រិទ្ធី បូរិន Archives - Kampuchea Thmey Daily

ពីរកម្មវិធីធំៗប្រកួតល្ងាចនេះ រិទ្ធី បូរិន ប្រកួតម៉ោង ៦នៅប្រទេសឡាវ ពេជ្រ សម្បត្តិ ប្រកួតម៉ោង ៦នៅប្រទេសចិន

Sina Noun — Tue, 07 Oct 2025 02:35:05 +0000

នៅល្ងាចថ្ងៃទី៧ ខែតុលា ឆ្នាំ២០២៥ នេះគឺមានពីរកម្មវិធីប្រដាល់ធំៗដែលមហាជនពិសេសអ្នកគាំទ្រគុនខ្មែររង់ចាំទស្សនាខានមិនបាន ព្រោះសុទ្ធសឹងជាកីឡាករល្បីឈ្មោះជួរមុខ និងយុវជនថ្នាលដូចជា រិទ្ធី បូរិន និង រិទ្ធី គីងកុង ទៀតផង។

ទី១ ការប្រកួតថ្នាលនៅឯប្រទេសឡាវដែលដឹកនាំដោយលោក សឿ វណ្ណៈ

ការប្រកតនេះនឹងចាប់ផ្ដើមឡើងនៅវេលាម៉ោង ៦ល្ងាចតទៅ។ ការប្រកួតនេះដែរគឺធ្វើឡើងដើម្បីអបអរពិធីបុណ្យអុំទុកប្រពៃណីឡាវផងដែរ។ នៅឯប្រទេសឡាវនេះមានគូថ្នាលល្អៗជាច្រើនដូចជា រិទ្ធី បូរិន រិទ្ធី បញ្ញា រិទ្ធី គីងកុង រិទ្ធី លីហួរ និងកីឡាករមួយចំនួនទៀត។ ការប្រកួតនេះនឹងផ្សាយតាមហ្វេសបុកផេកលោក Soeur Vannak។ ដំណឹងល្អពីម្ចាស់ឧបត្ថម្ភសម្រាប់អ្នកឈ្នះល្ងាចនេះនឹងទទួលបានថវិកាលើកទឹកចិត្តម្នាក់ ២លានរៀលទៀតផង។

កម្មវិធីប្រកួតនៅប្រទេសឡាវ

ទី២ ការប្រកួតនៅឯប្រទេសចិនដែលដឹកនាំដោយប្រធានសហព័ន្ធគុនខ្មែរ លោក ខូវ ឆាយ

ការប្រកួតនៅឯប្រទេសចិននេះនឹងចាប់ផ្ដើមនៅវេលាម៉ោង ៦យប់ដូចកម្មវិធីខាងលើដែរ។ ការប្រកួតនេះគឺជាព្រឹត្តិការណ៍ធំមួយប្រមូលកីឡាករគុនខ្មែរល្បីៗជាច្រើនពីកម្ពុជាទៅចូលរួមមាន ពេជ្រ សម្បត្តិ ឡៅ ចិត្រា ពេជ្រ អាទិទេព និងកីឡាករ កីឡាការិនីមួយចំនួនទៀត។ ការប្រកួតនេះផ្សាយបន្តផ្ទាល់តាមទូរទស្សន៍ BTV ផងដែរ។

ជឿជាក់ថាអ្នកគាំទ្រគុនខ្មែរមិនថានៅក្នុងស្រុក ឬនៅក្រៅស្រុកនោះទេគឺសុទ្ធតែរង់ចាំទស្សនាការប្រកួតនៅល្ងាចនេះពិសេសនោះគឺការប៉ះគ្នារវាងជើងខ្លាំងរបស់កម្ពុជា ពេជ្រ សម្បត្តិ និងកីឡាករល្អសាច់របស់ប្រទេសចិន។ កុំភ្លេចទស្សនាគាំទ្រក្រុមកីឡាករខ្មែរចេញទៅផ្សព្វផ្សាយគុនខ្មែរលើកឆាកអន្តរជាតិ៕

កម្មវិធីប្រកួតនៅចិន

អត្ថបទដោយ៖ នួន ស៊ីណា

The post ពីរកម្មវិធីធំៗប្រកួតល្ងាចនេះ រិទ្ធី បូរិន ប្រកួតម៉ោង ៦នៅប្រទេសឡាវ ពេជ្រ សម្បត្តិ ប្រកួតម៉ោង ៦នៅប្រទេសចិន appeared first on Kampuchea Thmey Daily.

