១២០០០កន្លែង ទៅជាគំនរផេះផង់ក្នុងរយៈពេលដ៏ខ្លីបំផុត។
យោងការប៉ានស្មាន់បឋមនៃការខូចខាត និងការបាត់បង់ផ្នែកសេដ្ឋកិច្ច ច្រើនជាង២៥០ពាន់លានដុល្លារ។ យោងតាម AccuWeather ដែលជាក្រុមហ៊ុនប្រព័ន្ធផ្សព្វផ្សាយក្នុងវិស័យឯកជនអាមេរិក ដែលផ្តល់សេវាព្យាករណ៍អាកាសធាតុពាណណិច្ចកម្ម។
ដោយអាកាសធាតុក្តៅត្រូវបានរំពឹងបន្តទៀតនៅក្នុងតំបន់នៃទីក្រុង Los Angeles (LA) រហូតដល់ថ្ងៃពុធ មន្ត្រីពន្លត់អគ្គីភ័យនៅក្នុងរដ្ឋ និងទីក្រុង បានដាក់ពង្រាយក្រុមពន្លត់អគ្គីភ័យនៅទូទាំង LA។
អាជ្ញាធរនៅ LA បានចាប់មនុស្ស៣នាក់ ពាក់ពាន់ការប្រើប្រាស់ដ្រូន២គ្រឿងដែលប៉ះពាល់ដល់ប្រតិបត្តិការប្រយុទ្ធអគ្គិភ័យ ខណៈពេលដែលការិយាល័យមេធាវីតំបន់ LA ក៏បានចោទប្រកាន់មនុស្ស១០នាក់ទាក់ទងបទល្មើសប្រព្រឹត្តក្នុងអំឡុងពេលភ្លើងឆេះព្រៃ ដោយ៩នាក់ពាក់ព័ន្ធការលួច។
ប្រជាជនរស់នៅតំបន់ Altadena បានដាក់ពាក្យបណ្តឹងចំនួន៣ ប្រឆាំងអាជ្ញាធរនៅតំបន់ Edison ដោយចោទប្រកាន់ជុំវិញការប្រើប្រាស់សម្ភារៈឆ្លើយតបចំពោះភ្លើងឆេះនៅ Eaton ដោយពាក្យបណ្តឹងនោះលើកឡើងនូវភស្តុតាងដែលថា ភ្លើងចាប់ផ្តើមឆេះក្រោមបង្គោលខ្សែភ្លើង និងយោងទៅលើតួនាទីអង្គភាពក្នុងហេតុការណ៍ភ្លើងឆេះព្រៃដទៃទៀត។ ទោះបីយ៉ាងណា ក៏មិនមានមូលហេតុផ្លូវការត្រូវបានបញ្ជាកសម្រាប់ភ្លើងឆេះព្រៃត្រូវបានបញ្ជាក់នៅឡើយ។
ប្រធានសភាអាមេរិក លោក Mike Johnson បាននិយាយថា គាត់ជឿថា នឹងមានលក្ខខណ្ឌស្តីពីជំនួយគ្រោះមហន្តរាយទៅដល់រដ្ឋកាលីហ្វ័រញ៉ា ដោយលើកឡើងថា «ថ្នាក់ដឹកនាំរដ្ឋ និងមូលដ្ឋានព្រងើយកណ្តើយតួនាទីរបស់ពួកគេ។
ប៉ុន្មានម៉ោងក្រោយការលើកឡើងរបស់ប្រធានរដ្ឋសភា ប្រធានាធិបតីដេលផុតអាណត្តិនៅសប្តាហ៍ក្រោយ បាននិយាយនៅក្នុងសន្និសីទសារព័ត៌មានថា «សភាត្រូវការបង្កើនល្បឿន និងអនុម័តមូលនិធី។
ទន្ទឹមនឹងនេះ លោកប្រធានាធិបតីជាប់ឆ្នោត លោក ដូណាល់ ត្រាំ (Donald Trump) បានប្រាប់សារព័ត៌មានអភិរក្សនិយម NewsMax ថាគាត់កំពុងសម្លឹងមើលការខូចខាតជាមួយនឹងទស្សនវិស័យដែលគាត់បានអភិវឌ្ឍជាអ្នកអភិវឌ្ឍន៍អចលនទ្រព្យ។
រហូតដល់ពេលនេះ ភ្លើងឆេះព្រៃនៅតែបន្តចំនួន៣តំបន់ផ្សេងៗគ្នា នៅ Los Angeles រួមមានៈ ភ្លើងឆេះព្រៃនៅតំបន់ Polisades មានទំហំ២៣៧១៣អា និងគ្រប់គ្រងបានត្រឹមតែ១៤ភាគរយប៉ុណ្ណោះ។ ភ្លើងឆេះព្រៃនៅ Eaton មានទំហំ ១៤១១៤ អា និងគ្រប់គ្រងបាន៣៣ភាគរយ និង ភ្លើងឆេះព្រៃនៅ Hurst មានទំហំ៧៩៩អា និងគ្រប់គ្រងបាន៩៧ភាគរយ។

