ពិធីនេះប្រព្រឹត្តទៅក្រោមអធិបតីភាពសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដោយមានការចូលរួមពីសំណាក់ភ្ញៀវអន្តរជាតិ អង្គការសង្គមស៊ីវិលជាតិ និងអន្តរជាតិ សមាគមបុគ្គលិកសិក្សា សហជីព និងកម្មករនិយោជិតចំនួនជាង ៥ពាន់នាក់ នៅមណ្ឌលសន្និបាត និងពិព័រណ៍កោះពេជ្រ។

លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងថា ទិវាពលកម្មអន្ដរជាតិ ១ឧសភា គឺជាព្រឹត្តិការណ៍ប្រវត្តិសាស្ត្ររបស់បងប្អូនកម្មករនិយោជិត នៅទូទាំងពិភពលោក ហើយ​ត្រូវបាន​រាជរដ្ឋាភិបាលកម្ពុជាប្រារព្ធឡើងជារៀងរាល់ឆ្នាំ ចាប់តាំងពីក្រោយថ្ងៃរំដោះ ៧ មករា ឆ្នាំ១៩៧៩ មក។

បើតាមអ្នកនាំពាក្យរូបនេះ ការជ្រើសរើសប្រធានបទ រួមគ្នាកសាងភាពធន់ដើម្បីការងារសមរម្យ សម្រាប់ទិវាពលកម្មអន្ដរជាតិ ១ ឧសភា ឆ្នាំ២០២៦ នេះ គឺជាសក្ខីភាពនៃការ ប្តេជ្ញាចិត្តរបស់រាជរដ្ឋាភិបាល ក្នុងការលើកកម្ពស់ការអភិវឌ្ឍទីផ្សារការងារប្រកបដោយភាពធន់ និងចីរភាព ដោយឈរលើគោលការកែលម្អលក្ខខណ្ឌការងារ, ការធានាសិទ្ធិការងារ និងសេរីភាពអង្គការវិជ្ជាជីវៈ,ការពង្រឹងប្រព័ន្ធគាំពារសង្គម និងការលើកកម្ពស់កិច្ចសន្ទនាសង្គម ក្នុងគោលដៅបម្រើឧត្តមប្រយោជន៍របស់បងប្អូនកម្មករនិយោជិតទាំងក្នុងនិងក្រៅប្រព័ន្ធ។

អ្នកនាំពាក្យដដែល បានបន្ថែមថា ក្នុងកម្មវិធីស្អែកនេះ សម្តេចនាយករដ្ឋមន្ត្រី នឹង​ថ្លែងសារសំណេះសំណាលជាមួយបងប្អូនកម្មករនិយោជិត និងអង្គពិធីដោយរំលេចនូវ​បង្ហាញពី​វឌ្ឍនភាពនៃវិស័យការងារ និងសមិទ្ធផលកន្លងមក​របស់រាជរដ្ឋាភិបាល​ដែលបានអនុវត្តកន្លងមក និងទិសដៅទៅមុខដើម្បីឧត្តមប្រយោជន៍របស់បងប្អូនកម្មករនិយោជិត និងវិស័យទាំងមូលផងដែរ៕

The post កម្ពុជាជ្រើសយកប្រធានបទ «រួមគ្នាកសាងភាពធន់​ដើម្បីការងារ​សមរម្យ» ​ដើម្បីអបអរសាទរ​ទិវាពលកម្មអន្តរជាតិ១ ឧសភា ឆ្នាំនេះ appeared first on Kampuchea Thmey Daily.

ដើម្បីរៀបចំខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ថ្ងៃទី១ ខែឧសភា ឆ្នាំ២០២៥ នេះ ឱ្យប្រព្រឹត្តទៅបានល្អប្រសើរ រាជរដ្ឋាភិបាលសូមដាក់ចេញនូវវិធានការណែនាំដូចខាងក្រោម៖

១- ក្រសួងការងារនិងបណ្តុះបណ្តាលវិជ្ជាជីវៈ ដោយសហការជាមួយក្រសួង ស្ថាប័ន និងភាគីពាក់ព័ន្ធ ត្រូវរៀបចំប្រារព្ធពិធីរំលឹកខួបអនុស្សាវរីយ៍លើកទី១៣៩ នៃទិវាពលកម្មអន្ដរជាតិ ១ ឧសភា ថ្នាក់ជាតិ ដោយមានការចូលរួមពីកម្មករនិយោជិត និយោជក និងដៃគូពាក់ព័ន្ធ។

២- ក្រសួងព័ត៌មាន ត្រូវណែនាំប្រព័ន្ធឃោសនារបស់រដ្ឋនិងឯកជន បណ្ដាញសារព័ត៌មានសង្គមនានា ឱ្យផ្សព្វផ្សាយសារាចរនេះ និងសារលិខិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងសកម្មភាពនានារបស់កម្មករនិយោជិត ក្នុងឱកាសខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ១ ឧសភា។

៣- ក្រសួង ស្ថាប័នពាក់ព័ន្ធ រដ្ឋបាលរាជធានី ខេត្ត ត្រូវជ្រើសរើសទីតាំងសមស្របដូចជា ដងវិថី និង

ទីតាំងសំខាន់ៗ ដើម្បីចងបដាពាក្យស្លោកតាមខ្លឹមសារដូចខាងក្រោម៖

– អបអរសាទរខួបអនុស្សាវរីយ៍លើកទី១៣៩ នៃទិវាពលកម្មអន្ដរជាតិ ១ ឧសភា – រួមគ្នាដើម្បីការងារសមរម្យ និងកំណើនប្រកបដោយចីរភាពនិងភាពធន់

– ប្ដេជ្ញាបន្តធានាឱ្យបាននូវ «សហគ្រាសមួយជាសហគមន៍សុខសាន្ដមួយ»

– រួមគ្នាលើកកម្ពស់វប្បធម៌អនុលោមភាពតាមច្បាប់នៅតាមគ្រប់សហគ្រាស គ្រឹះស្ថាន – រួមគា្នលើកកម្ពស់សុខដុមនីយកម្មនៃទំនាក់ទំនងវិជ្ជាជីវៈ។

