លោក សុង ឃាង ប្រធានមន្ទីរកសិកម្មរុក្ខាប្រមាញ់ និងនេសាទខេត្តមណ្ឌលគិរី លើកឡើង ថាក្នុងឱកាសបុណ្យ រុក្ខទិវា នៅខេត្តមណ្ឌលគិរី ឆ្នាំនេះ រដ្ឋបាលខេត្ដបានកំណត់យកទីតាំងបរិវេណមជ្ឈមណ្ឌលជនជាតិដើមភាគតិចភ្នំដោះក្រមុំ ដែលស្ថិតនៅក្នុងភូមិដោះក្រមុំ សង្កាត់សុខដុម ដើម្បីរៀបចំប្រារព្ធពិធីបុណ្យរុក្ខទិវាថ្នាក់ខេត្តនៅឆ្នាំ២០២៥។ លោកបានបញ្ជាក់ថា ការដាំដើមឈើនៅក្នុងឆ្នាំនេះ មន្ទីរបានជ្រើសរើសយកកូនឈើ ប្រភេទ ស្រល់ គគីរ និងឈើទាល ចំនួន ២ ៦៥០ ដើមសម្រាប់ដាំដុះ លើផ្ទៃដីចំនួន ៤ហិកតា និងបានចែកជូនក្នុងអង្គពិធីប្រារព្ធទិវានេះ ចំនួន៤០០ដើម ផងដែរ។

ចាប់តាំងពីបានកំណត់ព្រះរាជក្រឹត្យក្នុងឆ្នាំ១៩៥២ មកដល់ពេលបច្ចុប្បន្ន រាជរដ្ឋាភិបាលកំណត់យកថ្ងៃ៩ ខែកក្កដា ជាពិធីបុណ្យទិវាពលកម្មដាំដើមឈើប្រពៃណីជាតិហៅថា «រុក្ខទិវា» ត្រូវបានប្រារព្ធធ្វើឡើងជារៀងរាល់ឆ្នាំទូទាំងប្រទេស។ ក្នុងឱកាសប្រារព្ធពិធី រុក្ខទិវា ៩កក្កដា នៅខេត្តមណ្ឌលគិរីនោះលោក ថង សាវុន អភិបាលខេត្តមណ្ឌលគិរី បានលើកឡើងថា ការចូលរួមចំណែកបង្ការដាំកូនឈើដើម្បី លើកកម្ពស់សោភណភាពបរិស្ថាន និងម្លប់បៃតង បង្កើនគម្របព្រៃឈើ និងស្រូបខ្យល់អាកាសដ៏បរិសុទ្ធ ដើម្បីអភិវឌ្ឍដោយចេរភាព និងចូលរួមចំណែកកាត់បន្ថយបម្រែបម្រួលអាកាសធាតុស្របតាមយុទ្ធសាស្ត្ររបស់រាជរដ្ឋាភិបាលជាពិសេស ក្រសួងបរិស្ថាន និងក្រសួងកសិកម្ម។

លោកបន្តថា រដ្ឋបាលខេត្តមណ្ឌលគិរី តែងតែប្រារព្ធទិវាដាំដើមឈើជារៀងរាល់ឆ្នាំ ជាពិសេសបណ្ដុះស្មារតីមហាជន និងប្រជាពល រដ្ឋមន្ត្រីរាជការ កងកម្លាំង ប្រដាប់អាវុធ ឲ្យងាកមកចូលរួមចំណែកការដាំដើមឈើដើម្បីគុណភាពបៃតង។ លោកអភិបាលខេត្ត បន្ថែមថា សម្រាប់ខេត្តមណ្ឌលគិរីតែងតែព្យាយាមដាំកូនឈើស្ដារឡើងវិញតាមតំបន់ដែលសឹករិចរិល ដូចជាព្រៃដែលធ្លាប់កាប់រុករានទន្ទ្រានដោយខុសច្បាប់ និងបង្កដោយភ្លើងឆេះព្រៃ។លោកបានបន្ថែមថា នៅពេលថ្មីថ្មីនេះ រដ្ឋបាលខេត្តបានសហការជាមួយមន្ទីរអង្គភាពជំនាញ បានដាំដើមឈើ លម្អព៍ណ និងដើមឈើជ្រកម្លប់ជាច្រើន ពីចំណុចផ្លូវបំបែក ដាក់ដាំឆ្ពោះមករង្វង់មូលគោព្រៃ ដើម្បីលើកកម្ពស់សោភណភាពតាមទីធ្លាសាធារណៈ ក៏ដូចជាសោភណភាពនៅក្រុងសែនមនោរម្យ និងតំបន់ផ្សេងទៀត។ លើសពីនោះអាចទាក់ទាញចំណាប់អារម្មណ៍ភ្ញៀវទេសចរជាតិ និងអន្តរជាតិ ឲ្យមកលេងកម្សាន្តនៅក្នុងខេត្តមណ្ឌលគិរីបន្ថែមទៀតផង។