ដោយ រ៉ាន់ រើយ

អគារពាណិជ្ជកម្មឆេះនៅPacific Palisades។ REUTERS

ទិដ្ឋភាពភ្នំឆេះ នៅតំបន់ Palisades។ REUTERS

The post ទិន្នន័យសំខាន់ៗក្នុងហេតុការណ៍ភ្លើងឆេះព្រៃនៅ LA រយៈពេល១សប្តាហ៍ដល់ថ្ងៃអង្គារនេះ appeared first on Kampuchea Thmey Daily.

តារាហូលីវូដចេញមុខរិះគន់វិស័យធានារ៉ាប់រងលំនៅឋាននៅ LA

Rann Reuy — Mon, 13 Jan 2025 09:32:21 +0000

យោងតាមការផ្សាយរបស់ Geo News តារាសម្តែងហូលីវូដ (Hollywood) លោក Tyler Perry បានរិះគន់ក្រុមហ៊ុនធានារ៉ាប់រងចំពោះការបោះបង់ចោលជនរងគ្រោះក្នុងហេតុការណ៍ភ្លើងឆេះព្រៃជាច្រើនកន្លែងនៅ Los Angeles ដែលបំផ្លាញដល់ផ្ទះប្រជាជនជាង១ម៉ឺនខ្នងដែលបង្កឲ្យមានការជជែកវែកញែកពីការទទួលខុសត្រូវរបស់ក្រុមហ៊ុនធានារ៉ាប់រងទូទៅ។

លោក Tyler Perry ដែលល្បីល្បាញនៅក្នុងរឿងភាគ Diary Of A Mad Black Woman។ Geo News

លោក Tyler Perry បាននិយាយប្រឆាំងនឹងក្រុមហ៊ុនធានារ៉ាប់រងចំពោះការបោះបង់ចោលជនរងគ្រោះដោយភ្លើងឆេះព្រៃដ៏សាហាវនៅ Los Angeles។ លោក Tyler Perry ជាតារាសម្តែងហូលីវូដដែលទទួលបានភាពល្បីល្បាញដោយសារការសម្តែងនៅក្នុងរឿងភាគ Diary Of A Mad Black Woman ។ នេះបើយោងតាមការផ្សាយដដែល។

ដោយរំឮកពីឧប្បត្តិហេតុនៃអគ្គីភ័យដ៏សាហាវក្នុងរយៈពេលជិត១សប្តាហ៍កន្លងមកនេះ លោក Tyler បានសរសេរនៅលើបណ្តាញសង្គមInstagram របស់ខ្លួនថា៖«មើលទៅកូនស្រីប្រើទុយោសួនច្បារដើម្បីព្យាយាមការពារផ្ទះរបស់ឪពុកម្តាយអាយុ៩០ឆ្នាំរបស់នាងព្រោះការធានារ៉ាប់រងរបស់ពួកគេត្រូវបានលុបចោលគឺគ្រាន់តែជាការសោកស្តាយចំពោះខ្ញុំ»។

តាមការចុះផ្សាយនោះ លោក Tyler Perry បានគូសបញ្ជាក់ថា ក្រុមហ៊ុនធានារ៉ាប់រងបានលុបចោលគោលការណ៍របស់ពួកគេសម្រាប់អ្នករស់នៅតំបន់ Altadena, Pacific Palisades និងដីដែលងាយនឹងភ្លើងឆេះផ្សេងទៀត មុនពេលដែលភ្លើងបានចាប់ផ្តើមពីថ្ងៃទី៧ខែមករា ឆ្នាំ២០២៥។

