ទី១ តារានិករ Virgo (ថ្ងៃទី២៣ សីហា ដល់ថ្ងៃទី ២២ កញ្ញា)

ជំនាញទំនាក់ទំនងរបស់ Virgo មិនខ្លាំងពេកទេ នៅពេលនាងជួបមនុស្សដែលពូកែនិយាយស្ដី ប៉ុន្តែប្រសិនបើនាង ឆ្លាត នៅក្នុងសុន្ទរកថា នាងពិតជាងាយស្រួលក្នុងការយកឈ្នះវិញ។

ក្នុង​រឿង​ស្នេហា នាង​តែង​តែ​សង្ឃឹម​ថា​នឹង​រក​មនុស្ស​ដែល​ចេះ​ទន់ភ្លន់ យល់​ចិត្ត និង​ផ្អែមល្ហែម​ចំពោះ​នាង។ ដោយសារតែនោះ​ ធ្វើឲ្យសញ្ញារាសីចក្រនេះមានអារម្មណ៍ថា មានសុវត្ថិភាពនិងការគោរព។

លើសពីនេះទៀតក្នុងនាមជាអ្នកល្អឥតខ្ចោះស្ត្រី Virgo តែងតែចង់ទទួលបានការសរសើរពីអ្នកដទៃ។ ដូច្នេះហើយ ប្រសិនបើ​នាង​បាន​ជួប​អ្នក​ដែល​ពូកែ​និយាយ នាង​អាច​ធ្លាក់​ក្នុង​អន្ទាក់​យ៉ាង​ងាយ​។

ទី២តារានិករ Pisces (ថ្ងៃទី ១៩ ខែកុម្ភៈដល់ថ្ងៃទី២០ ខែមីនា)

Pisces គឺពិតជាប្រភេទនៃក្មេងស្រីដែលចេញពីរឿងនិទាន។ នាងតែងតែសុបិនថាមានស្នេហាបែបមនោសញ្ចេតនា និងសុបិននៃការបញ្ចប់ដូចជាព្រះនាង និងព្រះអង្គម្ចាស់។ សញ្ញារាសីចក្រនេះរស់នៅក្នុងពពក ហើយតែងតែស្រមៃចង់បានស្នេហា ដូចនៅក្នុងប្រលោមលោកស្នេហា។ ដូច្នេះ វាមិនមែនជារឿងចម្លែកទេដែល Pisces គឺជាព្រះនាងដែលចូលចិត្តស្តាប់ពាក្យទន់ភ្លន់ និងផ្អែមល្ហែមពីភាគីម្ខាងទៀត។

នាង​នឹង​ងាយ​ត្រូវ​បាន​បុរស​ដែល​និយាយ​ពាក្យ​ផ្អែមល្ហែម ធ្វើ​ឲ្យ​នាង​មាន​អារម្មណ៍​រីករាយ។ ជាពិសេស ភាពស្លូតត្រង់ និងគួរឲ្យស្រលាញ់របស់ Pisces នេះធ្វើឲ្យនាងកាន់តែគួរឲ្យស្រលាញ់ ប៉ុន្តែប្រសិនបើមិនប្រយ័ត្ន Pisces អាចត្រូវបានគេបោកប្រាស់វិញ។

ទី៣ តារានិករ Sagittarius (ថ្ងៃទី ២២ ខែវិច្ឆិកាដល់ថ្ងៃទី២១ខែធ្នូ)

នេះគឺជាមនុស្សដែលមានមាត់ផ្អែម នៅពេលដែលនរណាម្នាក់ផ្តល់ឲ្យនាងនូវពាក្យផ្អែមល្ហែមនៃសេចក្តីស្រឡាញ់ Sagittarius មិនដឹងពីរបៀបបដិសេធឡើយ។ ជាពិសេសនៅពេលដែលនាងលង់ស្រលាញ់នរណាម្នាក់ ទោះបីជានាងដឹងយ៉ាងច្បាស់ថា វាមិនអាចទៅរួចក៏ដោយ ក៏ព្រោះតែនាងយល់ថាពាក្យថាស្រលាញ់ពីអ្នកដ៏ទៃ ទើបសុខចិត្តជឿ និងទទួលយកគ្រប់យ៉ាង។ ដោយ​សារ​ហេតុ​នេះ​ហើយ ទើប​នាង​ងាយ​ធ្លាក់​ក្នុង​ទំនាក់​ទំនង​មិន​សមរម្យ ហើយ​ងាយ​ទទួល​យក​ប្រយោជន៍ និង​ធ្វើ​បាប​ពី​អ្នក​ដទៃ។