– រោងចក្រជាឆ្នាំងបាយរួមរបស់បងប្អូនកម្មករនិយោជិតនិងនិយោជក – រួមគ្នាធានាឱ្យបាននូវរបបសន្តិសុខសង្គមសម្រាប់កម្មករនិយោជិត – សន្តិភាពជាមូលដ្ឋានគ្រឹះនៃនិរន្តរភាពមុខរបរនិងការងារ – ថែរក្សាសន្តិភាពជាការថែរក្សាមុខរបរនិងការងារ – មានការងារ បង្កើតជំនាញ បង្កើនផលិតភាពការងារ

– ជំរុញការវិនិយោគនិងបង្កើនឱកាសការងារសមរម្យ។

៤- ម្ចាស់សហគ្រាស គ្រឹះស្ថាន ត្រូវរៀបចំកម្មវិធីកម្សាន្ដសប្បាយៗតាមលទ្ធភាពជាក់ស្ដែង និងចងបដា ពាក្យស្លោក នៅច្រកចេញចូល និងនៅតាមអគារសហគ្រាស គ្រឹះស្ថានរបស់ខ្លួន ដូចខាងក្រោម៖

– អបអរសាទរខួបអនុស្សាវរីយ៍លើកទី១៣៩ នៃទិវាពលកម្មអន្ដរជាតិ ១ ឧសភា

– រួមគ្នាដើម្បីការងារសមរម្យ និងកំណើនប្រកបដោយចីរភាពនិងភាពធន់

– ប្ដេជ្ញាបន្តធានាឱ្យបាននូវ «សហគ្រាសមួយជាសហគមន៍សុខសាន្តមួយ»
– រួមគ្នាលើកកម្ពស់វប្បធម៌អនុលោមភាពតាមច្បាប់

– រួមគ្នាលើកកម្ពស់សុខដុមនីយកម្មនៃទំនាក់ទំនងវិជ្ជាជីវ

– រោងចក្រជាឆ្នាំងបាយរួមរបស់បងប្អូនកម្មករនិយោជិតនិងនិយោជក។

៥- អង្គការវិជ្ជាជីវៈរបស់កម្មករនិយោជិត អង្គការវិជ្ជាជីវៈរបស់និយោជក កម្មករនិយោជិត និងនិយោជក នៃសហគ្រាសនីមួយៗ ព្រមទាំងដៃគូពាក់ព័ន្ធ ត្រូវរួមគ្នាប្រារព្ធពិធីអបអរសាទរខួបអនុស្សាវរីយ៍ លើកទី១៣៩ នៃទិវាពលកម្មអន្តរជាតិ ១ ឧសភា ក្នុងគោលដៅបង្ហាញឱ្យឃើញអំពីភាពថ្លៃថ្នូរ ភាពចាស់ទុំ និងភាពប្រសើរឡើងនៃសិទ្ធិសេរីភាពរបស់កម្មករនិយោជិត និងសុខដុមនីយកម្មន ទំនាក់ទំនងវិជ្ជាជីវៈ ដើម្បីបង្កើនការទាក់ទាញទុនវិនិយោគ និងបង្កើតឱកាសការងារកាន់តែប្រសើរ និងសមរម្យជូនបងប្អូនកម្មករនិយោជិត និងប្រជាពលរដ្ឋ។

៦- ក្រសួងមហាផ្ទៃ អគ្គស្នងការដ្ឋាននគរបាលជាតិ បញ្ជាការដ្ឋានកងរាជអាវុធហត្ថលើផ្ទៃប្រទេស រដ្ឋបាលរាជធានី ខេត្ត និងស្ថាប័នពាក់ព័ន្ធទាំងអស់ ត្រូវធានារក្សាការពារសន្តិសុខ សុវត្ថិភាព សណ្តាប់ធ្នាប់សាធារណៈ ក្នុងឱកាសនៃការប្រារព្ធទិវាពលកម្មអន្ដរជាតិ ១ ឧសភា នេះ ឱ្យបានល្អ។ ៧- អភិបាលនៃគណៈអភិបាលរាជធានី ខេត្ត ត្រូវសហការជាមួយនឹងអង្គការវិជ្ជាជីវៈ តំណាងបងប្អូនកម្មករនិយោជិត និងនិយោជក ដូចតទៅ៖

– រៀបចំពិធីអបអរសាទរខួបអនុស្សាវរីយ៍លើកទី១៣៩ នៃទិវាពលកម្មអន្ដរជាតិ ១ ឧសភា នៅតាម

រាជធានី ខេត្តនីមួយៗ

– ដឹកនាំរៀបចំកម្មវិធីកម្សាន្ដសប្បាយៗ ដើម្បីអបអរសាទរទិវាពលកម្មអន្តរជាតិ ១ ឧសភា នៅតាម

សហគ្រាស គ្រឹះស្ថាននីមួយៗ តាមស្ថានភាពជាក់ស្តែង។

៨- មន្ទីរការងារនិងបណ្តុះបណ្តាលវិជ្ជាជីវៈរាជធានី ខេត្ត ត្រូវធ្វើជាសេនាធិការជូនគណៈអភិបាល

រាជធានី ខេត្ត ក្នុងការរៀបចំពិធីអបអរសាទរនិងកម្មវិធីនានា។

៩- ក្រសួងការងារនិងបណ្តុះបណ្តាលវិជ្ជាជីវៈ ត្រូវរៀបចំឯកសារនិងតាមដានបូកសរុបការរៀបចំពិធីនេះ

ដើម្បីរាយការណ៍ជូនប្រមុខរាជរដ្ឋាភិបាល៕

កែសម្រួលដោយ ៖ នាគព័ន្ធ

The post រាជរដ្ឋាភិបាល​ចេញសារាចរស្តីពី​ ការ​រៀប​ចំ​ខួប​អនុស្សាវរីយ៍​លើក​ទី​១៣៩ នៃទិវាពលកម្មអន្តរជាតិ ១ឧសភា appeared first on Kampuchea Thmey Daily.