តារាសម្តែងវ័យ៥៥ ឆ្នាំរូបនេះបានបន្ថែមថា៖«តើនរណាផ្សេងទៀតយល់ឃើញថា វាគួរឱ្យរន្ធត់ដែលក្រុមហ៊ុនធានារ៉ាប់រងអាចយកប្រាក់រាប់ពាន់លានដុល្លារពីសហគមន៍ជាច្រើនឆ្នាំ»។

តាមការបូកសរុបនៃការឆេះ អគ្គិភ័យជាច្រើនកន្លែង នៅ Los Angeles បានឆាបឆេះលើផ្ទៃដីសរុប ១៥៧៨២ហិកតាហើយ ដោយបំផ្លាញសំណង់អគារនិងផ្ទះសម្បែងជាង ១២ ០០០ខ្នង និងជំរុញឲ្យមនុស្ស ១៨០ ០០០នាក់ ត្រូវជម្លៀសខ្លួន។ ក្នុងចំណោមការឆេះទាំងនោះ ភ្លើងឆេះព្រៃ នៅតំបន់ Palisades មានទំហំធំជាងគេ ពោលគឺវាចាប់ផ្តើមកាលពីថ្ងៃទី៧ខែមករា ក្នុងតំបន់ Pacific Palisades ហើយឥឡូវ វាបានឆាបឆេះដុតកម្ទេចលើផ្ទៃដី ៩៥១០ហិកតា។

យោងតាមការផ្សាយរបស់ Los Angeles Times ក្រុមហ៊ុនធានារ៉ាប់រងនៅកាលីហ្វ័រញ៉ាមិនបានគិតគួរកែសម្រួលឡើងវិញនូវគោលនយោបាយផ្ទះបន្ទាប់ពីផុតសុពលភាព ទោះបីជាពួកគេត្រូវជួនដំណឹងដោយទុករយៈពេល៧៥ថ្ងៃ។ ទោះបីជាបែបណាក្តី គោលនយោបាយនៅមានជាធរមាន អាចត្រូវបានលុបចោលដោយសារហេតុផលមិនបង់បុព្វលាភ ឬក៏ឆបោក។

តាមការចុះផ្សាយដដែល បានបង្ហាញថា ក្រុមហ៊ុនធានារ៉ាបរងបានទម្លាក់ចូលការស្នើសុំបណ្ណធានារ៉ាប់រងរាប់សែន នៅទូទាំងរដ្ឋកាលីហ្វ័រញ៉ា ក្នុងប៉ុន្មានឆ្នាំចុងក្រោយនេះ ដោយសារតែការកើនឡើងហានិភ័យដោយសារខ្វល់ខ្លាំំង និងការរួមចំណែកពីការប្រែប្រួលអាកាសធាតុ។

នាយកដ្ឋានធានារ៉ាប់រងបាននិយាយថា ប្រជាជនរស់នៅតំបន់ភ្លើងឆេះ អាចជាកម្មវត្ថុនៃការមិនកែសម្រួលឡើងវិញភ្លាមៗ ដែលនឹងបណ្តាលឲ្យផ្អាកមិនផ្តល់សំណង៕

ដោយ រ៉ាន់ រើយ

រថយន្តឆេះក្នុងហេតុការណ៍ភ្លើងឆេះព្រៃនៅ the Palisades។ Reuter

The post តារាហូលីវូដចេញមុខរិះគន់វិស័យធានារ៉ាប់រងលំនៅឋាននៅ LA appeared first on Kampuchea Thmey Daily.

ភ្លើងឆេះព្រៃបំផ្លាញផ្ទះនិងទ្រព្យសម្បត្តិនៅ Los Angeles ៥ថ្ងៃមកនេះ កំពុងធ្វើឲ្យក្រុមហ៊ុនធានារ៉ាប់រងនៅកាលីហ័្វរញ៉ា ឈឺក្បាលខ្លាំង

Rann Reuy — Sat, 11 Jan 2025 04:43:37 +0000

នៅពេលដែលភ្លើងឆេះរាលដាលដល់លំនៅឋានរាប់រយ ឬរហូតដល់ពាន់ខ្នងនៅ Los Angeles ត្រឹមរយៈពេលមិនដឹល់១សប្តាហ៍ ដោយបង្ខំឱ្យប្រជាជនជិត២០ម៉ឺននាក់ចាកចេញពីផ្ទះសម្តែង អ្វីដែលគួរឲ្យសោកស្តាយគឺការបាត់បង់ទ្រព្យសម្បត្តិមានផ្ទះសម្បែង រថយន្ត និងហេដ្ឋារចនាសម្ព័ន្ធរាប់ពាន់ផ្សេងទៀត។