លោក ថង សាវុន អភិបាលខេត្តមណ្ឌលគិរីបានបញ្ជាក់ថា ការដាំដុះ កូនឈើគ្រប់ប្រភេទនៅក្នុងភូមិសាស្ត្រខេត្តមណ្ឌលគិរីមិនលំបាកនោះគេ ប៉ុន្តែអ្វីដែលជាបញ្ហាប្រឈមគឺការថែទាំ ក្នុងន័យនេះដែលទាមទារឲ្យមានការចូលរួមចំណែកពី ប្រជាពលរដ្ឋក៏ដូចជាមន្ត្រីរាជការ ក្នុងការមើលថែ ដើម្បីភាពលូតលាស់ឲ្យបានល្អ ដើម្បីសោភ័ណភាពបៃតង និងជាគំរូនិងអត្ថប្រយោជន៍ សម្រាប់អនាគតដល់កូនចៅជំនាន់ក្រោយ។ លោកអភិបាលខេត្តក៏បានផ្ដាំផ្ញើទៅដល់ប្រជាពលរដ្ឋ ជាពិសេសមន្ត្រីមូលដ្ឋានសង្កាត់ ត្រូវឧស្សាហ៍ព្យាដើរត្រួតពិនិត្យតាមកូនឈើដែលបានដាំ ហើយពេលដែលឃើញ កូនឈើដែលមិនមានភាពដុះលូតលាស់នោះទេ ក្នុងនាមសង្កាត់ត្រូវតែទៅសហការជាមួយមន្ទីរជំនាញដើម្បីយកកូនឈើថ្មីមកជួសបន្ថែម តាមទីតាំងដែលរដ្ឋបាលខេត្តបានប្រារព្ធពិធីនាពេលកន្លងមក។

អត្ថបទ៖រៀម សុខហេង

The post រដ្ឋបាលខេត្តមណ្ឌលគិរី ដាំ និងចែកកូនឈើជាង៣០០០ដើម ក្នុងពិធីបុណ្យរុក្ខទិវា ៩កក្កដា appeared first on Kampuchea Thmey Daily.

ព្រះរាជសុន្ទរកថាព្រះករុណាព្រះមហាក្សត្រ៖ ពិធី “រុក្ខទិវា” គឺជាវប្បធម៌ដ៏ប្រសើរ និងជាចលនាជាតិមួយដ៏សំខាន់ក្នុងកម្មវិធីស្តារ និងអភិរក្សធម្មជាតិ ស្របតាមគោលនយោបាយជាតិ ក្នុងគោលបំណងអភិរក្ស និងលើកស្ទួយនូវសម្បត្តិធម្មជាតិ ប្រកបដោយចីរភាព ជាពិសេសរក្សាការពារព្រៃឈើ ដែលជាជម្រកដ៏សំខាន់បំផុតរបស់សត្វគ្រប់ប្រភេទ រក្សាទឹក និងជីវៈចម្រុះ ទុកជាប្រយោជន៍សម្រាប់មនុស្សគ្រប់ជំនាន់។