ក្រុមថ្នាលគុនខ្មែរត្រកូល រិទ្ធី ចេញទៅផ្សព្វផ្សាយគុនខ្មែរនៅប្រទេសទី៤

Sina Noun — Mon, 29 Sep 2025 09:20:44 +0000

ក្រុមថ្នាលគុនខ្មែរ ចំនួន ៧នាក់នឹងត្រូវចេញទៅប្រកួតផ្សព្វផ្សាយគុនខ្មែរនៅឯក្រៅប្រទេសជាលើកទី៤ នៅថ្ងៃទី៧ ខែតុលា ឆ្នាំ២០២៥ ប្រទេសឡាវ។

បេក្ខភាពថ្នាលទៅប្រទេសឡាវ

នេះបើតាមបង្ហោះផ្សព្វផ្សាយរបស់លោក សឿ វណ្ណៈ ថាក្រុមថ្នាលគុនខ្មែរចំនួន ៧នាក់រួមមាន៖

រិទ្ធី គីងកុង ទម្ងន់ ២៥ គីឡូក្រាម

រិទ្ធី លីហួរ ទម្ងន់ ៣២ គីឡូក្រាម

រិទ្ធី បញ្ញា ទម្ងន់ ៣៩ គីឡូក្រាម

រិទ្ធី បូរិន ទម្ងន់ ៤០ គីឡូក្រាម

រិទ្ធ ប្រយុទ្ធ ទម្ងន់ ៤៣ គីឡូក្រាម

រិទ្ធី វីរៈ ទម្ងន់ ៥៧ គីឡូក្រាម

រិទ្ធី ម៉ាឡាកាំង ទម្ងន់ ៥៧ គីឡូក្រាម

កម្មវិធីប្រកួតនៅប្រទេសឡាវ

អ្នកដឹកនាំកីឡាករថ្នាលខាងលើបញ្ជាក់ទៀតថាការចេញទៅប្រកួតនៅប្រទេសឡាវនេះជាការចេញក្រៅប្រទេសលើកទី៤ហើយ បន្ទាប់ពីលើកមុនៗធ្លាប់ចេញទៅប្រទេសសៀម ជប៉ុន និងប្រទេសម៉ាឡេស៊ី។

កុំភ្លេចចូលរួមលើកទឺកចិត្តកីឡាករថ្នាលដែលជាធនធានបន្តវេនដែលនឹងចេញទៅប្រកួតផ្សព្វផ្សាយនៅឯប្រទេសឡាវឆាប់ៗនេះទាំងអស់គ្នា៕

អត្ថបទដោយ៖ នួន ស៊ីណា

The post ក្រុមថ្នាលគុនខ្មែរត្រកូល រិទ្ធី ចេញទៅផ្សព្វផ្សាយគុនខ្មែរនៅប្រទេសទី៤ appeared first on Kampuchea Thmey Daily.