រថយន្តឆេះនៅក្នុងហេតុការណ៍ភ្លើងឆេះ នៅ Los Angeles។ reuter

ការបាត់បង់ផ្ទះសម្តែង និងសម្ភារៈ ដែលត្រូវគេប៉ាន់ស្មានថា មានតម្លៃជាក់ស្តែងរហូតដល់រាប់ពាន់លានដុល្លារនោះ ក្រុមហ៊ុនធានារ៉ាប់លំនៅឋាន និងសម្ភារៈមានរថយន្តជាដើម នឹងមានបន្ទុកកាន់តែធ្ងន់ ឬថាអាចឈានទៅក្ស័យធន់ ឬទាញវិបត្តិសេដ្ឋកិច្ចសកលឲ្យធ្លាក់ចុះថែមទៀតផង។

មានការលើកឡើងជាច្រើនជុំវិញវិស័យធានារ៉ាប់រងនៅ Los Angeles ជាទីដែលភ្លើងបានឆាបឆេះចាប់តាំងពីថ្ងៃអង្គារទី៧ខែមករាថា ក្រុមហ៊ុនធានារ៉ាប់រងកំពុងតែឈឺក្បាល និងងាកទៅរឹតបនឹ្តងការអនុវត្តគោលនយោបាយធានារ៉ាប់រងរបស់ពួកគេដែលធ្លាប់តែបានការអនុគ្រោះក្នុងពេលកន្លងមក។

Ricardo Lara ជាក្រុមហ៊ុនទទួលកម្រៃជើងសារពីក្រុមហ៊ុនធានារ៉ាប់រងកាលីហ្វ័រញ៉ា (California Insurance) បានចេញនូវសេចក្តីជួយដំណឹងមួយដែល ទប់ស្កាត់ក្រុមហ៊ុនធានារ៉ាប់រងពីការលុបចោលឬមិនទទួលពិនិត្យលើគោលនយោបាយធានារ៉ាប់រងផ្ទះនៅក្នុងតំបន់ប៉ាស៊ីហ្វិក Palisades និងតំបន់ភ្លើងឆេះ Eatonនៅ San Gabriel Valley ដោយអំពាវនាវឲ្យក្រុមហ៊ុនធានារ៉ាប់រងពង្រីកការទទួលខុសត្រូវ ដើម្បីស្ថិរភាពសហគមន៍ដែលទទួលរងវិនាសកម្ម។

ការចេញសេចក្តីប្រកាសកាលពីថ្ងៃព្រហស្បតិ៍ មានបំណងការពារម្ចាស់ផ្ទះរស់នៅតំបន់ខាងលើ ពីការបាត់បង់គោលនយោបាយនោះរយៈពេល១ឆ្នាំ ដោយចាប់ផ្តើមពីថ្ងៃពុធ ពេលដែលអភិបាលក្រុង លោក Gavin Newsom ប្រកាសដាក់ស្ថានភាពក្នុងគ្រាអាសន្ន។

យោងតាមការផ្សាយរបស់ Los Angeles Times ក្រុមហ៊ុនធានារ៉ាប់រងនៅកាលីហ្វ័រញ៉ាមិនបានគិតគួរកែសម្រួលឡើងវិញនូវគោលនយោបាយផ្ទះបន្ទាប់ពីផុតសុពលភាពមួយរយៈរបស់ពួកគេនោះទេ ទោះបីជាពួកគេត្រូវជួនដំណឹងដោយទុករយៈពេល៧៥ថ្ងៃ។ ទោះបីជាបែបណាក្តី គោលនយោបាយនៅមានជាធរមាន អាចត្រូវបានលុបចោលដោយសារហេតុផលមិនបង់បុព្វលាភ។