ព្រះមហាក្សត្រ បានអំពាវនាវដល់ព្រះសង្ឃ អាជ្ញាធរគ្រប់លំដាប់ថ្នាក់ និងប្រជានុរាស្ត្រទាំងអស់នៅទូទាំងប្រទេសចូលរួមដាំដើមឈើ ក្រោមទស្សនទានរួម គឺដាំដើមឈើ និងការពារព្រៃឈើ ជាការជួយខ្លួនឯង ការបង្កើនធនធានធម្មជាតិដែលមានតម្លៃសម្បូរគ្រប់យ៉ាង ធានាបានជីវភាពរស់នៅប្រចាំថ្ងៃ ក៏ដូចជាអាចទប់ទល់នឹងការប្រែប្រួលអាកាសធាតុ សុវត្ថិភាពពីគ្រោះធម្មជាតិ។

ព្រះមហាក្សត្រ ក៏បានឧទ្ទិសឱ្យពិធី “រុក្ខទិវា” នេះ ស្ថិតក្នុងបេះដូងរបស់ប្រជារាស្ត្រកម្ពុជាគ្រប់ៗរូប និងក្លាយជាប្រពៃណីនិងចលនាជាតិនៃការរួមសាមគ្គីដាំដើមឈើគ្រប់ប្រភេទ ការថែរក្សា ការពារ និងអភិវឌ្ឍធនធានព្រៃឈើ សត្វព្រៃ ឱ្យបានគង់វង្សរហូតតទៅ។ ព្រះអង្គ ទ្រង់សង្កត់ធ្ងន់ថា «ការដាំឈើ និងរុក្ខជាតិគ្រប់ប្រភេទ គឺជាការវិនិយោគបៃតងលើធម្មជាតិដែលផ្តល់ពហុប្រយោជន៍ ទាំងសម្រាប់មនុស្ស សត្វ ភពផែនដី និងធ្វើឱ្យមូលដ្ឋានមានទេសភាពពណ៌បៃតងនិងរស់រវើកគ្រប់រដូវកាល»។

គួរជម្រាបថា ក្រោមព្រះរាជកិច្ចដឹកនាំរបស់ព្រះករុណាព្រះមហាវីរក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ បានផ្តួចផ្តើមរៀបចំពិធី “រុក្ខទិវា” ជាចលនាជាតិដែលប្រារព្ធឡើងជារៀងរាល់ឆ្នាំតាមខេត្តនានាក្នុងសម័យសង្គមរាស្ត្រនិយមមក ដើម្បីបំផុស និងលើកទឹកចិត្តឱ្យប្រជានុរាស្ត្រចូលរួមថែរក្សា ការពារព្រៃឈើ និងដាំដើមឈើនៅទូទាំងប្រទេស។

បន្តដល់រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន ជាអតីតនាយករដ្ឋមន្ត្រី និងបច្ចុប្បន្នបន្តដោយសម្តេចធិបតី ហ៊ុន ម៉ាណែត ជាប្រមុខរាជរដ្ឋាភិបាល ក៏តែបានបន្តរៀបចំពិធី “រុក្ខទិវា”ជារៀងរាល់ឆ្នាំ៕

ដោយ៖ ធឿន វ៉ាន់សុង

The post ព្រះមហាក្សត្រ ចាត់ទុក«រុក្ខទិវា»ជាចលនាជាតិដ៏សំខាន់ជំរុញការដាំដើមឈើ និងអភិរក្សធម្មជាតិ appeared first on Kampuchea Thmey Daily.

