បើតាមលោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ ប្រាប់មុននេះបន្តិចថា ក្រោយពីសាកសួរ និងទទួលស្គាលកំហុក និងដោយទទួលបានការអនុញាតពីលោកឧត្ដមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនៃស្នងការដ្ឋាននគរបាលរាជធានីភ្នំពេញ បានអនុញាតឲ្យលោក ប៊ុន រស្មី ហៅ ប៊ុន ផាក ត្រឡប់ទៅផ្ទះវិញផងដែរ។

គួររំលឹកថា បុគ្គលឈ្មោះ ប៊ុន រស្មី ហៅ ប៊ុន ផាក ដែលគេស្គាល់ថា ជាគ្រូជោគជ័យ និងអ្នកសម្បូរទ្រឹស្ដិ កាលពីពេលថ្មីៗនេះបានបង្ហោះសារនៅលើបណ្ដាញសង្គមរបស់ខ្លួនដោយបានលើកឡើងថា «កំចាត់ក្មេងទំ និងចោរប្លន់ឲ្យបានទៅ ទើបអាចនិយាយបានថា យើងមានសន្តិភាព។

ក្រោយបង្ហោះសំណេរនេះឡើង មានមហាជន ក៏ដូចជាអ្នកលេងបណ្ដាញសង្គមជាច្រើនបានបញ្ចេញមតិរិះគន់ទៅលើបុគ្គលរូបនេះ ហើយខ្លះទៀតក៏បានលើកឡើងថា បុគ្គលរូបនេះមិនទាន់យល់ពាក្យ សន្តិភាព។

លោកឧត្ដមសេនីយ៍ឯក ជូន ណារិន្ទ អគ្គស្នងការរង និងជាស្នងការនៃស្នងការដ្ឋាននគរបាលរាជធានីភ្នំពេញ កាលពីថ្ងៃទី១៦ ខែមីនា ឆ្នាំ២០២៥ បន្ទាប់ពីបានឃើញនូវការបង្ហោះរបស់បុគ្គលឈ្មោះ ប៊ុន ផាក ក៏បានបញ្ជាឲ្យជំនាញខាងផែនសន្តិសុខអញ្ជើញបុគ្គលរូបនេះមកបំភ្លឺផងដែរ៕

អត្ថបទ៖ សុខុម

The post លោក ប៊ុន ផាក ទទួលស្គាល់កំហុស និងយល់ព្រមធ្វើកិច្ចសន្យាពាក់ព័ន្ធការផ្សព្វផ្សាយបំភ្លៃពាក្យ សន្តិភាព appeared first on Kampuchea Thmey Daily.

បើតាមលោក សំ វិច្ឆិកា បុគ្គលឈ្មោះ ប៊ុន ផាក កាលពីថ្ងៃទី១៩មីនា ម្សិលមិញក៏បានបង្ហោះផ្សព្វផ្សាយតាមផេកផ្ទាល់ខ្លួនបកស្រាយមួយចំនួនអំពីពាក្យ(សន្តិភាព)រួចហើយផងដែរ។ តាមសំណេររបស់បុគ្គលឈ្មោះ ប៊ុន ផាក ដោយសារខ្លួនព្រួយបារម្ភនឹងចោរឆក់កាបូបមិត្តភក្តិខ្លួនជាជនបរទេសឈ្មោះChrist។

អ្នកនាំពាក្យបញ្ជាក់បន្ថែមថា អំពើឆក់ និងអំពើចោរកម្ម គឺជាបាតុភាពក្នុងសង្គមមួយដែលកើតឡើងតែមួយជ្រុងតូច ដែលសមត្ថកិច្ចមានតួនាទីភារកិច្ចយកចិត្តទុកដាក់បង្រ្កាប ហើយតែងបង្រ្កាបបានជាបន្តបន្ទាប់។ ដោយឡែកពាក្យសន្តិភាព គឺសំដៅប្រទេសគ្មានសង្រ្គាម ដែលទទួលបានការធានាអាយុជីវិត ទ្រព្យសម្បត្តិ ប្រជាជន និងហេដ្ឋារចនាសម្ពន័្ធទូទៅដែលបានរីកដុះដាលក្នុងប្រទេសដែលមានសន្តិភាព ហើយប្រជាជនមានសិទ្ធិប្រកមុខរបរ រកកស៊ី ធ្វើការងារបានដោយសេរី ទៅតាមលទ្ធភាព សមត្ថភាពរបស់ខ្លួន។ ពាក្យថាសន្តិភាព គឺមានតម្លៃធំធេងណាស់ សម្រាប់សង្គមជាតិមួយដែលចាំបាច់យើងគ្រប់គ្នាត្រូវតែថែរក្សាការពារឲ្យបានជាដាច់ខាត។

គួររំលឹកថា បុគ្គលឈ្មោះ ប៊ុន រស្មី ហៅ ប៊ុន ផាក ដែលគេស្គាល់ថា ជាគ្រូជោគជ័យ និងអ្នកសម្បូរទ្រឹស្ដិ កាលពីពេលថ្មីៗនេះបានបង្ហោះសារនៅលើបណ្ដាញសង្គមរបស់ខ្លួនដោយបានលើកឡើងថា «កំចាត់ក្មេងទំ និងចោរប្លន់ឲ្យបានទៅ ទើបអាចនិយាយបានថា យើងមានសន្តិភាព។