ក្រសួង​ការងារ បាន​ជូនដំណឹង​ដល់​សាធារណជន ជាពិសេស​ពលករ​ខ្មែរ​ដែល​កំពុង​ស្នាក់នៅ និង​ធ្វើការ​នៅ​ប្រទេស​ថៃ ជ្រាប​ថា យោង​ស្មារតី​ព្រមព្រៀង​រួម​រវាង​រាជរដ្ឋាភិបាល នៃ​ព្រះរាជាណាចក្រ​កម្ពុជា និង​រាជរដ្ឋាភិបាល នៃ​ព្រះរាជាណាចក្រ​ថៃឡង់​ដ៍ ក្នុង​ដំណើរ​ទស្សនកិច្ច​ផ្លូវការ​របស់ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា កាលពី​ថ្ងៃទី ៧ ខែកុម្ភៈ ឆ្នាំ ២០២៤ នៅ​ព្រះរាជាណាចក្រ​ថៃឡង់​ដ៍​ , យោង​ជំនួប​ទ្វេភាគី លោក​រដ្ឋមន្ត្រី​ក្រសួង​ការងារ និង បណ្ដុះបណ្ដាល​វិជ្ជាជីវៈ ជាមួយ​លោក​រដ្ឋមន្ត្រី​ក្រសួង​ការងារ នៃ​ព្រះរាជាណាចក្រ​ថៃឡង់​ដ៍ អំឡុង​ពេល​ចូលរួម​កិច្ចប្រជុំ​រដ្ឋមន្ត្រី​ការងារ​អាស៊ាន​លើក​ទី ២៨ (ALMM) នៅ​ប្រទេស​សិង្ហបុរី កាលពី​ថ្ងៃទី ៣០ ខែតុលា ឆ្នាំ ២០២៤ និង ជំនួប​ទ្វេភាគី​រដ្ឋមន្ត្រីការបរទេស​កម្ពុជា​-​ថៃ ក្នុង​ឱកាស​ចូលរួម​វេទិកា​អនាគត​អាស៊ាន​លើក​ទី ២ នៅ​ទីក្រុង​ហាណូយ សាធារណរដ្ឋ​សង្គមនិយម​វៀតណាម កាលពី​ថ្ងៃទី ២៥ ខែកុម្ភៈ ឆ្នាំ ២០២៥ រាជរដ្ឋាភិបាល នៃ​ព្រះរាជាណាចក្រ​ថៃឡង់​ដ៍ បាន​ឯកភាព​តាម​សំណើ​របស់​ក្រសួង​ការងារ​ថៃ លើកលែង​តម្លៃ​សេវា​ការអនុញ្ញាត​ចេញ​-​ចូល​ប្រទេស​ថៃ (Re-Entry Permit) ដល់​ពលករ​ខ្មែរ ឡាវ និង​ភូមា អំឡុងពេល​បុណ្យចូលឆ្នាំថ្មី ប្រពៃណីជាតិ ចាប់ពី​ថ្ងៃទី​ ១ ខែមេសា ដល់​ថ្ងៃទី​ ១៥ ខែឧសភា ឆ្នាំ​ ២០២៥។

ក្រសួង បាន​បញ្ជាក់​ថា ការលើកលែង​តម្លៃ​សេវា​នេះ គឺ​ផ្តល់ជូន​តែមួយ​ដង​គត់​ដល់​ពលករ​ខ្មែរ​ដែល​មាន​លិខិតឆ្លងដែន​/​លិខិត ធ្វើដំណើរ​ពលករ​កម្ពុជា​ទៅ​ធ្វើការ​នៅ​បរទេស (TD) និង​មាន​ទិដ្ឋាការ​ការងារ (Non-Immigration L-A Visa) ដែលមាន​សុពលភាព​លើសពី​ថ្ងៃទី​ ១៥ ខែឧសភា ឆ្នាំ ២០២៥។ ការ​លើកលែង​នេះ ក៏​បូក​រួម​ទាំង​កូន​ក្រោម​អាយុ ១៨​ ឆ្នាំ ដែល​ទទួល​បាន​ការ​វាយ​ត្រា​ប្រភេទ​អ្នក​ក្នុង​បន្ទុក និង​មាន​លិខិត​អនុញ្ញាត​ឱ្យ​ស្នាក់នៅ​ក្នុងប្រទេស​ថៃ លើស​ថ្ងៃទី ​១៥ ខែឧសភា ឆ្នាំ ២០២៥។ ដើម្បី​ឱ្យ​ការធ្វើដំណើរ​ចេញ​-​ចូល​ប្រទេស​ថៃ​ដោយ​រលូន សូម​ពលករ​ខ្មែរ​ត្រូវ​ធ្វើដំណើរ​ឆ្លងកាត់​តាម​ច្រកទ្វារព្រំដែន​អន្តរជាតិ​កម្ពុជា​-​ថៃ​។ ត្រូវ​វាយ​ត្រា​ចេញ​-​ចូល​ប្រទេស​ថៃ​លើ​លិខិតឆ្លងដែន​/​លិខិត​ធ្វើ​ដំណើរ TD ដែល​មាន​ទិដ្ឋាការ​ការងារ (Non-Immigration L-A Visa) ដោយ​មិនចាំបាច់​បំពេញ​ពាក្យ​ស្នើសុំ និង​បង់​ថ្លៃ​សេវា​ការ​អនុញ្ញាត ចេញ​-​ចូល​ប្រទេស​ថៃ (Re-Entry Permit)​។ ត្រូវធ្វើ​ដំណើរ​ចូល​ប្រទេស​ថៃ​វិញ​យ៉ាង​យូរ​ត្រឹម​ថ្ងៃទី​ ១៥ ខែឧសភា ឆ្នាំ​ ២០២៥។ ករណី​ធ្វើដំណើរ​ចូល​ប្រទេស​ថៃ​វិញ ក្រោយ​ថ្ងៃទី ​១៥ ខែឧសភា ឆ្នាំ​ ២០២៥ ពលករ​ត្រូវ​បំពេញ​ពាក្យ​ស្នើសុំ និង​បង់ថ្លៃ​សេវា​ការអនុញ្ញាត​ចេញ​-​ចូល​ប្រទេស​ថៃ (Re-Entry Permit) មុន​ធ្វើដំណើរ​ចេញពី​ប្រទេស​ថៃ ដោយ​គិត​តម្លៃ​សេវា​ជា​ធម្មតា បើ​មិន​ដូច្នេះ ទិដ្ឋាការ​ការងារ (Non-Immigration L-A Visa) របស់​ពលករ​ខ្មែរ នឹង​អស់​សុពលភាព។