ទី៤ តារានិករ Scorpio (ថ្ងៃទី២៣ តុលា ដល់ថ្ងៃទី ២១ វិច្ឆិកា)

ផ្ទុយស្រឡះពីនារី Pisces ស្រមើស្រមៃ ងាកមកកាន់ Scorpio គឺជាសញ្ញារាសីចក្រដែលមើលទៅហាក់ដូចជាត្រជាក់ពីខាងក្នុង។ ទោះជាយ៉ាងណាក៏ដោយ នៅពីក្រោយភាពមិនអាចទាយទុកជាមុនបាន នេះគឺជាបេះដូងដែលកក ដែលអាចរលាយបានយ៉ាងងាយ ដោយសារតែពាក្យទន់ភ្លន់ដែលមិនអាចទ្រាំទ្របាន។

ការយកឈ្នះក្មេងស្រី Scorpio ប្រសិនបើអ្នកដឹងពីរបៀបធ្វើឲ្យពួកគេលង់ស្នេហ៍យ៉ាងឆាប់រហ័ស។ បេះដូងរបស់ Scorpio ពិតជាមានអារម្មណ៍ខ្លាំងណាស់។ មនុស្សស្រីកាន់តែព្យាយាមធ្វើចិត្តត្រជាក់ នាងកាន់តែចង់បានភាពកក់ក្តៅ និងភាពផ្អែមល្ហែម។

សញ្ញា​រាសីចក្រ​នេះ​គឺ​ជា​មនុស្ស​មិន​ចេះ​និយាយ ដូច្នេះ​វា​ត្រូវ​ចំណាយ​ពេល​យូរ​បន្តិច​ដើម្បី​យកឈ្នះ។ ប៉ុន្តែ​ពេល​ធ្លាក់​ក្នុង​អន្លង់​ស្នេហ៍ គេ​ស្រឡាញ់​ខ្លាំង​ណាស់។ សម្រាប់​មនុស្ស​ស្រី​ទាំង​នេះ​ បើ​បាន​ជួប​មនុស្ស​ស្មោះ​ត្រង់​នឹង​កាន់​តែ​សុភាព​និង​រំជួល​ចិត្ត។ ប៉ុន្តែ​ប្រសិនបើ​ពួកគេ​បាន​ជួប​នរណាម្នាក់​ដែល​បញ្ឆោត​ចិត្ត​ នោះ​ពួកគេ​នឹង​ងាយ​ធ្លាក់​ក្នុង​ភាពស្អប់ខ្ពើម និង​ភ័យខ្លាច​មួយជីវិត។

ទី៥ តារានិករ Leo (ថ្ងៃទី ២៣ កក្កដា ដល់ថ្ងៃទី ២២ សីហា)

Leo ជា​សញ្ញា​រាសីចក្រ​ដែល​ផ្តល់​តម្លៃ​ដល់​អាជីព ហើយ​មាន​រូបរាង​រឹងមាំ​ជាង​អ្នក​ដទៃ។ ប៉ុន្តែការពិតនៅក្នុងចិត្តរបស់នាង នាងគឺជាមនុស្សស្រីម្នាក់ដែលអាចរំជួលចិត្តយ៉ាងខ្លាំង ដោយគ្រាន់តែពាក្យផ្អែមល្ហែម ស្រលាញ់រាប់អានពីអ្នកដទៃ។

នាង​ពិត​ជា​ត្រូវ​ការ​ឲ្យតម្លៃ​ការ​យក​ចិត្ត​ទុក​ដាក់ និង​គោរព​ពី​អ្នក​ដទៃ​ដើម្បី​បំពេញ​ចិត្ត​ខ្លួន​ឯង និង​បង្កើន​ទំនុក​ចិត្ត​លើ​ខ្លួន​ឯង។ នៅក្នុងជីវិតជាទូទៅ និងសេចក្ដីស្រឡាញ់ ជាពិសេសស្ត្រី Leo តែងតែតម្រូវឲ្យបុរសលះបង់ និងផ្តល់ឲ្យ។