ក្រោយបង្ហោះសំណេរនេះឡើង មានមហាជន ក៏ដូចជាអ្នកលេងបណ្ដាញសង្គមជាច្រើនបានបញ្ចេញមតិរិះគន់ទៅលើបុគ្គលរូបនេះ ហើយខ្លះទៀតក៏បានលើកឡើងថា បុគ្គលរូបនេះមិនទាន់ស្គាល់ពាក្យ សន្តិភាព។

លោកឧត្ដមសេនីយ៍ឯក ជូន ណារិន្ទ អគ្គស្នងការរង និងជាស្នងការនៃស្នងការដ្ឋាននគរបាលរាជធានីភ្នំពេញ កាលពីថ្ងៃទី១៦ ខែមីនា ឆ្នាំ២០២៥ បន្ទាប់ពីបានឃើញនូវការបង្ហោះរបស់បុគ្គលឈ្មោះ ប៊ុន ផាក ក៏បានបញ្ជាឲ្យជំនាញខាងផែនសន្តិសុខអញ្ជើញបុគ្គលរូបនេះមកបំភ្លឺផងដែរ៕

អត្ថបទ៖ សុខុម

The post អ្នកនាំពាក្យ៖ បុរសឈ្មោះ ប៊ុន រស្មី ហៅ ប៊ុន ផាក នឹងចូលខ្លួនបំភ្លឺនៅស្នងការរាជធានី នៅថ្ងៃទី​២១​មីនា អំពីពាក្យ សន្តិភាព appeared first on Kampuchea Thmey Daily.

សហគ្រិនវ័យក្មេង ប៊ុន ផាក ត្រូវបានគេចាប់អារម្មណ៍ក្រោយពីលោកបានបង្ហោះពាក្យមួយឃ្លា បន្ទាប់ពីជួបរឿងរកាំរកូសស្នេហា ជាមួយគូស្នេហ៍ ម្ចាស់ហាង V Shop Cambodia អ្នកនាង ស៊ាន សុធារី ដែលធ្វើឲ្យលោកក្លាយជាជនទី ៣ និងត្រូវបានចូលខ្លួនទៅដោះស្រាយបញ្ហានៅតុលាការ ជុំវិញរឿងទាំងនោះផងដែរ។ ដោយឡែកកាលពីម្សិលមិញនេះ លោកបានបង្ហោះនៅលើហ្វេសប៊ុកផ្ទាល់ខ្លួនថា “ធ្លាប់ជួបការប្រមាថ ទើបដឹងពីតម្លៃនៃពាក្យកោតសរសើរ” ដែលធ្វើឲ្យអ្នកលេងបណ្ដាញសង្គមហ្វេសប៊ុកជាច្រើន ចូលខមិន និងស៊ែរ ក្នុងនោះមានទាំងពាក្យលើកទឹកចិត្ត និងពាក្យសើចចំអក។ ទោះជាយ៉ាងណាលោក ក៏មិនបានតបតអ្វី ចំពោះខមិនទាំងនោះដែរ។

គួររំលឹកថា ក្រោយជួបព្យុះភ្លៀងស្នេហានិងបញ្ហាជាច្រើនមក កាលពីខួបស្នេហ៍រយៈពេល ៥ ខែ លោកក៏បានស៊ុបប្រាយ នៅសំបុត្រស្នេហាដ៏ផ្អែមល្អែមទៅកាន់គូស្នេហ៍ អមជាមួយស្នាមក្រែម និងពាក្យពេចន៍ ធ្វើឲ្យមានការច្រណែនពីមនុស្សជាច្រើន បើទោះបីថា ស្នេហាអ្នកទាំងពីរជួប​ឧបសគ្គ​យ៉ាងណាក៏ដោយ៕

អត្ថបទ៖ ផានិត

The post ប៊ុន ផាក បង្ហោះពាក្យមួយឃ្លា ក្រោយជួបព្យុះភ្លៀងជាច្រើន appeared first on Kampuchea Thmey Daily.