បន្ថែម​លើ​នេះ ក្រសួង​ការងារ ក៏បាន​សហការ​ជាមួយ​អគ្គនាយកដ្ឋាន អន្តោប្រវេសន៍ នៃ​ក្រសួងមហាផ្ទៃ រដ្ឋបាលខេត្ត​ជាប់​ព្រំដែន​កម្ពុជា​-​ថៃ ស្ថាន​ឯកអគ្គរាជទូត​កម្ពុជា​/​អនុព័ន្ធ​ការងារ អម​ស្ថាន​ឯកអគ្គរាជទូត​កម្ពុជា​ប្រចាំ​ព្រះរាជាណាចក្រ​ថៃឡង់​ដ៍ ស្ថាន​អគ្គ​កុងស៊ុល​កម្ពុជា​ប្រចាំខេត្ត​សៈ​កែវ និង អាជ្ញាធរ​ពាក់ព័ន្ធ ដើម្បី​សម្របសម្រួល​ដល់​ពលករ​ខ្មែរ​ដែល​វិល​ត្រឡប់មក​ស្រុកកំណើត អំឡុង​ពេល​បុណ្យចូលឆ្នាំថ្មី​ប្រពៃណីជាតិតាម​ច្រកទ្វារ​អន្តរជាតិ​កម្ពុជា​-​ថៃ។

សម្រាប់​ព័ត៌មាន​បន្ថែម សូម​ទំនាក់ទំនង​មក​ស្ថាន​ឯកអគ្គរាជទូត​/​អនុព័ន្ធ​ការងារ​អម​ស្ថាន​ឯកអគ្គរាជទូត កម្ពុជា​ប្រចាំ​ព្រះរាជាណាចក្រ​ថៃឡង់​ដ៍ តាមរយៈ​ទូរ​សព្ទ​លេខ +៦៦ ៨៣ ៥៤៥ ៧៧៨៨, +៦៦ ៦២ ០៨៩ ៨៩១៨ និង +៦៦ ៩២ ២៩៩ ០១៣៣ ឬ​តាមរយៈ​ប្រព័ន្ធ Hotline របស់​ក្រសួង​ការងារ និង​បណ្តុះបណ្តាល​វិជ្ជាជីវៈ នៃ​ព្រះរាជាណាចក្រ​កម្ពុជា​លេខ “១២៨៦” ឬ “១២៩៧” ឬ​លេខ​ទូរ​សព្ទ ០៩៧ ៩២០ ២០២៣ ឬ​ក្រុម​តេ​ឡេ​ក្រាម “​សម្រាប់ ពលករ​ទេសន្តរប្រវេសន៍​” តាម​តំណ​ភ្ជាប់ https://t.me/KhmerMigrantWorker។

ក្រសួង​ការងារ សូម​ជូនពរ​ដល់​ពលករ​ខ្មែរ​ធ្វើដំណើរ​ប្រកបដោយ​សុវត្ថិភាព​ពី​តំបន់​ផ្សេងៗ នៃ​ប្រទេស​ថៃ​មក​ព្រំដែន​កម្ពុជា និង​ពី​ព្រំដែន​កម្ពុជា​ទៅ​ស្រុកកំណើត៕

អត្ថបទ ៖ សំអឿន

The post រាជរដ្ឋាភិបាល លើកលែងតម្លៃសេវាចេញ-ចូល ថៃ តាមច្រកទ្វារព្រំដែន សម្រាប់ពលករខ្មែរត្រលប់មកស្រុកពេលបុណ្យចូលឆ្នាំថ្មី appeared first on Kampuchea Thmey Daily.

លោក​វេជ្ជបណ្ឌិត អ៊ុក វិជ្ជា ប្រធាន​មជ្ឈមណ្ឌល​ជាតិ​ប្រយុទ្ធ​នឹង​ជំងឺ​អេដស៍​សើ​ស្បែក និង​កាមរោគ នៃ​ក្រសួងសុខាភិបាល ​បាន​មាន​ប្រសាសន៍​កាលពី​ថ្មីៗ នេះ​ថា ចាប់​តាំងពី​ត្រីមាស​ទី ១ ឆ្នាំ ២០២២ រហូតមកដល់​ឆ្នាំ ២០២៤ កន្លង​ទៅ​នេះ យើង​បាន​ផ្តល់​ប័ណ្ណ​សមធម៌​ជូន​ដល់​អ្នក​ផ្ទុក​មេរោគ​អេដស៍​បាន​ចំនួន ៤៦,១៩៤​ នាក់​ ស្មើនឹង​ ៦៦%​ នៃ​អ្នក​កំពុង​ទទួល​ការ​ព្យាបាល​ដោយ​ឱសថ​ប្រឆាំង​មេរោគ​អេដស៍​ចំនួន ​៦៩ ៩៩៤ នាក់ នៅ​ទូទាំង​ប្រទេស។

លោក​វេជ្ជបណ្ឌិត បាន​បន្តថា ការ​ផ្តល់​ប័ណ្ណ​សមធម៌​ជូន​ដល់​អ្នក​ផ្ទុក​មេរោគ​អេដស៍​នេះ យើង​នៅ​មិន​ទាន់​ដឹង​ថា នឹង​បញ្ចប់​នៅ​ពេលណា​ទេ ដោយសារ​មាន​អ្នកជំងឺ​ចាស់ និង​ថ្មី មក​ស្នើសុំ​ជា​បន្តបន្ទាប់។

លោក​វេជ្ជបណ្ឌិត បាន​ពន្យល់​ថា អ្នក​ផ្ទុក​មេរោគ​អេដស៍ អាច​ទទួល​បាន​ប័ណ្ណ​សមធម៌​នេះ​បាន​ទាមទារ​ឱ្យ​ចុះបញ្ជី​នៅ​តាម​ទីតាំង​ដែល​គាត់​ទៅ​ទទួល​សេវា​តាមរយៈ​ថេប​ប្លែក​ជា​ប្រព័ន្ធ​ឌីជីថល​ដែល​ត​ភ្ជាប់​ប្រព័ន្ធ​ទិន្នន័យ​ជាមួយ​ក្រសួងផែនការ ហើយ​ការងារ​នេះ​ក៏​មាន​សហការ​ជាមួយ​អង្គការ យូ​អេស អេ​អាយ​ឌី អង្គការ​យូ​អិន​អេដស៍ អង្គការ​យូ​អិន​ឌី​ភី។