ក្នុងពេលជាមួយគ្នានេះត្រូវតែមានពាក្យស្រលាញ់និងទន់ភ្លន់សម្រាប់នាង។ មិនថានាងខ្លាំងប៉ុណ្ណាទេ នាងនៅតែអាច បន្ទន់ដោយពាក្យផ្អែមល្ហែមមួយចំនួនដែលខ្សឹបដាក់ក្នុងត្រចៀករបស់នាង៕

គ្រូ ណុប

ចុចអាន៖ចាប់ខែនេះទៅ ឆ្នាំទាំង៣នឹងផ្លាស់ប្តូរជោគវាសនា ក្លាយជាអ្នកមានឥតដឹងខ្លួន

The post តារានិករស្រីៗប៉ុន្មានដួងនេះ ងាយនឹងចាញ់បោកសម្ដីផ្អែមរបស់អ្នកដទៃណាស់ appeared first on Kampuchea Thmey Daily.

តារានិករ Leo

សុភមង្គលកំពុងហៀបនឹងជន់លិចចូលមកដល់ក្នុងជីវិតអ្នកនៅឆ្នាំ ២០២៤ខាងមុខនេះ។ ផ្កាយកំពុងចង្អុលទៅឆ្នាំដ៏អស្ចារ្យខាងមុខសម្រាប់អ្នកដែលមានតារានិករ Leo។ នេះគឺដោយសារតែទំនុកចិត្ត និងការទាក់ទាញរបស់អ្នកកន្លងមកទើបធ្វើឲ្យមានថ្ងៃពិសេសនោះមកបាន។ គុណសម្បត្តិទាំងនេះ​ គឺដូចជាមេដែកសម្រាប់ឆក់ទាញឱកាសដ៏គួរឲ្យរំភើបនេះឡើងមក ដូច្នេះ​ហើយ ​ត្រូវ​ត្រៀម​ខ្លួន​ចូល​ឆ្នាំ​២០២៤ដោយ​ស្នាម​ញញឹម​ ព្រោះ​សុភមង្គល​ជិត​កើតមាន​នៅ​ជុំវិញ​អ្នក​ហើយ។

តារានិករ Libra

សម្រាប់តារានិករ Libra សូមត្រៀមខ្លួនសម្រាប់មួយឆ្នាំពេញដោយសុភមង្គល និងរីករាយមួយនេះ! មានរឿងជាច្រើនសុទ្ធសឹងតែរឿងមិនគួររឲ្យជឿមួយចំនួនដែលតម្រង់ជួរសម្រាប់អ្នកនៅឆ្នាំ ២០២៤ខាងមុខ។ ​ ដោយសារតែអ្នកមានទេពកោសល្យដ៏អស្ចារ្យនេះសម្រាប់ការរក្សាគ្រប់យ៉ាងមានតុល្យភាព និងចុះសម្រុងគ្នា។ វាដូចជាមានរូបមន្តសម្ងាត់សម្រាប់សុភមង្គល! វានឹងនាំមកឲ្យអ្នកនូវទំនាក់ទំនងដ៏អស្ចារ្យ និងការរីកចម្រើនផ្ទាល់ខ្លួនជាច្រើន។ ដូច្នេះ ចូរ​ឱប​ក្រសោប​តុល្យភាព​នោះ​ក្នុង​ខ្លួន​អ្នក ហើយ​សុភមង្គល​នឹង​មក​គោះ​ទ្វារ​ដល់អ្នកមិនខាន។