ពិធីដាំកូនឈើតាមដងផ្លូវនេះបានប្រព្រឹត្តធ្វើឡើងនៅរង្វង់មូលព្រាបសរ តភ្ជាប់ពីផ្លូវជាតិលេខ៣៣ ទៅផ្លូវលេខ ១៣-៣៥ ទៅតំបន់ភ្នំវ័រ ដែលស្ថិតនៅក្នុងភូមិរនេស ឃុំពងទឹក ស្រុកដំណាក់ចង្អើរ ខេត្តកែប។

បើយោងតាមលើកឡើងរបស់លោក ថឹង បូរិន ប្រធានមន្ទីរកសិកម្មរុក្ខាប្រមាញនិងនេសាទខេត្តកែប បានធ្វើរបាយការណ៍​ឱ្យដឹងថា ក្នុងពិធីរុក្ខទិវា ៩កក្កដា នេះ គឺជាព្រះរាជសកម្មភាពដ៏ខ្ពង់ខ្ពស់របស់ព្រះករុណាព្រះមហាវិរៈក្សត្រ ព្រះវររាជបីតាជាតិខ្មែរ ព្រះបាទសម្តេចព្រះនរោត្តមស៊ីហនុ ព្រះបរមរតនកោដិ ដែលព្រះអង្គតែងប្រារព្ធធ្វើជារៀងរាល់ឆ្នាំ និងបន្តនូវព្រះរាជសកម្មភាពដាំកូនឈើនេះ ជាបន្តបន្ទាប់ក្រោមព្រះរាជធិបតីភាពដ៏ខ្ពស់ខ្ពស់របស់ព្រះករុណាព្រះបានសម្តេចព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា។

លោក ថឹង បូរិន បន្តថា សម្រាប់ឆ្នាំ២០២៤នេះ​ មន្ទីរកសិកម្មរុក្ខាប្រមាញ់​ និងនេសាទខេត្តកែប បានសហការជាមួយមន្ទីរសាធារណៈការខេត្ត អាជ្ញាធរដែនដី និងដោយបានការឯកភាពពីលោក សោម ពិសិដ្ឋ អភិបាលខេត្តកែប បានជ្រើសរើសកំណត់យកទីតាំងនេះសម្រាប់ប្រារព្ធពិធីអបអសាទរ បុណ្យរុក្ខទិវានាឆ្នាំ២០២៤នេះ ក្នុងគោលបំណងដើម្បីអភិរក្ស និងដាំកូនឈើឡើងវិញនូវប្រភេទឈើលំអ​ ដូចជាដើមក្ងោក និងគគី ធ្នង់​ សម្រាប់ដាំជាម្លប់ធ្វើឱ្យមានការល្អប្រសើរឡើងនូវសោភ័ណ្ឌភាព ទេសភាពធម្មជាតិបរិស្ថាន ប្រណិត ចូលរួមកាត់បន្ថយការឡើងកំដៅពិភពផែនដី និងការប្រែប្រួលអាកាសធាតុ ក៏ដូចជាទុកឲ្យកូនចៅជំនាន់ក្រោយៗទៀតបានស្គាល់ផងដែរ។ ទន្ទឹមនេះមន្ទីរនឹងចែកពពួកឈើហូបផ្លែមួយចំនួនមានដូងក្រអូប ខ្នុរការ៉ុត កូនក្រូចឆ្មារសម្រាប់ចែកជូនដល់សាលារៀន កសិករ​ និងមណ្ឌលសុខភាពមួយចំនួនផងដែរ។

លោក សោម ពិសិដ្ឋ អភិបាលខេត្តកែបមានប្រសាសន៍ថា ការដាំដើមឈើអមតាមសង់ខាងផ្លូវ ក្នុងពិធី​រុក្ខទិវា ៩កក្កដានេះគី ជាការឆ្លុះបញ្ចាំងអោយឃើញនូវការយកចិត្តទុកដាក់របស់ប្រមុខរាជរដ្ឋាភិបាលកម្ពុជា ដែលកំពុងខិតខំយ៉ាងសកម្មនូវគោលនយោបាយ​ ដាំ និងថែទាំព្រៃឈើឡើងវិញនៅទូទាំងប្រទេស ហើយបានកំណត់យកបញ្ហាព្រៃឈើជាអាទិភាព ដើម្បីស្តារ និងអភិវឌ្ឍប្រទេសជាតិអោយរីកចំរើន។