លោក​វេជ្ជបណ្ឌិត បាន​បន្តទៀតថា អ្នក​ផ្ទុកមេរោគ​អេដស៍​ទទួលបាន​ប័ណ្ណ​សមធម៌​ពិត​ជាមាន​សារៈសំខាន់​ណាស់​ក្នុង​ការចូលរួម​កាត់បន្ថយ​ការចំណាយ​ច្រើន​នៅក្នុង​គ្រួសារ​ ព្រោះ​ពួកគាត់​ទទួល​បាន​ការលើកលែង​បង់​ប្រាក់​ពេល​ទៅ​ពិនិត្យ និង​ព្យាបាល​ជំងឺ​ផ្សេងៗ​ នៅ​តាម​មន្ទីរពេទ្យ​រដ្ឋ​ ដោយ​រាជរដ្ឋាភិបាល​ជា​អ្នក​បង់ថ្លៃ​ជំនួស។

លោក​វេជ្ជបណ្ឌិត បាន​បន្ថែម​ទៀត​ថា «ការ​ផ្តល់​ជូន​ប័ណ្ណ​សមធម៌​ដល់​អ្នកជំងឺ​អេដស៍​បាន​ជួយ​សម្រួល​ដល់​ការ​រស់នៅ​របស់​ពួកគាត់​បាន​ល្អ​ប្រសើរ ព្រោះថា​ក្រៅពី​ការ​មក​ទទួល​សេវា​ព្យាបាល​ជំងឺ​អេដស៍​ដោយ​ឥតគិតថ្លៃ​ហើយ ពួកគាត់​អាច​ទៅ​ព្យាបាល​នៅ​តាម​មន្ទីរពេទ្យ​រដ្ឋ​ឥតគិតថ្លៃ​ផង​ដែរ ដែល​បាន​ជួយ​រួមចំណែក​កាត់បន្ថយ​ការ​ចំណាយ​ផ្សេងៗ ក្នុង​គ្រួសារ លើកស្ទួយ​ជីវភាព​កាន់តែ​ប្រសើរ​»។

លោក​វេជ្ជបណ្ឌិត បាន​អំពាវនាវ​ដល់​អ្នក​សង្ស័យ​ថា​មាន​ផ្ទុកមេរោគ​អេដស៍ ត្រូវ​ក្លាហាន​ចេញមក​ធ្វើតេស្ត​ឈាម​រក​មេរោគ​អេដស៍ ដើម្បី​ទទួលបាន​ការព្យាបាល​ជំងឺ​ត្រឹមត្រូវ និង​ទទួល​បាន​ប័ណ្ណ​សមធម៌ ​ដើម្បី​ទទួល​បាន​អត្ថប្រយោជន៍​ជាច្រើន​ពី​រាជរដ្ឋាភិបាល​។ ចំណែក​អ្នក​ផ្ទុកមេរោគ​អេដស៍ ត្រូវ​ព្យាបាល​ឱ្យបាន​ទៀត​ទាត់​ជាប់លាប់ ​និង​ត្រឹមត្រូវ​ ពោលគឺ​អនុវត្ត​ទៅតាម​ការណែនាំ​របស់​គ្រូពេទ្យ​ ហើយ​កាលណា​អ្នកជំងឺ​ព្យាបាល​បាន​ត្រឹមត្រូវ​ នឹង​អាច​រស់នៅ​បាន​យូរ​អង្វែង​ដូច​ប្រជាពលរដ្ឋ​ធម្មតា​ដែរ។

គួរ​បញ្ជាក់​ថា តាម​ការ​ប៉ាន់ស្មាន​នៅ​ឆ្នាំ ២០២៤​ កម្ពុជា មាន​ចំនួន​អ្នក​រស់នៅ​ជាមួយ​មេរោគ​អេដស៍​ប្រមាណ ៧៦ ០០០ នាក់ ក្នុង​នោះ​មាន​អ្នកជំងឺ​អេដស៍​សកម្ម​ដែល​កំពុង​ទទួល​សេវា​ព្យាបាល​ដោយ​ឱសថ​ប្រឆាំង​មេរោគ​អេដស៍​ទាំង ៧៤ កន្លែង ចំនួន ៦៩ ៩៩៤ នាក់ ហើយ​ប្រហែល​នៅសល់​អ្នក​រស់នៅ​ជាមួយ​មេរោគ​អេដស៍ ៦ ០០០ នាក់ ទៅ ៧ ០០០ នាក់ នៅ​មិនទាន់​បាន​ដឹង​ខ្លួន និង​មិនទាន់​បាន​ធ្វើតេស្ត និង​ទទួល​សេវា​ព្យាបាល​នៅឡើយ​ទេ ខណៈ​ក្នុង ១ ឆ្នាំៗ មាន​អ្នក​ឆ្លង​ថ្មី​ នៃ​មេរោគ​អេដស៍​ប្រមាណ ១ ២០០ នាក់ និង​ស្លាប់​ប្រមាណ ១ ១០០ នាក់៕

អត្ថបទ ៖ សំអឿន

The post ត្រឹមឆ្នាំ ២០២៤ រាជរដ្ឋាភិបាល ផ្ដល់ប័ណ្ណសមធម៌ជូនអ្នកជំងឺអេដស៍ ជាង ៤ ម៉ឺន ៦ ពាន់នាក់ ស្មើនឹង ៦៦% appeared first on Kampuchea Thmey Daily.

លោក​វេជ្ជបណ្ឌិត អ៊ុក វិជ្ជា ប្រធាន​មជ្ឈមណ្ឌល​ជាតិ​ប្រយុទ្ធ​នឹង​ជំងឺ​អេដស៍​សើស្បែក និង​កាមរោគ បាន​មាន​ប្រសាសន៍​នៅ​រសៀល​ថ្ងៃ​ទី ២១ វិច្ឆិកា នេះ​ថា ចាប់​តាំងពី​ត្រីមាស​ទី ១ ឆ្នាំ ២០២២ រហូត​មក​ដល់​ចុងខែ​កញ្ញា ឆ្នាំ ២០២៤ កន្លង​ទៅ​នេះ យើង​បាន​ផ្តល់​ប័ណ្ណ​សមធម៌​ជូន​ដល់​អ្នក​ផ្ទុក​មេរោគ​អេដស៍​បាន​ចំនួន ៤៦ ២០២ នាក់ ស្មើនឹង ៦៧% នៃ​អ្នកជំងឺ​ដែល​មក​ទទួល​ការ​ព្យាបាល​ដោយ​ឱសថ​ប្រឆាំង​នឹង​មេរោគ​អេដស៍ ART ចំនួន ៦៩ ៤១៣ នាក់។