តារានិករ Sagittarius

តារានិករ Sagittarius ​​ពេលនេះអ្នកកំពុងធ្វើដំណើរកម្សាន្តដ៏រំភើបរីករាយនៅឆ្នាំ ២០២៤ខាងមុខ។ ផ្កាយសំណាងកំពុងបំភ្លឺមេឃសម្រាប់តែអ្នកនៅឆ្នាំនេះប៉ុណ្ណោះ។ វាក៏ដោយសារតែតែទស្សនៈវិជ្ជមានរបស់អ្នកលើជីវិតកន្លងមក ការអត់ធ្មត់និងខិតខំ។ ភាព​វិជ្ជមាន​នោះ​ប្រៀប​ដូច​ជា​ភ្លើង​បំភ្លឺ​សុភមង្គល​ វានឹងទាក់ទាញបទពិសោធន៍មិនគួរឲ្យជឿ និងដំណើរផ្សងព្រេងតាមវិធីរបស់អ្នក។ ដូច្នេះ សូមត្រៀមខ្លួនដើម្បីទទួលយកដំណើរនេះ ហើយអនុញ្ញាតឲ្យសុភមង្គលដឹកនាំអ្នកឆ្លងកាត់ឆ្នាំដ៏គួរឲ្យរំភើបនាពេលខាងមុខ។

តារានិករ ​Aquarius

សូមកំណត់ដើម្បីត្រួសត្រាយផ្លូវរបស់អ្នកទៅកាន់សុភមង្គល ជាមួយនឹងស្មារតីច្នៃប្រឌិតជារបស់ខ្លួននៅឆ្នាំ ២០២៤ ផ្កាយកំពុងតម្រឹមត្រឹមត្រូវសម្រាប់អ្នកនៅឆ្នាំនេះ។ គំនិតប្លែកៗ និងការច្នៃប្រឌិតរបស់អ្នកពីមុន នឹងក្លាយជាសំបុត្រទៅកាន់សុភមង្គលនាថ្ងៃខាងមុខឬក៏ដាច់ឆ្នាំ២០២៣។ នៅក្នុងឆ្នាំ២០២៤ អ្នកនឹងជួបរឿងនឹកស្មានមិនដល់ជាច្រើនសម្រាប់ជីវិត។ចំណែកអ្នករកស៊ីនឹងអាចមានអតិថិជនចូលទិញហូរហែរ ជាងឆ្នាំមុនៗទៀត។

តារានិករ Pisces

តារានិករ Pisces សូមឈប់បារម្ភ ហើយត្រៀមខ្លួនខ្លួនស្វាគមន៍ឆ្នាំថ្មីដោយស្នាមញញឹមនិងសុភមង្គល។ ត្រៀម​ខ្លួន​សម្រាប់​ឆ្នាំ​ដែល​ពោរពេញ​ដោយ​សុភមង្គល​ដ៏​រីករាយ​ក្នុង​ឆ្នាំ ២០២៤! តារា​កំពុង​សម្លឹង​មើល​អ្នក ហើយ​អ្នក​ដឹង​ថា​វា​មាន​ន័យ​យ៉ាង​ណា​ទេ? ធម្មជាតិនៃក្តីស្រមៃ និងការស្រមើស្រមៃរបស់អ្នកនឹងនាំអ្នកទៅរកការរកឃើញដ៏អស្ចារ្យមួយចំនួននៅឆ្នាំនេះ។ វាដូចជាការច្នៃប្រឌិតនិងជាកំណប់ពោរពេញដោយសុភមង្គលដែលកំពុងរង់ចាំការបើក! ដូច្នេះ ចូរ​ជ្រមុជ​ទឹកឲ្យជ្រៅ​​ទៅរកក្ដីសុបិន ហើយ​ទុកឲ្យភាព​រីករាយ​ហូរ​ចូល​ក្នុង​ជីវិតអ្នកនាពេលនេះចុះ៕

គ្រូ ណុប

ចុចអាន៖តារានិករ ៥ នេះ ពូកែលាក់អារម្មណ៍ខ្លាំងជាងគេ និងពិបាកស្មានចិត្តដឹងណាស់

The post ត្រៀមខ្លួន តារានិករ ៥ នឹងមានសំណាងខ្លាំងនៅឆ្នាំ ២០២៤ appeared first on Kampuchea Thmey Daily.

