មិន​ជឿ​កុំ​ប្រមាថ ចាស់ៗហាមមិនឲ្យឈ្លោះជាមួយជាងដាច់​ខាត​ ពេលសង់ផ្ទះ – Kampuchea Thmey Daily
Connect with us
Helistar Cambodia - Helicopter Charter Services

ជំនឿ

មិន​ជឿ​កុំ​ប្រមាថ ចាស់ៗហាមមិនឲ្យឈ្លោះជាមួយជាងដាច់​ខាត​ ពេលសង់ផ្ទះ

Published

on

ហេតុអ្វីបានជាចាស់ពីដើម រមែងហាមកូនចៅមិនឲ្យឈ្លោះជាមួយជាង ពេលសង់ផ្ទះ?

ដោយផ្អែកតាមជំនឿដូនតាខ្មែរ ចាស់ៗតែងហាមមិនឲ្យឈ្លោះជាមួយជាងដាច់ខាត ពេលសាងសង់គេហដ្ឋានថ្មី ព្រោះកាលណាមានជម្លោះ ជាងអាចមិនសប្បាយចិត្ត យកដែកគោលដំសរសកន្លោង ឬបញ្ចុះនៅជើងសរស នាំគ្រួសារក្ដៅក្រហាយ រស់នៅមិនសុខសប្បាយឡើយ។ នេះបើតាមការលើកឡើងរបស់អ្នកស្រី ព្រហ្ម សុផល អាយុ ៥៧ ឆ្នាំ ជាអ្នករស់នៅខេត្តកំពង់ចាម។ ចាស់ទុំរូបនេះបន្តថា  ជម្លោះតាំងពីចាប់ផ្ដើមសង់ផ្ទះ នាំឲ្យគ្មានមានសិរីសួស្ដី អាចប៉ះពាល់ដល់ការរកស៊ី ចំណែកញាតិមិត្តអាចរស់នៅមិនចុះសម្រុងគ្នា។

រីឯ លោក ជុង ម៉េង អាយុ ៤០ ឆ្នាំ ជាអ្នករស់នៅខេត្តកណ្ដាលបានឲ្យដឹងដែរថា ប្រសិនបើផ្ទះថ្មជាងនឹងបង្កប់ឆ្អឹងខ្មោចក្រោមឥដ្ឋឬការ៉ូ តែបើផ្ទះឈើគេនឹងបោះដែកគោល ឬបន្តក់ឈាមជាងលើមេដំបូលផ្ទះ។ ជាងផ្ទះចាស់បទពិសោធន៍រូបនេះថា បើកាលណាអ្នកសង់ធ្វើដូច្នេះ វានឹងធ្វើឲ្យម្ចាស់រស់នៅមិនសុខ ជួនកាលអាចមើលឃើញមានវិញ្ញាណអាក្រក់នៅក្នុងផ្ទះ សម្រាន្តមិនបាន ឬជួនកាលសមាជិកគ្រួសារអាចជួបគ្រោះផ្សេងៗ។  លោក ជុង ម៉េង បន្ថែមថា ប្រសិនមានករណីបែបនេះ វិធីមានតែម្យ៉ាងប៉ុណ្ណោះ​គឺម្ចាស់ផ្ទះត្រូវរុះរើផ្ទះចោល ឬផ្លាស់ទីលំនៅតែម្ដង។  ដោយសារតែដូច្នោះហើយ ទើបពេលសង់ផ្ទះ គេតែងថ្នមចិត្តជាង ព្រោះខ្លាចជាងធ្វើអំពើងងឹតនានាដាក់ម្ចាស់នោះឯង។

យ៉ាងណាមិញ វិស្វករជើងចាស់ អ៊ាន់ គន្ធា ជាបុគ្គលិកក្រុមហ៊ុនមួយបានលើកមតិផ្ទុយពីអបិយជំនឿខាងលើថា ឈ្លោះគ្នាជាមួយជាង តាមពិតអាចបង្កបញ្ហាច្រើន នាំឲ្យពិបាកដល់ម្ចាស់ផ្ទះជាច្រើនអន្លើ។ លោកមានប្រសាសន៍ថា ការសាងសង់នឹងយឺតយ៉ាវ ឬអាចផ្អាក ព្រោះតែជម្លោះរវាងអ្នកទាំងពីរ នាំខាតពេលវេលា។ ម្យ៉ាង ពេលជាងខឹង អ្នក​ខ្លះនឹង​ប្រើ​គ្រឿង​សំណង់​អន់​ៗ ដែល​ធ្វើ​ឲ្យ​គេហដ្ឋាន​ល្អ​មើល​តែ​សម្បក​ក្រៅ ​​មិនមានគុណភាពដល់សំណង់ជាប់យូរឡើយ ព្រមទាំងខាតបង់ប្រាក់ច្រើនផងដល់ម្ចាស់ផ្ទះ៕

អត្ថបទ៖ សន្យា

ចុចអាន៖ មានអ្នកឈឺក្នុងផ្ទះ ​ សាកក្បួនហុងស៊ុយនេះ ក្រែងជួយបាន

ចុចអាន៖ ហុងស៊ុយដើមទទឹមក្នុងផ្ទះ​ ទាក់ទិននិងលាភមានកូន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ7 hours ago

ថ្ងៃស្អែក​សូម​គ្រួសារ​ក្រីក្រ​និង​ជន​ងាយ​រងគ្រោះ​ដែលមាន​ប័ណ្ណ​សមធម៌ អញ្ជើញ​ទៅ​បើកប្រាក់​ឧបត្ថម្ភ​ទាំងអស់គ្នា

ព័ត៌មានជាតិ8 hours ago

លំអិត​ទីតាំង​ដែល​ត្រូវ​ជាប់​ពាក់ព័ន្ធនឹង​ព្រឹត្តិការណ៍​សហគមន៍២០កុម្ភៈ​ ចំនួន៦២កន្លែង​

ព័ត៌មានជាតិ9 hours ago

បន្ទាន់!! រក​ឃើញ​ទីតាំង​ពាក់​ព័ន្ធនឹង​ព្រឹត្តិការណ៍​សហគមន៍​២០កុម្ភៈ រហូតដល់​៦២កន្លែង​ឯណោះ

ព័ត៌មានជាតិ10 hours ago

ខេត្តកណ្តាល ​មាន​អ្នក​ឆ្លង​កូ​វីដ​១៩​ ពាក់ព័ន្ធ​នឹង​ព្រឹត្តិការណ៍​២០​កុម្ភៈ​ចំនួន​១៨​នាក់

ព័ត៌មានជាតិ10 hours ago

អភិបាល​រាជធានី សួរសុខទុក្ខ​ក្រុម​គ្រូពេទ្យ នៅ​មណ្ឌល​សុខភាព​ចាក់អង្រែ​ក្រោម និង​មន្ទីរ​ពេទ្យរុស្ស៊ី​

Sokha Hotels

ព័ត៌មានពេញនិយម

Helistar Cambodia - Helicopter Charter Services