លោក​វេជ្ជបណ្ឌិត បាន​បន្ត​ថា ការ​ផ្តល់​ប័ណ្ណ​សមធម៌​ជូន​ដល់​អ្នក​ផ្ទុកមេរោគ​អេដស៍​នេះ ​យើង​នៅ​មិន​ទាន់​ដឹង​ថា​ នឹង​បញ្ចប់​នៅពេលណា​ទេ ​ដោយសារ​មាន​អ្នកជំងឺ​ចាស់ ​និង​ថ្មី​ មក​ស្នើសុំ​ជា​បន្តបន្ទាប់។

លោក​វេជ្ជបណ្ឌិត បាន​ពន្យល់​ថា អ្នក​ផ្ទុក​មេរោគ​អេដស៍​ អាច​ទទួល​បាន​ប័ណ្ណ​សមធម៌​នេះ​បាន​ទាមទារ​ឱ្យ​ចុះបញ្ជី​នៅតាម​ទីតាំង​ដែល​គាត់​ទៅ​ទទួល​សេវា​តាមរយៈ​ថេប​ប្លែក​ជា​ប្រព័ន្ធ​ឌីជីថល​ដែល​ត​ភ្ជាប់​ប្រព័ន្ធ​ទិន្នន័យ​ជាមួយ​ក្រសួងផែនការ​ ហើយ​ការងារ​នេះ​ក៏មាន​សហការ​ជាមួយ​អង្គការ យូ​អេស អេ​អាយ​ឌី អង្គការ​យូ​អិន​អេដស៍ អង្គការ​យូ​អិន​ឌី​ភី។

លោក​វេជ្ជបណ្ឌិត បាន​បន្ត​ទៀត​ថា «​យ៉ាងណាក៏ដោយ​ មាន​អ្នកជំងឺ​ខ្លះ​គាត់​មាន​ប័ណ្ណ​សមធម៌​រួច​ហើយ​ អីចឹង​គាត់​មិន​ធ្វើ​ទៀត​ទេ​។ ខ្លះទៀត​គាត់​អត់​ចង់បាន​ប័ណ្ណ​នេះ​ទេ​ដោយសារ​គាត់​អត់​ចង់​ប្រាប់​អត្តសញ្ញាណ​របស់គាត់​ឱ្យគេ​ដឹង​ និង​មាន​មួយចំនួនទៀត​មិនមាន​សៀវភៅ​គ្រួសារ​ និង​អត្តសញ្ញាណប័ណ្ណ​ជាដើម​ ទើប​មិនអាច​ចុះបញ្ជី​ធ្វើ​ប័ណ្ណ​សមធម៌​បាន​»។

លោក​វេជ្ជបណ្ឌិត បាន​បន្ថែម​ទៀតថា ការផ្តល់ជូន​ប័ណ្ណ​សមធម៌​ដល់​អ្នកជំងឺ​អេដស៍​បាន​ជួយ​សម្រួល​ដល់​ការ​រស់នៅ​របស់​ពួកគាត់​បាន​ល្អ​ប្រសើរ​ ព្រោះថា​ក្រៅពី​ការ​មក​ទទួល​សេវា​ព្យាបាល​ជំងឺ​អេដស៍​ដោយ​ឥតគិតថ្លៃ​ហើយ​ ពួកគាត់​អាច​ទៅ​ព្យាបាល​នៅ​តាម​មន្ទីរពេទ្យ​រដ្ឋ​ឥតគិតថ្លៃ​ផង​ដែរ ដែល​បាន​ជួយ​រួមចំណែក​កាត់បន្ថយ​ការ​ចំណាយ​ផ្សេងៗ ​ក្នុង​គ្រួសារ​ លើកស្ទួយ​ជីវភាព​កាន់តែ​ប្រសើរ។

លោក​វេជ្ជបណ្ឌិត ​សូម​អំពាវនាវ​ដល់​អ្នក​សង្ស័យថា​មាន​ផ្ទុក​មេរោគ​អេដស៍ ​ត្រូវ​ក្លាហាន​ចេញមក​ធ្វើ​តេស្ត​ឈាម​រក​មេរោគ​អេដស៍​ ដើម្បី​ទទួលបាន​ការព្យាបាល​ជំងឺ​ត្រឹមត្រូវ​ និង​ទទួលបាន​ប័ណ្ណ​សមធម៌​ដើម្បី​ទទួលបាន​អត្ថប្រយោជន៍​ជាច្រើន​ពី​រាជរដ្ឋាភិបាល។

គួរ​បញ្ជាក់​ថា បច្ចុប្បន្ន​កម្ពុជា​ត្រូវបាន​គេ​ប៉ាន់ស្មាន​ថា ​មាន​អ្នក​ផ្ទុក​ជំងឺ​អេដស៍​ប្រមាណ ៧៦ ០០០ នាក់ ក្នុង​នោះ​មាន​អ្នកជំងឺ​អេដស៍​សកម្ម​ដែល​បាន​មក​ទទួល​សេវា​ព្យាបាល​ដោយ​ឱសថ​ប្រឆាំង​មេរោគ​អេដស៍​ទាំង​ ៧២ ​កន្លែង ​ចំនួន​ ៦៩ ៤១៣ ​នាក់ និង​អ្នកជំងឺ​សង្ស័យ​ជាង ៧ ០០០ នាក់ នៅ​មិនទាន់​បាន​មក​ធ្វើតេស្ត​ និង​ទទួល​សេវា​ព្យាបាល​នៅឡើយ​ទេ​ ខណៈ​ក្នុង ​១ ​ឆ្នាំ មាន​អ្នក​ឆ្លង​ថ្មី​ នៃ​មេរោគ​អេដស៍​ប្រមាណ​ ១ ២០០​ នាក់​ និង​ស្លាប់​ប្រមាណ​ ១ ០០០ នាក់៕

អត្ថបទ ៖ សំអឿន

The post រាជរដ្ឋាភិបាល ផ្ដល់ប័ណ្ណសមធម៌ជូនអ្នកជំងឺអេដស៍បានជាង ៤ ម៉ឺន ៦ ពាន់នាក់ ស្មើនឹង ៦៧% appeared first on Kampuchea Thmey Daily.