ថ្ងៃ​ចន្ទ​៖ ​ ​ថ្ងៃ​ចន្ទដើមទ្រព្យ លាភសក្ការៈហូរចូលមិនខ្វះ ​រកបានមក​ទុកដាក់​គង់វង្ស។ ប៉ុន្តែ​អភ័ព្វ​ញាតិ​ជិតឆ្ងាយ បើ​សេពគប់​មិ​ត្ដ​ភក្ដិ ល្អ​តែ​ដំបូង លុះ​ចុងក្រោយ​ទៅ ​ច្រើន​សោះអង្គើយ​ដាក់​គ្នា។

​ថ្ងៃ​អង្គារ​៖ ថ្ងៃអង្គារមិនចង្រៃដូចធ្លាប់ឮទេ។ សង់ផ្ទះថ្មីថ្ងៃនេះលាភសក្ការៈ​កើនច្រើន​ជានិច្ច ហើយក៏​រក្សាទ្រព្យ​សម្បត្ដិ​គ​ង់​វង្សបានល្អ។ វាក៏ជាថ្ងៃដែលសម្បូរ​អ្នកផង​រាប់រក ប៉ុន្តែពឹងពាក់គេវិញពិបាកបន្តិច។

ថ្ងៃ​ពុធ​៖ ជាថ្ងៃនៃការបន្សល់​ទ្រព្យសម្បត្ដិ​ច្រើននៅក្នុងផ្ទះ គ្រួសាររកស៊ីធូរ។ យ៉ាងណាមិញ ការសេពគប់​មិ​ត្ដ​ភក្ដិ ច្រើន​មិនសូវ​សមប្រកប មាន​គេ​ច្រណែន​និន្ទាឈ្នានីស។

​ថ្ងៃ​ព្រហស្បតិ៍​៖ ថ្ងៃនេះ រកលុយកាក់មិនសូវសល់ តែយីអ៊ុនក៏មិនដាក់ពេកដែរ បើសិនកុំបៀតជាមួយល្បែងស៊ីសង។ រីឯញាតិមិត្ត មានអ្នកផង​ទាំងពួង​ចោម​ស្រឡាញ់​រាប់អាន មានអ្នកតាមជួយទំនុកបម្រុងរាល់ពេលជួបការលំបាក។

​ថ្ងៃ​សុក្រ​៖ សង់ផ្ទះថ្មីឬរើចូលនៅផ្ទះថ្មីថ្ងៃនេះ នឹងមាន​គេ​នាំ​លាភ​យកមក​ឱ្យ​ជារឿយៗ សម្បូរ​ទៅដោយ​ទ្រព្យសម្បត្ដិ​ថ្កុំថ្កើង​រុងរឿង។ ​ញាតិការខ្សត់បន្តិច ប៉ុន្តែអ្នកនឹងជួបតែមនុស្សល្អជុំវិញខ្លួន។

ថ្ងៃ​សៅរ៍​៖ វាជាថ្ងៃមិនល្អសម្រាប់សង់គេហដ្ឋានថ្មីឡើយ។ ទំនាយថា បើសិនសង់ផ្ទះថ្មីថ្ងៃនេះ ​អ្នកនឹងជួបបណ្ដាសារ រកស៊ីមិនឡើង រីឯមាសប្រាក់ហូរចេញមិនឈប់។ ចំណែកបងប្អូន ​និងការ​សេពគប់​មិ​ត្ដ​ភឿន​នឹង​នាំទុក្ខ​ភ័យ​ដល់​ខ្លួន៕

ប្រែសម្រួល៖ សន្យា

ប្រភព៖ the spruce

ចុចអាន៖ មិន​ជឿ​កុំ​ប្រមាថ ចាស់ៗហាមមិនឲ្យឈ្លោះជាមួយជាងដាច់​ខាត​ ពេលសង់ផ្ទះ

ចុចអាន៖ ក្បួនហុងស៊ុយមុនទិញគេហដ្ឋានថ្មី​ ដើម្បីនាំជោគលាភដល់ម្ចាស់ផ្ទះ

ចុចអាន៖ ពណ៌សម្រាប់លាបគេហដ្ឋានឬការិយាល័យ ក៏ជាហុងស៊ុយ​ជួយ​លើករាសី​ដល់ម្ចាស់ដែរ

The post ​ជំនឿសង់ផ្ទះថ្មីតាម​ថ្ងៃ​ទាំង៧ ​ មួយណាមានរាសីល្អជាងគេ? appeared first on Kampuchea Thmey Daily.