តាមការចុះផ្សាយដដែល បានបង្ហាញថា ក្រុមហ៊ុនធានារ៉ាបរងបានទម្លាក់ចោលការស្នើសុំបណ្ណធានារ៉ាប់រងរាប់សែន នៅទូទាំងរដ្ឋកាលីហ្វ័រញ៉ាក្នុងប៉ុន្មានឆ្នាំចុងក្រោយនេះ ដោយសារតែការកើនឡើងហានិភ័យដោយសារខ្វល់ខ្លាំំង និងការរួមចំណែកពីការប្រែប្រួលអាកាសធាតុ។ នាយកដ្ឋានធានារ៉ាប់រងបាននិយាយថា ប្រជាជនរស់នៅតំបន់ភ្លើងឆេះ អាចជាកម្មវត្ថុនៃការមិនកែសម្រួលភ្លាមៗ ដែលនឹងបណ្តាលឲ្យផ្អាកមិនផ្តល់សំណង៕

ដោយ រ៉ាន់ រើយ

ទិដ្ឋភាពផ្ទះឆេះនៅ Palisades ក្រុង Los Angeles រដ្ឋ California។ Reuter

The post ភ្លើងឆេះព្រៃបំផ្លាញផ្ទះនិងទ្រព្យសម្បត្តិនៅ Los Angeles ៥ថ្ងៃមកនេះ កំពុងធ្វើឲ្យក្រុមហ៊ុនធានារ៉ាប់រងនៅកាលីហ័្វរញ៉ា ឈឺក្បាលខ្លាំង appeared first on Kampuchea Thmey Daily.

វិនាសកម្មនៅ Los Angeles ផ្អែកតាមសុភាសិតខ្មែរ «សូវស្លាប់បា កុំឱ្យស្លាប់មេ លិចទូកកណ្តាលទន្លេ កុំឱ្យតែភ្លើងឆេះផ្ទះ»

Rann Reuy — Sat, 11 Jan 2025 02:53:45 +0000

ត្រឹមរយៈពេល៤ថ្ងៃ តំបន់ដែលគ្របដណ្តប់ដោយព្រៃឈើពណ៌បៃតងស្រស់ស្អាត មានការរចនានិងតុបតែងស្រស់ត្រកាល តំបន់រស់នៅដោយបណ្តុំអភិជន អ្នកជំនួញ អ្នកនយោបាយ តារាសម្តែងលំដាប់ពិភពលោកល្បីៗជាច្រើនរូប និងជាតំបន់ដែលមានហេដ្ឋារចនាសម្ព័ន្ធស្រស់ស្អាត ប្រណីតនៅក្នុងប្រទេសដ៏ស៊ីវិល័យលើលោក បានក្លាយជាវាលរហោឋាន ដោយសារកម្លាំងអគ្គី (ភ្លើង)ដែលផ្តើមពីចំណុចដ៏តូចមួយ និងរុញច្រានល្បឿនដោយកម្លាំងខ្យល់ដ៏ខ្លាំង។

ទិដ្ឋភាពហាងទំនើបនៅកែងផ្លូវ សល់តែគ្រោងឆ្អឹងអគារប៉ុណ្ណោះ។ reuter

ផ្ទៃដីព្រៃលាយឡំដោយលំនៅឋានប្រណីតៗ ដែលមានទំហំចូលម៉ឹនហិកតា ត្រូវបានបំផ្លាញត្រឹមមួយប៉ប្រិចភ្នែក ដោយបន្សល់ទុកនូវវិនាសកម្មធម្មជាតិ និងក្តីសោកសង្រេងនិងការសោកស្តាយធនធានដែលខិតខំកសាងបន្តិចម្តងៗ ពីមនុស្សមួយជំនាន់ទៅមនុស្សមួយជំនាន់។

ប្រតិបត្តិការទប់ស្កាត់ការរីករាលដាលមិនទទួលបានជោគជ័យដូចការរំពឹងទុក ដោយសារកម្លាំងខ្យល់បកដ៏ខ្លាំង ជំរុញល្បឿននៃការឆេះរាលដាលកាន់តែខ្លាំងស្របពេលអាកាសធាតុស្ងួតហែងរយៈពេលយូរ បានជំរុញឲ្យការរាលដាលនេះកាន់តែឆាប់ និងបង្កវិនាសកម្មធ្ងន់ធ្ងរមិនធ្លាប់មិក្នុងប្រវត្តិសាស្ត្រសហរដ្ឋអាមេរិក។