នេះបើតាមការបង្ហោះរបស់ម្ចាស់ហាង V Shop Cambodia ដែលទើបមានរឿងរកាំរកូសស្នេហា និងមានការប្ដឹងផ្ដល់ផ្ទុះបណ្ដាយសង្គមហ្វេសប៊ុក បានធ្វើឲ្យមានអ្នកច្រណែនពីសម្ព័ន្ធស្នេហារវាង ស៊ាន ធារី និង ប៊ុន ផាក។ តាមរយៈសារសរសេរដោយដៃគួបផ្សំជាមួយស្នាមថើបផងនោះ មានខឹ្លមសារថា «Happy 5th Month Anniversary អូន​សម្លាញ់​! ថ្ងៃ ១២-១២-២០២១ ជា​ថ្ងៃ​ដែល​បង​មាន​សេរីភាព និង បាន​ជួប​អូន​ឡើងវិញ បង​សប្បាយចិត្ត​គ្មានអ្វី​ប្រៀប​បានទេ​! បង​ធ្លាប់បាន​ភ្លក់​រសជាតិ​ជីវិត​ដែល​គ្មាន​អូន​វា​តែលតោល​ប៉ុណ្ណា​។ រឿង​ដែល​កើតឡើង​លើក​នេះ វា​ធ្វើឱ្យ​ស្នេហា​យើង​រឹងមាំ និង​ចាស់ទុំ​ជាង​មុន​។ អរគុណ​រឿងនេះ បើ​គ្មាន​វា​ទេ បង​ក៏​មិនដឹងថា​វា​មាន​តំលៃ​ប៉ុណ្ណា យើង​ហ៊ាន​លះបង់​ចំពោះ​វា​ប៉ុណ្ណា​ដែរ​។ យើង​កាន់​ដៃ​គ្នា​ដើរ​ទៅមុខទៀត បង​សង្ឃឹមថា​អូន​នឹង​ញញឹម​បែប​គ្មាន​កង្វល់​បែបនេះ​រហូត រង់ចាំ​ផ្តល់​កម្លាំងចិត្ត​អូន និង​ឱប​អូន​រាល់ថ្ងៃ​។ Love You BP Love YURI»​។​

ក្រោយទទួលពាក្យផ្អែមល្ហែមនេះរួចមក ស៊ាន ធារី ម្ចាស់ហាង V Shop Cambodia បានផុសថា «ក្រដាសមួយសន្លឹកនេះអាចឱ្យខ្ញុំញញឹមពោរពេញដោយក្តីសុខ ជាងបានចិញ្ចៀនពេជ្រមួយវង់ទៅទៀត ខ្ញុំទើបដឹងខ្លួនថា ខ្ញុំខានញញឹមបែបនេះយូរហើយ។ មនុស្សពេញមួយផែនដី អាចមើលងាយស្នេហាពួកយើង ទាំងដែលគេមិនដឹងច្បាស់ថាការពិតវាយ៉ាងណា សុំត្រឹមតែយើងពីរនាក់ដឹងខ្លួនច្បាស់ទៅបានហើយ។ ក្រោយឆ្លងកាត់ឧបសគ្គលើកនេះហើយ វាធ្វើឱ្យស្នេហាយើងកាន់តែរឹងមាំ និង មានតម្លៃជាងមុនទៀត Love you BP» ។

តាមរយៈ​លិខិតថ្លែងក្នុងខួបស្នេហ៍រយៈពេល ៥ ខែនេះ មានការចូលរួមអបអរសាទរជាច្រើន និងមានការជូនពរសម្រាប់គូស្នេហ៍អ្នកទាំង ២ នេះឲ្យស្រលាញ់គ្នាដល់ចាស់រៀងៗខ្លួន៕

អត្ថបទ៖ ផានិត

The post ស្ទើរលើសជាតិស្ករ ក្នុងថ្ងៃខួបស្នេហ៍ ៥ ខែរបស់ម្ចាស់ហាង V Shop Cambodia ជាមួយ ប៊ុន ផាក appeared first on Kampuchea Thmey Daily.

លោក​ប៊ុន រស្មី ហៅ ប៊ុន ផាក ត្រូវ​សមត្ថកិច្ច​ចាប់​ដាក់​ខ្នោះ​បញ្ជូន​មក​អយ្យការ​អម​សាលាដំបូង បន្ទាប់ពី​មាន​ពាក្យបណ្ដឹង​របស់​បុរស​ម្នាក់​ឈ្មោះ ជា ចាន់​តុលា បាន​ដាក់​ពាក្យ​ប្ដឹង​ពី​បទ​ឆបោក និង​ក្លែងបន្លំ​ជា​មេធាវី​នៅ​ក្នុង​ទំនាស់​មួយ​មាន​ទម្រង់​ដូចជា​ស្នេហា​ត្រីកោណ​យ៉ាង​មិ​ច​មិន​ច្បាស់លាស់ ហើយ​សមត្ថកិច្ច​ក៏​ឃាត់ខ្លួន​បញ្ជូន​មក​តុលាការ។

ក្នុង​នោះ​ ក្រោយ​ការសាកសួរ​ពេញ​មួយថ្ងៃ លោក គឹម ហុង​សាន ព្រះរាជអាជ្ញារង​អម​សាលាដំបូង​បានសម្រេច​ដោះលែង​ឲ្យ​គ្រូ​ជោគជ័យ​ឈ្មោះ ប៊ុន រស្មី ឲ្យ​ត្រឡប់ទៅ​ផ្ទះ​វិញ​នា​ព្រលប់​នេះ តែ​សំណុំរឿង​នៅ​បន្ត​តាម​នីតិវិធី​នា​ព្រឹកស្អែក៕

ដោយ ៖ មករា

The post តំណាង​អយ្យការ​ដោះលែង​លោក ប៊ុន ផាក ឲ្យនៅក្រៅឃុំ តែ​សំណុំរឿង​នៅ​បន្ត​ appeared first on Kampuchea Thmey Daily.