នៅថ្ងៃទី  ២១ ខែធ្នូ ឆ្នាំ ២០២០ វេលាម៉ោង ៦ ដល់ម៉ោង​ ៨ យប់ ជាពេលដែលភពព្រះសៅរ៏ ព្រហស្បតិ៍  និងផែនដីស្ថិតនៅបន្ទាត់តែមួយ។

បាតុភូត Great Conjunction ឬ ភពទាំងបីប្រសព្វគ្នា វាជាពេលដែលមានថាមពលខ្លាំងបំផុតក្នុងរវាង ៤០០ ឆ្នាំ ទើបកើតឡើងម្តង។ ដូច្នេះប្រសិនបើលោកអ្នក ចង់បានផលពីថាមពលនេះ ត្រូវអង្គុយសមាធិបែរមុខទៅត្បូងឆៀងខាងលិច ដោយដុតទៀនដាក់ខាងមុខផង។

ការសមាធិត្រូវធ្វើឡើងប្រហែល ១ ម៉ោង ដោយគិតប៉ងបំណងធំៗក្នុងជីវិតចំនួន៣ នោះលោកអ្នកនឹងទទួលបានអ្វីៗដែលប៉ងប្រាថ្នា៕

អត្ថបទ៖ សន្យា

ផ្ដល់ដោយ លោកគ្រូហ៊ុងស៊យ ឈឹម វិវឌ្ឍន៍

ចុចអាន៖ យប់នេះមានបាតុភូតមហាកម្រមួយដែលមិនធ្លាប់កើតឡើងសោះរយ:ពេលជិត ៤០០ ឆ្នាំ

ចុចអាន៖ ហុងស៊ុយ​ទាំង ៥ វិធី​បង្កើត​​​ក្លិន​ក្រអូប​ និង​នាំ​លាភ​សំណាង​ចូល​ក្នុង​ផ្ទះ

The post ៤០០ ឆ្នាំមានម្ដង! ភពទាំង៣ដើរប្រសព្វគ្នា ជាវេលាល្អបំផុតដើម្បីសមាធិសម្រេចប្រាថ្នាក្នុងជីវិត appeared first on Kampuchea Thmey Daily.

ខាងក្រោមនេះ ជាម៉ូដចិញ្ចៀនភ្ជាប់ពាក្យដែលគួរប្រើឲ្យស៊ីនឹងខែកំណើតរបស់អ្នក៖

Aries (២១ មីនា – ១៩ មេសា)

ក្រុមមនុស្សមកពីតារានិករ Aries  ជាប្រភេទមនុស្សស៊ីវិល័យ ​ដូច្នេះចិញ្ចៀនដែលសក្ដិសមបំផុត ជាចិញ្ចៀនមានត្បូងតូចៗជុំវិញវង់ និងមានត្បូងកណ្ដាលរាងមូលភ្លឺចែងចាំង។

Taurus (២០ មេសាដល់ ២០ ឧសភា)

ចំពោះតារានិករ Taurus មិនពិបាកជ្រើសរើសចិញ្ចៀនទេ ឲ្យតែប្រភេទត្បូងមានគុណភាពអាចប្រើបានហើយ។ អ្នកអាចជ្រើសរើសទំហំ និងពណ៌តាមចិត្ត ទោះបីថោកក៏មិនថ្វីដែរ។

Gemini (២១ ឧសភា – ២០ មិថុនា)

តារានិករ Gemini មានបុគ្គលិកលក្ខណៈរស់រវើក ដូច្នេះចិញ្ចៀនដែលល្អបំផុតគឺ មានត្បូងមរកត និងត្បូងបុស្សរាគ័ម(ត្បូងពណ៌លឿង) ។

Cancer (២១ មិថុនា – ២២ កក្កដា)

Cancer ជាតារានិករនៃភាពសប្បាយរីករាយ។ ហេតុនេះចិញ្ចៀននាំសំណាង ជាចិញ្ចៀនសាមញ្ញដែលមានពណ៌ត្រូវនឹងម្ចាស់ខ្លួនចូលចិត្ត។

Leo (២៣ កក្កដា – ២២ សីហា)