លោក សោម ពិសិដ្ឋ បន្ថែមថា ក្នុងព្រឹត្តិការណ៍នេះ បង្ហាញអោយឃើញនូវការភ្ញាក់រលឹក និងចូលរួមយ៉ាងសកម្មររបស់ ប្រជាពលរដ្ឋទូទាំងប្រទេស ក្នុងការការពារ និងបង្កើនធនធានព្រៃឈើដ៏មានតម្លៃរបស់ខ្លួន ដោយឡែកខេត្តកែបសកម្មភាពនៃការដាំកូនឈើនេះ គឺជាសកម្មភាពយ៉ាងសំខាន់បំផុត និងជាចក្ខុវិស័យរបស់ខេត្ត ដើម្បីធ្វើអោយខេត្តកែប​ ជាក្រុងធម្មជាតិ និងជាគោលដៅទេសចរណ៍បៃតងនាពេលអនាគត។

ក្នុងឱកាសនោះលោកអភិបាលខេត្ត ស្នើគ្រប់អង្គភាព ស្ថាប័ន សាលារៀន វត្តអារាម មន្ទីរពេទ្យ ក៏ដូចជាប្រជាពលរដ្ឋទាំងអស់ចូលរួមដាំ​កូនក្ងោក គគីរ​ ធ្នុង អោយបានគ្រប់ដងផ្លូវ និងតាមទីសាធារណៈនានា ដើម្បីអោយខេត្តក្លាយជាទីក្រុងផ្កាក្ងោក ដ៏ទាក់ទាញនារដូវក្ងោកផ្កា ។

សូមបញ្ជាក់ថា នៅក្នុងព្រឹត្តិការណ៍នៃពិធីរុក្ខទិវានេះ គណៈអធិបតី និងសមាជិកសមាជិកា​ទាំងអស់ បានចូលរួមដាំ និងចែកដើមឈើមានដូចជាដូង ដើមគគី ដើមក្ងោក សរុប ១៥០០ដើម ក្នុងចំណុចរង្វង់មូលព្រាបស នេះផងដែរ៕

អត្ថបទ៖ សឹង រ៉ាត់

The post អាជ្ញាធរខេត្តកែប ដាំកូនឈើ១៥០០ដើមតាមដងផ្លូវដើម្បីអបអរសាទរពិធី រុក្ខទិវា ៩កក្កដា ឆ្នាំ២០២៤ appeared first on Kampuchea Thmey Daily.

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា ក្នុងពិធី រុក្ខទិវា នៅថ្ងៃទី ០៩ ខែកក្កដានេះថា ​ក្នុងឆ្នាំ ២០២៤ រដ្ឋបាលព្រៃឈើទើបបញ្ចប់ការដាំដុះឈើចម្រុះចំនួន ១ ម៉ឺន ៦ ពាន់ ៥ រយដើម លើផ្ទៃដី ១០ ហិកតា ស្ថិតនៅស្រុកភ្នំក្រវ៉ាញ ខេត្តពោធិ៍សាត់។

គិតត្រឹមឆ្នាំ ២០២៤ ពិធីរុក្ខទិវា បានបង្កើតជាសួនសរុប ៤៧៥ ហិកតា នៅតាមបណ្ដារាជធានី-ខេត្តចំនួន ១៤ និងបង្កើតជាចម្ការជាង ៨ ម៉ឺនហិកតា និងសួនសារធារណៈជាច្រើនទៀត នៅ​តាម​សាលារៀន វត្តអារាម រមណីយដ្ឋាន និងសួនឯកជននានា។

លោក ឌិត ទីណា បានថ្លែងឱ្យដឹងទៀតថា រដ្ឋបាលព្រៃឈើបានបណ្ដុះ និងដាំកូនឈើ បាន​ចំនួន​ ២០,៥០ លានដើម តាមរយៈថវិការដ្ឋគិតត្រឹមឆ្នាំ ២០២៤ ជាមួយនឹងសមត្ថភាព​បណ្ដុះកូន​ឈើ​ដើម្បីដាំ និងចែក​ចាយ ៥០ ម៉ឺនដើមក្នុងមួយឆ្នាំ ខណៈកូនឈើរាប់លានដើមផ្សេងទៀត ត្រូវបានបណ្ដុះ និងដាំ​ដោយ​ប្រជាពលរដ្ឋ៕

អត្ថបទ៖ ឡេង ដេត

The post រដ្ឋ មានសមត្ថភាពដាំកូនឈើ ៥០ ម៉ឺនដើមក្នុងមួយឆ្នាំ appeared first on Kampuchea Thmey Daily.