តាមការវាយតម្លៃបឋម ទំហំនៃការខាតបង់ក្នុងអគ្គីភ័យមិនដល់១សប្តាហ៍នេះ មានទំហំដល់ទៅរាប់សិបពាន់លានដុល្លារ ដែលនឹងត្រូវប្រើពេលយូររហូតដល់រាប់សិបឆ្នាំដើម្បីស្តារស្ថានភាពនោះឡើងវិញ។

ខាងក្រោមនេះ ជាទិដ្ឋភាពខ្លះក្រោយភ្លើងឆេះនៅទីក្រុង Los Angeles រដ្ឋ កាលីហ្វ័រញ៉ា សហរដ្ឋអាមេរិក ជាទីដែលអគ្គីភ័យបានចាប់ផ្តើមឆេះកាលពីថ្ងៃអង្គារ៕

ដោយ រ៉ាន់ រើយ

ខ្មោចរថយន្តនៅផ្លូវ Sunset នៅតំបន់Palisades។ reuter

ទិដ្ឋភាពខ្មោចផ្ទះតាមដងផ្លូវនៅ Palisades។ reuter

ទិដ្ឋភាពក្រោយការឆេះផ្ទះ។ Reuter

ផ្សេងគ្របដណ្តប់លើអគារខ្ពស់ៗនៅ Los Angeles។ reuter

ទិដ្ឋភាពផ្សែងខ្មួលខ្មាញ់បាញ់ទៅលើអាកាសនៃភ្លើងឆេះព្រៃនៅ Los Angeles នៅថ្ងៃទី១០ខែមករា។ reuter

The post វិនាសកម្មនៅ Los Angeles ផ្អែកតាមសុភាសិតខ្មែរ «សូវស្លាប់បា កុំឱ្យស្លាប់មេ លិចទូកកណ្តាលទន្លេ កុំឱ្យតែភ្លើងឆេះផ្ទះ» appeared first on Kampuchea Thmey Daily.

រដ្ឋ Los Angeles Archives - Kampuchea Thmey Daily

​​មនុស្ស​៦០ត្រូវចាប់ខ្លួន តើ​កត្តាអ្វី​ធ្វើ​ឲ្យ​ការតវ៉ា​​​នៅ​ Los Angeles ​ក្លាយ​ជា​ហិង្សា​​?​

​​អាជ្ញាធរ​មូលដ្ឋាន​ ​បញ្ចប់​កិច្ច​ព្រម​ព្រៀង ជាមួយរដ្ឋសហព័ន្ធ ក្រោយ​ត្រាំបញ្ជា​​បង្ក្រាប​​បាតុកម្ម​

​​​​​ផែនការនិរទេស​​របស់​លោកដូណាល់ ត្រាំ​​ ទទួល​ការ​តប​ត​​​ប្រឆាំង​​ទ្រង់​ទ្រាយធំ​លើកដំបូង​​

ទិន្នន័យសំខាន់ៗ​​ក្នុងហេតុការណ៍​ភ្លើង​ឆេះ​ព្រៃ​​នៅ LA រយៈពេល​១ស​ប្តាហ៍​ដល់​ថ្ងៃ​​អង្គារ​នេះ​​

​តារា​ហូលីវូដ​ចេញមុខ​រិះគន់​​​​​វិស័យ​ធានារ៉ាប់រង​លំនៅឋាន​​​​នៅ​​​ LA

មនុស្ស៦០ត្រូវចាប់ខ្លួន តើកត្តាអ្វីធ្វើឲ្យការតវ៉ានៅ Los Angeles ក្លាយជាហិង្សា?

អាជ្ញាធរមូលដ្ឋាន បញ្ចប់កិច្ចព្រមព្រៀង ជាមួយរដ្ឋសហព័ន្ធ ក្រោយត្រាំបញ្ជាបង្ក្រាបបាតុកម្ម

ផែនការនិរទេសរបស់លោកដូណាល់ ត្រាំ ទទួលការតបតប្រឆាំងទ្រង់ទ្រាយធំលើកដំបូង

ទិន្នន័យសំខាន់ៗក្នុងហេតុការណ៍ភ្លើងឆេះព្រៃនៅ LA រយៈពេល១សប្តាហ៍ដល់ថ្ងៃអង្គារនេះ

តារាហូលីវូដចេញមុខរិះគន់វិស័យធានារ៉ាប់រងលំនៅឋាននៅ LA