ភាពខ្លាំង និងភាពងប់ងល់ជានិម្មិតសញ្ញានៃតារានិករ Leo។  ដូច្នេះចិញ្ចៀនរបស់អ្នកត្រូវតែភ្លឺផ្លេក រាងទ្រវែង ឬរាងជ្រុង ឬរាងធរណីមាត្រ។

Virgo (២៣ សីហា – ២២ កញ្ញា)

តារានិករ Virgo ជាមនុស្សសាមញ្ញ តែទាន់សម័យ រីឯចិញ្ចៀនដែលល្អបំផុតសម្រាប់តារាមួយនេះគឺ ចិញ្ចៀនមានត្បូងរាងជ្រុង ឬចិញ្ចៀនមាសធម្មតា។

Libra (២៣ កញ្ញា – ២២ តុលា)

Libra ជាមនុស្សមានមនោសញ្ចេតនាជ្រាលជ្រៅ ដូច្នេះចិញ្ចៀនរូបបេះដូងសក្តិសមខ្លាំងណាស់សម្រាប់តារានិករមួយនេះ។ ចិញ្ចៀនម្យ៉ាងទៀត ជាចិញ្ចៀនមានគ្រាប់ពេជ្រមានរាងដូចបេះដូង ឬមានអង្កាំ ឬចិញ្ចៀនមាសពណ៌ស។

Scorpio (២៣ តុលា – ២១ វិច្ឆិកា)

ភាពល្អិតល្អន់ជាចរិតរបស់តារានិករ Scorpios។ ចំពោះចិញ្ចៀនភ្ជាប់ពាក្យដែលគួរពាក់ គឺចិញ្ចៀនត្បូងកណ្តាលជាត្បូងមរកត និងវង់ស្ដើងៗ។

Sagittarius (២២ វិច្ឆិកា – ២១ ធ្នូ)

Sagittarius ជាតារានិករគួរឱ្យស្រឡាញ់និងមិនសូវចេះខ្វល់ខ្វាយទេ។ សម្រាប់ចិញ្ចៀនរបស់អ្នក គឺត្រូវជ្រើសយកចិញ្ចៀនមានរាងពងក្រពើបែបស៊ីវិល័យ។

Capricorn (២២ ធ្នូ – ១៩ មករា)

មនុស្សស៊ីវិល័យ ជាមនុស្សមកពីតារានិករ Capricorn ។ ចិញ្ចៀនឥតទាស់សម្រាប់ក្រុមនេះ គឺត្បូងទម្រង់ផ្កា ឬមូលល្អិត រីឯខ្សែវង់ជាមាសឬផ្លាទីន។

Aquarius (២០ មករា – ១៨ កុម្ភៈ)

Aquarius ជាមនុស្សដែលមានគំនិតបើកចំហរនិងមានការច្នៃប្រឌិតខ្ពស់។ ចិញ្ចៀនរបស់របស់អ្នកអាចជ្រើសរើសត្បូងទម្រង់ស្រួចៗ ឬត្បូងព័ទ្ធជុំវិញបែបក្រាស់។

Pisces (១៩ កុម្ភៈ 20 ២០ មីនា)

ចិត្តត្រជាក់ដូចទឹក និងល្វឹងល្វើយដូចសមុទ្រជាសញ្ញារបស់តារានិករ Pisces។ ដូច្នេះការប្រើត្បូងកណ្តៀងជុំវិញចិញ្ចៀនអាចនាំសំណាងល្អបំផុតសម្រាប់អ្នក៕

ប្រែសម្រួល ៖ សន្យា

ប្រភព ៖ BRIDES

ចុចអាន៖ ត្បូង៧ប្រភេទនេះ គួរមាន​ជាប់ខ្លួន​ក្នុងឆាកជីវិត

ចុចអាន៖ ហុងស៊ុយ​ទាំង ៥ វិធី​បង្កើត​​​ក្លិន​ក្រអូប​ និង​នាំ​លាភ​សំណាង​ចូល​ក្នុង​ផ្ទះ

The post ម៉ូដចិញ្ចៀនភ្ជាប់ពាក្យដែលគួរប្រើឲ្យសក្តិសមជាមួយរាសីខែកំណើត appeared first on Kampuchea Thmey Daily.

