ប្រភពពី នាយកដ្ក្ឋានប្រឆាំងបទល្មើសបច្ចេកវិទ្យា បានឱ្យដឹងថា ក្រុមហ៊ុន Microsoft បានរកឃើញជនខិលខូចដែលបង្កើតកម្មវិធីមេរោគ TodayZoo ដោយប្រើកូដពីកម្មវិធីមេរោគចាស់ ឬកម្មវិធីមេរោគដែលត្រូវបានដាក់បញ្ចូលដើម្បីលក់នៅក្នុងទីផ្សារងងឹត (phishing kit) ដោយសារតែមានកូដមួយចំនួនធ្លាប់ត្រូវបានប្រើពីមុន ប៉ុន្តែបច្ចុប្បន្នកូដទាំងនោះគឺមិនមានដំណើរការនោះទេ។ នៅក្នុងអុីមែលទាំងនោះ ជនខិលខូចបានធ្វើការបោកបញ្ឆោតជនរងគ្រោះឱ្យចុចនៅលើតំណភ្ជាប់ ដើម្បីបើកគេហទំព័រក្លែងបន្លំដែលមានការរចនាដូចគេហទំព័រ Microsoft 365 ឬក្រុមហ៊ុនមួយចំនួនទៀត។

ដោយសារកន្លងមក អ្នកប្រើប្រាស់បអ៊ីនធរណិត ឧស្សាហ៍ចាញ់បោកការបញ្ឆោតពីពួក ​Hacker ដូច្នេះដើម្បីសុវត្ថិភាពក្នុងការប្រើប្រាស់ឧបករណ៍បច្ចេកវិទ្យានានា នាយកដ្ក្ឋានប្រឆាំងបទល្មើសបច្ចេកវិទ្យា បានក្រើនរំឭកជាថ្មីដល់អ្នកប្រើប្រាស់ឱ្យមានការប្រុងប្រយ័ត្ននៅពេលដែលទទួលបានសារ ឬអុីមែលដែលទាមទារឱ្យវាយបញ្ចូលលេខសម្ងាត់ ព្រោះភាគច្រើនសារទាំងនោះគឺជាសារបោកបញ្ឆោតតែប៉ុណ្ណោះ ហើយអ្នកគួរតែធ្វើការទំនាក់ទំនងទៅក្រុមហ៊ុនតាមរយៈទូរសព្ទដោយផ្ទាល់ដើម្បីទទួលបានព័ត៌មានបន្ថែម៕

ចុចអាន៖ បង្ហោះកាតធនាគារជាសាធារណៈ មាន ៣ ចំណុចធំៗនេះ Hacker មិនទុកលុយឲ្យសូម្បីមួយរៀល

ចុចអាន៖ ៧ ចំណុចបង្កើតលេខសម្ងាត់ពិបាកនឹងស្មាន ដើម្បីជួយការពារគណនីក្នុងប្រព័ន្ធឌីជីថល

The post Microsoft ប្រកាសល្បិចថ្មីដែលពួក Hacker ប្រើបន្លំលួចយកលេខសម្ងាត់ appeared first on Kampuchea Thmey Daily.

បើតាមការអះអាងរបស់ជនអនាមិកបានបញ្ជាក់ថា លេខសម្ងាត់ទាំងអស់នេះគឺមានប្រវែងពី ៦ទៅ ៨ខ្ទង់ ពុំមានតួអក្សរប្រភេទ ASCII និងពុំមានការដកឃ្លាផងដែរ។ ក្រុមជនអនាមិកបានឱ្យឈ្មោះទាក់ទងនឹងការចែកចាយនេះថា RockYou2021 ដែលជាឈ្មោះស្រដៀងគ្នាទៅនឹងការវាយប្រហារ (RockYou) កាលពីឆ្នាំ ២០០៩ ដែលពេលនោះក្រុមជនអនាមិកបានធ្វើការវាយប្រហារចូលទៅក្នុងគេហទំព័របណ្ដាញទំនាក់ទំនងសង្គម ហើយបានលួចយកលេខសម្ងាត់ចំនួន ៣២ លានដែលបានរក្សាទុកដោយពុំមានប្រើប្រព័ន្ធអុីនគ្រីបសិន (encryption)។

ជនអនាមិកបានអះអាងផងដែរថា លេខសម្ងាត់ដែលគេកំពុងតែចែកចាយនោះមានចំនួន ៨២ ពាន់លាន ប៉ុន្តែបន្ទាប់ពីក្រុមអ្នកស្រាវជ្រាវបានធ្វើការវិភាគទៅលើទិន្នន័យនោះ ពួកគេបានរកឃើញថាលេខសម្ងាត់ទាំងអស់នោះគឺមានចំនួនតែ ៨.៤ ពាន់លានប៉ុណ្ណោះ។

ទោះជាយ៉ាងណាក្ដី ពួកគេគិតថា ចំនួននេះគឺវាច្រើនលើសលុបបើប្រៀបធៀបទៅនឹងចំនួនអ្នកប្រើប្រាស់ប្រព័ន្ធអនឡាញនៅជុំវិញពិភពលោក។