ថ្លែងក្នុងពិធីអបអរសាទរ រុក្ខទិវា ៩ កក្កដា និងពិធីដាំដើមឈើ នៅអនុវិទ្យាល័យ ហ៊ុន សែន ជ័យធំ ឃុំជ័យធំ ស្រុកខ្សាច់កណ្ដាល ខេត្តកណ្ដាល លោក គង់ សោភ័ណ្ឌ មានប្រសាសន៍ថា ការដាំដើមឈើគ្រប់ប្រភេទ ក្នុងគោលបំណង​ជួយថែរក្សាបរិស្ថាន បង្កើនទេសភាព សោភ័ណភាព បង្កើតម្លប់ពណ៌បៃតង និងជាម្លប់ដ៏ត្រជាក់សម្រាប់លោកគ្រូ អ្នកគ្រូ សិស្សានុសិស្ស និងប្រជាពលរដ្ឋយើងផងដែរ។ ជាងនេះទៅទៀត ព្រៃឈើជាសម្បត្តិធម្មជាតិដ៏សំខាន់ ក្នុងការរក្សាលំនឹងបរិស្ថាន និងរួមចំណែកដល់ការអភិវឌ្ឍសេដ្ឋកិច្ច ទេសចរណ៍ធម្មជាតិ អេកូឡូស៊ី វប្បធម៌ និងជាជម្រកដ៏សុខសាន្តចំពោះ មនុស្ស សត្វគ្រប់ប្រភេទ ដែលមានជីវិតរស់នៅលើភពផែនដីយើងនេះ។

លោកអភិបាលខេត្ត បានបន្តថា ការបាត់បង់ធនធានព្រៃឈើ ជាចំណែកមួយក្នុងចំណោមបញ្ហាធំៗក្នុងពិភពលោក ដែលជះឥទ្ធិពលអាក្រក់ បង្កឱ្យដីបាត់បង់ជីជាតិ និងកើតមានគ្រោះធម្មជាតិ ដូចជា ភាពរាំងស្ងួត ទឹកជំនន់ ការប្រែប្រួលអាកាសធាតុ កម្ដៅផែនដីកើនឡើង។ល។ ដែលនាំឱ្យមានផលវិបាកក្នុងការរស់នៅទាំង មនុស្ស សត្វ និងរុក្ខជាតិ ជាពិសេសជួបប្រទះផលវិបាកក្នុង ផលរបរកសិកម្ម។

គួរបញ្ជាក់ថា រុក្ខទិវា ៩ កក្កដា ឆ្នាំ២០២២នេះ បានដាំដើមឈើ នៅតាមដងផ្លូវលេខ ៣៨៣ ផ្លូវលេខ ៣៨៣ M ប្រវែង ១៤ គីឡូម៉ែត្រ ស្ថិតនៅក្នុងឃុំរកាជន្លឹង និងឃុំជ័យធំ ស្រុកខ្សាច់កណ្តាល រួមមាន៖ ក្ងោក គីនីន និងដើមច័ន្ទគីរី សរុបចំនួន ២ ៨០០ ដើម។ ទន្ទឹមនឹងនេះ ខណ្ឌរដ្ឋបាលព្រៃឈើក៏បានយកកូនឈើចំនួន ៥ ០០០ ដើម ដើម្បីធ្វើការចែកជូនប្រជាពលរដ្ឋដែលបានអញ្ជើញចូលរួមនៅទីនេះផងដែរ៕

អត្ថបទ៖ សំអឿន

The post អភិបាលខេត្តកណ្ដាល ជំរុញអាជ្ញាធរ ពលរដ្ឋរួមគ្នាដាំដើមឈើ ដើម្បីបរិស្ថាន និងសោភ័ណភាព appeared first on Kampuchea Thmey Daily.