មនុស្ស​ឆ្នាំម្សាញ់៖ ជាតិជាសត្វពស់ រមែងតែងទម្លាប់ជ្រើសយក​ព្រៃឬស្សី មកធ្វើ​ជាជម្រកដ៏សុខសាន្តមួយ។ ចូរមាន​ដើមឬស្សីក្នុងរបងផ្ទះឬក្លោងទ្វារ ឬអាច​តាំងជា​សង្ហារឹម​ធ្វើពី​ធាតុឬស្សី ​ដែលជាហុងស៊ុ​យ ធ្វើឱ្យគេហដ្ឋាន​នោះក្លាយជាទីសំចតយ៉ាងមាន​សុវត្ថិភាព ​និងមាន​ភាពរីកចម្រើន​កើ់តជាកូន ពូនជាចៅតរៀងបាន។

មនុស្ស​ឆ្នាំវក ៖ សត្វស្វាចិញ្ចឹមជីវិត​ពឹង​លើរុក្ខជាតិ ១១ ប្រភេទ។ ទោះយ៉ាងណាស្លឹកឫស្សីមានទំហំ ប្រមាណ​ជា​ ៧៧% នៃរបបអាហាររបស់ពួកគេ។ សត្វស្វា Bale ក៏ស៊ីស្លឹកឫស្សីច្រើនដែរ ដើម្បីចៀសវាងការពុលដោយសារជាតិសាយតានដែលកកកុញនៅក្នុងស្លឹកឈើនានា។ វិទ្យាសាស្ត្របានរកឃើញថា ស្វាតែង​ចំណាយពេលស្ទើរតែពេញមួយជីវិត នៅលើដើមព្រៃឫស្សីដោយបរិភោគស្លឹកខ្ចីៗ។ ចូរទម្លាប់សែនម្ហូបទំពាំង ឬមាន​លំអរ​ដើមឬស្សី​ក្បែរសសរផ្ទះ។

មនុស្ស​ឆ្នាំថោះ ៖ ពន្លកឬស្សីមិនមែន​ជាជម្រក ក៏ពុំមែនជា​អាហារល្អនៃ​ពពួក​ទន្សាយដែរ​តែបែរជាកំពូលឱសថព្យាបាល ពេល​ទន្សាយគុ្រន។ មនុស្សឆ្នំាថោះ អាចមានគំនូរឬស្សី​នៅក្នុងផ្ទះ ក្បាលដំណេក ឬកន្លែងធ្វើការ​ដើម្បីទម្លុះឧបសគ្គ និងបង្កើននូវ​ថាមពលសុខភាពបានរឹងមាំ។

មនុស្ស​ឆ្នាំំមមែ៖ អ្នកគង្វាលពពែ តែងនិយម​ទុកសត្វឱ្យនៅព័ទ្ធជុំវិញផ្លូវក្បែរស្ទឹង​ ឬតាមផ្លូវច្រកចេញពីព្រៃសម្រាប់ឱកាស​បរិភោគពន្លកឫស្សី។ ​នៅប្រទេសជាច្រើន​ពពែនិយមយកកំដៅ​ក្រោមដើម​ព្រៃឬស្សី សម្រាប់បង្កាត់ពូជនិងគេងលង់លក់នៅក្នុងម្លប់ឬស្សីអំឡុងរដូវរងារយ៉ាងសុខសាន្ត។ ចូរមាន​ភួយ ឬខ្នើយកម្រាលពូក ដែលមាន​រូបឬស្សី ឬក្រណាត់ខោអាវក៏បានដើម្បីបង្កើនថាមពលសុភមង្គលក្នុងជីវិតអ្នកឆ្នាំមមែ៕

គ្រូ ឯម

ចុចអាម៖ ដឹងថា​ ក្នុងដើមឬស្សីមាន​គជ់មាន​តម្លៃដែរទេ?

ចុចអាន៖ ជំនឿបុរាណមកថា បើឃើញសត្វនេះនៅឯណា ស្នេហា និងសំណាង​កំពុងប៉ិចពន្លកនៅទីនោះ

The post ដើមឬស្សី មានទំនាក់ទំនងអ្វីនឹងរាសីមនុស្ស​ឆ្នាំ វក ម្សាញ់ ថោះ និង​មមែ? appeared first on Kampuchea Thmey Daily.