ដើម្បីសុវត្ថិភាពក្នុងការប្រើប្រាស់ឧបករណ៍បច្ចេកវិទ្យាអនឡាញ នាយកដ្ឋានប្រឆាំងបទល្មើសបច្ចេកវិទ្យា បានសូមឱ្យធ្វើការផ្លាស់ប្ដូរលេខសម្ងាត់ ប្រសិនបើលោកអ្នកពុំដែលបានធ្វើការផ្លាស់ប្ដូរ អស់រយៈពេលជាច្រើនខែ (ឬ ឆ្នាំ) មកហើយនោះ៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

ចុចអាន៖ ៧ ចំណុចបង្កើតលេខសម្ងាត់ពិបាកនឹងស្មាន ដើម្បីជួយការពារគណនីក្នុងប្រព័ន្ធឌីជីថល

ចុចអាន៖ តើ Google បរិច្ចាគថវិកាអស់ប៉ុន្មាន សម្រាប់ប្រឆាំងព័ត៌មានក្លែងក្លាយក្នុងឆ្នាំ ២០២១?

The post ការពារលេខកូដផ្ទាល់ខ្លួន! ពេលនេះលេខសម្ងាត់ជាង៨ពាន់លាន កំពុងលុកលុយដោយជនអនាមិក appeared first on Kampuchea Thmey Daily.

ដើម្បីអាចប្រើប្រាស់ប្រព័ន្ធបច្ចេកវិទ្យា លោកអ្នកតែងតែត្រូវការបញ្ចូលលេខសម្ងាត់ដើម្បីអាចចូលទៅប្រើឧបករណ៍ឬគណនីទាំងនោះ។ ការប្រើលេខសម្ងាត់មានសារៈសំខាន់ណាស់ ដើម្បីបញ្ជាក់អត្តសញ្ញាណ ដែលសូម្បីតែមនុស្សជំនាន់មុនក៏បានប្រើវិធីនេះ មុននឹងអនុញ្ញាតឱ្យជនណាម្នាក់ចូលទៅក្នុងផ្ទះរបស់ពួកគេ។

នាពេលបច្ចុប្បន្នការប្រើលេខសម្ងាត់ដែលពិបាកនឹងស្មានគឺវាមានសារៈសំខាន់ណាស់ដើម្បីការពារគណនី ឬដើម្បីចៀសវាងការចូលលួចទាញយកទិន្នន័យរបស់លោកអ្នក។ ដើម្បីឱ្យអ្នកប្រើប្រាស់មានការប្រុងប្រយ័ត្នជាមួយនឹងការប្រើប្រាស់លេខសម្ងាត់នោះ បានជាក្រុមអ្នកស្រាវជ្រាវមកពីក្រុមហ៊ុន Intel បានកំណត់យកថ្ងៃព្រហស្បតិ៍ដំបូងគេ ក្នុងខែឧសភាគឺជាថ្ងៃលេខសម្ងាត់សម្រាប់ពិភពលោក។

ដូច្នេះ នាយកដ្ឋានប្រឆាំងបទល្មើសបច្ចេកវិទ្យា បានណែនាំដល់ប្រជាពលរដ្ឋឱ្យមានការប្រុងប្រយ័ត្នខ្ពស់ក្នុងការប្រើ (រក្សាទុក) លេខសម្ងាត់ (Password) ក្នុងប្រព័ន្ធឌីជីថល។

ខាងក្រោមនេះគឺជាវិធីសាស្ត្រដែលធ្វើឱ្យលេខសម្ងាត់ពិបាកនឹងស្មាន ដើម្បីជួយការពារគណនីរបស់លោកអ្នក ៖

១- លេខសម្ងាត់ត្រូវមានយ៉ាងតិច ១០ខ្ទង់ (at least 10 digits)

២- មានបញ្ចូលជា តួអក្សរ តូច-ធំ ជាលេខ និងជាសញ្ញា លាយគ្នា ឧទាហរណ៍: p@$$GOand$ — “Pass Go and $”

៣- កុំប្រើព័ត៌មានផ្ទាល់ខ្លួនមានដូចជា ឈ្មោះ ថ្ងៃខែឆ្នាំកំណើត លេខផ្ទះ លេខទូរសព្ទ ជាលេខសម្ងាត់ ជាដើម

៤- សម្រាប់អ្នកមានគណនីច្រើន សូមជៀសវាងប្រើលេខសម្ងាត់ដូចៗគ្នា

៥- ប្រសិនបើលោកអ្នកឱ្យហាងទូរសព្ទបង្កើតលេខសម្ងាត់ឱ្យ លោកអ្នកត្រូវប្ដូរលេខសម្ងាត់ចាស់ចោលឱ្យបានឆាប់បំផុត

៦- សូមកុំរក្សាទុក (Save) លេខសម្ងាត់ក្នុងកំព្យូទ័រ ឬទូរសព្ទ

ទ៧-សូមកុំចុចលើតំណរភ្ជាប់ (ឬវាយបញ្ចូលលេខសម្ងាត់) ដែលលោកអ្នកបានទទួលតាមរយៈ អុីមែល ឬសារ ដោយពុំបានស្នើសុំ៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

ចុចអាន៖ ព្រមាន! មុខងារ Night Shift នៅលើស្រ្គីនគ្មានប្រយោជន៍សម្រាប់ដំណេកឡើយ

The post ៧ ចំណុចបង្កើតលេខសម្ងាត់ពិបាកនឹងស្មាន ដើម្បីជួយការពារគណនីក្នុងប្រព័ន្ធឌីជីថល appeared first on Kampuchea Thmey Daily.