ពិធីនាព្រឹកនេះមានការអញ្ជើញចូលរួមជាកិត្តិយសពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ឯកឧត្តម ប្រធានសាលាដំបូងខេត្ត ឯកឧត្តម ព្រះរាជអាជ្ញានៃអយ្យការអមសាលាដំបូងខេត្ត លោកឧត្តមសេនីយ៍ទោស្នងការនគរបាលខេត្ត លោកឧត្តមសេនីយ៍មេបញ្ជាការកងកម្លាំងប្រដាប់អាវុធ លោក លោកស្រីនាយក នាយករងរដ្ឋបាលសាលាខេត្ត លោក លោកស្រីប្រធាន អនុប្រធានមន្ទីរ អង្គភាពជុំវិញខេត្ត លោកនាយ នាយរងខណ្ឌ លោកអភិបាល អភិបាលរងក្រុង ស្រុក ឃុំ-សង្កាត់ ក្រុមប្រឹក្សាឃុំ-សង្កាត់ ព្រះសង្ឃ មន្ត្រីរាជការ លោកគ្រូ អ្នកគ្រូ សិស្សានុសិស្ស និង ប្រជាពលរដ្ឋ សរុបប្រមាណជា២០០ នាក់។

ថ្លែងនៅក្នុងពិធីនាព្រឹកនេះ ឯកឧត្តម ជាវ តាយ អភិបាលខេត្តកំពត បានមានប្រសាសន៍ថា ពិធីបុណ្យ « រុក្ខទិវា » គឺជាព្រះរាជសកម្មភាពជាប្រវត្តិសាស្រ្តក្រោមព្រះរាជកិច្ចដឹកនាំប្រកបដោយព្រះបញ្ញាញាណភ្លឺស្វាងបំផុត របស់ព្រះករុណា ព្រះមហាវិរៈក្សត្រ ព្រះវៈរាជបិតាជាតិខ្មែរ ព្រះបាទសម្តេច ព្រះនរោត្តមសីហនុ ព្រះបរមរតនកោដ្ឋ ដោយព្រះអង្គបានឡាយព្រះហស្ថលេខាលើព្រះរាជក្រិត្យលេខ៧៣៨នស ចុះថ្ងៃទី០៨ ខែសីហា ឆ្នាំ១៩៥២។

ក្នុងទិសដៅបន្តវេនជាប្រពៃណី ពីសម័យសង្គមរាស្រ្តនិយម រាជរដ្ឋាភិបាល ក្រោមការដឹកនាំយ៉ាងម៉ឺងម៉ាត់បំផុត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដ៏ឆ្នើមនៃព្រះរាជាណាចក្រកម្ពុជា បានធ្វើកំណែទម្រង់វិស័យព្រៃឈើជារៀងរហូតមកដល់បច្ចុប្បន្ននេះ និងបានរៀបចំពិធីបុណ្យរុក្ខទិវា៩កក្កដា ជាប្រពៃណីគ្រប់បណ្តាខេត្ត រាជធានី ជារៀងរាល់ឆ្នាំ។ ដោយឡែក ខេត្តកំពត នៅសងខាងផ្លូវជាតិលេខ៣៣ កំពត-កែប ប្រវែង៣៥០០ម ក្នុងស្រុកទឹកឈូ ខេត្តកំពត រួមមានដើម បេង ធ្នង់ កូនក្ងោកសរុបចំនួន ២៥០ដើម៕

អត្ថបទ ៖ សេង ណារិទ្ធ

The post ខេត្តកំពត រៀបចំអបអរសាទរ«រុក្ខទិវា»៩កក្កដា ឆ្នាំ២០២១ នៅសងខាងផ្លូវជាតិលេខ៣៣ កំពត-កែប appeared first on Kampuchea Thmey Daily.