ប្រជាពលរដ្ឋ​ដែល​ចាក​ចេញពី​បណ្ដា​ខេត្ត ទើប​មកដល់​រាជធានី​ភ្នំពេញ នៅ​ព្រឹក​ថ្ងៃ​ទី ៤ តុលា​នេះ បាន​លើក​ឡើង​ថា ពួកគាត់​ពិតជា​មាន​អារម្មណ៍​រំភើប​សប្បាយចិត្ត​ណាស់ ដោយសារ​បាន​ជិះ​រថយន្ត​ក្រុង​ដ៏​ល្អ​ប្រកប​ដោយ​ផាសុកភាព និង​សុវត្ថិភាព​របស់​រាជរដ្ឋាភិបាល ជាពិសេស​ផ្តល់​ជូន​ដោយ​មិន​គិត​ថ្លៃ​អ្វី​ទាំងអស់ ដោយ​គ្មាន​លក្ខខណ្ឌ​សម្រាប់​ប្រជាពលរដ្ឋ​ទូទាំង​ប្រទេស ហើយ​ពិសេស​ឆ្នាំនេះ​ថែម​ទាំង​មានការ​ផ្ដល់​ជូន​ទឹកបរិសុទ្ធ​ពិសា​ដោយ​មិន​គិត​ថ្លៃ​ទៀត​ផង។

ប្រជាពលរដ្ឋ​ដែល​បានធ្វើ​ដំណើរ​ដោយ​ឥតគិតថ្លៃ​តាមរយៈ​រថយន្តក្រុង​សាធារណៈ​សាលា​រាជធានី​ភ្នំពេញ បានបង្ហាញ​អារម្មណ៍​សប្បាយរីករាយ​ក្រៃលែង និង​ថ្លែងអំណរគុណ​យ៉ាង​ជ្រាលជ្រៅ​ជូន​ចំពោះ សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា ដែល​បាន​ផ្ដល់​រថយន្តក្រុង​ឱ្យ​ពួកគាត់​ជិះ​ទៅមក​ដោយ​មិន​បង់ប្រាក់​ក្នុងឱកាស​ពិធីបុណ្យ​ភ្ជុំបិណ្ឌ​ប្រពៃណី​ជាតិខ្មែរ នា​ឆ្នាំ ២០២៤ នេះ។

ប្រជាពលរដ្ឋ បានលើកឡើង​ចំៗ ថា ការ​ធ្វើ​ដំណើរ​តាម​រថយន្តក្រុង​ដែល​រាជរដ្ឋាភិបាល​ផ្ដល់​ជូន ពិត​ជា​មាន​ផាសុកភាព សុខ​សុវត្ថិភាព និង​ទទួល​បាន​យកចិត្តទុកដាក់​ខ្ពស់​ពី​អ្នក​បើកប​រថយន្ត​ផង​ដែរ។

ប្រជាពលរដ្ឋ សង្កត់ធ្ងន់ថា ការ​ជិះ​រថយន្តក្រុង​ដោយ​មិន​បង់ប្រាក់​បានធ្វើឱ្យ​ពួកគាត់​កាត់បន្ថយ​ការ​ចំណាយ​លើ​សោហ៊ុយ​ធ្វើដំណើរ និង​សល់​ថវិកា​សម្រាប់​ធ្វើបុណ្យ​ទាន​នា​ឱកាស​បុណ្យ​ភ្ជុំបិណ្ឌ​នេះ។

ប្រជាពលរដ្ឋ ស្នើ​ដល់​រាជរដ្ឋាភិបាល សូម​បន្ត​ផ្ដល់​រថយន្តក្រុង​ឱ្យ​ពួកគាត់​ជិះ​ដោយ​មិន​បង់ប្រាក់​សម្រាប់​ពិធីបុណ្យ​ប្រពៃណី​ជាតិ​ធំៗ​ ដូចជា ​បុណ្យចូលឆ្នាំ​ខ្មែរ ជាដើម បន្ត​ជា​រៀង​រហូត៕

អត្ថបទ ៖ សុភា

The post ពលរដ្ឋសាទរ និងអរគុណ រាជរដ្ឋាភិបាល ចំពោះការផ្តល់រថយន្តក្រុង​ដោយមិនគិតថ្លៃ នាឱកាសភ្ជុំបិណ្ឌ appeared first on Kampuchea Thmey Daily.

គិតត្រឹមវេលាម៉ោង ៨និង០០នាទី ព្រឹកថ្ងៃទី០៤ ខែតុលានេះ គេសង្កេតឃើញថា រថយន្តក្រុងចំនួន១០គ្រឿង បានចេញដំណើរអស់ទាំងស្រុងពីទីរួមខេត្តក្រចេះ។

លោក សួន រដ្ឋា អ្នកគ្រប់គ្រងរថយន្តក្រុងដឹកអ្នកដំណើរមកពីភ្នំពេញ បានឲ្យដឹងថា ខេត្តក្រចេះឆ្នាំនេះ អ្នកធ្វើដំណើរតាមរថយន្តក្រុងដែលរាជរដ្ឋភិបាលរៀបចំមានការកើនឡើង រីឯរថយន្តដឹកអ្នកដំណើរក៏មានការកើនឡើងដូចគ្នា រហូតដល់ ២៣គ្រឿង ប្រៀធៀបនឹងឆ្នាំមុនមានត្រឹមតែ ១៥គ្រឿងប៉ុណ្ណោះ។ លោកបានបញ្ជាក់ថា កាលពីថ្ងៃទី០៣ ខែតុលា ម្សិលម៉ិញ រថយន្តក្រុងចំនួន ១៣គ្រឿង ក៏បានដឹកពលរដ្ឋត្រឡប់ទៅរាជធានីភ្នំពេញវិញផងដែរ ដើម្បីបន្តបម្រើការងារ៕

អត្ថបទ៖ ប្រុញ វិធិន

The post ពលរដ្ឋនៅខេត្តក្រចេះ ថ្លែងអំណរគុណដល់រាជរដ្ឋាភិបាល ដែលបានផ្ដល់មធ្យោបាយធ្វើដំណើរអំឡុងពិធីបុណ្យភ្ជុំបិណ្ឌ appeared first on Kampuchea Thmey Daily.

