បច្ចេកវិទ្យា

បង្ហោះកាតធនាគារជាសាធារណៈ មាន ៣ ចំណុចធំៗនេះ Hacker មិនទុកលុយឲ្យសូម្បីមួយរៀល

បានផុស

២ years មុន

នៅ

ថ្ងៃអង្គារ ១៩ តុលា ២០២១

ដោយ

ជាទូទៅកាតធនាគារ មិនថាជា Visa card, Mastercard ឬ UnionPay សុទ្ធតែមានលេខ ៣ ខ្ទង់ បង្ហាញច្បាស់លាស់នៅខាងក្រោយកាតទាំងអស់ រួមទាំងព័ត៌មានសំខាន់ៗមួយចំនួននៅលើកាតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ អ្នកប្រើប្រាស់ទាំងអស់ ពិតជាមិនបានចាប់អារម្មណ៍នោះទេ នៅ៣ចំនុចធំៗនេះ ជាពិសេសគឺលេខ៣ខ្ទង់ ដែលមាននៅក្រោយកាត ( CVV )។ ព្រោះប្រសិនបើអ្នកបង្ហាញលេខនោះទៅទីសាធារណៈ ឬទៅនរណាម្នាក់ នោះយើងអាចក្លាយជាជនរងគ្រោះ តាមប្រព័ន្ធបច្ចេកវិទ្យាដោយមិនដឹងខ្លួន។

សម្រាប់ព័ត៌មានសំខាន់ ៣ ធំៗ ដែលម្ចាស់កាតធនាគារទាំងអស់មិនត្រូវបង្ហាញជាសាធារណៈ ប្រការក្រែងមានជនខិលខូចស្គាល់ អាច hack យកបានដូចជា ៖

១ លេខលើកាតចំនួន ១៦ ខ្ទង់ ។

២ កាលបរិច្ឆេទផុតកំណត់នៃកាត ។

៣ លេខ CVV លើកាតរបស់អ្នក។

ទន្ទឹមនេះ ប្រសិនបើជនខិលខូចស្គាល់តែ លេខ CVV (លេខ៣ខ្ទង់ក្រោយកាត) មួយមុខ ក៏មិនអាច hack លុយពីកុងធនាគារ ឬប្រើប្រាស់កាតយើង ដើម្បីទូទាត់បានឡើយ ពោលគឺបើគេស្គាល់តែលេខ CVV កាត់របស់យើង នៅតែមានសុវត្ថិភាព។

កាតយើងអាចគ្មានសុវត្ថិភាព ឬបញ្ជាក់បានថាមានគេ hack ចូលយកលុយក្នុងកុងអស់គ្មានសល់ ប្រសិនបើយើងបានបង្ហាញព័ត៌មានសំខាន់ៗ ៣ ខាងលើនោះជាសាធារណៈ ដែលនាំឲ្យមានក្រុមឧក្រិដ្ឋជនបច្ចេកវិទ្យាព័ត៌មាន អាចទាញយកព័ត៌មានទាំងនោះ ទៅក្លែងបន្លំធ្វើជាប្រតិបត្តិការចរន្តផ្ទេរប្រាក់ផ្សេងៗបាន ឬ hack យកលុយក្នុងកុងរបស់យើងអស់ជាមិនខានឡើយ។