អ្នកលេងគុនខ្មែរ រិទ្ធី បូរិន ត្រឹមជាកីឡាកថ្នាលនោះទេ ប៉ុន្តែតម្លៃខ្លួនប្រកួតមិនធម្មតា

Sina Noun — Fri, 25 Apr 2025 02:15:37 +0000

អ្នកលេងគុនខ្មែរ រិទ្ធី បូរិន ត្រឹមជាកីឡាករថ្នាលមួយរូបប៉ុណ្ណោះ ប៉ុន្តែកេរ្តិ៍ឈ្មោះ និងវិជ្ជាគុនល្បីខ្លាំងនាពេលបច្ចុប្បន្ននៅកម្ពុជា ខណៈតម្លៃខ្លួនទទួលបាន ១លានរៀលក្នុងមួយប្រកួត។

បូរិន និងសិស្សប្អូន

នេះបើតាមការបង្ហើបឲ្យដឹងពីលោក ផាត សូដា ថាកីឡាករ រិទ្ធី បូរិន ដែលជាកូនសិស្សរបស់លោករូបនេះមានតម្លៃខ្លួនប្រកួត ១លានរៀលក្នុងមួយប្រកួត ស្របពេលតម្លៃខ្លួននេះទទួលបានប្រហែល ២-៣ឆ្នាំមកហើយ។ យ៉ាងហោចណាស់ក៏បាន ៦០ម៉ឺនរៀលដែរតាមសង្វៀនមួយចំនួនតូច។

លោក ផាត សូដា និង បូរិន

តម្លៃខ្លួននេះគឺ បូរិន ទទួលបានតាំងពីរូបគេឈ្នះខ្សែក្រវាត់ប្រហែល ៣ឆ្នាំមុនមកម៉្លេះ ប៉ុន្តែពេលឡើងប្រកួតម្ដងៗរូបគេតែងតែទទួលបានប្រាក់ឧបត្ថម្ភលើកទឹកចិត្តជានិច្ចពីមហាជន ឬអ្នកគាំទ្រប្រដាល់ដែលស្រឡាញ់ចូលចិត្តតាមកម្មវិធីផ្សេងៗ។

រូបភាពលើផេក Jet Fighter

បញ្ជាក់ដែរថា រិទ្ធី បូរិន ជាកូនសិស្សលោក ផាត សូដា នៃក្លឹបប្រដាល់គុនខ្មែរស៊ុបពើហ្វៃ។ រូបគេប្រឡូកគុនខ្មែរប្រហែល ៦ឆ្នាំមកហើយ ពោលហាត់តាំងពីអាយុ ៩ឆ្នាំ រហូតមកដល់បច្ចុប្បន្នអាយុ ១៥ឆ្នាំហើយ។ អ្នកប្រដាល់រូបគេកំពុងមានប្រជាប្រិយខ្លាំងមិនចាញ់កីឡាករឈុតធំផ្សេងៗនៅពេលបច្ចុប្បន្ននោះឡើយ។ ថ្មីៗនេះទទួលដំណឹងថារូបគេនឹងចេញទៅប្រកួតនៅឯប្រទេសជប៉ុនទៀតផង៕

រូបភាពលើផេក Jet Fighter

អត្ថបទដោយ៖ នួន ស៊ីណា

The post អ្នកលេងគុនខ្មែរ រិទ្ធី បូរិន ត្រឹមជាកីឡាកថ្នាលនោះទេ ប៉ុន្តែតម្លៃខ្លួនប្រកួតមិនធម្មតា appeared first on Kampuchea Thmey Daily.

កីឡាករវ័យក្មេង រិទ្ធី បូរិន មានក្តីស្រមៃធំក្នុងអាជីពគុនខ្មែរ

Pha Rothana — Thu, 15 Aug 2024 03:55:53 +0000

អ្នកប្រដាល់វ័យក្មេង រិទ្ធី បូរិន មកពីក្លិបប្រដាល់ Kun Khmer Super Fight ជាកីឡាករថ្នាលជួរមុខក្នុងប្រទេសកម្ពុជាដែលកំពុងទទួលបានការគាំទ្រខ្លាំងពីមហាជន។