ពិធីអបអរសាទរខួបលើកទី៧៥ ទិវាកុមារអន្តរជាតិ និងទិវាកុមារកម្ពុជា ១មិថុនា ក្រោមប្រធានបទការវិនិយោគលើកុមារ សំដៅបង្កើនមូលធនមនុស្សក្នុងយុគសម័យបរិវត្តកម្មឌីជីថល និងខួបលើកទី២៣ ទិវាពិភពលោកប្រឆាំងពលកម្មកុមារ ១២ មិថុនា ក្រោមប្រធានបទ រួមគ្នាអនុវត្តការប្តេជ្ញាចិត្តដើម្បីបញ្ចប់ទម្រង់ធ្ងន់ធ្ងរនៃពលកម្មកុមារ។ លោក ស សុខា តំណាងដ៏ខ្ពង់ខ្ពស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ចាត់ទុកពិធីនេះ ជាការបង្ហាញថាកម្ពុជា បាននឹងកំពុងចូលរួមជាមួយនឹងបណ្តាប្រទេសនានានៅជុំវិញពិភពលោក ដើម្បីជំរុញដល់ការអនុវត្តសិទ្ធិកុមារ ទប់ស្កាត់អំពើហិង្សាលើកុមារ រួមទាំងចូលរួមបញ្ចប់ទម្រង់ធ្ងន់ធ្ងរនៃពលកម្មកុមារនៅជុំវិញពិភពលោក និយាយជារួម និងនិយាយដោយឡែកកុមារនៅក្នុងប្រទេសកម្ពុជា។

ប្រមុខក្រសួងមហាផ្ទៃកម្ពុជា បានគូសបញ្ជាក់ថា រាជរដ្ឋាភិបាលបន្តវេន ក៏ដូចជានៅអាណត្តិមុនៗ បាននឹងកំពុងតែផ្តោតការយកចិត្តទុកដាក់ទៅលើការលើកកម្ពស់សិទ្ធិ និងឧត្តមប្រយោជន៍របស់កុមារដោយធ្វើយ៉ាងណាឱ្យកុមារ ក្រុមគ្រួសារ និងសហគមន៍ ទទួលបាននូវគុណភាព គុណតម្លៃ និងគុណធម៌នៃការរស់នៅក្នុងសេរីភាព សេចក្តីថ្លៃថ្នូរ សមភាពនិងសុវត្ថិភាព ស្របតាមរដ្ឋធម្មនុញ្ញ និងគោលការណ៍នីតិរដ្ឋ ក៏ដូចជាអនុសញ្ញា និងពិធីសារនានាពាក់ព័ន្ធនឹងសិទ្ធិកុមារ។ ក្នុងនោះដែរ រាជរដ្ឋាភិបាល បានដាក់ចេញនូវគោលនយោបាយជាតិស្តីពីប្រព័ន្ធកិច្ចការពារកុមារឆ្នាំ២០១៩-២០២៩  បន្ថែមលើយន្តការដែលមានស្រាប់ ដើម្បីធានាថា បញ្ហាកុមារ ត្រូវបានដាក់បញ្ចូលទៅគ្រប់វិស័យពាក់ព័ន្ធក្នុងការលើកកម្ពស់សិទ្ធិ សុវត្ថិភាព ស្ថានភាព និងជំនាញរបស់កុមារ។

រដ្ឋមន្ត្រីក្រសួងមហាផ្ទៃ បានលើកឡើងថា កុមារត្រូវតែទទួលបានការថែទាំ អប់រំយ៉ាងយកចិត្តទុកដាក់ ទាំងទៅលើផ្នែកចំណេះដឹង ស្មារតី មនសិការស្នេហាជាតិ សីលធម៌នៅក្នុងការរស់នៅ។ លោកថា​ កុមារ គឺជាទំពាំស្នងឫស្សី កុមារ គឺជាសសរទ្រូងសម្រាប់ប្រទេសជាតិ បើពិនិត្យតាមលក្ខខណ្ឌធម្មជាតិ ទំពាំងអាចលូតលាស់បាន ហើយអាចក្លាយជាអ្នកស្នងឫស្សីបាន លុះត្រាតែមានឫស្សីស្រករមុន ការពារពីការបោកបក់នៃខ្យល់ ពោលគឺទំពាំងគង់វង្ស ឬក៏មិនគង់វង្ស អាស្រ័យលើការការពាររបស់ឫស្សី។ រីឯកុមារវិញក៏ដូចគ្នា កុមារ ត្រូវការការពារ ការចិញ្ចឹមបីបាច់ថែរក្សាទំនុកបម្រុងផ្ចុងផ្តើមពីមនុស្សចាស់ មនុស្សជំនាន់មុន។ បើចង់បានអ្នកស្នងប្រទេសជាតិ ដែលខ្លាំង រឹងមាំ ទាល់តែពង្រឹង និងសម្រួចតាំងពីនៅក្មេងៗ។

ក្នុងនាមសម្តេចធិបតី នាយករដ្ឋមន្ត្រី លោក ស សុខា ក៏បានផ្ដល់អនុសាសន៍មួយចំនួនទៅកាន់ភាគីពាក់ព័ន្ធ និងអង្គពិធីទាំងមូល ក្នុងនោះសម្រាប់ក្រុមប្រឹក្សាជាតិកម្ពុជាដើម្បីកុមារ ត្រូវបន្តសម្របសម្រួលជាមួយក្រសួង ស្ថាប័ន ដៃគូអភិវឌ្ឍន៍ សង្គមស៊ីវិល លើការអនុវត្តអនុសញ្ញាស្តីពីសិទិ្ធកុមារ ដោយបន្តធ្វើការផ្សព្វផ្សាយ និងពង្រឹងការអនុវត្តលិខិតបទដ្ឋានគតិយុត្ត ពាក់ព័ន្ធនឹងកិច្ចការពារកុមារ ប្រកបដោយប្រសិទ្ធភាព៕

The post លោក ស សុខា៖ រាជរដ្ឋាភិបាល បានផ្តោតការយកចិត្តទុកដាក់លើការលើកកម្ពស់សិទ្ធិកុមារ appeared first on Kampuchea Thmey Daily.