រដ្ឋ មានសមត្ថភាពដាំកូនឈើ ៥០ ម៉ឺនដើមក្នុងមួយឆ្នាំ

រាជរដ្ឋាភិបាល ដាំកូនឈើចំនួន ៣ ពាន់ដើម  នៅលើផ្ទៃដី ៣ ហិកតា នៅថ្ងៃទី ៩ ខែកក្កដា ឆ្នាំ ២០២៤ ដែលជាថ្ងៃ រុក្ខទិវា លើកទី ២៩។

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា ក្នុងពិធី រុក្ខទិវា នៅថ្ងៃទី ០៩ ខែកក្កដានេះថា ​ក្នុងឆ្នាំ ២០២៤ រដ្ឋបាលព្រៃឈើទើបបញ្ចប់ការដាំដុះឈើចម្រុះចំនួន ១ ម៉ឺន ៦ ពាន់ ៥ រយដើម លើផ្ទៃដី ១០ ហិកតា ស្ថិតនៅស្រុកភ្នំក្រវ៉ាញ ខេត្តពោធិ៍សាត់។

គិតត្រឹមឆ្នាំ ២០២៤ ពិធីរុក្ខទិវា បានបង្កើតជាសួនសរុប ៤៧៥ ហិកតា នៅតាមបណ្ដារាជធានី-ខេត្តចំនួន ១៤ និងបង្កើតជាចម្ការជាង ៨ ម៉ឺនហិកតា និងសួនសារធារណៈជាច្រើនទៀត នៅ​តាម​សាលារៀន វត្តអារាម រមណីយដ្ឋាន និងសួនឯកជននានា។

លោក ឌិត ទីណា បានថ្លែងឱ្យដឹងទៀតថា រដ្ឋបាលព្រៃឈើបានបណ្ដុះ និងដាំកូនឈើ បាន​ចំនួន​ ២០,៥០ លានដើម តាមរយៈថវិការដ្ឋគិតត្រឹមឆ្នាំ ២០២៤ ជាមួយនឹងសមត្ថភាព​បណ្ដុះកូន​ឈើ​ដើម្បីដាំ និងចែក​ចាយ ៥០ ម៉ឺនដើមក្នុងមួយឆ្នាំ ខណៈកូនឈើរាប់លានដើមផ្សេងទៀត ត្រូវបានបណ្ដុះ និងដាំ​ដោយ​ប្រជាពលរដ្ឋ៕

អត្ថបទ៖ ឡេង ដេត