កីឡាករវ័យ១៤ឆ្នាំ រិទ្ធី បូរិន បានចូលហ្វឹកហាត់ប្រដាល់ដំបូងតាំងពីឆ្នាំ២០១៩។ មូលហេតុជំរុញឲ្យរូបគេប្រឡកក្នុងអាជីពឈឺសាច់មួយនេះ ដោយសារឆន្ទៈស្រឡាញ់ និងចង់សាងកេរ្តិ៍ឈ្មោះល្បីល្បាញ ដូចកីឡាកររៀមច្បងមួយចំនួន។ ជាពិសេសមានការជំរុញទឹកចិត្ដពីក្រុមគ្រួសារថែមទៀត។ ទោះអាយុទើប១៤ឆ្នាំមែន ប៉ុន្តែឆន្ទៈ និងក្ដីស្រមៃរបស់ រិទ្ធី បូរិន ធំធេង។ រូបគេបានដាក់គោលដៅជាប់ឈ្មោះក្នុងជម្រើសជាតិ ជាពិសេសឈ្នះមេដាយជូនជាតិក្នុងព្រឹត្តិការណ៍កីឡាស៊ីហ្គេម។

កីឡាករ រិទ្ធី បូរិន បានប្រាប់«កម្ពុជាថ្មី»ថា ៖«ក្ដីស្រមៃធំបំផុតរបស់ខ្ញុំគឺការជាប់ជម្រើសជាតិ និងឈ្នះមេដាយជូនជាតិ»។

រិទ្ធី បូរិន ជាអ្នកគាំទ្រស្មោះស្ម័គ្ររបស់កីឡាករល្អក្បាច់ ប៉ឺត សង្ឃឹម ដែលបានឈ្នះមេដាយមាស២លើកជាប់គ្នា ក្នុងកីឡាស៊ីហ្គេម២ លើប្រភេទកីឡាឃីកបុកសុីង។

សមត្ថភាពរបស់ រិទ្ធី បូរិន គឺមានបច្ចេកទេសល្អ និងមានបទពិសោធច្រើនទាំងវ័យក្មេង។ រូបគេ ធ្លាប់ប្រកួតជាមួយដៃគូអន្តរជាតិ៦លើក ក្នុងនោះឈ្នះ៥ ស្មើ១។ ស្ថិតក្នុងវ័យសិក្សាផង និងហាត់ប្រដាល់ផង រូបគេបានបែងចែកពេលវេលាច្បាស់លាស់ មិនធ្វើឲ្យប៉ះពាល់ដល់ការសិក្សាឡើយ។ បន្ទាប់ពីបានចាប់ផ្តើមអាជីពប្រដាល់ រូបគេរួមចំណែកជួយដល់ជីវិតភាពរបស់គ្រួសារគេមួយកម្រិតផង៕

អត្ថបទ៖ ផា រតនា

The post កីឡាករវ័យក្មេង រិទ្ធី បូរិន មានក្តីស្រមៃធំក្នុងអាជីពគុនខ្មែរ appeared first on Kampuchea Thmey Daily.

រិទ្ធី បូរិន Archives - Kampuchea Thmey Daily

ក្រុម​ថ្នាល​គុន​ខ្មែរ​ត្រកូល​ រិទ្ធី​ ចេញ​ទៅ​ផ្សព្វផ្សាយ​គុន​ខ្មែរ​នៅ​​ប្រទេស​ទី៤​

អ្នក​លេង​គុន​ខ្មែរ​ រិទ្ធី បូរិន​ ត្រឹម​ជា​កីឡាក​​ថ្នាល​នោះ​ទេ​ ប៉ុន្តែ​តម្លៃ​ខ្លួន​ប្រកួត​មិន​ធម្មតា​

កីឡាករវ័យក្មេង រិទ្ធី បូរិន មានក្តីស្រមៃធំក្នុងអាជីពគុនខ្មែរ

ក្រុមថ្នាលគុនខ្មែរត្រកូល រិទ្ធី ចេញទៅផ្សព្វផ្សាយគុនខ្មែរនៅប្រទេសទី៤

អ្នកលេងគុនខ្មែរ រិទ្ធី បូរិន ត្រឹមជាកីឡាកថ្នាលនោះទេ ប៉ុន្តែតម្លៃខ្លួនប្រកួតមិនធម្មតា